23216	MAT 1:3	O Juda o taman o Peres der nam o Sera, ra a nander o Tamar. O Peres o taman o Esrom, o Esrom o taman o Ram,
23268	MAT 3:7	O Jon i tama a susut na Parisi tomo nama kum Sadusi det wan sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.
23296	MAT 4:18	Ara bung o Iesu i usal una usalin ina du tasi Galili, ra i tama pas o Saimon, di watungi kai nam o Pita, ma o tisino o Endru. Der woro a uben sa utasi, uni der aru tene woro uben.
23323	MAT 5:20	Lenra, a watungi tamot, ra anumot a tokodos na petutna ken wakak taun a tokodos na petutna anun a kum tene ususer tagun a Warkurai ma a kum Parisi, mot in lagano ruk una matanitu sapat una langit.
23401	MAT 7:16	Mot in tama lele a kum torotoro na poropet tagun a windet ut. Pepetlai, din git pas in niwino wain tagun in kadas, ma in niwino fig tagun in suksuk? Awu, ken elar!
23428	MAT 8:14	O Iesu i ruk una rumu anun o Pita, ra i tama a inumun o Pita, a ino, i misait nama pinino mararong, kura i inep taru una kabulu.
23443	MAT 8:29	Der woiwoi lena, “Nutun o God, asau ra u nem na pami un mir? Pepetlai, u wan urin sur un ukadik met? Ke sot utmakai a bung na warkurai.”
23453	MAT 9:5	Osi na wasiso ra ke ngangitin sur an watungi? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, ma un nan’?
23459	MAT 9:11	Ra a kum Parisi det tama i, det ting anun a kum nat na ususer lena, “Sur asau ra anumot a tene ususer i wangon tomo nama kum tene los takis ma a kum tene sakino?”
23462	MAT 9:14	A kum nat na ususer anun o Jon det wan torom o Iesu, ra det tingi lena, “Sur asau ra met ma a kum Parisi met wewel, ikut anum a kum nat na ususer awu?”
23476	MAT 9:28	Ra i ruk una rumu, aru pulu der wan toromi, ma i ting der lena, “Pepetlai, mur nurnur ut un iau sur an pam sot pas a utna ri?” Der balu i lena, “Ma, Labino.”
23482	MAT 9:34	Ikut a kum Parisi det watungi lena, “I ser lakro ru a kum laulau na nion nama dekdekin a labino anun a kum laulau na nion.”
23488	MAT 10:2	Iri a kum risan a noino ma aru aposel: A mugano, o Saimon ara risano kai o Pita, dersino nam o Endru, o Jems ma o Jon dersino, aru nutnutun o Sebedi,
23489	MAT 10:3	o Pilip, o Batolomiu, o Tomas, o Matiu a tene los takis, o Jems a nutun o Alpius, ma o Tadius,
23560	MAT 12:2	Ra a kum Parisi det tama i, det watungi tano lena, “Tama i, anum a kum nat na ususer det pam a utna ri, ra ke tokodos elar nama warkurai tagun a Bung na Sabat.”
23561	MAT 12:3	O Iesu i balu det lena, “Pepetlai, ka mot luki utmakai asau ra o Dewid i pami? Det nama taro ra det wan tomo det murak,
23563	MAT 12:5	Pepetlai, ka mot luki utmakai a wasiso tagun a Buk na Warkurai? I watungi lena, a kum tene etabor torom o God det ser papam una rumu na etabor una Bung na Sabat, ikut ka det raro uni.
23568	MAT 12:10	Ara musano kura iai, a lamano i kong. Det sisio sur tu utna det in takun o Iesu nami, ra det tingi lena, “Pepetlai, i tokodos ut elar nam anundat a Warkurai sur din ulangolango pas taio una Bung na Sabat o awu?”
23572	MAT 12:14	A kum Parisi det pirso, ma det wasiso tomo sur tu kisapi ra det in um doko o Iesu uni.
23582	MAT 12:24	Ikut a kum Parisi det longoro i ra det watungi lena, “A musano ri, i ser lakro ru a kum laulau na nion nama dekdekin o Belsebul, a labino anun a kum laulau na nion.”
