68	GEN 3:12	Ma ra tutana i ga biti: Nam ra vavina. u ga vaki ia piragu, ia nam i ga tabar iau ma ra vuai ra davai, ma iau ga ian.
96	GEN 4:16	Ma Kain i ga vana balakane ra mata i ra Luluai, ma i ga ki ta ra gunan Nod, ta ra papar a taur tai ra uma Eden.
102	GEN 4:22	Ma Sila bula i ga kakava, ma i ga kava Tubal-Kain, a tena madaka ta ra lavur magit di pait ia ma ra palariam gobol ma ra palariam tuna. Ma Tubal-Kain dir taina ma Nama.
135	GEN 5:29	ma i ga vaiang tar ra iangina ba Noa, ma i ga biti: Go na vamaram dat ure ra varvakai ma ra papalum na lima i dat, nina i vuna ta ra pia, a Luluai i ga tata vakaina.
136	GEN 5:30	Ma ba Lamek i ga tar vangala Noa, i ga laun pa a ilima na mar ma lavuvat na vinun ma a ilima na kilala mulai, ma i ga vangala ra umana bul tutana ma ra umana bul vavina.
138	GEN 5:32	Ma Noa i ga laun vue a ilima na mar na kilala. Ma Noa i ga vangala pa Sem, Kam ma Iapet.
146	GEN 6:8	Ma ra Luluai i ga mari ka Noa.
147	GEN 6:9	Go ia ra varvai ure ra taun tarai kai Noa: Noa a takodo na tutana ma i ga ko kakit ta kana tataun; ma Noa dir ga varagur ma God.
148	GEN 6:10	Ma Noa i ga vangala ra utul a bul tutana: Sem, Kam ma Iapet.
151	GEN 6:13	Ma God i ga biti tai Noa dari: A mutuai ra lavur tarai i tar vana rikai piragu, tago dia tar vabuka ra rakarakan a gunagunan ma ra mangamangana bilak; ma gire, ina nila vue diat ma ra rakarakan a gunagunan.
160	GEN 6:22	Ma Noa i ga pait ia damana; i ga pait tuna nam ra lavur magit God i ga tul tar ia tana.
161	GEN 7:1	Ma ra Luluai i ga biti tai Noa: Avat par ta ra kubam, avat a ruk ta ra parau, tago iau tar gire ba u a tena takodo livuan ta go ra taun tarai.
165	GEN 7:5	Ma Noa i ga pait ra lavur magit da ra Luluai i ga tul tar ia tana.
166	GEN 7:6	Ma Noa i ga tar laun vue laptikai na mar na kilakilala ba ra ngala na lovon ta i ga vana rikai ta ra gunagunan.
169	GEN 7:9	a ururua dia ga ruk ta ra parau tadav Noa, tika na tutana ma tika na tana, da God i vartuluai pire Noa.
171	GEN 7:11	Ba Noa i ga laptikai na mar na kilala, ta ra vauruana gai ma ra vavinun ma lavurua na bung a umana mata na tava ta ra lamanana dia ga puongo, ma di ga papa are ra umana mata na kalangar ta ra bakut.
173	GEN 7:13	Ta nam ra bung iat Noa i ga ruk ta ra parau, diat ma Sem, Kam ma Iapet, a utul a natu i Noa, ma ra taulai kai Noa, ma ra utul a vavina kai ra utul a natuna;
175	GEN 7:15	Ma dia ga ruk ta ra parau tadav Noa, a ururua ta ra lavur mangana dia laun.
183	GEN 7:23	Ma i ga nila vue ra lavur mangana par i ga laun ta ra gunagunan, a tarai ma ra vavaguai, ma ra lavur mangana dia ga kakao ra pia ma ra lavur beo arama liu; ma dia ga panie ta ra gunagunan; ia kaka Noa i ga mat valili, ma diat dia ga ki varurung me ta ra parau.
