2	GEN 1:2	Wala dolinemo dobu geḡa mote i laumaḡata mai niganana ta kitakitana bi boimatuwa taunaḡa. Bi Maimaituwa Aluwina topa dabanemo i waidagudagu.
68	GEN 3:12	Bi oloto i giuna gado, “Waivini kuna viteviteguna tana kai votana i vitegu te e kani.”
1557	EXO 2:2	Waivinina i bwaga bi i laubewa te gomana olotona i bewa. Laḡannemo i kita te gomana kitana i visu gulata, tana kandavonemo i labe te nawalai faiona a kovi.
2060	EXO 20:8	Waiyawasi laḡanna waiwaiyawina ko noḡoti bi ko vivile kauwe.
4440	NUM 23:23	Lava mote luvedi te Islael lavedi sima pasalidi tedi mote luvana te sima pasilidi. Lava matabudi kaka Deikap ena tubulelesa sa giu watedina gado, ‘Wawa, Maimaituwa bai i voiye Islael lisidimo kona kita.’
4476	NUM 25:4	Kamaina bi Bada, Mousis i giuwena gado, “Waibabada kwa natomedi kwai ḡemotidi bi suwalemo matagumo koi pekidi. Ḡome kaka nuwagu ya kena bi medi yà lautau.”
4478	NUM 25:6	Mousis bi Islael lavedi ai nuwaboya bi palai Waiyawa mataetinemo a miyamiya te matedimo, Islael olotona Midian waivinina i waidoli saḡe ena palaimo.
6480	JOS 24:2	Tana lava matabudi i giuwedina gado, “Niga mainana Bada Islael Maimaituwana i giu, ‘Wala nove emi magumagula Tela bi natunatuna Eiblaḡam bi Nao, Efleitis gaubina nevanemo a miyamiyana sauginemo tedi maimaituwa ḡesaudi a laulauduneyedi.
7244	1SA 2:2	Mote aiyai Waiyawa, mai tam Bada. Bamo mote aiyai mai tam. Mote aiyai ema muli tauavalina mai tam, ema Maimaituwa.
7285	1SA 3:7	Wala mote bamo mainana Bada, Samuwel lisinemo i giu yovo. Taunana aubaina mote kalinana i vaiye ḡone.
7781	1SA 21:7	Pilisi lisinemo mote bamo kani, taunana aubaina Aḡimelek buledi waiyawa i vai te Deivida i vite bi buledi valivaliuna wadubona i wai epaiyani. Niga taudidi palai Waiyawa noponemo kenekenedi.
8136	2SA 5:1	Waibabada Islael noponemo Deivida vaitena Ḡiblon malagainemo ai ḡemotidi bi a giuwena gado, “Tama tam em dam isuna.
8137	2SA 5:2	Wala nove Sol aubaimai i wai ḡalibonana sauginemo, tam taunana Islael edi tauwaiḡaviya kuna lau etadoliyedi bi kuna waiḡaviya. Bi Bada i giuwemna gado, ‘Tam taunana egu lava Islael kwa labedina mai sipu taulabedi ya labelabedina mainana. Kota tam mainana Islael lavedi kwai badaedi.”
8264	2SA 11:2	Laḡan ḡesau aubiganemo, Deivida ḡalibona vanuwina noke dabanemo ena ani kenamo i kena moito bi i moimoito nawa, te waivini mulemulel i kita yovoḡe i asiasiwa. Waivinina nawanawalai i vai bi edi vaivai luvanemo i asiwa bi i kaka visuvisu munaḡe. Taunana aubaina te Deivida oloto ḡesauna i giukamaḡe te waivinina i lau mulimuliye. Bi olotona i tava munaḡa bi Deivida i giuwena gado, “Tana Besiba mwanena Ulaiya Ḡiti olotona bi tamana Eliyem.” Kamaina bi Deivida oloto i giuwe te i nawa waivinina i waidoli natome lisinemo bi vaitena a kena. Mulinemo te waivini i munaḡa ena vanuwemo.
