23236	MAT 1:23	'Ḡianoꞌi! Ohoze teite ize mene hidiroteꞌe nogobaḡa ꞌahoganiꞌa ahiꞌeta reꞌuma, ebu ubuga ꞌahoga fureniꞌuma. Vazeꞌa ubugaꞌe Emanuela rae huniꞌuma. Eꞌe huganiꞌe, “Badiꞌaꞌe emeḡe teite” raꞌohe.'”
23244	MAT 2:6	'O Iudea habaꞌano Betelehema neḡa, ḡaꞌe Iudea neḡa boroboro zamaḡano mene zuhuꞌa. Mazaḡa ḡaeꞌonoꞌo ibitoziniꞌeteꞌe vazeḡa ꞌahoganiꞌa onaiꞌuma. Aniꞌe, mamoe taufeꞌeteꞌe teige, Isaraela azaḡa, Badiꞌa vaze ibitoziniꞌuma zu taufiꞌuma.'”
23264	MAT 3:3	Ibite peroveta vazeḡa Isaiaꞌa Ioane Babatiso moneo ꞌahige reiro, raenaꞌa, “Vaze ꞌahoganiꞌa haba bohaꞌano huauꞌohe, raenaꞌa, 'Zuhiꞌa Boroꞌa onaꞌiuma! Ani ibi ruhiboꞌi, zu ani veize ibi mae dudunoꞌi.'”
23268	MAT 3:7	Farisea azaḡa zu Sadukea azaḡa ḡehaḡaniꞌa bapatizo mouga radu Ioane vaḡe onairo. Ebu aniꞌa ze horozirotene ziro, raenaꞌa, “Zaꞌe Zarama ubugaubuga heuḡa! Vazeꞌa zae mazao, 'Badiꞌaꞌonoꞌo maḡunuꞌa onaine ferau muhinoꞌi,' rae reiro. Rehano feranogaꞌe mene idaraꞌuma.
23269	MAT 3:8	U ibite haḡai sau'aono'o ḡihuriroteꞌe haḡaiḡa furenoꞌi.
23270	MAT 3:9	Ebu ago ꞌahige zamaroꞌi, 'Emeꞌe Aberahamo mariga, eꞌanoꞌo Badiꞌaꞌa mene maḡunofiꞌuma.' Mazaḡa, e ziꞌohe, Badia'a hadi ꞌadi hina Aberahamo mariga haḡaine zuni idaḡa.
23271	MAT 3:10	Izidi Badiꞌaꞌa ḡiro 'ai ire taigano teha. Eꞌanoꞌo huga manoḡa mene iniꞌeteꞌe ireḡa niduꞌa'e udi higonadu ire rogao feuniꞌuma.
23272	MAT 3:11	Zaeꞌa sauꞌanonoꞌo ḡihurine, eꞌe tahiḡa veize, eḡeꞌa vu hina bapatizoziꞌohe. Rehano eḡe ḡaruna onaiteꞌe vazeḡa ani gigiꞌaniꞌe ufeta ḡihiꞌa. Aniꞌe eḡe vitihoga. Eḡe'a ani tamaka odoheꞌeteꞌe tuḡureḡa vazeḡa rae rouga zuni mene idaḡa. Aniꞌe Vine Zaḡoḡa ebu ire roga hina bapatizoziꞌuma.
23278	MAT 3:17	Ebu ago ꞌahoganiꞌa adureꞌono'o ḡoeriro, raenaꞌa, “ꞌAdiꞌe eḡe ubude. Eḡeꞌa zamare borofeꞌohe. E ani mazao matu'e rudau'ohe.”
23281	MAT 4:3	Ebu Diavoloꞌa tuhunoga radu ani vaḡe onairo, ninaꞌa, “Ḡaꞌe Badiꞌa Ubuga roꞌidene, hadi ꞌadi ninaꞌa, 'Beredio ḡihunoꞌi,' rae noꞌi.”
23282	MAT 4:4	Rehano Iesuꞌa naenaeniro, raenaꞌa, “Mene! Buka Zaḡoḡano ꞌahige mirihiro, raenaꞌa, 'Vaze'e beredio da'o mene ḡabode radi'uma, rehano Badiꞌa hebeꞌonoꞌo buauꞌeteꞌe ḡoeꞌa niduꞌao ḡabode radiꞌuma.'”
