57	GEN 3:1	Lapan Petngendrei ihnan su ka-an ndre sulo-on, odoke mot eri tawene tadan elwe-en lakopwi, iyin pule-e’ su ndre sulo-on. Mot ihndramtan iy pedih ihpah, “Erih? Petngendrei ipe we oruu erndreyo-on mbrwen kei odo lok keti pwi?”
65	GEN 3:9	Odoke Lapan Petngendrei iyuw iy kamal, “Ou anna kehe?”
67	GEN 3:11	Ile pe Lapan Petngendrei ihndremte, “Ou tunom ihpa ndre ou ndrihim kopwi ti ihpa kehe? Si ipahran ile tadam? Ou ti kihne andrani mbrwen kei ndre Yu upwe ou oyo-on kolwii tih.”
69	GEN 3:13	Lapan Petngendrei ihndramtan pedih ihpah, “Ou opo erti ile homosa?” Iy ipe ihpah, “Mot ipusahi yu pe yu uyo-on.”
89	GEN 4:9	Lapan ihndremte Kein ihpah, “Abel inna kehe?” Kein ipe ihpah, “Yu tuno pwi. Ou apa we yu kulla ke kelye-en?”
90	GEN 4:10	Eri pe Lapan ipe ihpah, “Ou erehe tintom imet ti odosa? Ndrayen tintom iyin poi ti irrah ile Todo, ipe Yu kuhmbrus iy pe kupu nuhen.
144	GEN 6:6	Ile pe Iy isamat ihpa, “Yu uhnan su pe uduwe su hodo lokpoi ti ile sa?
317	GEN 12:18	Ile pe king iyuwen Abram pe ipe ihpa, “Ou ti ondrupo sa ile todo? Pedih kurti mbrulum, pe ihpa kehe ou endripa ile todo pwi?
318	GEN 12:19	Ihpa kehe pe ou apa iy ti timsu-um, ile pe yu ukuni iy ile mbrulu tih? Kah, mbrulum idu kiti. Ekuni iy pe ara-au.”
369	GEN 15:8	Odoke Abram ihndremte, “O Lapan Mandra-an, yu we kuhtuno ihpa ndre yu we kule taman lok ketih ihpa kehe?”
390	GEN 16:8	pe ipe ile tadan ihpa, “Hagar, lewen marai ta Sarai, ou owus kehe pe ka ala kehe?” Hagar ipe ile tan engel ihpa, “Yu una-au tam bos todo ke Sarai.”
415	GEN 17:17	Abraham ihrungi Lapan ipe nolou kuti pe iy pandrulku-un ile poi, pe iduwe mbrulin iltu-uw ndre poi. Odoke iy ideherunge pe irkei. Iy idawene ihpa, “Sa kamal krismas ta sa kah sangat ti hanon hopo kom yi? Krismas ta Sarah ti kah onsungoh, pe iy kenon kipu kom yi?”
418	GEN 17:20	Pe ou ehndremte ile tan Ismael tih? Yu undretahrungi ndrileng tadam. Yu we kupu blesim iy yi, pe kuduwe nedun su hohor. Iy we kile tama’ su lau kakah ndre sungoh-pe-rumuu, pe nedu’ su we hohor hala sulo-on, pe kantri ta su ti we mandra-an pe puko-on.
434	GEN 18:9	Ndre ilnum pe su hehndremte iy, “Ou mbrulum Sarah ti inna kehe?” Abraham ihpa, “Iy ilmin lon um pelei.”
437	GEN 18:12	Ile pe Sarah irkei pe iparuhur ile ke ndre tadan ihpa, “Yu kah lopu pe mundre indrekulkol pe we kupu nedu kihpa kehe? Pe mbrulu yi eri ke ihpa ke eriy.”
438	GEN 18:13	Inum ti pe Lapan ihndremte Abraham, “Ihpa kehe Sarah irkei pe ipe ihpa, ‘Yu kah lopu pe iyenon yu we kupu kom?’
439	GEN 18:14	Handrai sa mangsan puko-on odo ta Lapan tih? Ihpa ndre Yu undrupa tih: kidu krismas omur eri Yu we kuse yi, kidu mundrun ndre Sarah we kiduwe nedun homou kamal.”
448	GEN 18:23	Abraham inuruwe ile hu Lapan pe ihndremte ihpa, “Ou ka we ahyan su ndramat huye’ su ti kile ke ndroda su ndramat mo-o’ su tih?
