23214	MAT 1:1	Iri a risan a kabotaro tagun numugu ra o Iesu Karisito i wanpat tagun det. O Iesu, a nutun o Dewid, o Dewid a nutun o Abaram.
23215	MAT 1:2	O Abaram o taman o Aisak, O Aisak o taman o Jekop, ma o Jekop o taman o Juda ma a kum tistisino.
23217	MAT 1:4	ma o Ram o taman o Aminadap, o Aminadap o taman o Nason, ma o Nason o taman o Salmon,
23220	MAT 1:7	O Solomon o taman o Roboam, o Roboam o taman o Abia, o Abia o taman o Asa,
23221	MAT 1:8	o Asa o taman o Josapat, o Josapat o taman o Joram, ma o Joram o taman o Usia,
23222	MAT 1:9	o Usia o taman o Jotam, o Jotam o taman o Akas, ma o Akas o taman o Esekia,
23223	MAT 1:10	o Esekia o taman o Manase, o Manase o taman o Amon, ma o Amon o taman o Josaia,
23226	MAT 1:13	o Serubabel o taman o Abiut, o Abiut o taman o Eliakim, ma o Eliakim o taman o Asor,
23227	MAT 1:14	o Asor o taman o Sadok, o Sadok o taman o Akim, ma o Akim o taman o Eliut,
23230	MAT 1:17	A kum taun taro turpasi tagun o Abaram tuk un o Dewid i elar nama noino ma a wat det, ma tagun o Dewid tuk una inawan na karabus tong o Babilon, a noino ma a wat kai det, ma tagun a inawan na karabus tong o Babilon tuk un o Karisito, a noino ma a wat na taun taro kai.
23235	MAT 1:22	A kum utna rop ri i wanpat sur din pam sot pas a kum wasiso anun a Labino ra anun a poropet i sa upuaso tari lenri,
23240	MAT 2:2	Ra det iting lena, “Awai i a nat ra di ususi, sur in king anun a taro Juda? Uni met tama anun in nangnang tiro una nubual ra in matanas i pusu pat iai, ra iri met wan urin sur met in lotu toromi.”
23242	MAT 2:4	Numur i ben tomo rop pas a kum lamlabino tene etabor torom o God ma a kum tene ususer tagun a Warkurai. Ra i ting det lena, “A Karisito ra o God in tulu ru i, din ususi awai?”
23253	MAT 2:15	Detul kis tiro iai tuk ra o Erod i mat. Una nundetul a kinkinis tiro, di pam sot pas a wasiso anun a Labino, ra a poropet i sa wasiso mugu taru uni lenri, “A kabo pas o nutunglik tagitong o Ijip.”
23260	MAT 2:22	Ikut i longoro i lena, o Akelaus i keles o tamano o Erod, sur i bulung in king tong una papor Judia, ra o Josep i ngara sur in nan utong o Judia. Ra detul wan mukut utong una papor Galili, uni o God i turbat tar o Josep una ririon, sur gong detul wan utong una papor Judia.
23262	MAT 3:1	A ramano kum kilalo numur, o Jon a Tene Baptaiso i wanpat, ma i warawai una nubual kalako taro uni una papor Judia,
23264	MAT 3:3	O Jon ut, ra a poropet Aisaia i sa wasiso puaso mugu taru uni lena, “Una nubual kalako taro uni, in nalngan ara i kakabo lena, ‘Mot in waninar a kisapi anun a Labino, mot in pam kodos anun a kum kisapi.’”
23266	MAT 3:5	A taro tagisapat o Jerusalem, ma tagun a kum tamon rop una papor Judia, ma tagun a kum tamon ra det kis milau a danim Jodan, det wan toromi.
23268	MAT 3:7	O Jon i tama a susut na Parisi tomo nama kum Sadusi det wan sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.
23270	MAT 3:9	Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.
23282	MAT 4:4	O Iesu i balu i lena, “Di sa tumus tari una Buk Tabu lena, ‘A taro ka det ser laun nama utna na inangon kut, det ser laun nama kum wasiso rop ra i pirso gusun a wan o God.’”
23292	MAT 4:14	sur in pam sot pas a wasiso anun o God ra o Aisaia a poropet i sa wasiso mugu taru uni lena,
23293	MAT 4:15	“A piso anun a kabotaro Sebulon ma a piso anun a kabotaro Naptali, milau a kisapi ra i wan unago utasi, una papor danim Jodan utong, der kis una papor Galili, ra a taro ra awu sur a taro Juda det kis iai.
