23231	MAT 1:18	Iesu Kerisoꞌe ꞌahige fureraro. Ani viꞌa Mariaꞌe Iosefa iraꞌauḡa. Anianine izema hahurogano, Vine Zaḡoḡaonoꞌo Mariaꞌe ahiꞌeta reiro.
23233	MAT 1:20	Ani ꞌouge rae zamarirotene, Zuhiꞌa Boro tuḡure viga ꞌahoganiꞌa iḡunao fureraro. Ebu raenaꞌa, “Iosefa, Davida mariga! Maria teite hahuroga ago rihanoꞌi. Mazaḡa Mariaꞌe Vine Zaḡoḡaonoꞌo ene teha.
23236	MAT 1:23	'Ḡianoꞌi! Ohoze teite ize mene hidiroteꞌe nogobaḡa ꞌahoganiꞌa ahiꞌeta reꞌuma, ebu ubuga ꞌahoga fureniꞌuma. Vazeꞌa ubugaꞌe Emanuela rae huniꞌuma. Eꞌe huganiꞌe, “Badiꞌaꞌe emeḡe teite” raꞌohe.'”
23264	MAT 3:3	Ibite peroveta vazeḡa Isaiaꞌa Ioane Babatiso moneo ꞌahige reiro, raenaꞌa, “Vaze ꞌahoganiꞌa haba bohaꞌano huauꞌohe, raenaꞌa, 'Zuhiꞌa Boroꞌa onaꞌiuma! Ani ibi ruhiboꞌi, zu ani veize ibi mae dudunoꞌi.'”
23268	MAT 3:7	Farisea azaḡa zu Sadukea azaḡa ḡehaḡaniꞌa bapatizo mouga radu Ioane vaḡe onairo. Ebu aniꞌa ze horozirotene ziro, raenaꞌa, “Zaꞌe Zarama ubugaubuga heuḡa! Vazeꞌa zae mazao, 'Badiꞌaꞌonoꞌo maḡunuꞌa onaine ferau muhinoꞌi,' rae reiro. Rehano feranogaꞌe mene idaraꞌuma.
23272	MAT 3:11	Zaeꞌa sauꞌanonoꞌo ḡihurine, eꞌe tahiḡa veize, eḡeꞌa vu hina bapatizoziꞌohe. Rehano eḡe ḡaruna onaiteꞌe vazeḡa ani gigiꞌaniꞌe ufeta ḡihiꞌa. Aniꞌe eḡe vitihoga. Eḡe'a ani tamaka odoheꞌeteꞌe tuḡureḡa vazeḡa rae rouga zuni mene idaḡa. Aniꞌe Vine Zaḡoḡa ebu ire roga hina bapatizoziꞌuma.
23277	MAT 3:16	Iesu bapatizoniroteꞌe enogano ani vuonoꞌo gaba tire onamiro. Tire onamirotene, adureꞌa bohatanadu Iesuꞌa Badiꞌa Viganiꞌa Tubugo niniḡa teige ane vaḡe ovairoteꞌe horoniro.
23279	MAT 4:1	Eꞌe ḡarugano, Diaboloꞌa Iesu tuhune nuroga veize, Vine Zaḡoḡaniꞌa Iesu haba bohaꞌa tutune onamiro.
23282	MAT 4:4	Rehano Iesuꞌa naenaeniro, raenaꞌa, “Mene! Buka Zaḡoḡano ꞌahige mirihiro, raenaꞌa, 'Vaze'e beredio da'o mene ḡabode radi'uma, rehano Badiꞌa hebeꞌonoꞌo buauꞌeteꞌe ḡoeꞌa niduꞌao ḡabode radiꞌuma.'”
23296	MAT 4:18	Mada ꞌahogano Iesuꞌa Galilea duꞌuraḡa genaḡano onameꞌenogano, vaze ꞌaheu horoziro. Zeꞌe ḡozone mauꞌeteꞌe azaḡa. Vaze tibaꞌe Simona, niḡa ꞌahogaꞌe Petero, ebu negoḡa Anderea. Ze duꞌurao reꞌeva feune radiunu.