8842	1KI 3:23	Kamaina bi ḡalibona i giuwedina gado, “Walitau kwa giugiu te tam natum yawayawasanina bi emtau natuna pekipekina bi kota ḡesaum kwa giugiu te tam natum yawayawasanina bi emtau natuna pekipekina.”
8994	1KI 8:6	Kamaina bi pilipilisi Bada ena waianina bogesina a avali nawe, gabu Waiwaiyawinemo bi kelubim mabedi gabulidimo a sako.
8998	1KI 8:10	Bi sauginemo pilipilisi gabu Waiwaiyawina a gosegose ba giyou pwatapwatana Bada ena vanuwa i waiwavu.
9650	2KI 4:43	Bi ena taupaula i giuna gado, “Waye! Niga mote luvana te lava 100 sa kani.” Bi Elisa i giuna gado, “Bada i giu te lava sa kani bi mulinemo kani nevana ya kena gwasa, taunana aubaina kwa vitedi.”
12498	NEH 8:1	Bi nawalai wai 7-na pakanemo Islael lavedi matabudi debamo ai ḡemotidi, Gauba Mataetina matanemo. Waiḡake tauwailovelovena Esla a giuwe te Bada ena waiḡake Mousis i vitevitena Islael lavedi aubaidi ya vai natome. Kamaina bi pilisi Esla waiḡake bukana i vai natome lava kumna, babada, vesavesala bi libilibi giu vaivaiyedi lisidimo.
12911	JOB 3:3	“Egu tubuḡa laḡanina Maimaituwa kwa bwali kamaḡe. Dudubalinemo e tubuḡa bi mabai a kitagu. Bi a giuna a gado, ‘Weeo gomana olotona i tubuḡa,’ mba dudubalina e daboke, kwa bwali kamaḡe.
13931	JOB 42:5	Wala ba lava ḡesaudi a giugiuwatamna e vaivaiye, bi niganana kaka tagu mata otigumo e kitam.
14418	PSA 34:11	Wali saugemo ba laiyon sa maluwabi bi kani sa peki, bi geḡa te Bada tauwaisumaḡena tedi mote bai sima maluwabiye.
14736	PSA 51:13	Bada tagu lisimmo yà miyamiyana mote kuma kwavivaigu yàma nawa, bi lisigumo em Aluwa Waiyawa mote kuma kaikamaḡe.
16595	PRO 5:8	Waivini waimatawapedi kwa kita matadiyayedi, bi edi ani miyaḡa kuma nawanawa.
17182	PRO 24:33	Wai kenakena bi miya boni bi kaitunidaboka
17384	PRO 31:30	Waivini wali saugemo ya palasi kaukauwa te oloto yai laubwage. Bi ena mulele mote ima kena nonoḡa. Waivini aiyai tana Bada ya naile bi ya vivivilena taunana lava isana sa kasaḡesaḡe.
17434	ECC 3:5	Wainuwavaina bi waikadabodaboka waisuluva bi mote waisuluva laḡannidi tana i sivudi.
17437	ECC 3:8	Wai nuwaḡemota bi waiḡinana, waiḡasiḡasi bi wainuwaḡemota laḡannidi tana i sivudi.
17900	ISA 8:23	Lava mabai pilipilimo sa miyamiyana mote mai kaka sima miya nonoḡa. Wala ba Sebulon bi Naptali dobudi a kita wai yovoyovodi bi laḡan ya natonatona ba niga dobudi sa sanadadedi. Mediteliya nisana palatina aibeu yawaninaḡa te i nawa Diyoudan gaubina noi nevana bi i nawa te Galili dobuna tautavatava edi animiyamo i laukamaḡe.
17960	ISA 11:6	Wulf bi sipu nuwaubamo kaka sa miya ḡemota, lepedi bi gouti lauewalidi vaitedi kaka sa guliyovo bi sa kena ḡemota. Kau lauewalidi bi laiyon sa kani ḡemota, bi gomana ḡaubona ḡamoḡamodi ya kita watedi.
