23216	MAT 1:3	O Juda o taman o Peres der nam o Sera, ra a nander o Tamar. O Peres o taman o Esrom, o Esrom o taman o Ram,
23231	MAT 1:18	Di usus pas o Iesu Karisito lenri: O nano, o Maria, di sa ubek bat tari sur in nolin nam o Josep, ikut numugu tan anunder a nolin o Maria i sa tasmani lena i tianan tan a Tokodos na Nion.
23233	MAT 1:20	Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.
23236	MAT 1:23	“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” a kukuraino lena, “O God i kis tomo nam dat.”
23243	MAT 2:5	Det balu i lena, “Tong o Betliem una papor Judia, uni a poropet i sa tumus tari lenri,
23256	MAT 2:18	“Tong o Rama di longoro in nalngan ara, a tintinangis ma a ungugaia, O Rakel i domos a kum nutnutunu liklik, uni det sa mat rop, ma ka di umarip lar pasi.”
23262	MAT 3:1	A ramano kum kilalo numur, o Jon a Tene Baptaiso i wanpat, ma i warawai una nubual kalako taro uni una papor Judia,
23272	MAT 3:11	Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.
23279	MAT 4:1	Numur a Tokodos na Nion i ben o Iesu usa una nubual kalako taro uni, sur o Satan in lari.
23282	MAT 4:4	O Iesu i balu i lena, “Di sa tumus tari una Buk Tabu lena, ‘A taro ka det ser laun nama utna na inangon kut, det ser laun nama kum wasiso rop ra i pirso gusun a wan o God.’”
23284	MAT 4:6	Ma i watungi tano lena, “Ra ui a Nutun o God, un sirok pirso, uni di sa tumus tari una Buk Tabu lena, ‘In watungi torom anun a kum ensel sur det in tamtamabat ui. Det in pam pas ui nama kum lamandet, sur gong u tuka a kikim un tu wat.’”
23285	MAT 4:7	O Iesu i balu i lena, “Di sa tumus tari kai una Buk Tabu lena, ‘Gong u lar a Labino anum a God.’”
23288	MAT 4:10	O Iesu i watungi tano lena, “Satan, un nan gisen, uni di sa tumus tari una Buk Tabu lena, ‘Un lotu torom a Labino anum a God, ma un papam kut toromi.’”
23295	MAT 4:17	Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”
23317	MAT 5:14	“Mot a talapor tagun a rakrakon bual. Tu tamon ra i kis netes una tangai, ken parau lar pas.
23319	MAT 5:16	Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.
23340	MAT 5:37	Mot in watungi kut lena ‘ma’ o ‘awu’. Uni, ra mot in watung tu ngas na wasiso melet, i ra i wanpat mukut tan a Tene Sakino.
23348	MAT 5:45	Ra mot in pami lenra in ese i lena mot a kum nutnutun a Tamamot, ra i kis sapat una langit. Uni i pitar tar a suan sur in talapor una kum tene sakino ma a kum wakak na taro kai, ma i pitar tar a bato torom a kum tene tokodos ma torom det kai ra ka det tokodos.
23351	MAT 5:48	I mo ra mot in tokodos mulus, elar nama Tamamot ra i kis sapat una langit, i tokodos mulus.”
23352	MAT 6:1	“Mot in tumarong mot sur gong mot pam anumot a wakak na pinapam umatan a taro kut, sur det in tama i ma det in watung ulabo pas mot. Ra mot pami lenra, katu ikul anumot tan a Tamamot ra i kis sapat una langit.
23355	MAT 6:4	Ra u pami lenra, o Tamam ra i tama a utna ra u pam eno i, in pitar a ikul tam.
23357	MAT 6:6	Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra kataio i tama i. Ma o Tamam ra i tama a utna ra u pam eno i, in pitar anum a ikul.
23359	MAT 6:8	Gong mot elar nam det, uni a Tamamot i sa tasman tar asau rop ra mot sibo suri, ra ka mot wararing utmakai.