23284	MAT 4:6	Ebu aniꞌa niro, raenaꞌa, “Ḡaꞌe Badiꞌa Ubuga roꞌidene, rafatoꞌi! Mazaḡa Buka Zaḡoḡano ꞌahige mirihiro, raenaꞌa, 'Badi'aꞌa dana'oga veize ane tuḡure viga ḡae vaḡe tuḡuziꞌuma. Ze'a ꞌevoreze hina mae ḡihi'i'uma ꞌahine, ḡae odaꞌe hadio mene tutuhaꞌuma.'”
23285	MAT 4:7	Iesu'a naenaeninaꞌa, “Mene! Buka Zaḡoḡano ꞌahige mirihiro, raenaꞌa, 'Zuhiꞌa Boro ḡae Badi'a ago tuhuno'i.'”
23286	MAT 4:8	Ebu Diaboloꞌa Iesu maḡa hitaga hune tutune itadu kini'a ibitohauꞌeteꞌe haba'a boroboro niduꞌa zu zeḡe ḡau manomano niduꞌa ihoniro.
23288	MAT 4:10	Iesuꞌa ninaꞌa, “Mene! Eḡe mazaonoꞌo vaḡinoꞌi! Buka Zaḡoḡano ꞌahige mirihiro, raenaꞌa, 'Zuhiꞌa Boro ḡae Badi'a mazao da'o kuranohano'i, zu ane veize daꞌo gauoꞌi.'”
23324	MAT 5:21	Ibiꞌa azaḡa mazao reiroteꞌe goro ḡoeꞌa ꞌadi zaeꞌa igiro, raenaꞌa, 'Vaze ago mau runoꞌi. Iniuꞌa vaze ꞌahoga maune, kotaniꞌuma.'
23325	MAT 5:22	Rehano e ziꞌohe, iniuꞌa negoḡa mazao maḡunine, kotaniꞌuma. Iniuꞌa negoḡa ḡoere sauꞌa nine, Iuda azaḡa nuꞌonuꞌo zamaḡano kotaniꞌuma. Ebu iniuꞌa 'Ḡa hahizaḡa,' rae reine, ire roga zamaḡano mae feuniꞌuma.
23330	MAT 5:27	Zaꞌe edeḡa, Mose goro ḡoeꞌano ꞌahige reiro, raenaꞌa, 'Ubuma ago ḡezanoꞌi.'
23334	MAT 5:31	Za edeḡa, Mose goro ḡoeꞌano ꞌahige reiro, raenaꞌa, 'Iniuꞌa inuga modoꞌidene, aniꞌa ihore soꞌaḡa mirihadu inuga hanoꞌi.'
23336	MAT 5:33	Ibiꞌa azaḡa mazao reiroteꞌe goro ḡoeꞌa ꞌadi zaeꞌa igiro, raenaꞌa, 'Nagni ḡoitoroꞌidene, ago variꞌoꞌi. Badiꞌa mazao ḡoitoroꞌidene huga haḡaoꞌi!'
23340	MAT 5:37	Zaeꞌa nagini ꞌahoga haḡaiꞌuma roꞌidene, 'Oꞌe, e haḡaiꞌuma', ga 'Mene, e mene haḡaiꞌuma' daꞌo rae roꞌi. Ḡoere ꞌahogaꞌahoga ragatine, aꞌe Sataniꞌonoꞌo fureruꞌohe.
23341	MAT 5:38	Zaꞌe edeḡa Mose goro ḡoeꞌano ꞌahige reiro, raenaꞌa, 'Vaze ꞌahoganiꞌa ḡae ubuma sausaunoꞌidene ga ḡae ḡonone vahegoꞌidene, vazeḡa eꞌe ubuma zu sausaunoꞌi ebu ane ḡonone zu vahegoꞌi.'
23346	MAT 5:43	Zaꞌe edeḡa Mose goro ḡoeꞌano ꞌahige reiro, raenaꞌa, 'Ḡae nabudi zamaroꞌi, ebu ḡae agire vazeḡa heꞌeheꞌenoꞌi'
23382	MAT 6:31	Eꞌanoꞌo ago zamare adudanoꞌi, raenaꞌa, 'Nagini aꞌuma?', 'Nagini gagiꞌuma?' ga 'Nagi dabua vidaꞌuma?'
23389	MAT 7:4	Ḡae ubumaḡo beꞌa gado ireḡa ꞌeꞌe rehano, ḡaꞌe negoḡo mazao ꞌahige raꞌohe, raenaꞌa, 'Negohe, ubumaḡo beꞌa dinunu eꞌe mae vaḡinihi.'
