23223	MAT 1:10	Hezekiaꞌe Manase moga, Manaseꞌe Amono moga, Amonoꞌe Iosia moga.
23228	MAT 1:15	Eliudaꞌe Eleazara moga, Eleazaraꞌe Matana moga, Matanaꞌe Iakobo moga.
23229	MAT 1:16	Iakoboꞌe Iosefa moga ebu Iosefa inugaꞌe Maria. Mariaꞌa Keriso rae huniroteꞌe vazeḡa, Iesu fureniro.
23231	MAT 1:18	Iesu Kerisoꞌe ꞌahige fureraro. Ani viꞌa Mariaꞌe Iosefa iraꞌauḡa. Anianine izema hahurogano, Vine Zaḡoḡaonoꞌo Mariaꞌe ahiꞌeta reiro.
23232	MAT 1:19	Maria iꞌa, Iosefaꞌe haḡai duduḡa vazeḡa, eꞌanoꞌo hunihunio Maria mene mazagaronihi radu ani sifu tuḡune modiꞌuma rae zamariro.
23233	MAT 1:20	Ani ꞌouge rae zamarirotene, Zuhiꞌa Boro tuḡure viga ꞌahoganiꞌa iḡunao fureraro. Ebu raenaꞌa, “Iosefa, Davida mariga! Maria teite hahuroga ago rihanoꞌi. Mazaḡa Mariaꞌe Vine Zaḡoḡaonoꞌo ene teha.
23234	MAT 1:21	Aniꞌe ubuga ꞌahoga furenoꞌidene, ani niḡaꞌe Iesu rae turahoꞌi. Mazaḡa aniꞌe ane vaze sauꞌazenonoꞌo ḡaboziꞌuma.
23237	MAT 1:24	Iosefaꞌa bazunanoꞌo evatirotene, Zuhiꞌa Boro tuḡure vigaꞌa ḡoere niroteꞌe idunaḡano haḡaadu inuga Maria zamaharo.
23238	MAT 1:25	Rehano Iosefaꞌa Maria teite tibano mene bazido, onamo ubuga fureniro. Ebu ubuga niḡaꞌe Iesu rae turahiro.
23240	MAT 2:2	“Iuda azaḡa kini raꞌeteꞌe vazeḡaꞌe mouma fureraneha? Mazaḡa eme madaꞌa iteꞌeteꞌe moneḡa habaꞌano buzuva ꞌahoga horoniro. Aꞌe kiniḡaniꞌa fureranateꞌe tahiḡa radu ani mazao kuranoga veize areha.”
23242	MAT 2:4	Eꞌanoꞌo Herodaꞌa dibuꞌo azaḡa ḡihiꞌaḡa niduꞌa zu Mose goro ḡoeꞌa ihozeꞌeteꞌe azaḡa niduꞌa nuꞌozadu ḡadiziro, raenaꞌa, “Keriso aniꞌe noumao fureraꞌuma?”
23243	MAT 2:5	Zeḡeꞌa naenaeninaꞌa, “Aniꞌe Iudea habaꞌano Betelehema neḡano fureraꞌuma. Mazaḡa peroveta vazeḡaꞌe ꞌahige mirihiro, raenaꞌa,
23244	MAT 2:6	'O Iudea habaꞌano Betelehema neḡa, ḡaꞌe Iudea neḡa boroboro zamaḡano mene zuhuꞌa. Mazaḡa ḡaeꞌonoꞌo ibitoziniꞌeteꞌe vazeḡa ꞌahoganiꞌa onaiꞌuma. Aniꞌe, mamoe taufeꞌeteꞌe teige, Isaraela azaḡa, Badiꞌa vaze ibitoziniꞌuma zu taufiꞌuma.'”
23249	MAT 2:11	Zeḡeꞌa ne zamaḡa diuḡiro ebu tahiꞌa komeꞌaꞌe viꞌa Maria teite radiuꞌeteꞌe horoniro. Edeḡa azaḡaniꞌa ḡuḡuradu Iesu matuꞌo haro. Ebu ꞌumaze ḡau manomanoḡeta fuhiꞌadu ḡahuno nu ani haro. Aꞌe golo, ꞌuvahu hohoḡa manoḡa ebu murava hohoḡa manoḡa.
