23216	MAT 1:3	Iudaꞌe Feresi zu Zera moze ebu Tamaraꞌe zeḡe vize. Feresiꞌe Esiromo moga, Esiromoꞌe Ramo moga.
23217	MAT 1:4	Ramoꞌe Aminadabo moga, Aminadaboꞌe Nasona moga, Nasonaꞌe Salemona moga.
23218	MAT 1:5	Salemonaꞌe Boaza moga ebu Rahaboꞌe Boaza viꞌa. Boazaꞌe Obedi moga ebu Rutaꞌe Obedi viꞌa. Obediꞌe Iese moga.
23220	MAT 1:7	Solomonaꞌe Rehoboamo moga, Rehoboamoꞌe Abia moga, Abiaꞌe Asa moga.
23238	MAT 1:25	Rehano Iosefaꞌa Maria teite tibano mene bazido, onamo ubuga fureniro. Ebu ubuga niḡaꞌe Iesu rae turahiro.
23256	MAT 2:18	“Rama neḡano roḡae ꞌahoganiꞌa zamaḡa are rudanadu kuau niaroteꞌe igiro. Rahelaꞌa ubugaubuga rudaroteꞌe uꞌano niaro, ebu ani vazeꞌa naminoga hezahoziniro.”
23260	MAT 2:22	Rehano Akelaoꞌe moga Heroda iḡuri madu Iudea habaꞌa kiniḡa reiroteꞌe igirotene ani Iudea habaꞌa onamogaꞌe riharo. Eꞌanoꞌo iḡunao niroteꞌe idunaḡano, ze Galilea habaꞌa onamiro.
23268	MAT 3:7	Farisea azaḡa zu Sadukea azaḡa ḡehaḡaniꞌa bapatizo mouga radu Ioane vaḡe onairo. Ebu aniꞌa ze horozirotene ziro, raenaꞌa, “Zaꞌe Zarama ubugaubuga heuḡa! Vazeꞌa zae mazao, 'Badiꞌaꞌonoꞌo maḡunuꞌa onaine ferau muhinoꞌi,' rae reiro. Rehano feranogaꞌe mene idaraꞌuma.
23272	MAT 3:11	Zaeꞌa sauꞌanonoꞌo ḡihurine, eꞌe tahiḡa veize, eḡeꞌa vu hina bapatizoziꞌohe. Rehano eḡe ḡaruna onaiteꞌe vazeḡa ani gigiꞌaniꞌe ufeta ḡihiꞌa. Aniꞌe eḡe vitihoga. Eḡe'a ani tamaka odoheꞌeteꞌe tuḡureḡa vazeḡa rae rouga zuni mene idaḡa. Aniꞌe Vine Zaḡoḡa ebu ire roga hina bapatizoziꞌuma.
23275	MAT 3:14	Rehano Ioaneꞌa Iesu garariro, raenaꞌa, “Ḡaeꞌa eḡe bapatizohifo. Nougaꞌahi ḡaꞌe eḡe vaḡe onaeha?”
23282	MAT 4:4	Rehano Iesuꞌa naenaeniro, raenaꞌa, “Mene! Buka Zaḡoḡano ꞌahige mirihiro, raenaꞌa, 'Vaze'e beredio da'o mene ḡabode radi'uma, rehano Badiꞌa hebeꞌonoꞌo buauꞌeteꞌe ḡoeꞌa niduꞌao ḡabode radiꞌuma.'”
23294	MAT 4:16	Uzabo zamaḡano radiuꞌeteꞌe azaḡaniꞌa agaḡa boro horoneha. Rune zauhaḡa habaꞌano radiuꞌeteꞌe azaḡa rana agaḡaniꞌa agazeha.”