23406	MAT 7:21	Eḡe mazao, 'Zuhia Boro, Zuhia Boro,' rae huheꞌeteꞌe azaḡa mene niduꞌaꞌe Badiꞌaꞌa ibitoziniꞌuma. Rehano eḡe Mama, adureo radiuꞌeteꞌeꞌa urateꞌeteꞌe haḡaiḡa haḡaeꞌeteꞌe vazeḡaniꞌa daꞌo ibitohaꞌuma.
23407	MAT 7:22	Badiꞌa kota madaḡano, vaze ḡehaḡaniꞌa eḡe ihiꞌuma, raenaꞌa, 'Zuhiꞌa Boro, Zuhiꞌa Boro, emeꞌe ḡae nio Badiꞌa ḡoere ihozido, zu ḡae nio vine sauꞌa hegoze buzido zu ḡae nio gigiꞌa haḡaiḡa ḡehaḡa haḡaido'.
23408	MAT 7:23	ꞌOugine, eḡeꞌa dehene ziꞌuma, raenaꞌa, 'E zaꞌe mene ederiro. Za, haḡai sauꞌa azaḡa, eḡe mazaonoꞌo vaḡinoꞌi.'
23423	MAT 8:9	Mazaḡa eꞌe zuni vaze ꞌahoga ꞌuꞌuḡano gaueꞌohe, zu eḡe uti azaḡaꞌe eḡe ꞌuꞌuḡano gaueꞌohe. Eḡeꞌa vaze ꞌahi ninaꞌa, 'Onamoꞌi' reine, aniꞌe onameꞌohe, ebu ꞌahoga omo ninaꞌa, 'Aroꞌi' reine, aniꞌe areꞌohe. Eḡeꞌa eḡe tuḡure vazeḡa ꞌahoga ninaꞌa, 'ꞌAdi haḡaoꞌi' reine, aniꞌe haḡaeꞌohe.”
23453	MAT 9:5	Ani mazao nougenouge nine, ufiḡa? 'Ḡae sauꞌa ꞌai rae modeha' rae niꞌeteꞌe ga 'Iḡunadu onamoꞌi' rae niꞌeteꞌe?
23461	MAT 9:13	Eꞌe teige, zeḡe bare haḡai duduḡa rae zamareꞌeteꞌe azaḡa huzoga radu eḡeꞌa mene onairo. Rehano zeḡe bare haḡai sauꞌa rae zamareꞌeteꞌe azaḡa huzoga radu onairo. Badiꞌaꞌa ꞌahige reiro, raenaꞌa, 'Eꞌe zaeꞌa dibuꞌo inoga daꞌo mene urateꞌohe, rehano vaze vetuḡazoga ufeta urateꞌohe.' Za onamadu ḡoere huga eꞌe ederoꞌi.”
23469	MAT 9:21	Mazaḡa aniꞌe zamareꞌenaꞌa, 'Eꞌa dabuaḡa tahiḡa obonine manoriꞌuma.'
23493	MAT 10:7	Ebu neḡaneḡa diuḡe onamoꞌidene 'Badiꞌaꞌa ibitoziniꞌeteꞌe madaḡa ꞌai haniteha,' rae haramozenoꞌi.
23498	MAT 10:12	Ani ne diuḡoꞌidene, 'Badiꞌaꞌa manohuga ziniꞌuma,' rae zenoꞌi.
23531	MAT 11:3	Ebu ze Iesu mazao feurirotene ḡadiniro, raenaꞌa “Ioane Babatisoꞌa ꞌahige ḡadiꞌeꞌohe, 'Onaiꞌuma reiroteꞌe vazeḡaꞌe ḡahe ga eme vaze ꞌahoga guhiniꞌuma?'”
23538	MAT 11:10	Ioane moneo Buka Zaḡoḡano ꞌahige mirihiro, raenaꞌa, 'Ḡianoꞌi. Badiꞌaꞌa ḡae zamao vaze ꞌahoga ibite tuḡuniꞌuma. Aniꞌe ḡae zamao ḡae ibi ruhibiꞌuma.'
23545	MAT 11:17	'Eme muio zavonoga radu suraꞌi hodeha, rehano za mene zavoneha. Ebu eme rune habaꞌano niau ḡoinaheha, rehano za mene nianeha.'
23546	MAT 11:18	Ioane Babatisoꞌa onaadu ogomu mene audo zu vaini vuḡa mene gagido. ꞌOugadu za raenaꞌa, 'Ioaneꞌe vine sauꞌaḡeta.'