449	GEN 18:24	Ipe ye su limngeh (50) huye’ su, Ou we atndruwyan taon ti ndre pwi? Iyenon Ou atndruwyan taon kolwii odo ta su ndre limngeh kurti?
453	GEN 18:28	Odoke ipe ye su ke hangoh-pe-limuu huye’ su, Ou we atndruwyan taon ndre mandra-an ndre pwi?” Lapan ipe ihpa, “Yu we kundrahyan pwi ipe ye su hangoh-pe-limuu huye’ su he-en eriy tih.”
454	GEN 18:29	Abraham ihndremte yi, “Pe uh ipe ye su ke hangoh kopwi?” Iy ihpa, “Ipe ye su ke hangoh eri Yu we kundrahyan taon ti pwi.”
455	GEN 18:30	Abraham ihpa, “Mandra-an todo, lon ndrinem keweh kile todo, odosa yu upwe kusohou yi. We kihpa kehe ipe ye su ke tulngeh kopwi tih?” Iy ihpa, “Yu we kundrupo pwi ipe ye su ke tulngeh tih.”
456	GEN 18:31	Abraham ihpa, “Ndrinem keweh kile todo, Lau Mandra-an, yu we mapwi kunehndremte ke Ou. Ipe ye su lau huye’ su ti rungeh holto eriy, Ou we ahyan taon ndresih?” Iy ihpa, “Yu we kundrahyan taon pwi, ipe ye Yu kutureh ke ta su rungeh tih.”
457	GEN 18:32	Abraham ihpa, “Mandra-an todo, kihne we Ou lon ndrinem kinei kile todo ile pe yu upwe kusohou ke petsih koson yi. Ihpa kehe, ipe ye Ou ohtunom kihpa ndre su ke sungoh huye’ su holto eriy tih?” Iy ihpa, “Yu we kundrahyan taon odo ta su ndre sungoh ti pwi yi.”
463	GEN 19:5	Inum pe su hoyuw ile ngo Lot ihpa, “Horu lau harsametir mahkele lukumwen hermin ngon ou ti herndrela ‘he? Okuni horu harsa kiu, pe odu atta mbrutle’ horu.”
470	GEN 19:12	Horu lau ndre rumuu ti herehndremte Lot ihpa, “Ou se lewim mapwi hodo taon keti yi ndre pwi? Okuni nedum su ndre sulo-on ndroda su konsuwom pe su lau tadam se yi hodo kede eri pe atalang odo taon ketih.
478	GEN 19:20	Ou onoltuwe taon lehyen ilso tih? Iy eti mukehe hepe. Eduwe yu kule ke lok ertih. Lok eti lehyen kopwi oh. Yu we kule eriy eri we kundrohrut pwi.”
500	GEN 20:4	Abimelek indremetir ndroda Sarah mapwi, ile pe iy ipe ihpa, “Lapan, yu ti ndramat huye! Ihpa kehe pe Ou apa we ahyan yu ndroda su lewi ndre sulo-on tih?
505	GEN 20:9	Inum ti pe Abimilek ipe pe sa heltokai Abraham. Pe Abimilek ihndremte iy ihpa, “Ou opo punou sa ile tadu tih? Handrai sa horut yu upupu-uh ile tadam uu pe ihnan pe ou apa eduwe horut mandra-an kise puli-i pe ndromto pe lone tih? Handrai sa ndre ou opo ise todo eri mo-on kopwi.
506	GEN 20:10	Tawene tadam sa uu pe ou opo punou kitih?”
531	GEN 21:17	Lapan ihrungi anah kurti intang, ile pe engel ta Lapan isohou odo heven ile ta Hagar, “Handrai sa ihrut pe ou antawene puko-on ile eriy tih? Onoh kolwii. Lapan indrehrungi ndrelngin kom tadam tih.
539	GEN 21:25	Odoke Abraham ipe yi ihpa, “Su lau tadam eri hehkikiyan wo ngat todo sih. Ou adawene ihpa kehe ile eriy?”
543	GEN 21:29	ile pe Abimelek ihndremte iy, “Ou opo kirti ile sa lakopwi?”
555	GEN 22:7	Aisak inlou ihpah, “Tomo!” Pe Abraham ipe ihpa, “Homosa, nedu?” Pe Aisak ihndremte, “Yih inai pe yih odo tune ti hodo, odoke sipsip odo ofa ti inna kehe?”
