23225	MAT 1:12	Numur tan a inawan utong o Babilon: O Jekonia i ulabo o Salatiel, o Salatiel o taman o Serubabel,
23231	MAT 1:18	Di usus pas o Iesu Karisito lenri: O nano, o Maria, di sa ubek bat tari sur in nolin nam o Josep, ikut numugu tan anunder a nolin o Maria i sa tasmani lena i tianan tan a Tokodos na Nion.
23249	MAT 2:11	Det ruk una rumu, ra det tama pas a natlik, ma o nano, o Maria. Det kis butkeke ra det lotu torom a natlik. Numur det papos pas anundet a kum bek ma det tabori nama kum etabor ri: a gol, a paura di tuni ra a misino i sangnain wakak ra di watungi nama insens, ma a torok nin nanai sangsangnain kai ra di watungi nama mira.
23397	MAT 7:12	A kibin a wasiso na Warkurai anun o Moses, ma a kum etowo anun a kum poropet i lenri: A kum utna rop ra mot nemi sur a taro det in pami torom mot, mot kai, mot in ser pami torom det.
23488	MAT 10:2	Iri a kum risan a noino ma aru aposel: A mugano, o Saimon ara risano kai o Pita, dersino nam o Endru, o Jems ma o Jon dersino, aru nutnutun o Sebedi,
23532	MAT 11:4	Ra o Iesu i balu det lena, “Mot in milet melet, ma mot in inanos o Jon una sau ri mot sa longoro i ma mot sa tama tari:
23638	MAT 13:30	Madek ru i, det in lubung tomo tuk una kalang na pasong. Una bung ra, an watungi tan a kum tene pasong lena: Mot in rakon mugu ru a kum karapa, mot in ker tomo tar a kum kimkibino sur din tun ru det una sungun. Ra numur mot in los tomo i bulung a kum wit una nung a rumu na ululeng.’”
23657	MAT 13:49	Una ururop ina rakrakon bual din pami ut lenri: A kum ensel det in nanpat ma det in isuaro ru a kum tene sakino gusun a kum tene tokodos.
23721	MAT 15:19	Iri a kum utna ra i ser wanpat tagun a nuknukino: a kum sakino nuknuk, a petutna ra di um doko a taro, a petutna ra di pam a sakino nam tu ino anun taio o nam tu musano anun taio, a kum petutna na pamuk, a wolong, a etakun torotoro, ma a petutna ra di mang laulau ara.
23835	MAT 19:4	I balu det lena, “Pepetlai, ka mot luki utmakai a wasiso una Buk Tabu? I watungi lenri: Una turturkibin a ukukis, a Tene Ukukis ‘i ukis a taro, sur det in musano ma det in ino,’
23843	MAT 19:12	Iri a kum kibino ra lako taro ka det in nolin: Ara taro di usus det lenutra. Ara taro, a taro det ban laulau det, ma ara taro kai, ka det nolin uni det balon una pinapam una matanitu tagisapat una langit. Osi ra in pet lar pasi, in mur a wasiso ri.”
23928	MAT 21:33	“Mot in longoro ara wasiso elelar bulung ri: Ara musano i marut tar a kinobot na wain, ra i pam bat tari namin noworo. Tiro ubalan a kinobot, i kil tar in nutung sur din pas reseng a wino wain uni, sur a polono in nanpat. Ma i pam tar a nat na rumu lekeleke sur a tene tamtamabat. Numur i pitar tar a kinobot munung tan a ramano kum tene pinapam sur det in tamtamabati, ra i wan sur ara tamon gisen.
24010	MAT 23:23	“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot nuk pas a kum lamlabino utna una kum warkurai. Iri a kum lamlabino utna: a tokodos na warkurai, ma a marmaris torom a taro, ma a lingmulus na petutna. I wakak sur mot in pam a kum utna ra, ma gong kai mot dumano ru in tektekene tagun a noino, sur mot in pitari torom o God.