23547	MAT 11:19	U eḡe, Vaze Ubugaꞌe onaadu ogomu auꞌohe ebu vaini vuḡa gageꞌohe. Rehano za raenaꞌa, 'Aniꞌe ogomu fuꞌa zu vaini vuḡa fuꞌa. Ebu ani takesi azaḡa zu haḡai sauꞌa azaḡa teite tiburuꞌohe.' Rehano Badiꞌa hegoteꞌeteꞌe azaḡa huhuzaḡaꞌe eḡe zu Ioaneꞌe duduḡa rae reꞌuma.
23563	MAT 12:5	Zu zaꞌe Mose goro ḡoeꞌa meꞌodirohe? Ani raenaꞌa, 'Bana Madaḡano dibuꞌo azaḡaniꞌa kuru neḡao gaueꞌetaꞌaꞌe mene veꞌoḡa.'
23565	MAT 12:7	Buka Zaḡoḡao Badiꞌaꞌa raenaꞌa, 'E dibuꞌone daꞌo mene urateꞌohe, rehano zaꞌe vaze vetuḡazoga urateꞌohe.' Za ḡoeꞌa eꞌe huga ederifone, duduḡa azaḡa mazao veꞌoḡa rae mene zifo.
23599	MAT 12:41	Ibite madaḡano Nineva azaḡaꞌe Iona haramo abitadu sauꞌaonoꞌo ḡihure ḡouriro. Izidi Iona vitinoga vazeḡaꞌe eḡe, rehano zaꞌe eḡe ḡoere abitoga mene urateꞌohe ebu mene ḡihureꞌohe. Eꞌanoꞌo Badiꞌa kota madaḡano Nineva azaḡaniꞌa izidi ega zamao edanadu 'Zaꞌe veꞌoḡa' rae ziꞌuma.
23600	MAT 12:42	Ibite madaḡano Siba habaꞌa kini roḡaeḡaniꞌa haba faḡanonoꞌo kini Solomona ḡoere abitoga veize onairo. Izidi Solomona vitinoga vazeḡaꞌe eḡe, rehano za eḡe ḡoere abitoga mene urateꞌohe ebu mene ḡihureꞌohe. Eꞌanoꞌo Badiꞌa kota madaḡano Siba kini roḡaeḡaniꞌa izidi ega zamao edanadu 'Zaꞌe veꞌoḡa' rae ziꞌuma.
23602	MAT 12:44	Ebu ani ꞌahige raꞌohe, raenaꞌa, 'E eḡeꞌa vaḡinateꞌe vazeḡa vaḡe bare onamiꞌuma.' Ani baradu vaze eꞌe horoneꞌetene, vazeḡaꞌe, neḡa huga oꞌoꞌa, deheḡa hune zu idaidane touga heuḡa.
23621	MAT 13:13	Eꞌanoꞌo eꞌa hari idaidaḡa hina ihozeꞌohe, mazaḡa, 'Zeꞌe horoneꞌohe rehano, mene hune horoneꞌohe. Zeꞌe igiꞌohe rehano, mene hune igiꞌohe ga mene hune edereꞌohe.'
23622	MAT 13:14	Aꞌe peroveta vazeḡa Isaiaꞌa reirotaꞌaꞌe hudaro, raenaꞌa, 'Zeꞌe Badiꞌaꞌa nagini raeꞌetaꞌaꞌe igiꞌuma rehano, mene hune ederiꞌuma. Zeꞌe Badiꞌaꞌa nagini haḡaeꞌetaꞌaꞌe horoniꞌuma rehano, mene hune horoniꞌuma.
23623	MAT 13:15	Zamazeꞌe riḡa uꞌano, teḡaze uꞌadu mene igiꞌohe, zu ubumaze kuranadu mene ehamuꞌohe. Ze mene ꞌougine, ubumazeꞌe Badiꞌaꞌa haḡaeꞌeteꞌe horoniꞌuma, teḡazeꞌe Badiꞌa raꞌeteꞌe igiꞌuma zu zamazeo Badiꞌa ederiꞌuma, ebu hena ze Badiꞌa vaḡe aradu aniꞌa ḡaboziꞌuma.'
23632	MAT 13:24	Iesu'a hari idaidaḡa ꞌahoga ziro, raenaꞌa, “Badiꞌaꞌa Ibitoziniꞌetaꞌaꞌe vaze ꞌahoganiꞌa ani mebao ezone manoḡa ḡoraroteꞌe heuḡa.
