23268	MAT 3:7	O Jon i tama a susut na Parisi tomo nama kum Sadusi det wan sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.
23318	MAT 5:15	Katutaio in ungangon tar tu lam ma in wop bat tari nama paket. Awu! Din ubek tari ut netes una nun a turtur, sur in talapor torom det rop ra det kis una rumu.
23374	MAT 6:23	Ikut, ra arin matam der laulau, a pinim rop in bukus nama dumirum. Ra anum a talapor i dumirum kut, a dumirum ra in labo sakit!
23378	MAT 6:27	Ra taio tamot in nuknuk doko una nun a nilaun, pepetlai, in pet lari sur in tugus walos lilik anun a nilaun? Awu!
23401	MAT 7:16	Mot in tama lele a kum torotoro na poropet tagun a windet ut. Pepetlai, din git pas in niwino wain tagun in kadas, ma in niwino fig tagun in suksuk? Awu, ken elar!
23441	MAT 8:27	Ra a kum nat na ususer det kisin uni, ma det watungi lena, “Osi na ngas na musano mulus ri? A wuwu ma a top der mur anun a wasiso!”
23446	MAT 8:32	O Iesu i watungi tandet lena, “Mot wan!” Ra a kum laulau na nion det pirso gusun aru musano ra, ma det ruk taru una kum boro. A kum boro det kalabor pirso una palis sur a du tasi, ra det kongo rop.
23460	MAT 9:12	O Iesu i longoro i ra i watungi lena, “A dokta ke wanpat sur det ra det langolango. Awu! I wanpat sur det kut ra det misait.
23537	MAT 11:9	Asau ra mot wan sur mot in tama i? A poropet? Ma! A watungi tamot, o Jon i labo sakit taun a kum poropet.
23592	MAT 12:34	Mot a kum nutnutun a kum sui! Mot ra a laulau na taro, mot in watung petlan tu wakak na wasiso? Uni a wan a taro i watung puaso a petutna ra i bukus una nundet a nilaun.
23607	MAT 12:49	Ra i kodos a lamano torom anun a taro na ususer ma i watungi lena, “Tama i, det ri o nang ma a kum tistising!
23659	MAT 13:51	“Pepetlai, mot sa mananos una kum kukurai ina kum utna rop ri, o awu?” Anun a kum nat na ususer det balu i lena, “Ma! Met sa tasmani.”
23692	MAT 14:26	Ra anun a kum nat na ususer det tama pasi ra i wan sapat netes una tasi, det ngara doko ma det watungi lena, “A nion kut ra!” Ra det woiwoi nama nginara.
23730	MAT 15:28	Ra o Iesu i balu i lena, “Le, i labo doko anum a nurnur! A utna ra u nemi, an pami ut torom ui.” Ma una du bung ut ra, o nutunulik i langolango.
23763	MAT 16:22	Ra o Pita i ben gisen pas o Iesu ma i turbat dekdeki lena, “Gong Labino! Gong ut di pam tar a utna ri un ui.”
23764	MAT 16:23	O Iesu i tupukus torom o Pita ra i watungi tano lena, “Satan, un nan unago numur tang! U ubatbat iau, uni, u muri kut a nuknukin a taro, ma ko mur a nuknukin o God.”
23871	MAT 20:10	Det ra di ben mugu pas det, det wanpat. Det nuki lena det in los a labino ikul. Ikut, awu! Det kai di tokom det taktakai nama ikul tagun ara bung na pinapam kut.
23904	MAT 21:9	A kunur na taro ra det mugu tano, ma det kai ra det mur, det kukukuk lena, “Osana torom a Nutun o Dewid! O naro ra i wanpat nama risan a Labino i dan!” “Osana usapat netes sakit!”
23911	MAT 21:16	Ra det ting o Iesu lena, “Pepetlai, u sa longoro tar a kum wasiso ri anun a kum nat liklik?” O Iesu i balu det lena, “Ma! Pepetlai, ka mot luki utmakai a wasiso tagun a Buk Tabu? I watungi lena, ‘U sa ususer tar a kum nat liklik sur det in watung ulabo pas ui.’”
