23244	MAT 2:6	“U Beteleem a gunan Iudaia, U muka pa u ikilik ta ra gunagunan kai ra lavur luluai Iudaia, Tago a Luluai na vana rikai tam, Ma na balaure kaugu tarai Israel.”
23253	MAT 2:15	ma dital ki abara tuk ta ra bung Erodes i mat i tana, upi na vardada ma ra tinata lua kai ra Luluai tai ra propet, dari: “Iau tar oro pa natugu mara Aigipto.”
23256	MAT 2:18	“Aro Rama di valongore ra nilai tikai. A kunukula, ma ra ngala na tinangi bula; Rakel i tangtangie ra umana natuna, Ma di mama vamaram ia, tago dia tar papaniai.”
23261	MAT 2:23	ma dital vana ta ra pia na pal a iangina Nasaret, ma dital ki ie upi na vardada ma ra tinata lua kai ra umana propet ba: “Da vatang ia ba ra te Nasaret.”
23264	MAT 3:3	la go ba Iesaia ra propet i ga varvai tana dari: “A nilai tikai i oraoro ta ra bil ba: Avat a mal are ra nga kai ra Luluai, Avat a pait kodo kana lavur nga.”
23282	MAT 4:4	Ma i biti tana: Di ga tumu ia ba: “A tarai pa dia laun ta ra gem uka, dia laun ta ra pakapakana tinata par i arikai ta ra ngie i God.”
23284	MAT 4:6	Ba u natu i God, una pil ba; tago di ga tumu ia dari: Na tul tar kana umana angelo upi diat a balaure u, Ma diat a puak vatur u ma ra lima i diat, Kan una tuke ra kaum ta ra vat.”
23285	MAT 4:7	Ma Iesu i biti tana: Di ga tumu ia dari bula: “Koko una valar ra Luluai kaum God.”
23288	MAT 4:10	Ma Iesu i biti tana: Satan, una vana ka, tago di ga tumu ia dari: “Una lotu tadav ra Luluai kaum God, ma una torom tana ka.”
23294	MAT 4:16	A tarai nina dia ga ki ta ra bobotoi, dia ga gire ra ngala na kapa, Ma ra kapa i ga vana rikai ta diat ta ra gunan na minat, ma ta diat bula ta ra malur na minat.”
23538	MAT 11:10	Ia go di ga tutumu ure dari: “Iau tulue kaugu tultul na lua tam, Na mal are kaum nga na lua tam.”
23579	MAT 12:21	A lavur Tematana diat a nurnur ta ra iangina.”
23623	MAT 13:15	Tago ra bala i go ra tarai i tar tabonot, Ma ra talinga i diat i papaua, Ma dia tar vapula ra mata i diat; Kan diat a gigira ilam ma ra mata i diat; Ma diat a valongore ma ra talinga i diat, Ma diat a matoto ma ra bala i diat, Ma ina valagar pa diat.”
23643	MAT 13:35	upi na da ra tinata kai ra propet dari: “Ina tata ma ra tinata valavalar, Ina tatike ra lavur magit i ga ki ivai papa amana ba di ga vaki vatavuna ra rakarakan a gunagunan parika.”
23711	MAT 15:9	Dia vole kadia lotu tagu, Tago kadia vartovo dia vartovo me a tinata ka kai ra tarai.”
23900	MAT 21:5	“Avat a ve natu i Sion, a vavina: Gire kaum king go i vana piram, A tena madu i ki ra as, Ma ra nat na as bula.”
23937	MAT 21:42	Iesu i tatike ta diat: Pa ava ga luk ia boko ta ra Buk Tabu dari: “Nam ra vat ba ra umana tena pait pal dia pilak vue, Nam uka di tar pait ra ul a ngu na pal me; Go tai ra Luluai, ma ra mata i dat i manamanane muka.”
23985	MAT 22:44	“A Luluai i tatike tai kaugu Luluai, Una ki ta ra limagu tuna, Tuk ta nam ra bung ba ina vung vaba kaum lavur ebar ta ra vavai na kakim.”