23316	MAT 5:13	Damaꞌe ḡau manoḡa raꞌeteꞌe teige, zaꞌe, eḡe hegoteꞌeteꞌe azaḡa, raha ꞌadao dama heuḡa. Rehano dama iniganiꞌa dauḡine, iniga bare furenoga mene idaḡa. Ḡau ꞌahoga veize mene manoḡa. Aꞌe mae modadu vazeꞌa edene oname onaeꞌohe.
23325	MAT 5:22	Rehano e ziꞌohe, iniuꞌa negoḡa mazao maḡunine, kotaniꞌuma. Iniuꞌa negoḡa ḡoere sauꞌa nine, Iuda azaḡa nuꞌonuꞌo zamaḡano kotaniꞌuma. Ebu iniuꞌa 'Ḡa hahizaḡa,' rae reine, ire roga zamaḡano mae feuniꞌuma.
23331	MAT 5:28	Rehano e ziꞌohe, iniuꞌa roḡae ḡiaḡianeꞌenaꞌa, ane zamao roḡae omo teite bazihi rae zamarine, ani ꞌai zamao ubuma ḡezaneha.
23335	MAT 5:32	Rehano e ziꞌohe, iniuꞌa inugaꞌe mene ubuma ḡezaro rehano, inuga modine, iꞌaniꞌa ubuma ḡezo ibiḡano inuga tuḡuneꞌeteꞌe heuḡa. Ebu iniuꞌe iꞌaniꞌa modiroteꞌe roḡaeḡa teite hahurine, ani zuni ubuma ḡezauꞌeteꞌe heuḡa.
23337	MAT 5:34	Rehano e ziꞌohe, ḡoere nagiga ꞌahoga ago ḡoitoroꞌi. Adure niḡano ago ḡoitoroꞌi, mazaḡa adureꞌe Badiꞌaꞌa ehoreꞌeteꞌe habaꞌa.
23338	MAT 5:35	Raha niḡano ago ḡoitoroꞌi, mazaḡa rahaꞌe Badiꞌaꞌa odaḡa tiꞌeteꞌe habaꞌa. Ierusalema niḡano ago ḡoitoroꞌi, mazaḡa Ierusalemaꞌe Kini Boro, Badiꞌa neḡa boro.
23342	MAT 5:39	Rehano e ziꞌohe, vaze sauꞌa mazao ago naenaetitoꞌi. Vaze ꞌahoganiꞌa zae edaꞌe ḡaniga faꞌoꞌnoꞌidene, aniꞌa bare faꞌoꞌnoga veize zae kauri ḡaniga zuni notonohanoꞌi.
23347	MAT 5:44	Rehano e ziꞌohe, zae agire azaḡa zamaroꞌi, ebu zae sausauziꞌeteꞌe azaḡa veize kuranoꞌi.
23366	MAT 6:15	Rehano zaeꞌa vaze sauꞌa mene rae modine, zae Mozeꞌa zuni zae sauꞌa mene rae modiꞌuma.
23368	MAT 6:17	Rehano zaeꞌa zaḡozaḡoꞌidene, viradu iguze siꞌoꞌi.
23371	MAT 6:20	Rehano zae veize ḡauze manomanoꞌe adureo nuꞌone toꞌi. Deꞌeaꞌ zuhiꞌa mene sausauneꞌohe zu mene atenarauꞌohe ebu ḡonoreꞌa varade diuḡadu mene ḡonotuꞌohe.
23374	MAT 6:23	Rehano zae ubumaꞌe sautaune, zae ahiri niduꞌaꞌe uzaboꞌa irivaꞌiꞌuma. Eꞌanoꞌo zae ahiri zamaḡano agaḡaꞌe uzaboraune, ahirize niduꞌaꞌe uzabo gigiꞌa reꞌuma!
23377	MAT 6:26	Hitanao rafiuꞌeteꞌe niniḡa ḡianoꞌi. Ze ezone mene ḡorauꞌohe, mene hiriveꞌohe, zu ogomuze godogo neḡano mene nuꞌone tiꞌohe. Rehano zae Moze, adureo radiuꞌeteꞌeꞌa, ḡubuzeꞌohe. Zaꞌe nini vitize huneꞌohe.
