23214	MAT 1:1	Iri a risan a kabotaro tagun numugu ra o Iesu Karisito i wanpat tagun det. O Iesu, a nutun o Dewid, o Dewid a nutun o Abaram.
23219	MAT 1:6	ma o Jesi o taman o Dewid, i ra a king. O Dewid o taman o Solomon, ma o nano a ino ra i nolin pas nam o Uria.
23230	MAT 1:17	A kum taun taro turpasi tagun o Abaram tuk un o Dewid i elar nama noino ma a wat det, ma tagun o Dewid tuk una inawan na karabus tong o Babilon, a noino ma a wat kai det, ma tagun a inawan na karabus tong o Babilon tuk un o Karisito, a noino ma a wat na taun taro kai.
23231	MAT 1:18	Di usus pas o Iesu Karisito lenri: O nano, o Maria, di sa ubek bat tari sur in nolin nam o Josep, ikut numugu tan anunder a nolin o Maria i sa tasmani lena i tianan tan a Tokodos na Nion.
23233	MAT 1:20	Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.
23239	MAT 2:1	Di usus o Iesu una tamon Betliem tiro una papor Judia, una kilalo ra o Erod i king. Numur a ramano kum tene mananos tagun a kum nangnang det wan tagitiro una nubual ra in matanas i pusu pat iai, ra det wanpat sapat o Jerusalem.
23243	MAT 2:5	Det balu i lena, “Tong o Betliem una papor Judia, uni a poropet i sa tumus tari lenri,
23247	MAT 2:9	Det sa longoro tar a king ra det wan. Det tama melet pas in nangnang ra det sa tama tari una nubual ra in matanas i pusu pat iai. I mugu nanan det tuk ra i tur sapat una nubual ra a natlik kura iai.
23249	MAT 2:11	Det ruk una rumu, ra det tama pas a natlik, ma o nano, o Maria. Det kis butkeke ra det lotu torom a natlik. Numur det papos pas anundet a kum bek ma det tabori nama kum etabor ri: a gol, a paura di tuni ra a misino i sangnain wakak ra di watungi nama insens, ma a torok nin nanai sangsangnain kai ra di watungi nama mira.
23253	MAT 2:15	Detul kis tiro iai tuk ra o Erod i mat. Una nundetul a kinkinis tiro, di pam sot pas a wasiso anun a Labino, ra a poropet i sa wasiso mugu taru uni lenri, “A kabo pas o nutunglik tagitong o Ijip.”
23261	MAT 2:23	Ra detul wan ma detul kis una tamon a risano o Nasaret. Una anundetul a kinkinis tiro, di pam sot pas a wasiso anun a kum poropet lena, “Din watungi lena i a te Nasaret.”
23267	MAT 3:6	Det watung puaso anundet a kum sakino petutna, ra i baptaiso det una danim Jodan.
23271	MAT 3:10	Di sa ubek tar a nawu nisan a kum kibino duwai, ma a kum duwai rop ra ka det wu lako wakak na windet, din tau ru det, ma din woro tar det una sungun.
23282	MAT 4:4	O Iesu i balu i lena, “Di sa tumus tari una Buk Tabu lena, ‘A taro ka det ser laun nama utna na inangon kut, det ser laun nama kum wasiso rop ra i pirso gusun a wan o God.’”
23284	MAT 4:6	Ma i watungi tano lena, “Ra ui a Nutun o God, un sirok pirso, uni di sa tumus tari una Buk Tabu lena, ‘In watungi torom anun a kum ensel sur det in tamtamabat ui. Det in pam pas ui nama kum lamandet, sur gong u tuka a kikim un tu wat.’”
23285	MAT 4:7	O Iesu i balu i lena, “Di sa tumus tari kai una Buk Tabu lena, ‘Gong u lar a Labino anum a God.’”
23296	MAT 4:18	Ara bung o Iesu i usal una usalin ina du tasi Galili, ra i tama pas o Saimon, di watungi kai nam o Pita, ma o tisino o Endru. Der woro a uben sa utasi, uni der aru tene woro uben.