17963	ISA 11:9	Ena oya Waiyawamo mote bai wainuwa nainailina ima kagebogeboda. Bi dobuna matabuna Bada sibena yai wanavu, mai gauba nisa ya waiwanavuna.
18398	ISA 35:8	Doḡa tatakalinaḡa kaka eta dididiga ya nawa. Etana isana ba Eta Waiyawa. Gebo tauvoiyedi mote etana sima kaiwata. Maimaituwa ena ḡowana taukauwena, mba etanaḡa sa nawa, bi lava bu'ubu'uwidi, mote kaka etana sima kaiwata.
18829	ISA 56:6	Wali dobu lavedi sa vite munaḡedi lisigumo, bi tedi isagu sa ḡoe, bi sa lauduneyegu waiyawasi laḡannemo, bi sa vivilegu bi egu waianina sa kaididi.
18958	ISA 64:3	Wala pakanemo dobu i tubuḡana ba bamo mote aiyai Maimaituwa i kita ee i vaiye mai tam, lava a waisumaḡemna ba kuna sagudi.
20380	LAM 1:1	Oo Yelusalem wala mote niga mainana, bi niganana lavam i wai geḡa! Wala ba dobu matabudi a sanasanadadem, bi niganana kitam maibena iwape. Tam wala kitam maibena ḡalibona mwanena bi niganana kitam maibena taupaulayababa.
22555	AMO 8:5	Waiyawasi laḡanna bi laḡan waiwaiyawidi edi saugemo ba ko wai papalanana gado, ‘Laḡandi sa nawa kamaḡa bi ta munaḡa eda kani tai kunekunedi. Bi kanidi maiidi ta tausaḡedi te taugimala sa gimelidi bi mane laubanidi ta legaudi.’ Banina temi ko ḡoeḡoena ko munaḡa makai bi taugimala ko kaiyovuḡedi. Bi lava edi wai kunekune mwalidi sa natomdi bi temi ko aiai sikesikeledi.
22603	JON 1:3	Bi geḡa te Diyona, Bada i lau kasaḡaiḡaiye bi eta tabuna i kaiwata. Te i nawa Diyopa tauninemo bi ḡome waga i banavi i nawanawa Spein. Wagana i wai maii bi i gelu te maso, Bada i naile kamaḡe bi i nawa Talisis.
22610	JON 1:10	Laḡannemo i giugiuwedi ba tedi a naila gulata bi ai talayena gado, “Kauwa kana gebo kuna voiye!” Waga taunoyaena a sibe te tana Bada i nainaile kamaḡe banina tana kaikana i gei giuwedi.
24292	MRK 1:8	Tagu gaubemo yà kakabulumi bi lava muliḡa ya natonatona tana Aluwa Waiyawemo ya kabulumi.”
24352	MRK 2:23	Waiyawasi laḡannemo Yesu bi ena tauwaikaiwatana vaitedi witi daibinaḡa a nawanawa bi witi banidi a tanodi bi a kanikanidi.
24355	MRK 2:26	Kamaina bi i nawa Maimaituwa ena vanuwemo bi buledi Maimaituwa vitevitena i vai bi ena lava vaitedi a kani. Niga kauiwina pilisi saḡasaḡa guletina Abiyata ena waibada sauginemo i tubuḡa. Waiḡake ena luvamo mba buledina pilisi taudiḡa sa kanikani. Bi geḡa te Deivida i vai bi ena lava vaitedi a kani.”
24356	MRK 2:27	Yesu giu i waikenana gado, “Waiyawasi laḡanina ba lava aubaidi. Bi waiyawasi laḡanna mote lava imai badaye.”
