23222	MAT 1:9	Uziaꞌe Iotamo moga, Iotamoꞌe Ahaza moga, Ahazaꞌe Hezekia moga.
23223	MAT 1:10	Hezekiaꞌe Manase moga, Manaseꞌe Amono moga, Amonoꞌe Iosia moga.
23239	MAT 2:1	Herodaꞌe Iudea habaꞌa kiniḡa madaḡano Iesuꞌe Iudea habaꞌano ne ꞌahoga Betelehemao fureraro. Eꞌe madaḡano, edeḡa azaḡa nuꞌa madaꞌa iteꞌeteꞌe moneonoꞌo Ierusalema feuri onairo. Zeꞌe buzuva moneo edeḡa boro azaḡa. Ebu ze vaze ḡadiziro, raenaꞌa,
23241	MAT 2:3	kini Herodaꞌa ḡoere eꞌe igirotene, zamaḡaniꞌa adudaro. Ebu Ierusalema azaḡa niduꞌa zuni zamazeꞌa adudaro.
23242	MAT 2:4	Eꞌanoꞌo Herodaꞌa dibuꞌo azaḡa ḡihiꞌaḡa niduꞌa zu Mose goro ḡoeꞌa ihozeꞌeteꞌe azaḡa niduꞌa nuꞌozadu ḡadiziro, raenaꞌa, “Keriso aniꞌe noumao fureraꞌuma?”
23245	MAT 2:7	Ebu Herodaꞌa edeḡa azaḡa sifu huzadu noꞌe madaḡa huneo buzuvaꞌa fureraroteꞌe ederiro.
23246	MAT 2:8	Ebu edeḡa azaḡa Betelehema neḡano tuḡuzeꞌenaꞌa, ziro, raenaꞌa, “Onamadu tahiꞌa komeꞌa eꞌe faine vaḡoꞌi. Horonoꞌidene, eḡe zuni onamadu ani mazao kurafine, ihohoꞌi.”
23247	MAT 2:9	Ze Heroda ḡoere igi hauḡirotene, ibio onamiro. Ze ibio onameꞌenogano, ibite madaꞌa iteꞌeteꞌe moneḡa habaꞌano horonirotaꞌaꞌe, eꞌe buzuvaḡaniꞌa bare fureraro. Zeḡeꞌa horonadu matuꞌe rudaro. Ebu buzuva eꞌeꞌa ze ibitozenadu tahiꞌa komeꞌaꞌa radiuꞌeteꞌe habaꞌa ragano tue radiro.
23250	MAT 2:12	Ebu Badiꞌaꞌa iḡunao edeḡa azaḡa ihoziro, raenaꞌa, “Heroda vaḡe ago bare onamoꞌi.” Eꞌanoꞌo zeꞌe ibi ꞌahoganonoꞌo zeḡe haba bare onamiro.
23251	MAT 2:13	Edeḡa azaḡaniꞌa iḡuniroteꞌe enogano Zuhiꞌa Boro tuḡure viganiꞌa iḡunao Iosefa zamao fureraro, raenaꞌa, “Iḡunoꞌi. Ene komeꞌa viꞌeta zamazadu Izipi habaꞌa ferau onamoꞌi. Ebu eꞌea radoꞌi, onamo eḡeꞌa iḡunoꞌi rae ziꞌuma. Mazaḡa kini Herodaꞌa ane uti azaḡa tuḡuzadu ene komeꞌa manoga veize vaḡiꞌuma.”
23253	MAT 2:15	Ebu eꞌea radiro, onamo Herodaꞌa rudaro. Aꞌe Zuhiꞌa Boroꞌa ibite peroveta vazeḡa mazao reiroteꞌe ḡoeꞌaniꞌa hudaro, raenaꞌa, “Izipi habaꞌanonoꞌo eḡe ubude hune ariro.”
23254	MAT 2:16	Kini Herodaꞌe edeḡa azaḡaniꞌa soꞌoniroteꞌe vesuꞌu ederirotene, ani maḡune rudaro. Aniꞌe edeḡa azaḡaniꞌa ihoniroteꞌe madaḡa idunaḡano meꞌodadu eneꞌe muri ꞌaheu heuḡa rae zamariro. Eꞌanoꞌo ane uti azaḡa tuḡuzadu Betelehema neḡa zu uhiḡa habaꞌa niduꞌa zamaḡano ohoze komeꞌa muri ꞌaheuonoꞌo oname guraḡa ḡonaga niduꞌa zimi hauḡiro.
