23236	MAT 1:23	“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” a kukuraino lena, “O God i kis tomo nam dat.”
23910	MAT 21:15	Ra a kum lamlabino tene etabor torom o God, ma a kum tene ususer tagun a Warkurai, det tama a wakak na utna sakit ri i pami, ra det longoro i kai a kum nat liklik det kukukuk ubalan in noworo ina rumu na etabor lena, “Osana torom a Nutun o Dewid,” det kankan doko.
24206	MAT 27:8	I mo ra di watung a nubual ra nam “A piso na gap,” ma a taro det watungi ut lenra tuk uniri.
25064	LUK 2:22	Numur tan a bung ra o Maria i usus o Iesu, o Maria ma o Josep der kis ru a kum bung na utalapor sur o Maria in talapor melet umatan o God. Ra a kum bung ra, i sa rop, der wan usapat o Jerusalem, sur der in pitar a etabor, elar nama Warkurai anun o Moses. Der in etabor nama “arin natabun o arin barman na balus,” elar nama Warkurai anun a Labino. Der los o Iesu utkai usapat o Jerusalem, sur der in pitar tari torom a Labino, elar nami ra di sa tumus tari una Warkurai anun a Labino lena, “A kum mugano nat musano rop ma a kum mugano loko na wewegua, din pitar tar det torom a Labino.”
25344	LUK 8:30	O Iesu i tingi lena, “A risam osi?” Ma i balu i lena, “A risang A Kabo Liur,” uni a susut na laulau na nion det sa ruk taru uni.
26037	LUK 23:33	Ra det wanpat una nubual ra di watungi nama, “Nubual na Lor na Minat,” tiro iai det sak wat o Iesu unin nanai kutus, ma aru sakino musano kai, ara una papor sot, ma ara kai una kair.
26409	JHN 7:12	A susut na taro det wasiso eno un o Iesu. Ara taro det watungi uni lena, “I ara wakak na musano,” ma ara taro kai det watungi lena, “Awu, i ben raro a taro.”
26860	JHN 18:6	Una du bung ra o Iesu i watungi lena, “Iau kut ri,” det isu unago numur, ra det puku piso.
26911	JHN 19:17	O Iesu i pirso gusun a tamon Jerusalem, i los pas anun in nanai kutus ra i wan sur a nubual ra di watungi nama “Nubual na Lor na Minat,” ma una wasiso Ibru di watungi lena o Golgota.
28052	ROM 2:22	Mot watungi tan a taro lena, “Gong mot pam a sakino nam tu ino anun taio o nam tu musano anun taio,” ikut mot ut mot ser pami! Mot nget a kum torotoro na god, ikut mot wolong una kum rumu na etabor anun a kum torotoro na god.
28113	ROM 4:23	Ra a Buk Tabu i watungi lena, “O God i watungi a tene tokodos,” awu sur i watungi kut un o Abaram, awu.
28166	ROM 7:7	I mo ra asau mo dat in watungi? Pepetlai, a kum Warkurai a sakino petutna? Awu ut! Ra katu Warkurai, kan tasmani kai a sakino petutna. Lenri, ra o God ken watung tari una kum Warkurai lena, “Gong u nuknuk laulau sur a utna anun taio,” kan tasmani kai lena, a nuknuk laulau sur a utna anun taio i a sakino petutna.
28443	1CO 1:12	An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”
28482	1CO 3:4	Ra taio i watungi lena, “A mur o Pol,” ma taio kai i watungi lena, “A mur o Apolos,” mot wasiso kut elar nama taro taginin una rakrakon bual.
28547	1CO 6:12	Sako taio in watungi lenri, “A kum utna rop i wakak kut sur an pami.” Ikut awu sur a kum utna rop in waruti. “A kum utna rop i wakak kut sur an pami,” ikut kan madek pas tu utna sur an kis utuntudu ina dekdekino.
28658	1CO 10:23	Sako taio in watungi lena, “A kum utna rop i wakak kut sur dat in pami,” ikut, awu sur a kum utna rop in warut dat. “A kum utna rop i wakak kut sur dat in pami,” ikut, awu sur a kum utna rop in udekdek dat.
