23214	MAT 1:1	Iri a risan a kabotaro tagun numugu ra o Iesu Karisito i wanpat tagun det. O Iesu, a nutun o Dewid, o Dewid a nutun o Abaram.
23215	MAT 1:2	O Abaram o taman o Aisak, O Aisak o taman o Jekop, ma o Jekop o taman o Juda ma a kum tistisino.
23216	MAT 1:3	O Juda o taman o Peres der nam o Sera, ra a nander o Tamar. O Peres o taman o Esrom, o Esrom o taman o Ram,
23218	MAT 1:5	o Salmon o taman o Boas, ma o nano a risano o Reap. O Boas o taman o Obed, ma o nano a risano o Rut. O Obed o taman o Jesi,
23219	MAT 1:6	ma o Jesi o taman o Dewid, i ra a king. O Dewid o taman o Solomon, ma o nano a ino ra i nolin pas nam o Uria.
23220	MAT 1:7	O Solomon o taman o Roboam, o Roboam o taman o Abia, o Abia o taman o Asa,
23225	MAT 1:12	Numur tan a inawan utong o Babilon: O Jekonia i ulabo o Salatiel, o Salatiel o taman o Serubabel,
23229	MAT 1:16	o Jekop o taman o Josep, i ra i nolin nam o Maria. O Maria i usus o Iesu, ra di watungi o Karisito, i ra o God i tulu ru i.
23231	MAT 1:18	Di usus pas o Iesu Karisito lenri: O nano, o Maria, di sa ubek bat tari sur in nolin nam o Josep, ikut numugu tan anunder a nolin o Maria i sa tasmani lena i tianan tan a Tokodos na Nion.
23232	MAT 1:19	O Josep ra di sa ubek bat tar o Maria toromi, i a tene tokodos, ma ke nemi sur in ban umaimai o Maria umatan a taro. Ra i nuki lena in kutus eno ru anunder a liliman tagun a nolin.
23236	MAT 1:23	“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” a kukuraino lena, “O God i kis tomo nam dat.”
23250	MAT 2:12	O God i sa utumarong tar det una ririon, sur gong det milet taru sur o Erod. Ra det milet sur anundet a tamon una se kisapi mukut.
23256	MAT 2:18	“Tong o Rama di longoro in nalngan ara, a tintinangis ma a ungugaia, O Rakel i domos a kum nutnutunu liklik, uni det sa mat rop, ma ka di umarip lar pasi.”
23257	MAT 2:19	O Erod i sa mat, ra a ensel anun a Labino i wanpat torom o Josep una ririon tiro o Ijip.
23264	MAT 3:3	O Jon ut, ra a poropet Aisaia i sa wasiso puaso mugu taru uni lena, “Una nubual kalako taro uni, in nalngan ara i kakabo lena, ‘Mot in waninar a kisapi anun a Labino, mot in pam kodos anun a kum kisapi.’”
23265	MAT 3:4	O Jon i ser emar namin namalu di pami nama iwu na kamel, ma i ser ker wati namin pino bulumakau. I ser wan a kum ko ma a polono tatos.
23268	MAT 3:7	O Jon i tama a susut na Parisi tomo nama kum Sadusi det wan sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.
23274	MAT 3:13	O Iesu i wan tagitong una papor Galili utiro una danim Jodan torom o Jon sur in baptaiso i.
23275	MAT 3:14	O Jon i nem na turbati, ra i watungi tano lena, “Ilai ra u wan torom iau sur an baptaiso ui? In wakak sur ui un baptaiso iau.”
23282	MAT 4:4	O Iesu i balu i lena, “Di sa tumus tari una Buk Tabu lena, ‘A taro ka det ser laun nama utna na inangon kut, det ser laun nama kum wasiso rop ra i pirso gusun a wan o God.’”