23299	MAT 4:21	Ra i wan tagitiro, i tama pas o Jems dersino nam o Jon, aru nutnutun o Sebedi. Detul tamano kis taru una pot ma detul mabon anundetul a kum uben. Ra o Iesu i kabo der.
23303	MAT 4:25	Ma a labino kunur na taro taginin una papor Galili ma tagitiro una papor Dekapolis, ma tagisapat o Jerusalem, ma tagun a papor Judia ma tagitong una ara papor danim Jodan det mur o Iesu.
23306	MAT 5:3	“Det ra det tasmani lena det sibo una niondet, det dan, uni anundet a matanitu tagisapat una langit.
23307	MAT 5:4	Det ra det domos nama tupunuk, det dan, uni o God in umarom det.
23308	MAT 5:5	Det ra det unatino pas det, det dan, uni det in los pas a rakrakon bual sur anundet.
23309	MAT 5:6	Det ra det murak ma det muruk sur a tokodos na petutna, det dan, uni numur det in masur.
23310	MAT 5:7	Det ra a kum tene marmaris, det dan, uni o God in maris det kai.
23311	MAT 5:8	Det ra a nuknukin det katu dur uni, det dan, uni det in tama o God.
23312	MAT 5:9	Det ra det ser umalmal a taro, det dan, uni o God in watung det a kum nutnutunu.
23313	MAT 5:10	Det ra di ban laulau det uni det mur a tokodos na petutna, det dan, uni anundet a matanitu tagisapat una langit.
23316	MAT 5:13	“Mot a sol tagun a rakrakon bual. Ikut, ra a makasmanino i sa rop, din umakasman meleti mo pepetlai? Katu utna mo i gas uni. Din woro pirso ru i unago utamon, ma a taro det in papapas mukut netes uni.
23318	MAT 5:15	Katutaio in ungangon tar tu lam ma in wop bat tari nama paket. Awu! Din ubek tari ut netes una nun a turtur, sur in talapor torom det rop ra det kis una rumu.
23334	MAT 5:31	“Di sa watung tari kai lena, ‘Osi ra i lakro ru anun a ino, in pitar tari kai a dono buk na kutus nolin tano.’
23356	MAT 6:5	“Ra mot in wararing, gong mot elar nama kum tene torotoro. Det nem doko i sur det in tur ma det in wararing una kum rumu na lotu, ma una kum nubual ra a taro det wanan tomo iai, sur a taro det in tama det ma det in watung ulabo pas det. A inanos mot nama lingmulus, ra a taro det ulabo pas det, i ut ra anundet a kudulano ikul.
23400	MAT 7:15	“Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap.
23406	MAT 7:21	“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.
23411	MAT 7:26	Det rop ra det longoro anung a kum wasiso ri, ikut ka det muri, det elar nama longlong, ra i utur tar anun a rumu netes kut una woio, ma ke por dekdek a kum pos.
23427	MAT 8:13	Ra o Iesu i watungi tan a mugumugu anun a kum tene inaim lena, “Un nan kut. Din pam a utna ut ra u nurnur suri.” Una du bung ut ra anun a tultul i langolango mut.
23432	MAT 8:18	Ra o Iesu i tama a kunur na taro ra det tur talilis pasi, i watungi tan anun a kum nat na ususer lena, “Dat nan utong una ara papor tasi.”
23439	MAT 8:25	ra det wan toromi, det wangun pasi, ma det inanosi lena, “Labino, un ulaun dat. Dat na iru.”
23442	MAT 8:28	O Iesu i sot una ara papor tasi, una papor anun a taro Gadara. Aru musano ra a kum laulau na nion kura un der, der wan tagitong una kum kulam na minat, ra der wan barato i. Der ngalngalia doko, ma kataio i ser wan sakit tiro una kisapi ra.
23443	MAT 8:29	Der woiwoi lena, “Nutun o God, asau ra u nem na pami un mir? Pepetlai, u wan urin sur un ukadik met? Ke sot utmakai a bung na warkurai.”
