23218	MAT 1:5	o Salmon o taman o Boas, ma o nano a risano o Reap. O Boas o taman o Obed, ma o nano a risano o Rut. O Obed o taman o Jesi,
23224	MAT 1:11	o Josaia i ulabo o Jekonia tomo nama kum tistisino. Numur tano, a taro Babilon det dat pas a taro Israel utong o Babilon sur det in kis na karabus.
23225	MAT 1:12	Numur tan a inawan utong o Babilon: O Jekonia i ulabo o Salatiel, o Salatiel o taman o Serubabel,
23230	MAT 1:17	A kum taun taro turpasi tagun o Abaram tuk un o Dewid i elar nama noino ma a wat det, ma tagun o Dewid tuk una inawan na karabus tong o Babilon, a noino ma a wat kai det, ma tagun a inawan na karabus tong o Babilon tuk un o Karisito, a noino ma a wat na taun taro kai.
23239	MAT 2:1	Di usus o Iesu una tamon Betliem tiro una papor Judia, una kilalo ra o Erod i king. Numur a ramano kum tene mananos tagun a kum nangnang det wan tagitiro una nubual ra in matanas i pusu pat iai, ra det wanpat sapat o Jerusalem.
23243	MAT 2:5	Det balu i lena, “Tong o Betliem una papor Judia, uni a poropet i sa tumus tari lenri,
23244	MAT 2:6	‘Ma ui o Betliem una piso anun a kabotaro Juda, Ui ko natino bing tan a kum mugumugu anun a kabotaro Juda, Uni a mugumugu in nanpat tagun ui, ra in mugu anung a taro Israel elar nama tene tamtamabat anun a kum sipsip.’”
23246	MAT 2:8	I tulu ru det utong o Betliem nama wasiso lenri, “Mot nan ma mot in sisio wakak sur a natlik. Ra mot sa sio pasi, mot in inanos iau, sur iau bulung an nan ma an lotu toromi.”
23254	MAT 2:16	Ra o Erod i tama i lena a kum tene mananos tagun a kum nangnang det sa toro tari, i kankan doko ra i itula sur din um doko rop ru a kum nat musano tong o Betliem ma una kum tamon kai ra det kis milau. I pitar a warkurai sur din um doko det ra aru kilalo anundet, ma det kai ra ke ru kilalo utmakai anundet, uni a kum tene mananos det sa inanos tari una kilalo anun a natlik.
23262	MAT 3:1	A ramano kum kilalo numur, o Jon a Tene Baptaiso i wanpat, ma i warawai una nubual kalako taro uni una papor Judia,
23282	MAT 4:4	O Iesu i balu i lena, “Di sa tumus tari una Buk Tabu lena, ‘A taro ka det ser laun nama utna na inangon kut, det ser laun nama kum wasiso rop ra i pirso gusun a wan o God.’”
23284	MAT 4:6	Ma i watungi tano lena, “Ra ui a Nutun o God, un sirok pirso, uni di sa tumus tari una Buk Tabu lena, ‘In watungi torom anun a kum ensel sur det in tamtamabat ui. Det in pam pas ui nama kum lamandet, sur gong u tuka a kikim un tu wat.’”
23285	MAT 4:7	O Iesu i balu i lena, “Di sa tumus tari kai una Buk Tabu lena, ‘Gong u lar a Labino anum a God.’”
23288	MAT 4:10	O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’”
23461	MAT 9:13	Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”
23489	MAT 10:3	o Pilip, o Batolomiu, o Tomas, o Matiu a tene los takis, o Jems a nutun o Alpius, ma o Tadius,
23511	MAT 10:25	I topasi sur a nat na ususer in elar kut nam anun a tene ususer ma a tultul in elar nam anun a labino. Ra di sa watung iau nam o Belsebul, mot kai ra mot kis tomo nam iau, din watung mot nama kum rising i sakino taun a rising ri.