23251	MAT 2:13	Edeḡa azaḡaniꞌa iḡuniroteꞌe enogano Zuhiꞌa Boro tuḡure viganiꞌa iḡunao Iosefa zamao fureraro, raenaꞌa, “Iḡunoꞌi. Ene komeꞌa viꞌeta zamazadu Izipi habaꞌa ferau onamoꞌi. Ebu eꞌea radoꞌi, onamo eḡeꞌa iḡunoꞌi rae ziꞌuma. Mazaḡa kini Herodaꞌa ane uti azaḡa tuḡuzadu ene komeꞌa manoga veize vaḡiꞌuma.”
23258	MAT 2:20	“Iḡunoꞌi. Tahiꞌa komeꞌa viꞌeta Isaraela habaꞌa tutuze onamoꞌi. Mazaḡa tahiꞌa komeꞌa matihi reiroteꞌe azaḡa ꞌai rudau hauḡeha.”
23270	MAT 3:9	Ebu ago ꞌahige zamaroꞌi, 'Emeꞌe Aberahamo mariga, eꞌanoꞌo Badiꞌaꞌa mene maḡunofiꞌuma.' Mazaḡa, e ziꞌohe, Badia'a hadi ꞌadi hina Aberahamo mariga haḡaine zuni idaḡa.
23273	MAT 3:12	Maho hiriveꞌeteꞌe madaḡano, vazeꞌa kari hina rouḡa tenadu maho huꞌiꞌohe, ebu iguḡa manoneꞌohe zu meba hare deheneꞌohe. Ebu hugaꞌe nuꞌonadu suaba zamaḡano tiꞌohe, rehano iguḡaꞌe mene vidauꞌeteꞌe ire rogaḡano hufi haoneꞌohe. Eꞌe teige, Badiꞌaꞌa vazevaze rovoziꞌuma.”
23282	MAT 4:4	Rehano Iesuꞌa naenaeniro, raenaꞌa, “Mene! Buka Zaḡoḡano ꞌahige mirihiro, raenaꞌa, 'Vaze'e beredio da'o mene ḡabode radi'uma, rehano Badiꞌa hebeꞌonoꞌo buauꞌeteꞌe ḡoeꞌa niduꞌao ḡabode radiꞌuma.'”
23284	MAT 4:6	Ebu aniꞌa niro, raenaꞌa, “Ḡaꞌe Badiꞌa Ubuga roꞌidene, rafatoꞌi! Mazaḡa Buka Zaḡoḡano ꞌahige mirihiro, raenaꞌa, 'Badi'aꞌa dana'oga veize ane tuḡure viga ḡae vaḡe tuḡuziꞌuma. Ze'a ꞌevoreze hina mae ḡihi'i'uma ꞌahine, ḡae odaꞌe hadio mene tutuhaꞌuma.'”
23285	MAT 4:7	Iesu'a naenaeninaꞌa, “Mene! Buka Zaḡoḡano ꞌahige mirihiro, raenaꞌa, 'Zuhiꞌa Boro ḡae Badi'a ago tuhuno'i.'”
23288	MAT 4:10	Iesuꞌa ninaꞌa, “Mene! Eḡe mazaonoꞌo vaḡinoꞌi! Buka Zaḡoḡano ꞌahige mirihiro, raenaꞌa, 'Zuhiꞌa Boro ḡae Badi'a mazao da'o kuranohano'i, zu ane veize daꞌo gauoꞌi.'”
23296	MAT 4:18	Mada ꞌahogano Iesuꞌa Galilea duꞌuraḡa genaḡano onameꞌenogano, vaze ꞌaheu horoziro. Zeꞌe ḡozone mauꞌeteꞌe azaḡa. Vaze tibaꞌe Simona, niḡa ꞌahogaꞌe Petero, ebu negoḡa Anderea. Ze duꞌurao reꞌeva feune radiunu.
23317	MAT 5:14	Zaꞌe, eḡe hegoteꞌeteꞌe azaḡa, raha ꞌada aganeꞌeteꞌe ihure agaḡa heuḡa. Maḡa hitagano radiuꞌeteꞌe neḡa boroꞌe ꞌuꞌuranoga mene idaḡa.