24004	MAT 23:17	Mot a kum longlong na pulu! Asau ra i labo tander? A gol, o a rumu na etabor? A rumu na etabor! Uni a gol ra i kis una rumu na etabor in nanpat a utna anun o God, uni a rumu na etabor i utalapori.
24006	MAT 23:19	Mot a kum pulu! Asau ra i labo tander? A etabor, o a kabulu na tuntun etabor? A kabulu na tuntun etabor! Uni a etabor ra i kis una kabulu na tuntun etabor in nanpat a utna anun o God, uni a kabulu na tuntun etabor i utalapori.
24011	MAT 23:24	Mot a kum pulu na mugumugu! Ra mot inum, mot rakon ru a sinip gusun a kap, ikut, a kamel ra kura una kap, mot inumi kut!
24013	MAT 23:26	Ui a pulu na Parisi! Un dur mugu pas a balan a kap ma a pelet, sur in talapor kai a surunder.
24020	MAT 23:33	“Mot a kum sui! Mot a kum nutnutun a kum laulau na sui! Mot in kalabor eno pepetlai gusun a warkurai na minabalu una labino sungun?
24025	MAT 23:38	Tama i! O God i sa wan gusun anumot a tamon.
24083	MAT 25:6	“Ra una labino mirum di kakabo lena, ‘Wo, a musano ra i nolin matok i sa wanpat! Mot iap, mot in barato i.’
24169	MAT 26:46	Motul katutur, dat na wan! Tama i, a musano ra in pitar tar iau ulaman a kum ebar, i sa wanpat.”
24172	MAT 26:49	Uniutra o Judas i wan torom o Iesu ra i watungi lena, “Wakak na mirum, Tene Ususer!” Ra i gom a pangpagor na wano.
24188	MAT 26:65	A mugumugu na tene etabor i kankan ra i raros anun in namalu ut, ra i watungi lena, “I sa wasiso laulau un o God. Dat nem melet lako wasiso na etakun sur asau? Tama i! Mot sa longoro tar anun a kum wasiso laulau un o God.
24202	MAT 27:4	Ma i watungi lena, “A sa pam tar a sakino petutna, uni a sa usobor tar o naro ra ke pam tu sakino.” Ra det balu i lena, “Met, met lai? Ui ut!”
24220	MAT 27:22	O Pailat i ting det lena, “Asau ra an pami un o Iesu, i ra di watungi nam o Karisito?” Det rop det balu i lena, “Sak wati unin nanai kutus!”
24221	MAT 27:23	Ma i ting det lena, “Sur asau? Asi na sakino utna ra i sa pam tari?” Ikut det kukukuk dekdek lena, “Sak wati unin nanai kutus!”
24227	MAT 27:29	Ra det liko pas in narus a loklokono ma det ubek tari unin lorino elar nama kukup anun a king. Det upampam tari namin nubuku una sot na lamano ma det kis butkeke umatano, ma det urongon laulau uni lena, “Ui a king anun a taro Juda!”
24309	MRK 1:25	O Iesu i sakbati lena, “Gong u wasiso! Pirso gusun a musano ra!”
24346	MRK 2:17	O Iesu i longoro i, ra i watungi lena, “A dokta ke wanpat sur det ra det langolango. Awu! I wanpat sur det kut ra det misait. Ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”
24353	MRK 2:24	A kum Parisi det ting o Iesu lena, “Tama i! Ilai sur anum a kum nat na ususer det pam a utna ri, ra ke tokodos elar nama warkurai tagun a Bung na Sabat?”
24391	MRK 3:34	Numur i tamtama torom det rop ra det kis talilis pasi, ra i watungi lena, “Tama i, det ri o nang ma a kum tistising!
24395	MRK 4:3	“Mot longoro i! A tene minarut i wan sur in sapro a kum pitino wit.
24413	MRK 4:21	O Iesu i watungi tandet lena, “Katutaio in los pas tu lam ma in wop bat tari nama paket, o in ubek tari kai nago utuntudu ina kabulu. Awu! Din ubek tari ut netes una nun a turtur.
