23229	MAT 1:16	o Jekop o taman o Josep, i ra i nolin nam o Maria. O Maria i usus o Iesu, ra di watungi o Karisito, i ra o God i tulu ru i.
23236	MAT 1:23	“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” a kukuraino lena, “O God i kis tomo nam dat.”
23242	MAT 2:4	Numur i ben tomo rop pas a kum lamlabino tene etabor torom o God ma a kum tene ususer tagun a Warkurai. Ra i ting det lena, “A Karisito ra o God in tulu ru i, din ususi awai?”
23250	MAT 2:12	O God i sa utumarong tar det una ririon, sur gong det milet taru sur o Erod. Ra det milet sur anundet a tamon una se kisapi mukut.
23260	MAT 2:22	Ikut i longoro i lena, o Akelaus i keles o tamano o Erod, sur i bulung in king tong una papor Judia, ra o Josep i ngara sur in nan utong o Judia. Ra detul wan mukut utong una papor Galili, uni o God i turbat tar o Josep una ririon, sur gong detul wan utong una papor Judia.
23268	MAT 3:7	O Jon i tama a susut na Parisi tomo nama kum Sadusi det wan sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.
23270	MAT 3:9	Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.
23274	MAT 3:13	O Iesu i wan tagitong una papor Galili utiro una danim Jodan torom o Jon sur in baptaiso i.
23276	MAT 3:15	Ra o Iesu i balu i lena, “Un baptaiso iau kut. I wakak ra un pami, sur dar in pam sot pas asau rop ra i tokodos umatan o God.” Ra o Jon i mulaot kut tano.
23277	MAT 3:16	Ra i baptaiso tari. Uniutra o Iesu i saur gusun a danim, ra a langit i papos, ma i tama a Nion o God i wan pirso elar namin natabun ma i kis taru netes uni.
23281	MAT 4:3	Ra a tene ululam i wanpat toromi, ma i watungi tano lena, “Ra ui a Nutun o God, un inanos a kum watat ri sur det in nanpat a beret.”
23282	MAT 4:4	O Iesu i balu i lena, “Di sa tumus tari una Buk Tabu lena, ‘A taro ka det ser laun nama utna na inangon kut, det ser laun nama kum wasiso rop ra i pirso gusun a wan o God.’”
23283	MAT 4:5	Numur o Satan i ben pasi usapat o Jerusalem, a tamon anun o God, ra i utur tari sapat netes sakit una rumu na etabor.
23284	MAT 4:6	Ma i watungi tano lena, “Ra ui a Nutun o God, un sirok pirso, uni di sa tumus tari una Buk Tabu lena, ‘In watungi torom anun a kum ensel sur det in tamtamabat ui. Det in pam pas ui nama kum lamandet, sur gong u tuka a kikim un tu wat.’”
23285	MAT 4:7	O Iesu i balu i lena, “Di sa tumus tari kai una Buk Tabu lena, ‘Gong u lar a Labino anum a God.’”
23288	MAT 4:10	O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’”
23290	MAT 4:12	O Iesu i longoro i lena, di sa uruk tar o Jon una karabus, ra i milet melet utong una papor Galili.
23291	MAT 4:13	Ra i wan tagitong o Nasaret, i kis tiro o Kapernaum, a tamon ra i kis una usalin nisan a du tasi Galili, una piso anun a kabotaro Sebulon ma a kabotaro Naptali,
23292	MAT 4:14	sur in pam sot pas a wasiso anun o God ra o Aisaia a poropet i sa wasiso mugu taru uni lena,
23293	MAT 4:15	“A piso anun a kabotaro Sebulon ma a piso anun a kabotaro Naptali, milau a kisapi ra i wan unago utasi, una papor danim Jodan utong, der kis una papor Galili, ra a taro ra awu sur a taro Juda det kis iai.
23296	MAT 4:18	Ara bung o Iesu i usal una usalin ina du tasi Galili, ra i tama pas o Saimon, di watungi kai nam o Pita, ma o tisino o Endru. Der woro a uben sa utasi, uni der aru tene woro uben.
23301	MAT 4:23	O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.
23303	MAT 4:25	Ma a labino kunur na taro taginin una papor Galili ma tagitiro una papor Dekapolis, ma tagisapat o Jerusalem, ma tagun a papor Judia ma tagitong una ara papor danim Jodan det mur o Iesu.
23307	MAT 5:4	Det ra det domos nama tupunuk, det dan, uni o God in umarom det.
23310	MAT 5:7	Det ra a kum tene marmaris, det dan, uni o God in maris det kai.
23311	MAT 5:8	Det ra a nuknukin det katu dur uni, det dan, uni det in tama o God.
23312	MAT 5:9	Det ra det ser umalmal a taro, det dan, uni o God in watung det a kum nutnutunu.
23320	MAT 5:17	“Gong mot nuki lena a wanpat sur an rakon ru a kum Warkurai anun o Moses ma a kum etowo anun a kum poropet, awu. Ka wanpat sur an rakon ru det, a wanpat sur an pam sot pas det.