23360	MAT 6:9	“Mot in wararing lenri, ‘Tamamet sapat netes una langit, i wakak ra din ru a risam.
23364	MAT 6:13	Gong u ben met una ululam. Un ulaun met gusun a Tene Sakino.’
23365	MAT 6:14	“Ra mot in dumano ru a kum sakino petutna ra a taro det pami un mot, a Tamamot, ra i kis sapat una langit, in unus ru anumot a kum sakino petutna kai.
23366	MAT 6:15	Ikut, ra ka mot dumano ru a kum sakino petutna, ra a taro det pam tari un mot, a Tamamot kai ken unus ru anumot a kum sakino petutna.
23369	MAT 6:18	sur gong a taro det tasmani lena u wewel. O Tamam kut, ra kataio i tama i, in tasmani. Ma o Tamam ra i tama a utna ra u pam eno i, in pitar anum a ikul.
23377	MAT 6:26	Mot in tama a kum piko. Ka det marut tu utna, ma ka det pasong tomo lako utna, ma ka det umubek tomo un tu rumu, ikut a Tamamot ra i kis sapat una langit, i ser tabor det. Ma mot, mot labo doko taun det.
23383	MAT 6:32	Uni a taro ra ka det nurnur, det ser dekdek sur a kum utna rop ri, ikut a Tamamot ra i kis sapat una langit i tasmani lena, mot sibo sur a kum utna rop ri.
23396	MAT 7:11	Mot a laulau na taro, ikut mot tasmani ut a kum wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama kum wakak na utna.
23406	MAT 7:21	“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.
23433	MAT 8:19	Ma ara tene ususer tagun a Warkurai i wan toromi, ra i watungi tano lena, “Tene Ususer, an mur ui una kum nubual rop ra un nan iai.”
23461	MAT 9:13	Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”
23481	MAT 9:33	O Iesu i lakro ru a laulau na nion gusuni, ra a musano ra i wasiso maragom. Ma a kunur na taro det kisin, ra det watungi lena, “Telek ri di tama a utna lenri nin o Israel.”
23489	MAT 10:3	o Pilip, o Batolomiu, o Tomas, o Matiu a tene los takis, o Jems a nutun o Alpius, ma o Tadius,
23502	MAT 10:16	“Tama i, a tulu ru mot elar nama kum sipsip epotor tan a kum ngalngalia na pap. I mo ra mot in mananos wakak elar nama kum sui, sur gong taio i ben raro mot, ma mot in tokodos elar nama kum tabun, sur gong taio i takun mot.
23506	MAT 10:20	Awu sur mot ra mot in wasiso, a Nion a Tamamot ut in unuk tar mot nama sau ra mot in watungi.
23507	MAT 10:21	“Taio in mulaot ru tu tisino sur din um doko i, ma tu musano in mulaot ru tu nutunu sur din um doko i. Ma a kum nat det in tur na inaim torom a tamandet ma a nandet ma det in mulaot ru a tamandet ma a nandet sur din um doko der.
23515	MAT 10:29	Di ser kul arin nipiko liklik nama nat na mani kut, niko? Ikut ka tinolik tagun der in iru, ra a Tamamot ke mulaot uni.
23518	MAT 10:32	“Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau.
23519	MAT 10:33	Ikut osi ra in ipul ru iau umatan a taro, iau kai an ipul ru i umatan o Tita, ra i kis sapat una langit.
23536	MAT 11:8	Asau ra mot wan sur mot in tama i? A musano ra i emar nama kum wakak na malu? Awu. Tama i, det ra det ser emar nama kum wakak na malu det ser kis una kum rumu na king.
23538	MAT 11:10	Di sa tumtumus taru uni una Buk Tabu lena, ‘Tama i, iau an tulu ru anung a tene los wasiso sur in mugu tam, i ra in waninar anum a kisapi numugu tam.’