23257	MAT 2:19	Kini Herodaꞌa rudaroteꞌe enogano, Zuhiꞌa Boro tuḡure viga ꞌahoganiꞌa Izipi habaꞌano Iosefa mazao iḡunao fureraro, ninaꞌa,
23260	MAT 2:22	Rehano Akelaoꞌe moga Heroda iḡuri madu Iudea habaꞌa kiniḡa reiroteꞌe igirotene ani Iudea habaꞌa onamogaꞌe riharo. Eꞌanoꞌo iḡunao niroteꞌe idunaḡano, ze Galilea habaꞌa onamiro.
23377	MAT 6:26	Hitanao rafiuꞌeteꞌe niniḡa ḡianoꞌi. Ze ezone mene ḡorauꞌohe, mene hiriveꞌohe, zu ogomuze godogo neḡano mene nuꞌone tiꞌohe. Rehano zae Moze, adureo radiuꞌeteꞌeꞌa, ḡubuzeꞌohe. Zaꞌe nini vitize huneꞌohe.
23463	MAT 9:15	Iesuꞌa ziro, raenaꞌa, “Hahureꞌeteꞌe madaḡano, ohoze hahu iziganiꞌa huzeꞌeteꞌe azaḡaꞌe ane teite ogau tiburaune, ze mene zaḡozaḡeꞌohe. Rehano zeḡe mazaonoꞌo ohoze hahu izigaꞌe mae vaḡiniꞌuma madaḡaniꞌa onaine, zeꞌe vetuḡa ranadu zaḡozaḡiꞌuma.
23485	MAT 9:37	Ebu ani ane tahiꞌatahiꞌa ziro, raenaꞌa, “Hiriveꞌeteꞌe ḡauḡaꞌe ḡehaḡa, rehano gau azaḡaꞌe tahiḡa.
23497	MAT 10:11	Habaꞌahabaꞌa zu neḡaneḡa diuḡine, deꞌea mae ḡihiziꞌuma vazeḡa vaḡoꞌi ebu ane neo radoꞌi onamo eꞌe neḡa mode iḡunoꞌi.
23500	MAT 10:14	Habaꞌa ga neḡa ꞌahoga azaḡaniꞌa zae mene mae ḡihizoꞌidene ga ḡoereze mene egozenoꞌidene, odaze huꞌuruḡa zauhe mode manahadu eꞌe habaꞌa ga neḡa mode iḡunoꞌi.
23509	MAT 10:23	Haba ꞌahogano za sausauzoꞌidene, feranadu haba ꞌahoga onamoꞌi. E hube hune ziꞌohe, za Isaraela habaꞌa niduꞌa izema harame oname hauḡogano, eḡe, Vaze Ubuganiꞌa onaiꞌuma.
23583	MAT 12:25	Iesuꞌa ze nouge rae zamareꞌeteꞌe ederadu ziro, raenaꞌa, “Haba tiba zamaḡano zeḡeꞌa rovotadu utitifone, eꞌe habaꞌaꞌe aneꞌa bare ruiniꞌuma. Ebu neḡa ga ne tiba zamaḡano zeḡeꞌa rovotadu utitifone, neḡa ga ne aꞌe mene edau gigaraꞌuma.
23611	MAT 13:3	Ebu aniꞌa hari idaidaḡa hina ḡau ḡehaḡa ihoziro, raenaꞌa, “Egoꞌi! Hihi vazeḡa ꞌahoganiꞌa mebaḡano ezone ḡora onamiro.
23638	MAT 13:30	Modoꞌi ebu zeḡe tibano ḡuhuriꞌuma oname hiriveꞌeteꞌe madaḡa. Hiriveꞌeteꞌe madaḡano eḡeꞌa hiriveꞌeteꞌe azaḡa ziꞌuma, raenaꞌa, 'Ve geno ibite ḡoroꞌi, ebu tibano utadu hofoꞌi. Hena vuidiꞌe tibano nuꞌonadu eḡe suabao zounoꞌi.'”