23294	MAT 4:16	A taro ra det kis una dumirum det sa tama a labino talapor, ma det ra a dumirum na minat i pulus bat det, a talapor i sa wanpat torom det.”
23296	MAT 4:18	Ara bung o Iesu i usal una usalin ina du tasi Galili, ra i tama pas o Saimon, di watungi kai nam o Pita, ma o tisino o Endru. Der woro a uben sa utasi, uni der aru tene woro uben.
23304	MAT 5:1	O Iesu i tama pas a kunur na taro, ra i wan toto una tangai, ma i kis. Anun a taro na ususer det wan toromi.
23318	MAT 5:15	Katutaio in ungangon tar tu lam ma in wop bat tari nama paket. Awu! Din ubek tari ut netes una nun a turtur, sur in talapor torom det rop ra det kis una rumu.
23321	MAT 5:18	A inanos mot nama lingmulus, katu nat na tumtumus lik o tu ukinalong lik tagun a kum Warkurai ri in rop, tuk ra a bakut ma a rakrakon bual der in rop. A kum Warkurai det in kis ut, tuk ra din pam sot pas det.
23325	MAT 5:22	Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.
23329	MAT 5:26	A inanos ui nama lingmulus, kon pirso lar pas tuk ut ra un pitar rop ru a ururop na toia ina num a kunukul.
23336	MAT 5:33	“Mot sa longoro tari kai ra numugu di sa watung tari tan a taro lena, ‘Gong u liliman torotoro. A utna ra u sa liliman taru uni torom a Labino, un pam soti ut.’
23349	MAT 5:46	Ra mot nem det kut ra det nem mot, asau mo anumot a ikul? A kum tene los takis, ra ka det lason una marmaris det kai det ser pami lenra.
23350	MAT 5:47	Ra mot gas pas a kum paspasa mot kut, mot in wakak pepetlai taun ara taro? A taro kai ra ka det nurnur, det ser gas pas a kum paspasan det kut.
23353	MAT 6:2	Ra un tabor a kum sibo na taro, gong u wasiso mugu sur a taro det in tama ui. A taro ra ka det etabor nama lingmulus una balandet, det ser wasiso mugu nam anundet a etabor una kum rumu na lotu ma una kum kisapi kai, sur a taro det in watung ulabo pas det uni. Gong mot pami elar nam det. A inanos mot nama lingmulus, ra a taro det ulabo pas det, i ut ra anundet a kudulano ikul.
23356	MAT 6:5	“Ra mot in wararing, gong mot elar nama kum tene torotoro. Det nem doko i sur det in tur ma det in wararing una kum rumu na lotu, ma una kum nubual ra a taro det wanan tomo iai, sur a taro det in tama det ma det in watung ulabo pas det. A inanos mot nama lingmulus, ra a taro det ulabo pas det, i ut ra anundet a kudulano ikul.
23362	MAT 6:11	A bung ri un tabor met nam amet a utna na inangon.
23367	MAT 6:16	“Ra mot in wewel sur mot in wararing, gong mot tamtama na marmaris elar nama kum tene torotoro, uni det tamtama na marmaris sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul.
23373	MAT 6:22	“Arin matandat der elar nama lam tagun a pinindat. Ra arin matam der wakak, a pinim rop in bukus nama talapor.
23376	MAT 6:25	“I mo ra a watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo taun a utna na inangon, niko? Ma a pinindi kai i labo taun in namalu, niko?
23378	MAT 6:27	Ra taio tamot in nuknuk doko una nun a nilaun, pepetlai, in pet lari sur in tugus walos lilik anun a nilaun? Awu!
23381	MAT 6:30	O God i mar a kum wuliso sa ubual nama kum wakak na purpurindet, ra i puspus uniri, ra markan din tun ru i una sungun. Ra i pami lenra una kum wuliso, pepetlai, ken mar mot kai? Anumot a nurnur i natino doko.
23382	MAT 6:31	Gong mot nuknuk doko ma mot watungi lena, ‘Asau ra dat in nani?’, o ‘Asau ra dat in inumi?’, o ‘Asau ra dat in emar nami?’
23385	MAT 6:34	I mo ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i topasi ut a bung ra.”
23387	MAT 7:2	Uni a warkurai ra mot takun taio nami, i ut ra o God in takun mot melet nami. Asi na ngas na warkurai ra mot takun taio nami, ra i tokodos o ke tokodos, i ut ra o God kai in takun mot melet nami.
23389	MAT 7:4	Ra a nuduwai pi kura kut unin matam, un watung petlani torom o tisim lena, ‘An rakon ru a burbururup gusun in matam’?
