57	GEN 3:1	Bada Maimaituwa gunuwala ḡamoḡamodi i voiyedi bi mododimo mwata ba ḡamoḡamo wai kaikaiyovuna. Mwata waivini i waitalayena gado, “Giukauwa te Maimaituwa i giuwemi te kai matabudi daibi modonemo mote koma kanidi?”
65	GEN 3:9	Bada Maimaituwa oloto i yogena gado, “Adam, tam bamo?”
67	GEN 3:11	Bi Maimaituwa oloto i giuwena gado, “Aiyai i giuwem te tam kofakofam? Tam kai e waiḡakena votana kuna kani?”
69	GEN 3:13	Kamaina bi Bada Maimaituwa waivini i waitalayena gado, “Bai aubaina niga mainana kuna voiye?” Bi waivini i giuna gado, “Mwata i kaiyovuḡegu te e kani.”
86	GEN 4:6	Kamaina bi Bada Kein i giuwena gado, “Bai aubaina kwa medimedi? Bai aubaina matam i nuwavitale?
89	GEN 4:9	Niga kauwina i tubuḡa mulinemo Bada Kein i wai talayena gado, “Tasim Eibol bamo?” Kein Bada i giuwena gado, “Mote yà sibe, tagu bena tana taulabena?”
90	GEN 4:10	Kamaina bi Bada i giuwena gado, “Bai aubaina kauwa wai nuwanainailina kuna voiye? Tinanatum kwasinina doḡamo ya ḡabaḡaba, lisigumo laubiwa aubaina.
415	GEN 17:17	Eiblaḡam tuwapekana i waitupagwaliḡe matana doḡamo bi noponemo nuwana i waigwaigwai bi taunaḡa i giu munaḡena gado, “Ḡemoḡemotina oloto ena kwalabu 100 bi yai natuna? Bi kota Sela ena kwalabu 90 bi yai natuna?”
416	GEN 17:18	Eiblaḡam Bada i giuwena gado, “Bi Ismael bainewa, maso ḡemoḡemotina kuna kavisuvisu?”
434	GEN 18:9	Tedi ai talayena gado, “Mwanem Sela bamo?” Bi Eiblaḡam i giuwedina gado, “Tana palai noponemo.”
437	GEN 18:12	Sela nuwana i waigwaigwai bi i giuna gado, “Tagu egu bada vaitena kei magula kauwa bi ke ḡoḡosi. Bi ḡemoḡemotina kai natuna, ee?”
438	GEN 18:13	Bada Eiblaḡam i wai talayena gado, “Bai aubaina Sela i gwai bi i giuna gado, ‘Tagu ei magula bi ḡemoḡemotina yai natuna?’
439	GEN 18:14	Mwali bai i pilipili gulata lisigumo te yà voiye? Kage mainana e giugiuna, tagu yà nato munaḡa, niga mainana laḡannemo bokina kwalabunemo bi mwanem Sela gomana olotona ya bewa.”
448	GEN 18:23	Eiblaḡam i nawa Bada diyaotinemo bi i giuwena gado, “Giu kauwa te lava visuvisudi bi gebogebodi vaitedi kwa kovoḡidi?
449	GEN 18:24	Bamoda lava 50 didimanidi malagai dididiginemo, tam male kwa kovoḡi bi mote kuma nuwa munaḡedi?
450	GEN 18:25	Mba mote i visu. Mote kuma voiye. Tam mote lava visuvisudi bi gebogebodi vaitedi kumai pekidi, kauwina ḡemotina kwa voiye, lava didimanidi bi balebaledi lisidimo. Geḡa. Tam bena taulaididimana dobu matabunemo, ee? Tam bena kwa etale kauwemai.”
453	GEN 18:28	Bamoda lava 45 visuvisudi malagaina dididiginemo, tam male matabuna kwa kovoḡi?” Kamaina bi Bada i giuna gado, “Bamoda ḡome 45 visuvisudi e banavidina ba mote yàma kovoḡidi.”
