23240	MAT 2:2	“Iuda azaḡa kini raꞌeteꞌe vazeḡaꞌe mouma fureraneha? Mazaḡa eme madaꞌa iteꞌeteꞌe moneḡa habaꞌano buzuva ꞌahoga horoniro. Aꞌe kiniḡaniꞌa fureranateꞌe tahiḡa radu ani mazao kuranoga veize areha.”
23246	MAT 2:8	Ebu edeḡa azaḡa Betelehema neḡano tuḡuzeꞌenaꞌa, ziro, raenaꞌa, “Onamadu tahiꞌa komeꞌa eꞌe faine vaḡoꞌi. Horonoꞌidene, eḡe zuni onamadu ani mazao kurafine, ihohoꞌi.”
23250	MAT 2:12	Ebu Badiꞌaꞌa iḡunao edeḡa azaḡa ihoziro, raenaꞌa, “Heroda vaḡe ago bare onamoꞌi.” Eꞌanoꞌo zeꞌe ibi ꞌahoganonoꞌo zeḡe haba bare onamiro.
23251	MAT 2:13	Edeḡa azaḡaniꞌa iḡuniroteꞌe enogano Zuhiꞌa Boro tuḡure viganiꞌa iḡunao Iosefa zamao fureraro, raenaꞌa, “Iḡunoꞌi. Ene komeꞌa viꞌeta zamazadu Izipi habaꞌa ferau onamoꞌi. Ebu eꞌea radoꞌi, onamo eḡeꞌa iḡunoꞌi rae ziꞌuma. Mazaḡa kini Herodaꞌa ane uti azaḡa tuḡuzadu ene komeꞌa manoga veize vaḡiꞌuma.”
23253	MAT 2:15	Ebu eꞌea radiro, onamo Herodaꞌa rudaro. Aꞌe Zuhiꞌa Boroꞌa ibite peroveta vazeḡa mazao reiroteꞌe ḡoeꞌaniꞌa hudaro, raenaꞌa, “Izipi habaꞌanonoꞌo eḡe ubude hune ariro.”
23256	MAT 2:18	“Rama neḡano roḡae ꞌahoganiꞌa zamaḡa are rudanadu kuau niaroteꞌe igiro. Rahelaꞌa ubugaubuga rudaroteꞌe uꞌano niaro, ebu ani vazeꞌa naminoga hezahoziniro.”
23258	MAT 2:20	“Iḡunoꞌi. Tahiꞌa komeꞌa viꞌeta Isaraela habaꞌa tutuze onamoꞌi. Mazaḡa tahiꞌa komeꞌa matihi reiroteꞌe azaḡa ꞌai rudau hauḡeha.”
23261	MAT 2:23	Ze onamadu ne ꞌahoga Nazaretao radiro. Aꞌe peroveta vazeḡaniꞌa Badiꞌa ḡoere reiroteꞌeꞌa hudaro, raenaꞌa, “Iesuꞌe Nazareta vazeḡa rae reꞌuma.”
23263	MAT 3:2	“Sauꞌanonoꞌo ḡihuroꞌi, mazaḡa Badiꞌaꞌa ibitoziniꞌeteꞌe madaḡa ꞌai haniteha.”
23273	MAT 3:12	Maho hiriveꞌeteꞌe madaḡano, vazeꞌa kari hina rouḡa tenadu maho huꞌiꞌohe, ebu iguḡa manoneꞌohe zu meba hare deheneꞌohe. Ebu hugaꞌe nuꞌonadu suaba zamaḡano tiꞌohe, rehano iguḡaꞌe mene vidauꞌeteꞌe ire rogaḡano hufi haoneꞌohe. Eꞌe teige, Badiꞌaꞌa vazevaze rovoziꞌuma.”
23276	MAT 3:15	Iesuꞌa naenaeniro, raenaꞌa, “Izidiꞌe ꞌouge haḡaoꞌi. Eme Badiꞌaꞌa urateꞌeteꞌe haḡaiḡa niduꞌa haḡaifine, ꞌougiꞌuma.” Ebu Ioaneꞌa Iesu ḡoere mae ḡihinadu bapatizoniro.