23285	MAT 4:7	O Iesu i balu i lena, “Di sa tumus tari kai una Buk Tabu lena, ‘Gong u lar a Labino anum a God.’”
23286	MAT 4:8	O Satan i ben melet pasi usapat netes una labino tangai, ra i ese tar a kum tamon rop una rakrakon bual tomo nama kum minamarin det rop kai tano.
23288	MAT 4:10	O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’”
23290	MAT 4:12	O Iesu i longoro i lena, di sa uruk tar o Jon una karabus, ra i milet melet utong una papor Galili.
23301	MAT 4:23	O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.
23304	MAT 5:1	O Iesu i tama pas a kunur na taro, ra i wan toto una tangai, ma i kis. Anun a taro na ususer det wan toromi.
23322	MAT 5:19	Osi ra in lakai tu nat na warkurai tagun a kum Warkurai ri, ma in ususer raro a taro sur det kai det in lakai i, din watungi lena, i natino doko una matanitu sapat una langit. Ikut osi ra in mur a kum Warkurai ri, ma in ususer a taro uni, din watungi lena, i labo una matanitu sapat una langit.
23324	MAT 5:21	“Mot sa longoro tari ra numugu di sa watung tari tan a taro lena, ‘Gong u um doko taio. Osi ra in um doko taio din warkurai i.’
23334	MAT 5:31	“Di sa watung tari kai lena, ‘Osi ra i lakro ru anun a ino, in pitar tari kai a dono buk na kutus nolin tano.’
23369	MAT 6:18	sur gong a taro det tasmani lena u wewel. O Tamam kut, ra kataio i tama i, in tasmani. Ma o Tamam ra i tama a utna ra u pam eno i, in pitar anum a ikul.
23381	MAT 6:30	O God i mar a kum wuliso sa ubual nama kum wakak na purpurindet, ra i puspus uniri, ra markan din tun ru i una sungun. Ra i pami lenra una kum wuliso, pepetlai, ken mar mot kai? Anumot a nurnur i natino doko.
23394	MAT 7:9	“Osi na pasamot, ra o nutunulik in saringi sur tu beret, in tabori kut nama wat?
23417	MAT 8:3	O Iesu i kodos a lamano, ma i pam a pinino, ra i watungi tano lena, “A nemi ut, un langolango.” Uniutra a lepra i rop gusuni.
23421	MAT 8:7	O Iesu i watungi tano lena, “An nan ma an ulangolango pasi.”
23424	MAT 8:10	O Iesu i longoro anun a wasiso, ra i kisin doko uni, ma i watungi torom a taro ra det muri lena, “A inanos mot nama lingmulus, ka tama tar tu te Israel ra anun a nurnur i labo elar nama musano ri.
23428	MAT 8:14	O Iesu i ruk una rumu anun o Pita, ra i tama a inumun o Pita, a ino, i misait nama pinino mararong, kura i inep taru una kabulu.
23429	MAT 8:15	O Iesu i pam a lamano, ra a mararong i rop mut gusuni. A ino ra i katutur, ra numur i tabor o Iesu nama utna na inangon.
23441	MAT 8:27	Ra a kum nat na ususer det kisin uni, ma det watungi lena, “Osi na ngas na musano mulus ri? A wuwu ma a top der mur anun a wasiso!”
23442	MAT 8:28	O Iesu i sot una ara papor tasi, una papor anun a taro Gadara. Aru musano ra a kum laulau na nion kura un der, der wan tagitong una kum kulam na minat, ra der wan barato i. Der ngalngalia doko, ma kataio i ser wan sakit tiro una kisapi ra.
23446	MAT 8:32	O Iesu i watungi tandet lena, “Mot wan!” Ra a kum laulau na nion det pirso gusun aru musano ra, ma det ruk taru una kum boro. A kum boro det kalabor pirso una palis sur a du tasi, ra det kongo rop.
23449	MAT 9:1	O Iesu i kas una pot, ra i wan kutus utiro una ara papor du tasi sur anun a tamon.
23450	MAT 9:2	Ra a ramano kum musano det los pat ara musano toromi, a pinino i mat, ma i inep taru kut una lu. O Iesu i tama anundet a nurnur, ra i inanos a musano ra lena, “Nutunglik, gong u ngara, di sa unus ru anum a kum sakino petutna.”
