18	GEN 1:18	Tedi laḡan bi dudubala sa dailidi bi sai badayedi. Bi Maimaituwa i kita te i visu.
21	GEN 1:21	Tana iyana nananakidi bi keikeilikidi bi mwali matabudi nisamo miyemiyedi kitedi tabudi bi tabudi bi mwanuwa poupou dabalalidi kitedi tabudi bi tabudi i voiyedi. Maimaituwa i kita te i visu.
22	GEN 1:22	Tana mwali matabudi nisamo miyemiyedi i kavisuvisudi bi i giuwedina gado, “Koi natuna dabalala te nisa koi wanavu bi mwanuwa dobumo ko pou dabalala bi dobu koi wanavu.”
26	GEN 1:26	Bi kota Maimaituwa i giuna gado, “Niganana lava ta voiyedi kitedi mai tada. Te tedi iyana, mwanuwa, ḡamoḡamo bi ḡamoḡamo daledaledi kitedi tabudi bi tabudi dobumo sai badaedi.”
27	GEN 1:27	Lava i voiyedi kitedi mai tana. Tedi oloto bi waivini a voiyedi.
29	GEN 1:29	Bi Maimaituwa i giuna gado, “Tagu kai votevotedi pesi bi kani e voiyedi aubaimi.
33	GEN 2:2	Tana kaikana ena noya i wai kovi bi laḡan wai 7-nemo ḡome tana i waiyawasi.
49	GEN 2:18	Bi Bada Maimaituwa i giuna gado, “Oloto mote i visu te taunaḡa ya miya. Tagu ena tausagu, yà voiye te ya sagu.”
50	GEN 2:19	Bi Bada Maimaituwa, ḡamoḡamo dobumo bi mwanuwa sawasawamo matabudi i voivoiyedina i natomedi oloto lisinemo te oloto yai isedi. Tana ḡamoḡamo bainewa i wai isana ba taunana isana.
54	GEN 2:23	Bi oloto i giuna gado, “Eee! Niga waivinina siliena ba tagu siliegu, bi tubuḡina ba tagu tubuḡigu. Tana yài isana waivini banina tana olotomo a voiye. Tana oloto giligilinemo Maimaituwa i voiye.”
55	GEN 2:24	Taunana aubaina oloto tamana bi tinana ya gosedi bi mwanena vaitena sa miya ḡemota, te tedi tubuḡa ḡemota ya tubuḡa.
63	GEN 3:7	Kai votana a kanikani tedi matedi i yana bi a sibe munaḡedi te kofekofedi. Taunana aubaina tedi kailugulugu a siyaudi bi tubuḡidi ai govegovedi.
66	GEN 3:10	Bi oloto Maimaituwa ena giu i waimunena gado, “Tam daibimo talelem e vaiye bi e naila. Banina tagu kofakofagu aubaina te e kandavona.”
67	GEN 3:11	Bi Maimaituwa oloto i giuwena gado, “Aiyai i giuwem te tam kofakofam? Tam kai e waiḡakena votana kuna kani?”
70	GEN 3:14	Bi Bada Maimaituwa mwata i giuwena gado, “Tam niga mainana kuna voiye aubaina. Ḡamoḡamo matabudi mododimo tam e pasilim. Te bwagammo kwa yoyo nawa, bi ḡobusa kwa kani laḡan matabuna.
71	GEN 3:15	Tagu yà voiyemi te tam mwata bi waivini modomimo wai kamedimedi ya kena laḡan matabuna. Bi kota mwata natunatum bi waivini natunatuna sai ka medimedi. Laḡan muliḡa waivini natuna olotona kaka tam kunum ya vaḡosaḡosa. Bi tam mwata oloto kaḡeiwakiduna kwa kalati.”
72	GEN 3:16	Bi Maimaituwa waivini i giuwena gado, “Tam em wainatuna sauginemo em yavi tagu yà kadidigi bi yavi vaitena kwa lau bewa. Tam kwa ḡoeḡoe te mwanem em waibada dibunemo ya miya. Bi geḡa te oloto ena waibada dibunemo tam kwa miya.”
73	GEN 3:17	Bi Adam i giuwena gado, “Tagu ei ḡakem te kai votana mote maso ku kani bi geḡa te mwanem kalinana kuna vaiye bi kai votana kuna kani. Taunana aubaina doḡa male ya gomala bi tam kwa noya gulata. Bi laḡan matabuna poyapoyam ya tosi kaka kani kwa banavi.