24358	MRK 3:1	Waiyawasi laḡannemo Yesu i munaḡa nawa bolu vanuwinemo. Bi ḡome oloto nimana pekipekina i miyamiya.
24379	MRK 3:22	Waiḡake tauwailovelovena mabai Yelusalemḡa a tavatavana a giu te penama edi bada taumudulele Yesu i suneḡi te ḡailisi i vite bi aluwa gebogebodi ya kwavikwavivaidi.
24386	MRK 3:29	Bi bamoda aiyai Aluwa Waiyawa i kuvalina ba Maimaituwa mote ima noḡotikamaḡe. Banina tana gebo ilailala i voiye.”
24466	MRK 5:33	Waivini i noḡoti munaḡe te tana i taukoni. Taunana aubaina tana manailina bi magusuna i tava Yesu kaḡe pakanemo te tuwapekana i wai tupagwaliye bi mwali matabuna i ka maḡati.
24478	MRK 6:2	Waiyawasi laḡannemo tana wailovelove i waitubu bolu vanuwinemo. Bi lava wapewapedi ḡome ena wailovelove a vaivaiyena, tedi matabudi a tatava bi ai talapilina gado, “Niga nuwauyauyana bamo i vai? Bi kota bamo ḡailisi i vai bi ani sove kauwidi ya voivoiyedi?
24559	MRK 7:27	Waivinina ba eteni bi Yesu i giuwena gado, “Mote i visu te libilibi kediya yà vai bi yà pwalaḡe daḡasi matedimo, libilibi sa gei kani te sa launonoḡa.”
24560	MRK 7:28	Waivini Yesu ena giu i wai munena gado, “Bada bai kuna giuwena ba giu kauwa, bi geḡa te daḡadaḡasi kani puselidi benamo sa lavulavusana sa kanikanidi.”
24574	MRK 8:5	Bi Yesu i wai talayedina gado, “Temi lisimimo buledi visa sa kenakena?” Bi tedi a giuwena gado, “Wapedi 7.”
24587	MRK 8:18	Temi waimatemi bi mote komai kita kauwa? Waibeyemi bi mote komai beyavaiya kauwa? Mote ko noḡoti?
24628	MRK 9:21	Yesu gomana tamana i waitalayena gado, “Niga ena sidana i vaina bainewa lofana?” Bi tana i giuna gado, “Wala ma ḡaubonemo te niganana.
24738	MRK 11:29	Kamaina bi Yesu edi giu i wai munena gado, “Waitala ḡemota yài talayemi bi giu koi mune kaka yà giuwemi te bamo tagu waibada e vai bi niga kauwidi yà voivoiyedi.
24763	MRK 12:21	Wai labuna iwapena i naḡi bi kota i peki, natunatuna geḡa. Mainana wai faionina vaitena.
24768	MRK 12:26	Bi pekimo kenamoito ena giu Mousis i gilugilumina mote ko iyevi? Wala kai tombolunemo, kai vavavanina noponemo Maimaituwa, Mousis i giuwena gado, ‘Tagu Eiblaḡam ena Maimaituwa, Aisik ena Maimaituwa bi Deikap ena Maimaituwa.’
24770	MRK 12:28	Waiḡake tauwailovelovena ḡome i vaiyedi a waitalapilina gado. Tana i sibe te Yesu i giukauwa, kamaina bi i waitalayena gado, “Waiḡake matabudi mododimo bamo taunana waiḡake laukaina?”
24771	MRK 12:29	Yesu ena giu i waimunena gado, “Waiḡake laukaina ba niḡa, ‘Ko vaiye Islael, Bada eda Maimaituwa taunaḡa Bada.
24773	MRK 12:31	Waiḡake wai labuna ba niga, ‘Lava ḡesauna kwa ḡoena mai bainewa taumḡa kwa ḡoeḡoemna. Bamo mote waiḡake ḡesau i didiga gulata kaka niga taudidi.”