454	GEN 18:29	Eiblaḡam i waitala munaḡana gado, “Bamoda ḡome 40 visuvisudi kuna banavidina ba bainewa?” Bi Bada i giuna gado, “Ḡome bi 40 e banavidina ba mote yàma voiye.”
455	GEN 18:30	Eiblaḡam i giuna gado, “Aee, egu bada, kuma mediyegu, avedi bi yà tala munaḡa bamoda 30 ota kuna banavidina ba bainewa?” Bi Bada i giuna gado, “30 ota e banavidina ba mote yàma voiye.”
456	GEN 18:31	Eiblaḡam i giuna gado, “Aee bada, egu laudabatola kwa noḡotikamaḡe bamoda 20 ota kuna banavidina ba bainewa?” Bada i giuna gado, “Bamoda 20 ota e banavidina, mote yàma kovoḡidi.”
457	GEN 18:32	Eiblaḡam i giuna gado, “Aee egu bada, kuma mediyegu, avedi te maḡemota yà giu munaḡa bamoda 10 ota kuna banavidina ba bainewa?” Bada i giuna gado, “Bamoda 10 ota e banavidina ba tagu mote yàma kovoḡidi.”
463	GEN 19:5	Loti lisinemo a binau saḡana gado, “Olooloto labu kage lisimmo a tavatavana bamo sa miyamiya? Tama ka ḡoeḡoena, kwa ka potiyovodi bi vaitedi kaipasa.”
470	GEN 19:12	Kamaina bi olooloto labu Loti a giuwena gado, “Tama ḡotona te niga dobuna ka kovoḡi. Bada waiwavu dididiga i vaiye niga malagaidimo bi i giu kamaḡemai te kai kalaḡosedi. Bamo natunatum, botibotiyam bi em lava ḡesaudi niga ḡome? Matabudi kwai dolidi bi niga malagaina ko gose kamaḡe.”
555	GEN 22:7	Bi Aisik i giuna gado, “Tamagu!” Bi Eiblaḡam ena giu i waimunena gado, “Koko bai?” Aisik i waitalayena gado, “Tada kai bwainina bi kai matana ani waikalakabina te legaudi bi sipu ani gabuḡosa bamo?”
681	GEN 25:22	Bi tana bwaganemo laḡalaḡa a miyamiya. Bi ena tau vaitena tinedi bwaganemo a waiḡinana. Taunana aubaina Lebeka Bada i wai talayena gado, “Niga bai kauwina lisigumo ya tubutubuḡa?”
691	GEN 25:32	Bi Iso i giuna gado, “Ei kwa kitagu! Tagu ḡotona te kani pekina yà peki. Niga budelina bai visuvisuna ya vitegu?”
1092	GEN 37:8	Bi tuwatuwaḡana tana ai talayena gado, “Tam kwa ḡoeḡoena waibada kwa vai bi kwai badayemai, ee?” Ḡome tedi tana a daboke otiye banina tana ena giu bi ena lauboni aubaidi.
1098	GEN 37:14	Kamaina bi Deikap i giuwena gado, “Kwa nawa bi tuwatuwaḡam bi ḡamoḡamo kwa kitedi, tedi kamaina ee geḡa? Bi kwa nato te kwa giuwegu.” Kamaina bi tana Ḡiblon wapunemo bi i nawa Sekem. Bi laḡannemo Diyousep Sekemmo i tavatava
1099	GEN 37:15	ba tana i wai nuwanaina. Bi oloto ḡemota i wai talayena gado, “Tam bai kwa tavutavuḡe?”
1100	GEN 37:16	Bi Diyousep ena giu i waimunena gado, “Tagu tuwatuwaḡagu ya tavutavuḡedi. Kamaina ee geḡa te maso kuna giuwegu bamo ḡome tedi ḡamoḡamo sa labelabedi?”
1110	GEN 37:26	Kamaina bi Diuda tuwatuwaḡana i giuwedina gado, “Bamoda tasida tai peki bi ena peki tai malimaliuwena, ba yaḡolo damonemo bai ta banavi?
1114	GEN 37:30	Kamaina bi Lubin i munaḡa tasitasina lisidimo bi i giuwedina gado, “Tasida niga ḡome geḡa, niganana tagu bai ya voiye?”