23647	MAT 13:39	Agire vazeḡaniꞌa ve ḡorarotaꞌaꞌe Diabolo. Hiriveꞌeteꞌe madaḡaꞌe mada ḡonaḡa, ebu hiriveꞌeteꞌe azaḡaꞌe tuḡure viga.
23653	MAT 13:45	Bare hena, Badiꞌaꞌa ibitoziniꞌetaꞌaꞌe hadi manomano vaḡeꞌeteꞌe vazeḡa heuḡa. Hadi eꞌe moni boro zu iraḡa manoḡa uꞌano, hoitihi radu ragave vaḡiro.
23665	MAT 13:57	Ebu zeꞌa ani hezahoharo. ꞌOugadu Iesuꞌa ziro, raenaꞌa, “Haba nunu niduꞌa zamaḡano vazeꞌa peroveta azaḡa gubazeꞌohe, rehano peroveta azaḡa zeḡe habao zu nezeno daꞌo vazeꞌa mene gubazeꞌohe.”
23667	MAT 14:1	Eꞌe madaḡano Galilea habaꞌa kiniḡa Herodaꞌa Iesu hariḡa igiro.
23669	MAT 14:3	Ibite Herodaꞌa negoḡa, niḡa Filipo, inuga meiro. Inuga niḡaꞌe Herodia. Ebu Ioaneꞌa Heroda mazao barebare niro, raenaꞌa, “Ḡaeꞌa negoḡo inuga meirotaꞌaꞌe Badiꞌa goro variꞌeha.” Eꞌanoꞌo, Herodaꞌa Ioane obone tiro, ebu ḡuꞌa neḡano ohoniro.
23671	MAT 14:5	Herodaꞌa Ioane matihi reiro, rehano aniꞌe vaze ḡuḡuvaḡa rihoziro, mazaḡa zeꞌe Ioaneꞌe peroveta vazeḡa rae mae ḡihiniro.
23672	MAT 14:6	Herodaꞌa fureraroteꞌe madaḡa meirotene, Herodia aboḡaniꞌa vazevaze zamao zavonadu Heroda zama ufeta matuꞌoharo.
23673	MAT 14:7	Eꞌanoꞌo Herodaꞌa ani mazao ḡoitoriro, raenaꞌa, “Ḡa nagini urateꞌetaꞌaꞌe eḡeꞌa ḡaniꞌuma.”
23674	MAT 14:8	Ebu ani viꞌa ḡoere egadu Heroda niro, raenaꞌa, “Ioane Babatiso vadini siuvao ofadu izidi ꞌada enoꞌi.”
23675	MAT 14:9	Eꞌe igirotene, Herodaꞌe zamaḡa adudaro. Rehano aniꞌa eꞌea vaze zamao ḡoitoriroteꞌe ꞌahine, roḡae tahiꞌaḡaniꞌa urateꞌeteꞌe ḡauḡa hanoꞌi rae reiro.
23699	MAT 14:33	Ebu ḡasi rana azaḡaꞌe Iesu niguniro, raenaꞌa, “Hube hune ḡaꞌe Badiꞌa ubuga.”
23701	MAT 14:35	Haba eꞌe azaḡaniꞌa Iesuꞌa onairoteꞌe ederadu ne uhiḡauhiḡa azaḡa niduꞌa veize ḡoere tuḡuriro. Ebu zeḡeꞌa ugi azaḡa niduꞌa Iesu vaḡe tutuze ariro.
23713	MAT 15:11	Hebeo diuḡeꞌeteꞌe ḡauḡaꞌe vaze mene toratoraneꞌohe. Rehano hebeꞌonoꞌo buauꞌeteꞌe ḡauḡaniꞌa vaze toratoraneꞌohe.”