23319	MAT 5:16	Ihure agaḡaniꞌa vaze niduꞌa agazeꞌeteꞌe teige, zae haḡai manoḡa vaze mazao ago uꞌure toꞌi, rehano furenoꞌi. ꞌOugine, vazeꞌa zae haḡai manoḡa horonadu Moze adureo niguniꞌuma.
23320	MAT 5:17	Zaꞌe, eḡeꞌa Mose goro ḡoeꞌa zu peroveta azaḡa ḡoere fahoga radu onairo rae ago zamaroꞌi. Eꞌe zeḡe ḡoereꞌa hudanoga veize onairo.
23321	MAT 5:18	E hube hune ziꞌohe, adure zu raha izema dauḡogano Mose goro ḡoeꞌa mirihoḡa komeꞌa fase zuni mene dauḡiꞌuma, rehano goro ḡoeꞌa niduꞌaꞌe hudaꞌuma.
23322	MAT 5:19	Eꞌanoꞌo iniuꞌa Mose goro ḡoeꞌa komeꞌa ꞌahoga zuni variꞌine ebu vaze ꞌouge ihozine, aniꞌe Badiꞌaꞌa ibitoziniꞌeteꞌe azaḡa boꞌaḡano niḡa mae ovoiꞌuma. U iniuꞌa goro ḡoeꞌa tihitihinine ebu vaze ꞌouge ihozine, aniꞌe Badiꞌaꞌa ibitoziniꞌeteꞌe azaḡa boꞌaḡano niḡa mae itiꞌuma.
23323	MAT 5:20	E ziꞌohe, zaꞌa Badiꞌa ḡoere hegoteꞌetaꞌaꞌe, Mose goro ḡoeꞌa ihozeꞌeteꞌe azaḡa zu Farisea azaḡa haḡaiḡa mene vitizine, Badiꞌaꞌa za mene ibitoziniꞌuma.
23328	MAT 5:25	Ḡaꞌe vaze ꞌahoga moni madu mene bare haune, aniꞌa ḡae kotao ohoꞌihi radu ani teite kota onamiꞌuma. Eꞌe madaḡano ḡanine ge ibio uniho manofoꞌi. Mene ꞌougine, aniꞌa ḡa kota vazeḡa ꞌevorao ohoꞌiꞌuma, ebu ḡuꞌa neḡa taufeꞌeteꞌe vazeḡa ꞌevorao ohoꞌadu ḡuꞌa neḡano ohoꞌiꞌuma.
23330	MAT 5:27	Zaꞌe edeḡa, Mose goro ḡoeꞌano ꞌahige reiro, raenaꞌa, 'Ubuma ago ḡezanoꞌi.'
23332	MAT 5:29	Ḡae edaꞌe ubumaḡaniꞌa haḡai sauꞌa haḡaoꞌidene, eꞌe ubumaḡa ḡude modoꞌi. Mazaḡa ahiriḡo tahiḡa modeꞌetaꞌaꞌe aduga komeꞌa, u ahiriḡo niduꞌa ire roga zamaḡano mae feuꞌeꞌetaꞌaꞌe ufeta aduga boro.
23333	MAT 5:30	Ebu ḡae edaꞌe ꞌevoꞌaniꞌa haḡai sauꞌa haḡaoꞌidene, eꞌe ꞌevoꞌaꞌe variꞌe modoꞌi. Mazaḡa ahiriḡo tahiḡa modeꞌetaꞌaꞌe aduga komeꞌa, u ahiriḡo niduꞌa ire roga zamaḡano mae feuꞌeꞌetaꞌaꞌe ufeta aduga boro.
23334	MAT 5:31	Za edeḡa, Mose goro ḡoeꞌano ꞌahige reiro, raenaꞌa, 'Iniuꞌa inuga modoꞌidene, aniꞌa ihore soꞌaḡa mirihadu inuga hanoꞌi.'
23340	MAT 5:37	Zaeꞌa nagini ꞌahoga haḡaiꞌuma roꞌidene, 'Oꞌe, e haḡaiꞌuma', ga 'Mene, e mene haḡaiꞌuma' daꞌo rae roꞌi. Ḡoere ꞌahogaꞌahoga ragatine, aꞌe Sataniꞌonoꞌo fureruꞌohe.