24208	MAT 27:10	ma di tul tar ia upi ra gunan kai ra tena pait la, da ra Luluai i ga tul tar ia tagu.”
24287	MRK 1:3	A nilai tikai i oraoro ra bil dari: Avat a mal pa ra nga kai ra Luluai, Avat a pait kodo kana lavur nga.”
24539	MRK 7:7	Dia vole kadia lotu tagu, dia vartovo ko ma ra vartuluai kai ra tarai.”
24655	MRK 9:48	“Kadia kalolo pa na mat i tana, ma pa ta na pun ra iap tana.”
24753	MRK 12:11	Go tai ra Luluai ma ra mata i dat i manamanane muka.”
24772	MRK 12:30	ma una mari ra Luluai kaum God ma ra balam parika, ma ra tulungeam parika, ma ra nuknukim parika, ma ra dekdekim parika.”
24773	MRK 12:31	Ma go a vauruana: “Una mari talaim da u mari mule u.” Pa ta vartuluai i ngala ta go dir.
24778	MRK 12:36	David iat i ga tatike ta ra Takodo na Tulungen dari: “Ra Luluai i ga tatike tai kaugu Luluai: Una ki ta ra limagu tuna. Ma ina vadiop kaum lavur ebar upi ra ruarua na kakim.”
24850	MRK 14:27	Iesu i tatike ta diat: Avat par avat a tabunuane boko iau; tago di ga tumu ia: “Ina kita ra tena balabalaure sip ma ra lavur sip diat a varbaiai vurvurbit.”
25100	LUK 3:6	Ma ra lavur tarai ta ra rakarakan a gunagunan parika diat a gire ra varvalaun kai God.”
25136	LUK 4:4	Iesu i biti tana: Di ga tumu ia ba: “A tarai pa dia laun ta ra kinanang na gem uka.”
25140	LUK 4:8	Iesu i biti tana: Di ga tumu ia: “Una lotu tadav ra Luluai kaum God, ma una torom tana ka.”
25143	LUK 4:11	Ma go bula: “Diat a puak vatur u ma ra lima i diat, kan una tuke ra kaum ta ra vat.”
25144	LUK 4:12	Iesu i tatike tana: Di ga tatike: “Koko una valar ra tuluai kaum God.”
25151	LUK 4:19	Ma upi ina varvai ure ra e na varvalaun kai ra Luluai.”
25291	LUK 7:27	Ia go di ga tutumu ure dari: “Iau tulue kaugu tultul na lua tam, Na mal are kaum nga na lua tam.”
25459	LUK 10:27	Ma i tatike bali ia dari: “Una mari ra Luluai kaum God ma ra balam parika, ma ra tulungeam parika, ma ra dekdekim parika, ma ra nuknukim parika; ma una mari talaim da u mari mule u.”
25846	LUK 19:46	I biti ta diat: Di ga tumu ia dari: “Kaugu pal a pal na niaring.” Ma ava tar pukue upi na da ra babang kai ra umana tena nilong.
25865	LUK 20:17	Ma i bobobe diat, ma i biti: Ava go di ga tumu ia? “Nina ra vat ba ra umana tena pait pal dia tar pilak vue, Nam muka di tar pait ra ul a ngu na pal me.”
25891	LUK 20:43	Tuk tar ina vadiop kaum lavur ebar upi a ruarua na kakim.”
25970	LUK 22:37	Tago iau tatike ta vavat, ba da pait ot pa ia tagu go di ga tumu ia dari: “Ma di ga luk guve ma ra lavur tena varpiam.” Tago a dovotina da pait ot pa nam parika di ga tumu ia ure iau.
26181	JHN 2:17	Ma kana tarai na vartovo dia nuk pa ra tinata di ga tumu ia dari: “A vargat na varmari ure ra kubam na en vue iau.”
26357	JHN 6:31	Kaveve tarai lualua dia ga en ra Mana ara ra pupui; da di ga tumu ia: “I ga tabar diat ma ra gem marama ra bala na bakut, upi diat a en ia.”
26371	JHN 6:45	A umana propet dia ga tutumu dari: “God na tovo diat parika.” Diat par dia ga valongor tai Tama, ma dia ga vartovo pa tana, dia tadav iau.
26664	JHN 12:15	“Natu i Sion, a vavina, koko u burut, una gire kaum King i vana rikai, i ki ta ra nat na as.”
26689	JHN 12:40	“I ga vapula bat ra kiau na mata i diat, ma i ga valeo ra bala i diat; Kan diat a gigira ma ra ura kiau na mata i diat, ma kan diat a matoto ma ra bala i diat. Ma diat a vana tapuku, Ma ina valagar pa diat.”
