23244	MAT 2:6	‘Ma ui o Betliem una piso anun a kabotaro Juda, Ui ko natino bing tan a kum mugumugu anun a kabotaro Juda, Uni a mugumugu in nanpat tagun ui, ra in mugu anung a taro Israel elar nama tene tamtamabat anun a kum sipsip.’”
23264	MAT 3:3	O Jon ut, ra a poropet Aisaia i sa wasiso puaso mugu taru uni lena, “Una nubual kalako taro uni, in nalngan ara i kakabo lena, ‘Mot in waninar a kisapi anun a Labino, mot in pam kodos anun a kum kisapi.’”
23282	MAT 4:4	O Iesu i balu i lena, “Di sa tumus tari una Buk Tabu lena, ‘A taro ka det ser laun nama utna na inangon kut, det ser laun nama kum wasiso rop ra i pirso gusun a wan o God.’”
23284	MAT 4:6	Ma i watungi tano lena, “Ra ui a Nutun o God, un sirok pirso, uni di sa tumus tari una Buk Tabu lena, ‘In watungi torom anun a kum ensel sur det in tamtamabat ui. Det in pam pas ui nama kum lamandet, sur gong u tuka a kikim un tu wat.’”
23285	MAT 4:7	O Iesu i balu i lena, “Di sa tumus tari kai una Buk Tabu lena, ‘Gong u lar a Labino anum a God.’”
23288	MAT 4:10	O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’”
23324	MAT 5:21	“Mot sa longoro tari ra numugu di sa watung tari tan a taro lena, ‘Gong u um doko taio. Osi ra in um doko taio din warkurai i.’
23325	MAT 5:22	Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.
23330	MAT 5:27	“Mot sa longoro tari ra di sa watung tari lena, ‘Gong u pam a sakino nam tu ino anun taio o nam tu musano anun taio.’
23334	MAT 5:31	“Di sa watung tari kai lena, ‘Osi ra i lakro ru anun a ino, in pitar tari kai a dono buk na kutus nolin tano.’
23336	MAT 5:33	“Mot sa longoro tari kai ra numugu di sa watung tari tan a taro lena, ‘Gong u liliman torotoro. A utna ra u sa liliman taru uni torom a Labino, un pam soti ut.’
23340	MAT 5:37	Mot in watungi kut lena ‘ma’ o ‘awu’. Uni, ra mot in watung tu ngas na wasiso melet, i ra i wanpat mukut tan a Tene Sakino.
23341	MAT 5:38	“Mot sa longoro tari ra di sa watung tari lena, ‘Ra taio in liok ru tin matan taio, din balu i toromi, din liok ru i kai tin matano. Ra taio in tubul pak ru tin lokon taio, din balu i toromi, din tubul pak ru i kai tin lokono.’
23346	MAT 5:43	“Mot sa longoro tari ra di sa watung tari lena, ‘Un nem o pasam, ma un nget anum a ebar.’
23360	MAT 6:9	“Mot in wararing lenri, ‘Tamamet sapat netes una langit, i wakak ra din ru a risam.
23382	MAT 6:31	Gong mot nuknuk doko ma mot watungi lena, ‘Asau ra dat in nani?’, o ‘Asau ra dat in inumi?’, o ‘Asau ra dat in emar nami?’
23389	MAT 7:4	Ra a nuduwai pi kura kut unin matam, un watung petlani torom o tisim lena, ‘An rakon ru a burbururup gusun in matam’?
23406	MAT 7:21	“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.
23407	MAT 7:22	Una bung na warkurai a susut na taro, det in watungi tang lena, ‘Labino, Labino, met wasiso na poropet nama risam, ma met lakro ru a kum laulau na nion kai nama risam, ma met pam a susut na utna na ukisin nama risam.’
23408	MAT 7:23	An balu det lena, ‘Ka tasman mot. Mot a kum tene sakino, mot in nan gisen gusun iau.’
23423	MAT 8:9	Uni iau a musano ra a ser mur a warkurai anundet ra det labo tang, ma di pitar tar a warkurai kai tang sur a taro na inaim. Ra an watungi tan taio lena, ‘Un nan,’ in nan kut. Ma torom taio kai lenri, ‘Un nan urin,’ in nan kut urin. Ma torom anung a tultul lena, ‘Un pam a utna ri,’ in pami kut.”