23453	MAT 9:5	Osi na wasiso ra ke ngangitin sur an watungi? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, ma un nan’?
23457	MAT 9:9	Ra o Iesu i wan nanan tagitiro iai, i tama pas ara musano, a risano o Matiu, i kis una rumu na los takis. O Iesu i inanosi lena, “Un mur iau.” Ra o Matiu i katutur ma i muri.
23460	MAT 9:12	O Iesu i longoro i ra i watungi lena, “A dokta ke wanpat sur det ra det langolango. Awu! I wanpat sur det kut ra det misait.
23463	MAT 9:15	O Iesu i balu det lena, “A kum paspasan a musano ra i nolin matok, det in domos pepetlai, ra kura utmakai i tomo nam det? Ikut tu bung in nanpat, ra din ben ru i gusun det, ra det in wewel maragom.
23470	MAT 9:22	O Iesu i tur tupukus ra i tama a ino ra, ra i watungi tano lena, “Nutunglik, gong u ngara, anum a nurnur i sa ulangolango pas ui.” Ra una du bung ut ra, a ino ra i langolango mut.
23471	MAT 9:23	O Iesu i wanpat una rumu anun a mugumugu, ra i tama a taro ra det ese anundet a tupunuk una minat. Det wup a kum tulal, ma a susut na taro kai det domos.
23475	MAT 9:27	O Iesu i wan tagitiro, ra aru musano, aru pulu, der muri, der kakabo sapat lena, “Nutun o Dewid, un maris mir.”
23481	MAT 9:33	O Iesu i lakro ru a laulau na nion gusuni, ra a musano ra i wasiso maragom. Ma a kunur na taro det kisin, ra det watungi lena, “Telek ri di tama a utna lenri nin o Israel.”
23483	MAT 9:35	O Iesu i wan nanan una kum lamlabino tamon ma a kum natnat na tamon rop. Ra i ususer a taro una nundet a kum rumu na lotu, ma i warawai nama Wakak na Wasiso una matanitu anun o God, ma i ulangolango pas a taro gusun a kum wur ngas na misait rop.
23487	MAT 10:1	O Iesu i kabo pas anun a noino ma aru nat na ususer ra i pitar a dekdek tandet sur det in lakro ru a kum laulau na nion, ma sur det in ulangolango pas a taro gusun a wur ngas na misait rop.
23491	MAT 10:5	O Iesu i tulu ru a noino ma aru nat na ususer, ra i watungi tandet lena, “Gong mot wan torom a taro ra awu sur a taro Israel, ma gong mot wan una kum tamon anun a kum te Samaria.
23518	MAT 10:32	“Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau.
23523	MAT 10:37	“Osi ra i nem doko o tamano ma o nano, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o tamano ma o nano. Ma osi ra i nem doko o nutunulik, a nat na musano o a ino, ikut anun a marmaris torom iau ke labo, ke topasi sur i anung a nat na ususer. In wakak ra anun a marmaris torom iau in labo taun anun a marmaris torom o nutunulik.
23524	MAT 10:38	Osi ra ke rakon pas anun in nanai kutus sur in mur iau, ke topasi sur i anung a nat na ususer.
23525	MAT 10:39	Osi ra i maris bat anun a nilaun, in iru, ma osi ra ke maris bat anun a nilaun uni i tagun iau, in laun.
23526	MAT 10:40	“Osi ra in gas pas mot, i gas pas iau utkai, ma osi ra i gas pas iau, i gas pasi utkai o naro ra i tulu ru iau urin.
23527	MAT 10:41	Osi ra in gas pas a poropet uni i tasmani lena, i a poropet, in losi utkai a ngas na ikul elar nama poropet in losi. Ma osi ra in gas pas a tene tokodos, uni i tasmani lena, i a tene tokodos, in losi utkai a ngas na ikul elar nama tene tokodos in losi.