559	GEN 22:11	Odoke engel ta Lapan iyuw odo heven ihpa, “Ei, Abraham!” Abraham ihpa, “Homosa? Yu udu ketih.”
597	GEN 24:5	Odoke lewen marai ipe ihpa, “Uh pedih mboren pe kindru-us yu kinsa Kenan pwi, eri we kihpa kehe? Iyenon yu we kukuni nedum kile ndre lin lonem yi?”
609	GEN 24:17	Lewen marai tan Abraham iporitai ile hun iy pe ipe ihpa, “Oh, iyenon ou opo hepe wo kise pe yu ku-ing?”
615	GEN 24:23	Inum pe lewen marai ihndremte Rebekah ihpa, “Ou tamam si? Pe um taduu ti mandra-an iyenon yu pe su ndramat todo we otso eriy lukumwen ti ndre pwi?”
623	GEN 24:31	Pe Laban ipe ihpah, “Tarla um. Lapan ti indrehposon ou. Ihpa kehe pe ou odo kerti? Yu uhnan rum sih tadam ilso um pe uduwe ndruhu su kamel tadam ti ilsou yi.”
631	GEN 24:39	Pe yu upwe ile tan Abraham ihpa, ‘Uh, pedih mboren pe kindru-us yu pwi, eri we kihpa kehe?’
639	GEN 24:47	Yu uhndremtan iy ihpa, ‘Ou tamam si?’ Iy ipe ihpa, ‘Yu tomo Betuel. Iy ti taman Nahor pe tinen Milkah.’ Inum pe yu uduwe ring ile ndrongon pe nah ile kendrulumwen ndre rukei.
650	GEN 24:58	Su heyuwen Rebekah ise, pe hahndramtan iy ihpa, “Ou apa owus ndramat kuti ndre pwi?” Iy ihpa, “Yu we ku-us iy.”
657	GEN 24:65	pe ihndremte ndramta marai tan Abraham ihpah, “Iy si kamal inelila ipei lo tidu tih?” Ndramta marai ipe ihpa, “Iy kirti mandra-an todo tih.” Ile pe Rebekah isini kolau odo palan pe itnguyon purmadan ile eriy.
681	GEN 25:22	Iy nedun ndrapol, pe indretawei mapwi, eri pe horu kom kurti horompo sisihi horu eri pe homou intohat iy ile ta homou hermin lon ndrinen. Ile pe Rebekah ipe ihpa, “Ihpa kehe iy kurti ihir todo?” Iy ipe kihtunon, ile pe iy ilsurok ile ta Lapan.
684	GEN 25:25	Mundren iy munen eri okuwon pe lemum mundren sulo-on. Ile pe su heduwe rangan ile Iso?
685	GEN 25:26	Ndruwen Iso ihir ise moleu ti pe Rebekah iduwe ye homou. Lumwen kom omur kuti indritakorwe kambrulken Iso indrehndrepit. Ile pe su horson rangan ile Yakop? Aisak krismas tadan onngoh idu Rebekah iduwe horu.
689	GEN 25:30	Iy imet song ile mo-on pe ipe ile ta Yakop ihpa, “Yu undrumat song inna mo-on. Opo hepe song tadam rama-an ou antahing ti kise.” Iy erti uu pe sa heneyuwen rangan Iso handrai yi ti Idom?
691	GEN 25:32	Iso ihpa, “Eri huyen. Kom ndrihou ti ngeri sa? Opo ke song kise. Yu ko umwet!”
702	GEN 26:9	Ile pe Abimelek iduwe nolou ile hun Aisak kisendre-et iy pe iy ipe ihpa, “Yu kah tuno ihpa ndre pedih ti mbrulum. Ihpa ‘he pe ou apa iy ti timsu-um tih?” Aisak ipe ihpa, “Yu udawene ihpa ndre uh yu we kupwe mbrulu, eri sa we heruhe yu kumwet.”
720	GEN 26:27	Aisak ihndremte su ihpa, “Pihe ti oduu otpo loroh ile todo pe ada-as yu odo poiye’ oduu. Ihpa kehe pe mahkele oduu atsandre-et yu?”
729	GEN 27:1	Aisak kah lopun pe madan pwi. Iy iduwe nolou ile ndrongon nedun ndrihou Iso pe Iso isendre-et iy. Aisak ihpa, “Nedu?” Pe Iso ihpa, “Ihpa kehe, tomo.”