23453	MAT 9:5	Osi na wasiso ra ke ngangitin sur an watungi? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, ma un nan’?
23461	MAT 9:13	Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”
23493	MAT 10:7	Ra mot nan, mot in warawai nanan lenri, ‘A matanitu tagisapat una langit i sa milau.’
23499	MAT 10:13	Ra a taro tagun a rumu ra det in gas pas mot, mot in ruk ma mot in watungi lena, ‘A malmal in kis torom mot.’ Ikut, ra ka det in gas pas mot, anumot a malmal, mot in los melet pasi.
23521	MAT 10:35	A wanpat sur a taro det in kis na inaim, kibino un iau. ‘A nat musano in nget o tamano, ma a nat na ino in nget o nano, ma a nolin na ino in nget o tubunu.
23538	MAT 11:10	Di sa tumtumus taru uni una Buk Tabu lena, ‘Tama i, iau an tulu ru anung a tene los wasiso sur in mugu tam, i ra in waninar anum a kisapi numugu tam.’
23545	MAT 11:17	‘Met wup tulal, ikut ka mot lagori, ma met kele a kelekele na tupunuk, ikut ka mot tangis.’
23546	MAT 11:18	O Jon i wanpat, ke wan tu wakak na utna ma ke inum a wain, ra det watungi uni lena, ‘A laulau na nion kura uni.’
23547	MAT 11:19	A Nutun a Musano i wanpat, i wangon ma i inum, ra det watungi uni lena, ‘Tama i, a musano ri a tene inangon ma a tene ininum, a pasan a kum tene los takis ma a kum tene sakino.’ Ikut a kum pinapam anun o God i upuaso i lena, anun a mananos i a mananos mulus.”
23565	MAT 12:7	Di sa tumus tari una Buk Tabu lenri, ‘A nem a marmaris, ma ka nem a etabor ra di ser tuni.’ Ra gunuk mot sa tasman a kukurai ina wasiso ri, ka mot in takun det ra ka det raro.
23602	MAT 12:44	Ra in watungi lena, ‘An milet melet sur anung a rumu, ra a sa pirso pas gusuni.’ Ra in nanpat, in tama i ra i sa belbel, di sa surupu tari, ma di sa ukodos tari.
23622	MAT 13:14	A wasiso na poropet anun o Aisaia i sa sot un det, ra i watungi lena, ‘Mot in longoro ma mot in longoro, ikut ka mot in longoro lele i, mot in tamtama ma mot in tamtama, ikut ka mot in tama lele i.
23635	MAT 13:27	A kum tultul anun a taman a kinobot det wan toromi, ma det watungi tano lena, ‘Labino, pepetlai, a kum wakak na pitino wit rop kut, ra u sapro tari una num a kinobot? Tagai kai a kum karapa?’
23636	MAT 13:28	I balu det lena, ‘A ebar i pam a petutna ra.’ Ra det tingi lena, ‘U nemi sur met in nan, ma met in gat rop ru det?’
23637	MAT 13:29	I turbat det lena, ‘Gong munung, sako mot in gat tomo ru i nama kum wit.
23706	MAT 15:4	Uni o God i watungi lena, ‘Un ru o tamam ma o nam,’ ra i watungi kai lena, ‘Osi ra in wasiso laulau un o tamano ma o nano, din um doko i.’
23707	MAT 15:5	Ikut mot, mot ususer a taro lena, i wakak kut ra taio in watungi tan o tamano ma o nano lena, ‘Asau ra an warut mur nami, a sa tabor tar o God nami.’
23710	MAT 15:8	‘A taro ri det ru iau kut nama wandet, ikut a balandet i bakbak doko gusun iau.
23743	MAT 16:2	Ra i watungi tandet lena, “Ra i ser lirop mot ser watungi lena, ‘Markan ken bato, uni a bakut i sa merek rop.’
23744	MAT 16:3	Ma una kobot mot ser watungi kai lena, ‘Uniri in bato, uni a bakut i sa merek, ma i sa bagubagu rop.’ Mot mananos sur mot in palos a tamtama ina bakut, ikut ka mot mananos sur mot in palos a kukurai ina kum ukinalong tagun uniri.