185	GEN 8:1	Ma God i ga nuk pa Noa ma ra lavur magit dia ga laun, ma ra lavur vavaguai dia ga ki pirana ta ra bala na parau; ma God i ga vatut pa ra vuvu upi na vuvu ta ra gunagunan, ma ra lovon ta i ga mama vanavana.
190	GEN 8:6	Ma ba i ga par a ivat na vinun na bung, Noa i ga papa are ra mata na kalangar ta ra parau, nina i ga pait ia;
195	GEN 8:11	ma ta ra ravian a uka i ga lilikun pirana, ma gire, i ga kap ra kalamana mapina oliva ta ra ngiene; io, Noa i ga nunure tana, ba i ga tar mama ra tava ta ra gunagunan.
197	GEN 8:13	Ma ta ra kilala laptikai na mar ma tikai, ta ra luaina gai ma ra luaina bung ta ra gai a tava i ga mama kakit ta ra gunagunan; ma Noa i ga tak vue ra tubatuba ta ra pal na parau, ma i ga gigira, ma ra mata i ra pia i ga mage.
199	GEN 8:15	Ma God i ga biti tai Noa dari:
202	GEN 8:18	Ma Noa i ga irop ma ra utul a natuna, ma kana taulai, ma ra utul a vavina kai ra utul a natuna;
204	GEN 8:20	Ma Noa i ga pait ra uguugu na vartabar upi kai ra Luluai, ma i ga tatak ta ra lavur vavaguai dia gomgom, ma ra lavur beo i gomgom,. ma i ga vartabar ma ra tinabar di tuntun tar ia.
207	GEN 9:1	Ma God i ga tata vadoane Noa ma ra utul a natuna, a utul a tutana, ma i ga biti ta diat: Avat a vangala ra umana natu i vavat ma avat a vapealane avat, ma avat a kor ta ra rakarakan a gunagunan.
212	GEN 9:6	Nina i ubu doko ta tutana, a tarai diat a ubu doko bula nam; tago God i ga pait ra tarai varogop ma ia mulai.
214	GEN 9:8	Ma God i ga biti tai Noa ma ra utul a natuna dari:
223	GEN 9:17	Ma God i ga biti tai Noa: Go ia ra vakilang ure ra kunubu, nina iau tar vatur ia pire dat ma ra lavur mangana i laun ra pia.
224	GEN 9:18	Ma go ra utul a natu i Noa dital ga irop kan ra pal na parau: Sem, Kam ma Iapet; ma Kam dir tamana ma Kanaan.
225	GEN 9:19	Dital go a utul a natu i Noa; ta go dital a tarai dia tavua ta ra rakarakan a gunagunan.
226	GEN 9:20	Ma Noa a tena vinauma, ma i ga pait tika na uma na vain;
230	GEN 9:24	Ma Noa i ga minana mulai kan ra vain, ma i ga matoto ta ra magit nina natuna a muruna i ga tar pait ia pirana.
231	GEN 9:25	Ma i ga biti: Kanaan na kakaina ka; Na ki na vilavilau tuna pire ra ura turana.
233	GEN 9:27	God na vangala pa Iapet; Na ki boko ta ra umana pal kai Sem; Ma Kanaan kana tultul uka.
234	GEN 9:28	Ma ba i ga par ra lovon ta, Noa i ga laun boko a utul a mar ma a ilima na vinun na kilala.
235	GEN 9:29	Ma ra bung na nilaun par kai Noa i ga varogop ma lavuvat na mar ma a ilima na vinun na kilala; ma i ga mat.
236	GEN 10:1	Ma go diat ra lavur taun tarai kai ra utul a bul tutana kai Noa: Sem, Kam ma Iapet; ma ba i ga tar par ra lovon ta, dital ga vangala ra umana natu i dital.
243	GEN 10:8	Ma Kus i ga vangala Nimrod: go i ga luluai tavuna. ta ra gunagunan.
244	GEN 10:9	A ngala na tena nirovoi ta ra mata i ra Luluai; kari a vatavatang dari: A ngala na tena nirovoi ta ra mata i ra Luluai da Nimrod.