23297	MAT 4:19	Ebu Iesuꞌa ziro, raenaꞌa, “Eḡe ḡaruna hegotoꞌi. Vaze reꞌevaziꞌeteꞌe vazeḡa rouga veize ihoziꞌuma.”
23310	MAT 5:7	Vaze vetuḡaziꞌeteꞌe azaḡaꞌe Badiꞌa manohugazeta, mazaḡa Badiꞌaꞌa ze vetuḡaziꞌuma.
23312	MAT 5:9	Vazevaze uniho mae manofeꞌeteꞌe azaḡaꞌe Badiꞌa manohugazeta, mazaḡa Badiꞌaꞌa zeꞌe ane ubuga rae huziꞌuma.
23315	MAT 5:12	Za, matuꞌe rudanoꞌi, mazaḡa Badiꞌaꞌa adureo naeḡaꞌe boro bagaḡa ziniꞌuma. Vouḡazeꞌa peroveta ibiꞌa azaḡa zuni deꞌuge sausauzido.
23318	MAT 5:15	Vazeꞌa ihure hofadu siuva ꞌuꞌuḡano mene teꞌohe, rehano ihure tiꞌeteꞌe habaꞌano teadu ne zamaḡano radiuꞌeteꞌe azaḡa niduꞌa agazeꞌohe.
23324	MAT 5:21	Ibiꞌa azaḡa mazao reiroteꞌe goro ḡoeꞌa ꞌadi zaeꞌa igiro, raenaꞌa, 'Vaze ago mau runoꞌi. Iniuꞌa vaze ꞌahoga maune, kotaniꞌuma.'
23341	MAT 5:38	Zaꞌe edeḡa Mose goro ḡoeꞌano ꞌahige reiro, raenaꞌa, 'Vaze ꞌahoganiꞌa ḡae ubuma sausaunoꞌidene ga ḡae ḡonone vahegoꞌidene, vazeḡa eꞌe ubuma zu sausaunoꞌi ebu ane ḡonone zu vahegoꞌi.'
23342	MAT 5:39	Rehano e ziꞌohe, vaze sauꞌa mazao ago naenaetitoꞌi. Vaze ꞌahoganiꞌa zae edaꞌe ḡaniga faꞌoꞌnoꞌidene, aniꞌa bare faꞌoꞌnoga veize zae kauri ḡaniga zuni notonohanoꞌi.
23343	MAT 5:40	Vazeꞌa dabuꞌaze mouga rae kotazihi roꞌidene, raga dabuꞌaḡa zuni hanoꞌi.
23344	MAT 5:41	Vaze ꞌahoganiꞌa riḡa tuḡuzenaꞌa, zaeꞌa ane ḡau odohadu kilomita tiba onamoga uratoꞌidene, kilometa ꞌaheu zuni onamoꞌi.
23355	MAT 6:4	Vaze ꞌahoganiꞌa mene ederoga veize sifu kaḡuso hanoꞌi. ꞌOugine, Mozeꞌa zaꞌa sifu haḡateꞌe haḡaiḡa horonadu naeḡa ziniꞌuma.
23375	MAT 6:24	Vazeꞌe zuhiꞌa ꞌaheu veize gauoga mene idaḡa. ꞌOugine ani ꞌahogaꞌe zamariꞌuma, u ꞌahogaꞌe heꞌeheꞌeniꞌuma. Ebu ꞌahoga veize faine gauiꞌuma, u ꞌahogaꞌe turuniꞌuma. Eꞌe teige, zaꞌe Badiꞌa ebu moni, ꞌaheu veize gauoga mene idaḡa.
23401	MAT 7:16	Ireꞌe maḡa horonadu nagi ireḡa ederiꞌuma. Vaini maḡaꞌe ire renogaꞌonoꞌo mene iniꞌohe zu figi maḡaꞌe ḡunu renogaꞌonoꞌo mene iniꞌohe.
23418	MAT 8:4	Ebu Iesuꞌa ninaꞌa, “Vaze ꞌahoga ago noꞌi. Rehano dibuꞌo vazeḡa vaḡe onamadu ahiꞌo ihonoꞌi! Ebu ḡaeꞌa manorateꞌe vazeꞌa ederifine, Moseꞌa reiroteꞌe gahunoḡa mae onamadu Badiꞌa dibuꞌo hanoꞌi.”