23789	MAT 17:20	Ma i balu det lena, “Uni anumot a nurnur i natino doko. A inanos mot nama lingmulus, ra anumot a nurnur in natino elar namin pitino mastad, mot in pet lar pasi sur mot in watungi tan a tangai ri lena, ‘Un karai taginin utong,’ ra in karai kut. Katu utna in ngangitin torom mot.”
23812	MAT 18:16	Ra ken longoro ui, un ben melet pas taio o lako ru sur der in warut ui. Uni a Buk Tabu i watungi lenri, ‘Ra lako ru o lako tul anundetul a wasiso i takai kut un tu utna, anundetul a wasiso i lingmulus.’
23822	MAT 18:26	Ra a tultul ra i kis butkeke umatan anun a labino, ra i saringi lena, ‘Un madek ru iau munung, numur an balu rop tar anum a mani.’
23823	MAT 18:27	Ma a labino anun a tultul ra i marisi, ra i watungi tano lena, ‘Un nan. Gong mukut u balu i.’
23824	MAT 18:28	“A tultul ra i pirso unago utamon, ra i barato pas ara tultul ra numugu i los pas a noino mani kut tano. I pam ukai pasi, i bing in kabarano, ra i watungi tano lena, ‘Un balu tar anung a mani ra u los pasi.’
23825	MAT 18:29	A pasano ra i kis butkeke umatano ra i saringi lena, ‘Un madek ru iau munung, numur an balu melet tar anum a mani.’
23828	MAT 18:32	“Anun a labino i kabo pasi, ma i watungi tano lena, ‘Ui, a sakino tultul ui. A madek ru ui sur gong mo u balu a mani ra u los pasi tang, uni u saring iau.
23835	MAT 19:4	I balu det lena, “Pepetlai, ka mot luki utmakai a wasiso una Buk Tabu? I watungi lenri: Una turturkibin a ukukis, a Tene Ukukis ‘i ukis a taro, sur det in musano ma det in ino,’
23836	MAT 19:5	ma i watungi lena, ‘Iri a kibino ra a musano in nan gusun o tamano ma o nano, ma in kis tomo nam anun a ino, sur der in takai mukut.’
23849	MAT 19:18	Ra i tingi lena, “Osi na kum Warkurai?” O Iesu i balu i lena, “‘Gong u um doko taio, gong u pam a sakino nam tu ino anun taio o nam tu musano anun taio, gong u wolong, gong u etakun torotoro,
23850	MAT 19:19	un ru o tamam ma o nam,’ ma ‘un nem o pasam elar nami ra u nem ui ut.’”
23865	MAT 20:4	Ra i watungi tandet lena, ‘Mot kai, mot in nan, ma mot in papam una nung a kinobot na wain, ma an tokom mot nama sau ra i tokodos.’
23867	MAT 20:6	Una limo na pakano bung una lirop i wan melet, ma i tama pas ara taro bulung det tur ororos kut. Ra i watungi tandet lena, ‘Ilai ra mot tur ororos kut nin, a kudulano bung rop ri?’
23868	MAT 20:7	Det balu i lena, ‘Katutaio i ben met sur tu pinapam.’ I watungi tandet lena, ‘Mot kai mot in nan ma mot in papam una nung a kinobot na wain.’
23869	MAT 20:8	“Ra i sa lirop matano mirum, a taman a kinobot na wain, i watungi tan a mugumugu tagun anun a kum tene pinapam lena, ‘Kabo pas a kum tene pinapam urin, ma un tokom det. Det ra det wanpat murmur sakit un tokom mugu det. Numur un tokom imurmur a kum tene pinapam tuk un det ra det mugu pat.’
23873	MAT 20:12	det watungi lena, ‘Det ri ka det papam suano i, ma met, met pam a dekdek na pinapam ma a suan i rang met, ikut u tokom det utkai elar nam met.’
23874	MAT 20:13	Ra i balu ara tandet lena, ‘Pasang, awu sur a ban laulau ui. Pepetlai, ka dar kubus pas a wasiso sur a ikul tagun ara bung na pinapam?
23898	MAT 21:3	Ra taio in ting mur un der, mur in watungi lena, ‘A Labino i nem der,’ ra uniutra in madek ru der torom mur.”
23900	MAT 21:5	“Mot in inanos a taro Saion lena, ‘Tama i, anumot a king i mo ra pat i wan nanan torom mot, i unatino pasi, ma i kas una dongki, a barman na dongki.’”