75	GEN 3:19	Tam kwa noya gulata bi poyapoyam ya tosi kaka doḡamo male mwali matabuna kwa banavi. Tam doḡamo e patim bi kwa noyanoyaena eete kwa munaḡana doḡamo.”
78	GEN 3:22	Bada Maimaituwa i giuna gado, “Niga lavedi tedi mai tada, tedi visu bi gebo a sibe. Taunana aubaina mote tamai aninedi te yawasana kaina votana sima kani. Bamoda mainana sa voiyena ba sa miya nonoḡana.”
87	GEN 4:7	Bamoda visuvisu ku voiye, maso ba kunai nuwavisu. Banina tam gebo kuna voiye aubaina gebogebo diyammo ya yaveyavem. Tana ya ḡoeḡoena yai badaem bi tam kwa ḡailisi.”
88	GEN 4:8	Kein tasina Eibol i giuwena gado, “Ta nawa wapumo tai nawanawa.” Ḡome wapumo Kein i miya moito te tasina i laipeki.
89	GEN 4:9	Niga kauwina i tubuḡa mulinemo Bada Kein i wai talayena gado, “Tasim Eibol bamo?” Kein Bada i giuwena gado, “Mote yà sibe, tagu bena tana taulabena?”
90	GEN 4:10	Kamaina bi Bada i giuwena gado, “Bai aubaina kauwa wai nuwanainailina kuna voiye? Tinanatum kwasinina doḡamo ya ḡabaḡaba, lisigumo laubiwa aubaina.
91	GEN 4:11	Niganana taumḡa kuna pasili munaḡem te mote kuma bayau. Tasim kwasinina doḡa i vitale laḡannemo kuna wai peki.
105	GEN 4:25	Adam bi Iv kota tubuḡa ai ḡemoti munaḡe bi Iv i laubewa te gomana olotona i bewa. Bi Iv i giuna gado, “Kein Eibol i wai peki bi Bada gomana epaiyanina i vitegu.” Taunana aubaina i wai isana Seta.
144	GEN 6:6	Tana i wai uvalana gado, “Niga lavedi bai aubaina e voiyedi.” Bi tana noponemo i wainuwaboya.
145	GEN 6:7	Kota i giuna gado, “Tagu mwali matabudi dobumo e voivoiyedina yà kagebogebodi. Bi ei uvala te bai aubaina e voiyedi.”
152	GEN 6:14	“Tagu yà giugiuwem, te tam kai ḡaiḡainemo gula kwa voiye. Noponemo nakanaka kwa voiyedi bi nopona bi taulina ba patimo kwa pati.”
155	GEN 6:17	Maimaituwa i giuna gado, “Tagu kabaita yà giukamaḡe dobumo, te mwali miyemiyedi matabudi yà kagebogebodi, mwali matabudi dobumo sa launeḡaneḡa.
156	GEN 6:18	Tagu egu waianina lisimmo yà voiye, tam, mwanem, natunatumi bi mwanemwanedi vaitedi gulamo ko valageta.
161	GEN 7:1	Bada Nowa i giuwena gado, “Tam bi em vanuwa lavedi vaitedi gulamo ko valageta, tagu e kita te taumḡa dobumo lava didimanim.
217	GEN 9:11	Tagu egu waianina yà voivoiyena lisimmo, te dobu bi mwali matabudi miyemiyedi dobumo mote yàmai avali munaḡedi.”
219	GEN 9:13	Tagu giyoumo waliwaliyoyo yà sakona. Mba ya wai mataila te waianina lava bi bai matabudi dobumo lisidimo.
274	GEN 11:7	Ta yovo ta nawa bi kalinedi ta vitale asiasi te mote edi lava edi giu sima sibedi.”
276	GEN 11:9	Taunana aubaina malagaina ai isana Babel, banina ḡome Bada kalinedi i vitale asiasi bi i wai dabalalidi te dobu matabuna a nawa yaḡosi.
301	GEN 12:2	Tagu em tubulelesa wapewapedi yà vitem bi em dam ya didiga bi yà kavisuvisum te isam ya didiga, bi sa vivilem. Bi tam kota visuvisu kwa voiye dam wapewapedi lisidimo.
302	GEN 12:3	Mabai kavisuvisu lisimmo sa voivoiyena ba tagu kavisuvisudi. Bi mabai sa pasipasilimna ba yà pasilidi. Tam em dammo kaka dobu matabuna yà kavisuvisu.”
