23233	MAT 1:20	Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.
23235	MAT 1:22	A kum utna rop ri i wanpat sur din pam sot pas a kum wasiso anun a Labino ra anun a poropet i sa upuaso tari lenri,
23237	MAT 1:24	Ra o Josep i tuangun, i muri lenutra a ensel anun a Labino i sa inanos tari nami, ra i ben pas o Maria sur anun a ino.
23251	MAT 2:13	Ra det sa wan taru, a ensel anun a Labino i wanpat torom o Josep una ririon ra i watungi lena, “Un katutur, un ben pas derano, ma motul in kalabor eno utong o Ijip. Ma motul in kis tong iai, tuk una bung ra an inanos melet ui, uni o Erod in sisio sur a natlik sur in um doko i.”
23253	MAT 2:15	Detul kis tiro iai tuk ra o Erod i mat. Una nundetul a kinkinis tiro, di pam sot pas a wasiso anun a Labino, ra a poropet i sa wasiso mugu taru uni lenri, “A kabo pas o nutunglik tagitong o Ijip.”
23257	MAT 2:19	O Erod i sa mat, ra a ensel anun a Labino i wanpat torom o Josep una ririon tiro o Ijip.
23264	MAT 3:3	O Jon ut, ra a poropet Aisaia i sa wasiso puaso mugu taru uni lena, “Una nubual kalako taro uni, in nalngan ara i kakabo lena, ‘Mot in waninar a kisapi anun a Labino, mot in pam kodos anun a kum kisapi.’”
23285	MAT 4:7	O Iesu i balu i lena, “Di sa tumus tari kai una Buk Tabu lena, ‘Gong u lar a Labino anum a God.’”
23288	MAT 4:10	O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’”
23319	MAT 5:16	Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.
23323	MAT 5:20	Lenra, a watungi tamot, ra anumot a tokodos na petutna ken wakak taun a tokodos na petutna anun a kum tene ususer tagun a Warkurai ma a kum Parisi, mot in lagano ruk una matanitu sapat una langit.
23336	MAT 5:33	“Mot sa longoro tari kai ra numugu di sa watung tari tan a taro lena, ‘Gong u liliman torotoro. A utna ra u sa liliman taru uni torom a Labino, un pam soti ut.’
23402	MAT 7:17	Lenkutkai ra a kum wakak na duwai rop det ser wu a wakak na windet, ikut in laulau na duwai i ser wu a kum laulau na wino.
23406	MAT 7:21	“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.
23407	MAT 7:22	Una bung na warkurai a susut na taro, det in watungi tang lena, ‘Labino, Labino, met wasiso na poropet nama risam, ma met lakro ru a kum laulau na nion kai nama risam, ma met pam a susut na utna na ukisin nama risam.’
23416	MAT 8:2	Ara musano, i misait nama lepra, i wan toromi, i kis butkeke nisano, ma i watungi lena, “Labino, ra u nemi, i topas ui sur un ulangolango pas iau.”
23420	MAT 8:6	I watungi lena, “Labino, ara tultul anung kurong ut una rumu i inep, a pinino rop i mat, ma i taramo a dekdek na ngunungut doko.”
23422	MAT 8:8	A mugumugu ra i balu i lena, “Labino, ka tokodos sur un ruk una nung a rumu. Un watung tu wasiso kut, ra anung a tultul in langolango.
23435	MAT 8:21	Ma ara musano kai, tagun anun a taro na ususer i watungi tano lena, “Labino, un mulaot ru iau munung sur an nan, an por ru tar o tita.”
23439	MAT 8:25	ra det wan toromi, det wangun pasi, ma det inanosi lena, “Labino, un ulaun dat. Dat na iru.”
23476	MAT 9:28	Ra i ruk una rumu, aru pulu der wan toromi, ma i ting der lena, “Pepetlai, mur nurnur ut un iau sur an pam sot pas a utna ri?” Der balu i lena, “Ma, Labino.”
23486	MAT 9:38	I mo ra mot in saring a Labino, i ra a taman a kinobot, sur in tulu ru a kum tene pasong sur ana kinobot.”
23553	MAT 11:25	Una du bung ra, o Iesu i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik.
23566	MAT 12:8	Uni a Nutun a Musano i a Labino tagun a Bung na Sabat.”
23570	MAT 12:12	A musano i labo taun a sipsip. Lenra i tokodos sur din pam a wakakino una Bung na Sabat.”
23627	MAT 13:19	Osi ra i longoro a wasiso una matanitu tagisapat una langit, ma ke mananos uni, i elar nama kum pitino wit ra det puku una kisapi. A Laulau na Musano i wanpat ra i rakon ru a wasiso ra di sa marut tari unin balano.