23453	MAT 9:5	Osi na wasiso ra ke ngangitin sur an watungi? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, ma un nan’?
23465	MAT 9:17	Kataio in titior a matok na wain utiro unin turai na koto ra di pami namin pino meme, sako in nokoto in tupurus ma in laulau, ra a wain in tilingis. Din titior a matok na wain ut utiro unin matok na koto na wain, sur der rop der in kis wakak.”
23471	MAT 9:23	O Iesu i wanpat una rumu anun a mugumugu, ra i tama a taro ra det ese anundet a tupunuk una minat. Det wup a kum tulal, ma a susut na taro kai det domos.
23475	MAT 9:27	O Iesu i wan tagitiro, ra aru musano, aru pulu, der muri, der kakabo sapat lena, “Nutun o Dewid, un maris mir.”
23476	MAT 9:28	Ra i ruk una rumu, aru pulu der wan toromi, ma i ting der lena, “Pepetlai, mur nurnur ut un iau sur an pam sot pas a utna ri?” Der balu i lena, “Ma, Labino.”
23477	MAT 9:29	Ra i pam arin matander ma i watungi lena, “Din pami torom mur, elar ut nama numur a nurnur.”
23494	MAT 10:8	Mot in ulangolango pas a kum misait, ma mot in ulaun pas a kum minat, mot in ulangolango pas a kum lepra, ma mot in lakro ru a kum laulau na nion. Di tabor oros mot kut, lenkai ra, mot in etabor oros kut.
23515	MAT 10:29	Di ser kul arin nipiko liklik nama nat na mani kut, niko? Ikut ka tinolik tagun der in iru, ra a Tamamot ke mulaot uni.
23522	MAT 10:36	Det tamano det in ebar etetalai tomo nam det.’
23538	MAT 11:10	Di sa tumtumus taru uni una Buk Tabu lena, ‘Tama i, iau an tulu ru anung a tene los wasiso sur in mugu tam, i ra in waninar anum a kisapi numugu tam.’
23542	MAT 11:14	Det wasiso una poropet Elaija ra in nanpat. Ra mot nem na nurnur una wasiso ra, uniri, o Jon i sa pam sot pasi, uni i a poropet Elaija ra in nanpat.
23544	MAT 11:16	“An elaro a taro tagun uniri nama sau? Det elar nama kum nat liklik ra det kis una balano tamon ma det kakabo torom a kum paspasan det lena,
23561	MAT 12:3	O Iesu i balu det lena, “Pepetlai, ka mot luki utmakai asau ra o Dewid i pami? Det nama taro ra det wan tomo det murak,
23565	MAT 12:7	Di sa tumus tari una Buk Tabu lenri, ‘A nem a marmaris, ma ka nem a etabor ra di ser tuni.’ Ra gunuk mot sa tasman a kukurai ina wasiso ri, ka mot in takun det ra ka det raro.
23568	MAT 12:10	Ara musano kura iai, a lamano i kong. Det sisio sur tu utna det in takun o Iesu nami, ra det tingi lena, “Pepetlai, i tokodos ut elar nam anundat a Warkurai sur din ulangolango pas taio una Bung na Sabat o awu?”
23580	MAT 12:22	Det ben pat ara musano torom o Iesu, i ngat ma i pulu, ma a laulau na nion kura uni. O Iesu i ulangolango pasi, ra a musano ra, i wasiso ma i tamtama kai.
23581	MAT 12:23	Ra a taro rop det kisin, ma det iting lena, “Kutiro a Nutun o Dewid ut ri?”
23591	MAT 12:33	“In wakak na duwai, i ser wu a wakak na wino, ma in laulau na duwai, i ser wu a laulau na wino. Din tama lele in nanai tagun a wino.
23597	MAT 12:39	I balu det lena, “A taro tagun uniri, a sakino taro, anundet a nilaun i bakbak gusun o God. Det sasaring sur tu ukinalong, ikut ka din pam taio torom det. Din pam a ukinalong kut elar nami ra di sa pam tari un o Jona a poropet.