246	GEN 10:11	Ma i ga irop ta nam ra gunan, ma i ga vana uro Asiria, ma i ga pait ra pia na pal Nineve ma Rekobot-Ir, ma Kala
247	GEN 10:12	ma Resen. nina i tur livuan ta dir Nineve ma Kala; ia ra ngala na pia na pal.
248	GEN 10:13	Ma Misraim i vangala ra tarai Ludim ma Anamim, ma Leabim ma Naptukim;
267	GEN 10:32	Go diat ra umana vuna tarai kai ra umana natu i Noa, varogop di ga vangala diat ta kadia lavur taun tarai; ma ta go diat ra lavur vuna tarai ta ra rakarakan a gunagunan dia ga tavua varbabaiai ba i ga par ra lovon ta.
289	GEN 11:22	Ma Serug i ga laun a utul a vinun na kilala, ma i ga vangala Nakor;
290	GEN 11:23	ma ba i ga tar vangala Nakor, Serug i ga laun a ura mar na kilala mulai, ma i ga vangala ra umana bul tutana ma ra umana bul vavina.
291	GEN 11:24	Ma Nakor i ga laun a ura vinun ma lavuvat na kilala, ma i ga vangala Tera;
292	GEN 11:25	ma ba i ga tar vangala Tera, Nakor i ga laun tika na mar ma lavuvat na kilala mulai, ma i ga vangala ra umana bul tutana ma ra umana bul vavina.
293	GEN 11:26	Ma Tera i ga laun lavurua na vinun na kilala, ma i ga vangala Abaram, Nakor ma Karan.
294	GEN 11:27	Io, go ia ra varvai ure ra umana bul mur tai Tera. Tera i ga vangala Abaram, Nakor ma Karan; ma Karan i ga vangala Lot.
296	GEN 11:29	Ma Abaram ma Nakor dir ga taulai; ma ra iang i ra taulai kai Abaram ba Sarai; ma ra iang i ra taulai kai Nakor ba Milka, natu i Karan, a tama i dir Milka ma Iska.
355	GEN 14:18	Ma Melkisedek, a king Salem, i ga kap vaarike ra gem ma ra vain; ma ia ra tena tinabar kai God, a Ngala Kakit.
356	GEN 14:19	Ma i ga tata vadoane ma i ga biti: Abaram na ti doan tai God, a Ngala Kakit, nina ba kana ra bala na bakut ma ra rakarakan a gunagunan.
357	GEN 14:20	A pite varpa tadav God, a Ngala Kakit, nina i ga ongo tar kaum umana ebar ta ra limam. Ma i tul tar ia ra vavinununa ta ra lavur magit.
359	GEN 14:22	Ma Abaram i ga biti tai ra king Sodom: Iau tar vatur ra limagu urama tadav ra Luluai God, a Ngala Kakit, kana ra bala na bakut ma ra rakarakan a gunagunan,
411	GEN 17:13	Nina di ga kava ta ra kubam, ma nina di ga kul pa ia ma kaum mani, avat a poko kikil diat; ma kaugu kunubu na tur ta ra pal i ra paka i vavat ma na tur vatikai.
568	GEN 22:20	Ma ba i ga par go ra lavur magit, dia ga ve Abaraam dari: Ea, Milka i tar kava tar bula ra umana bul tai turam Nakor:
571	GEN 22:23	Ma Betuel i ga vangala Rebeka; go ra lavutul Milka i ga kava tar diat tai Nakor, tura i Abaraam.
602	GEN 24:10	Ma ra tultul i ga pilak kapi ta vinun na kamel ta ra lavur kamel kai kana luluai, ma i ga vana papa; ma i ga kap ra lavur mangana tabarikik kai kana luluai ta ra limana, ma i ga tut, ma i ga vana uro Mesopotamia, ta ra pia na pal kai Nakor.