23635	MAT 13:27	Eꞌanoꞌo meba vazeḡa tuḡure azaḡaniꞌa aradu niro, raenaꞌa, ꞌVaze boro, ḡaꞌa ḡae mebao vuidi ezone manoḡa ḡoraro. Rehano ve eꞌe noumanoꞌo?'
23636	MAT 13:28	Aniꞌa naenaeniro, raenaꞌa, 'Agire vazeḡa ꞌahoganiꞌa ꞌougiro.' Tuḡure azaḡaniꞌa ḡadininaꞌa, 'Ḡaꞌe eme onamadu ve eꞌe ḡoroga uratehehe?'
23637	MAT 13:29	Aniꞌa naenaezinaꞌa, 'Mene, zaꞌa ve ḡurine vuidi zuni ḡuriꞌuma gaogi.
23638	MAT 13:30	Modoꞌi ebu zeḡe tibano ḡuhuriꞌuma oname hiriveꞌeteꞌe madaḡa. Hiriveꞌeteꞌe madaḡano eḡeꞌa hiriveꞌeteꞌe azaḡa ziꞌuma, raenaꞌa, 'Ve geno ibite ḡoroꞌi, ebu tibano utadu hofoꞌi. Hena vuidiꞌe tibano nuꞌonadu eḡe suabao zounoꞌi.'”
23706	MAT 15:4	Badiꞌaꞌa raenaꞌa, 'Viꞌu mogo gubazoꞌi', ebu 'Iniuꞌa ane viꞌa moga rae sausauzoꞌidene, mau runoꞌi.'
23707	MAT 15:5	Rehano iniuꞌa viꞌa moga mazao raenaꞌa, 'Fase, e zae danazoga mene idaḡa, mazaḡa danaziꞌuma raꞌeteꞌe ḡauḡa ꞌahiꞌe eḡeꞌa Badiꞌa haꞌuma,' rae reine, zaeꞌa ani idaḡa rae raꞌohe.
23711	MAT 15:9	Zeꞌa Badiꞌa mazao kurauꞌetaꞌaꞌe huga oꞌoꞌa, ebu zeꞌe vazeꞌa tiroteꞌe goro ḡoeꞌa ihozeꞌohe.'”
23734	MAT 15:32	Ebu Iesuꞌa ane tahiꞌatahiꞌa huzadu ziro, raenaꞌa, “'Eꞌe ꞌahi duḡuru vetuḡaziꞌohe, mazaḡa ze ꞌahao mada uḡidu eḡe teite radiuꞌohe zu ogomuze oꞌoꞌa. Eꞌe ze vinini tare nezeo tuḡuzoga mene urateꞌohe, mazaḡa ibio higau bauriꞌuma.”
23743	MAT 16:2	Aniꞌa naenaeziro, raenaꞌa, “Zaꞌe, 'Ḡorava madaꞌa kanaru zuburine, ohoḡore madaꞌa manoriꞌuma,' rae raꞌohe.
23744	MAT 16:3	Ebu 'Oherebau adureꞌa ḡutanoga horonine iruguꞌa ruꞌaꞌuma,' rae raꞌohe. Zaꞌe adure iraḡa horonine naginiꞌa fureraꞌuma rae edereꞌohe. U izidi madaḡano naginiꞌa fureruꞌetaꞌaꞌe hugaꞌe mene edereꞌohe.
23779	MAT 17:10	ꞌOugadu ane tahiꞌatahiꞌaꞌa ḡadiniro, raenaꞌa, “Nougadu Mose goro ḡoeꞌa ihozeꞌeteꞌe azaḡaniꞌa, ꞌEliaꞌe ibite onaiꞌuma,' rae raꞌohe?”
23789	MAT 17:20	Aniꞌa ziro, raenaꞌa, “Mazaḡa zae fieꞌetaꞌaꞌe tahiḡa fase. E hube hune ziꞌohe, zaꞌa eḡe mazao fieꞌetaꞌaꞌe fufu maḡa komeꞌa tiba heuḡa radu za maḡa ꞌahi mazao ninaꞌa, 'ꞌAhaonoꞌo vaḡinadu omo onamoꞌi,' rae reine, aniꞌa ꞌouge haḡaiꞌuma. Zaꞌe eḡe mazao fiine, ḡau niduꞌa haḡaogaꞌe idaḡa.”
23821	MAT 18:25	Aniꞌe moni baronoga mene idaḡa ꞌahine, kiniꞌa riḡa ḡoreniro, raenaꞌa, 'Ḡae inuḡo, ubuḡo zu ḡae mazao ḡau niduꞌa seronadu eḡe moni baronoꞌi!'