23380	MAT 6:29	Rehano e ziꞌohe, butu kakaḡa ꞌahogaꞌe maꞌora vazeḡa kini Solomonaꞌa haḡairoteꞌe dabuaḡa manomano vitinoga.
23381	MAT 6:30	Butu veḡaꞌe izidi ḡaboga, hena ohoḡoreꞌe vazeꞌa masinadu ireo hufi hauniꞌuma, rehano Badiꞌaꞌa faifaine manohuniꞌohe. Zaꞌe ve vitinoga ꞌahine, Badiꞌaꞌa hube hune dabua vidauziniꞌuma. Rehano zaꞌe Badiꞌa mazao fieꞌetaꞌaꞌe komeꞌa.
23388	MAT 7:3	Ḡaꞌe nabugo ubumao beꞌa dinunuḡa ḡianeꞌohe. Rehano nougadu ḡae ubumao beꞌa gado ireḡa mene ḡianeꞌohe?
23406	MAT 7:21	Eḡe mazao, 'Zuhia Boro, Zuhia Boro,' rae huheꞌeteꞌe azaḡa mene niduꞌaꞌe Badiꞌaꞌa ibitoziniꞌuma. Rehano eḡe Mama, adureo radiuꞌeteꞌeꞌa urateꞌeteꞌe haḡaiḡa haḡaeꞌeteꞌe vazeḡaniꞌa daꞌo ibitohaꞌuma.
23418	MAT 8:4	Ebu Iesuꞌa ninaꞌa, “Vaze ꞌahoga ago noꞌi. Rehano dibuꞌo vazeḡa vaḡe onamadu ahiꞌo ihonoꞌi! Ebu ḡaeꞌa manorateꞌe vazeꞌa ederifine, Moseꞌa reiroteꞌe gahunoḡa mae onamadu Badiꞌa dibuꞌo hanoꞌi.”
23419	MAT 8:5	Iesuꞌa Kaperanauma neḡa boro diuḡirotene, Roma uti azaḡa ḡihiꞌa ꞌahoganiꞌa onaadu dananoga uminiro,
23422	MAT 8:8	Rehano uti azaḡa ḡihiꞌaniꞌa naenaeninaꞌa, “Zuhiꞌa Boro, eꞌe mene vaze manoḡa, eꞌanoꞌo ḡaeꞌa eḡe ne diuḡogaꞌe mene manoḡa. Rehano ḡoere daꞌo roꞌi, ꞌougine eḡe tuḡure vazeḡaꞌe manoriꞌuma.
23426	MAT 8:12	Rehano Iuda azaḡa, Badiꞌaꞌa ibitoziniꞌohe rae zamarirotaꞌaꞌe, enona mae feuzadu uzabo zamaḡano radiꞌuma. Ze eꞌea niaꞌuma zu ḡononeze atitiꞌuma.”
23434	MAT 8:20	Iesuꞌa naenaeninaꞌa, “Butu ḡuniḡaꞌe bazuni habaꞌazeta, ebu hitana niniḡaꞌe nezeta. Rehano eḡe, Vaze Ubuḡaꞌe bazunihe habaꞌaꞌe oꞌoꞌa.”