23539	MAT 11:11	A inanos mot nama lingmulus, o Jon a Tene Baptaiso i labo sakit taun a taro rop taginin upiso. Ikut osi ra i natino sakit una matanitu tagisapat una langit, i labo taun o Jon.
23540	MAT 11:12	“Turpasi una kilalo ra o Jon a Tene Baptaiso i turpas a warawai ma tuk uniri, a matanitu tagisapat una langit i dekdek sur in lubung, ma a dekdek na taro det dekdek doko nama inaim sur det in turbati.
23547	MAT 11:19	A Nutun a Musano i wanpat, i wangon ma i inum, ra det watungi uni lena, ‘Tama i, a musano ri a tene inangon ma a tene ininum, a pasan a kum tene los takis ma a kum tene sakino.’ Ikut a kum pinapam anun o God i upuaso i lena, anun a mananos i a mananos mulus.”
23549	MAT 11:21	I watungi lena, “In laulau torom mot a taro Korasin, ma in laulau kai torom mot a taro Betsaida. Ra gunuk di sa pam tar a kum utna na ukisin ri torom a taro Tair ma o Saidon, elar nami ra a sa pam tari torom mot, kanapi det in nukpukus lakit ma det in tobo, det in emar nama kum malu na tupunuk ma det in talus a pinindet nama kubus na sungun. Ikut mot, ka mot nukpukus.
23550	MAT 11:22	A watungi tamot lena, una bung na warkurai, a warkurai torom mot a taro Korasin ma o Betsaida, in laulau doko taun a warkurai torom a taro Tair ma o Saidon.
23553	MAT 11:25	Una du bung ra, o Iesu i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik.
23554	MAT 11:26	A lingmulus, Tita, uni anum a nemnem i lenutra.
23555	MAT 11:27	“O Tita i sa pitar tar a kum utna rop torom iau. Katutaio i tasman o Nutunu, o Tamano kut i tasmani, ma kataio kai i tasman o Tamano, o Nutunu kut i tasmani, ma det kai ra o Nutunu i nemi sur in upuaso o Tamano torom det.
23560	MAT 12:2	Ra a kum Parisi det tama i, det watungi tano lena, “Tama i, anum a kum nat na ususer det pam a utna ri, ra ke tokodos elar nama warkurai tagun a Bung na Sabat.”
23565	MAT 12:7	Di sa tumus tari una Buk Tabu lenri, ‘A nem a marmaris, ma ka nem a etabor ra di ser tuni.’ Ra gunuk mot sa tasman a kukurai ina wasiso ri, ka mot in takun det ra ka det raro.
23589	MAT 12:31	Ra a watungi tamot lena, din unus ru a kum sakino petutna rop anun a taro, ma anundet a kum sakino wasiso kai un o God, ikut ra det in wasiso laulau una Tokodos na Nion ka din unus lar pasi.
23590	MAT 12:32	Osi kai ra in watung tar tu sakino wasiso una Nutun a Musano, din unus ru i kut, ikut osi ra in wasiso laulau una Tokodos na Nion, ka din unus lar pasi, una nilaun uniri ma una nilaun numur kai.
23596	MAT 12:38	Numur ara taro tagun a kum tene ususer tagun a Warkurai ma a kum Parisi det watungi tano lena, “Tene Ususer, un pam tu ukinalong sur met in tama i.”
23607	MAT 12:49	Ra i kodos a lamano torom anun a taro na ususer ma i watungi lena, “Tama i, det ri o nang ma a kum tistising!
23608	MAT 12:50	Uni osi ra i ser mur a nemnem anun o Tita ra i kis sapat una langit, i ra o tising a musano, ma o tising a ino, ma o nang.”
23635	MAT 13:27	A kum tultul anun a taman a kinobot det wan toromi, ma det watungi tano lena, ‘Labino, pepetlai, a kum wakak na pitino wit rop kut, ra u sapro tari una num a kinobot? Tagai kai a kum karapa?’