24430	MRK 4:38	O Iesu i inep dumun nago numur una pot, ma i ulalong taru una pilo. A kum nat na ususer det wangun pasi ma det inanosi lena, “Tene Ususer, dat na iru! Ko nuk pas met mo?”
24433	MRK 4:41	Det ngara doko ma det ting etetalai det lena, “Osi na ngas na musano mulus ri? A wuwu ma a top der mur anun a wasiso!”
24474	MRK 5:41	O Iesu i pam a laman a inolik ra i inanosi lena, “Talita koum!” A kukuraino i lenri, “A inolik, a watungi tam, un katutur!”
24492	MRK 6:16	O Erod i longoro a kum wasiso ri un o Iesu, ra i lena, “A sa tau kutus ru tar in kabaran o Jon, ra uniri i sa laun pat melet gusun a minat!”
24566	MRK 7:34	I tatado usapat una langit, i los wuwu pas, ra i watungi tano lena, “Epata!” a kukuraino lena: “Un papos!”
24569	MRK 7:37	Det ra det longoro a utna ri, det kisin doko uni, ma det watungi lena, “O Iesu i pam wakak pas a kum utna rop. I uwakak pas a kum kutkut sur det in longoro, ma a kum ngat sur det in wasiso!”
24602	MRK 8:33	O Iesu i tupukus, ma i tamtama torom anun a kum nat na ususer, ra i wasiso dekdek torom o Pita lena, “Satan, un nan unago numur tang! Uni u muri kut a nuknukin a taro, ma ko mur a nuknukin o God.”
24626	MRK 9:19	O Iesu i balu i lena, “Mot a taro tagun uniri, ka mot nurnur! A sa kis suano i tomo nam mot. Nangisin mo mot in nurnur? Mot in ben a nat ra urin torom iau.”
24631	MRK 9:24	Uniutra a taman a natlik i balu i lena, “A nurnur! Warut iau una nung a lik nurnur.”
24657	MRK 9:50	A sol i wakak, ikut ra a makasmanino i sa rop, mot in umakasman meleti mo pepetlai? Ken elar! I wakak ra a sol in kis un mot, ma mot in kis na emarom tomo.”
24704	MRK 10:47	I longoro i lena o Iesu a te Nasaret i wan sakit, ra i turpas a kakabo sapat lena, “Iesu, a Nutun o Dewid, un maris iau!”
24705	MRK 10:48	A susut na taro det turbati sur in kis wowowon. Ikut i kakabo dekdek makai usapat lena, “Nutun o Dewid, un maris iau!”
24706	MRK 10:49	O Iesu i tur sikot ra i lena, “Mot kabo i urin.” Ra det kabo pas a pulu, ma det watungi tano lena, “Kosom taru tam! Tur! O Iesu i kabo ui.”
24709	MRK 10:52	O Iesu i watungi lena, “Un nan! Anum a nurnur i sa utamtama pas ui.” Uniutra i tamtama, ma i mur o Iesu una kisapi.
24718	MRK 11:9	Det ra det mugu ma det kai ra det mur, det kukukuk lena, “Osana! O naro ra i wanpat nama risan a Labino i dan!”
24719	MRK 11:10	“Dat in watung ulabo pas a matanitu anun a tamandat o Dewid ra in nanpat! Osana usapat netes sakit!”
24730	MRK 11:21	Ma o Pita i nuk pas a wasiso anun o Iesu, ra i watungi tano lena, “Tama i! Tene Ususer, in nanai na fig ra u bor tari, i sa marang rop.”
24771	MRK 12:29	O Iesu i balu i lena, “Iri a warkurai ra i labo sakit, ‘Mot a taro Israel, mot in longoro i! A Labino anundat a God, i ara sot kut.
24774	MRK 12:32	A tene ususer tagun a Warkurai i watungi tan o Iesu lena, “A lingmulus ut, Tene Ususer! I tokodos anum a wasiso lena o God i ara sot kut, ma kataio melet mo.
24787	MRK 13:1	Ra o Iesu i pirso gusun in noworo ina rumu na etabor, ara pasan anun a kum nat na ususer i inanosi lena, “Tama i, Tene Ususer! A kum wakak na rumu ri, di pami nama kum lamlabino watat!”