24778	MRK 12:36	Aluwa Waiyawa noḡota Deivida i vite te i giuna gado, ‘Bada egu Bada i giuwena gado, “Niga ḡome kataiyagumo kwa miyamiya eete em ḡaviya kaḡem dibunemo yài dubudi.” ’
24780	MRK 12:38	Yesu i wailovelovedi bi i giuna gado, “Waiḡake tauwailovelovena ko kita kauwedi. Tedi gala lofelofedi sa kotedi bi ani waiḡemota gabudiḡa sa moimoito nawa te lava maso sai ebonedi vivila vaitena.
24797	MRK 13:11	“Bi laḡannemo sa panimi bi sa nawemi ko etalena ba mote komai nuwaboya dolidoli te bainewa ko giu. Mba laḡannemo bai Maimaituwa ya vitevitemina ko giuwe. Mba mote temi koma giugiu bi Aluwa Waiyawa noḡota ya vitemi te ko giu.
26994	ACT 1:2	Bi noya wapewapedi i voivoiyedina eete i saḡe i nawe malamo. Muliḡa kaka i nawana malamo bi giugiukamaḡedi i vinevinedina Aluwa Waiyawemo i giu vavasaḡedi.
26996	ACT 1:4	Bi laḡan ḡemota tana giugiukamaḡedi vaitedi ai ḡemotidi bi i giuvavasaḡedina gado, “Mote Yelusalem koma gose bi koi laba te Tamagu Aluwa Waiyawa ya giukamaḡe yovoḡe maibena dolinemo i giugiuwapana mainana. Tagu niga puyona dolinemo e gei giuwemi.
26997	ACT 1:5	Diyon lava gaubemo i ka buludi bi laḡan ḡotona temi Aluwa Waiyawamo ya ka bulumi.”
27000	ACT 1:8	Bi laḡanemo Aluwa Waiyawa ya yovona lisimimo laḡannemo, kaka ḡailisi ko vai te giugu visuvisuna ko giuwata, Yelusalemmo, Diudiya, Sameliya matabuna nopodiḡa bi dobu isuna te isuna.”
27008	ACT 1:16	“Egu lava waisumeḡimi, wala nove Aluwa Waiyawa Deivida i waietadoliye te i giuwatana gado, lava ḡemota kaka Yesu ya kaisoluḡe. Bi niganana gilugilumina wadubonemo bai i giugiuwena banina i tubuḡa. Bi dolinemo Yesu lavana i vine te tada vaitena te noyanoya. Niga lavana Diudas, tana Yesu taupanina i wai etadoliyedi te Yesu a kaididi.”
27022	ACT 2:4	Bi matabudi Aluwa Waiyawa nopodi i wai wanavudi bi kalina ḡesaudi gagaliyedi ai tubu, Aluwa Waiyawa i vitevitedina mainana a gagali.
27051	ACT 2:33	bi ena ḡailisimo i kailageti saḡe te kataiyanemo i waimiyeni. Ḡome tamana Aluwa Waiyawa i vite, dolinemo i giugiuwapana mainana. Bi niganana Yesu Aluwa Waiyawa tama lisimaimo i ḡini kamaḡe, mba taunana niganana ko kitakita bi ko vaivaiye.
27056	ACT 2:38	Bi Pita i giuwedina gado, “Temi ḡemoḡemotaḡa emi gebogebo ko kuvesidi bi Maimaituwa lisinemo ko nato. Bi Yesu Vinevinena isanemo ko bulu, te mba mataila te Maimaituwa emi gebogebo i noḡotikamaḡedi. Bi puyo Aluwa Waiyawa ko vai.
27099	ACT 4:8	Ḡome Pita nopona Aluwa Waiyawa i wai wanavuna i giuwedina gado, “Tauwaibabada lava aubaidi bi tauwaibabada nananakimi koi beyavaiya.
27116	ACT 4:25	Tama tamamai Deivida em taupaula, wala Aluwa Waiyawemo kuna voiye te niga mainana i giu: ‘Bai aubaina Eteni lavedi sa medimedi? Bai aubaina lavedi kampota sa yesiyesi? Mba potana ba waibani geḡana.