23281	MAT 4:3	Ebu Diavoloꞌa tuhunoga radu ani vaḡe onairo, ninaꞌa, “Ḡaꞌe Badiꞌa Ubuga roꞌidene, hadi ꞌadi ninaꞌa, 'Beredio ḡihunoꞌi,' rae noꞌi.”
23287	MAT 4:9	Ebu ninaꞌa, “Ḡaeꞌa eḡe zamao ḡuḡuradu kuraune, deꞌe niduꞌa ḡae ḡaniꞌuma.”
23294	MAT 4:16	Uzabo zamaḡano radiuꞌeteꞌe azaḡaniꞌa agaḡa boro horoneha. Rune zauhaḡa habaꞌano radiuꞌeteꞌe azaḡa rana agaḡaniꞌa agazeha.”
23295	MAT 4:17	Eꞌe madaḡanonoꞌo Iesuꞌa haramoḡa ḡadaheniro, raenaꞌa, “Sauꞌanonoꞌo ḡihuroꞌi, mazaḡa Badiꞌaꞌa ibitohauꞌeteꞌe madaḡa ꞌai haniteha.”
23297	MAT 4:19	Ebu Iesuꞌa ziro, raenaꞌa, “Eḡe ḡaruna hegotoꞌi. Vaze reꞌevaziꞌeteꞌe vazeḡa rouga veize ihoziꞌuma.”
23299	MAT 4:21	Iesuꞌa Galilea duꞌura genaḡano bare onamiro ebu vaze ꞌaheu negoḡeta horoziro. Anianineꞌe Zebedeo ubuga, Iakobo zu Ioane. Zeꞌe moze teite ḡasi zamaḡano reꞌeva zigoga faine radiunu. Ebu Iesuꞌa zeḡe ꞌaheu huziro. “Eḡe hegotoꞌi.”
23351	MAT 5:48	Eꞌanoꞌo agire azaḡa zu zamare hunoꞌi. Badiꞌa mazaoꞌe veꞌoḡa oꞌoꞌa teige, za zu veꞌoḡa ꞌahoga ago haḡaoꞌi.”
23412	MAT 7:27	Iruguꞌa ruanadu zobozoboꞌa bororarotene ebu zavara boroꞌa feuradu neḡa beirotene, eꞌe neḡa higau bauradu fatariro.”
23418	MAT 8:4	Ebu Iesuꞌa ninaꞌa, “Vaze ꞌahoga ago noꞌi. Rehano dibuꞌo vazeḡa vaḡe onamadu ahiꞌo ihonoꞌi! Ebu ḡaeꞌa manorateꞌe vazeꞌa ederifine, Moseꞌa reiroteꞌe gahunoḡa mae onamadu Badiꞌa dibuꞌo hanoꞌi.”
23420	MAT 8:6	raenaꞌa, “Zuhiꞌa Boro, eḡe tuḡure vazeḡa ꞌahogaꞌe ahiꞌa haganoga mene idaḡa radu neo bazeꞌohe. Ahiꞌaniꞌa giginadu ḡaniḡanau radiuꞌohe.”
23421	MAT 8:7	Iesuꞌa ninaꞌa, “Eḡeꞌa onamadu fainiꞌuma.”
23423	MAT 8:9	Mazaḡa eꞌe zuni vaze ꞌahoga ꞌuꞌuḡano gaueꞌohe, zu eḡe uti azaḡaꞌe eḡe ꞌuꞌuḡano gaueꞌohe. Eḡeꞌa vaze ꞌahi ninaꞌa, 'Onamoꞌi' reine, aniꞌe onameꞌohe, ebu ꞌahoga omo ninaꞌa, 'Aroꞌi' reine, aniꞌe areꞌohe. Eḡeꞌa eḡe tuḡure vazeḡa ꞌahoga ninaꞌa, 'ꞌAdi haḡaoꞌi' reine, aniꞌe haḡaeꞌohe.”