23341	MAT 5:38	Zaꞌe edeḡa Mose goro ḡoeꞌano ꞌahige reiro, raenaꞌa, 'Vaze ꞌahoganiꞌa ḡae ubuma sausaunoꞌidene ga ḡae ḡonone vahegoꞌidene, vazeḡa eꞌe ubuma zu sausaunoꞌi ebu ane ḡonone zu vahegoꞌi.'
23346	MAT 5:43	Zaꞌe edeḡa Mose goro ḡoeꞌano ꞌahige reiro, raenaꞌa, 'Ḡae nabudi zamaroꞌi, ebu ḡae agire vazeḡa heꞌeheꞌenoꞌi'
23348	MAT 5:45	ꞌOugine, zaꞌe Moze adureo ani ubuga rae reꞌuma. Mazaḡa Mozeꞌe vaze manoḡa zu sauꞌa veize idane mada aganoziniꞌohe, ebu vaze haḡai duduḡa zu veꞌoḡa veize idane irugu tuḡunadu ruꞌauꞌohe.
23352	MAT 6:1	Ḡianoꞌi, zaꞌe vazeꞌa ḡianoga veize vaze zamao haḡai manoḡa ago haḡaoꞌi, mazaḡa zae Moze adureo naeḡa mene ziniꞌuma.
23355	MAT 6:4	Vaze ꞌahoganiꞌa mene ederoga veize sifu kaḡuso hanoꞌi. ꞌOugine, Mozeꞌa zaꞌa sifu haḡateꞌe haḡaiḡa horonadu naeḡa ziniꞌuma.
23356	MAT 6:5	Zaꞌe kuranoꞌidene, zama guhi azaḡa teige ago kuranoꞌi. Mazaḡa zeꞌe vazeꞌa horozoga veize nuꞌonuꞌo neḡano zu ibi boro ḡenaḡano edauꞌenaꞌa, kuranoga urateꞌohe. E hube hune ziꞌohe, ze naeḡa niduꞌa mae hauḡiro.
23357	MAT 6:6	Zaꞌe kuranoꞌidene, bazuni habaꞌa diuḡadu ibiheta haranadu Moze, zaꞌa horonoga mene idaḡa raꞌetaꞌaꞌe, mazao kuranoꞌi. ꞌOugine, zaꞌa sifu haḡateꞌe haḡaiḡa Mozeꞌa horonadu naeḡa ziniꞌuma.
23358	MAT 6:7	Ebu za kuranoꞌidene, Badiꞌa aḡuꞌa azaḡa teige, huga oꞌoꞌa ḡoeꞌa hina ago barebare kuranoꞌi. Mazaḡa zeꞌe ḡoere ḡehaḡa hina kuraune, Badiꞌaꞌa igiꞌuma rae zamareꞌohe.
23359	MAT 6:8	Ze ago hegotoꞌi, mazaḡa Mozeꞌe zaeꞌa izima umidogano nagini urateꞌetaꞌaꞌe edeḡa.
23360	MAT 6:9	Eꞌanoꞌo ꞌahige kuranoꞌi: Emeḡe Mama adureo, eme umiꞌeꞌohe, vazeꞌa ḡae gubaꞌeꞌenaꞌa ḡa niḡoꞌe zaḡoḡa reꞌuma,
23365	MAT 6:14	Zaeꞌa vaze sauꞌa rae modine, zae Moze, adureo radiuꞌeteꞌeꞌa, zae sauꞌa zuni rae modiꞌuma.
23366	MAT 6:15	Rehano zaeꞌa vaze sauꞌa mene rae modine, zae Mozeꞌa zuni zae sauꞌa mene rae modiꞌuma.
23369	MAT 6:18	ꞌOugine, vazeꞌa zaꞌe zaḡozaḡeꞌeteꞌe mene ederiꞌuma. U zaꞌa horonoga mene idaḡa raꞌetaꞌaꞌe, Moze daꞌo ederiꞌuma. Ebu Mozeꞌa zaꞌa sifu haḡaateꞌe haḡaiḡa horonadu naeḡa ziniꞌuma.