746	GEN 27:18	Inum ti pe Yakop ile hun taman pe ipe ihpa, “Tomo.” Aisak isomwii, “Ihpa kehe? Ou si nedu kirti?”
748	GEN 27:20	Aisak ihpa, “Nedu, ihpa kehe pe ou opondriti sane kirti sowin kopwi tih?” Yakop ihpa, “Lapan tadam ti ihnuwii yu ile pondrih.”
749	GEN 27:21	Aisak ipe ile ta Yakop, “Iyenon ou asa lehpe kile we yu lumwe kile tadam? Ndre ndrokene, ou ti Iso?”
752	GEN 27:24	eri pe ihndremte ndre petsih yi, “Ndrendrokene? Ou ti Iso?” Iy ihpa, “Ewuh.”
760	GEN 27:32	Aisak ihndremte, “Ou ti si?” Iso isomwii, “Yu Iso, nedum tolun tih.”
761	GEN 27:33	Aisak ihreretek ndrehomou, pe iy ihndremte, “Pe iy erti si ndre ikuni yohou pe ikunii ise ndrongo yu tih? Ndruwen ke yu uweni inum ti pe ou ehir. Yu undrapandranan huyen ndre sulo-on inna tadan, pe kah tadan ndresale.”
764	GEN 27:36	Iso ihpa, “Kah peruweh iy ipu kurti ile todo. Kundripa pwi ndre iy rangan Yakop. Isini ndruhu ile kom tolun oh, pe kurti iy ke indrepahno-o patihteh tan tomo ile todo yi. Tomo hangka-an yi imin ndre pwi? Eri pe apatihi kile todo.”
766	GEN 27:38	Iso ihkiki-ei taman lakopwi yi ihpah, “Puko-on ou otou ti handrai kopwi? Apatihteh yu yi, tomo!” Eri pe iy iru-iy.
800	GEN 29:4	Yakop ihndremte su lau kelye-e sipsip ihpa, “Oduu tinto, oduu ti odo lok kehe?” Su hosumwi iy hahpa, “Odu Harran.”
801	GEN 29:5	Iy ihndremte, “Oduu tuno' oduu Laban ndre papon Nahor ti ndre pwi?” Su hapa ihpa, “O! Odu tuno' odu iy.”
802	GEN 29:6	Iy ihndremte, “Iy ilmin huyen kopwi?” Su hosomwii hahpa, “Iy ti ilmin huyen, hangka-an indrehrut pwi. Endre-et oh, ipei ti nedun pihin Resel ndroda sipsip tadan.”
811	GEN 29:15	Laban ipe ile ta Yakop ihpa, “Ou ti nedun timsu-u, odoke we ondrupo moryo ke porah pwi. Ou ereh apa yu kusih ou kihpa kehe?”
821	GEN 29:25	Yakop hepe indritalonan Leah idu lukumwen erti pwi uu pe isto ndre maping sei yi. Iy ile ndrongon Laban pe ipe ihpa, “Ihpa kehe pe ou opo punou kurti ise todo? Yu upu marai ti ile tan Resel. Ihpa kehe pe ou adawiwihi yu tih?”
823	GEN 29:27	Rang ndre ndrodul odo osou kurti ndre kinum oh, eri we yu kuduwe Resel kile tadam yi. Yu we kuduwei kile tadam ipe ye ou opo marai todo krismas ndre ondrotoloh yi. Ou ereh erti ndre mborim?”
833	GEN 30:2	Yakop londrinen inei ile ta Resel pe ipe ihpa, “Ou apa yu ti Lapan? Iy eti reh Tadan. Iy ndre Iy ihndrepti ou.”
846	GEN 30:15	Leah ihpa, “Ou okuni mbrulu ti indranon mapwi? Entakeh ye mendrek tan nedu ti ile sa yi?” Resel ihpa, “Uh ou ahngahang yu, eri we Yakop kimtir ou mahkele lukumwen.”
862	GEN 30:31	Laban ihndremte iy ihpa, “Ou wasu-um sa lakopwi?” Yakop ihpa, “Yu mbori kendrin. Yu we kupu marai kile lakopwi, ipe ye ou ahwasu-um tawene todo kutih.