23426	MAT 8:12	Rehano Iuda azaḡa, Badiꞌaꞌa ibitoziniꞌohe rae zamarirotaꞌaꞌe, enona mae feuzadu uzabo zamaḡano radiꞌuma. Ze eꞌea niaꞌuma zu ḡononeze atitiꞌuma.”
23427	MAT 8:13	Ebu Iesuꞌa uti azaḡa ḡihiꞌaḡa niro, raenaꞌa, “Onamoꞌi. Ḡaꞌe eḡe mazao fieꞌeteꞌe teige, ḡae tuḡure vazeḡaꞌe manoriꞌuma.” Aniꞌa ꞌouge reirotene madaḡano tuḡure vazeḡa eꞌe manoriro.
23431	MAT 8:17	Aꞌe peroveta vazeḡa Isaiaꞌa Badiꞌa ḡoere reiroteꞌeꞌa hudaro, raenaꞌa, “Ani emeḡe gigiꞌa meiro ebu emeḡe ugi mae vaḡiniro.”
23432	MAT 8:18	Iesu vaze ḡuḡuvaḡaniꞌa ane mazao nuꞌoru radoga horozirotene, ane tahiꞌatahiꞌa ziro, raenaꞌa, “Duꞌura moneafa fare onamihi.”
23433	MAT 8:19	Eꞌe madaḡano Mose goro ḡoeꞌa ihozeꞌeteꞌe vazeḡa ꞌahoganiꞌa Iesu vaḡe onaadu niro, raenaꞌa, “Ihore vazeḡa, ḡaeꞌa noꞌe onamine, e ḡae hegotiꞌuma.”
23434	MAT 8:20	Iesuꞌa naenaeninaꞌa, “Butu ḡuniḡaꞌe bazuni habaꞌazeta, ebu hitana niniḡaꞌe nezeta. Rehano eḡe, Vaze Ubuḡaꞌe bazunihe habaꞌaꞌe oꞌoꞌa.”
23435	MAT 8:21	Iesu tahiꞌa ꞌahoganiꞌa niro, raenaꞌa, “Zuhiꞌa Boro, e geno mamahe guri onamihi.”
23436	MAT 8:22	Rehano Iesuꞌa ninaꞌa, “Ḡaꞌe eḡe hegotoꞌi. Vine ruga azaḡaniꞌa rune azaḡa ḡuriꞌuma.”
23441	MAT 8:27	Iesu tahiꞌatahiꞌaꞌa zaguzagaro, raenaꞌa, “Vaze ꞌahiꞌe nagi vaze? Zavara zu saꞌuꞌa ane ḡoere egohuꞌohe.”
23445	MAT 8:31	Ebu vine sauꞌaniꞌa Iesu uminiro, raenaꞌa, “Ḡaeꞌa eme hegofe bufoꞌidene, aba ḡuḡuvaḡa ꞌomo mazao tuḡufoꞌi.”
23450	MAT 9:2	Ebu vaze nuꞌa ahiꞌa mene haganeꞌeteꞌe vazeḡa faratao bazune teadu ani vaḡe herate onairo. Zeḡeꞌa Iesu mazao fieꞌeteꞌe Iesuꞌa horonirotene, ahiꞌa mene haganeꞌeteꞌe vazeḡa niro, raenaꞌa, “Ubude, zamaḡo rinedoꞌi. Ḡae sauꞌa ꞌai aḡutu modeha.”
23454	MAT 9:6	Rehano e ani manoniꞌuma ebu ani sauꞌa zu rae modiꞌuma, mazaḡa eḡe, Vaze Ubuḡaꞌe raha ꞌadao vaze sauꞌa rae modeꞌeteꞌe gigiꞌaḡa meiroteꞌe zuni za ihoziꞌuma.” Ebu Iesuꞌa ahiꞌa mene haganeꞌeteꞌe vazeḡa eꞌe niro, raenaꞌa, “Eḡeꞌa ḡaꞌohe, iḡunoꞌi ebu farataḡo odohadu neḡo onamoꞌi”
23457	MAT 9:9	Iesuꞌa eꞌeanoꞌo ibio onamiro. Ebu vaze ꞌahoga niḡa Mataioꞌa takesi habaꞌano ehoreꞌenogano horoniro. Ebu Iesuꞌa niro, raenaꞌa, “Eḡe hegotoꞌi.” ꞌOugirotene ani iḡunadu Iesu hegotiro.