26717	JHN 13:18	Pa iau tata ure avat par; iau nunure nam diat, iau ga pilak pa diat; ia kaka upi da pait ot pa ra Buk Tabu: “Nam i ian kaugu gem, i rua iau ma ra inabut na kauna.”
26793	JHN 15:25	Ma i dari upi da pait ot pa nam ra tinata di ga tumu ia ta kadia tinata na varkurai dari: “Di ga milikuane iau, ma pa ta vuna.”
26863	JHN 18:9	upi da pait ot pa nam ra tinata i ga tatike ba: “Ta nam diat, u ga tul tar diat tagu, pa ta i rara kan iau.”
26918	JHN 19:24	Ma dia tata vargil tana dari: Koko dat a rada ia, dat a ilailam upi ia, ba kai ia; upi da pait ot pa ra tinata ta ba Buk Tabu tana dari: “Di ga tibe kaugu umana mal, Ma dia ilailam upi kaugu kolot.” Ma ra tarai na vinarubu dia ga pait ia damana.
26930	JHN 19:36	Tago dia ga pait ra lavur magit dari, upi da pait ot pa ra Buk Tabu ba: “Pa da bubur ta uruna.”
26931	JHN 19:37	Ma go bula ta ra pakana Buk Tabu i biti, “Diat a bobobe nam dia ga goa.”
27039	ACT 2:21	Ma na dari, ia nam ba na kail upi ra iang i ra Luluai na ti laun.”
27046	ACT 2:28	U tar vateten iau ta ra umana nga na nilaun; Una vabuka iau ma ra gugu ta ra matam.”
27053	ACT 2:35	Tuk ta nam ra bung ba ina vadiop kaum lavur ebar upi ra ruarua na kakim.”
27088	ACT 3:23	Ma ra tulungea i diat par ba pa dia valongore nam ra propet, da vavirua mutue vue diat kan ra tarai.”
27090	ACT 3:25	Avat a umana natu i ra lavur propet, ma ra umana natu i nam ra Kunubu, ba God diat ma ra lavur tama i vavat lualua, dia ga kubu pa ia, ba i ga tatike tadav Abaraam dari: “A lavur vuna tarai par diat a doan ta ra tara na niurum murmur.”
27117	ACT 4:26	A umana king ta ra rakarakan a gunagunan dia tar tut na vinarubu, Ma ra lavur tena varkurai dia tar kikivung bat ra Luluai ma kana Kristo.”
27217	ACT 7:32	“Iau ra God kai ra lavur tamam, ma ra God kai Abaraam, ma kai Isak, ma kai Iakob.” Ma Moses i dadadar, ma pa i gire upi ia, tago i burut.
27219	ACT 7:34	Iau tar gire muka ra lavur mangamangana i tup kaugu tarai dia ki Aigipto, ma iau tar valongore kadia niriri, ma go iau tar irop, upi ina valaun diat; una mai, ina tulue u uro Aigipto.”
27222	ACT 7:37	Nina Moses nam i ga tatike tadav ra tarai Israel ba: “Ta diat ra umana tura i vavat God na ben vaarike tadav avat tika na propet da iau.”
27228	ACT 7:43	Ma ava ga kapkap ra kuba i Molok, Ma ra tagul kai ra god Rempan, Ma ra umana tabataba ava ga mal pa diat, upi avat a lotu tadav diat; Ma ina kap vue avat uro pakit Babilon.”
27278	ACT 8:33	Ba i ga malari pa di ga kure vadovot pa ia; To ia na varveai ta ra taraina; Tago di tak vue kana nilaun kan ra rakarakan a gunagunan.”
27464	ACT 13:33	ba God i ga pait ot pa ia tadav dat ra umana natu i diat ba i ga vatut pa mule Iesu, da di ga tumu ia bula ta ra vauruana kakailai dari: “U a Natugu, gori iau tar vangala u.”
27465	ACT 13:34	Ma ure nam, ba di ga vatut pa ia mulai kan ra minat, ma ba pa na talil mulai tadav ra mareng, i ga tatike dari: “Ina tabar iu ma ra umana gomgom na magit i dovot kai David.”