24809	MRK 13:23	Mot in tumarong mot! A sa inanos mugu tar mot una kum utna rop ra in nanpat.
24864	MRK 14:41	Ra i mantulu milet torom detul, i watungi lena, “Pepetlai, motul in inep liklik mukut, ma motul in mana? Gong mo! A du bung i sa sot. Tama i, di sa pitar tar a Nutun a Musano ulaman a kum tene sakino.
24865	MRK 14:42	Motul katutur, dat na wan! Tama i, a musano ra in pitar tar iau ulaman a kum ebar, i sa wanpat.”
24868	MRK 14:45	Uniutra o Judas i wan torom o Iesu ra i watungi lena, “Tene Ususer!” Ra i gom a pangpagor na wano.
24908	MRK 15:13	Ra det kukukuk kut lena, “Sak wati unin nanai kutus!”
24909	MRK 15:14	O Pailat i ting det lena, “Sur asau? Asi na sakino utna ra i sa pam tari?” Ikut det kukukuk dekdek lena, “Sak wati unin nanai kutus!”
24913	MRK 15:18	Det kakabo toromi lena, “Ui a king anun a taro Juda!”
24982	LUK 1:20	Tama i! Ko nurnur una nung a wasiso. In nanpat mulus ut una kalangino. Tama i, turpasi uniri kon wasiso, uni ko nurnur. Un ngat tuk una du bung ra a utna ri in nanpat uni.”
24990	LUK 1:28	A ensel i ruk torom o Maria ma i watungi tano lena, “Un gas, u dan doko! A Labino i kis tomo nam ui.”
24993	LUK 1:31	Tama i! Un tianan, un usus pas a nat musano, ra un pasor tar a risano nam o Iesu.
25022	LUK 1:60	Ikut o nano i watungi lena, “Gong! Din pasori ut nam o Jon.”
25101	LUK 3:7	A kunur na taro det wanpat torom o Jon sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.
25155	LUK 4:23	Ra i watungi tandet lena, “Kutiro mot in watung a wasiso elelar ri un iau: ‘Dokta, un ulangolango pas ui ut! A kum utna rop ra met longoro i lena u sa pam tari tiro o Kapernaum, i wakak ra un pami utkai nin una num a tamon.’”
25166	LUK 4:34	“Ai! Iesu, a te Nasaret, u ling na pam asau un met? U wanpat sur un ban laulau met? A tasman ui, ui a Tasur na Musano anun o God.”
25167	LUK 4:35	O Iesu i sakbati lena, “Gong u wasiso! Pirso gusun a musano ra!” Ma a laulau na nion i woro pirso tari epotor tandet rop, i pirso gusuni, ma katu du pinino i laulau.
25207	LUK 5:31	O Iesu i balu det lena, “A dokta ke wanpat sur det ra det langolango. Awu! I wanpat sur det kut ra det misait.
25208	LUK 5:32	Ka wanpat sur an kabo pas a kum tene tokodos, awu! A wanpat sur an kabo pas a kum tene sakino sur det in nukpukus.”
25223	LUK 6:8	Ma o Iesu i tasman a nuknukin det ra i watungi tan a musano ra a lamano i kong lena, “Un tur! Ra un nan usa numugu tan a taro rop.” I katutur, ra i tur taru sa numugu tandet.
25235	LUK 6:20	O Iesu i tama anun a taro na ususer ra i watungi lena, “Mot ra mot sibo, mot dan, uni a matanitu anun o God, anumot!
25264	LUK 6:49	Ikut osi ra in longoro anung a kum wasiso ma ke muri, i elar nama musano ra i utur tar anun a rumu netes kut una piso, ma ke pam mugu tar a kibin a rumu. A lomom i sal taru uni, i toropo, ma i terege mut!”
25290	LUK 7:26	Asau ra mot wan sur mot in tama i? A poropet? Ma! A watungi tamot, o Jon i labo sakit taun a kum poropet.
25330	LUK 8:16	“Katutaio in ungangon tar tu lam ma in wop bat tari nama paket, o in ubek tari kai nago utuntudu ina kabulu. Awu! In ubek tari ut netes una nun a turtur, sur det ra det ruk det in tama a talapor.