23538	MAT 11:10	Di sa tumtumus taru uni una Buk Tabu lena, ‘Tama i, iau an tulu ru anung a tene los wasiso sur in mugu tam, i ra in waninar anum a kisapi numugu tam.’
23539	MAT 11:11	A inanos mot nama lingmulus, o Jon a Tene Baptaiso i labo sakit taun a taro rop taginin upiso. Ikut osi ra i natino sakit una matanitu tagisapat una langit, i labo taun o Jon.
23540	MAT 11:12	“Turpasi una kilalo ra o Jon a Tene Baptaiso i turpas a warawai ma tuk uniri, a matanitu tagisapat una langit i dekdek sur in lubung, ma a dekdek na taro det dekdek doko nama inaim sur det in turbati.
23549	MAT 11:21	I watungi lena, “In laulau torom mot a taro Korasin, ma in laulau kai torom mot a taro Betsaida. Ra gunuk di sa pam tar a kum utna na ukisin ri torom a taro Tair ma o Saidon, elar nami ra a sa pam tari torom mot, kanapi det in nukpukus lakit ma det in tobo, det in emar nama kum malu na tupunuk ma det in talus a pinindet nama kubus na sungun. Ikut mot, ka mot nukpukus.
23550	MAT 11:22	A watungi tamot lena, una bung na warkurai, a warkurai torom mot a taro Korasin ma o Betsaida, in laulau doko taun a warkurai torom a taro Tair ma o Saidon.
23559	MAT 12:1	Numur, un ara Bung na Sabat, o Iesu i wan potor una kum kinobot na wit. Anun a kum nat na ususer det murak, ra det turpas a kumut a ramano kum turunu wit ma det wani.
23560	MAT 12:2	Ra a kum Parisi det tama i, det watungi tano lena, “Tama i, anum a kum nat na ususer det pam a utna ri, ra ke tokodos elar nama warkurai tagun a Bung na Sabat.”
23563	MAT 12:5	Pepetlai, ka mot luki utmakai a wasiso tagun a Buk na Warkurai? I watungi lena, a kum tene etabor torom o God det ser papam una rumu na etabor una Bung na Sabat, ikut ka det raro uni.
23565	MAT 12:7	Di sa tumus tari una Buk Tabu lenri, ‘A nem a marmaris, ma ka nem a etabor ra di ser tuni.’ Ra gunuk mot sa tasman a kukurai ina wasiso ri, ka mot in takun det ra ka det raro.
23566	MAT 12:8	Uni a Nutun a Musano i a Labino tagun a Bung na Sabat.”
23568	MAT 12:10	Ara musano kura iai, a lamano i kong. Det sisio sur tu utna det in takun o Iesu nami, ra det tingi lena, “Pepetlai, i tokodos ut elar nam anundat a Warkurai sur din ulangolango pas taio una Bung na Sabat o awu?”
23569	MAT 12:11	Ma i balu det lena, “Ra taio tagun mot anunu tu sipsip in puku taru unin nutung una Bung na Sabat, pepetlai, ken pam ukai pasi, ma ken dat toto melet pasi?
23570	MAT 12:12	A musano i labo taun a sipsip. Lenra i tokodos sur din pam a wakakino una Bung na Sabat.”
23582	MAT 12:24	Ikut a kum Parisi det longoro i ra det watungi lena, “A musano ri, i ser lakro ru a kum laulau na nion nama dekdekin o Belsebul, a labino anun a kum laulau na nion.”
23585	MAT 12:27	Ra iau an lakro ru a kum laulau na nion nama dekdekin o Belsebul, anumot a taro det ser lakro ru a kum laulau na nion nama dekdekin osi? Anundet a pinapam ut in upuaso i lena, anumot a etakun ke lingmulus.
23668	MAT 14:2	ra i watungi tan anun a kum tultul lena, “A musano ra, i o Jon a Tene Baptaiso, i sa laun melet gusun a minat. I mo ra i pam a kum utna na ukisin.”