24069	MAT 24:43	Mot in tasmani: Ra a taman a rumu in tasman a du bung una mirum ra a tene wolong in nanpat uni, in kis ma in tamtamabat anun a rumu. Ken madek ru anun a rumu sur din wolongi.
24141	MAT 26:18	Ra i balu det lena, “Mur in nanpat sapat o Jerusalem, mur in etorom nam ara musano, ra mur in watungi tano lena, ‘A Tene Ususer i watungi lena: Anung a bung i sa milau. Met nam anung a kum nat na ususer met in ukinalong a labino bung na lotu na Wanlakai munung una num a rumu.’”
24373	MRK 3:16	Iri a kum risan a noino ma aru musano ra i pilok pas det: O Saimon, i ra o Iesu i urisingi nam o Pita,
24420	MRK 4:28	A piso ut i ser ulubung a kum wit lenri: Numugu in ubek in gomono, numur in nanai ino in labo tito, ra numur in ubek in gilino tomo nama wino.
24553	MRK 7:21	Iri a kum utna ra i ser wanpat tagun a nuknukin a taro: a kum sakino nuknuk, a kum petutna na pamuk, a wolong, a petutna ra di um doko a taro, a petutna ra di pam a sakino nam tu ino anun taio o nam tu musano anun taio,
24566	MRK 7:34	I tatado usapat una langit, i los wuwu pas, ra i watungi tano lena, “Epata!” a kukuraino lena: “Un papos!”
24676	MRK 10:19	U tasman a kum Warkurai: ‘Gong u um doko taio, gong u pam a sakino nam tu ino anun taio o nam tu musano anun taio, gong u wolong, gong u etakun torotoro, gong u toro pas tu utna anun taio ma u los pasi, un ru o tamam ma o nam.’”
24686	MRK 10:29	O Iesu i watungi lena, “A inanos mot nama lingmulus: Ra taio in nan gusun anun a rumu, o gusun a kum tistisino a kum musano ma a kum ino, o gusun o nano, o gusun o tamano, o gusun a kum nutnutunu o gusun anun a piso, uni i mur iau ma a Wakak na Wasiso,
24687	MRK 10:30	una nilaun ri, din pitar arara mar tagun a kum ututna ri tano: a kum rumu, a kum tistisino a kum musano ma a kum ino, a kum nanano, a kum nutnutunu ma a piso, ma a kum ngunungut utkai. Ma una nilaun numur din tabori nama nilaun tukum.
24837	MRK 14:14	Ra in ruk un tu rumu, mur in watungi tan a taman a rumu lena, ‘A Tene Ususer i watungi lena: Awai i a kukur rumu ra met nam anung a kum nat na ususer, met in nan a utna na Wanlakai iai?’
24959	MRK 16:17	A kum tene nurnur det in pam a kum utna na ukisin ri: Det in lakro ru a kum laulau na nion nama risang, ma det in wasiso nama kum matok na ngas na wasiso,
25054	LUK 2:12	Ma mot in tama a ukinalong lenri: A nat di pulus tari nama kum malu na nat, ma di inep tari una boks na inangon ana kum wewegua.”
25155	LUK 4:23	Ra i watungi tandet lena, “Kutiro mot in watung a wasiso elelar ri un iau: ‘Dokta, un ulangolango pas ui ut! A kum utna rop ra met longoro i lena u sa pam tari tiro o Kapernaum, i wakak ra un pami utkai nin una num a tamon.’”
25224	LUK 6:9	Ra o Iesu i watungi tandet lena, “An ting mot: Asau i tokodos sur din pami una Bung na Sabat? Din pam a wakakino o a laulau ino? Din ulaun taio, o din ban laulau taio?”
25229	LUK 6:14	Iri a kum risandet: O Saimon, i ra o Iesu i urisingi nam o Pita, dersino nam o Endru, o Jems, o Jon, o Pilip, o Batolomiu,
25286	LUK 7:22	Ma i balu der lena, “Mur in milet melet, ma mur in inanos o Jon una sau ri mur sa tama tari, ma mur sa longoro tari: A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.