23324	MAT 5:21	“Mot sa longoro tari ra numugu di sa watung tari tan a taro lena, ‘Gong u um doko taio. Osi ra in um doko taio din warkurai i.’
23330	MAT 5:27	“Mot sa longoro tari ra di sa watung tari lena, ‘Gong u pam a sakino nam tu ino anun taio o nam tu musano anun taio.’
23336	MAT 5:33	“Mot sa longoro tari kai ra numugu di sa watung tari tan a taro lena, ‘Gong u liliman torotoro. A utna ra u sa liliman taru uni torom a Labino, un pam soti ut.’
23337	MAT 5:34	Ikut iau, a watungi tamot lena, gong mot udekdek a liliman nam tu ngas na wasiso kai. Gong mot liliman nama langit, uni a langit, a kiskis na king anun o God.
23338	MAT 5:35	Gong mot liliman nama rakrakon bual, uni a rakrakon bual a nubual ra i ubek aru kikino uni. Gong mot liliman nam o Jerusalem, uni o Jerusalem a tamon anun a labino King.
23339	MAT 5:36	Gong u liliman namin lorim, uni kon pam pukus lar pas tin iwu na lorim sur in kabang, o in mirum.
23353	MAT 6:2	Ra un tabor a kum sibo na taro, gong u wasiso mugu sur a taro det in tama ui. A taro ra ka det etabor nama lingmulus una balandet, det ser wasiso mugu nam anundet a etabor una kum rumu na lotu ma una kum kisapi kai, sur a taro det in watung ulabo pas det uni. Gong mot pami elar nam det. A inanos mot nama lingmulus, ra a taro det ulabo pas det, i ut ra anundet a kudulano ikul.
23359	MAT 6:8	Gong mot elar nam det, uni a Tamamot i sa tasman tar asau rop ra mot sibo suri, ra ka mot wararing utmakai.
23364	MAT 6:13	Gong u ben met una ululam. Un ulaun met gusun a Tene Sakino.’
23370	MAT 6:19	“Gong mot ubek tomo a kum wakak na ululeng nin upiso, uni a koropos ma a moroto der in ban laulau ru det kut, ma a kum tene wolong kai det in rege pas anumot a kum rumu ma det in los a kum ututna.
23375	MAT 6:24	“Katutaio in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara, ma in rosumur gusun ara. Ka mot in papam lar pas torom o God ma torom a mani kai.
23381	MAT 6:30	O God i mar a kum wuliso sa ubual nama kum wakak na purpurindet, ra i puspus uniri, ra markan din tun ru i una sungun. Ra i pami lenra una kum wuliso, pepetlai, ken mar mot kai? Anumot a nurnur i natino doko.
23382	MAT 6:31	Gong mot nuknuk doko ma mot watungi lena, ‘Asau ra dat in nani?’, o ‘Asau ra dat in inumi?’, o ‘Asau ra dat in emar nami?’
23386	MAT 7:1	“Gong mot takun tar taio, sako o God in takun mot.
23387	MAT 7:2	Uni a warkurai ra mot takun taio nami, i ut ra o God in takun mot melet nami. Asi na ngas na warkurai ra mot takun taio nami, ra i tokodos o ke tokodos, i ut ra o God kai in takun mot melet nami.
23391	MAT 7:6	“Gong mot tabor a kum pap nama utna anun o God, sako det in tupukus ma det in karot ginogino mot. Ma gong mot woro anumot a dusaro tan a kum boro, sako det in pas ginogino i kut nama kum kikindet.
23418	MAT 8:4	Ra o Iesu i watungi tano lena, “Gong u inanos tar taio nami. Un nan ma un ese mugu tar ui torom a tene etabor torom o God, ma un pitar a etabor torom o God elar nami ra o Moses i sa watung tari. Ra un pami lenra, a taro det in tasmani lena u sa langolango.”
23426	MAT 8:12	Ikut, a taro Israel ra numugu o God i pilok pas det sur det in kis una nun a matanitu, in lu pirso ru a susut tagun det utiro una dumirum. Ra det in tangtangis ma det in ungingit lokondet iai.”
23442	MAT 8:28	O Iesu i sot una ara papor tasi, una papor anun a taro Gadara. Aru musano ra a kum laulau na nion kura un der, der wan tagitong una kum kulam na minat, ra der wan barato i. Der ngalngalia doko, ma kataio i ser wan sakit tiro una kisapi ra.