23461	MAT 9:13	Eꞌe teige, zeḡe bare haḡai duduḡa rae zamareꞌeteꞌe azaḡa huzoga radu eḡeꞌa mene onairo. Rehano zeḡe bare haḡai sauꞌa rae zamareꞌeteꞌe azaḡa huzoga radu onairo. Badiꞌaꞌa ꞌahige reiro, raenaꞌa, 'Eꞌe zaeꞌa dibuꞌo inoga daꞌo mene urateꞌohe, rehano vaze vetuḡazoga ufeta urateꞌohe.' Za onamadu ḡoere huga eꞌe ederoꞌi.”
23465	MAT 9:17	Ebu vaze ꞌahoganiꞌa vaini vuḡa fuse amahiḡa zamaḡano vaini vuḡa iziga mene beꞌune ufiꞌohe. Beꞌune ufine, vaini vuḡa iziga aneꞌa bare busure bororadu fuse amahiḡaꞌe zigaꞌuma. Ebu sore rururanadu fuse amahiḡa sausauniꞌuma. Eꞌanoꞌo vaini vuḡa izigaꞌe fuse izigano beꞌune ufiꞌohe ebu anianineꞌe manoḡa radiuꞌohe.”
23466	MAT 9:18	Iesuꞌa eꞌe ḡoeꞌa ziniroteꞌe zamaḡano, nuꞌonuꞌo neḡa ḡihiꞌaḡa ꞌahoganiꞌa Iesu vaḡe onairo. Ebu ani zamao ḡuḡuradu niro, raenaꞌa, “Eḡe aboeꞌe iziduꞌu rudaneha. Rehano ḡaeꞌa onaadu ane rana ꞌevoꞌo tine, ani ḡabodiꞌuma.”
23470	MAT 9:22	Ebu Iesuꞌa tehadu roḡae eꞌe ḡianiro, raenaꞌa, “Aboe, zamaḡo rinedoꞌi! Ḡaeꞌa eḡe mazao fiateꞌe uꞌano ugiḡoꞌa manoreha.” ꞌOuge reiroteꞌe madaḡano roḡae ꞌai manoriro.
23472	MAT 9:24	Ebu aniꞌa ziro, raenaꞌa, “Zae niduꞌa buanoꞌi! Roḡae tahiꞌaḡaꞌe mene rudaneha. Aniꞌe bazeꞌohe.” Rehano zeꞌe Iesu eḡofoharo.
23476	MAT 9:28	Iesuꞌa ne diuḡirotene, ubuma kuru azaḡaniꞌa ane vaḡe onairo. Iesuꞌa ḡadiziro, raenaꞌa, “Za eḡeꞌa faiziꞌuma rae fieꞌehe?” Zeꞌa naenaeninaꞌa, “Oꞌe, Zuhiꞌa Boro.”
23477	MAT 9:29	Ebu aniꞌa ubumaze obonadu ziro, raenaꞌa, “Zaeꞌa eḡe mazao fieꞌeteꞌe idunaḡano ubumazeꞌa manoriꞌuma.”
23478	MAT 9:30	Ebu ubumazeꞌa raꞌaro. ꞌOugadu Iesuꞌa riḡa hune ziro, raenaꞌa, “Zae mazao fureranateꞌe ḡauḡa vaze ꞌahoga ago noꞌi.”
23481	MAT 9:33	Ebu Iesuꞌa vine sauꞌa ane mazaonoꞌo hegone bunadu mumutafa vazeḡaniꞌa ḡoeriro. Vaze ḡuḡuvaḡaniꞌa eꞌe horonadu zaguzagaro, ebu raenaꞌa, “Ibite Isaraela habaꞌano ꞌahiguḡa mene fureraro.”