23596	MAT 12:38	Numur ara taro tagun a kum tene ususer tagun a Warkurai ma a kum Parisi det watungi tano lena, “Tene Ususer, un pam tu ukinalong sur met in tama i.”
23659	MAT 13:51	“Pepetlai, mot sa mananos una kum kukurai ina kum utna rop ri, o awu?” Anun a kum nat na ususer det balu i lena, “Ma! Met sa tasmani.”
23669	MAT 14:3	Numugu o Erod i tulu ru anun a kum tene inaim sur det in dat pas o Jon. Ra det sa dat pasi, det ker pasi, ma det uruk tari una karabus. O Erod i pami lenri, uni o Jon i inanosi lena, “Ke tokodos ra u nolin nam o Erodias, a urim.” I watungi lenri, uni o Erod i sa sal pas o Erodias, a ino anun o tisino, o Pilip, ra i nolin nami.
23694	MAT 14:28	O Pita i watungi tan o Iesu lena, “Labino, ra ui ut ra, un inanos iau sur iau kai an nan sapat netes una tasi torom ui.”
23695	MAT 14:29	O Iesu i inanosi lena, “Un nan urin.” Ra o Pita i sirok gusun a pot, ra i wan sapat netes una tasi torom o Iesu.
23703	MAT 15:1	A ramano kum Parisi ma a kum tene ususer tagun a Warkurai det wan tagisapat o Jerusalem torom o Iesu, ma det tingi lena,
23714	MAT 15:12	Numur anun a kum nat na ususer det wan toromi ra det tingi lena, “Pepetlai, u sa tasmani lena a kum Parisi det balano mamaut una num a wasiso?”
23716	MAT 15:14	Mot in madek ru a kum Parisi. Det a kum pulu na mugumugu. Ra tu pulu in ben tu pulu, der rop der in puku dorong un tin nutung.”
23717	MAT 15:15	Ma o Pita i tingi lena, “Un palos a wasiso elelar ri torom met.”
23718	MAT 15:16	Ra o Iesu i watungi lena, “Pepetlai, mot kai ka mot talapor utmakai?
23719	MAT 15:17	Pepetlai, ka mot tasmani lena, a kum utna rop ra i ruk una wan a musano, i ruk unin balano ma i upirso melet ru i?
23742	MAT 16:1	A kum Parisi ma a kum Sadusi det wan torom o Iesu, ra det lari sur in pam tu ukinalong umatandet, sur in ese i lena, i tagisapat una langit.
23747	MAT 16:6	O Iesu i watungi tandet lena, “Mot in tumarong una is anun a kum Parisi ma a kum Sadusi.”
23750	MAT 16:9	Pepetlai, ka mot mananos utmakai? Ka mot nuk pas a limanin beret ra a tibiki torom a limo na arip na musano? Ma ka mot nuk pasi kai a iso rat ra mot song bukus pasi?
23752	MAT 16:11	Ilai ra ka mot mananos? Ka wasiso una beret. Mot in tumarong mot una is anun a kum Parisi ma a kum Sadusi.”
23753	MAT 16:12	Ra det tasmani maragom lena ke turbat det gusun a is ra i kis una beret, ikut i watungi lenra, sur det in tumarong det una etowo anun a kum Parisi ma a kum Sadusi.
23754	MAT 16:13	O Iesu i wanpat milau a tamon Sisaria Pilipai. Ra i ting anun a kum nat na ususer lena, “A taro det watung a Nutun a Musano nam osi?”
23757	MAT 16:16	Ra o Saimon Pita i balu i lena, “Ui a Karisito, a Nutun o God ra i laun.”
23759	MAT 16:18	Ra a watungi tam lena, ui o Pita, a wat kis. An utur anung a taro na lotu una wat ri. A dekdekin a minat ken winim pas anung a taro na lotu.
23763	MAT 16:22	Ra o Pita i ben gisen pas o Iesu ma i turbat dekdeki lena, “Gong Labino! Gong ut di pam tar a utna ri un ui.”
23764	MAT 16:23	O Iesu i tupukus torom o Pita ra i watungi tano lena, “Satan, un nan unago numur tang! U ubatbat iau, uni, u muri kut a nuknukin a taro, ma ko mur a nuknukin o God.”