25316	LUK 8:2	ma a kum wardain kai, ra i sa lakro ru tar a kum laulau na nion gusun det, ma i sa ulangolango pas det gusun a kum misait. Iri a kum risandet: O Maria, ara risano kai o Magdalen, i ra a wonom mawit na laulau na nion det pirso pas gusuni,
25414	LUK 9:44	“Mot in longoro wakak a wasiso ri: Din pitar a Nutun a Musano ulaman a taro.”
25532	LUK 12:4	“A watungi tamot a kum paspasang: Gong mot ngaran det ra det um doko i kut a pinindi. Ra det sa pam len tari ra, ka det in pet lar pasi sur det in pam melet tu utna kai.
25533	LUK 12:5	Ikut an inanos kapo mot un o naro ra mot in ngara suri: Mot in ngara sur o naro ra a dekdekino i labo sur in um doko mot, ma in woro ru mot una labino sungun kai. A lingmulus a watungi tamot, o God kut ra mot in ngara suri.
25567	LUK 12:39	Mot in tasman a utna ri: Ra a taman a rumu in tasman a du bung ra a tene wolong in nanpat uni, ken madek ru anun a rumu sur din wolongi.
25660	LUK 15:3	Ra o Iesu i watung a wasiso elelar tandet lena:
25777	LUK 18:20	U tasman a kum Warkurai: ‘Gong u pam a sakino nam tu ino anun taio o nam tu musano anun taio, gong u um doko taio, gong u wolong, gong u etakun torotoro, un ru o tamam ma o nam.’”
25786	LUK 18:29	O Iesu i watungi tandet lena, “A inanos mot nama lingmulus: Ra taio in nan gusun anun a rumu, o gusun anun a ino, o a kum tistisino, o gusun o nano, o gusun o tamano, o a kum nutnutunu, kibino una matanitu anun o God,
25944	LUK 22:11	Ma mur in watungi tan a taman a rumu lena, ‘A Tene Ususer i watungi lena: Awai i a kukur rumu ra met nam anung a kum nat na ususer, met in nan a utna na Wanlakai iai?’
26070	LUK 24:10	A wardain ra det inanos a kum aposel det ri: O Maria Magdalen, o Joana, ma o Maria o nan o Jems, ma a ramano kum ino kai, ra det wan tomo nam detul.
26104	LUK 24:44	Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”
26106	LUK 24:46	I watungi tandet lena, “Di sa tumus tari lenri: A Karisito in iru, ra a tulu bung in rop, in katutur melet gusun a minat,
26136	JHN 1:23	O Jon i balu det lena, “Iau a musano ra a poropet Aisaia i wasiso mugu taru uni lena, ‘Una nubual kalako taro uni, in nalngan ara i kakabo lena: Mot in pam kodos a kisapi anun a Labino.’”
26208	JHN 3:19	Iri a warkurai anun o God: A talapor i sa wanpat una rakrakon bual, ikut a taro det nem a dumirum kut ma a talapor awu, uni det pam a kum sakino petutna.
26260	JHN 4:35	Mot ser watungi lenri, ‘A watnin kalang utmakai kura ra din pasong maragom.’ Ikut a watungi tamot lena: Mot in tamtama tokodos usa numugu, ma mot in tama a kum kinobot, det sa taka rop, ma i sa sot sur din pasong.
26534	JHN 9:25	I balu det lena, “Ka tasmani ra i a tene sakino, o awu. Ara utna kut ra a tasmani: Numugu a pulu, ma uniri a sa tamtama.”
26831	JHN 17:3	A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.
26913	JHN 19:19	Ma o Pailat i pitar a wasiso sur din tumus a tumtumus, sur din ubeki sapat netes unin nanai kutus. A tumtumus ra i lena: O IESU A TE NASARET, A KING ANUN A TARO JUDA.