23482	MAT 9:34	Rehano Farisea azaḡaniꞌa raenaꞌa, “Aniꞌe vine sauꞌa zuhiꞌaḡa gigiꞌaḡano vine sauꞌa hegone buneha.”
23486	MAT 9:38	Eꞌanoꞌo hiriveꞌeteꞌe Zuhiꞌaḡa, Badiꞌa mazao gau azaḡa ane mebao tuḡuzoga veize uminoꞌi.”
23554	MAT 11:26	Mama, a hube, ꞌouge haḡairotaꞌe ḡaeꞌa urateꞌeteꞌe ḡauḡa.”
23560	MAT 12:2	Farisea azaḡaniꞌa eꞌe horonirotene aꞌe gaueꞌohe radu Iesu niro, raenaꞌa, “Ḡianoꞌi, ḡa tahiꞌatahiꞌaꞌe Bana Madaḡa goroḡa varadeꞌenaꞌa, vuidi hiriveha.”
23566	MAT 12:8	Eḡe, Vaze Ubugaꞌe, Bana Madaḡa Zuhiꞌaḡa.”
23570	MAT 12:12	Vazeꞌe mamoe ufeta vitizoga zu ḡihiꞌaḡa. Eꞌanoꞌo Bana Madaḡano manoḡa haḡaeꞌeteꞌe idaḡa.”
23571	MAT 12:13	Ebu aniꞌa vaze eꞌe niro, raenaꞌa, “ꞌEvoꞌo einoꞌi.” Aniꞌa ꞌevoꞌa einirotene naeḡa ꞌevoꞌa teige ꞌevoꞌaḡaniꞌa manoriro.
23574	MAT 12:16	Rehano ani riḡa ḡoeziro, raenaꞌa, “Eꞌe iniu rae vaze ago ihozoꞌi.”
23579	MAT 12:21	Ebu Badiꞌa aḡuꞌa azaḡaꞌe ani niḡano ḡabone hidiꞌuma rae reꞌuma.”
23582	MAT 12:24	Rehano Farisea azaḡaniꞌa ḡoereze igirotene, raenaꞌa, “Aniꞌe vine sauꞌa zuhiꞌaḡa Belezebulo inaraḡa hina vine sauꞌasauꞌa hegoze buzeꞌohe.”
23595	MAT 12:37	Mazaḡa zaꞌe reiroteꞌe ḡoeꞌa idunaḡano, Badiꞌaꞌa zaꞌe duduga ga veꞌoḡa rae ziꞌuma.”
23596	MAT 12:38	Ebu Mose goro ḡoeꞌa ihozeꞌeteꞌe azaḡa zu Farisea azaḡaniꞌa Iesu vaḡe aradu niro, raenaꞌa, “Ihore vazeḡa, eme ḡaꞌa haḡai nu badeḡa haḡaeꞌeteꞌe ḡianoga urateꞌohe.”
23603	MAT 12:45	Ebu vine sauꞌa eꞌeꞌa onamadu vine sauꞌa niduꞌa fuꞌo ꞌaheu fare, aꞌe ufeta hune sauꞌa, zamazeꞌohe, ebu vaze eꞌe mazao diuḡe radiuꞌohe. ꞌOugadu vaze eꞌe ufeta hune sautuꞌohe, ibite mene heuḡa. Deꞌeguḡaꞌe izidi ega sauꞌa mazao fureraꞌuma.”
23605	MAT 12:47	Vaze ꞌahoganiꞌa Iesu ninaꞌa, “Ḡa viꞌu zu negoḡo duḡuruꞌe ḡa teite ḡoerihi radu enona edauꞌohe.”
23608	MAT 12:50	Iniuꞌa Badiꞌa eḡe Mama adureo urateꞌetaꞌaꞌe haḡaine, eḡe nego, eze, ebu nanu rae raꞌohe.”
23640	MAT 13:32	Aniꞌe maḡa niduꞌa boꞌaḡano komeꞌa fase, rehano ḡuhurine meba ḡauḡa niduꞌa boꞌaḡano ufeta bororanadu ire boro raꞌohe. Ebu butu niniꞌa rafiu are ezagano kamadu neze ogoraꞌuma.”