23397	MAT 7:12	A kibin a wasiso na Warkurai anun o Moses, ma a kum etowo anun a kum poropet i lenri: A kum utna rop ra mot nemi sur a taro det in pami torom mot, mot kai, mot in ser pami torom det.
23401	MAT 7:16	Mot in tama lele a kum torotoro na poropet tagun a windet ut. Pepetlai, din git pas in niwino wain tagun in kadas, ma in niwino fig tagun in suksuk? Awu, ken elar!
23404	MAT 7:19	A kum duwai rop ra ka det wu a wakak na windet, din tau ru det, ma din woro tar det una sungun.
23408	MAT 7:23	An balu det lena, ‘Ka tasman mot. Mot a kum tene sakino, mot in nan gisen gusun iau.’
23410	MAT 7:25	A bato i puku, ra a lomom i wanpat, ma a wuwu i ragoti ra i um a rumu ra, ikut ke toropo lar pas, uni di utur tari netes una wat.
23412	MAT 7:27	A bato i puku, ra a lomom i wanpat, ma a wuwu i ragoti ra i um a rumu, ra i toropo, ma i terege mut.”
23416	MAT 8:2	Ara musano, i misait nama lepra, i wan toromi, i kis butkeke nisano, ma i watungi lena, “Labino, ra u nemi, i topas ui sur un ulangolango pas iau.”
23417	MAT 8:3	O Iesu i kodos a lamano, ma i pam a pinino, ra i watungi tano lena, “A nemi ut, un langolango.” Uniutra a lepra i rop gusuni.
23421	MAT 8:7	O Iesu i watungi tano lena, “An nan ma an ulangolango pasi.”
23422	MAT 8:8	A mugumugu ra i balu i lena, “Labino, ka tokodos sur un ruk una nung a rumu. Un watung tu wasiso kut, ra anung a tultul in langolango.
23424	MAT 8:10	O Iesu i longoro anun a wasiso, ra i kisin doko uni, ma i watungi torom a taro ra det muri lena, “A inanos mot nama lingmulus, ka tama tar tu te Israel ra anun a nurnur i labo elar nama musano ri.
23425	MAT 8:11	A watungi tamot lena kura numur a susut na taro det in nan tagitiro na matmatano tobar ma a matmatano lubur, ra det in kis tomo nam o Abaram, o Aisak ma o Jekop una lukaro una matanitu sapat una langit.
23429	MAT 8:15	O Iesu i pam a lamano, ra a mararong i rop mut gusuni. A ino ra i katutur, ra numur i tabor o Iesu nama utna na inangon.
23431	MAT 8:17	A utna ri i wanpat sur din pam sot pas a kum wasiso, ra a poropet Aisaia i sa wasiso taru uni lenri, “I ut i los pas anundat a kum misait, ma i rakon ru anundat a kum ngunungut.”
23434	MAT 8:20	Ra o Iesu i watungi tano lena, “A kum lomlom na pap anundet a kum tung ut, ma a kum piko kai anundet a kum pios ut, ikut a Nutun a Musano katu rumu na ininep.”
23438	MAT 8:24	Numur a dekdek na wuwu doko i wanpat kisin ma i ragoti una du tasi. A top i tapak sapat netes una pot. Ikut o Iesu i inep dumun,
23440	MAT 8:26	Ma i watungi torom det lena, “Anumot a nurnur i natino doko. Sur asau ra mot ngara?” I katutur ra i turbat a wuwu ma a top, ra i mililo rop.
23441	MAT 8:27	Ra a kum nat na ususer det kisin uni, ma det watungi lena, “Osi na ngas na musano mulus ri? A wuwu ma a top der mur anun a wasiso!”
23442	MAT 8:28	O Iesu i sot una ara papor tasi, una papor anun a taro Gadara. Aru musano ra a kum laulau na nion kura un der, der wan tagitong una kum kulam na minat, ra der wan barato i. Der ngalngalia doko, ma kataio i ser wan sakit tiro una kisapi ra.
23444	MAT 8:30	A kabo liur na boro det wangon milau kut tiro iai.
23446	MAT 8:32	O Iesu i watungi tandet lena, “Mot wan!” Ra a kum laulau na nion det pirso gusun aru musano ra, ma det ruk taru una kum boro. A kum boro det kalabor pirso una palis sur a du tasi, ra det kongo rop.
23447	MAT 8:33	A taro ra det ser tabor a kabo liur na boro ra, det kalabor eno pas utiro utamon. Ra det wanpat, det inanos una kum utna rop ra i wanpat, ma un der kai, ra a kum laulau na nion numugu kura un der.