23674	MAT 14:8	Ra i inanosi lena, “Un tabor iau namin lorin o Jon a Tene Baptaiso un tu pelet.” I watungi lenri uni o nano i sa inanos tari nami.
23755	MAT 16:14	Det balu i lena, “Ara taro det watung ui o Jon a Tene Baptaiso. Ara taro det watung ui o Elaija, ara taro det watung ui o Jeremaia, ma ara taro kai det watung ui, ara tagun a kum poropet.”
23782	MAT 17:13	Ra a tulu nat na ususer detul tasmani maragom lena, i wasiso torom detul un o Jon a Tene Baptaiso.
23812	MAT 18:16	Ra ken longoro ui, un ben melet pas taio o lako ru sur der in warut ui. Uni a Buk Tabu i watungi lenri, ‘Ra lako ru o lako tul anundetul a wasiso i takai kut un tu utna, anundetul a wasiso i lingmulus.’
23835	MAT 19:4	I balu det lena, “Pepetlai, ka mot luki utmakai a wasiso una Buk Tabu? I watungi lenri: Una turturkibin a ukukis, a Tene Ukukis ‘i ukis a taro, sur det in musano ma det in ino,’
23896	MAT 21:1	Ra det wan milau o Jerusalem, det wanpat sapat o Betpage una Tangai na Oliw, o Iesu i tulu aru nat na ususer.
23908	MAT 21:13	Ma i watungi tandet lena, “Di sa tumus tari una Buk Tabu lenri, ‘Din watung anung a rumu nama rumu na niaring.’ Ikut mot pukusi sur in elar mukut nama ‘nubual na parparau anun a kum tene wolong.’”
23911	MAT 21:16	Ra det ting o Iesu lena, “Pepetlai, u sa longoro tar a kum wasiso ri anun a kum nat liklik?” O Iesu i balu det lena, “Ma! Pepetlai, ka mot luki utmakai a wasiso tagun a Buk Tabu? I watungi lena, ‘U sa ususer tar a kum nat liklik sur det in watung ulabo pas ui.’”
23912	MAT 21:17	Ra i wan gusun det tiro iai, ra i wan utong o Betani ra i inep pas ara bung na mirum tong.
23937	MAT 21:42	O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’
23970	MAT 22:29	O Iesu i balu det lena, “Mot raro doko, uni ka mot tasman a Buk Tabu ma a dekdekin o God kai.
23992	MAT 23:5	Anundet a kum pinapam rop, det pami kut, sur a taro det in tama det. I perere bing anundet a kum boks liklik ra det ser uruk tar a kum du Buk Tabu uni ma det keri una kum masarindet. I walos bing anundet a kum kulo ra kura una sinisir ina nundet a kum malu na niaring.
24022	MAT 23:35	Din pitar a warkurai na minabalu torom mot, una gapin a kum tene tokodos rop, ra di sa um doko tar det. Turpasi ra di um doko o Abel, a tene tokodos, ma i wan tuk ra di um doko o Sekaraia, a nutun o Berekia, i ra mot um doko i epotor nisan a kabulu na tuntun etabor ma a rumu na etabor.
24046	MAT 24:20	Mot in wararing sur gong mot kalabor song una kum kalang na kotokoto, o una Bung na Sabat.
24129	MAT 26:6	O Iesu i kis tong o Betani, una rumu anun o Saimon, i ra numugu i misait nama lepra.
24147	MAT 26:24	A Nutun a Musano in mat elar nami ra di sa tumus tari una Buk Tabu. Ikut in laulau sakit torom a musano ra in pitar tari torom a kum ebar. In wakak toromi ra ka din ususi, sur gong i taramo a dekdek na warkurai ra uni.”