27122	ACT 4:31	Laḡannemo pali i kovikovi ba gabu a waiḡemotidina i gusu. Bi matabudi Aluwa Waiyawa i waiwanavudi bi tedi Maimaituwa giuna laudabatolamo a giu nawe.
27131	ACT 5:3	Bi Pita Ananaiyas i giuwena gado, “Bai aubaina Seitan kunai anine te nopom i waibadae bi Aluwa Waiyawa lisinemo kuna kaiyovu, tam doḡa kuna kunekuneyena manena isuna kuna kaididi tam aubaim?
27160	ACT 5:32	Tama niga kauwidi matamaimo ke kitekitedina ka giugiu nawe, kota mabai Maimaituwa Aluwa Waiyawa i vitevitedina tedi sa vovoteyeteye.”
27175	ACT 6:5	Ḡome giugiukamaḡedi edi giu, lava matabudi ai anine. Kamaina bi Stivin, waisumeḡina bi Aluwa Waiyawa i waiwai wanavuna a vine. Bi ena lava ḡesaudi ba: Filip, Pokolas, Nikano, Timon, Pamenas bi Nikolas. Nikolas tana ba Eteni, Entiyok olotona bi wala i waila Diu.
27179	ACT 6:9	Bi geḡa te Diu lavedi ḡesaudi Stivin a giu vitavitale, tedi ba bolu vanuwina isana Waitaupaula yababa i kovi lavedi. Tedi ba Diu lavedi mabai Sailin, Aleksandiliya, Silisiya bi Eisiya plovinsina lavedi. Tedi Stivin vaitena waikagiu ai tubu.
27180	ACT 6:10	Bi geḡa te Aluwa Waiyawa nuwauyauya Stivin i vite bi i gagagaliyena mote ḡemoḡemotina te maso a lauyovoḡe.
27236	ACT 7:51	Stivin yaḡolo ena giu ya nawenawe, “Temi nopomi ḡaiḡaidi, beyemi a pota bi kona laukasaḡaiḡai mote Maimaituwa giuna koma vaivaiye. Maibena emi magumagula. Temi sauga matabuna Aluwa Waiyawa ko laulaukasaḡaiḡaiye.
27240	ACT 7:55	Stivin Aluwa Waiyawa i waiwanavu bi i wai kita saḡa malamo te Maimaituwa namalina bi Yesu, Maimaituwa kataiyanemo i moimoitona i kita.
27260	ACT 8:15	Banina tedi yaḡolo mote Aluwa Waiyawa i yovo tauwaisumaḡa valivaliudi lisidimo. Bi tedi ba Bada Yesu isanemo a kabulu otiḡedi. Laḡannemo Pita bi Diyon a tava lisidimo ba aubaidi a laupali te Aluwa Waiyawa sa vai.
27262	ACT 8:17	Kamaina bi Pita bi Diyon nimedi tauwaisumaḡa dabedimo a sivudi bi Aluwa Waiyawa a vai.
27263	ACT 8:18	Bi laḡannemo Saimon i kita te giugiukamaḡedi nimedi tauwaisumaḡa dabedimo a sivudi te Aluwa Waiyawa a vai. Ḡome Saimon mane i waiyoyo Pita bi Diyon lisidimo
27264	ACT 8:19	bi i giuwedina gado, “Niga ḡailisina kota ko vitegu te aiyai dabanemo nimagu yà sakona ba Aluwa Waiyawa ya vai.”
27274	ACT 8:29	Kamaina bi Aluwa Waiyawa Filip i giuwena gado, “Kwa nawa noi seliyotina diyanemo kwa moito.”
27276	ACT 8:31	Bi olotona ena giu i waimunena gado, “Bainewa yà sibe? Walitau ya giuwailovelovegu kaka yà sibe.” Kamaina bi olotona Filip i giuwe te i valageta ena seliotimo bi diyanemo i miya.