23372	MAT 6:21	Mazaḡa zaꞌa ḡauze manomano nouma tine, zamaroneze zu deꞌea tiꞌuma.
23376	MAT 6:25	Eꞌanoꞌo e ziꞌohe. Zae ḡabone veize nagi ogomu aꞌuma ga nagini gagiꞌuma ebu ahirize veize nagi dabua vidiꞌuma rae ago zamare adudanoꞌi. Mazaḡa ḡabone zu ahiriꞌe ogomu zu dabua vitinoga.
23377	MAT 6:26	Hitanao rafiuꞌeteꞌe niniḡa ḡianoꞌi. Ze ezone mene ḡorauꞌohe, mene hiriveꞌohe, zu ogomuze godogo neḡano mene nuꞌone tiꞌohe. Rehano zae Moze, adureo radiuꞌeteꞌeꞌa, ḡubuzeꞌohe. Zaꞌe nini vitize huneꞌohe.
23378	MAT 6:27	Zae boꞌaḡano iniuꞌe zamare adudaune, ḡaboneꞌa tahiḡa nu faraꞌumahe? Mene.
23383	MAT 6:32	Badiꞌa aḡuꞌa azaḡaniꞌa ꞌahiguḡa niduꞌa vaḡeꞌohe. Zae Moze, adureo radiuꞌetaꞌaꞌe, zaꞌa eꞌe ḡauḡa urateꞌetaꞌaꞌe edeḡa.
23385	MAT 6:34	Eꞌanoꞌo za ohoḡore veize ago zamare adudanoꞌi. Mazaḡa ohoḡore gauḡaꞌe ohoḡoruꞌu zamariꞌuma. Izidiꞌe izidi aduga daꞌo zamariꞌuma.
23387	MAT 7:2	Mazaḡa zaeꞌa ḡau ꞌahoga moneo vaze mazao sauꞌa rae reine, eꞌe moneo Badiꞌaꞌa zuni zaꞌe sauꞌa reꞌuma. Zaꞌa vaze mazao nagini haḡaine, Badiꞌaꞌa zae mazao ꞌouge haḡaiꞌuma.
23396	MAT 7:11	Zaꞌe sauꞌa azaḡa rehano, ḡau manomano ubudeze zenoga urateꞌohe. Eꞌe teige, zae Moze, adureo radiuꞌetaꞌaꞌe, ane mazao umideꞌeteꞌe azaḡa hube hune ḡau manoḡa ziniꞌuma.
23397	MAT 7:12	Eꞌanoꞌo vazeꞌa zae mazao haḡai manoḡa haḡaeꞌeteꞌe uratoꞌidene, zae zuni zeḡe mazao haḡai manoḡa haḡaoꞌi. ꞌAdiꞌe Mose goro ḡoeꞌa zu peroveta azaḡaniꞌa ihoziroteꞌe ḡoeꞌa raꞌohe.
23398	MAT 7:13	Ibiheta kokosiḡano diuḡoꞌi. Mazaḡa runeo diuḡiteꞌe ibiḡa ibihetaḡaꞌe rafaḡa zu boro, eꞌanoꞌo eꞌe ibiḡano diuḡeꞌeteꞌe azaḡaꞌe ḡehaḡa.
23404	MAT 7:19	Maḡa manoḡa mene iniꞌeteꞌe ireḡa niduꞌaꞌe udi modeꞌohe ebu ire rogao hufi haoneꞌohe.
23406	MAT 7:21	Eḡe mazao, 'Zuhia Boro, Zuhia Boro,' rae huheꞌeteꞌe azaḡa mene niduꞌaꞌe Badiꞌaꞌa ibitoziniꞌuma. Rehano eḡe Mama, adureo radiuꞌeteꞌeꞌa urateꞌeteꞌe haḡaiḡa haḡaeꞌeteꞌe vazeḡaniꞌa daꞌo ibitohaꞌuma.
23414	MAT 7:29	Mazaḡa Mose goro ḡoeꞌa ihozeꞌeteꞌe azaḡa teige mene ihoziro, rehano Badiꞌa gigiꞌa hina ihoziro.
23418	MAT 8:4	Ebu Iesuꞌa ninaꞌa, “Vaze ꞌahoga ago noꞌi. Rehano dibuꞌo vazeḡa vaḡe onamadu ahiꞌo ihonoꞌi! Ebu ḡaeꞌa manorateꞌe vazeꞌa ederifine, Moseꞌa reiroteꞌe gahunoḡa mae onamadu Badiꞌa dibuꞌo hanoꞌi.”