26969	JHN 21:2	I lenri: Ara bung o Saimon Pita ma o Tomas, ra di watungi kai nama kasango, ma o Natanael a te Kana tagun a papor Galili, ma aru nutun o Sebedi, ma aru kai tagun a kum nat na ususer, det kis tomo.
27005	ACT 1:13	Ra det wanpat sapat o Jerusalem, det ruk una rumu ma det kis una kukur rumu sapat netes. A kukur rumu ra det ininep ma det kiskis uni. Det ri, ra det kiskis tomo tiro iai: O Pita, o Jon, o Jems, o Endru, o Pilip, o Tomas, o Batolomiu, o Matiu, o Jems a nutun o Alpius, o Saimon ara tagun a kum Silot, ma o Judas, a nutun ara Jems gisen.
27015	ACT 1:23	Ra det watung pat pas aru musano: O Josep, di watungi nam o Basabas, ma ara risano kai o Jastus, der nam o Matias.
27035	ACT 2:17	‘O God i watungi lena: Una kum ururop na bung an pitar pirso a Niong torom a taro rop. A kum nutnutu mot, a kum musano ma a wardain, det in wasiso na poropet. Anumot a kum barman det in tama a kum tamtama, ma anumot a kum takano na musano det in ririon a kum ririon.
27054	ACT 2:36	“I mo ra mot a taro Israel rop mot in tasman wakaki: O Iesu ra mot sak wat tari unin nanai kutus, o God i sa ukis tari sur i a Labino ma a Karisito.”
27097	ACT 4:6	Det tomo nam o Anas, a mugumugu na tene etabor torom o God, ma a kum kukunu ri det: o Kaiapas, o Jon, o Aleksanda, ma ara taro kai.
27166	ACT 5:38	“I mo ra uniri a watungi tamot lena: Gong mot pam tar tu utna un det, mot in palos ru det. Ra a utna ri det pami, i kibino pas kut una taro, in rop kut.
27234	ACT 7:49	‘A Labino i watungi lena: A langit, i anung a kiskis na king, ma a rakrakon bual, a utna ra a ubek aru kiking netes uni. Pepetlai, i topas mot sur mot in pam tu rumu anung? Awai i anung a nubual na mana?
27277	ACT 8:32	Iri a kum wasiso na Buk Tabu ra i luki: “Di beni elar nama sipsip, sur din um doko i. Ke wasiso, elar nama sipsip ra i tur wowowon torom o naro ra i kumuri.
27357	ACT 10:29	I mo ra ka putut ra di itula sur iau urin. Ra uniri an ting mot lena: Asau ra mot itula pas iau suri?”
27432	ACT 13:1	Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.
27463	ACT 13:32	“Ra met inanos mot una Wakak na Wasiso lenri: A liliman ra o God i sa pitar tari torom a kum tumtubun dat tagun numugu,
27531	ACT 15:20	Dat in tumtumus torom det, ma dat in inanos det lena, det in mur a kum warkurai kut lenri: Gong det wan tu utna ra di sa etabor taru nami torom a kum torotoro na god, uni a ngas na lotu lenri i udur a utna na inangon. Gong det pam a kum petutna na pamuk. Gong det wan tu utna ra ka di gos wakak a gap gusuni, ma tu wewegua ra di pos doko i kut ra a gap kura utmakai uni.
27534	ACT 15:23	Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.
27539	ACT 15:28	A Tokodos na Nion i kis tomo nam met, ma i ese met sur gong met pitar tar tu mamaut torom mot. Iri a kum warkurai ra mot in muri:
27626	ACT 17:34	Ma a ramano taro det nurnur, ra det mur o Pol, iri det: O Dionisius, i ara tagun a taro na kiwung Areopagus, ma ara ino, a risano o Damaris, ma a ramano taro kai.
27755	ACT 21:23	Un pam a utna ri met in watungi tam: A wat na musano tagun met, det sa liliman taru torom o God.
27757	ACT 21:25	Un ra bung dat sa tumus tar a buk torom a kum tene nurnur tagun det ra awu sur a taro Juda, lenri: Gong det wan tu utna ra di sa etabor taru nami torom a kum torotoro na god. Gong det wan tu utna ra ka di gos wakak a gap gusuni, ma tu wewegua ra di pos doko i kut, ra a gap kura utmakai uni. Ma gong det pam a kum petutna na pamuk.”