23822	MAT 18:26	ꞌOugadu tuḡure vazeḡaniꞌa ani zamao obena hina tuḡiro, ebu raenaꞌa, 'Geno mada enoꞌi, ebu e moni niduꞌa baroniꞌuma.'
23824	MAT 18:28	Eꞌe ḡarugano tuḡure vazeḡaniꞌa ani mazaonoꞌo moni nu meiroteꞌe tuḡure vazeḡa ꞌahoga, ani teite tiburu gauꞌeteꞌe, vaḡe onamiro. Aniꞌa ani matanadu oḡorabiḡa harinoharo. Ebu raenaꞌa, 'Eḡe moni baronoꞌi!'
23825	MAT 18:29	ꞌOugadu ane vaze tuḡure vazeḡaꞌe obena hina tuḡaro, ebu umininaꞌa, 'Geno mada enoꞌi, ebu ḡae moni baroniꞌuma!'
23828	MAT 18:32	ꞌOugadu zuhiꞌaḡaniꞌa tuḡure vazeḡa ibiꞌa ibite hunadu niro, raenaꞌa, 'Ḡaꞌe tuḡure vazeḡa sauꞌa! Ḡaꞌa umihadu ḡa eḡe mazaonoꞌo meiroteꞌe moniḡa niduꞌa ahiḡa reiro.
23829	MAT 18:33	Eḡeꞌa ḡae vetuḡaḡadateꞌe teige, ḡaeꞌa zuni ḡae vaze tuḡure vazeḡa vetuꞌaḡanifo!'
23836	MAT 19:5	Ebu ani raenaꞌa, ꞌEꞌanoꞌo ohozeꞌe viꞌa moga modadu roḡae teite tiburaꞌuma ebu anianine ahiri tiba reꞌuma.'
23838	MAT 19:7	Zeꞌa ḡadinenaꞌa, “ꞌOugine nougadu Mose goro ḡoeꞌaꞌe raenaꞌa, 'Ohozeꞌe inuga modine fefa mirihadu roḡaeḡa hanoꞌi ebu modoꞌi,' rae raꞌohe?”
23849	MAT 19:18	Vaze eꞌeꞌa ḡadinenaꞌa, “Noꞌe goro ḡoeꞌa hegotiꞌuma?” Iesuꞌa naenaeninaꞌa, “'Vaze ago manoꞌi, ubuma ago ḡezanoꞌi, ago ḡonotanoꞌi, kota zamaḡano ḡoere veꞌoḡa ago ḡoeroꞌi,
23850	MAT 19:19	viꞌu mogo gubazoꞌi ebu ḡaꞌa ḡae bare zamareꞌeteꞌe teige nabuḡo zamaroꞌi.'”
23857	MAT 19:26	Iesuꞌa ḡiazadu zinaꞌa, “'Vazevaze zeḡeꞌa bare ḡabone hidogaꞌe mene idaḡa, rehano Badiꞌaꞌa vaze ḡaboziꞌuma. Mazaḡa aniꞌe ḡau niduꞌa haḡaoga idaḡa.”
23863	MAT 20:2	Ebu vaze nu horozirotene ziro, raenaꞌa, 'Eḡe meba onamadu gauoꞌi. Mada tiba gauḡa moniḡa ziniꞌuma.' ꞌOugadu ani ze mebaḡano tuḡuziro.
23865	MAT 20:4	Aniꞌa zinaꞌa, 'Za zu eḡe vaini mebaḡa onamoꞌi, ebu gauḡa moniḡa idane ziniꞌuma.'
23867	MAT 20:6	Mada fuꞌo ḡoravaḡano ani onamirotene vaze nuꞌe edau ragaveꞌeteꞌe horozadu ḡadiziro, raenaꞌa, 'Za nougadu mada niduga mene gaueꞌenaꞌa edau tauḡeꞌohe?'
23868	MAT 20:7	Zeꞌa naenaeninaꞌa, 'Mazaḡa vaze ꞌahoganiꞌa eme gau ꞌahoga mene refeha.' Aniꞌa zinaꞌa, 'Za zuni eḡe vaini mebaḡa onamadu gauꞌoꞌi.'
23869	MAT 20:8	Madaꞌa ovorirotene vaini mebaḡa vazeḡaniꞌa meba taufeꞌeteꞌe vazeḡa niro, raenaꞌa, 'Gau azaḡa huzadu ḡonaga vazeḡanonoꞌo ibite vazeḡa gau moniḡa zenoꞌi.'