1116	GEN 37:32	Tedi mba kwamana a vai nawe tamedi lisinemo. Bi a giuwena gado, “Niga kwamana tama ke vai bi kwa kita, aiyai ena kwama?”
1180	GEN 40:7	Kamaina bi Diyousep i waitalayedina gado, “Bai aubaina niganana matemi a kuluva?”
1181	GEN 40:8	Bi tedi ena giu ai munena gado, “Tama ke lauboni bi aiyai ema lauboni banidi yaka maḡatidi?” Bi Diyousep i giuna gado, “Maimaituwa lisinemo ba ḡemoḡemotina te mba laubonidi banidi ya giuwaimaḡatidi. Emi lauboni ko giuwegu.”
1254	GEN 42:1	Deikap bi ena vanuwa lavedi Keinanmo a miyamiya bi Deikap i vaiye te kani Idipmo ba natunatuna i giuwedina gado, “Bai aubaina ko wai miyamiya?
1562	EXO 2:7	Kamaina bi gomana nuvuna ḡalibona natuna i waitalayena gado, “Ḡemoḡemotina maso e nawa Ḡibulu waivinina ei doli tavaite bi gomana i waisusu aubaim ee?”
1568	EXO 2:13	Bokinamai Mousis i munaḡa ena lava lisidimo bi i kita te Ḡibulu oloolotodi a wai ḡasiḡasi. Kamaina bi waiḡasiḡasi tauwaitubuna i waitalayena gado, “Bai aubaina falom Ḡibulu kwa katikativunu?”
1569	EXO 2:14	Ḡome olotona i giuna gado, “Tam aiyai ḡailisi i vitem bi kwa waibadaemai? Tam kuna ḡoeḡoena tagu kwai pekigu, mai maḡo Idip lavana kuna waipekina, ee?” Ḡome Mousis i naila bi i wai noḡotana gado, “Bai e voivoiyena gode lava matabudi kaikana a sibe.”
1583	EXO 3:3	Mousis noponemo i wainoḡotana gado, “Yà nawa te niga kauwina mote ani tubuḡa bi i tubuḡa, yà kita. Bai aubaina mote kai tomboluna ima kalakalati?”
1593	EXO 3:13	Bi Mousis Maimaituwa i giuwena gado, “Laḡannemo yà nawa Islael lavedi lisidimo bi yà giuwedina gado, ‘Emi magumagula edi Maimaituwa i giukamaḡegu lisimimo.’ Bi simai talayegu gado, ‘Tana bainewa isana?’ Te tagu bainewa yà giuwedi?”
1843	EXO 12:26	Bi bamoda natunatumi sai talayemina gado, ‘Niga soina banina bai?’
1882	EXO 13:14	“Laḡan muliḡa natunatumi sai talayemina gado ‘Bai aubaina niga mainana ta voivoiye?’ Ba temi niga mainana ko giuwedi, ‘Tama Idip dobunemo ke wai taupaula yababa bi Bada ena ḡailisi dididiginemo i kaikamaḡemai.
1901	EXO 14:11	Bi Mousis a giuwena gado, “Ei Mousis bai kuna voiye? Mai bena Idipmo tauyewa geḡa bi kunai dolimai te niganana kalakalalelemo ka peki.
1905	EXO 14:15	Kamaina bi Bada, Mousis i giuwena gado, “Bai aubaina lisigumo ko binabinau? Islael lavedi kwa giuwedi te ko nawa ota.
1932	EXO 15:11	‘Oo Bada bamo mote diyammo maimaituwa ḡesau mai tam? Geḡa, geḡa ota! Oo Bada tam giukauwa te namalim waiyawa i ḡailisi gulata bi anisove kauwidi kwa voivoiyedi.
1945	EXO 15:24	Bi lava a wawalu Mousis lisinemo bi a giuna gado, “Bai ka tego?”
1963	EXO 16:15	Bi laḡannemo Islael lavedi a kitakita ba mote a sibe te bai mwalina bi taudiḡa ai talavivilana gado, “Niga bai mwalina?” Bi Mousis i giuwedina gado, “Niga kanina ba Bada i vitemi te ko kani.