27827	ACT 23:25	Ra i tumus tar a pas lenri toromi:
28024	ROM 1:26	I mo ra, o God i madek tar det una nundet a labino nemnem sur a kum sakino petutna na maimai. I lenri: A wardain det keles ru a kisapi na nolin, ra di sa ukis tari, ma det ser inep etetalai nam det melet ut.
28027	ROM 1:29	Det bukus nama kum wur ngas na sakino petutna rop ri: Det pam a sakino torom a taro, det nemnem sur a susut na ululeng, ma det nem na ban laulau a taro. Det bukus nama nuknuk laulau sur a utna anun taio, det um doko a taro, det engaras, det torotoro, ma det nget a taro. Det wasiso eno,
28081	ROM 3:22	A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.
28107	ROM 4:17	Elar nami ra di sa tumus tari una Buk Tabu: “A ukis tar ui sur ui a taman a taro tagun a susut na gapman.” Umatan o God, o Abaram a tamandat, uni i nurnur un o God, i ra i ser ukatutur a taro melet gusun a minat, ma i ser wasiso kut, ra a kum utna ra kabaut i wanpat, i wanpat kut.
28123	ROM 5:8	Ikut o God i ese anun a marmaris torom dat una kisapi lenri: Ra dat laun utmakai una sakino petutna, o Karisito i mat sur dat.
28161	ROM 7:2	Lenra an wasiso elelar una warkurai na nolin: Ra ara ino i nolin, a warkurai na nolin i ker tomo der nam anun a musano, ra a musano i laun utmakai. Ikut ra anun a musano i sa mat, a ino i sa langolango gusun a warkurai na nolin.
28180	ROM 7:21	A tama ara ngas na dekdek kuri una nung a nilaun, lenri: Ra a nem na pam a wakakino, a sakino kut i wanpat.
28222	ROM 8:38	Uni a tasmani ut lena, katu utna in ukis susuaro dat gusun a marmaris anun o God: A minat, a nilaun, a kum ensel, a kum laulau na nion, tu ngas na utna in nanpat uniri o numur, a kum sangsagor,
28262	ROM 10:6	Ma a Buk Tabu i watungi kai una taro ra det nurnur, ra o God i watung det lena det tokodos umatano. I watungi lena, “Gong mot nuki lena: Osi in nan usapat netes una langit?” I lenra mot nemi sur mot in ben pirso pas o Karisito urin.
28263	ROM 10:7	Ma gong mot nuki lena: “Osi in nan pirso sur a tamon anun a kum minat?” I lenra mot nemi sur mot in ben toto pas o Karisito gusun a minat.
28268	ROM 10:12	Ke senene torom a taro Juda ma torom a taro gisen kai: Ara Labino kut anundat rop. Ma in watung udan a taro rop ra det wararing toromi.
28293	ROM 11:16	An wasiso elelar lenri: Ra a mugano du beret di pitari torom o God, elar nama ngasino anun a taro Israel, in kudulano beret rop anun o God. Ra a wakakor nin nanai di pitari torom o God, a kum kanokano kai anun o God ut.
28302	ROM 11:25	A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.
28316	ROM 12:3	Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.
28341	ROM 13:7	Mot in pitari torom a taro rop asau ra i tokodos sur mot in pitari torom det: Mot in pitar a takis torom det ra det ser los a takis, ma mot in pitar a totokom torom det ra det ser los totokom. Ma mot in urur torom det ra i tokodos sur mot in urur torom det, ma mot in ulabo pas det ra i tokodos sur mot in ulabo det.
28342	ROM 13:8	Gong u madek tar anum tu dinau torom taio. Ikut anum ara dinau kut ra kon mana u balu i, i lenri: Un ser nem a taro. Uni osi ra i nem a taro, i sa pam sot pas a kum Warkurai anun o God.