23735	MAT 15:33	Tahiꞌaḡaniꞌa ninaꞌa, “Haba bohaꞌano ꞌada, noumao ogomu ḡehaḡa horonadu vaze ḡuḡuvaḡa ꞌahi ḡubuziꞌuma?”
23794	MAT 17:25	Aniꞌa raenaꞌa, “Oꞌe, eḡe ihore vazeḡaꞌe takesi haḡaeꞌohe.” Peteroꞌa ne diuḡirotene, Iesuꞌa ibite ḡadiniro, raenaꞌa, “Petero, ḡa nouge rae zamareꞌohe? Haba kiniḡaꞌe iniu mazao takesi ufeꞌohe, ani haba azaḡa mazao ga avoꞌa azaḡa mazao?”
23851	MAT 19:20	Ene iziganiꞌa niro, raenaꞌa, “E goro ḡoeꞌa ꞌahi niduꞌa haḡae onaeꞌohe. Hena nagini haḡaiꞌuma?”
23862	MAT 20:1	Iesuꞌa hari idaidaḡa ꞌahoga ziro, raenaꞌa, “Badiꞌaꞌa ibitoziniꞌetaꞌaꞌe hari ꞌahi heuḡa. Haba vazeḡa ꞌahoganiꞌa ane vaini meba veize gauꞌeteꞌe azaḡa vaḡihi radu oherebau uzeuze onamiro.
23874	MAT 20:13	Haba vazeḡaniꞌa zeḡe boꞌaḡano ꞌahoga naenaeniro, raenaꞌa, 'Eḡe vaze, eꞌe mene nae daꞌo badareha. Ḡaꞌe gauadu mada tiba gau moniḡa meꞌuma rae ḡaha.
23892	MAT 20:31	Vaze ḡuḡuvaḡaniꞌa horozadu roziro, raenaꞌa, “Hezoa!” Rehano zeꞌe ufeta ḡihau huaro. “Zuhiꞌa Boro, Davida mariḡa, eme vetuḡafoꞌi!”
23897	MAT 21:2	raenaꞌa, “Zama mone neḡa onamoꞌi. Eꞌe neḡa diuḡine, doniki ꞌahoga ꞌute touga ubuḡeta horoziꞌuma. Horozoꞌidene, fuhiꞌadu eḡe vaḡe odohe aroꞌi.
23928	MAT 21:33	Iesuꞌa bare ziro, raenaꞌa, “Hari idaidaḡa ꞌahoga egoꞌi. Vaze ꞌahoganiꞌa vaini mebaḡa ḡoraro, ebu hadi ḡabiriḡa meraro. Aniꞌa vaini vuḡa gigeꞌeteꞌe ḡauḡa haḡairo zu ehamuꞌeteꞌe taruhaḡa hitanao hadi hina haḡairo. Ebu hihi azaḡa nu ꞌevoreo teadu hiriveꞌeteꞌe madaḡano huga nuꞌe aniꞌa meꞌuma rae reiro. Ebu aniꞌe haba ꞌahoga onamadu mada faḡa ragaviro.
23929	MAT 21:34	Hiriveꞌeteꞌe madaḡa hanitirotene, vaini maḡa nu mouga radu ani tuḡureḡa azaḡaꞌe hihi azaḡa eꞌe vaḡe tuḡuze onamiro.
23931	MAT 21:36	Hena aniꞌa tuḡureḡa azaḡa ibiꞌa vitine ufeta ḡehaḡa ze vaḡe bare tuḡuziro. Ebu zeꞌa tuḡure azaḡa eꞌe mazao haḡai tiba eꞌe bare haḡairo.
23945	MAT 22:4	Ebu aniꞌa tuḡure azaḡa nu ꞌahoga bare tuḡuziro, raenaꞌa, 'Eḡeꞌa huzateꞌe azaḡa ꞌahige zoꞌi. “Zae veize eḡeꞌa mui ruhibeha. Boromakau zu mani igaḡa maneha ebu ḡau niduꞌa ꞌai ruhibeha. Hahu muiḡa uꞌa aroꞌi!”
23957	MAT 22:16	Ebu zeꞌa zeḡe tahiꞌatahiꞌa zu kini Heroda mone azaḡaꞌe Iesu mazao tuḡuziro. Ze ani vaḡe onamadu niro, raenaꞌa, “Ihore vazeḡa, eme edeḡa ḡaꞌe huga daꞌo ḡoereꞌohe zu Badiꞌaꞌa urateꞌeteꞌe ibiḡa hugano daꞌo ihozeꞌohe. Ebu vaze boro zu komeꞌa idaidazadu vaze uꞌano zamaḡo mene haganeꞌohe.