23528	MAT 10:42	Osi ra in tabor anung tu nat na ususer, ra ke sot umatan a taro, nam lakalik kotokoto na danim, uni i tasmani lena, i anung a nat na ususer, a inanos mot nama lingmulus, i kai in losi ut anun a ikul.”
23530	MAT 11:2	O Jon i kis una karabus ma i longoro a kum pinapam anun o Karisito. Ra i tulu ru anun a kum nat na ususer sur det in tingi lena,
23534	MAT 11:6	Osi ra i tama a kum utna ri a pami, ma anun a nurnur ke puku, i sa dan.”
23543	MAT 11:15	Osi ra arin talngano kura, i wakak sur in longoro nami.
23546	MAT 11:18	O Jon i wanpat, ke wan tu wakak na utna ma ke inum a wain, ra det watungi uni lena, ‘A laulau na nion kura uni.’
23548	MAT 11:20	O Iesu i wasiso na kankan torom a taro una kum tamon ra i sa pam tar anun a susut na utna na ukisin doko tiro iai, uni ka det nukpukus.
23555	MAT 11:27	“O Tita i sa pitar tar a kum utna rop torom iau. Katutaio i tasman o Nutunu, o Tamano kut i tasmani, ma kataio kai i tasman o Tamano, o Nutunu kut i tasmani, ma det kai ra o Nutunu i nemi sur in upuaso o Tamano torom det.
23561	MAT 12:3	O Iesu i balu det lena, “Pepetlai, ka mot luki utmakai asau ra o Dewid i pami? Det nama taro ra det wan tomo det murak,
23580	MAT 12:22	Det ben pat ara musano torom o Iesu, i ngat ma i pulu, ma a laulau na nion kura uni. O Iesu i ulangolango pasi, ra a musano ra, i wasiso ma i tamtama kai.
23583	MAT 12:25	O Iesu i sa tasman a nuknukin det, ra i watungi tandet lena, “Ra tu gapman det melet ut det in waim etalai, a gapman ra in rop kut. Ra tu tamon, o lako taro tagun tu rumu, det in waim etalai melet kut, ka det in kis tomo melet mo.
23588	MAT 12:30	“O naro ra ka mir tar pasano mir ebar. Ma o naro ra ke warut iau u eben, i lu sarara ru a taro kut.
23590	MAT 12:32	Osi kai ra in watung tar tu sakino wasiso una Nutun a Musano, din unus ru i kut, ikut osi ra in wasiso laulau una Tokodos na Nion, ka din unus lar pasi, una nilaun uniri ma una nilaun numur kai.
23605	MAT 12:47	Ma ara i inanos o Iesu lena, “O nam ma a kum tistisim kunago det tur nago upiso. Det nem na wasiso tomo nam ui.”
23606	MAT 12:48	Ra i balu i lena, “Osi o nang, ma osi det a kum tistising?”
23617	MAT 13:9	Osi ra arin talngano kura, i wakak sur in longoro nami.”
23619	MAT 13:11	Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.
23627	MAT 13:19	Osi ra i longoro a wasiso una matanitu tagisapat una langit, ma ke mananos uni, i elar nama kum pitino wit ra det puku una kisapi. A Laulau na Musano i wanpat ra i rakon ru a wasiso ra di sa marut tari unin balano.
23632	MAT 13:24	O Iesu i watung ara wasiso elelar bulung torom det lena, “A matanitu tagisapat una langit i elar nama musano ra i sapro a kum wakak na pitino wit una nun a kinobot.
23639	MAT 13:31	O Iesu i watung ara wasiso elelar bulung tandet lena, “A matanitu tagisapat una langit i elar namin pitino mastad, ra ara musano i los pasi, ma i marut tari una nun a kinobot.