27466	ACT 13:35	Tago i tatike tai ta ra tika na kakailai dari: “Pa una tul tar kaum Gomgomuna upi na gire ra mareng.”
27472	ACT 13:41	“Avat a umana tena varkulumai avat a gire, ma avat a kaian, avat a panie; Tika na papalum iau pait ia ta kavava kilala, A papalum ba pa avat a kapupi ia ona tikai na ve avat i tana.”
27478	ACT 13:47	Tago ra Luluai, i ga tulue avet dari: “Iau ga vaki u upi ra kapa kadiat ra lavur Tematana, Upi u a varvalaun tadav diat ta ra langlangun na rakarakan a gunagunan.”
27529	ACT 15:18	Dari ra Luluai i tatike, nina i vaarike go ra lavur magit papa amana iat ta ra vunapai ra rakarakan a gunagunan.”
27620	ACT 17:28	tago da ti lalaun tana, ma da ti vanavana tana, ma i ga vaki dat, da ta ra umana ta kavava lavur tena pit kakailai dia ga biti dari: “Dat bula a umana natuna.”
27994	ACT 28:27	Tago ra bala i go ra tarai i bira, Ma ra talinga i diat i vaut, Ma dia ga vapula ra mata i diat; Kan diat a nana ma ra mata i diat, Ma kan diat a valongor ma ra talinga i diat, Ma kan diat a matoto ma ra bala i diat. Ma kan diat a talil mulai, Ma ina valagar pa diat.”
28063	ROM 3:4	Koko muka! Maia pa, boina ba na po rikai ba God i dovot ma ra tarai par dia vaongo; da di ga tumu ia dari: “Upi na po ba i dovot kaum lavur tinata, Ma upi una ongaongor ona u vana ta ra varkurai.”
28077	ROM 3:18	Pa ta bunurut ure God i tur ta ra luaina mata i diat.”
28093	ROM 4:3	Tago ava ra Buk Tabu i biti? “Abaraam i ga kapupi God, ma di ga luk tar ia tana ba ra mangamangana takodo.”
28098	ROM 4:8	I ti doan nam ra tutana ba ra Luluai pa na vatang tar kana lavur varpiam tana.”
28220	ROM 8:36	Vada di ga tumu ia: “Di dokodoko avet ure u ta ra bungbung na keake ma ra marum; Di nuk varogopane avet ma ra umana sip da ure ra vardodoko.”
28249	ROM 9:26	Ma na damana, ba ta nam ra gunan ba di ga tatike ta diat tana: Vakir avat kaugu tarai, Ta nam muka da ga vatang diat ba ra umana natu i God i lalaun.”
28252	ROM 9:29	Ma, da Iesaia i ga tatike lua, dari: “Gala ra Luluai Sabaot pa i ga nur tar ra vakubur ta dat, Gala dat a varogop ma Sodom, ma da gala varogopane dat ma Gomora.”
28256	ROM 9:33	da di ga tumu ia dari: “Gire, iau vung ra vat na tukatukai ma ra timul a vat ta ra gunan Sion: Ma diat dia nurnur tana, pa diat a vavirvir.”
28274	ROM 10:18	Ma iau biti dari: Dave, pa dia ga valongore laka? Maia pa, a dovotina, “A nilai diat i tar vana ta ra rakarakan a gunagunan par, Ma kadia tinata ta ra langlangun i ra lavur vuna gunan mutu.”
28275	ROM 10:19	Ma iau biti dari: Dave ra Israel, pa dia ga nunure laka? Moses i tatike lua dari: “Ina vangangap avat upi na arikai ra varpin ta vavat ure diat, Ba vakir diat tika na vuna tarai, Ma ina vangangal avat ure tika na vuna tarai dia tabobo.”
28276	ROM 10:20	Ma Iesaia i rurung muka, ma i tatike: “Diat nam ba pa dia ga tikan upi iau, dia ga na tadav iau; Ma iau ga vaarike iau ta diat, ba pa dia ga titir upi iau.”
28277	ROM 10:21	Ma ure ra Israel i tatike: “A bungbung par iau tar tulue tar ra ura limagu upi ra tarai na varpiam ma ra umana tena varpuai.”
28280	ROM 11:3	“Luluai, dia tar doko kaum umana propet, dia tar kal kopo kaum lavur uguugu na vartabar; ma iau kaka, iau ki varkolono ma dia tikan upi iau bula, upi ina mat.”