23770	MAT 17:1	Numur tan a wonom na bung, o Iesu i ben pas o Pita, o Jems ma o Jon, i ra a tisin o Jems, ra i ben gisen pas detul usapat una tangai ra i tur toto bing.
23773	MAT 17:4	O Pita i watungi tan o Iesu lena, “Labino, i wakak ra dat in kis nin. Ra u nemi, an pam lako tulu turturup, ara anumi, ara anun o Moses, ma ara kai anun o Elaija.”
23793	MAT 17:24	O Iesu ma anun a kum nat na ususer det wanpat tong o Kapernaum, ra det ra det ser los takis sur a rumu na etabor, det wan torom o Pita ma det tingi lena, “Anumot a tene ususer i ser pitar a takis sur a rumu na etabor o awu?”
23794	MAT 17:25	Ra i mulaot lena, “Ma.” O Pita i ruk una rumu, ra o Iesu i wasiso mugu mut, ra i tingi lena, “Saimon, asau u nuki, a kum king taginin upiso det ser los a takis ma a ikul tan osi? Tan a kum nutnutun det o tan a taro gisen?”
23808	MAT 18:12	“Asau a nuknuki mot? Ra tu musano anunu tu mar na sipsip, ma ara tagun det in raro. Pepetlai, ken nan pas gusun a lisu na noino ma lisu tiro una kum tangai, ma in sisio sur ara ra i raro?
23817	MAT 18:21	O Pita i wan torom o Iesu, ra i tingi lena, “Labino, an man iso u dumano ru a sakino ra o tising i pami un iau? Lako wonom mawit na dino ut?”
23834	MAT 19:3	A ramano kum Parisi det wan toromi sur det in lari. Det tingi lena, “I tokodos ut elar nam anundat a Warkurai sur a musano in lakro ru anun a ino un tu utna oros kut, o awu?”
23835	MAT 19:4	I balu det lena, “Pepetlai, ka mot luki utmakai a wasiso una Buk Tabu? I watungi lenri: Una turturkibin a ukukis, a Tene Ukukis ‘i ukis a taro, sur det in musano ma det in ino,’
23858	MAT 19:27	O Pita i balu i lena, “Tama i, met sa wan gusun anumet a kum utna rop, ra met mur ui. Asau ra met in rakoni numur?”
23874	MAT 20:13	Ra i balu ara tandet lena, ‘Pasang, awu sur a ban laulau ui. Pepetlai, ka dar kubus pas a wasiso sur a ikul tagun ara bung na pinapam?
23876	MAT 20:15	Pepetlai, ke sot sur an pam asau ra a nemi nam anung a mani? Pepetlai, u nuknuk laulau un iau, uni a maris a taro ri?’
23883	MAT 20:22	O Iesu i balu i lena, “Ka motul tasman asau ra motul sasaring suri. Pepetlai, in topasi sur mur kai mur in inum tagun a kap na mamaut ra an inum taguni?” Der balu i lena, “Mir in pet lar pasi kut.”
23911	MAT 21:16	Ra det ting o Iesu lena, “Pepetlai, u sa longoro tar a kum wasiso ri anun a kum nat liklik?” O Iesu i balu det lena, “Ma! Pepetlai, ka mot luki utmakai a wasiso tagun a Buk Tabu? I watungi lena, ‘U sa ususer tar a kum nat liklik sur det in watung ulabo pas ui.’”
23937	MAT 21:42	O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’
23940	MAT 21:45	Ra a kum lamlabino tene etabor torom o God ma a kum Parisi det longoro a kum wasiso elelar anun o Iesu, det tasmani ut lena i wasiso kut un det.
23956	MAT 22:15	Numur a kum Parisi det wan tomo taru, ra det epak pas lena det in lar o Iesu sur tu wasiso anunu, sur det in takuni nami.
23975	MAT 22:34	A kum Parisi det longoro i lena, o Iesu i sa duku sot pas a kum Sadusi, ra det wan tomo toromi.
23982	MAT 22:41	Ra a kum Parisi det kis tomo, o Iesu i ting det lena,
23989	MAT 23:2	“A kum tene ususer tagun a Warkurai ma a kum Parisi det ususer a taro nama kum Warkurai elar nami ra o Moses i pami.