23605	MAT 12:47	Ma ara i inanos o Iesu lena, “O nam ma a kum tistisim kunago det tur nago upiso. Det nem na wasiso tomo nam ui.”
23613	MAT 13:5	A ramano kai det puku una nubual na watat, ra kalako susut na piso uni. Det lubung pat lakit, uni a piso ke but.
23650	MAT 13:42	Ma det in woro det una labino sungun. Det in tangtangis ma det in ungingit lokondet iai.
23656	MAT 13:48	Ra i bukus a uben, a kum tene woro uben det dat mamaso tari una usalin. Det kis ra det timilo ru a kum kiripo utiro una kum rat, ma a kum laulau ino det woro ru det.
23658	MAT 13:50	Ra det in woro ru a kum tene sakino una labino sungun. Det in tangtangis ma det in ungingit lokondet iai.
23665	MAT 13:57	Ra ka det nemi ut mo. Ra o Iesu i watungi tandet lena, “Di ser ru a poropet una kum se tamon, ikut det ut una nun a tamon ma anun a rumu ka det ru i.”
23677	MAT 14:11	Det ubek pas in lorino una pelet ma det pitari torom a toraro, ra i losi torom o nano.
23682	MAT 14:16	O Iesu i balu det lena, “Det in nan sur asau? Mot ut mot in tabor det.”
23683	MAT 14:17	Det watungi tano lena, “A limanin beret sot kut, ma arin kiripo kai kuri met losi.”
23686	MAT 14:20	Det rop det wangon ma det masur. Numur det song bukus pas a noino ma aru rat nama utna ra det wangon kopos pas uni.
23711	MAT 15:9	Det lotu oros kut torom iau, uni det ususer nama kum warkurai kut anun a taro.’”
23716	MAT 15:14	Mot in madek ru a kum Parisi. Det a kum pulu na mugumugu. Ra tu pulu in ben tu pulu, der rop der in puku dorong un tin nutung.”
23724	MAT 15:22	Ara ino Kenan tagitiro una papor ra, i wanpat ma i kabo o Iesu lena, “Labino, a Nutun o Dewid un maris iau. A nutunglik a ino, a laulau na nion kura uni, ra i ser ban laulau i.”
23732	MAT 15:30	Ma a labino kunur na taro det wan toromi. Det los det ra a kikindet i mat, ma det ben a kum pulu, a kum pio, a kum ngat, ma a susut na misait utkai toromi. Ma det inep tar det nisano, ra i ulangolango pas det.
23733	MAT 15:31	A kunur na taro det tama a kum ngat det wasiso, ma a kum pio det tur, ma det ra a kikindet i mat det wan tokodos, ma a kum pulu kai det tamtama. Det kisin doko ra det watung ulabo pas a God anun a taro Israel.
23736	MAT 15:34	O Iesu i ting det lena, “A isin beret kura mot losi?” Det balu i lena, “A wonom mawit na beret ma a kabanin natnat na kiripo.”
23745	MAT 16:4	A taro tagun uniri, a sakino taro, anundet a nilaun i bakbak gusun o God. Det sasaring sur tu ukinalong, ikut ka din pam taio torom det. Din pam a ukinalong kut elar nami ra di sa pam tari un o Jona.” Ra o Iesu i wan gusun det.
23755	MAT 16:14	Det balu i lena, “Ara taro det watung ui o Jon a Tene Baptaiso. Ara taro det watung ui o Elaija, ara taro det watung ui o Jeremaia, ma ara taro kai det watung ui, ara tagun a kum poropet.”
23791	MAT 17:22	O Iesu ma anun a kum nat na ususer det wan tomo tong una papor Galili, ra i watungi tandet lena, “Din pitar a Nutun a Musano ulaman a taro
23827	MAT 18:31	Ra a kum paspasano det tama a kum petutna ra, det taramo laulau det. Det wan torom anundet a labino, ra det inanosi una kum utna ra a tultul ra i sa pam tari.