23434	MAT 8:20	Iesuꞌa naenaeninaꞌa, “Butu ḡuniḡaꞌe bazuni habaꞌazeta, ebu hitana niniḡaꞌe nezeta. Rehano eḡe, Vaze Ubuḡaꞌe bazunihe habaꞌaꞌe oꞌoꞌa.”
23436	MAT 8:22	Rehano Iesuꞌa ninaꞌa, “Ḡaꞌe eḡe hegotoꞌi. Vine ruga azaḡaniꞌa rune azaḡa ḡuriꞌuma.”
23441	MAT 8:27	Iesu tahiꞌatahiꞌaꞌa zaguzagaro, raenaꞌa, “Vaze ꞌahiꞌe nagi vaze? Zavara zu saꞌuꞌa ane ḡoere egohuꞌohe.”
23451	MAT 9:3	ꞌOugirotene, Mose goro ḡoeꞌa ihozeꞌeteꞌe azaḡa nuꞌe zeḡeꞌa bare zamariro, raenaꞌa, “Vaze ꞌadiꞌe ane bare Badiꞌa rae rahehe? Badiꞌa ni rae sausauneꞌohe!”
23454	MAT 9:6	Rehano e ani manoniꞌuma ebu ani sauꞌa zu rae modiꞌuma, mazaḡa eḡe, Vaze Ubuḡaꞌe raha ꞌadao vaze sauꞌa rae modeꞌeteꞌe gigiꞌaḡa meiroteꞌe zuni za ihoziꞌuma.” Ebu Iesuꞌa ahiꞌa mene haganeꞌeteꞌe vazeḡa eꞌe niro, raenaꞌa, “Eḡeꞌa ḡaꞌohe, iḡunoꞌi ebu farataḡo odohadu neḡo onamoꞌi”
23456	MAT 9:8	Vaze ḡuḡuvaḡaꞌe eꞌe horonirotene riharo ebu Badiꞌaꞌa ꞌuguḡa gigiꞌaḡa vaze ziniroteꞌe uꞌano Badiꞌa niguniro.
23464	MAT 9:16	Vaze ꞌahoganiꞌa dabua iziga variꞌe madu dabua amahiḡa mene baniniꞌohe, mazaḡa dabuꞌaḡa vuzuine, dabua siꞌiga izigaꞌe ḡuanadu amahiḡa hutubadu borofe zigaꞌuma.
23473	MAT 9:25	Vaze ḡuḡuvaḡa enoneo tuḡuze buziroteꞌe ḡarugano, Iesuꞌa ne zamaḡa diuḡadu roḡae tahiꞌaḡa ꞌevore oboniro. ꞌOugadu aneꞌa iḡuniro!
23480	MAT 9:32	Ebu ze neonoꞌo buau onamirotene, vaze nuꞌa vaze ꞌahoga Iesu vaḡe tutune onairo. Vine sauꞌaniꞌa vaze eꞌe ragano radu aniꞌe ḡoeroga mene idararo.
23481	MAT 9:33	Ebu Iesuꞌa vine sauꞌa ane mazaonoꞌo hegone bunadu mumutafa vazeḡaniꞌa ḡoeriro. Vaze ḡuḡuvaḡaniꞌa eꞌe horonadu zaguzagaro, ebu raenaꞌa, “Ibite Isaraela habaꞌano ꞌahiguḡa mene fureraro.”
23509	MAT 10:23	Haba ꞌahogano za sausauzoꞌidene, feranadu haba ꞌahoga onamoꞌi. E hube hune ziꞌohe, za Isaraela habaꞌa niduꞌa izema harame oname hauḡogano, eḡe, Vaze Ubuganiꞌa onaiꞌuma.
23511	MAT 10:25	Tahiꞌaꞌe ane ihore vazeḡa teigiꞌuma reine idaḡa ebu tuḡure vazeḡaꞌe ane zuhiꞌa teigiꞌuma reine idaḡa. Vazeꞌa eḡe, zae Zuhiꞌa, Belezebulo rae huhine, zae, eḡe tahiꞌatahiꞌa, ufeta sauꞌano huziꞌuma.