23635	MAT 13:27	A kum tultul anun a taman a kinobot det wan toromi, ma det watungi tano lena, ‘Labino, pepetlai, a kum wakak na pitino wit rop kut, ra u sapro tari una num a kinobot? Tagai kai a kum karapa?’
23646	MAT 13:38	A kinobot, i a rakrakon bual, ma a kum wakak na pitino wit, det a taro tagun a matanitu tagisapat una langit, ma a kum karapa, det a kum nutnutun a Laulau na Musano,
23694	MAT 14:28	O Pita i watungi tan o Iesu lena, “Labino, ra ui ut ra, un inanos iau sur iau kai an nan sapat netes una tasi torom ui.”
23696	MAT 14:30	Ikut, ra i tama a kum lamlabino top, i ngara. Ra i murung nanan, i kakabo lena, “Labino, un ulaun iau.”
23724	MAT 15:22	Ara ino Kenan tagitiro una papor ra, i wanpat ma i kabo o Iesu lena, “Labino, a Nutun o Dewid un maris iau. A nutunglik a ino, a laulau na nion kura uni, ra i ser ban laulau i.”
23727	MAT 15:25	Ikut a ino ra i wan torom o Iesu, i kis butkeke numugu tano ra i watungi tano lena, “Labino, un warut iau.”
23729	MAT 15:27	A ino ra i balu i lena, “Labino, a lingmulus ut ra. Ikut, a kum pap kai det ser wan a kum mumumut na utna ra i ser puku tagun a kabulu na inangon anun a kum tamtaman det.”
23730	MAT 15:28	Ra o Iesu i balu i lena, “Le, i labo doko anum a nurnur! A utna ra u nemi, an pami ut torom ui.” Ma una du bung ut ra, o nutunulik i langolango.
23763	MAT 16:22	Ra o Pita i ben gisen pas o Iesu ma i turbat dekdeki lena, “Gong Labino! Gong ut di pam tar a utna ri un ui.”
23773	MAT 17:4	O Pita i watungi tan o Iesu lena, “Labino, i wakak ra dat in kis nin. Ra u nemi, an pam lako tulu turturup, ara anumi, ara anun o Moses, ma ara kai anun o Elaija.”
23781	MAT 17:12	Ikut uniri a watungi torom motul lena, o Elaija i sa wanpat taru, ma ka det tasman lele i, det pam a kum sakino petutna uni, elar ut nam anundet a nemnem. Lenkutkai ra torom a Nutun a Musano, in taramo a ngunungut ulaman a taro.”
23784	MAT 17:15	ma i watungi lena, “Labino, un maris a nutunglik a nat musano, i ser mat lalang, ma i ser taramo a labino ngunungut. A susut na bung i ser puku una sungun, o una danim.
23810	MAT 18:14	Lenkutkai ra, a Tamamot ra i kis sapat una langit, ke nemi sur taio tagun a kum nat liklik ri in iru.
23817	MAT 18:21	O Pita i wan torom o Iesu, ra i tingi lena, “Labino, an man iso u dumano ru a sakino ra o tising i pami un iau? Lako wonom mawit na dino ut?”
23875	MAT 20:14	Los pas anum a mani, ma un nan. Iau ut a nemi sur an tokom det ra det wanpat murmur elar nam ui ra u mugu.
23889	MAT 20:28	Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”
23891	MAT 20:30	Aru musano aru pulu der kis taru una papor ina kisapi. Ra der longoro i lena o Iesu i wan nanan milau, der kakabo sapat lena, “Labino, a Nutun o Dewid, un maris mir.”
23892	MAT 20:31	Ma a kunur na taro det turbat der sur der in kis wowowon. Ikut der kakabo dekdek makai usapat lena, “Labino, a Nutun o Dewid, un maris mir.”
23894	MAT 20:33	Der balu i lena, “Labino, mir nemi sur mir in tamtama.”
23898	MAT 21:3	Ra taio in ting mur un der, mur in watungi lena, ‘A Labino i nem der,’ ra uniutra in madek ru der torom mur.”
23904	MAT 21:9	A kunur na taro ra det mugu tano, ma det kai ra det mur, det kukukuk lena, “Osana torom a Nutun o Dewid! O naro ra i wanpat nama risan a Labino i dan!” “Osana usapat netes sakit!”
23937	MAT 21:42	O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’
23953	MAT 22:12	Ma i tingi lena, ‘Le, u ruk lai taru urin? Uni ka tin namalu na lukaro na unolin anum.’ A musano ra ke balu i.