25338	LUK 8:24	A kum nat na ususer det wan toromi, det wangun pasi, ma det inanosi lena, “Tene Ususer, Tene Ususer, dat na iru!” I katutur, i turbat a wuwu ma a dekdek na top, ma der mana, ra i mililo rop.
25339	LUK 8:25	Ma i watungi torom a kum nat na ususer lena, “Awai kuti anumot a nurnur?” Det ngara, ma det kisin, det ting etetalai det lena, “Osi na ngas na musano mulus ri? I wasiso torom a wuwu ma a top, ra der mur anun a wasiso!”
25435	LUK 10:3	Mot in nan! A tulu ru mot elar nama kum sipsip epotor tan a kum ngalngalia na pap.
25441	LUK 10:9	Mot in ulangolango a kum misait tiro iai, ma mot in inanos tar a taro lena, ‘A matanitu anun o God i sa milau nisamot!’
25455	LUK 10:23	Ra o Iesu ma anun a kum nat na ususer mukut det kis, i tupukus torom det ra i watungi lena, “Mot dan ra mot tama a kum ututna ri!
25473	LUK 10:41	A Labino i balu i lena, “Mata, Mata, u nuknuk doko sur a susut na utna!
25481	LUK 11:7	Ra a pasano kura urumu in watungi lena, ‘Gong u ubalon iau! Met sa tagar, ma met nama kum nutnutung liklik met sa inep. Kan pirso melet mo sur an los tar tu utna tam.’
25507	LUK 11:33	“Katutaio in ungangon tar tu lam ma in munu tari, o in wop bat tari nama paket. Awu! In ubek tari ut netes una nun a turtur, sur det ra det ruk det in tama a talapor.
25514	LUK 11:40	Mot a kum longlong! Ka mot tasmani lena, o naro ra i pam a surun a kum utna, i pami utkai a balandet?
25548	LUK 12:20	Ikut o God i watungi tano lenri, ‘Ui a longlong! Uniutri una mirum, un mat! Osi mo in los a kum ululeng ra u sa ubek tomo tari sur ui?’
25553	LUK 12:25	Ra taio tamot in nuknuk doko una nun a nilaun, pepetlai, in pet lari sur in tugus walos lilik anun a nilaun? Awu!
25584	LUK 12:56	Mot a kum tene torotoro! Mot mananos sur mot in palos a tamtama ina rakrakon bual ma a bakut. Ma pepetlai ra ka mot mananos sur mot in palos a kukurai ina kum utna ra i wanpat una kum bung ri?
25590	LUK 13:3	Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.
25592	LUK 13:5	Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.”
25594	LUK 13:7	Numur i inanos a tene tamtamabat tagun a kinobot ra lena, ‘Una tulu kilalo ri a tamtama sur lako win in nanai na fig ri ma kalako. Un tau ru i! Uni i urop a inangon tagun a piso.’
25602	LUK 13:15	A Labino i balu i lena, “Mot a kum tene torotoro! Mot rop arara, mot ser palos ru anumot a kum bulumakau ma a kum dongki gusun anundet a kum rumu, ra mot ben pirso det una Bung na Sabat sur det in inum.
25622	LUK 13:35	Tama i! O God i sa wan gusun anumot a tamon. A inanos mot, ka mot in tama melet iau mo, tuk una bung ra mot in watungi lena, ‘O naro ra i wanpat nama risan a Labino i dan.’”
25674	LUK 15:17	“Ra a wakak na nuknuk i wanpat melet toromi, i watungi lena, ‘A kum tultul rop anun o tita det wangangon ma det masmasur pas kut gusun a kum utna. Ikut iau, kuri a mat nama munurak!
25679	LUK 15:22	Ikut o tamano i watungi tan anun a kum tultul lena, ‘Aiapiap! Mot in los lakit tin namalu ra i wakak doko urin, ma mot in upipis tari nami. Mot in ubek tar a ring una lamano, ma mot in pas tari kai aru su un aru kikino.