23436	MAT 8:22	Rehano Iesuꞌa ninaꞌa, “Ḡaꞌe eḡe hegotoꞌi. Vine ruga azaḡaniꞌa rune azaḡa ḡuriꞌuma.”
23438	MAT 8:24	Eꞌe enogano, zavara boroꞌa duꞌurao feuriro ebu saꞌuꞌa ḡasio kafere diuḡiro. Rehano Iesu baze radiro.
23454	MAT 9:6	Rehano e ani manoniꞌuma ebu ani sauꞌa zu rae modiꞌuma, mazaḡa eḡe, Vaze Ubuḡaꞌe raha ꞌadao vaze sauꞌa rae modeꞌeteꞌe gigiꞌaḡa meiroteꞌe zuni za ihoziꞌuma.” Ebu Iesuꞌa ahiꞌa mene haganeꞌeteꞌe vazeḡa eꞌe niro, raenaꞌa, “Eḡeꞌa ḡaꞌohe, iḡunoꞌi ebu farataḡo odohadu neḡo onamoꞌi”
23461	MAT 9:13	Eꞌe teige, zeḡe bare haḡai duduḡa rae zamareꞌeteꞌe azaḡa huzoga radu eḡeꞌa mene onairo. Rehano zeḡe bare haḡai sauꞌa rae zamareꞌeteꞌe azaḡa huzoga radu onairo. Badiꞌaꞌa ꞌahige reiro, raenaꞌa, 'Eꞌe zaeꞌa dibuꞌo inoga daꞌo mene urateꞌohe, rehano vaze vetuḡazoga ufeta urateꞌohe.' Za onamadu ḡoere huga eꞌe ederoꞌi.”
23462	MAT 9:14	Ebu Ioane tahiꞌatahiꞌaꞌa Iesu vaḡe onaadu ḡadiniro, raenaꞌa, “Emeḡe zu Farisea azaḡaꞌe ogomu moneo mada ḡehaḡa zaḡozaḡeꞌohe. Rehano ḡae tahiꞌatahiꞌaꞌe nougadu mene zaḡozaḡeꞌohe?”
23463	MAT 9:15	Iesuꞌa ziro, raenaꞌa, “Hahureꞌeteꞌe madaḡano, ohoze hahu iziganiꞌa huzeꞌeteꞌe azaḡaꞌe ane teite ogau tiburaune, ze mene zaḡozaḡeꞌohe. Rehano zeḡe mazaonoꞌo ohoze hahu izigaꞌe mae vaḡiniꞌuma madaḡaniꞌa onaine, zeꞌe vetuḡa ranadu zaḡozaḡiꞌuma.
23466	MAT 9:18	Iesuꞌa eꞌe ḡoeꞌa ziniroteꞌe zamaḡano, nuꞌonuꞌo neḡa ḡihiꞌaḡa ꞌahoganiꞌa Iesu vaḡe onairo. Ebu ani zamao ḡuḡuradu niro, raenaꞌa, “Eḡe aboeꞌe iziduꞌu rudaneha. Rehano ḡaeꞌa onaadu ane rana ꞌevoꞌo tine, ani ḡabodiꞌuma.”
23472	MAT 9:24	Ebu aniꞌa ziro, raenaꞌa, “Zae niduꞌa buanoꞌi! Roḡae tahiꞌaḡaꞌe mene rudaneha. Aniꞌe bazeꞌohe.” Rehano zeꞌe Iesu eḡofoharo.
23479	MAT 9:31	Rehano ze onamadu eꞌe habaꞌa niduꞌa zamaḡano ani hari rae ḡehaniro.
23482	MAT 9:34	Rehano Farisea azaḡaniꞌa raenaꞌa, “Aniꞌe vine sauꞌa zuhiꞌaḡa gigiꞌaḡano vine sauꞌa hegone buneha.”
23490	MAT 10:4	Roma gavamani utitoziniꞌeteꞌe duḡuruḡa vazeḡa niḡa Simona ebu Iesu revoharotaꞌaꞌe, Isakariota vazeḡa niḡa Iuda.
23492	MAT 10:6	Rehano Isaraela habaꞌano dauḡiroteꞌe mamoeḡa ꞌuꞌa onamoꞌi.
23496	MAT 10:10	Ragavo zamaḡano nihara ga dabua ꞌahoga ga tamaka ga tuḡu ago odohoꞌi, mazaḡa gau vazeḡaꞌe nagini urateꞌeteꞌe ḡauḡaꞌe hidiꞌuma.