23908	MAT 21:13	Ma i watungi tandet lena, “Di sa tumus tari una Buk Tabu lenri, ‘Din watung anung a rumu nama rumu na niaring.’ Ikut mot pukusi sur in elar mukut nama ‘nubual na parparau anun a kum tene wolong.’”
23911	MAT 21:16	Ra det ting o Iesu lena, “Pepetlai, u sa longoro tar a kum wasiso ri anun a kum nat liklik?” O Iesu i balu det lena, “Ma! Pepetlai, ka mot luki utmakai a wasiso tagun a Buk Tabu? I watungi lena, ‘U sa ususer tar a kum nat liklik sur det in watung ulabo pas ui.’”
23916	MAT 21:21	O Iesu i balu det lena, “A inanos mot nama lingmulus, ra mot nurnur, ma ka mot in wur nuknuk, mot in pam a pinapam ri a pami unin nanai na fig. Awu sur i kut ri ra mot in pami, awu. Ra mot in watungi kai torom a tangai ri lena, ‘Un taragot ma un sirok losop usa utasi,’ in pami kut.
23920	MAT 21:25	Tagai a dekdek ra o Jon i baptaiso a taro nami? Tan o God, o tan a taro kut?” Ra det wasiso etetalai torom det lena, “Ra dat in watungi lena, ‘Tan o God,’ in balu dat kut lena, ‘Sur asau ra ka mot nurnur uni?’
23921	MAT 21:26	Ikut ra dat in watungi lena, ‘Tan a taro,’ dat ngaran a taro, uni det rop det nurnur un o Jon lena, i a poropet.”
23923	MAT 21:28	O Iesu i inanos det lena, “Asau mot nuki? Ara musano aru nutnutunu, aru nat musano. I wan torom a mugano, ra i watungi tano lena, ‘Nutunglik, uniri un nan sur a kinobot na wain ma un papam.’
23924	MAT 21:29	Ra o nutunulik i watungi lena, ‘Iau kan nan,’ ikut numur i pukus melet a nuknukino, ra i wan.
23925	MAT 21:30	Ra o tamano i wan bulung torom ara pasander, ra i inanosi utkai lenra, ra o nutunulik i balu i lena, ‘I wakak kut tita, an nan ut,’ ikut ke wan.
23933	MAT 21:38	Ikut, ra a taro na pinapam det tama pas o nutunulik det wasiso tomo pas lena, ‘I ra in keles o tamano, i mo ra i wan urin. Mot iap, dat in um doko i, sur anundat mo a kinobot.’
23937	MAT 21:42	O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’
23945	MAT 22:4	I tulu ru i bulung anun a ramano kum tultul gisen nama wasiso lena, ‘Mot in inanos det ra di sa inanos mugu tar det lena, “A sa waninar rop tar a utna na inangon. A sa um doko tar a kum bulumakau ma a kum matok na butbut na bulumakau, a kum utna i sa waninar rop. Mot in nan urin una lukaro na unolin.” ’
23949	MAT 22:8	“I watung meleti tan anun a kum tultul lena, ‘Di sa waninar tar a lukaro na unolin, ikut det ra di sa inanos mugu tar det, ka det tokodos sur det in kis una lukaro.
23953	MAT 22:12	Ma i tingi lena, ‘Le, u ruk lai taru urin? Uni ka tin namalu na lukaro na unolin anum.’ A musano ra ke balu i.
23954	MAT 22:13	Ra a king i watungi tan anun a kum tultul lena, ‘Mot in ker pas aru kikino ma aru lamano ma mot in woro pirso ru i unago utamon una dumirum. Tiro iai di tangtangis ma di ungingit lokondi iai.’
23973	MAT 22:32	‘Iau a God anun o Abaram, a God anun o Aisak ma a God anun o Jekop.’ O God awu sur a God anun a kum minat, i a God anundet ra det laun.”
23978	MAT 22:37	Ma i balu i lena, “‘Un nem a Labino anum a God namin balam rop, a niom rop, ma a nuknukim rop.’
23980	MAT 22:39	Ma iri i a manru na warkurai, ra i ling na elar nami, ‘Un nem o pasam elar nami ra u nem ui ut.’
23984	MAT 22:43	O Iesu i watungi tandet lena, “Ra i lenra, ilai ra a Tokodos na Nion i mugu o Dewid ra i watung a Karisito lena ‘anung a Labino’? Uni o Dewid i watungi lena,
23985	MAT 22:44	‘A Labino i watungi torom anung a Labino lena, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” ’
24003	MAT 23:16	“In laulau doko torom mot a kum pulu na mugumugu, uni mot watungi lena, ‘Ra taio i liliman nama rumu na etabor, ke maut, ikut ra taio i liliman nama gol una rumu na etabor, i ra i lingmulus.’