23547	MAT 11:19	U eḡe, Vaze Ubugaꞌe onaadu ogomu auꞌohe ebu vaini vuḡa gageꞌohe. Rehano za raenaꞌa, 'Aniꞌe ogomu fuꞌa zu vaini vuḡa fuꞌa. Ebu ani takesi azaḡa zu haḡai sauꞌa azaḡa teite tiburuꞌohe.' Rehano Badiꞌa hegoteꞌeteꞌe azaḡa huhuzaḡaꞌe eḡe zu Ioaneꞌe duduḡa rae reꞌuma.
23555	MAT 11:27	Ebu aniꞌa vaze ziro, raenaꞌa, “Eḡe Mamaꞌa ḡau niduꞌa eḡe iniro. Vaze ꞌahogaꞌe eꞌe aḡuꞌa, rehano eḡe Mama daꞌo edeḡa. Ebu vaze ꞌahogaꞌe eḡe Mama aḡuꞌa, rehano eḡe, Ane Ubuga daꞌo edeḡa. Ebu e eḡe Mama moneo ihozoga veize ohoteꞌeteꞌe azaḡa daꞌo eḡe Mama edeḡa.
23566	MAT 12:8	Eḡe, Vaze Ubugaꞌe, Bana Madaḡa Zuhiꞌaḡa.”
23570	MAT 12:12	Vazeꞌe mamoe ufeta vitizoga zu ḡihiꞌaḡa. Eꞌanoꞌo Bana Madaḡano manoḡa haḡaeꞌeteꞌe idaḡa.”
23573	MAT 12:15	Iesuꞌe Farisea azaḡaniꞌa manoga rae ḡoꞌaninutaꞌaꞌe ederirotene, eꞌe habaꞌa mode vaḡiniro. Vaze ḡuḡuvaḡaniꞌa ani hegotiro ebu aniꞌa ugi azaḡa niduꞌa faiziro.
23576	MAT 12:18	“ꞌAhiꞌe eꞌa ohotirotaꞌaꞌe, eḡe tuḡure vazeḡa. Aniꞌe eḡe zamarone, eḡe matuꞌoniꞌeteꞌe vazeḡa. Eḡeꞌa Vinehe ane rana ohoniꞌuma, ebu aniꞌa habaꞌahabaꞌano Badiꞌa kota moneo harame fureniꞌuma.
23581	MAT 12:23	Vaze ḡuḡuvaḡa niduꞌa zaguzaganadu raenaꞌa, “Ahiꞌe kini Davida mariga, Keriso gaogi!”
23586	MAT 12:28	Rehano eḡeꞌa vine sauꞌaꞌe Badiꞌa Vine hina hegoze buzine, za ederoꞌi, Badiꞌaꞌa amahi zae ibitozi radiuꞌohe.
23587	MAT 12:29	Vazeꞌa ibite gezo inara vazeḡa ogoru teadu ani ne diuḡiꞌuma, ebu ani tohe ḡonotaꞌuma.
23589	MAT 12:31	E ziꞌohe, vaze sauꞌa niduꞌa ebu Badiꞌa rae sausauneꞌeteꞌe ḡoeꞌaꞌe Badiꞌaꞌa rae modiꞌuma. Rehano Vine Zaḡoḡa rae sausaunine, eꞌe sauꞌaḡaꞌe mene aḡutu modiꞌuma.
23590	MAT 12:32	Iniuꞌa eḡe, Vaze Ubuga agire ḡerehine sauꞌaḡa rae modiꞌuma. Rehano iniuꞌa Vine Zaḡoḡa agire ḡorenine, raha adao zu zazore moneo sauꞌaḡaꞌe mene rae modiꞌuma.
23593	MAT 12:35	Vaze manoḡaꞌe zamaḡano manoḡa nuꞌonadu manoḡa fureneꞌohe, ebu sauꞌa vazeḡaꞌe zamaḡano sauꞌa nuꞌonadu sauꞌa fureneꞌohe.