23641	MAT 13:33	Aniꞌa hari idaidaḡa ꞌahoga ziro, raenaꞌa, “Badiꞌaꞌa ibitoziniꞌetaꞌaꞌe isiti heuḡa. Roḡae ꞌahoganiꞌa isiti tahiḡa madu uvahuḡa ḡehaḡa teite mirune tibuneꞌohe ebu hena uvahu niduꞌaꞌe ubaruꞌohe.”
23643	MAT 13:35	Aꞌe, peroveta vazeḡaniꞌa Badiꞌa ḡoere reiroteꞌeꞌa hudaro, raenaꞌa, “Eꞌe hari idaidaḡa hina ziꞌuma. Raha ꞌadi haḡairoteꞌe madaḡanonoꞌo ꞌuꞌuru tirotaꞌaꞌe eḡeꞌa fureraꞌuma.”
23644	MAT 13:36	Ebu aniꞌa vaze ḡuḡuvaḡa muhizadu ne zamaḡa diuḡiro. Ane tahiꞌatahiꞌaꞌa hegote diuḡadu niro, raenaꞌa, “Mebao ḡoraroteꞌe ve hari idaidaḡa huga ihofoꞌi.”
23658	MAT 13:50	Ebu zeꞌa ire roga gigiꞌaḡano mae feuzadu eꞌea niaꞌuma zu ḡononeze atitiꞌuma.”
23660	MAT 13:52	Aniꞌa ziro, raenaꞌa, “Mose goro ḡoeꞌa ihozeꞌeteꞌe azaḡa niduꞌaꞌe Badiꞌaꞌa ibitoziniꞌeteꞌe moneo ederifone, zeꞌe godogo neḡa ḡianeꞌeteꞌe azaḡa ḡihiꞌaḡaḡihiꞌaḡa heuḡa reifo. Zeꞌe godogo zamaḡano ḡau manomano amahiḡa zu ḡau manomano iziga ederadu vaze ihozeꞌohe.”
23665	MAT 13:57	Ebu zeꞌa ani hezahoharo. ꞌOugadu Iesuꞌa ziro, raenaꞌa, “Haba nunu niduꞌa zamaḡano vazeꞌa peroveta azaḡa gubazeꞌohe, rehano peroveta azaḡa zeḡe habao zu nezeno daꞌo vazeꞌa mene gubazeꞌohe.”
23668	MAT 14:2	Ebu ane gau azaḡa ziro, raenaꞌa, “Iesuꞌe Ioane Babatiso gaogi. Aneꞌa runeonoꞌo bare ḡabodeha! Eꞌanoꞌo aneꞌa haḡai gigiꞌa inaraḡa hina gauꞌeꞌohe.”
23669	MAT 14:3	Ibite Herodaꞌa negoḡa, niḡa Filipo, inuga meiro. Inuga niḡaꞌe Herodia. Ebu Ioaneꞌa Heroda mazao barebare niro, raenaꞌa, “Ḡaeꞌa negoḡo inuga meirotaꞌaꞌe Badiꞌa goro variꞌeha.” Eꞌanoꞌo, Herodaꞌa Ioane obone tiro, ebu ḡuꞌa neḡano ohoniro.
23673	MAT 14:7	Eꞌanoꞌo Herodaꞌa ani mazao ḡoitoriro, raenaꞌa, “Ḡa nagini urateꞌetaꞌaꞌe eḡeꞌa ḡaniꞌuma.”
23674	MAT 14:8	Ebu ani viꞌa ḡoere egadu Heroda niro, raenaꞌa, “Ioane Babatiso vadini siuvao ofadu izidi ꞌada enoꞌi.”
23681	MAT 14:15	Ḡoravararotene, ane tahiꞌatahiꞌaꞌe ane vaḡe onaadu niro, raenaꞌa, “Ahiꞌe haba bohaꞌa ebu mada ꞌai zubureha. Eꞌanoꞌo vaze ḡuḡuvaḡa ꞌadi tuḡuzoꞌi, ebu ze uhiḡauhiḡa neḡa onamadu ogomuze hoitiꞌuma.”