23423	MAT 8:9	Mazaḡa eꞌe zuni vaze ꞌahoga ꞌuꞌuḡano gaueꞌohe, zu eḡe uti azaḡaꞌe eḡe ꞌuꞌuḡano gaueꞌohe. Eḡeꞌa vaze ꞌahi ninaꞌa, 'Onamoꞌi' reine, aniꞌe onameꞌohe, ebu ꞌahoga omo ninaꞌa, 'Aroꞌi' reine, aniꞌe areꞌohe. Eḡeꞌa eḡe tuḡure vazeḡa ꞌahoga ninaꞌa, 'ꞌAdi haḡaoꞌi' reine, aniꞌe haḡaeꞌohe.”
23433	MAT 8:19	Eꞌe madaḡano Mose goro ḡoeꞌa ihozeꞌeteꞌe vazeḡa ꞌahoganiꞌa Iesu vaḡe onaadu niro, raenaꞌa, “Ihore vazeḡa, ḡaeꞌa noꞌe onamine, e ḡae hegotiꞌuma.”
23451	MAT 9:3	ꞌOugirotene, Mose goro ḡoeꞌa ihozeꞌeteꞌe azaḡa nuꞌe zeḡeꞌa bare zamariro, raenaꞌa, “Vaze ꞌadiꞌe ane bare Badiꞌa rae rahehe? Badiꞌa ni rae sausauneꞌohe!”
23457	MAT 9:9	Iesuꞌa eꞌeanoꞌo ibio onamiro. Ebu vaze ꞌahoga niḡa Mataioꞌa takesi habaꞌano ehoreꞌenogano horoniro. Ebu Iesuꞌa niro, raenaꞌa, “Eḡe hegotoꞌi.” ꞌOugirotene ani iḡunadu Iesu hegotiro.
23458	MAT 9:10	Iesuꞌa Mataio neo ogaroteꞌe madaḡano, takesi azaḡa zu haḡai sauꞌa azaḡa ḡehaḡaniꞌa Iesu zu ane tahiꞌatahiꞌa teite ogau tiburaro.
23469	MAT 9:21	Mazaḡa aniꞌe zamareꞌenaꞌa, 'Eꞌa dabuaḡa tahiḡa obonine manoriꞌuma.'
23489	MAT 10:3	Filipo, Batolomeo, Tomasi, takesi vazeḡa Mataio, Alefeo ubuga Iakobo, Tadeo,
23495	MAT 10:9	Moni niharazeo ago odohoꞌi.
23505	MAT 10:19	Rehano noꞌe madaḡano zeꞌa kotao obozetoꞌidene, zaeꞌa nagini reꞌuma ga nougenouge reꞌuma moneo ago zamare borofoꞌi. Mazaḡa eꞌe madaḡano zaꞌa reꞌuma ḡoeꞌaꞌe ihoziꞌuma.
23506	MAT 10:20	Ḡoeꞌazeꞌe mene zae mazaonoꞌo, rehano Moze viganiꞌa zae mazaonoꞌo ḡoeriꞌuma.
23518	MAT 10:32	Iniuꞌa vaze ubumao eḡe moneo edaune, eḡeꞌa zuni adureo Mamahe ubumao ane moneo edaꞌuma.
23519	MAT 10:33	Rehano iniuꞌa vaze ubumao e oꞌohine, eḡeꞌa zuni adureo Mamahe ubumao ani oꞌoniꞌuma.
23535	MAT 11:7	Ioane tahiꞌaꞌa iḡunirotene, Iesuꞌa Ioane moneo vaze ḡuḡuvaḡa ziro, raenaꞌa, “Za vaze nagiḡa horonoga veize haba bohaꞌa onamiro? Zavaraꞌa Imi veḡa hudi naeninaeniꞌeteꞌe horonoga radu onamirohe? Mene.
23536	MAT 11:8	ꞌOugadu za vaze nagiḡa horonoga veize onamiro? Dabua manomano vidauꞌeteꞌe vazeḡahe? Mene. Dabua manomano vidauꞌeteꞌe azaḡaꞌe kini neo radiuꞌohe.