23501	MAT 10:15	E hube hune ziꞌohe. Ibite Sodoma zu Gomora habaꞌa azaḡaꞌe sauꞌaze boro uꞌano, Badiꞌaꞌa ruiziro. Rehano Badiꞌa kota madaḡano zae mene mae ḡihiziroteꞌe neḡa azaḡaꞌe ufeta aduga boro hidiꞌuma.
23503	MAT 10:17	Rehano vaze ḡiazoꞌi, mazaḡa zeꞌa oboze teadu kotao ohoziꞌuma ebu zeḡe nuꞌonuꞌo neḡano masiziꞌuma.
23505	MAT 10:19	Rehano noꞌe madaḡano zeꞌa kotao obozetoꞌidene, zaeꞌa nagini reꞌuma ga nougenouge reꞌuma moneo ago zamare borofoꞌi. Mazaḡa eꞌe madaḡano zaꞌa reꞌuma ḡoeꞌaꞌe ihoziꞌuma.
23508	MAT 10:22	Eḡe uꞌano vaze niduꞌaꞌa zae heꞌeheꞌeziꞌuma. Rehano edau gigaru onamo ḡonaga meiteꞌe vazeḡaꞌe ḡabone hidiꞌuma.
23514	MAT 10:28	ꞌAhiri daꞌo maꞌeteꞌe u vine manoga mene idaḡa raꞌeteꞌe azaḡaꞌe ago rihozoꞌi. Rehano Badiꞌa daꞌo rihonoꞌi, mazaḡa aniꞌe vine zu ahiriꞌe ire rogao hufi haonoga idaḡa.
23519	MAT 10:33	Rehano iniuꞌa vaze ubumao e oꞌohine, eḡeꞌa zuni adureo Mamahe ubumao ani oꞌoniꞌuma.
23525	MAT 10:39	Iniuꞌa ane ḡabone obone giganine, ani ḡabone tuḡutuḡu mene hidiꞌuma. Rehano iniuꞌa ane ḡabone eḡe ꞌuano modine, ḡabone tuḡutuḡu hidiꞌuma.
23539	MAT 11:11	E hube hune ziꞌohe, Ioaneꞌa Keriso ibi ruhibiroteꞌe uꞌano, aniꞌe rahao ꞌada radiuꞌeteꞌe vazeḡa boꞌaḡano vaze niduꞌa vitinoga. Rehano, Badiꞌaꞌa ibitoziniꞌeteꞌe zamaḡano ḡonaga vazeḡa zuni Ioane vitinoga raꞌohe.
23547	MAT 11:19	U eḡe, Vaze Ubugaꞌe onaadu ogomu auꞌohe ebu vaini vuḡa gageꞌohe. Rehano za raenaꞌa, 'Aniꞌe ogomu fuꞌa zu vaini vuḡa fuꞌa. Ebu ani takesi azaḡa zu haḡai sauꞌa azaḡa teite tiburuꞌohe.' Rehano Badiꞌa hegoteꞌeteꞌe azaḡa huhuzaḡaꞌe eḡe zu Ioaneꞌe duduḡa rae reꞌuma.
23552	MAT 11:24	Rehano e ziꞌohe, Badiꞌa kota madaḡano, zaꞌe Sodoma azaḡa aduga vitine hidiꞌuma.
23553	MAT 11:25	Eꞌe madaḡano Iesuꞌa kuraro, raenaꞌa, “Mama, ḡaꞌe adure zu raha Zuhiꞌaḡa. E niguꞌeꞌohe, mazaḡa ḡaeꞌa huhuzaḡa zu edeḡa boro azaḡa mazao huga ꞌahi uꞌuꞌrutiro. Rehano tahiꞌa teige, edeḡa oꞌoꞌa rae zamareteꞌe azaḡa mazaoꞌe fureniro.