885	GEN 31:11	Engel ta Lapan isohou ile todo idu lon mihmih kuti ihpa, ‘Yakop!’ Pe yu usomwii uhpa, ‘Ah?’
888	GEN 31:14	Resel pe Leah herreh ile nolou ta Yakop pe harpa ihpa, “Tama’ oru ti we kiduwe taru sa? Oru taru handrai hangka-an indrimin ndrongon tama’ oru ti pwi.
900	GEN 31:26	Ile pe Laban ile ndrongo Yakop pe ipe ile tadan ihpa, “Ihpa kehe ou otong todo pe okuni nedu horu ihpa ndre pedih sa hekuni odo lon pahun tih?
901	GEN 31:27	Ihpa kehe pe ou oportai okotip owou tih? Hepe andripa inna todo pwi. Lehpe ou andripa kinna todo, eri au tadam ti lehpe yu kuhposon kile weryen tamborin pe kita.
904	GEN 31:30	Yu tuno, ou tawene tadam mandra-an ti apa owou ala yi ndre lonem tih. Odoke ihpa kehe pe ou apahno-o lapan todo se odo lon omwe tih?”
910	GEN 31:36	Yakop londrinen inei pe ihrurute ihpa, “Yu uhrut odo homosa lakopwi? Handrai sa mo-on yu upu uu pe ou esepondrih yu ile pondrih tih?
911	GEN 31:37	Ou ehrihi lon omwe inum, pe etureh handrai hangka-an yu ukunii odo lon omwem ti ndre pwi? Uh ou etureh eri eduwei kise moleu kurti, kile we su ndramat tadam pe todo heltuwei, pe hohtuno su ihpa ndre toru si intaheweh.
941	GEN 32:13	Antawonon iy ndre Ou apandranan ile todo tih? Ou apa we ahnan sane todo ndre sulo-on kile ke huyen pe apa we yayan nedu pe papu su we hohor hala sulo-on, hahpa ndre on he-en ngerin ndras, pe homou we kindranon kindrendrumon su pwi.”
946	GEN 32:18	Iy ipe ile tan ndramat ndre we ki-in munen ti ihpa, “Ala uu pe ahrah tan Iso pe iy kihndremte ou kihpa, ‘Mandra-an tadam ti si pe ou apa ala kehe? Sane ka-an ou okunii kurti ta si?’
956	GEN 32:28	Ndramat kurti ihndremte ihpa, “Ou rangam ti si?” Pe Yakop ihpah, “Yu rongo Yakop.”
958	GEN 32:30	Yakop ihpa, “Apahran rangam ti kile todo yi!” Odoke ndramat kuti ihpa, “Ou apa ohtunom rongo ti kile sa?” Inum ti pe iy ipatihteh Yakop.
966	GEN 33:5	Hartang horu inum ti pe Iso indroni su pedih ndrodan ndre kom mone, pe iy ihndremte, “Sa ndramat kehe ndre hasa ndrodan ou kurtih?” Yakop ihpa, “Mandra-an todo, he-en kiti nedu kopwi. Lapan ikarndrundrumwi yu pe iduwe nedu su ndre sulo-on kutih.”
969	GEN 33:8	Iso ihndremte yi ihpa, “Ihpa kehe ile ta su ndramat ndre yu uhrah ta su hanna munen tih? Ou opo eti odosa lakopwi tih?” Ile pe Yakop ihpa, “Mandra-an todo, yu upwe kile pe ou akarndrundrumwi yu.”
1012	GEN 34:31	Odoke horu harahpa, “Oru we ermin kopwi pe ernendre-et sa ndramat hantandruwye timso-o' oru kihpa ke kurti? Iy ti pedih odo sal pwi.”
1092	GEN 37:8	Ile pe tinton su ti hapa ihpah, “Ou ti apa we ala king pe odu otso pahndram?” Su kah hehmbore su iy lakopwi, odosa iy inemihmih inehpa kuti pe ininen ile ta su tih.
1094	GEN 37:10	Iy inen ndralngan taman ile mihmih kurti yi, odoke taman ihrurute anan pe ipe ihpah, “Mihmih handrai sa kirti? Ou apa we tinem, tintom su, pe yu we atsa hun ou pe otpo ruru kile tadam?”