23598	MAT 12:40	Ionaꞌe mada uḡidu zu ohere uḡidu ḡozone boro isio radiro. Eꞌe teige, eḡe, Vaze Ubuganiꞌa mada uḡidu zu ohere uḡidu raha zamaḡano radiꞌuma.
23601	MAT 12:43	Vine sauꞌa ꞌahoganiꞌa vaze ꞌahoga mazaꞌonoꞌo buauꞌetene, ani haba bohaꞌano ragaveꞌohe ebu ahiꞌa ohonoga radu haba ꞌahoga vaḡeꞌohe. Rehano mene horoneꞌohe.
23605	MAT 12:47	Vaze ꞌahoganiꞌa Iesu ninaꞌa, “Ḡa viꞌu zu negoḡo duḡuruꞌe ḡa teite ḡoerihi radu enona edauꞌohe.”
23610	MAT 13:2	Vaze ḡuḡuvaḡaniꞌa ani babaḡano nuꞌorarotene, ani ꞌai ḡasio tiradu zamaḡano ehoriro. Vaze ḡuḡuvaḡa niduꞌaꞌe duꞌura genaḡano edaro.
23615	MAT 13:7	Ezone nuꞌe ve renogano rururaro. Ve renoganiꞌa ḡuhure bororanadu ezone ḡuhuḡa simariniro.
23628	MAT 13:20	Ezone hadi habaꞌano rururarotaꞌaꞌe ꞌahiguḡa: Vazeꞌa Badiꞌa ḡoere igiꞌetene matuꞌuzeta zogone mae ḡihineꞌohe.
23630	MAT 13:22	Ezone ve renoga zamaḡano rururarotaꞌaꞌe ꞌahiguḡa: Vazeꞌa Badiꞌa ḡoere igiꞌohe. Rehano raha ḡauḡa zamare aduduꞌohe zu oboneꞌeteꞌe toheḡa ufeta zamareꞌohe. Aꞌe Badiꞌa ḡoere uadu ze mene iniꞌohe.
23634	MAT 13:26	Vuidiꞌa ḡuhuradu maḡa haḡairotene ve zuni ḡuhuriro.
23635	MAT 13:27	Eꞌanoꞌo meba vazeḡa tuḡure azaḡaniꞌa aradu niro, raenaꞌa, ꞌVaze boro, ḡaꞌa ḡae mebao vuidi ezone manoḡa ḡoraro. Rehano ve eꞌe noumanoꞌo?'
23638	MAT 13:30	Modoꞌi ebu zeḡe tibano ḡuhuriꞌuma oname hiriveꞌeteꞌe madaḡa. Hiriveꞌeteꞌe madaḡano eḡeꞌa hiriveꞌeteꞌe azaḡa ziꞌuma, raenaꞌa, 'Ve geno ibite ḡoroꞌi, ebu tibano utadu hofoꞌi. Hena vuidiꞌe tibano nuꞌonadu eḡe suabao zounoꞌi.'”
23645	MAT 13:37	Aniꞌa naenaezinaꞌa, “Ezone manoḡa ḡoraroteꞌe vazeḡaꞌe eḡe, Vaze Ubuga.
23649	MAT 13:41	Eḡe, Vaze Ubuḡaniꞌa, eḡe tuḡure viga tuḡuziꞌuma ebu zeꞌa, Badiꞌaꞌa ibitoziniꞌeteꞌe azaḡaꞌonoꞌo, vaze ibi sauꞌao tutuzeꞌeteꞌe azaḡa niduꞌa zu haḡai sauꞌa azaḡa niduꞌa rovoze nuꞌoziꞌuma.
23652	MAT 13:44	Badiꞌaꞌa ibitoziniꞌetaꞌaꞌe mebao ḡau manomano uꞌuruga heuḡa. Vaze ꞌahoganiꞌa horonirotene bare uꞌuranadu matuꞌuḡeta ne onamiro. Ebu ane ḡau niduꞌa seronadu meba eꞌe hoitiro.