24154	MAT 26:31	O Iesu i watungi tandet lena, “Miri umirum, mot rop mot in nan pas kut gusun iau, i kibino una kum utna ra in nanpat un iau. Elar nami ra di sa tumus tari una Buk Tabu lena, O God i watungi lena, ‘An um a tene tamtamabat anun a kum sipsip, ra a kum sipsip det in kalabor susuaro.’
24177	MAT 26:54	Ikut, ra an pami lenra, ka din pam sot pas a kum wasiso na Buk Tabu una kum utna ri ra i sot sur din pami un iau.”
24214	MAT 27:16	Una kilalo ra, ara musano a risano o Barabas i kis una karabus una nun a kum lamlabino sakino petutna, ma a taro rop det tasmani.
24215	MAT 27:17	A kunur na taro det wanpat tomo torom o Pailat, ra i ting det lena, “Osi ra mot nemi sur an palos ru i torom mot? O Barabas o o Iesu, i ra di watungi nama Karisito?”
24218	MAT 27:20	Ikut a kum lamlabino tene etabor torom o God ma a kum mugumugu det ukatutur a balan a kunur na taro sur det in sasaring sur o Barabas, ma sur din um doko o Iesu.
24219	MAT 27:21	A mugumugu tagun a gapman i ting det lena, “Osi na pasander ra mot nemi sur an palos ru i torom mot?” Det balu i lena, “O Barabas.”
24224	MAT 27:26	O Pailat i palos ru o Barabas torom det. Ra di sa takalo tatar o Iesu, i pitar tari tan a kum tene inaim sur det in sak wati unin nanai kutus.
24260	MAT 27:62	Una bung numur, a Bung na Sabat, a kum lamlabino tene etabor torom o God ma a kum Parisi det wan tomo torom o Pailat.
24265	MAT 28:1	Numur tan a Bung na Sabat, una kobot raut una mugano bung una wik, o Maria Magdalen, ma ara Maria kai der wan sur der in tama a kulam na minat.
24288	MRK 1:4	A musano ra, i o Jon a Tene Baptaiso. I kis una nubual kalako taro uni, ra i ser warawai lena, a taro det in nukpukus ma din baptaiso det, sur o God in unus ru anundet a kum sakino petutna.
24305	MRK 1:21	Det wan utong o Kapernaum. Ra una Bung na Sabat o Iesu i ruk utiro una rumu na lotu, ma i ususer a taro.
24352	MRK 2:23	Un ara Bung na Sabat, o Iesu i wan nanan epotor una kum kinobot na wit. Anun a kum nat na ususer det wan tomo nami, ra det turpas a kumut a ramano kum turunu wit.
24353	MRK 2:24	A kum Parisi det ting o Iesu lena, “Tama i! Ilai sur anum a kum nat na ususer det pam a utna ri, ra ke tokodos elar nama warkurai tagun a Bung na Sabat?”
24356	MRK 2:27	Ra o Iesu i watungi tandet lena, “A Bung na Sabat di pami sur in warut a taro. Ka di pami sur a taro det in warut a Sabat.
24357	MRK 2:28	Lenkutkai ra, a Nutun a Musano i a Labino utkai tagun a Bung na Sabat.”
24359	MRK 3:2	Ara taro kura det sisio sur tu utna det in takun o Iesu nami. Ra det tamtama wakak taru ut uni, ra in ulangolango pas a musano ra una Bung na Sabat, o awu.
24361	MRK 3:4	Numur o Iesu i ting det lena, “Asau i tokodos sur din pami una Bung na Sabat? Din pam a wakakino, o a laulau ino? Din ulaun taio, o din um doko taio?” Ikut det kis wowowon ma ka det balu i.
24374	MRK 3:17	o Jems ma o Jon dersino, aru nutnutun o Sebedi, der ra o Iesu i urising der nam o Boanerges, i kukuraino, aru nutnutun a pungpugur,
24375	MRK 3:18	ma o Endru, o Pilip, o Batolomiu, o Matiu, o Tomas, o Jems a nutun o Alpius, o Tadius, o Saimon ara tagun a kum Silot,
24379	MRK 3:22	Ra a kum tene ususer tagun a Warkurai, ra det wan tagisapat o Jerusalem, det watungi lena, “O Belsebul, a labino anun a kum laulau na nion, kura un o Iesu, ra i ser lakro ru a kum laulau na nion nama dekdekin o Belsebul.”