23682	MAT 14:16	Rehano aniꞌa naenaezinaꞌa, “Mene ꞌougiꞌuma. Zaeꞌa ogomu nu zenoꞌi.”
23683	MAT 14:17	Zeꞌa ninaꞌa, “Eme mazaoꞌe beredi fuꞌo zu ḡozone ꞌaheu daꞌo.”
23684	MAT 14:18	Aniꞌa zinaꞌa, “Eḡe vaḡe mae aroꞌi.”
23688	MAT 14:22	Eꞌe enogano Iesuꞌa tahiꞌaḡa zogone ibite tuḡuzenaꞌa, ziro, raenaꞌa, “Ḡasio tiradu duꞌura moneafa fare onamoꞌi.” U Iesu ꞌize vaze ḡuḡuvaḡa tuḡuziro.
23693	MAT 14:27	Rehano Iesuꞌa zogone ziro, raenaꞌa, “Ago rihanoꞌi! ꞌAdi eḡe. Zamaze rinedoꞌi.”
23694	MAT 14:28	Peteroꞌa ninaꞌa, “Zuhiꞌa Boro, a hube hune ḡa roꞌidene, e zuni vu rana ḡae vaḡe amoga veize huhoꞌi.”
23699	MAT 14:33	Ebu ḡasi rana azaḡaꞌe Iesu niguniro, raenaꞌa, “Hube hune ḡaꞌe Badiꞌa ubuga.”
23713	MAT 15:11	Hebeo diuḡeꞌeteꞌe ḡauḡaꞌe vaze mene toratoraneꞌohe. Rehano hebeꞌonoꞌo buauꞌeteꞌe ḡauḡaniꞌa vaze toratoraneꞌohe.”
23716	MAT 15:14	Ze mode tauḡoꞌi! Zeꞌe vaze ibitoziniꞌohe, rehano ubuma kuruga azaḡa heuḡa. Kuruga vazeḡaniꞌa kuruḡa vazeḡa ibitohaune, anianine hoꞌona bohire ovoiꞌuma.”
23717	MAT 15:15	Peteroꞌa ninaꞌa, “Auꞌeteꞌe ḡauḡaꞌe vaze mene toratoraneꞌeteꞌe hari idaidaḡa huga ihofoꞌi.”
23722	MAT 15:20	Deꞌeguḡaniꞌa vaze toratoraneꞌohe. Rehano ꞌevore mene vuzuadu ogomu auꞌeteꞌeꞌa vaze mene toraneꞌohe.”
23724	MAT 15:22	Eꞌe habaꞌano Kanana roḡaeḡa ꞌahoganiꞌa ani vaḡe aradu ḡihau huniro, raenaꞌa, “Zuhiꞌa Boro, Davida mariga, eḡe vetuḡahoꞌi! Vine sauꞌaniꞌa eḡe abohe rana radu ani ufeta sausauneꞌohe.”
23725	MAT 15:23	Rehano Iesuꞌa ḡoere ꞌahoga mene naenaeniro. Ebu ani tahiꞌatahiꞌaꞌa aradu uminiro, raenaꞌa, “Ani tuḡune vaḡinoꞌi, mazaḡa eme hegoteꞌenaꞌa, barebare huau ḡunuḡunufeꞌohe.”
23726	MAT 15:24	ꞌOugadu Iesuꞌa roḡae eꞌe niro, raenaꞌa, “E ḡa mene danaꞌiꞌuma. Eꞌe Isaraela azaḡa, dauḡiroteꞌe mamoeḡa veize daꞌo tuḡuhiro.”
23728	MAT 15:26	Iesuꞌa naenaeninaꞌa, “Tahiꞌa ogomu madu ḡuni hanogaꞌe mene idaḡa.”
23729	MAT 15:27	Roḡaeḡaꞌe ninaꞌa, “A hube, Zuhiꞌa Boro, rehano ḡuni zuni ane zuhiꞌa ogomu mumuḡa fataꞌonoꞌo buauꞌetaꞌaꞌe auꞌohe.”