23834	MAT 19:3	A ramano kum Parisi det wan toromi sur det in lari. Det tingi lena, “I tokodos ut elar nam anundat a Warkurai sur a musano in lakro ru anun a ino un tu utna oros kut, o awu?”
23838	MAT 19:7	Det ting meleti lena, “Ilai sur o Moses i pitar a warkurai sur a musano in pitar a dono buk na kutus nolin torom anun a ino, sur din palos ru a kinkinis na nolin?”
23842	MAT 19:11	I balu det lena, “Awu sur a taro rop ka det in nolin. Det kut ra o God i sa pitar tar a dekdek tandet.
23844	MAT 19:13	Di ben a kum nat liklik torom o Iesu sur in ubek aru lamano sapat netes un det ma in wararing un det. Ikut a kum nat na ususer det turbat det.
23863	MAT 20:2	Det kubus wasiso tomo pas nama kum tene pinapam sur det in los a ikul tagun ara bung na pinapam, ra i tulu det sur anun a kinobot na wain.
23868	MAT 20:7	Det balu i lena, ‘Katutaio i ben met sur tu pinapam.’ I watungi tandet lena, ‘Mot kai mot in nan ma mot in papam una nung a kinobot na wain.’
23869	MAT 20:8	“Ra i sa lirop matano mirum, a taman a kinobot na wain, i watungi tan a mugumugu tagun anun a kum tene pinapam lena, ‘Kabo pas a kum tene pinapam urin, ma un tokom det. Det ra det wanpat murmur sakit un tokom mugu det. Numur un tokom imurmur a kum tene pinapam tuk un det ra det mugu pat.’
23871	MAT 20:10	Det ra di ben mugu pas det, det wanpat. Det nuki lena det in los a labino ikul. Ikut, awu! Det kai di tokom det taktakai nama ikul tagun ara bung na pinapam kut.
23873	MAT 20:12	det watungi lena, ‘Det ri ka det papam suano i, ma met, met pam a dekdek na pinapam ma a suan i rang met, ikut u tokom det utkai elar nam met.’
23879	MAT 20:18	“Tama i, iri dat wan nanan usapat o Jerusalem. Din pitar a Nutun a Musano torom a kum lamlabino tene etabor torom o God ma a kum tene ususer tagun a Warkurai. Det in warkurai i sur in iru,
23883	MAT 20:22	O Iesu i balu i lena, “Ka motul tasman asau ra motul sasaring suri. Pepetlai, in topasi sur mur kai mur in inum tagun a kap na mamaut ra an inum taguni?” Der balu i lena, “Mir in pet lar pasi kut.”
23891	MAT 20:30	Aru musano aru pulu der kis taru una papor ina kisapi. Ra der longoro i lena o Iesu i wan nanan milau, der kakabo sapat lena, “Labino, a Nutun o Dewid, un maris mir.”
23892	MAT 20:31	Ma a kunur na taro det turbat der sur der in kis wowowon. Ikut der kakabo dekdek makai usapat lena, “Labino, a Nutun o Dewid, un maris mir.”
23894	MAT 20:33	Der balu i lena, “Labino, mir nemi sur mir in tamtama.”
23899	MAT 21:4	Di pam a utna ri sur din pam sot pas a wasiso anun o God ra a poropet i sa watung tari numugu lena,
23902	MAT 21:7	Der ben pas a dongki tomo nam o nutunu, der rakon ru anunder aru saket, ma der ubek tari netes una aru dongki, ra o Iesu i kas un der.
23904	MAT 21:9	A kunur na taro ra det mugu tano, ma det kai ra det mur, det kukukuk lena, “Osana torom a Nutun o Dewid! O naro ra i wanpat nama risan a Labino i dan!” “Osana usapat netes sakit!”
23908	MAT 21:13	Ma i watungi tandet lena, “Di sa tumus tari una Buk Tabu lenri, ‘Din watung anung a rumu nama rumu na niaring.’ Ikut mot pukusi sur in elar mukut nama ‘nubual na parparau anun a kum tene wolong.’”