23966	MAT 22:25	Hari ꞌahi zamaroꞌi. Negoḡa niduꞌa fuꞌo ꞌaheu fareꞌa radiunu. Ibiꞌaniꞌa hahuriro ebu ubuga oꞌoꞌano rudaro. Eꞌanoꞌo negoḡa ꞌaheuḡaniꞌa ḡozobaḡa teite hahuriro.
24033	MAT 24:7	Habaꞌa ꞌahoganiꞌa habaꞌa ꞌahoga teite utitiꞌuma, zu gavamani ꞌahoganiꞌa gavamani ꞌahoga teite utitiꞌuma. Haba nunu zamaḡano zagaꞌa hiaꞌuma zu habaꞌa hagareteꞌeꞌa fureraꞌuma.
24080	MAT 25:3	Hahizaḡa azaḡaꞌe ihureze odohiro, rehano ihure vuḡaꞌe mene meiro.
24083	MAT 25:6	Ohere nemanema ze ago ꞌahoḡa igiro, raenaꞌa, 'Hahu ohoze iziganiꞌa feureha! Buanadu mae zounoꞌi!'
24105	MAT 25:28	Hena zuhiꞌaḡaniꞌa niro, raenaꞌa, 'Moni silivaḡa fuseḡa tiba ani mazaonoꞌo bare madu ḡau banana meiroteꞌe vazeḡa hanoꞌi.
24109	MAT 25:32	Haba azaḡa niduꞌa eḡe zamao nuꞌozadu vaze rovoziꞌuma. Aꞌe mamoe taufeꞌeteꞌe vazeḡaniꞌa mamoe goutiꞌonoꞌo rovozeꞌeteꞌe teigiꞌuma.
24161	MAT 26:38	Hena ani zinaꞌa, “Eꞌe zamahe are rudauꞌohe. ꞌAdao radadu eḡe teite evate radoꞌi.”
24191	MAT 26:68	ebu raenaꞌa, “Hei, Keriso! Iniuꞌa faꞌoꞌeha efoꞌi.”
24196	MAT 26:73	Mene mada faḡa enogano, eꞌea edaroteꞌe azaḡaniꞌa Petero vaḡe onaadu niro, raenaꞌa, “Hube ḡa zuni ane tahiꞌa ꞌahoga, mazaḡa ḡae ago iraḡaꞌe Galiliea habaꞌa ago iraḡa.”
24206	MAT 27:8	Eꞌanoꞌo haba eꞌe, 'Ru Habaꞌa' rae hunadu izidi zuni deꞌuge rae huneꞌohe.
24220	MAT 27:22	Ebu Pilatoꞌa ḡadizenaꞌa, “Hena Keriso raeꞌeteꞌe vazeḡa, Iesuꞌe nougiꞌuma?” Zeḡe niduꞌa raenaꞌa, “Satauronoꞌi!”
24252	MAT 27:54	Roma uti azaḡa ḡihiꞌaḡa zu ane uti azaḡa Iesu taufe radirotaꞌaꞌe rahaꞌa hagariroteꞌe zu naginiꞌa deꞌea fureraroteꞌe horonirotene, ze rihau rudaro, ebu raenaꞌa, “Hube hune vaze adiꞌe Badiꞌa Ubuga!”
24287	MRK 1:3	Haba bohaꞌanonoꞌo, rae huauꞌohe. “Zuhiꞌa Boro* ibi faine haḡae toꞌi! Ane ibi mae dudunoꞌi!” '
24299	MRK 1:15	'Badiꞌaꞌa reiroteꞌe madaḡa ꞌai feureha. Badiꞌaꞌa gigiꞌa iziga hina ibito ziniꞌeteꞌe* madaḡa ꞌai haniteha. Haḡai sauꞌa sauꞌa modoꞌi ebu Badiꞌa hari manoḡa mae ḡihinoꞌi!'
24304	MRK 1:20	Horozirotene, huziro. Ebu zeḡe moze Zebedeoꞌe ḡasi rana mode onairo. Aneꞌa meiroteꞌe azaḡa teite muhize onairo. Ebu Iesu ḡarunio hegote onamiro.