24000	MAT 23:13	O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.
24002	MAT 23:15	“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot wan tuptupukus sa utasi ma sa ubual, sur mot in dat pukus taio, sur in nanpat a nat na ususer anumot. Ra i sa mulaot, mot sa tarai taru uni, sur in nan sur a labino sungun, ma anun a sakino petutna in labo taun anumot a sakino petutna.
24010	MAT 23:23	“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot nuk pas a kum lamlabino utna una kum warkurai. Iri a kum lamlabino utna: a tokodos na warkurai, ma a marmaris torom a taro, ma a lingmulus na petutna. I wakak sur mot in pam a kum utna ra, ma gong kai mot dumano ru in tektekene tagun a noino, sur mot in pitari torom o God.
24012	MAT 23:25	“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot ser gos pasi kut a surun a kap ma a pelet, ikut a balander i bukus nama petutna na ungongos pas a utna tan taio, ma a ngasino ra ara i nuk pasi ut.
24013	MAT 23:26	Ui a pulu na Parisi! Un dur mugu pas a balan a kap ma a pelet, sur in talapor kai a surunder.
24014	MAT 23:27	“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot elar nama kum kulam na minat ra di pen tar det. Ra di tama det taginago upiso det wakak, ikut tiro ubalandet i bukus nama kum sursur na minat ma a kum utna rop ra i dur.
24016	MAT 23:29	“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot utur a kum aim nisan a kum kulam na minat anun a kum poropet, ma mot mar a kum tung na minat anun a kum tene tokodos.
24156	MAT 26:33	O Pita i watungi tano lena, “Ra det rop det in nan pas gusun ui, ikut iau awu.”
24158	MAT 26:35	O Pita i watungi tano lena, “Kan ipul ru ui. Ra iau kai an iru tomo nam ui, i wakak kut.” Ma a kum nat na ususer rop kai det watungi lenutra.
24160	MAT 26:37	Ra i ben pas o Pita tomo nama ru nutnutun o Sebedi. Una du bung ut ra, i tupunuk ma i maut doko a nuknukino.
24163	MAT 26:40	I milet melet torom a tulu nat na ususer, ra i tama detul, detul sa inep dumun. I ting o Pita lena, “Pepetlai, ka motul in pet lari sur motul in koikoi tomo nam iau un tu du bunglik kut?
24168	MAT 26:45	Ra i milet melet torom a tulu nat na ususer, i watungi tandetul lena, “Pepetlai, motul in inep liklik mukut ma motul in mana? Tama i, a du bung i sa milau, ra din pitar tar a Nutun a Musano ulaman a kum tene sakino.
24173	MAT 26:50	O Iesu i watungi tano lena, “Pasang, un pami kut asau ra u wan urin suri.” Ma a taro ra, det wan torom o Iesu, det pam ukai i ma det dat pasi.
24176	MAT 26:53	Pepetlai, u nuki lena, in ngangitin sur an saring o Tita sur lako susut na arip na ensel, ra uniutri in tulu ru det torom iau?
24178	MAT 26:55	Una du bung ra, o Iesu i watungi tan a kunur na taro lena, “Pepetlai, kutiro iau a tene inaim ma a tene wolong, sur i mo ri mot wanpat nama kum totok na inaim ma a kum nalnal sur mot in pam ukai pas iau? Una kum bung rop a ser kis ubalan in noworo ina rumu na etabor, a ser ususer a taro, ma ka mot pam ukai iau.
24181	MAT 26:58	O Pita i mur nanan o Iesu, ikut i bakbak ut gusuni, tuk una nubual anun a mugumugu na tene etabor torom o God. I ruk una nubual ra, ma i kis tomo nama kum tene tamtamabat sur in tama asau ra din pami un o Iesu.
24185	MAT 26:62	A mugumugu na tene etabor torom o God i tur, ra i ting o Iesu lena, “Pepetlai, kon balu det? Asau ra un balu a kum wasiso na etakun ri nami?”
24192	MAT 26:69	Ra o Pita i kis utmakai nago upiso una rumu ra, ara toraro, a tultul i wan toromi ra i watungi lena, “Ui kai ara tagun det ra mot ser wan tomo nam o Iesu a te Galili.”