23873	MAT 20:12	'Vesu onaateꞌe azaḡaꞌe mada tahiḡa daꞌo gauꞌeha. U emeꞌa mada gigiꞌa zamaḡano mada niduga gau boro haḡaeha. Rehano ḡaꞌe zeḡe moniꞌe emeḡe teite idane zeneha!'
23874	MAT 20:13	Haba vazeḡaniꞌa zeḡe boꞌaḡano ꞌahoga naenaeniro, raenaꞌa, 'Eḡe vaze, eꞌe mene nae daꞌo badareha. Ḡaꞌe gauadu mada tiba gau moniḡa meꞌuma rae ḡaha.
23876	MAT 20:15	Eḡeꞌa eḡe moni hina nagini urateꞌeteꞌe haḡaine, veꞌoḡahe? Eḡeꞌa vaze mazao ufeta manoḡa radu ḡaꞌe ahiahiheꞌehehe?'”
23898	MAT 21:3	Iniu vazeꞌa ḡoere nu zoiꞌdene, 'Zuhiꞌa Boroꞌa urateꞌohe,' rae noꞌi. ꞌOugine ani zogone tuḡuziꞌuma.”
23900	MAT 21:5	“Ierusalema azaḡa mazao ꞌahige zoi, 'Ḡianoꞌi! Zae Kiniꞌe zae vaḡe areꞌohe. Aniꞌe vaḡuꞌa ebu doniki rana ehoreha. Doniki ubuga rana ehoradu areꞌohe.'”
23904	MAT 21:9	Iesu zamao onamiroteꞌe azaḡa zu ḡaruna hegotiroteꞌe azaḡaniꞌa huaro, raenaꞌa, “Davida mariḡa nigunoꞌi! Zuhiꞌa Boro niḡano onaeꞌeteꞌe vazeḡa matuꞌohatihi!' Badiꞌa hitanao nigunoꞌi!”
23908	MAT 21:13	Ebu ani zinaꞌa, “Buka Zaḡoḡa zamaḡano ꞌahige mirihiro, raenaꞌa, 'Badiꞌa neꞌe vazeꞌa kurauꞌeteꞌe neḡa reꞌuma.' Rehano zaꞌa kuru neḡaꞌe ḡonore azaḡa habaꞌa teige haḡaeꞌohe!”
23911	MAT 21:16	Ebu Iesu ḡadiniro, raenaꞌa, “Ḡa tahiꞌa komeꞌakomeꞌaniꞌa nagini raꞌetaꞌaꞌe igiꞌohe? Ze gararoꞌi!” Aniꞌa naenaezinaꞌa, “E igiꞌohe. Rehano zaꞌe Buka Zaḡoḡa mene hune meꞌodirohe? Aꞌe raenaꞌa, 'Badiꞌaꞌa tahiꞌa komeꞌakomeꞌa zu ḡuraḡaḡuraḡaniꞌa ani nigunoga ihoziro.'”
23916	MAT 21:21	Iesuꞌa naenaezinaꞌa, “E hube hune ziꞌohe, za Badiꞌa mazao fiine zu mene ꞌadaꞌadine, eꞌa figi ire mazao haḡaꞌateꞌe zaeꞌa zuni haḡaiꞌuma. Ebu maḡa ninaꞌa, 'Ḡihitadu davara zamaḡano buanoꞌi,' rae reine, aniꞌe zae ḡoere igiꞌuma.
23920	MAT 21:25	Ioaneꞌa bapatizo haḡainutaꞌaꞌe Badiꞌa mazaonoꞌo ga vaze mazaonoꞌo?” Ze zeḡeꞌa bare ḡoaniro, raenaꞌa, “Badiꞌa mazaonoꞌo reine, 'Za nougadu Ioane ḡoere mene mae ḡihinido?' rae ifiꞌuma.
23923	MAT 21:28	Ebu Iesuꞌa dibuꞌo azaḡa ḡihiꞌaḡaḡihiꞌaḡa zu vaze boroboro mazao hari idaidaḡa ꞌahoga ziro, raenaꞌa, “Za hari idaidaḡa ꞌahi abitadu huga zamaroꞌi. Vaze ꞌahoganiꞌa ubuga ꞌaheu teite radiunu. Ani ene ibiꞌa vaḡe onamadu niro, raenaꞌa, 'Ubude, ḡa izidi vaini mebaḡano gaui onamoꞌi.'