23651	MAT 13:43	Ma a kum tene tokodos det in sisio elar namin nusuan una matanitu anun a Tamandet. Osi ra arin talngano kura, i wakak sur in longoro nami.
23663	MAT 13:55	O Tamano a tene pam rumu kut, ma o nano o Maria. A kum tistisino kai, o Jems, o Josep, o Saimon ma o Judas
23668	MAT 14:2	ra i watungi tan anun a kum tultul lena, “A musano ra, i o Jon a Tene Baptaiso, i sa laun melet gusun a minat. I mo ra i pam a kum utna na ukisin.”
23674	MAT 14:8	Ra i inanosi lena, “Un tabor iau namin lorin o Jon a Tene Baptaiso un tu pelet.” I watungi lenri uni o nano i sa inanos tari nami.
23715	MAT 15:13	I balu det lena, “A kum duwai ra o Tita, ra i kis sapat una langit, ke marut det, din gat rop ru det.
23723	MAT 15:21	O Iesu i wan tagitiro, ra i wanpat milau a tamon Tair ma o Saidon.
23735	MAT 15:33	Anun a kum nat na ususer det inanosi lena, “A nubual ri, kalako taro uni. Tagai mo lako utna na inangon sur dat in tabor a kunur na taro ri nami?”
23755	MAT 16:14	Det balu i lena, “Ara taro det watung ui o Jon a Tene Baptaiso. Ara taro det watung ui o Elaija, ara taro det watung ui o Jeremaia, ma ara taro kai det watung ui, ara tagun a kum poropet.”
23758	MAT 16:17	Ra o Iesu i watungi tano lena, “Saimon, a nutun o Jon, u sa dan, uni kataio i inanos ui nama wasiso ra. O Tita ut ra i kis sapat una langit i unuk tar ui nami.
23762	MAT 16:21	Turpasi una bung ra, o Iesu i utalapor anun a kum nat na ususer lena, in nan ut usapat o Jerusalem. Ra in taramo a susut na mamaut ulaman a kum mugumugu, a kum lamlabino tene etabor torom o God, ma a kum tene ususer tagun a Warkurai, ma din um doko i. Ra a tulu bung in rop in katutur melet.
23768	MAT 16:27	Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.
23771	MAT 17:2	Tiro iai, detul tama a pinin o Iesu i wanpat senene. In masarino i sisio elar namin matanas, ma anun a kum malu kai i kabang doko elar nama talapor.
23782	MAT 17:13	Ra a tulu nat na ususer detul tasmani maragom lena, i wasiso torom detul un o Jon a Tene Baptaiso.
23794	MAT 17:25	Ra i mulaot lena, “Ma.” O Pita i ruk una rumu, ra o Iesu i wasiso mugu mut, ra i tingi lena, “Saimon, asau u nuki, a kum king taginin upiso det ser los a takis ma a ikul tan osi? Tan a kum nutnutun det o tan a taro gisen?”
23795	MAT 17:26	Ra i balu i lena, “Tan a taro gisen.” O Iesu i watungi tano lena, “Ra i lenra, a kum nutnutun det, det langolango, ka det ser kul a takis.
23806	MAT 18:10	“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.
23810	MAT 18:14	Lenkutkai ra, a Tamamot ra i kis sapat una langit, ke nemi sur taio tagun a kum nat liklik ri in iru.
23812	MAT 18:16	Ra ken longoro ui, un ben melet pas taio o lako ru sur der in warut ui. Uni a Buk Tabu i watungi lenri, ‘Ra lako ru o lako tul anundetul a wasiso i takai kut un tu utna, anundetul a wasiso i lingmulus.’
23815	MAT 18:19	A watungi kai tamot, ra lako ru tagun mot nin upiso der mulaot un tu utna ra der sasaring suri, o Tita ra i kis sapat una langit in pam soti ut torom der.