335	GEN 13:16	Tagu em tubulelesa wapawapa yà vitem bi aiyai mote ḡemoḡemotina ima iyevidi. Mai bena gimoli mote aiyai ḡemoḡemotina te ima iyevi kovi.
351	GEN 14:14	Laḡannemo Ablam i vaiye te madiyana Loti a pani. Tana ena tauwaiḡaviya wapedi 318 i wai ḡemotidi ena ḡalavumo bi ḡalibona wapedi 4 a kwavi watedi te Den malagainemo a tavaitedi.
363	GEN 15:2	Ablam Bada ena giu i waimunena gado, “Bada, egu bada, tagu mote yài natuna bi bainewa em puyo ya sagugu. Tam mote gomana ku vitegu bi laḡannemo tagu yà pekina ba egu taubagibagi isana Eliyesa Damaskas lavana, egu waiguyau matabuna ya vai.”
399	GEN 17:1	Ablam ena kwalabu 99 bi Bada i laumaḡata lisinemo bi i giuwena gado, “Tagu Maimaituwa wailewapani guletigu. Egu etaḡa kwa nawa mote bai ḡesau kuma voiye waigebo,
402	GEN 17:4	“Tagu egu waianina lisimmo te tam muliḡa ba dam wapewapedi itedi.
404	GEN 17:6	Tagu yà kavisuvisum te dobu bi dobu nopodimo em tubulelesa sa wapa gulata bi tedi lisidiḡa kaka ḡalibona sa moito saḡa.
405	GEN 17:7	“Tagu egu waianina bagibagina yà voivoiyena tam bi em tubulelesa lisimimo, te em tubulelesa kaka ya tuwa watana. Tagu em Maimaitua bi kota em tubulelesa edi Maimaituwa.
407	GEN 17:9	Maimaituwa Eiblaḡam i giuwena gado, “Tam bi em tubulelesa egu waianina ko kaididi.
409	GEN 17:11	Temi kwapibwali ko voivoiyena ba waianina matailina tagu bi temi mododemo.
414	GEN 17:16	Tagu yà kavisuvisu bi tana natum ya bewa bi kota yà kavisuvisu te ena tubulelesemo dobu babadidi bi ḡaliḡalibona sa tubuḡa.”
418	GEN 17:20	Em waibaḡa Ismael aubaina kaikana e vaiye bi tana kota yà kavisuvisu te yai natunanatuna bi ena tubulelesa sa wapa gulata. Tana ḡaliḡalibona matabudi 12 dobumo tamedi bi ena dam ya didiga.
419	GEN 17:21	Tagu egu waianina Aisik lisinemo yà voiye, te Sela yai bewana bokina kwalabunemo niga mainana nawalaina noponemo.”
430	GEN 18:5	Kani ḡotona yà vai natome, ko kani bagibagi kaka bi nawa koi tubu munaḡe. Emi taupaula kona noḡotigu te kona tava egu vanuwemo, kamaina te kani yà voiye te ko kani.” Tedi a giuwena gado, “Kamaina bai kuna giugiuwena ku voiye.”
434	GEN 18:9	Tedi ai talayena gado, “Mwanem Sela bamo?” Bi Eiblaḡam i giuwedina gado, “Tana palai noponemo.”
437	GEN 18:12	Sela nuwana i waigwaigwai bi i giuna gado, “Tagu egu bada vaitena kei magula kauwa bi ke ḡoḡosi. Bi ḡemoḡemotina kai natuna, ee?”
438	GEN 18:13	Bada Eiblaḡam i wai talayena gado, “Bai aubaina Sela i gwai bi i giuna gado, ‘Tagu ei magula bi ḡemoḡemotina yai natuna?’
440	GEN 18:15	Sela i naila bi i valelena gado, “Tagu mote e gwai.” Tana i giuna gado, “Geḡa, tam kuna gwai.”
443	GEN 18:18	Tana ena tubulelesa ya didiga bi dam ḡaiḡailisina bi tana dabanemo dobu matabudi yà kavisuvisudi.
445	GEN 18:20	Kamaina bi Bada i moito vitale bi Eiblaḡam i giuwena gado, “Tagu e vaiye te waiwavu dididiga Sodom bi Gomola lisidimo.
446	GEN 18:21	Tagu yà yovo yà nawa bi yà kitedi, niga waiwavuna giu kauwa ee kaiyovu.”
450	GEN 18:25	Mba mote i visu. Mote kuma voiye. Tam mote lava visuvisudi bi gebogebodi vaitedi kumai pekidi, kauwina ḡemotina kwa voiye, lava didimanidi bi balebaledi lisidimo. Geḡa. Tam bena taulaididimana dobu matabunemo, ee? Tam bena kwa etale kauwemai.”