1970	EXO 16:22	Bi laḡan wai 6-nemo ba ḡemoḡemotaḡa kani a laitupa te kaputila 4 luvana ba lava ḡemota aubaina. Kamaina bi Islael wai babadidi a nawa Mousis lisinemo bi ai talayena gado, “Laḡan onena ba kaputila labu luvedi ke lailaitupa bi bai aubaina niganana kaputila 4 ka laitupa?”
1976	EXO 16:28	Kamaina bi Bada, Mousis i giuwena gado, “Lava kwa giuwedi ‘Temi wala te niganana bai aubaina mote egu waiḡake bi egu wailovelove koma kaikaiwatedi?
1986	EXO 17:2	Taunana aubaina tedi Mousis vaitena ai kagiu bi a giuwena gado, “Gauba ku vitemai, ka tego!” Bi Mousis i giuwedina gado, “Temi bai aubaina ko giugiuvitavitala bi kota Bada ko wai laulubu?”
1987	EXO 17:3	Bi ḡome lava gadomagu a vokwalekwaleye bi Mousis a giu vitavitalena gado, “Tam bai aubaina ma natunatumai bi ema ḡamoḡamo vaitedi kuna kapotiyovomai Idipmo bi niganana gadomagu yai pekimai?”
1988	EXO 17:4	Kamaina bi Mousis Bada lisinemo i binau saḡana gado, “Bada, niga lavedi bainewa yà voiyedi? Tedi sebuna te sa lauḡakimigu.”
1991	EXO 17:7	Kamaina bi Mousis mba dobuna i wai isana Giuvitavitala bi Laulubu, banina Islael lavedi ḡome a giuvitavitala bi Bada laulubumo a sako bi a giuna gado, “Bada niga ḡome vaiteda ee geḡa?”
2007	EXO 18:7	Mba ḡome Mousis i potiyovo te botiyana Detolo matanemo i laudune bi i waisuluve. Kamaina bi ḡome ai tala vivilana gado, “Tam yawayawasanim, ee?” Kamaina bi palai noponemo a sola nawa.
2014	EXO 18:14	Laḡannemo botiyana Detolo i kita te Mousis bai matabuna lava aubaidi i voivoiye ba i giuwena gado, “Bai aubaina te mba kauwina tam taumḡa lava aubaidi kwa voivoiye? Taumḡa kuna miya bi lava a moito kwaivivilem bi kuna waitalapiliyedina eete suwala i bulu?”
2460	EXO 32:21	Ḡome tana Elon i giuwena gado, “Niga lavedi bai kauwinemo nuwam a liuwe bi kunai aninedi te niga gebona dididiga a voiye?”
4094	NUM 13:18	bi ḡome dobuna ko tigane te ko kita te lava wapawapa ee visa ota sa miyamiya. Tedi ḡaiḡailisidi ee gwaḡegwaḡedi?
4095	NUM 13:19	Bi edi doḡa ko kita te visuvisuna ee gebogebona. Bi kota edi taun ko kita, a ganakuku ee geḡa?
4096	NUM 13:20	Bi doḡa ko kita, maumaulina ee gomegomelina? Kai ḡome sa moimoito ee geḡa? Bamoda sa moimoito ba votedi vaitedi ko legau natomedi te ka kitedi.” (Mba guleipi ena vota laḡanina.)
4316	NUM 20:4	Bai aubaina Bada ena lava kunai doli tavaitemai niga kalakalalelemo? Te tama bi ema ḡamoḡamo vaitedi ka peki.
4317	NUM 20:5	Bai aubaina Idipmo kuna kapotiyovomai, te niga dobuna tatakalinemo kuna tavaitemai? Niga ḡome mote bai sima moimoito, mote witi, mote damaya, mote guleipi, mote pomeguleneti bi mote bai ḡesaudi. Bi mote bamo gauba te maso ka tego yawasana.”