607	GEN 24:15	Ma ba i ga tata boko, gire, Rebeka i ga irop, natu i Betuel, nina ba Milka i ga kava tar ia tai Nakor, tura i Abaraam, ma i ga kap ra kulkulup ta ra ul a varana.
616	GEN 24:24	Ma i ga biti tana: Iau natu i Betuel, nina Milka i ga kava tar ia tai Nakor.
639	GEN 24:47	Ma iau tir ia: U natu i to ia? Ma i biti: Natu i Betuel, natu i Nakor nina ba Milka i ga kava tar ia. Ma iau vung tar ra marmar ta ra bilauna, ma ra mul ta ra limana.
672	GEN 25:13	ma go ra iang i ra umana natu i Ismael da kadia varmur na kinakava. A luaina kai Ismael, Nebaiot; namur Kedar, ma Abdel, ma Mibsam,
674	GEN 25:15	Adad ma Tema, Ietur, Napis ma Kedema;
704	GEN 26:11	Ma Abimelek i ga varkurai pire ra tarai par dari: Nina i bili go ra tutana ba kana vavina, na virua ka.
719	GEN 26:26	Namur Abimelek i ga vana pirana maro Gerar, ma Akusat talaina, ma Pikol ra luluai kai kana loko na tarai na vinarubu.
729	GEN 27:1	Ma ba Isak i ga manga patuana, ma ra matana i ga gavul, ma pa i ga nana kapa mulai, i ga oro pa Esau, a luaina natuna, ma i ga biti tana: Natugu! Ma i ga biti tana: Iau go kari.
757	GEN 27:29	Na boina ba ra lavur tarai diat a torom tam, Ma ra umana vuna tarai diat a va timtibum piram; Una kure ra umana turam. Ma ra umana natu i nam diat a va timtibum piram; Diat par dia tata vabilak u, diat a kakaina boko, Ma diat par dia tata vadoane u, diat a ti doan boko.
783	GEN 28:9	ma Esau i ga vana pire Ismael, ma i ga taule tikai mulai maravut kana ura vavina, Makalat, dir taina ma Nebaiot, natu i Ismael, nina dir tamana ma Abaraam.
801	GEN 29:5	Ma i ga biti ta diat: Dave, ava nunure Laban, natu i Nakor?
839	GEN 30:8	Ma Rakel i ga biti: Amir tar manga varubu ma tana vavigu, ma iau tar uvia pa ia; ma i ga tar ra iangina ba Naptali.
882	GEN 31:8	Ari i biti, Nina diat i tuntun pitipit ra paka i diat kaum vapuak diat, io, ra kikil na vavaguai par i kava ra tuntun pitipit; ma ona i biti dari, A palapalatabu kaum vapuak, io, ra kikil na vavaguai par dia kava ra palapalatabu.
906	GEN 31:32	Nina ba una tikan tadav kaum umana god tana, koko na laun mulai; ta ra luaina mata i ra umana tura i dat una vakilang nina iau vatur vake ba kaum, una kap ia ka. Tago Iakob pa i ga nunure ba Rakel i ga tar long diat.
913	GEN 31:39	Nina ba ra umana leing dia ga karat lavur ia, pa iau ga kap ia piram; i ga tukum piragu; u ga tir pa nina tagu ba di ga long ia ta ra marum ba ta ra keake.
927	GEN 31:53	A God kai Abaraam, ma ra God kai Nakor, a God kai tama i dir, na varkurai pire dor. Ma Iakob i ga vavalima tai nina Isak tamana i ga ru ia.
1037	GEN 35:25	ma ra ura natu i Bila, a tultul na vavina kai Rakel: Dan ma Naptali;
1044	GEN 36:3	ma Basemat natu i Ismael, dir taina ma Nebaiot.
1054	GEN 36:13	Ma go diat a umana natu i Reuel: Nakat, Sera, Sama ma Misa; go ra umana natu i Basemat, a vavina kai Esau.