23443	MAT 8:29	Der woiwoi lena, “Nutun o God, asau ra u nem na pami un mir? Pepetlai, u wan urin sur un ukadik met? Ke sot utmakai a bung na warkurai.”
23451	MAT 9:3	A ramano kum tene ususer tagun a Warkurai det wasiso etalai torom det ut lena, “A musano ri i watung laulau o God, uni i wasiso lar i o God.”
23454	MAT 9:6	A wasiso ra an watungi, an watungi sur mot in tasmani lena, o God i pitar a warkurai torom a Nutun a Musano, sur in unus ru a kum sakino petutna nin upiso.” Ra i watungi torom a musano a pinino i mat lena, “Un katutur, un los anum a lu, ra un nan sur anum a rumu.”
23456	MAT 9:8	A kunur na taro det tama i, ra det kisin doko uni, ma det rakon lekeleke pas o God, uni i pitar a dekdek lenri torom a taro.
23478	MAT 9:30	Uniutra der tamtama. Ra o Iesu i sakbat dekdek tar der lena, “Gong mur inanos tar taio nami.”
23483	MAT 9:35	O Iesu i wan nanan una kum lamlabino tamon ma a kum natnat na tamon rop. Ra i ususer a taro una nundet a kum rumu na lotu, ma i warawai nama Wakak na Wasiso una matanitu anun o God, ma i ulangolango pas a taro gusun a kum wur ngas na misait rop.
23491	MAT 10:5	O Iesu i tulu ru a noino ma aru nat na ususer, ra i watungi tandet lena, “Gong mot wan torom a taro ra awu sur a taro Israel, ma gong mot wan una kum tamon anun a kum te Samaria.
23495	MAT 10:9	Gong mot silapo tu mani una numot a kum malu.
23496	MAT 10:10	Gong mot los tu rat una numot a inawan, gong tin namalu na kelkeles, gong tu su, ma gong tin nubuku. Uni i tokodos sur din tabor a tene pinapam nama ana utna.
23501	MAT 10:15	A inanos mot nama lingmulus, una bung na warkurai, a warkurai torom a tamon ra, in laulau doko taun a warkurai torom a taro Sodom ma o Gomora.
23505	MAT 10:19	Ra din dat pas mot, gong mot nuknuk bing sur asau ra mot in watungi, ma mot in wasiso pepetlai, uni una du bung ut ra, o God in unuk tar mot nama wasiso ra mot in watungi.
23508	MAT 10:22	Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.
23512	MAT 10:26	“Gong mot ngaran a taro. A kum utna rop ra di rakup bat tari, numur in kis talapor, ma a kum utna rop ra i kis eno, numur in nanpat puaso.
23514	MAT 10:28	Gong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun.
23516	MAT 10:30	I lingmulus sakit, o God i sa luk rop tar a kum tekteken iwu na lorimot, ma i sa tasman tari.
23517	MAT 10:31	I mo ra gong mot ngara, uni mot labo sakit umatan o God, taun a susut na piko.
23520	MAT 10:34	“Gong mot nuki lena a wanpat sur an pitar a malmal una rakrakon bual. Awu, ka wanpat sur an pitar a malmal, a wanpat namin totok na inaim.
23529	MAT 11:1	Ra o Iesu i sa wasiso rop taru torom anun a noino ma aru nat na ususer, i wan tagitiro sur in ususer a taro ma in warawai una kum tamon, tong una papor Galili.
23541	MAT 11:13	A kum poropet ma a Warkurai anun o Moses det upuaso a wasiso anun o God, tuk una kilalo ra o Jon i turpas anun a pinapam uni.
23547	MAT 11:19	A Nutun a Musano i wanpat, i wangon ma i inum, ra det watungi uni lena, ‘Tama i, a musano ri a tene inangon ma a tene ininum, a pasan a kum tene los takis ma a kum tene sakino.’ Ikut a kum pinapam anun o God i upuaso i lena, anun a mananos i a mananos mulus.”
23551	MAT 11:23	Ma mot kai a taro Kapernaum, pepetlai, mot nuki lena din ulabo pas mot usapat netes? Awu, din woro pirso ru mot kut una labino sungun. Gunuk ra di sa pam tar a kum utna na ukisin torom a taro Sodom, elar nami ra di sa pam tari torom mot, kanapi o Sodom kuri utmakai i.
23562	MAT 12:4	ra i ruk una rumu anun o God, ra i wan a beret ra di sa pitar tari torom o God. Ma det kai ra det wan tomo nami det wangon taguni. A beret ra, a warkurai taguni, i lenri, a kum tene etabor kut torom o God det in nangon taguni, ma a taro oros awu.
23563	MAT 12:5	Pepetlai, ka mot luki utmakai a wasiso tagun a Buk na Warkurai? I watungi lena, a kum tene etabor torom o God det ser papam una rumu na etabor una Bung na Sabat, ikut ka det raro uni.