4346	NUM 21:5	Kamaina bi lava Mousis bi Maimaituwa lisidimo a giuvitavitalana gado, “Bai aubaina Idipmo kuna kapotiyomai bi kuna natomemai niga kalakalalelemo te ka peki? Niga ḡome mote kani te ka kani bi gauba te ka tego. Niga kanina mana tama ke kanituni daboke.”
4385	NUM 22:9	Bi Maimaituwa Beilam lisinemo i laumaḡata bi i giuwena gado, “Lava mabai lisimmo sa miyamiya?”
4404	NUM 22:28	Kamaina bi Bada donki muduna i kaikamaḡe bi Beilam i giuwena gado, “Bai lisimmo e voiye waigebo te ma faiona kuna kwapugu?”
4406	NUM 22:30	Bi donki Beilam i giuwena gado, “Tagu ba tam em donki otina, laḡan matabuna kwa gelugeluyegu, mainana wala lisimmo e voiye, ee?” Bi Beilam i giuna gado, “Geḡa.”
4408	NUM 22:32	Bi Bada ena aneya Beilam i waitalayena gado, “Bai aubaina em donki ma faiona kuna kwapu? Tagu e nato te em eta e moito gudu banina niga nawana mote yai anine.
5038	DEU 4:32	“Laḡannemo Bada emi Maimaituwa temi Idipmo ena ḡailisimo i kapotiyovomi, te temi aubaimi mataila bi anisove kauwidi i voiyedi, Idip lisidimo. Tana mulimimo i moito bi wainuwatoi dididiga i vitedi. Kota oya Sainai dabanemo kai vavavaninemo i giu yovo lisimimo. Bi temi i voiyemi te ena lava otimi kona tubuḡa bi mote ko peki. Niganana emi noḡota ya munaḡa nove wala Maimaituwa dobumo lava i voivoiyena laḡanina ko noḡoti. Bamo mai dobu isuna te isuna kauwidi a tubuḡa, ee geḡa? Geḡa mote bamo! Bamo mai maimaituwa ḡesaudi mainana anisove kauwedi a voiyedi, ee geḡa? Geḡa mote bamo.
5407	DEU 18:21	“Bi temi male koi talana gado, ‘Bi tama bainewa ka sibe te niga talawainuwatauna ba Bada lisinaḡa ee nuwanemo i waitubu?’
6493	JOS 24:15	Bamoda mote koma ḡoeḡoe te ko voteyateyae ba niganana nuwemi koi tetedi te aiyai ko voteyateyae? Mba dobudi edi maimaituwa emi magumagula Idipmo a lau laudunedina e Amoli lavedi edi maimaituwa, tedi taudidi niganana edi dobumo ko miyamiya? Bi tagu bi egu vanuwa lavedi vaitedi ba Bada aubaina kaitaupaula.”
7222	1SA 1:8	Kamaina bi Elikana mwanena i wai waitalayena gado, “Ana bai aubaina kwa ḡabaḡaba bai kauwina kwa wai nuwaboyae bi mote kuma kanikani, tam wai natuna kuma wai nuwaboyae? Tagu maibena libilibi 10, kwa kitagu bi ta miya.”
7283	1SA 3:5	Kamaina bi i kena moito bi i velau i nawa Eli lisinemo bi i waitalayena gado, “Tam kuna binauwegu ee?” Bi Eli i giuwena gado, “Geḡa, tagu mote yà binauwem, ku munaḡa kwa kena bi Samuwel i munaḡa i kena.”
7295	1SA 3:17	Bi Eli i waitalayena gado, “Bada bainewa i giuwem? Mote kuma nuwevi. Bamoda mwali matabuna i giugiuwemna mote kuma giuwegu ba Maimaituwa ya kovoḡi kauwem.”
7422	1SA 10:2	Sol kwa nawana ba olooloto labu Leitsel ani dobona diyanemo kwa banavidi Diyeldamo Bendiman ena malagai palatinemo. Tedi kaka niga mainana sa giuwem, ‘Mba donkidi kuna tavutavuḡedina ba a banavidi, taunana aubaina tamam mote ima noḡonoḡotidi. Tana i wai nuwaboyaem bi, ya giugiuna gado, “Bainewa natugu yà banavi?”