23572	MAT 12:14	Rehano Farisea azaḡaniꞌa buanadu Iesu manoga ibiḡa ḡoane vaḡiro.
23574	MAT 12:16	Rehano ani riḡa ḡoeziro, raenaꞌa, “Eꞌe iniu rae vaze ago ihozoꞌi.”
23578	MAT 12:20	Roratihi raꞌeteꞌe veḡa mene mae vaḡineꞌeteꞌe ga vidatihi raꞌeteꞌe ihure mene hudi viniꞌeteꞌe teige, aniꞌa Badiꞌa mazao fieꞌetꞌaꞌaꞌe komeꞌa raꞌeteꞌe azaḡa mene mae vaḡiziꞌuma, onamo ḡau veꞌoḡa niduꞌa mae vaḡinadu ibitoziniꞌuma.
23582	MAT 12:24	Rehano Farisea azaḡaniꞌa ḡoereze igirotene, raenaꞌa, “Aniꞌe vine sauꞌa zuhiꞌaḡa Belezebulo inaraḡa hina vine sauꞌasauꞌa hegoze buzeꞌohe.”
23586	MAT 12:28	Rehano eḡeꞌa vine sauꞌaꞌe Badiꞌa Vine hina hegoze buzine, za ederoꞌi, Badiꞌaꞌa amahi zae ibitozi radiuꞌohe.
23589	MAT 12:31	E ziꞌohe, vaze sauꞌa niduꞌa ebu Badiꞌa rae sausauneꞌeteꞌe ḡoeꞌaꞌe Badiꞌaꞌa rae modiꞌuma. Rehano Vine Zaḡoḡa rae sausaunine, eꞌe sauꞌaḡaꞌe mene aḡutu modiꞌuma.
23590	MAT 12:32	Iniuꞌa eḡe, Vaze Ubuga agire ḡerehine sauꞌaḡa rae modiꞌuma. Rehano iniuꞌa Vine Zaḡoḡa agire ḡorenine, raha adao zu zazore moneo sauꞌaḡaꞌe mene rae modiꞌuma.
23601	MAT 12:43	Vine sauꞌa ꞌahoganiꞌa vaze ꞌahoga mazaꞌonoꞌo buauꞌetene, ani haba bohaꞌano ragaveꞌohe ebu ahiꞌa ohonoga radu haba ꞌahoga vaḡeꞌohe. Rehano mene horoneꞌohe.
23613	MAT 13:5	Nuꞌe hadi habaꞌano rururaro. Rahaḡaꞌe severaḡa. Ezoganiꞌe ḡarihe ḡuhuriro, mazaḡa rahaḡaꞌe mene baruḡa.
23624	MAT 13:16	Rehano za Badiꞌa manohugazeta, mazaḡa naginiꞌa fureruꞌetaꞌaꞌe horoneꞌohe zu igiꞌohe.
23629	MAT 13:21	Rehano ze Badiꞌa mazao fieꞌeteꞌe ire taiga oꞌoꞌa heuḡa. Ze mene faḡa edau gigaruꞌohe. Ebu Badiꞌa ḡoere mae ḡihineꞌeteꞌe uꞌano, aduga ḡehaḡa hidiꞌetene, zogone uiteꞌohe.
23630	MAT 13:22	Ezone ve renoga zamaḡano rururarotaꞌaꞌe ꞌahiguḡa: Vazeꞌa Badiꞌa ḡoere igiꞌohe. Rehano raha ḡauḡa zamare aduduꞌohe zu oboneꞌeteꞌe toheḡa ufeta zamareꞌohe. Aꞌe Badiꞌa ḡoere uadu ze mene iniꞌohe.
23633	MAT 13:25	Rehano vaze niduꞌa bazeꞌeteꞌe zamaḡano, ane agire vazeḡaniꞌa aradu vuidi boꞌaḡano ve ḡoraro ebu vaḡiniro.