462	GEN 19:4	Tedi a kani kovi, te yaḡolo mote a kena bi Sodom oloolotodi, ewali bi magula matabudi a tava bi vanuwa a moito wai kwaivivili.
463	GEN 19:5	Loti lisinemo a binau saḡana gado, “Olooloto labu kage lisimmo a tavatavana bamo sa miyamiya? Tama ka ḡoeḡoena, kwa ka potiyovodi bi vaitedi kaipasa.”
467	GEN 19:9	Kamaina bi tedi ena giu ai munena gado, “Ku moito liya! Tam tautavatava niga ḡome kuna tava bi bena kwai badabada. Niganana ka voiyem te kwai nuwatoi gulatana, kaka mba lavedi labu!” Kamaina bi Loti a dudu waipaili bi manunubidi a saḡa te maso gudu a doupapa.
470	GEN 19:12	Kamaina bi olooloto labu Loti a giuwena gado, “Tama ḡotona te niga dobuna ka kovoḡi. Bada waiwavu dididiga i vaiye niga malagaidimo bi i giu kamaḡemai te kai kalaḡosedi. Bamo natunatum, botibotiyam bi em lava ḡesaudi niga ḡome? Matabudi kwai dolidi bi niga malagaina ko gose kamaḡe.”
523	GEN 21:9	Laḡan ḡemota Idip waivinina Eiga natuna Ismael, Aisik vaitena a wai beyakulu. Tedi a wai beyakulu laḡannemo Ismael tana Aisik i sulasula waineḡa.
549	GEN 22:1	Kauwa matabudi mulidimo Maimaituwa Eiblaḡam i laulubuna gado, “Eiblaḡam!” Bi Eiblaḡam ena giu i waimunena gado, “Tagu niga!”
550	GEN 22:2	Ḡome Maimaituwa i giuna gado, “Tam natuotim nuwam tauvaikauwena kwai doli bi kwa nawa dobu Moliyamo. Mba ḡome tagu oya yài lovem dabanemo natum Aisik em sewasewa kwa gabuḡosa lisigumo.”
553	GEN 22:5	Ḡome tana taupaula i giuwedina gado, “Temi niga ḡome ko miyamiya donki vaitena. Bi tagu gomana vaitena ka nawa noi ḡome bi Maimaituwa ka lauduneye kaka ka nato munaḡa lisimimo.”
555	GEN 22:7	Bi Aisik i giuna gado, “Tamagu!” Bi Eiblaḡam ena giu i waimunena gado, “Koko bai?” Aisik i waitalayena gado, “Tada kai bwainina bi kai matana ani waikalakabina te legaudi bi sipu ani gabuḡosa bamo?”
559	GEN 22:11	Bi Bada ena aneya malamo i binau yovona lisinemo gado, “Eiblaḡam! Eiblaḡam!” Bi Eiblaḡam i giuna gado, “Tagu niga.”
560	GEN 22:12	Bi tana i giuna gado, “Gomana mote tuninemo bai kuma voiye. Tagu niganana e sibe te tam Maimaituwa kwa nainaile bi kwa vovoteyeteye banina tam natum ḡemota bi mote ku nuwevi.”
562	GEN 22:14	Taunana aubaina Eiblaḡam mba dobuna i wai isana, Bada i kanonoḡi. Bi niganana laḡannemo lava sa giugiuna, “Bada ena oyamo i kanonoḡi.”
564	GEN 22:16	Bada niga mainana i giuna gado, “Tam kuna voteyeteyegu bi natuotim ḡemota bi mote ku nuwevi, taunana aubaina tagu e giuvavasaḡem.
565	GEN 22:17	Te tam yà kavisuvisum bi bilem sa wapana mai kipola galewemo ee gimoli nisa diyanemo. Tam bilem yaḡolo edi ḡaviya sa vawaiubedi.
566	GEN 22:18	Tam em tubulelesemo lava matabudi dobumo visuvisu sa vai. Banina tam egu giuvavasaḡa kuna voteyeteye.”
681	GEN 25:22	Bi tana bwaganemo laḡalaḡa a miyamiya. Bi ena tau vaitena tinedi bwaganemo a waiḡinana. Taunana aubaina Lebeka Bada i wai talayena gado, “Niga bai kauwina lisigumo ya tubutubuḡa?”