23641	MAT 13:33	O Iesu i watung ara wasiso elelar bulung tandet lena, “A matanitu tagisapat una langit i elar nama is, ra ara ino i rakon pasi, ma i pam tomo tari nama labino palawa, ra a palawa rop i mubus nami.”
23642	MAT 13:34	O Iesu i ususer a kunur na taro nama kum wasiso elelar, ma ke wasiso torom det nam tu se wasiso, a wasiso elelar rop kut.
23645	MAT 13:37	I balu det lena, “O naro ra i sapro a kum pitino wit i a Nutun a Musano.
23651	MAT 13:43	Ma a kum tene tokodos det in sisio elar namin nusuan una matanitu anun a Tamandet. Osi ra arin talngano kura, i wakak sur in longoro nami.
23663	MAT 13:55	O Tamano a tene pam rumu kut, ma o nano o Maria. A kum tistisino kai, o Jems, o Josep, o Saimon ma o Judas
23669	MAT 14:3	Numugu o Erod i tulu ru anun a kum tene inaim sur det in dat pas o Jon. Ra det sa dat pasi, det ker pasi, ma det uruk tari una karabus. O Erod i pami lenri, uni o Jon i inanosi lena, “Ke tokodos ra u nolin nam o Erodias, a urim.” I watungi lenri, uni o Erod i sa sal pas o Erodias, a ino anun o tisino, o Pilip, ra i nolin nami.
23672	MAT 14:6	Una bung ra di ukinalong a bung na usus anun o Erod, a nutun o Erodias a ino, i lagor umatandet. O Erod i gas doko nami,
23682	MAT 14:16	O Iesu i balu det lena, “Det in nan sur asau? Mot ut mot in tabor det.”
23694	MAT 14:28	O Pita i watungi tan o Iesu lena, “Labino, ra ui ut ra, un inanos iau sur iau kai an nan sapat netes una tasi torom ui.”
23695	MAT 14:29	O Iesu i inanosi lena, “Un nan urin.” Ra o Pita i sirok gusun a pot, ra i wan sapat netes una tasi torom o Iesu.
23706	MAT 15:4	Uni o God i watungi lena, ‘Un ru o tamam ma o nam,’ ra i watungi kai lena, ‘Osi ra in wasiso laulau un o tamano ma o nano, din um doko i.’
23712	MAT 15:10	O Iesu i kabo pas a kunur na taro toromi, ra i watungi tandet lena, “Mot in longoro iau ma mot in tasman lele anung a wasiso.
23723	MAT 15:21	O Iesu i wan tagitiro, ra i wanpat milau a tamon Tair ma o Saidon.
23726	MAT 15:24	O Iesu i watungi lena, “O God i tulu ru iau urin sur a taro Israel kut, ra det raro elar nama kum sipsip.”
23731	MAT 15:29	O Iesu i wan tagitiro, ma i usal nanan una usalin una du tasi Galili. Numur i wan toto una tangai ra i kis sapat.
23734	MAT 15:32	O Iesu i kabo pas anun a kum nat na ususer toromi ma i watungi tandet lena, “A maris doko a taro ri, uni det sa kis tomo nam iau nin a tulu bung, ma kalako utna na inangon sur det in nani. Ka nemi sur an tulu ru det kut nama munurak, sako det in bengbeng nanan una kisapi.”
23736	MAT 15:34	O Iesu i ting det lena, “A isin beret kura mot losi?” Det balu i lena, “A wonom mawit na beret ma a kabanin natnat na kiripo.”
23746	MAT 16:5	O Iesu tomo nam anun a kum nat na ususer det wan kutus a du tasi, ma a kum nat na ususer ka det los lako beret, det dumano ru i kut.
23747	MAT 16:6	O Iesu i watungi tandet lena, “Mot in tumarong una is anun a kum Parisi ma a kum Sadusi.”
23749	MAT 16:8	O Iesu i tasman anundet a wasiso ra i watungi tandet lena, “I natino doko anumot a nurnur. Ilai ra mot wasiso etalai un mot ra ka mot los lako beret?