1058	GEN 36:17	Ma go diat ra umana natu i Reuel natu i Esau: a luluai Nakat, a luluai Sera, a luluai Sama, a luluai Misa; go diat ra umana luluai dia ga vana rikai tai Reuel ta ra gunan Edom; go diat ra umana natu i Basemat a vavina kai Esau.
1110	GEN 37:26	Ma Iuda i ga biti ta ra umana turana: Na topa ra ava, ona dat a ubu doko tura i dat, ma ba dat a ive ra gapuna?
1167	GEN 39:17	Ma i ga ve ta go ra lavur tinata dari: Nam ra tultul, a bul Ebraio, nina u ga vaki ia pire dat, i ruk piragu upi na vakaina iau;
1186	GEN 40:13	Na par a utul a bung ma Parao na vairop u, ma na tibe tar kaum papalum mulai tam; ma una tul tar mule ra momamomo tai Parao, da lua u ga pait ia, ba u ga lualue ra tarai dia balaguan ma kana tava na nimomo.
1222	GEN 41:26	Nam ra lavurua na bo na bulumakau a lavurua na kilala, ma ra lavurua na bo na tur a kon a lavurua na kilala; a kopono ririvon ika.
1278	GEN 42:25	Namur Iosep i ga vartuluai upi da vabuka kadia lavur kakakap ma ra kon, ma upi da vung mule kadia mani ta kadia kakakap tikatikai, ma a magit bula ba na topa diat na nga; ma dia ga pait ia damana ta diat.
1294	GEN 43:3	Ma Iuda i ga biti tana: Nam ra tutana i ga manga tigal avet, ma i ga biti dari: Koko avat a gire mule ra matagu, ona pa ava varagur ma tura i vavat.
1334	GEN 44:9	Nina ta vevet kaum umana tultul ba da gire go ra magit pirana, na virua, ma avet bula avet a umana vilavilau kai ra luluai.
1368	GEN 45:9	Avat a rurut, ma avat a vana tadav tamagu, ma avat a biti tana: Natum Iosep i biti dari, God i ga vaki iau upi ina luluai ta ra gunan Aigipto parika; una vana ur piragu, ma koko una vabing ma ra vinavana.
1408	GEN 46:21	Ma ra umana natu i Beniamin: Bela, Beker, Asbel, Gera, Naman, Eki, Ros, Mupim, Kupim ma Ared.
1411	GEN 46:24	Ma ra umana natu i Naptali: Iasel, ma Guni, ma Ieser, ma Silem.
1481	GEN 49:7	Na kaina kadir kankan, tago i ga ngangal, Ma kadir kulot, tago i ga bilak; Ina tibe varbaiane dir ta ra gunan kai Iakob, Ma ina vue imimire dir ta ra gunan kai Israel.
1483	GEN 49:9	Iuda ia ra nat na leon; Natugu, u tar ko rikai, ma u kap ra magit u ga ub ia; I tar ki bul keke, ma i tar diop da ra leon, Ma da ra kon, a tana; to ia na vangun ia?
1485	GEN 49:11	Na veve kana nat na os ta ra davai na vain, Ma kana nat na as ta ra davai na vain i ngatngat; I tar puk vagomgom kana kolot ta ra polo na vain, Ma kana mal na minong ta ra gapu i ra vuai ra vain.
1491	GEN 49:17	Dan na da ra vui ta ra nga, a kaina vui ta ra pal a nga, Nina i karat ra inabut i ra umana os; Upi nina i ki tana na bura murmur.
1495	GEN 49:21	Naptali i da ra me di tar pala vue. I vakak kana tinata.
1537	EXO 1:4	Dan ma Naptali, Gad ma Aser.
1677	EXO 6:21	Ma ra utul a natu i Isar, Kora ma Nepeg ma Sikri.
1679	EXO 6:23	Ma Aron i ga taule Eliseba, natu i Aminadab, dir taina ma Nason, ma i ga kava Nadab ma Abiu, Eleasar ma Itamar.