682	GEN 25:23	Bi Bada i giuna gado, “Tam bwagammo ba dam labu sa miyamiya. Bi labuidi yaḡolo sai tamsasalana. Bi dam ḡemota yai lewapana gulata. Tautuwaḡa tasina aubaina yai taupaula.”
684	GEN 25:25	Gomana gei tubuḡina ba tunina sabasabana bi wai kolokolona maibena balaigesi. Taunana aubaina tana ai isana Iso.
685	GEN 25:26	Muliḡa gomana tautasi i tubuḡa bi nimana i pwalaḡe te tuwaḡana kaḡeiwakiduna i kaididi te bagibagina. Taunana aubaina tana ai isana Deikap. Aisik ena kwalabu 60 i vai bi Lebeka i wai natuna.
689	GEN 25:30	Kamaina bi tana Deikap i giuwena gado, “Tagu kanipeki i laukauwegu, gwadai sabasabana kuna ḡiuḡiuna, waiḡapa kwa tala natome bi yà kani!” Taunana aubaina tedi Iso isana ḡesauna a sakona Edom.
691	GEN 25:32	Bi Iso i giuna gado, “Ei kwa kitagu! Tagu ḡotona te kani pekina yà peki. Niga budelina bai visuvisuna ya vitegu?”
693	GEN 25:34	Ḡome Deikap buledi bi gwadai i tala bi Iso i vite. Tana i kani, i tego bi i miya moito te i nawa. Iso niga kauwinemo ena budeli i daboke.
694	GEN 26:1	Kamaina bi gomala ḡesau i tubuḡa maibena wala Eiblaḡam ena saugemo i tubutubuḡana. Taunana aubaina Aisik i nawa Gelamo Filitiya ḡalibonana Abimelek ena ani miyamo.
696	GEN 26:3	Bi tagu ba tam vaitem, te yà kavisuvisum. Tagu niga dobuna isuna te isuna tam bi bilebilem vaitedi kaka yà vitemi. Tagu bai e giugiuwapana tamam Eiblaḡam lisinemo ba yaḡolo yà noḡonoḡoti.
697	GEN 26:4	Tagu kaka em tubulelesa wapewapedi yà vitem maibena kipola galewemo. Bi niga dobuna isuna te isuna matabuna tedi yà vitedi. Bi tedi dabedimo kaka dobu matabudi yà kavisuvisudi.
698	GEN 26:5	Tam yà kavisuvisum banina Eiblaḡam egu waiḡake bi egu giuvavasaḡa matabudi i voteyateyaedi.”
785	GEN 28:11	Tana i nawanawana eete aubiga ota bi dobu ḡesaunemo i tava. Kamaina bi ḡome ena ḡalavu i voiye. Bi ḡakima ḡemota i vai i sako bi i guliyovo te i wai kunuwanaye bi i kena.
786	GEN 28:12	Tana i kenakena te i laubonina ba wawana malamo i kita bi isuna doḡamo i gwaliḡe. Bi aneya i kitedi wawana modonaḡa a saḡasaḡa bi a yovoyovo.
787	GEN 28:13	Bi wawana kavalinemo Bada i moimoito. Kamaina bi i giuna gado, “Tagu Bada, tamam Eiblaḡam bi Aisik edi Maimaituwa. Niga doḡana dabanemo kwa kenakena, kaka tam bi em tubulelesa yà vitemi.
788	GEN 28:14	Bi tam em tubulelesa kaka sa wapana mai ḡobusa doḡamo, bi edi doḡa kaka yà kadidigi bi tedi lalasi, aibeu, aibadabada bi yalousa yawandiḡa sa miya nawa bi dobu sai wanavu. Tam bilebilem lisidiḡa kaka lava wapewapedi kavisuvisu sa vai.
789	GEN 28:15	Tagu mote yàma gosem bi baiḡa kwa nawanawana ba tagu vaitem bi yà labem te yà natome munaḡem Keinanmo bi bai lisimmo e giugiuwapaena yà voiye.”
791	GEN 28:17	Tana i naila bi i giuna gado, “Niga gabu wainuwa nainailina, giukauwa te niga Maimaituwa ena vanuwa bi mala mataetina.”
1023	GEN 35:11	Bi Maimaituwa i giuwena gado, “Tagu Maimaituwa wailewapana guletigu. Yà giugiuwem te kwai natunatuna bi ko wapa. Bi tam em tubulelesa sa wapa bi dam didiga bi kota ḡalibona kaka em tubulelesemo sa tubuḡa.