23662	MAT 13:54	Ebu ane haba, Nazareta neḡa onamadu zeḡe nuꞌonuꞌo neḡano ihoze ḡadahiro. Ze ani ḡoere egadu zaguzagaro, raenaꞌa, “Vaze adiꞌe noumaꞌonoꞌo zamarone manoḡa zu haḡaiḡa gigiꞌa inaraḡa ꞌahi meiro?
23677	MAT 14:11	Vadigaꞌe siuvao teadu odohe ariro, ebu roḡae tahiꞌaḡa hanadu aneꞌa viꞌa haro.
23706	MAT 15:4	Badiꞌaꞌa raenaꞌa, 'Viꞌu mogo gubazoꞌi', ebu 'Iniuꞌa ane viꞌa moga rae sausauzoꞌidene, mau runoꞌi.'
23708	MAT 15:6	Vazeꞌa vize moze mene gubaneꞌohe rehano, zaꞌa ze duduḡa rae ihoneꞌohe. Eꞌe teige, zaeꞌa vouḡaze goro ḡoeꞌa uꞌano, Badiꞌa goro ḡoeꞌa rae modeꞌohe.
23710	MAT 15:8	ꞌVazevaze ꞌahiꞌe hebe hina daꞌo Badiꞌa gubaneꞌohe, rehano zamazeꞌe Badiꞌa mazaonoꞌo faḡa hune.
23721	MAT 15:19	Vaze zamaonoꞌo buauꞌetaꞌaꞌe zamarone sauꞌa, gorugoru, hahuꞌa daroꞌeteꞌe, ubuma ḡezo, ḡonore, kotao ḡurire ḡoereꞌeteꞌe zu vaze rae sausauzeꞌeteꞌe raꞌohe.
23724	MAT 15:22	Eꞌe habaꞌano Kanana roḡaeḡa ꞌahoganiꞌa ani vaḡe aradu ḡihau huniro, raenaꞌa, “Zuhiꞌa Boro, Davida mariga, eḡe vetuḡahoꞌi! Vine sauꞌaniꞌa eḡe abohe rana radu ani ufeta sausauneꞌohe.”
23733	MAT 15:31	Vaze ḡuḡuvaḡaniꞌa mumutafa azaḡaꞌe ḡoereꞌeteꞌe, oda sauꞌa azaḡaꞌa manorateꞌe, mene edauꞌeteꞌe azaḡaꞌe ragaveꞌeteꞌe zu ubuma kuru azaḡaꞌe ehamaneꞌeteꞌe horozirotene, zaguzagaro. Ebu zeꞌe Isaraela azaḡa Badiꞌaḡa matuꞌoharo.
23754	MAT 16:13	Iesuꞌa Kaisaria Filipi habaꞌa onairotene, ane tahiꞌatahiꞌa ḡadiziro, raenaꞌa, “Vazeꞌa eḡe, Vaze Ubuga, iniu rae raꞌohe?”
23767	MAT 16:26	Vaze ꞌahoganiꞌa haba niduꞌa madu ḡaboneḡa mae vaḡinine, nagi manoḡa hidiꞌuma? Ḡau ꞌahoga hina zu ḡabone tuḡutuḡu mouga mene idaḡa.
23768	MAT 16:27	Eḡe, Vaze Ubugaꞌe eḡe Mama agaḡa zamaḡano tuḡure viga teite onaiꞌuma, ebu vazeꞌa nagini haḡairoteꞌe idunaḡano aneane naeḡa ziniꞌuma.
23769	MAT 16:28	E hube hune ziꞌohe, izidi zae boꞌaḡano vaze nunuꞌa izema rudanogano, eḡe, Vaze Ubuganiꞌa aradu vaze ibitoziniꞌeteꞌe horoniꞌuma.
23778	MAT 17:9	Ze maḡanonoꞌo ovairoteꞌe madaḡano Iesuꞌa ziro, raenaꞌa, “Zaꞌa horonataꞌaꞌe vaze mazao ago rae furenoꞌi, onamo eḡe, Vaze Ubuganiꞌa runeonoꞌo bare ḡabode iḡuniꞌuma.”
23781	MAT 17:12	Ebu e ziꞌohe, Elia ꞌai amahi onairo. Rehano vazeꞌa mene ederadu ani mazao zeḡeꞌa uratiroteꞌe haḡaiḡa haḡairo. Eꞌe teige, eḡe, Vaze Ubuga zuni zeḡe mazaonoꞌo aduga hidiꞌuma.”