23831	MAT 18:35	“Ra ka mot in dumano ru a sakino petutna ra a kum tistisi mot det pam tari un mot, o Tita ra i kis sapat una langit in pami kai lenra torom mot taktakai.”
23835	MAT 19:4	I balu det lena, “Pepetlai, ka mot luki utmakai a wasiso una Buk Tabu? I watungi lenri: Una turturkibin a ukukis, a Tene Ukukis ‘i ukis a taro, sur det in musano ma det in ino,’
23847	MAT 19:16	Ara barman i wan torom o Iesu, ra i tingi lena, “Tene Ususer, osi na wakak na utna ra an pami sur an rakon a nilaun tukum?”
23858	MAT 19:27	O Pita i balu i lena, “Tama i, met sa wan gusun anumet a kum utna rop, ra met mur ui. Asau ra met in rakoni numur?”
23879	MAT 20:18	“Tama i, iri dat wan nanan usapat o Jerusalem. Din pitar a Nutun a Musano torom a kum lamlabino tene etabor torom o God ma a kum tene ususer tagun a Warkurai. Det in warkurai i sur in iru,
23884	MAT 20:23	I watungi tander lena, “A lingmulus ut, a kap na mamaut ra an inum taguni, mur kai mur in inum taguni. Ikut a kinkinis una sot na lamang ma una kair, awu sur iau, a warkurai sur an pitari. O Tita in pitari torom det ra i sa waninar tari sur det.”
23896	MAT 21:1	Ra det wan milau o Jerusalem, det wanpat sapat o Betpage una Tangai na Oliw, o Iesu i tulu aru nat na ususer.
23900	MAT 21:5	“Mot in inanos a taro Saion lena, ‘Tama i, anumot a king i mo ra pat i wan nanan torom mot, i unatino pasi, ma i kas una dongki, a barman na dongki.’”
23908	MAT 21:13	Ma i watungi tandet lena, “Di sa tumus tari una Buk Tabu lenri, ‘Din watung anung a rumu nama rumu na niaring.’ Ikut mot pukusi sur in elar mukut nama ‘nubual na parparau anun a kum tene wolong.’”
23911	MAT 21:16	Ra det ting o Iesu lena, “Pepetlai, u sa longoro tar a kum wasiso ri anun a kum nat liklik?” O Iesu i balu det lena, “Ma! Pepetlai, ka mot luki utmakai a wasiso tagun a Buk Tabu? I watungi lena, ‘U sa ususer tar a kum nat liklik sur det in watung ulabo pas ui.’”
23914	MAT 21:19	I tama in nanai na fig i tur taru una papor ina kisapi, ra i wan milau i. Ikut ke tama lako wino, a kum dono rop kut. Ra i watungi torom in nanai ra lena, “Turpasi uniri ma numur, kon wu melet mo.” Uniutra, in nanai i marang.
23920	MAT 21:25	Tagai a dekdek ra o Jon i baptaiso a taro nami? Tan o God, o tan a taro kut?” Ra det wasiso etetalai torom det lena, “Ra dat in watungi lena, ‘Tan o God,’ in balu dat kut lena, ‘Sur asau ra ka mot nurnur uni?’
23921	MAT 21:26	Ikut ra dat in watungi lena, ‘Tan a taro,’ dat ngaran a taro, uni det rop det nurnur un o Jon lena, i a poropet.”
23928	MAT 21:33	“Mot in longoro ara wasiso elelar bulung ri: Ara musano i marut tar a kinobot na wain, ra i pam bat tari namin noworo. Tiro ubalan a kinobot, i kil tar in nutung sur din pas reseng a wino wain uni, sur a polono in nanpat. Ma i pam tar a nat na rumu lekeleke sur a tene tamtamabat. Numur i pitar tar a kinobot munung tan a ramano kum tene pinapam sur det in tamtamabati, ra i wan sur ara tamon gisen.
23937	MAT 21:42	O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’