24321	MRK 1:37	Horonirotene, ꞌahige rae niro. 'Vaze niduꞌa ḡa vaḡeꞌohe.'
24348	MRK 2:19	Iesuꞌa ziro. ꞌAhige reiro. 'Zamaroꞌi! Hahureꞌeteꞌe madaḡano, ohoze hahu izigaꞌa, aneꞌa huzeꞌeteꞌe vazeḡa teite ogauꞌeteꞌe zamaḡano, ze zaḡozaḡiꞌuma ga mene? Zeḡeꞌa ohoze hahu iziga teite radiuꞌeteꞌe madaḡano mene zaḡozaḡiꞌuma.
24363	MRK 3:6	Eꞌebone, Farisea azaḡa ai Iuda kuru neḡanonoꞌo buau ḡouriro. Ebu Heroda teite rauꞌeteꞌe azaḡa teite nuꞌoranadu, Iesu manoga ibiḡa vaḡido.
24385	MRK 3:28	Hubehune eḡeꞌa ziꞌohe. vaze sauꞌ a niduꞌ a ebu Badiꞌ a rae sausauneꞌ eteꞌ e ḡoeꞌ a zu Badiꞌ aꞌ a rae modiꞌ uma.
24395	MRK 4:3	'Egoꞌi! Hihi vazeḡa ꞌahoganiꞌa mebaḡano ezone ḡora onamiro.
24400	MRK 4:8	Rehamo ezone nuꞌe haba manoḡano buarotaꞌaꞌe, faine ḡuhuriro. Faine bororaro, ebu faine hudaro. Hudarotene, nuꞌe huga ḡae uḡidu gaubanana (30) haḡairo. Nuꞌe huga ḡae fuꞌo tu tiba fare gaubanana (60) haḡairo. Nuꞌe huga ḡae gaubanana gaubanana (100) haḡairo.'
24421	MRK 4:29	Huganiꞌa hudauꞌetene, kari hina variꞌeꞌohe, mazaḡa hiriveꞌeteꞌe madaḡaniꞌa feuraꞌahi.'
24431	MRK 4:39	Ebu Iesuꞌa evatadu zavara riḡa ḡoeriro, ebu saꞌu niro. 'Ago haḡaoꞌi! Ago hagaroꞌi!' Zavaraꞌa dauḡiro. Hagani oꞌoꞌa ebu ḡokeni oꞌoꞌa.
24434	MRK 5:1	Iesu ebu ane tahiꞌa tahiꞌaniꞌa, Galilea duꞌuraḡa mone afao feuriro. Haba niḡa Gerasa, eꞌa feuriro.
24487	MRK 6:11	Haba ꞌahogano ne azaḡa mene mae zouzadu, mene ego zenoꞌidene, haba modoꞌi, odaze huꞌuruḡa fode buno zenoꞌi, zeꞌa nagini haḡaateꞌe ederoga veize.'
24490	MRK 6:14	Zuhiꞌa Heroda*ꞌa Iesu hariḡa igiro, mazaḡa Iesu niḡa vaze ḡehaḡaniꞌa ederiro. Vaze nuꞌe ꞌahige reiro. 'Ioane Babatisoꞌa runeonoꞌo bare ḡabodiro. Eꞌebanoꞌo aniꞌa gigiꞌa inaraḡa hina ꞌahige haḡaeꞌohe.'
24492	MRK 6:16	Rehano Heroda aniꞌa eꞌe igirotene, ꞌahige reiro. 'Eḡeꞌa radu, ꞌunuḡa variꞌe riꞌiroteꞌe vazeḡa, niḡa Ioane, aneꞌa bare ḡabodiro.'
24493	MRK 6:17	Ibite Herodaꞌa negoḡa, niḡa Filipo, inuga meiro. Inuga niḡaꞌe Herodia. Ebu Ioaneꞌa ani mazao bare bare niro, raenaꞌa, “Ḡaeꞌa negoḡo inuga meirotaꞌaꞌe Badiꞌa goro variꞌeha.” Eꞌanoꞌo, Herodaꞌa vaze tuḡunadu Ioane obone tiro, ebu ḡuꞌano ohoniro.