23791	MAT 17:22	Zeꞌa Galilea habaꞌano nuꞌorarotene, Iesuꞌa ziro, raenaꞌa, “Eḡe, Vaze Ubugaꞌe agirehe ꞌevoreo riꞌihiꞌuma.
23808	MAT 18:12	Zaꞌe nouge zamareꞌohe? Vaze ꞌahoga mazao mamoeḡa 100, rehano tibaniꞌa dauḡine, ani nougiꞌuma? Aniꞌe mamoeḡa 99 maḡa habaꞌano modadu dauḡoga mamoeḡa vaḡe ragaviꞌuma.
23833	MAT 19:2	Vaze ḡuḡuvaḡaniꞌa ani hegotiro ebu aniꞌa ugi azaḡa faiziro.
23842	MAT 19:11	Iesuꞌa naenaezinaꞌa, “Vaze niduꞌa ḡoere ꞌahi mae ḡihinogaꞌe mene idaḡa. Rehano Badiꞌaꞌa danazeꞌeteꞌe azaḡa daꞌo idaḡa.
23843	MAT 19:12	Vaze nuꞌe fureraroteꞌe madaḡanonoꞌo ahiri ugiḡeta radu mene hahureꞌohe. Nuꞌe vazeꞌa ahiri ariro. Nuꞌe Badiꞌaꞌa ibitoziniꞌeteꞌe veize gauihi radu zeꞌe mene hahuriro. Iniuꞌa ꞌahi ḡoeꞌa mae ḡihinoga idaḡa reine, aniꞌa mae ḡihiniꞌuma.”
23844	MAT 19:13	Vazevazeꞌa tahiꞌa komeꞌakomeꞌa tutuze Iesu vaḡe onairo, mazaḡa aniꞌa ze rana ꞌevore teadu kuranoga uratiro. Rehano ane tahiꞌatahiꞌaꞌa tutuze ariroteꞌe azaḡa roziro.
23847	MAT 19:16	Vaze ꞌahoganiꞌa Iesu vaḡe aradu ḡadiniro, raenaꞌa, “Ihore vazeḡa, e nagini manoḡa haḡaine ḡabone tuḡutuḡu hidiꞌuma?”
23849	MAT 19:18	Vaze eꞌeꞌa ḡadinenaꞌa, “Noꞌe goro ḡoeꞌa hegotiꞌuma?” Iesuꞌa naenaeninaꞌa, “'Vaze ago manoꞌi, ubuma ago ḡezanoꞌi, ago ḡonotanoꞌi, kota zamaḡano ḡoere veꞌoḡa ago ḡoeroꞌi,
23857	MAT 19:26	Iesuꞌa ḡiazadu zinaꞌa, “'Vazevaze zeḡeꞌa bare ḡabone hidogaꞌe mene idaḡa, rehano Badiꞌaꞌa vaze ḡaboziꞌuma. Mazaḡa aniꞌe ḡau niduꞌa haḡaoga idaḡa.”
23859	MAT 19:28	Iesuꞌa ziro, raenaꞌa, “E hube hune ziꞌohe. Raha ꞌahi niduꞌaꞌe bare izidaꞌuma madaḡano, eḡe, Vaze Ubuganiꞌa kini ehore habaꞌano ehoradu raha niduꞌa ibitohaꞌuma. Ebu zae, eḡe hogoteꞌeteꞌe azaḡa zuni kini ehoro habaꞌa 12 rana ehoradu Isaraela azaḡa, 12 urabo, kotaziꞌuma.
23873	MAT 20:12	'Vesu onaateꞌe azaḡaꞌe mada tahiḡa daꞌo gauꞌeha. U emeꞌa mada gigiꞌa zamaḡano mada niduga gau boro haḡaeha. Rehano ḡaꞌe zeḡe moniꞌe emeḡe teite idane zeneha!'