28663	1CO 10:28	Ikut, ra taio in watungi tamot lena, “A utna ri di sa etabor taru nami torom a kum torotoro na god,” gong mot wani, sur gong mot ban laulau a nuknukin o naro ra i inanos mot nami.
28705	1CO 12:3	I mo ra an watungi tamot lenri, katutaio ra a Nion o God in mugu i, in watung lar pasi lena, “O Iesu in iru tukum.” Ma katutaio in watung lar pasi lena, “O Iesu a Labino,” ra a Tokodos na Nion ke mugu i.
28717	1CO 12:15	Ra a kikino in watungi lena, “Iau awu sur a du pinino, uni awu sur iau a lamano,” i lingmulus lena, i awu sur a lamano, ikut, a du pinino ut.
28718	1CO 12:16	Ra in talngano in watungi lena, “Iau awu sur a du pinino, uni awu sur iau in matano,” i lingmulus lena, i awu sur in matano, ikut a du pinino ut.
29185	GAL 3:16	Lenkutkai ra, o God i sa uliliman taru torom o Abaram ma torom o nutunu. O God awu sur i watungi lena, “torom a kum nutnutunu.” Gunuk ra in watungi torom a kum nutnutunu, a kukuraino ra a susut na taro. Ikut i watungi lenri, “torom o nutunu,” a kukuraino lena ara musano kut, i a Karisito.
29691	1TH 5:3	Ra a taro det in watungi lenri, “Ai, ka dat taramo tu maut. A wakak na nilaun kut ri dat taramo i,” a iniru in nanpat kisin torom det, elar nama ngunungut ra a ino i taramo i ra milau sur in usus. Ka det in kalabor eno pas gusun a iniru.
30172	HEB 8:13	Ra o God i watung a kunubus ri “a matok na kunubus,” i talapor lena a mugano kunubus i sa turai. Ma asau ra i turai ma i sa suano i, milau sur in rorom.
30292	HEB 12:13	Ma “mot in nanan una tokodos na kisapi,” sur a kikimot ra ke dekdek gong i tikiras, in wakak melet kut.
30306	HEB 12:27	Ra o God i watungi lena, “Ara dino melet,” a kukuraino lena in los ru a kum utna ra i tugunu kut, a kum utna ra i sa ukis tar det. In los ru det sur a kum utna ra ka din gunu lar pas det, det in kis ut.
30363	JAS 2:3	Ikut, ra mot urur kut torom i ra i emar nama wakak na malu ma mot watungi tano lena, “Un kis nin una wakak na kiskis,” ma mot watungi kut torom a sibo na musano lena, “Un tur ut tiro iai,” o “Un kis kut nin upiso nisan aru kiking,”
30371	JAS 2:11	O God i watungi lena, “Gong u pam a sakino nam tu ino anun taio o nam tu musano anun taio,” ma i watungi kai lenri, “Gong u um doko taio.” Ra ko pam a sakino nam tu ino o tu musano, ikut u um doko taio, ui a tene lakai warkurai.
30376	JAS 2:16	ra taio tagun mot in watungi tano lena, “Un nan nama malmal, un emar ma un masur,” ikut, ra ken tabori nam tu utna ra i sibo suri, anun a wasiso ra in warut petlan o naro ra i sibo?
30621	1JN 2:4	Ra taio i watungi lena, “A sa tasman o God,” ikut, ke mur anun a kum warkurai, i a tene torotoro, ma a lingmulusino ke kis uni.
30690	1JN 4:20	Ra taio i watungi lena, “A nem o God,” ikut i nget o tisino, i a tene torotoro. Uni osi ra ke nem o tisino ra i tama i, ken nem lar pasi kai o God ra ke tama i.
30778	REV 1:13	Ma epotor tan a kum turtur na lam, a tama ara i “elar nama Nutun a Musano,” i emar namin walos na malu i walos pirso tuk ut una aru kikino, ma i ker a romrobono namin narus na gol.