24495	MRK 6:19	Eꞌanoꞌo Firifo inuga Herodiaꞌa Ioane maḡunoharo, ebu matihi reiro. Rehano mene idararo.
24496	MRK 6:20	Mazaḡa Herodaꞌe Ioane rihonadu, tuḡaniro. Heroda ani edeḡa, Ioane ani haḡai manoḡa haḡaeꞌeteꞌe vazeḡa, zu gigiꞌa vazeḡa. Eꞌanoꞌo manoga mene uratiro. Heroda ani Ioane haramo igirotene, adaꞌadaniro, rehano matuꞌiro.
24497	MRK 6:21	Rehano madaḡa ai onairo. Herodaꞌa fureraroteꞌe madaḡa zamariroteꞌea, ogomu boro haḡairo. Ebu ne zuhiꞌaḡa zuhiꞌaḡa, zuni uti ḡihiꞌaḡa ḡihiꞌaḡa, ebu Galilea haba vaze boro boro* huziro, onaoga veize.
24498	MRK 6:22	Eꞌe zamaḡano Herodia aboḡaniꞌa diuḡiꞌ onaadu, zavonirotene, Heroda zuni eꞌea ehoriroteꞌe azaḡa matuꞌiro. Ebu Herodaꞌa roḡae tahiꞌaḡa niro. ꞌAhige reiro. 'Ḡa nagini urateꞌeteꞌe toheḡa umidoꞌi! Eḡeꞌa ḡaniꞌuma.'
24501	MRK 6:25	Ebu roḡae tahiꞌaḡaniꞌa Heroda vaḡe ḡarihe bare onamiro. Ebu ꞌahige reiro. 'Ioane Babatiso vadiga siuvao teadu, izidi ꞌada inine manoḡa.'
24502	MRK 6:26	Eꞌe igirotene, Heroda aniꞌe zamaḡa adudaro, zuni zamaḡa ariro. Rehano aniꞌa hubehune rae niroteꞌe uꞌano, zuni eꞌe igiroteꞌe azaḡa uꞌano, ane ḡoere variꞌoga mene uratiro.
24508	MRK 6:32	Hena zeḡe daꞌo ḡasi hina vaze oꞌoꞌa habaꞌa onamiro.
24515	MRK 6:39	Hena Iesuꞌa ane tahiꞌa tahiꞌa ziro, vaze niduꞌa ve ragano ꞌaꞌane ꞌaꞌane ehoroga rae.
24541	MRK 7:9	Hena bare zinaꞌa, 'Zaꞌe Badiꞌa goro ḡoeꞌa zamare doḡoꞌarauꞌenaꞌa, enonaniꞌohe, zae ibiꞌa azaḡaꞌa ihozidoteꞌe ḡoeꞌa daꞌo obone radoga veize.
24552	MRK 7:20	Hena bare ziꞌenaꞌa, 'Zamaonoꞌo buaꞌ onaeꞌeteꞌe ḡauḡaniꞌa, vaze sausauneꞌohe.
24573	MRK 8:4	Ebu tahiꞌaḡaniꞌa ane ḡadiniro. 'Haba bohaꞌano ꞌada, noumao ogomu ḡehaḡa horonadu, ꞌahi duḡuru ḡubuziꞌuma?'
24584	MRK 8:15	Iesuꞌa iraduguzenaꞌa ꞌahige reiro. 'Faine ḡianoꞌi! Heroda zu Farisea azaḡa |iisiti|r ḡianoꞌi!'
24610	MRK 9:3	Zuni dabuaḡaniꞌa ꞌuranadu, vazavazahiro. Haba niduꞌa zamaḡano vazeꞌa mene ꞌouge vuzuꞌe deheneꞌohe.
24625	MRK 9:18	Vine sauꞌaniꞌa agatiniꞌetene, rahao mae feuneꞌohe. Hebeꞌanonoꞌo busureꞌohe. Ḡonoga atiteꞌohe, ebu ahiꞌaniꞌa taiduꞌohe. E ḡae tahiꞌa tahiꞌa mazao, vine sauꞌa hegone bunoga veize ḡadimana rehano, ze hegone bunihi ra, rehano mene idaraneha.'