24478	MRK 6:2	Una Bung na Sabat, i turpasi sur in ususer a taro tiro una rumu na lotu. A susut na taro ra det longoro i, det kisin doko, ra det watungi lena, “A musano ri i tasman lan a kum utna ri? A ngas na mananos sau ri di pitari tano, ra i pam a kum lamlabino utna na ukisin nami?
24490	MRK 6:14	O king Erod i longoro a wasiso un o Iesu, uni a taro rop det sa tasmani. Ara taro det watungi uni lena, “A musano ra, i o Jon a Tene Baptaiso, i sa laun melet gusun a minat. I mo ra, i pam a kum utna na ukisin.”
24500	MRK 6:24	Ra i wan torom o nano ma i tingi lena, “Asau ra an saringi tano?” O nano i balu i lena, “Un saringi sur in lorin o Jon a Tene Baptaiso.”
24501	MRK 6:25	Uniutra, a toraro ra i wan lakit torom a king, ra i watungi tano lena, “Uniutri, un tabor iau namin lorin o Jon a Tene Baptaiso un tu pelet.”
24521	MRK 6:45	Uniutra, o Iesu i tulu ru anun a kum nat na ususer, sur det in kas una pot, ma det in mugu utong o Betsaida una ara papor tasi. Ma i, i kis utmakai sur in tulu ru tar a taro.
24591	MRK 8:22	O Iesu tomo nam anun a kum nat na ususer det wanpat tong o Betsaida, ra ara taro det ben pat ara pulu toromi, ma det saringi sur in ubek a lamano uni, sur in tamtama.
24597	MRK 8:28	Det balu i lena, “Ara taro det watung ui o Jon a Tene Baptaiso. Ara taro det watung ui o Elaija, ma ara taro kai det watung ui, ara tagun a kum poropet.”
24619	MRK 9:12	I balu detul lena, “A lingmulus ut, o Elaija in nanpat mugu ma in ukodos melet a kum utna rop. Ma ilai ra di sa tumus tari una Buk Tabu lena, a Nutun a Musano in taramo a susut na ngunungut ma din ipul ru i?
24620	MRK 9:13	Ikut uniri a watungi torom motul lena, o Elaija i sa wanpat taru, ma det pam a kum sakino petutna uni, elar ut nam anundet a nemnem. A kum utna ri un o Elaija, i elar nama wasiso ra di sa tumus tari una Buk Tabu.”
24703	MRK 10:46	Det wanpat tiro o Jeriko. Numur, o Iesu tomo nam anun a kum nat na ususer ma a kunur na taro det wan tagitiro. Ara musano kura i kis taru una papor ina kisapi, a musano ra a pulu, a risano o Batimaus (a kukuraino a nutun o Timaus) ma i ser saring utna.
24707	MRK 10:50	O Batimaus i woro pirso ru anun a saket, i tur, ra i wan torom o Iesu.
24710	MRK 11:1	Ra det wan milau o Jerusalem, det wanpat sapat o Betpage ma o Betani una Tangai na Oliw, o Iesu i tulu aru tagun anun a kum nat na ususer.
24720	MRK 11:11	Ra o Iesu i wanpat sapat o Jerusalem, i ruk ubalan in noworo ina rumu na etabor. Ra i sa tama tar a kum utna rop, i milet melet utong o Betani tomo nam anun a noino ma aru nat na ususer, uni i sa lirop.