28343	ROM 13:9	Iri a kum Warkurai anun o God: “Gong u pam a sakino nam tu ino anun taio o nam tu musano anun taio. Gong u um doko taio. Gong u wolong. Gong u nuknuk laulau sur a utna anun taio.” A kum warkurai ri ma a kum warkurai rop kai, ara warkurai kut i pulus bat det. I lenri, “Un nem o pasam elar nami ra u nem ui ut.”
28359	ROM 14:11	Elar nami ra di sa tumus tari una Buk Tabu lena, “A Labino i watungi lena, ‘Ra i lingmulus a laun, a wasiso kai ri i lingmulus: A taro rop det in kis butkeke sa numugu tang, ma a taro rop det in watung puaso i lena iau o God.’”
28443	1CO 1:12	An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”
28499	1CO 3:21	I mo ra gong taio i warango pas tu musano. Uni a kum utna rop anumot ut:
28507	1CO 4:6	A kum tistising, a sa watung tar a kum wasiso ri un mir nam o Apolos, sur in warut mot ma in ususer mot, sur mot in talapor una kukurai ina wasiso ri: “Mot in muri kut a wasiso na Buk Tabu, ma gong mot ubek tar tu du wasiso kai.” Ra mot in muri lenra, katutaio tagun mot in ulabo pas ara, ma in unatino pas ara kai.
28533	1CO 5:11	Ikut a tumtumus torom mot, sur gong mot lason tomo nam det ra det watungi lena det a kum tistisin dat una nurnur, ikut det ser pam a kum sakino petutna lenri: Det ser pam a kum pamuk na petutna, det a kum matano muk, det ser lotu torom a kum torotoro na god, det ser mang laulau a taro, det a kum tene ininum ma det ra det ras pas a ututna ra awu sur anundet. Ma gong kai mot wangon tomo nama ngas na taro lenra.
28556	1CO 7:1	Uniri an balu a kum utna ra mot tumtumus suri torom iau: In wakak torom a musano ra ke nolin.
28567	1CO 7:12	A watungi torom a ramano taro kai. Awu sur a Labino i watungi, iau ut a watungi lenri: Ra tu tisindat una nurnur, anun a ino awu sur a tene nurnur, ma a ino ra i nemi sur der in kis tomo, gong a tisindat ra i lu ru i.
28611	1CO 9:3	Ra a taro det takun iau una nung a pinapam, a balu det lenri:
28626	1CO 9:18	Asau ra anung a ikul? Anung a ikul i lenri: An gas sur an warawai nama Wakak na Wasiso, ma kataio in kul iau. A pami lenra sur gong a saring mot sur anumot tu warut ra i tokodos sur mot in pitari torom iau.
28684	1CO 11:16	Ra taio in pukus a wasiso ri, anung a minabalu i lenri: Ka met mur tu ngasino gisen, ma a taro rop anun o God una kum tamon kai awu.
28686	1CO 11:18	A mugano utna: A sa longoro tari lena, ra mot ser wan tomo sur a lotu, mot ser tapagol sarara kut, ma a nuki lena a ramano kum wasiso tagun a wasiso ra, i lingmulus.
28691	1CO 11:23	Uni a etowo ri a los pasi tan a Labino ma a sa pitar tari torom mot i lenri: Una bung na mirum ra di usobor tar a Labino o Iesu, i los pas a beret.
28730	1CO 12:28	O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.
28746	1CO 13:13	A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.
28789	1CO 15:3	Uni a wasiso ra i labo doko, ra a sa los pasi, a sa pitar tari tamot. A wasiso ra i lenri: O Karisito i mat una nundat a kum sakino petutna, elar nami ra di sa tumus tari una Buk Tabu.
28809	1CO 15:23	Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.
28837	1CO 15:51	Mot longoro, an inanos mot una utna ra numugu i kis eno lenri: Awu sur dat rop dat in mat, ikut o God in pukus senene pas dat rop.