23879	MAT 20:18	“Ḡianoꞌi, emeꞌe Ierusalema iteꞌohe. Ebu eḡe, Vaze Ubuganiꞌe, dibuꞌo vazeḡa ḡihiꞌaḡaḡihiꞌaḡa zu Mose goro ḡoeꞌa ihozeꞌeteꞌe azaḡaniꞌa obohe teadu uḡuhihi reꞌuma.
23889	MAT 20:28	Zaꞌe eḡe teige haḡaoꞌi, mazaḡa eḡe, Vaze Ubuganiꞌa vazeꞌe eḡe tuḡure azaḡa reꞌuma radu mene ariro, rehano eꞌe vaze tuḡure vazeḡa reꞌuma radu ariro. Ebu vaze ḡehaḡa sauꞌa uꞌano, eḡe ḡabone hina Badiꞌa dibuꞌo hanoga veize ariro.”
23892	MAT 20:31	Vaze ḡuḡuvaḡaniꞌa horozadu roziro, raenaꞌa, “Hezoa!” Rehano zeꞌe ufeta ḡihau huaro. “Zuhiꞌa Boro, Davida mariḡa, eme vetuḡafoꞌi!”
23903	MAT 21:8	Vaze ḡehaḡaniꞌa zeḡe dabua ibio hirau tiro, u vaze nuꞌe ire ezaga variꞌe madu ibi rana hiraro.
23923	MAT 21:28	Ebu Iesuꞌa dibuꞌo azaḡa ḡihiꞌaḡaḡihiꞌaḡa zu vaze boroboro mazao hari idaidaḡa ꞌahoga ziro, raenaꞌa, “Za hari idaidaḡa ꞌahi abitadu huga zamaroꞌi. Vaze ꞌahoganiꞌa ubuga ꞌaheu teite radiunu. Ani ene ibiꞌa vaḡe onamadu niro, raenaꞌa, 'Ubude, ḡa izidi vaini mebaḡano gaui onamoꞌi.'
23928	MAT 21:33	Iesuꞌa bare ziro, raenaꞌa, “Hari idaidaḡa ꞌahoga egoꞌi. Vaze ꞌahoganiꞌa vaini mebaḡa ḡoraro, ebu hadi ḡabiriḡa meraro. Aniꞌa vaini vuḡa gigeꞌeteꞌe ḡauḡa haḡairo zu ehamuꞌeteꞌe taruhaḡa hitanao hadi hina haḡairo. Ebu hihi azaḡa nu ꞌevoreo teadu hiriveꞌeteꞌe madaḡano huga nuꞌe aniꞌa meꞌuma rae reiro. Ebu aniꞌe haba ꞌahoga onamadu mada faḡa ragaviro.
23937	MAT 21:42	Iesuꞌa ziro, raenaꞌa, “Zaꞌe Buka Zaḡoḡa mene meꞌodirohe? Aꞌe raenaꞌa, 'Vazeꞌa hadi hina ne ogorarotene, zeꞌa mene uratadu mae modiroteꞌe hadiḡaꞌe, gauḡa boro hadiḡa raha. ꞌAdiꞌe Zuhiꞌa Boroꞌa haḡairoteꞌe haḡaiḡa. Emeḡeꞌa ḡianeꞌetene, manoḡa tauḡi.'
23974	MAT 22:33	Vaze ḡuḡuvaḡa aniꞌa ihoziroteꞌe ḡoeꞌa igirotene, zaguzagaro.
23984	MAT 22:43	Iesuꞌa ḡadizenaꞌa, “ꞌOugadu Davidaꞌe nougadu Vine Zaḡoḡaniꞌa ibitohanadu Keriso mazao 'Zuhiꞌa Boro,' rae hunehehe? Davida ꞌahige reiro, raenaꞌa,
23994	MAT 23:7	Vazevazeꞌa ne hunio hidine, 'Ihore Vazeḡa,' rae gubaze zouga urateꞌohe.
23995	MAT 23:8	Rehano vaze ꞌahoganiꞌa zae mazao 'Ihore Vazeḡa' rae huzoꞌidene gararozoꞌi, mazaḡa eḡe daꞌo zae ihore vazeḡa zu zae niduꞌaꞌe idaḡa daꞌo nego zu eze tiba heuḡa.