23448	MAT 8:34	A taro rop tagun a tamon ra, det wan sur det in tama o Iesu. Ra det tama pasi, det saringi sur in nan gisen gusun anundet a papor.
23451	MAT 9:3	A ramano kum tene ususer tagun a Warkurai det wasiso etalai torom det ut lena, “A musano ri i watung laulau o God, uni i wasiso lar i o God.”
23454	MAT 9:6	A wasiso ra an watungi, an watungi sur mot in tasmani lena, o God i pitar a warkurai torom a Nutun a Musano, sur in unus ru a kum sakino petutna nin upiso.” Ra i watungi torom a musano a pinino i mat lena, “Un katutur, un los anum a lu, ra un nan sur anum a rumu.”
23456	MAT 9:8	A kunur na taro det tama i, ra det kisin doko uni, ma det rakon lekeleke pas o God, uni i pitar a dekdek lenri torom a taro.
23458	MAT 9:10	Numur o Iesu ma anun a kum nat na ususer, det wangon tiro una rumu anun o Matiu. A susut na tene los takis ma a kum tene sakino det wan torom o Iesu, ra det wangon tomo nam det.
23460	MAT 9:12	O Iesu i longoro i ra i watungi lena, “A dokta ke wanpat sur det ra det langolango. Awu! I wanpat sur det kut ra det misait.
23461	MAT 9:13	Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”
23462	MAT 9:14	A kum nat na ususer anun o Jon det wan torom o Iesu, ra det tingi lena, “Sur asau ra met ma a kum Parisi met wewel, ikut anum a kum nat na ususer awu?”
23463	MAT 9:15	O Iesu i balu det lena, “A kum paspasan a musano ra i nolin matok, det in domos pepetlai, ra kura utmakai i tomo nam det? Ikut tu bung in nanpat, ra din ben ru i gusun det, ra det in wewel maragom.
23466	MAT 9:18	Ra o Iesu i wasiso utmakai torom det, ara mugumugu i wan toromi, ra i kis butkeke sa numugu tano, ra i watungi lena, “A nutunglik a ino, unikutri i mat. Aiap, dar in nan ma un ubek a lamam sapat netes uni, sur in laun.”
23468	MAT 9:20	Ara ino ra i misait nama gap elar nama noino ma aru kilalo, i nuki lena, “Ra an tulani kut anun a saket, an langolango.” Ra i wan numur tan o Iesu, ma i tulan tar a sinisir ina saket anunu.
23472	MAT 9:24	I watungi tandet lena, “Mot in pirso saro i. A inolik ri awu sur i mat, i inep dumun kut.” Ra det urongon kut uni.
23474	MAT 9:26	A wasiso una utna ri i wan sarara una papor rop ra.
23485	MAT 9:37	Ra i watungi tan anun a kum nat na ususer lena, “A kinobot i sa makus, ma i sa labo doko, ikut kalako susut na tene pasong.
23488	MAT 10:2	Iri a kum risan a noino ma aru aposel: A mugano, o Saimon ara risano kai o Pita, dersino nam o Endru, o Jems ma o Jon dersino, aru nutnutun o Sebedi,
23489	MAT 10:3	o Pilip, o Batolomiu, o Tomas, o Matiu a tene los takis, o Jems a nutun o Alpius, ma o Tadius,
23493	MAT 10:7	Ra mot nan, mot in warawai nanan lenri, ‘A matanitu tagisapat una langit i sa milau.’
23499	MAT 10:13	Ra a taro tagun a rumu ra det in gas pas mot, mot in ruk ma mot in watungi lena, ‘A malmal in kis torom mot.’ Ikut, ra ka det in gas pas mot, anumot a malmal, mot in los melet pasi.
23501	MAT 10:15	A inanos mot nama lingmulus, una bung na warkurai, a warkurai torom a tamon ra, in laulau doko taun a warkurai torom a taro Sodom ma o Gomora.
23506	MAT 10:20	Awu sur mot ra mot in wasiso, a Nion a Tamamot ut in unuk tar mot nama sau ra mot in watungi.
23509	MAT 10:23	Ra det in ban laulau mot un tu tamon, mot in kalabor utiro un tu tamon gisen. A inanos mot nama lingmulus, ra ka mot in nan rop utmakai utiro una kum tamon nin o Israel, a Nutun a Musano in nanpat.
23510	MAT 10:24	“A nat na ususer ke labo taun anun a tene ususer, ma a tultul kai, ke labo taun anun a labino.