23978	MAT 22:37	Ma i balu i lena, “‘Un nem a Labino anum a God namin balam rop, a niom rop, ma a nuknukim rop.’
23984	MAT 22:43	O Iesu i watungi tandet lena, “Ra i lenra, ilai ra a Tokodos na Nion i mugu o Dewid ra i watung a Karisito lena ‘anung a Labino’? Uni o Dewid i watungi lena,
23985	MAT 22:44	‘A Labino i watungi torom anung a Labino lena, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” ’
23986	MAT 22:45	O Dewid i watung a Karisito lena, i anun a Labino. Ra i lenra, der tamano pepetlai?”
24015	MAT 23:28	Lenkutkai ra, a taro det tama a pinimot lena, mot a kum tene tokodos, ikut a balamot i bukus nama torotoro, ma a kum sakino petutna.
24021	MAT 23:34	I mo ra an tulu ru a kum poropet, a kum tene mananos, ma a kum tene ususer torom mot. Lako taro tagun det, mot in um doko det, ma lako taro, mot in sak wat det una kum nanai kutus, ma lako taro kai, mot in um det una numot a kum rumu na lotu, ma mot in lu ru det gusun anumot a kum tamon, ma det in kalabor sur a kum tamon gisen.
24026	MAT 23:39	A inanos mot, ka mot in tama melet iau mo, tuk una bung ra mot in watungi lena, ‘O naro ra i wanpat nama risan a Labino i dan.’”
24059	MAT 24:33	Lenkutkai ra mot in tama a kum utna rop ra a wasiso taru uni in nanpat, mot in tasmani lena, a du bung i sa milau.
24068	MAT 24:42	“I mo ra mot in tumarong, uni ka mot tasman a bung ra anumot a Labino in nanpat uni.
24088	MAT 25:11	“Numur a limo ra ka det mananos det wanpat, ma det kakabo lena, ‘Labino, labino, un papos pas met.’
24090	MAT 25:13	“I mo ra mot in tumarong, uni ka mot tasman a bung o a du bung ra a Labino in nanpat uni.
24094	MAT 25:17	Lenkutkai ra torom o naro ra di pitar tar aru arip na mani tano, i ulabo melet pas aru arip taguni.
24097	MAT 25:20	O naro ra di pitar tar a limo na arip na mani tano i wan toromi nama limo na arip melet, ra i watungi tano lena, ‘Labino, u pitar tar a limo na arip na mani tang. Tama i, a sa ulabo melet pas a limo na arip taguni.’
24099	MAT 25:22	“O naro ra di pitar tar aru arip na mani tano i wan toromi, ma i watungi lena, ‘Labino u pitar tar aru arip na mani tang. Tama i, a sa ulabo melet pas aru arip taguni.’
24101	MAT 25:24	“Numur, i ra di pitar tar ara arip na mani tano i wan toromi, ra i watungi lena, ‘Labino, a tasmani lena ui a tene ngalngalia. U ser pasong pas a utna ra ko marut tari, ma u git pasi kai, a win a utna ra ko marut tari.
24114	MAT 25:37	“A kum tene tokodos det in tingi lena, ‘Labino, nangisin met tama ui ra u murak ma met tabor ui, o u muruk ra met tabor ui nam lako danim?
24121	MAT 25:44	“Det bulung det in tingi lena, ‘Labino, nangisin met tama ui ra u murak, o u muruk, o u usiro, o ka tin namalu anum, o u misait, o u kis una karabus, ra ka met warut ui?’
24145	MAT 26:22	Det tupunuk doko ra det rop taktakai det turpas a iting toromi lena, “Labino, awu sur iau niko?”
24207	MAT 27:9	Lenra di pam sot pas a wasiso ra o Jeremaia a poropet i sa watung tari numugu lena, “Det los pas a tulu noino silwa, a matano ra a taro Israel det ubek tari una musano ra.
24208	MAT 27:10	Ma a tulu noino silwa ra di kul pas a du piso anun a tene pam kuro nama piopap, elar nama Labino i watung tari tang.”
24231	MAT 27:33	Det wanpat una nubual ra di watungi nam o Golgota, a kukuraino a “Nubual na Lor na Minat.”
24261	MAT 27:63	Det watungi tano lena, “Labino, met nuk pas a wasiso anun a tene torotoro ri. Ra i laun utmakai, i watungi lena, ra a tulu bung in rop, in laun pat melet.
24266	MAT 28:2	Ma a labino guri i wanpat, uni ara ensel anun a Labino i wan pirso tagisapat una langit sur a kulam na minat, ma i bulus gisen ru a wat, ra i kis taru netes uni.
24287	MRK 1:3	Una nubual kalako taro uni, in nalngan ara i kakabo lena, ‘Mot in waninar a kisapi anun a Labino, mot in pam kodos anun a kum kisapi.’”
24343	MRK 2:14	Ra i wan nanan, i tama pas o Liwai a nutun o Alpius, i kis una rumu na los takis. O Iesu i inanosi lena, “Un mur iau.” Ra o Liwai i katutur ma i muri.