23575	MAT 12:17	I watungi lenra sur in pam sot pas a wasiso anun o God ra o Aisaia a poropet i sa wasiso mugu taru uni lena,
23586	MAT 12:28	Ikut, ra an lakro ru a kum laulau na nion nama dekdekin a Nion o God, in ese i lena a matanitu anun o God i sa wanpat torom mot.
23589	MAT 12:31	Ra a watungi tamot lena, din unus ru a kum sakino petutna rop anun a taro, ma anundet a kum sakino wasiso kai un o God, ikut ra det in wasiso laulau una Tokodos na Nion ka din unus lar pasi.
23597	MAT 12:39	I balu det lena, “A taro tagun uniri, a sakino taro, anundet a nilaun i bakbak gusun o God. Det sasaring sur tu ukinalong, ikut ka din pam taio torom det. Din pam a ukinalong kut elar nami ra di sa pam tari un o Jona a poropet.
23609	MAT 13:1	Una bung ra, o Iesu i pirso gusun a rumu ra i wan ma i kis tiro una usalin ina du tasi Galili.
23619	MAT 13:11	Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.
23629	MAT 13:21	Ikut a wasiso ke kis unin balano, ma a musano ra ken tur suano i, elar namin wit ra kalako wakakorino. I turpasi i wakak, ikut in puku lakit una du bung ra a kum mamaut in nanpat, ma din ban laulau i, uni i nurnur una wasiso anun o God.
23630	MAT 13:22	A kum pitino ra det puku epotor una kum kuikui, i elar nam ara musano ra i longoro a wasiso, ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, i rau bat a wasiso anun o God, ra ke wu lako wino.
23637	MAT 13:29	I turbat det lena, ‘Gong munung, sako mot in gat tomo ru i nama kum wit.
23643	MAT 13:35	I watungi lenra sur din pam sot pas a wasiso anun a poropet lena, “An wasiso nama kum wasiso elelar, an watung a kum utna ra i kis eno, turpasi numugu utmakai, ra o God i ukis a rakrakon bual.”
23685	MAT 14:19	Ra i itula sur a kunur na taro det in kis una wuliso. I los pas a limanin beret ma arin kiripo, i tamtama usapat una langit, i watung wakak pas torom o God uni, i tibik a limanin beret, ra i pitari tan anun a kum nat na ususer. Ra det tibo a kunur na taro nami.
23693	MAT 14:27	Uniutra o Iesu i watungi tandet lena, “A kosom taru tamot, iau kut ri. Gong mot ngara.”
23699	MAT 14:33	Ra det, ra det kis taru una pot det lotu torom o Iesu, ma det watungi lena, “I lingmulus ut, ra ui a Nutun o God.”
23700	MAT 14:34	Ra det sa wan kutus un ara papor tasi, det sot tiro una papor Genesaret.
23705	MAT 15:3	Ma i balu det lena, “Sur asau ra ka mot mur a Warkurai anun o God? Mot muri kut a kum etowo anun anumot a taro tagun numugu.
23706	MAT 15:4	Uni o God i watungi lena, ‘Un ru o tamam ma o nam,’ ra i watungi kai lena, ‘Osi ra in wasiso laulau un o tamano ma o nano, din um doko i.’
23707	MAT 15:5	Ikut mot, mot ususer a taro lena, i wakak kut ra taio in watungi tan o tamano ma o nano lena, ‘Asau ra an warut mur nami, a sa tabor tar o God nami.’
23708	MAT 15:6	Ikut ra ke warut o tamano, ke ru i. Ra mot pami lenra, mot unatino pas a wasiso anun o God sur mot in muri kut a kum etowo anun anumot a taro tagun numugu.
23713	MAT 15:11	Asau ra in ruk una wan tu musano, ken uduri umatan o God. Ikut, asau ra i watungi nama wano, i ra in uduri umatan o God.”
23722	MAT 15:20	A kum utna ri det udur a taro umatan o God. Ikut ra det wangon ma ka det gos mugu pas a lamandet, awu sur in udur det umatan o God.”
23726	MAT 15:24	O Iesu i watungi lena, “O God i tulu ru iau urin sur a taro Israel kut, ra det raro elar nama kum sipsip.”
23731	MAT 15:29	O Iesu i wan tagitiro, ma i usal nanan una usalin una du tasi Galili. Numur i wan toto una tangai ra i kis sapat.
23733	MAT 15:31	A kunur na taro det tama a kum ngat det wasiso, ma a kum pio det tur, ma det ra a kikindet i mat det wan tokodos, ma a kum pulu kai det tamtama. Det kisin doko ra det watung ulabo pas a God anun a taro Israel.