28281	ROM 11:4	Ma ava God i tatike bali ia me? “A lavurua na arip na marmar na tarai, iau tar balaure vake upi kaugu, diat ba pa dia ga likun ra malmalikun i ra kau i diat tadav Baal.”
28285	ROM 11:8	da di ga tumu ia dari: “God i tar tul tar a tulungen na nidiop ta diat, a kiau na mata i diat upi koko diat a nana, ma ra talinga i diat upi koko diat a valavalongor, tuk tar ta go ra bung.”
28287	ROM 11:10	Boina da vabobotoi ra kiau na mata i diat, upi koko diat a nana. Ma boina ba una likun ra tamuru i diat upi na potok vatikai.”
28304	ROM 11:27	Ma go kaugu kunubu tadav diat, Ba ina kap vue kadia lavur varpiam.”
28332	ROM 12:19	Avat, di mari tuna avat, koko avat a obo pa avat mulai; i boina muka ba avat a ki vamadudur vue ra kankan: tago di ga tumu ia dari: “Kaugu ka ra varobo; iau kaka ina balbali, a Luluai i biti.”
28343	ROM 13:9	Tago ra dari: “Koko u po, Koko u vardodoko, Koko u long, Koko i puruai ra balam upi ta magit kai ta ra tikai,” ma ona ta vartuluai akamana bula, i tur guvai par ta go ra tinata, dari: “Una mari talaim da u mari mule u.”
28359	ROM 14:11	Tago di ga tumu ia dari: “Da iau lalaun, a Luluai i biti, a lavur malmalikun na kau i ra tarai diat a talikun tadav iau, Ma ra lavur karamea i ra tarai par diat a pite pa God.”
28374	ROM 15:3	Tago Kristo bula pa i ga pait ra magit ba ia kaka iat i ga mainge; ma da di ga tumu ia: “Kadia tinata na varvul, di ga vul u me, i ga bura taun iau.”
28380	ROM 15:9	ma upi ra lavur Tematana diat a pite pa God ure kana varmari; da di ga tumu ia dari: “Ure ke go ina pite varpa tam livuan ta ra lavur Tematana, Ma ina kakakailai ta ra iangim.”
28381	ROM 15:10	Ma i biti mulai dari: “A umana Tematana par, avat a gugu varurung ma ra taraina.”
28382	ROM 15:11	Ma i tatike mule dari: “A umana Tematana par, avat a pite pa ra Luluai; Ma boina ba ra lavur vuna tarai mutu diat a pite pa ia.”
28383	ROM 15:12	Ma go mulai Iesaia i tatike dari: “A okor i Iese na arikai, Ma nina i vana rikai upi na vatur ra varkurai ure ra lavur Tematana: A lavur Tematana diat a nurnur tana.”
28392	ROM 15:21	Ma, da di ga tumu ia dari: “Diat ba pa ta varvai ure i ga vana rikai tadav diat, diat a nana, Ma diat ba pa dia ga valavalongor, diat a matoto.”
28450	1CO 1:19	Tago di ga tumu ia dari: “Ina nila vue ra kabinana kai ra umana tena kabatau, Ma ina ole vue ra minatoto kadiat dia minana.”
28471	1CO 2:9	Ma da di ga tumu ia: “A lavur magit ba pa ta kiau na mata i ga gire, ma pa ta talinga i ga valongore, Ma ba pa i ga kuma rikai ta ra bala i ta tutana, Nam ra lavur magit ba God i tar vaninare ure diat, dia mari ia.”
28497	1CO 3:19	Tago ra kabinana i go ra rakarakan a gunagunan ia ra magit na papaua pire God. Tago di ga tumu ia dari: “I tabe pa ra umana tena kabinana ta kadia varvagu iat.”
28642	1CO 10:7	Ma koko avat ra umana tena lotu tadav ra tabataba, da ta umana ta diat; da di ga tumu ia: “A tarai dia ga ki ra pia upi diat a ian ma diat a momo, ma dia ga tut mulai upi diat a, pait nilibur.”
28767	1CO 14:21	Ta ra tinata na varkurai di ga tumu ia dari: “Ina tata tadav go ra tarai ma ra ngie i ra tarai ba i enana kadia tinata ma ta ra bul na ngie i ra lavur vaira, ma ba ina ga pait ia damana, pa diat a valongore iau bula, ra Luluai i biti.”