7431	1SA 10:11	Laḡannemo Sol tausibena a kita te Bada giuna i gagagaliye ba tedi a tagugu bi a giuna gado, “Emala, niga Kis natuna niganana taugiuwatana i tubuḡa, ee?”
7434	1SA 10:14	Bi Sol madiyana, Sol ena taupaula vaitena i banavidi bi i wai talayedina gado, “Bamo kona miyamiya?” Sol i giuwena gado, “Tama donki ke tavutavuḡedi. Bi kei tavutavu kasaḡa taunana aubaina ke nawa Samuwel lisinemo bi kei talaeye te donkidi bamo ḡome.”
7435	1SA 10:15	Bi Sol madiyana i wai talayena gado, “Samuwel bai i giuwem?”
7442	1SA 10:22	Kamaina bi Bada ai talayena gado, “Bada, Sol bamo?” Bi Bada edi giu i wai munena gado, “Tana kani ani waidubudimo ya kankandavona.”
7576	1SA 15:14	Samuwel ena giu i wai munena gado, “Kuna giu te giuvavasaḡa kuna kaiwata kauwe, bi bainewa te sipu bi kau kalinedi yà vaivaiyedi?”
7578	1SA 15:16	Kamaina bi Samuwel, Sol i giuwena gado, “Ku miya moimoisili, kage dudubalinemo Bada i giuwegu bi bai i giugiuweguna yà tainuwataum.” Bi Sol i wai talayena gado, “Bainewa i giuwem?”
7581	1SA 15:19	Bai aubaina mote Bada ku voteyeteye? Tana i giuwem te ḡaviya noponemo mote maso edi bai ḡesauna ku vai. Bi geḡa te tam noḡotimmo niga mwalidi kuna legaudi bi Bada matanemo gebo kuna voiye.”
7584	1SA 15:22	Ḡome Samuwel i giuwena gado, “Sol bamo taunana Bada ya wainuwavisuwe? Ḡamoḡamo sa gabudi bi Bada lisinemo sa laulau sewasewana, ee Bada lisinemo waikalinakabi?” Kuna sibe ee geḡa, te waikalinakabi i saḡa gulata kaka ḡamoḡamo sa laulau sewasewayedina. Giukauwa te Bada waikalinakabiyena ba i tausaḡana kaka lausewasewa. Tana kalinana vaiye watawatana ba i visu gulatana kaka soisoi sipu laukaidi sa laulau sewasewayedina.
7599	1SA 16:2	Samuwel i waitalana gado, “Bainewa yà nawa? Sol giugu ima vaiye bi imai pekigu?” Bada i giuwena gado, “Kau gubuna waivinina kwa vai bi kwa giuna gado, ‘E nato Bada lisinemo lausewasewa aubaina.”
7601	1SA 16:4	Samuwel i nawa Betliḡemmo bi Bada i giugiuwena mainana i voiye. Ḡome malagai babadidi i banabanavidi ba a naila bi a giuwena gado, “Tam manuwaubam kuna tava, ee?”
7608	1SA 16:11	Bi i waitalayena gado, “Niga natunatumdi kamaina?” Bi Diyesi ena giu i waimunena gado, “Natugu damodamona ba sipu ya kitakita watedi.” Bi Samuwel, Diyesi i giuwena gado, “Natum ḡesauna kwa giukamaḡe te yai doli natome, kaka ta miyatulu. Bi laḡannemo gomana i tavana, kaka ta miya bi ta kani.”
7776	1SA 21:2	Deivida i nawa malagai isana Nob, Pilisi Aḡimelek kitana aubaina. Laḡannemo Aḡimelek i laupotiyovo Deivida augiuvainemo ba i naila bi i giuna gado, “Ei bai aubaina niga ḡome taumḡa kuna nato?”
7778	1SA 21:4	Aḡimelek lisimmo niganana bai ya kenakena ee geḡa, te kwa vitegu? Buledi 5 ee bai ḡesauna te kwa vitegu yà kani.”