1098	GEN 37:14	Taman ihpah, “Ala altalilmi su tintom. Su holto ihpa kehe? Pe altalilmi sane ka-an yi. Kinum pe asa esininen ndrolngo.” Inum oh ti pe taman iltudou iy ile sal odo Ndrolon Hebron. Yosep ihir ile Sekem ti pe
1099	GEN 37:15	orungon homou itureh tadan ilila sehir ile sehir pe ihndramtan iy ihpah, “Ou ompondrih sa?”
1100	GEN 37:16	Yosep ihpah, “Yu umpondrih tinto su. Su hokuni sipsip tan tama' odu pe hansa ke hepe kertih. Ou endre-et hepe su ndre pwi?”
1114	GEN 37:30	Iy ile ndrongon tinton su pe ipe ihpa, “Anah ti indrimin pwi! Yu kawe kupu kihpa kehe?”
1136	GEN 38:16	Judah ile hun iy ile ngerin sal pe ihndramtan iy ihpah, “Mbrunem ti heski?” Iy tunon ipe ye Tamar ti pwi. Iy ipe ye su homou pedih odo sal, odo iy isorohe purmadan tih. Tamar ihndremte ihpah, “Ou we eduwe todo homosa?”
1138	GEN 38:18	Judah ihndremte ihpah, “Yu we kuduwe sa kimin ndrongon ou uu kenon ndre meme ti kinsa?” Tamar ihpah, “Stem tadam mondre osuke-en kile ndrodan kendro ise lumwem.” Ile pe Judah iduwei ile hun iy. Inum ti pe Judah imtir Tamar pe Tamar ile ndriyen tadan.
1141	GEN 38:21	Iy ihndremte su lau se odo lok erti ihpah, “Pedih pamok immin ngerin sal odo Enaim ti inna kehe?” Su hapa ihpah, “Homou pedih pamok isemin erti pwi.”
1145	GEN 38:25	Sa ndre hantakun Tamar ile odo we hetlumwi iy kimet, eri pe iy iduwe nolou ile munen ile hu yinan ihpah, “Yu ndriye ti tan iy kamal ndre sane tadan idu ndrongon yu kutih. Etlilmen kehii kile we ohtunom sane ti ta si lakopwi. Stem ndrodan ndre osuke-en, pe kendro ti ta si?”
1159	GEN 39:9	Homou yi mandra-an odo um keti pwi, tapake Potifa oh pe yu use pahndran. Ile pe iy iduwe sane tadan ndre sulo-on ti hodo pohndro. Tapake ou, eri mbrulun oso ke ndre lumwen. Ihpa kehe pe yu we kupu punou mo-on pe kuduwe to-ir kile purmadan Lapan?”
1180	GEN 40:7	Ile pe Yosep ihndremte horu, “Kede ke indrahpa kehe? Oruu mada’ oruu indrehmo-on kopwi mahkele ti ile sa?”
1254	GEN 42:1	Yakop ihtunon ihpa ndre song ilto Isip, ile pe iy ipe ile tan nedun su ihpah, “Oduu we otto kopwi kihpa kirtih?
1260	GEN 42:7	Yosep indroni su tinton ti indra-aterihi su pwi. Iy tunon su odoke ihnan ihpa ndre tunon su pwi tih. Iy ihndremte su ndre puko-on ea ihpah, “Oduu otndroh kehe?” Su hahpah, “Odu otndroh ndre Kenan, atsasih song.”
1275	GEN 42:22	Ruben ihpa, “Yu upwe sa ile taduu? Yu upwe oduu atawe ngendre-en kile tan anah ti kolwii, odoke oduu etndrehrung yu pwi tih. Ile pe etndre-et oh, mahkele tidu kah tidengkun ngendre-en odo mat tadan.”
1281	GEN 42:28	Iy iyuw ile tan tinton su ihpah, “Moni todo ti heduwe ise yi oh! Idu ke ndre madan ndrop todo kutih!” Su hehtelim. Honoh pe homou madan ile mada' homou pe hahpa, “Lapan ke impo sa ile pule-e' tidu kede?”
1297	GEN 43:6	Yakop ihpah, “Ihpa kehe pe oduu etninen ndralngan orongon kiti atpa oduu tinto’ oduu homou yi? Oduu edentawe pede-en hudut ile mundre.”
1298	GEN 43:7	Su hahpah, “Orongon ti iduwe ke iseu ile hehndremte odu. Iy impa ihpah, ‘Tama’ oduu ti mapwi ilmin? Odu homou tinto’ oduu yi ndre pwi?’ Iy inehndremte ke odu, ile pe odu atpahran ile tadan. Si tunon ipe ye iy we kipe kile tadu pe atakuni tinto’ odu ki-us odu kile?”