24005	MAT 23:18	Mot watungi kai lena, ‘Ra taio i liliman nama kabulu na tuntun etabor, ke maut, ikut ra taio i liliman nama etabor ra di ubeki uni, i ra i lingmulus.’
24017	MAT 23:30	Ma mot watungi lena, ‘Gunuk ra met sa laun tomo numugu nama kum tumtubu met, ka met in warut det ra det um doko a kum poropet.’
24026	MAT 23:39	A inanos mot, ka mot in tama melet iau mo, tuk una bung ra mot in watungi lena, ‘O naro ra i wanpat nama risan a Labino i dan.’”
24031	MAT 24:5	Uni a susut na taro det in nanpat nama risang, ma det in warango det lena, ‘Iau a Karisito,’ ra det in toro lako susut na taro.
24049	MAT 24:23	“Una kum bung ra, ra taio in watungi torom mot lena, ‘Tama i, a Karisito kuri i,’ o ‘Kurong i,’ gong mot nurnur.
24052	MAT 24:26	“Ra det in watungi tamot lena, ‘Kura i kis una nubual kalako taro uni,’ gong mot wan suri, ma ra det in watungi kai lena, ‘Kuri una rumu,’ gong mot nurnur.
24055	MAT 24:29	“Uniutra, ra i sa rop a kum mamaut ma a kum ngunungut una kum bung ra, ‘in matanas in dumirum, a kalang ken talapor, a kum nangnang det in puku pirso tagisapat una bakut, ma a kum utna sapat netes una bakut det in tugunugunu.’
24083	MAT 25:6	“Ra una labino mirum di kakabo lena, ‘Wo, a musano ra i nolin matok i sa wanpat! Mot iap, mot in barato i.’
24085	MAT 25:8	Det ra ka det mananos, det saring det ra det mananos lena, ‘Mot in tabor met nam lakalik wel, uni anumet a kum lam det sa ling na mat.’
24086	MAT 25:9	Det balu det lena, ‘Awu, sako ken elar nam dat rop. Mot in nan torom det ra det siuru wel ma mot in kukul pas.’
24088	MAT 25:11	“Numur a limo ra ka det mananos det wanpat, ma det kakabo lena, ‘Labino, labino, un papos pas met.’
24089	MAT 25:12	I balu det lena, ‘A inanos mot nama lingmulus, ka tasman mot.’
24097	MAT 25:20	O naro ra di pitar tar a limo na arip na mani tano i wan toromi nama limo na arip melet, ra i watungi tano lena, ‘Labino, u pitar tar a limo na arip na mani tang. Tama i, a sa ulabo melet pas a limo na arip taguni.’
24098	MAT 25:21	Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una kum nat na utna ri. Ra uniri dar in nan ma dar in gas tomo.’
24099	MAT 25:22	“O naro ra di pitar tar aru arip na mani tano i wan toromi, ma i watungi lena, ‘Labino u pitar tar aru arip na mani tang. Tama i, a sa ulabo melet pas aru arip taguni.’
24100	MAT 25:23	Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una nat na utna ri. Ra uniri dar in nan ma dar in gas tomo.’
24101	MAT 25:24	“Numur, i ra di pitar tar ara arip na mani tano i wan toromi, ra i watungi lena, ‘Labino, a tasmani lena ui a tene ngalngalia. U ser pasong pas a utna ra ko marut tari, ma u git pasi kai, a win a utna ra ko marut tari.
24103	MAT 25:26	Anun a labino i balu i lena, ‘Ui a laulau na tultul, a tabalamat na musano ui. U sa tasman tari lena, a pasong a utna ra ka marut tari, ma a git pasi kai a wino utna ra ka marut tari.
24111	MAT 25:34	A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.
24114	MAT 25:37	“A kum tene tokodos det in tingi lena, ‘Labino, nangisin met tama ui ra u murak ma met tabor ui, o u muruk ra met tabor ui nam lako danim?