27302	ACT 9:17	Kamaina bi Ananaiyas i nawa vanuwemo i valageta. Te nimana Sol dabanemo i sako bi i giuwena gado, “Valetigu Sol, etaḡa kuna natonato bi Bada Yesu lisimmo i laulau maḡatana, taunana i giukamaḡegu te tam kwai kita munaḡa bi Aluwa Waiyawa yai wanavum.”
27316	ACT 9:31	Mba laḡandimo Maimaituwa ena dam lavedi Diudiya, Galili bi Sameliya dobudimo miyemiyedi tedi nuwedi i kena. Bi Aluwa Waiyawa ena ḡailisimo tedi i laibagidi te a ḡailisi. Tedi Maimaituwa a vivivile bi ena dam iyevina i dididiga.
27347	ACT 10:19	Bi Pita yaḡolo wailove i kitakitana i noḡonoḡoti wata ba Aluwa Waiyawa i giuwena gado, “Saimon, olooloto faiona sa tavutavuḡem.
27366	ACT 10:38	“Mba laḡannemo Maimaituwa, Aluwa Waiyawa bi ḡailisi Nasalet Yesuna i wai wanavu. Bi tana mba dobuna i nawa yaḡosi bi kauwa visuvisudi i voivoiyedi bi lava mabai aluwa gebogebodi a sunesuneḡidina i waiyawasanidi banina Maimaituwa tana vaitena.
27372	ACT 10:44	Pita yaḡolo i giugiu ba Aluwa Waiyawa i yovo lava matabudi ena giu a vaivaiyena lisidimo.
27373	ACT 10:45	Diu lavedi waisumeḡidi ḡesaudi Pita vaitena a natonatona, tedi a tagugu. Banina Maimaituwa puyo Aluwa Waiyawa i giukamaḡe yovoḡe Eteni lavedi lisidimo.
27375	ACT 10:47	“Tagu e noḡoti te niga lavedi maso gaubemo te ka buludi bi mote aiyai i mai ḡakeda. Banina tedi kaikana Aluwa Waiyawa a vai, mai tada.”
27391	ACT 11:15	“Laḡannemo giu e wai tubu ba Aluwa Waiyawa i yovo lisidimo, maibena dolinemo tada lisidemo i yovoyovona.
27392	ACT 11:16	Kamaina bi ḡome Bada bai i giugiuwena e noḡoti, ‘Diyon gauba otamo i waibulu bi temi kaka Aluwa Waiyawemo ko bulu.’
27393	ACT 11:17	Tada wala Bada Yesu Keliso tei sumaḡe bi Maimaituwa puyo Aluwa Waiyawa i viteda, niganana ḡemotina kota Eteni lavedi i vitedi. Taunana aubaina tagu mote egu ḡailisi bai te Maimaituwa ena kauwa yài ḡake.”
27400	ACT 11:24	Banabas tana lava visuvisuna bi i waisumeḡi guletina nopona Aluwa Waiyawa i waiwanavu. Taunana aubaina lava wapewapedi a nato te Bada ai sumaḡe.
27404	ACT 11:28	Bi ḡemota isana Agabas i miya moito te Aluwa Waiyawa ena sagumo, Loum dobuna matabuna noponemo gomala dididiga ya tubuḡana i gei giuwata. (Niga gomelina ba Kolodiyas ena waibada laḡannemo i tubuḡa).
27433	ACT 13:2	Laḡannemo tedi Bada a laulauduneye bi a udiudi ba Aluwa Waiyawa i giuwedina gado, “Banabas bi Sol ko vinedi banina tagu e yogedi te egu noya sa voiye.”
27435	ACT 13:4	Sol bi Banabas Aluwa Waiyawa i giukamaḡedi a nawa dobu Selusiya bi ḡome kukakukamo a gelu a nawa Saiplas bwanabwananemo.
27440	ACT 13:9	Bi Sol isana ḡesauna Pol tana Aluwa Waiyawa nopona i waiwanavu bi taubwalau matana i kitadidi