23541	MAT 11:13	Ioane Babatisoꞌa izema onairoteꞌe madaḡano, peroveta azaḡa zu Mose goro ḡoeꞌaꞌe Badiꞌaꞌa ibitoziniꞌetaꞌaꞌe ihoziro.
23551	MAT 11:23	Kaperanauma azaḡa, za Badiꞌa habaꞌao gubaziꞌuma rae zamareꞌehe? Mene! Zaꞌe rune habaꞌano mae feuziꞌuma. Zae mazao haḡairoteꞌe haḡai gigiꞌaḡa Sodoma azaḡa mazao haḡaifo reifone, zeꞌe sauꞌaꞌonoꞌo ḡihuradu izidi ize radiuꞌefo.
23553	MAT 11:25	Eꞌe madaḡano Iesuꞌa kuraro, raenaꞌa, “Mama, ḡaꞌe adure zu raha Zuhiꞌaḡa. E niguꞌeꞌohe, mazaḡa ḡaeꞌa huhuzaḡa zu edeḡa boro azaḡa mazao huga ꞌahi uꞌuꞌrutiro. Rehano tahiꞌa teige, edeḡa oꞌoꞌa rae zamareteꞌe azaḡa mazaoꞌe fureniro.
23554	MAT 11:26	Mama, a hube, ꞌouge haḡairotaꞌe ḡaeꞌa urateꞌeteꞌe ḡauḡa.”
23555	MAT 11:27	Ebu aniꞌa vaze ziro, raenaꞌa, “Eḡe Mamaꞌa ḡau niduꞌa eḡe iniro. Vaze ꞌahogaꞌe eꞌe aḡuꞌa, rehano eḡe Mama daꞌo edeḡa. Ebu vaze ꞌahogaꞌe eḡe Mama aḡuꞌa, rehano eḡe, Ane Ubuga daꞌo edeḡa. Ebu e eḡe Mama moneo ihozoga veize ohoteꞌeteꞌe azaḡa daꞌo eḡe Mama edeḡa.
23559	MAT 12:1	Eꞌe madaḡano, Iesuꞌe Bana Madaḡano vuidi mebaḡa zamaḡano onamiro. Ani tahiꞌatahiꞌaꞌe viniziroteꞌe uꞌano, vuidi maḡa ririꞌe madu aro.
23560	MAT 12:2	Farisea azaḡaniꞌa eꞌe horonirotene aꞌe gaueꞌohe radu Iesu niro, raenaꞌa, “Ḡianoꞌi, ḡa tahiꞌatahiꞌaꞌe Bana Madaḡa goroḡa varadeꞌenaꞌa, vuidi hiriveha.”
23562	MAT 12:4	Eꞌanoꞌo aniꞌe Badiꞌa ne diuḡadu dibuꞌo azaḡaniꞌa daꞌo auꞌeteꞌe dibuꞌo berediḡa ane ḡatiniroteꞌe azaḡa teite aro. Zeḡeꞌa Mose goro ḡoeꞌa varadiro.
23563	MAT 12:5	Zu zaꞌe Mose goro ḡoeꞌa meꞌodirohe? Ani raenaꞌa, 'Bana Madaḡano dibuꞌo azaḡaniꞌa kuru neḡao gaueꞌetaꞌaꞌe mene veꞌoḡa.'
23566	MAT 12:8	Eḡe, Vaze Ubugaꞌe, Bana Madaḡa Zuhiꞌaḡa.”
23568	MAT 12:10	Eꞌea ꞌevoꞌa rudanoga veze ꞌahoganiꞌa radiunu. Farisea azaḡaꞌe, Iesuꞌa vaze eꞌe fainine zeḡe kotao ohonihi radu, ani ḡadiniro, raenaꞌa, “Bana Madaḡano ugi azaḡa faizine idaḡahe?”
23569	MAT 12:11	Aniꞌa ziro, raenaꞌa, “Zae boꞌaḡano iniuꞌa mamoe tibuhugaḡeta radu Bana Madaḡano mamoeḡaniꞌa iduo uite ovoine, iduonoꞌo mae vaḡiniꞌuma.