24344	MRK 2:15	Numur o Iesu ma anun a kum nat na ususer, det wangon tiro una rumu anun o Liwai. A susut na tene los takis, ma a kum tene sakino kai det wangon tomo nam det, uni a susut na taro lenri det ser mur o Iesu.
24357	MRK 2:28	Lenkutkai ra, a Nutun a Musano i a Labino utkai tagun a Bung na Sabat.”
24440	MRK 5:7	A musano ra i kukukuk namin labino walngano lena, “Iesu, a Nutun o God, a Labino Sakit, asau ra u nem na pami un iau? Un liliman umatan o God sur gong u ukadik iau.”
24442	MRK 5:9	Numur o Iesu i tingi lena, “A risam osi?” Ma i balu i lena, “A risang A Kabo Liur, uni a susut met.”
24452	MRK 5:19	O Iesu ke mulaoti, ikut i lena, “Un nan utiro una num a tamon torom a kum kukum, ma un inanos det una labino utna ra a Labino i sa pam tari un ui, ma una nun a marmaris torom ui.”
24514	MRK 6:38	Ra o Iesu i ting det, “Lako isin beret kura mot losi? Mot in nan ma mot in tamtama.” Ra det sa tama tari, det inanos o Iesu lena, “A limanin beret kut ma arin kiripo kai kuri met losi.”
24560	MRK 7:28	Ra a ino i balu i lena, “Labino, a lingmulus ut ra. Ikut, a kum pap kai det ser wan a kum mumumut na utna nago utuntudu ina kabulu na inangon ana kum nat.”
24656	MRK 9:49	A taro Juda det ser ubek a sol una etabor ra di pitari torom o God, sur gong det dur umatano. Lenkutkai ra a sungun in tun a taro rop sur gong det dur umatan o God.
24712	MRK 11:3	Ra taio in ting mur lena, ‘Mur pami lenra sur asau?’ mur in watungi lena, ‘A Labino i nemi kut munung, ra numur in tulu melet tari urin.’”
24718	MRK 11:9	Det ra det mugu ma det kai ra det mur, det kukukuk lena, “Osana! O naro ra i wanpat nama risan a Labino i dan!”
24733	MRK 11:24	Lenra, a inanos mot, a kum utna rop ra mot wararing suri, mot in nurnur kut lena di sa pitar tari tamot, ma din pitari ut torom mot.
24753	MRK 12:11	A utna ri, a Labino ut i sa pam tari, ma i wakak sakit una numet a tamtama.’”
24771	MRK 12:29	O Iesu i balu i lena, “Iri a warkurai ra i labo sakit, ‘Mot a taro Israel, mot in longoro i! A Labino anundat a God, i ara sot kut.
24772	MRK 12:30	Mot in nem a Labino anumot a God nama balamot rop, a niomot rop, a nuknuki mot rop, ma a dekdeki mot rop.’
24778	MRK 12:36	A Tokodos na Nion i mugu o Dewid ra i watungi lena, ‘A Labino i watungi torom anung a Labino lena, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” ’
24779	MRK 12:37	O Dewid ut i watung a Karisito lena, i anun a Labino. Ra i lenra, der tamano pepetlai?” A labino kunur na taro det gas doko ra det longoro a wasiso anun o Iesu.
24806	MRK 13:20	Ra gunuk a Labino ken kutus pirso a kum bung ra, kataio ut in laun. Ikut in kutus pirso ru i sur det ra i sa pilok pas det, det in laun.
24815	MRK 13:29	Lenkutkai ra mot in tama a kum utna ra a wasiso taru uni in nanpat, mot in tasmani lena a du bung i sa milau.
24917	MRK 15:22	Det ben o Iesu sur a nubual ra di watungi nam o Golgota, a kukuraino a “Nubual na Lor na Minat.”
24961	MRK 16:19	Ra a Labino o Iesu i sa wasiso taru tandet, o God i ben toto pasi usapat una langit, ma o Iesu i kis una papor sot na laman o God.
24962	MRK 16:20	Anun a kum nat na ususer det wan, ma det warawai tuptupukus. Ma a Labino i papam tomo nam det, ma i ulingmulus anun a wasiso nama kum utna na ukisin.]
24968	LUK 1:6	Der aru tene tokodos umatan o God, der mur wakak a kum Warkurai rop anun a Labino.
24971	LUK 1:9	A kum tene etabor torom o God det pilok pas o Sekaraia sur i ut in ruk una rumu na etabor anun a Labino, ma in tun a paura ra a misino i sangnain wakak ra di watungi nama insens. Anundet a pipilok ra, i elar nama ngasino ra det ser muri.
24973	LUK 1:11	A ensel anun a Labino i wanpat torom o Sekaraia, ra i tur taru una papor sot na kabulu na tuntun etabor, ra di ser tun a utna ra i sangsangnain wakak uni.