23635	MAT 13:27	Eꞌanoꞌo meba vazeḡa tuḡure azaḡaniꞌa aradu niro, raenaꞌa, ꞌVaze boro, ḡaꞌa ḡae mebao vuidi ezone manoḡa ḡoraro. Rehano ve eꞌe noumanoꞌo?'
23641	MAT 13:33	Aniꞌa hari idaidaḡa ꞌahoga ziro, raenaꞌa, “Badiꞌaꞌa ibitoziniꞌetaꞌaꞌe isiti heuḡa. Roḡae ꞌahoganiꞌa isiti tahiḡa madu uvahuḡa ḡehaḡa teite mirune tibuneꞌohe ebu hena uvahu niduꞌaꞌe ubaruꞌohe.”
23643	MAT 13:35	Aꞌe, peroveta vazeḡaniꞌa Badiꞌa ḡoere reiroteꞌeꞌa hudaro, raenaꞌa, “Eꞌe hari idaidaḡa hina ziꞌuma. Raha ꞌadi haḡairoteꞌe madaḡanonoꞌo ꞌuꞌuru tirotaꞌaꞌe eḡeꞌa fureraꞌuma.”
23656	MAT 13:48	Reꞌevaꞌe irivaꞌirotene, vazeꞌa mae hesao rehaniro. Ebu zeꞌa ehoradu ḡozone manoḡaꞌe inahe tunahuo mae ufiro ebu sauꞌasauꞌaꞌe mae modiro.
23675	MAT 14:9	Eꞌe igirotene, Herodaꞌe zamaḡa adudaro. Rehano aniꞌa eꞌea vaze zamao ḡoitoriroteꞌe ꞌahine, roḡae tahiꞌaḡaniꞌa urateꞌeteꞌe ḡauḡa hanoꞌi rae reiro.
23679	MAT 14:13	Iesuꞌa Ioane hariḡa igirotene, ani eꞌe habaꞌa modadu ḡasi hina vaze oꞌoꞌa habaꞌa sifu ruhau onamiro. Rehano vaze ḡuḡuvaḡaniꞌa eꞌe egadu nezeonoꞌo odao Iesu hegote onamiro.
23682	MAT 14:16	Rehano aniꞌa naenaezinaꞌa, “Mene ꞌougiꞌuma. Zaeꞌa ogomu nu zenoꞌi.”
23693	MAT 14:27	Rehano Iesuꞌa zogone ziro, raenaꞌa, “Ago rihanoꞌi! ꞌAdi eḡe. Zamaze rinedoꞌi.”
23696	MAT 14:30	Rehano aniꞌa zavara boro horonirotene, rihanadu vu zamaḡa zubure ovoiro, ebu ḡaniḡaniniro, raenaꞌa, “Zuhiꞌa Boro, e ḡabohoꞌi!”
23707	MAT 15:5	Rehano iniuꞌa viꞌa moga mazao raenaꞌa, 'Fase, e zae danazoga mene idaḡa, mazaḡa danaziꞌuma raꞌeteꞌe ḡauḡa ꞌahiꞌe eḡeꞌa Badiꞌa haꞌuma,' rae reine, zaeꞌa ani idaḡa rae raꞌohe.
23713	MAT 15:11	Hebeo diuḡeꞌeteꞌe ḡauḡaꞌe vaze mene toratoraneꞌohe. Rehano hebeꞌonoꞌo buauꞌeteꞌe ḡauḡaniꞌa vaze toratoraneꞌohe.”
23720	MAT 15:18	Rehano hebeꞌonoꞌo buaueꞌtaꞌaꞌe zamaonoꞌo buanadu vaze toratorazeꞌohe.
23722	MAT 15:20	Deꞌeguḡaniꞌa vaze toratoraneꞌohe. Rehano ꞌevore mene vuzuadu ogomu auꞌeteꞌeꞌa vaze mene toraneꞌohe.”
23725	MAT 15:23	Rehano Iesuꞌa ḡoere ꞌahoga mene naenaeniro. Ebu ani tahiꞌatahiꞌaꞌa aradu uminiro, raenaꞌa, “Ani tuḡune vaḡinoꞌi, mazaḡa eme hegoteꞌenaꞌa, barebare huau ḡunuḡunufeꞌohe.”