23924	MAT 21:29	Ebu ubuganiꞌa naenaeninaꞌa, 'E mene onamiꞌuma.' Rehano ani vesuꞌu zamaḡa ḡihunadu onamiro.
23925	MAT 21:30	Ebu moganiꞌa ubuga veḡa vaḡe onamadu ene ibiꞌa niroteꞌe ḡoeꞌa niro. Ene veḡaniꞌa naenaeninaꞌa, ꞌOꞌe, onamiꞌuma.' Rehano ani mene onamiro.
23932	MAT 21:37	Ḡonaḡano, aniꞌa ubuga ze vaḡe tuḡuniro ebu raenaꞌa, 'Zeꞌe eḡe ubude uꞌu ḡubaniꞌuma gaogi.'
23933	MAT 21:38	Rehano hihi azaḡaniꞌa ubuga horonirotene, zeḡeꞌa neneḡaniro, raenaꞌa, 'Aniꞌe vaini mebaḡa ꞌadi meꞌuma vazeḡa. Aro matihi, ebu vaini mebaḡa ꞌadi emeḡeꞌa meꞌuma!'
23937	MAT 21:42	Iesuꞌa ziro, raenaꞌa, “Zaꞌe Buka Zaḡoḡa mene meꞌodirohe? Aꞌe raenaꞌa, 'Vazeꞌa hadi hina ne ogorarotene, zeꞌa mene uratadu mae modiroteꞌe hadiḡaꞌe, gauḡa boro hadiḡa raha. ꞌAdiꞌe Zuhiꞌa Boroꞌa haḡairoteꞌe haḡaiḡa. Emeḡeꞌa ḡianeꞌetene, manoḡa tauḡi.'
23945	MAT 22:4	Ebu aniꞌa tuḡure azaḡa nu ꞌahoga bare tuḡuziro, raenaꞌa, 'Eḡeꞌa huzateꞌe azaḡa ꞌahige zoꞌi. “Zae veize eḡeꞌa mui ruhibeha. Boromakau zu mani igaḡa maneha ebu ḡau niduꞌa ꞌai ruhibeha. Hahu muiḡa uꞌa aroꞌi!”
23949	MAT 22:8	Ebu ane tuḡure azaḡa huzadu ziro, raenaꞌa, 'E hahu muiḡa ꞌai ruhibe idaneha, rehano eꞌa huziroteꞌe azaḡaꞌe onaoga mene idaḡa.
23953	MAT 22:12	Ani ḡadiniro, raenaꞌa, ꞌEḡe vaze, ḡaꞌe hahu dabuaḡa mene vidaneha. Nougenouge ꞌadi diuḡi areha?' Rehano ani ḡoere ꞌahoga mene reiro.
23954	MAT 22:13	Ebu kiniḡaniꞌa ane gau azaḡa zinaꞌa, 'ꞌEvoꞌa zu odaḡa batunoꞌi, ebu enone uzaboḡano duine feunoꞌi! Ane eꞌea niaꞌuma zu ḡononeḡa atitiꞌuma.'”
23965	MAT 22:24	“Ihore vazeḡa, Moseꞌa goro ḡoeꞌa ꞌahige mirihiro. 'Ohoze ꞌahoganiꞌa rudanadu ani inugaꞌe ubuga oꞌoꞌa reine, ohoze negoḡaniꞌa ḡozobaḡa teite hahuradu negoḡa rudaroteꞌe niḡa mouga veize ene furenohaꞌuma.
23973	MAT 22:32	'Eꞌe Aberahamo Badiꞌa, Isako Badiꞌa zu Iakobo Badiꞌa.' Ze amahi rudaro, rehano ze vineꞌe ḡabodeꞌeteꞌe uꞌano, Badiꞌaꞌe zeḡe Badiꞌa rae reiro. Badiꞌaꞌe mene rune azaḡa Badiꞌa, rehano ḡabone azaḡa Badiꞌa.”
23978	MAT 22:37	Iesuꞌa naenaeniro, raenaꞌa, “Goro ḡoeꞌa ḡihiꞌaḡa huneꞌe ꞌahiꞌeꞌe. 'Ḡae Badiꞌa Zuhiꞌa Boro, zamaḡo niduꞌa hina, vineḡo niduꞌa hina zu zamaroneḡo niduꞌa hina zamaroꞌi.'
23980	MAT 22:39	Ebu goro ḡihiꞌaḡan hune ꞌahogaꞌe ꞌahiguḡa. 'Ḡaeꞌa ḡae bare zamareꞌeteꞌe teige, ḡae nabugo zamaroꞌi.'