8185	2SA 7:2	Deivida i miya moito bi taugiuwatana Neitan i giuwena gado, “Tagu ba vanuwa visuvisunemo kai isana seda, a ḡalaḡalanemo yà miyamiya. Bi bainewa te Maimaituwa ena waianina bogesina ba palai noponemo ya kenakena?”
8269	2SA 11:7	Kamaina bi Ulaiya i nato Deivida lisinemo. Bi Deivida i waitalayena gado, “Diyowab ena tauwaiḡaviya vaitedi bainewa? Bi bainewa sa waiḡaviya?”
8272	2SA 11:10	Kamaina bi lava ḡesaudi ḡalibona a giuwena gado, “Ulaiya mote i nawa ena vanuwemo.” Deivida, Ulaiya i giuwena gado, “Ei, tam kuna nawanawana kuna tava munaḡa bi bai aubaina mote kuna nawa em vanuwemo?”
8298	2SA 12:9	Bi tam bai aubaina egu giuvavasaḡa kuna laukasaḡaiḡaiye bi niga kauwina gebogebona kuna voiye? Ulaiya Ḡiti lavana tam kunai peki bi mwanena kuna naḡivai te mwanem. Tam Amon lavedi edi kepatemo Ulaiya kunai peki.
8307	2SA 12:18	Laḡan wai 7-na mulinemo gomana i peki bi Deivida ena taupaula tana tainuwatauna a naile bi a giuna gado, “Gomana yawayawasaninemo tada Deivida te giugiuwena mote kalinada i vaivaiye, niganana gomana i peki bi bainewa ta tainuwatau, taunaḡa imai peki munaḡe?”
8308	2SA 12:19	Deivida ena taupaula i kitedi ai ḡemotidi bi a wai giugiu bi mote i vaiyedi bi i noḡoti te gomana male i peki. Taunana aubaina Deivida ena taupaula i waitalayedina gado, “Gomana kaikana i peki?” Bi tedi a giuwena gado, “Mm, i peki.”
8828	1KI 3:9	Taunana aubaina tagu em taupaula nuwauyauya kwa vitegu te em lava yài etadoliyedi bi kota edi pilipilimo giukauwa bi kaiyovu yà vaiye ḡonedi. Bi aiyai kaka bena luvana te niga lavedi wapawapa guletidi ya lau etadoliyedi?”
9160	1KI 12:6	Kamaina bi Liyabwam magumagula i giuwedi a tava ai ḡemotidi, tedi mabai tamana ma miyanemo bi aubaina a noyanoya bi noḡota didimanemo a sagusaguna i waitalaedina gado, “Bai giuna ko vitegu te noi lavedi yà giuvitedi?”
9163	1KI 12:9	Bi i waitalayedina gado, “Islael lavedi bainewa yà giuwedi? Tedi sa giugiuweguna gado, ‘Ema noya kwa voiye te ya tekateka mote mai tamam ena saugemo.’”
9338	1KI 17:18	Kamaina bi iwape, Elaidiya i giuwena gado, “Tam ba Maimaituwa taugiuwatana bai aubaina niga mainana lisigumo kuna voiye. Tam niga ḡome kuna tavana ba egu gebogebo kwa kamaḡatidi bi natugu kwai peki ee?”
9361	1KI 18:17	Sauginemo ḡalibona Aḡab, Elaidiya i kitakita ba i giuwena gado, “Tam lavamana Islael dobuna taukapilipilina, ee?”
9403	1KI 19:13	Bi sauginemo i vaivaiye ba ena gala i solu yovoḡe matana i waigove bi i potiyovo guba mataetinemo i moito. Kamaina bi kalina i giuwena gado, “Elaidiya niga ḡome bai kwa voivoiye?”
9558	2KI 2:3	Bi ḡome taugiuwatana dubudi Betelmo a miyamiyana Elisa a giuwena gado, “Kuna sibe ee geḡa te niganana Maimaituwa em bada ya nawe malamo?” Bi Elisa i giuwedina gado, “Ei, e sibe bi koma giugiuwata.”