24721	MRK 11:12	Una bung numur, ra det wan tagitong o Betani, o Iesu i murak.
24726	MRK 11:17	Ra i ususer det, i watungi lena, “Di sa tumus tari una Buk Tabu lenri, ‘Din watung anung a rumu nama rumu na niaring sur a taro tagun a kum gapman rop.’ Ikut mot sa pukus pasi sur in elar mukut nama ‘nubual na parparau anun a kum tene wolong.’”
24752	MRK 12:10	Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu.
24766	MRK 12:24	O Iesu i balu det lena, “Mot raro doko, uni ka mot tasman a Buk Tabu ma a dekdekin o God kai.
24768	MRK 12:26	Ra mot ipul lena, a kum minat ka det in katutur melet gusun a minat, pepetlai, ka mot luki utmakai a Buk anun o Moses, ra i wasiso unin nanai ra i kunabor? O God i watungi torom o Moses lena, ‘Iau a God anun o Abaram, a God anun o Aisak ma a God anun o Jekop.’
24826	MRK 14:3	O Iesu i kis tong o Betani, una rumu anun o Saimon, i ra numugu i misait nama lepra. Ra kura o Iesu i wangon, ara ino i wan toromi namin nokoto ra di pami nama wat. Tiro ubalan nin nokoto, a polo sangsangnain kura uni. Di watungi nama nad, ma a matano i ka doko. I sak kutus ru in kabaran nokoto, ra i lingisi unin lorin o Iesu.
24844	MRK 14:21	A Nutun a Musano in mat elar nami ra di sa tumus tari una Buk Tabu. Ikut in laulau sakit torom a musano ra in pitar tari torom a kum ebar. Gunuk ra ka din ususi, in wakak toromi, sako in taramo a dekdek na warkurai na minabalu.”
24850	MRK 14:27	O Iesu i watungi tandet lena, “Mot rop mot in nan pas kut gusun iau, uni di sa tumus tari una Buk Tabu lenri, O God i watungi lena, ‘An um a tene tamtamabat anun a kum sipsip, ra a kum sipsip det in kalabor susuaro.’
24872	MRK 14:49	Una kum bung rop dat ser kis tomo ubalan in noworo ina rumu na etabor, a ser ususer a taro, ma ka mot pam ukai iau. Ikut di pami lenri sur din pam sot pas a wasiso na Buk Tabu.”
24902	MRK 15:7	Una kilalo ra, ara musano a risano o Barabas i kis una karabus. I ara tagun det ra det waim nama gapman. Det ukatutur a inaim, ra det ser um doko a taro.
24906	MRK 15:11	Ikut a kum lamlabino tene etabor torom o God det ukatutur a balan a kunur na taro sur det in saring o Pailat, sur in palos ru o Barabas torom det.
24910	MRK 15:15	O Pailat i nemi sur in ugasgas a taro, ra i palos ru o Barabas torom det. Ra di sa takalo tatar o Iesu, o Pailat i pitar tari tan a kum tene inaim sur det in sak wati unin nanai kutus.
24937	MRK 15:42	Ara musano a te Arimatia, a risano o Josep. I ara tagun a taro na kiwung, a labino musano ra a taro det ser ru i, ma i ser kis langlang sur a matanitu anun o God. Ra i sa lirop una bung na waninar, a bung numugu tan a Bung na Sabat, i wan torom o Pailat, ke ngara, ra i saring pas a minatin o Iesu tano.
24943	MRK 16:1	Ra a Bung na Sabat i sa rop, o Maria Magdalen, ma o Salomi ma o Maria o nan o Jems, detul kul pas a kum utna ra i sangsangnain sur detul in mar a minatin o Iesu nami.
25046	LUK 2:4	O Josep kai i wan tagitiro una tamon Nasaret una papor Galili utong o Betliem una papor Judia. O Betliem, a tamon ra di usus o Dewid iai, ma o Josep i wan utong, uni i tagun a kabotaro anun o Dewid.
25048	LUK 2:6	Ra der kis tong o Betliem, i sa sot a du bung sur o Maria in usus uni,