23727	MAT 15:25	Rehano roḡaeḡaniꞌa aradu ani zamao ḡuḡuriro ebu raenaꞌa, “Zuhiꞌa Boro, danahoꞌi!”
23729	MAT 15:27	Roḡaeḡaꞌe ninaꞌa, “A hube, Zuhiꞌa Boro, rehano ḡuni zuni ane zuhiꞌa ogomu mumuḡa fataꞌonoꞌo buauꞌetaꞌaꞌe auꞌohe.”
23730	MAT 15:28	Iesuꞌa naenaeninaꞌa, “Roḡae, ḡaꞌe eḡe mazao fieꞌetaꞌaꞌe boro! Ḡaꞌa urateꞌetaꞌaꞌe hidiꞌuma.” Eꞌe madaḡano ani aboḡa ꞌai manoriro.
23764	MAT 16:23	Rehano aniꞌa tehadu Petero niro, raenaꞌa, “Satani, eḡe mazaonoꞌo vaḡinoꞌi! Ḡaꞌa eḡeꞌa uitoga veize ḡoereꞌohe, mazaḡa ḡaꞌe Badiꞌa ibio mene zamareꞌohe, rehano vaze ibio zamareꞌohe.”
23766	MAT 16:25	Iniuꞌa ane ḡabone obone giganine, ani ḡabone tuḡutuḡu mene hidiꞌuma. Rehano iniuꞌa ane ḡabone eḡe ꞌuano modine, ḡabone tuḡutuḡu hidiꞌuma.
23776	MAT 17:7	Rehano Iesuꞌa aradu oboziro, ebu raenaꞌa, “Iḡunoꞌi. Ago rihanoꞌi.”
23781	MAT 17:12	Ebu e ziꞌohe, Elia ꞌai amahi onairo. Rehano vazeꞌa mene ederadu ani mazao zeḡeꞌa uratiroteꞌe haḡaiḡa haḡairo. Eꞌe teige, eḡe, Vaze Ubuga zuni zeḡe mazaonoꞌo aduga hidiꞌuma.”
23796	MAT 17:27	Rehano eme mene maḡunozifine takesi haḡaiꞌuma. Ḡaꞌe duꞌura ovoadu kimai feunoꞌi. Ebu ḡozone tiba kimainoꞌidene, hebeꞌa mae nahanoꞌi, ebu siliva moniḡa tiba horoniꞌuma. Eꞌe madu emetane veize zenoꞌi.”
23803	MAT 18:7	Raha ꞌadi azaḡa, fase vetuḡaḡa, aduga hidiuma, mazaḡa vaze ibi veꞌoḡano tutuzeꞌeteꞌeꞌe ḡauḡa uꞌano, sauꞌa haḡaeꞌohe. Deꞌeguḡaꞌe fureruꞌohe rehano, vaze haḡai sauꞌano tutuzeꞌeteꞌe azaḡaꞌe, fase vetuḡaḡa, aduga hidiꞌuma.
23826	MAT 18:30	Rehano ani hezahiro ebu onamadu ane vazeḡa ꞌai ḡuꞌa neḡano mae ohoniro, onamo ani moni eꞌe baroniꞌuma.
23839	MAT 19:8	Iesuꞌa naenaezinaꞌa, “Za teḡaze riḡa ꞌahine, Moseꞌa roḡae modineꞌe idaḡa reiro. Rehano ḡadaheḡanonoꞌo aꞌe mene Badiꞌa urateꞌeteꞌe haḡaeḡa raꞌohe.