23730	MAT 15:28	Iesuꞌa naenaeninaꞌa, “Roḡae, ḡaꞌe eḡe mazao fieꞌetaꞌaꞌe boro! Ḡaꞌa urateꞌetaꞌaꞌe hidiꞌuma.” Eꞌe madaḡano ani aboḡa ꞌai manoriro.
23734	MAT 15:32	Ebu Iesuꞌa ane tahiꞌatahiꞌa huzadu ziro, raenaꞌa, “'Eꞌe ꞌahi duḡuru vetuḡaziꞌohe, mazaḡa ze ꞌahao mada uḡidu eḡe teite radiuꞌohe zu ogomuze oꞌoꞌa. Eꞌe ze vinini tare nezeo tuḡuzoga mene urateꞌohe, mazaḡa ibio higau bauriꞌuma.”
23736	MAT 15:34	Iesuꞌa ḡadizenaꞌa, “Za mazao berediꞌe nugu?” Zeꞌa naenaeninaꞌa, “Berediꞌe fuꞌo ꞌaheu fare zu ḡozone komeꞌa tahiḡa.”
23742	MAT 16:1	Farisea zu Sadukea azaḡaniꞌa Iesu tuhune nuroga radu ane vaḡe onairo ebu uminiro, raenaꞌa, “Badiꞌa mazaononoꞌo haḡai nu badeḡa ihofoꞌi.”
23745	MAT 16:4	Sauꞌa azaḡa zu Badiꞌa mazao mene hune fieꞌeteꞌe azaḡaꞌe haḡai nu badeḡa daꞌo urateꞌohe, rehano mene ziniꞌuma. Eꞌa ziniꞌumaꞌe peroveta vazeḡa Iona haḡai nu badeḡa daꞌo.” Ebu aniꞌa zeḡe mazaonoꞌo vaḡinadu onamiro.
23747	MAT 16:6	Iesuꞌa ziro, raenaꞌa, “Tohutohoꞌi, Farisea zu Sadukea azaḡa isiti faine ḡianoꞌi.”
23748	MAT 16:7	ꞌOugadu ze zeḡeꞌa bare ḡoꞌaniro, raenaꞌa, “Emeꞌa beredi mene odoheha ꞌahine, ani ꞌouge raꞌohe.”
23755	MAT 16:14	Zeꞌa naenaeninaꞌa, “Nuꞌe Ioane bapatizo, nuꞌe Elia raꞌohe. Nuꞌe Ieremia ga amahi peroveta vazeḡa ꞌahoga raꞌohe.”
23757	MAT 16:16	Simona Peteroꞌa naenaeninaꞌa, “Ḡaꞌe Keriso, ḡabone Badiꞌaḡa Ubuga.”
23760	MAT 16:19	Badiꞌaꞌa ibitoziniꞌeteꞌe ibihetaḡa vavaꞌoga veize kiḡa eḡeꞌa ḡaniꞌuma. Eꞌanoꞌo ḡaꞌe nagini rahao gararine, Badiꞌa adureo zuni garariꞌuma, ebu ḡaꞌa nagini rahao ahetine, Badiꞌa adureo zuni ahetiꞌuma.”
23762	MAT 16:21	Eꞌe madaḡanonoꞌo, Iesuꞌa ane rune moneo ane tahiꞌatahiꞌa ḡadahe ihoziro, raenaꞌa, “Eḡeꞌa Ierusalema onamehuniꞌuma, ebu vaze boroboro, dibuꞌo vazeḡa ḡihiꞌaḡaḡihiꞌaḡa zu Mose goro ḡoeꞌa ihozeꞌeteꞌe azaḡa mazaonoꞌo aduga ḡehaḡa hidiꞌuma. Zeꞌa uḡuhiꞌuma, rehano eꞌa mada uḡiduḡa zamaḡano bare ḡabode iḡuniꞌuma.”
23764	MAT 16:23	Rehano aniꞌa tehadu Petero niro, raenaꞌa, “Satani, eḡe mazaonoꞌo vaḡinoꞌi! Ḡaꞌa eḡeꞌa uitoga veize ḡoereꞌohe, mazaḡa ḡaꞌe Badiꞌa ibio mene zamareꞌohe, rehano vaze ibio zamareꞌohe.”