24196	MAT 26:73	Numur lilik, det ra det tur tiro iai det wan torom o Pita, det watungi tano lena, “A lingmulus ut ra ui kai ara tagun det. Met longoro lele ui kut una num a liu na wasiso.”
24198	MAT 26:75	Ma o Pita i nuk pas a wasiso ra o Iesu i sa watung tari tano lena, “A kereke ken kurkurirakuk utmakai, ra un ipul a tulu dino lena, ko tasman iau.” Ra i pirso gusun a nubual ra, ma i tangis dokodoko i.
24200	MAT 27:2	Det ker pas aru lamano, det beni ra det pitari ulaman o Pailat, a labino mugumugu tagun a gapman.
24209	MAT 27:11	O Iesu i tur umatan o Pailat, a mugumugu tagun a gapman, ma a mugumugu i tingi lena, “Ui a king anun a taro Juda?” Ra o Iesu i balu i lena, “I ut ra u sa watung tari.”
24211	MAT 27:13	Ra o Pailat i tingi lena, “Ko longoro a susut na utna ri det takun ui nami?”
24215	MAT 27:17	A kunur na taro det wanpat tomo torom o Pailat, ra i ting det lena, “Osi ra mot nemi sur an palos ru i torom mot? O Barabas o o Iesu, i ra di watungi nama Karisito?”
24217	MAT 27:19	Ra o Pailat kura utmakai i pam a warkurai, anun a ino i pitar ru a wasiso toromi lena, “Gong u pam tu utna una tene tokodos ra, katu niraro anunu. Uni nanganong mirum, a ririon, ma a kum utna a tama i una musano ra, i ban laulau anung a nilaun.”
24220	MAT 27:22	O Pailat i ting det lena, “Asau ra an pami un o Iesu, i ra di watungi nam o Karisito?” Det rop det balu i lena, “Sak wati unin nanai kutus!”
24222	MAT 27:24	O Pailat i tama i lena, ke pet lar pas tu utna mo, ma a labino purpuruon milau in nanpat. Ra i los pas a danim, i gos pas aru lamano umatan a kunur na taro, ra i watungi lena, “A langolango gusun a gapin a tene tokodos ri. Mot ut din warkurai mot uni.”
24224	MAT 27:26	O Pailat i palos ru o Barabas torom det. Ra di sa takalo tatar o Iesu, i pitar tari tan a kum tene inaim sur det in sak wati unin nanai kutus.
24256	MAT 27:58	i wan torom o Pailat ma i saring pas a minatin o Iesu tano. Ra o Pailat i itula sur din pitar tari tano.
24260	MAT 27:62	Una bung numur, a Bung na Sabat, a kum lamlabino tene etabor torom o God ma a kum Parisi det wan tomo torom o Pailat.
24263	MAT 27:65	O Pailat i watungi tandet lena, “Uniutri mot in ben pas a kum tene tamtamabat ma mot in nan. Mot in tamtamabat wakak a kulam na minat elar ut nam anumot a mananos.”
24309	MRK 1:25	O Iesu i sakbati lena, “Gong u wasiso! Pirso gusun a musano ra!”
24338	MRK 2:9	Osi na wasiso ra ke ngangitin sur an watungi tan a musano ri? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, un los anum a lu ma un nan’?
24345	MRK 2:16	A kum tene ususer tagun a Warkurai ra det Parisi utkai, det tama o Iesu i wangon tomo nama kum tene sakino ma a kum tene los takis, ra det ting anun a kum nat na ususer lena, “Sur asau o Iesu i wangon tomo nama kum tene los takis ma a kum tene sakino?”
24347	MRK 2:18	A kum nat na ususer anun o Jon ma a kum Parisi det wewel. Ara taro det wanpat torom o Iesu ra det tingi lena, “Sur asau ra a kum nat na ususer anun o Jon ma a kum nat na ususer anun a kum Parisi det wewel, ikut anumi awu?”
24353	MRK 2:24	A kum Parisi det ting o Iesu lena, “Tama i! Ilai sur anum a kum nat na ususer det pam a utna ri, ra ke tokodos elar nama warkurai tagun a Bung na Sabat?”