2	GEN 1:2	Odoke lokpoi ti indrehpa ndre mahkele ti pwi. Sane hendre-en ndruhu’ sa pwi, handrai ile ke lon handrai. Lok indrilik, wo isorohe lokpoi ndresih, pe Puko-on tam Petngendrei inemehleu ise pule-en.
22	GEN 1:22	Pe Petngendrei ipatihi su pe ipe ihpa, “Oduu sane mente-en lon ndras oduhor kile lon ndras ndre mandra-an. Pe oduu nenka-an eri oduhor yi.”
28	GEN 1:28	Iy ipatihi horu pe ipe ihpah, “Orpo nedu’ oruu hala sulo-on, pe hasarpat hala lokpoi ndre mandra-an, pe mada’ su kise eriy. Yu uduwe oruu mada’ oruu kise pule-e’ su ni, su ka-an pe su nenka-an.”
30	GEN 1:30	Odoke su ka-an pe nenka-an eri ana’ su song ti mundriu pe ndrokei orwon.”
47	GEN 2:16	Lapan Petngendrei ipe ile tadan ihpa, “Ou oyo-on mbrwen kei ndre sulo-on odo poi ketih,
51	GEN 2:20	Ile pe ndramat kuti iduwe ranga’ su ka-an pe nenka-an ndre sulo-on. Odoke homou indrahpa ndre iy ti pwi, pe indrila huyen odo we kile kowson eri pwi.
58	GEN 3:2	Pedih ipe ihpa, “Oru we oryo-on mbrwen kei ndre sulo-on,
65	GEN 3:9	Odoke Lapan Petngendrei iyuw iy kamal, “Ou anna kehe?”
67	GEN 3:11	Ile pe Lapan Petngendrei ihndremte, “Ou tunom ihpa ndre ou ndrihim kopwi ti ihpa kehe? Si ipahran ile tadam? Ou ti kihne andrani mbrwen kei ndre Yu upwe ou oyo-on kolwii tih.”
68	GEN 3:12	Kamal ipe ihpah, “Pedih ndre Ou eduwe iy imin ndroda yu, eri ihngahang yu pe yu uyo-on.”
69	GEN 3:13	Lapan Petngendrei ihndramtan pedih ihpah, “Ou opo erti ile homosa?” Iy ipe ihpah, “Mot ipusahi yu pe yu uyo-on.”
70	GEN 3:14	Inum pe Lapan Petngendrei ipe ile tan mot ihpah, “Ou we okun pede-en odo homosa ou opo kitih. Ou kopwi odo lenga’ su ka-an pe nenka-an, idu mahkele pe ile, eri we enelila kile ke mburndrinem, pe ana-an wambruhen poi.
73	GEN 3:17	Pe Lapan Petngendrei ipe ile tan Adam ihpa, “Ou ohrung mbrulum pe oyo-on mbrwen kei ndre Yu upwe ou we onyo-on pwi tih. Ile pe Yu we kuhnan poi kihmo-on, pe song we hendrerenge huyen pwi. Ou we ndre opo marai puko-on, pe anam song kenon ou.
75	GEN 3:19	Ou we opo marai kile puko-on pe panohyum kihir, iyenon ndre ou ala yi ndre poi ndre ou ehir eriy. Ou ehir odo poi pe we ala yi ndre poi.”
85	GEN 4:5	Odoke Lapan ihmboren Kein ndroda song tadan. Kein ihpusuw pe madan imo ile mo-on.
86	GEN 4:6	Ile pe Lapan ipe ile tan Kein ihpah, “Ou madam kimo pe opo loroh kolwii.
89	GEN 4:9	Lapan ihndremte Kein ihpah, “Abel inna kehe?” Kein ipe ihpah, “Yu tuno pwi. Ou apa we yu kulla ke kelye-en?”
90	GEN 4:10	Eri pe Lapan ipe ihpah, “Ou erehe tintom imet ti odosa? Ndrayen tintom iyin poi ti irrah ile Todo, ipe Yu kuhmbrus iy pe kupu nuhen.
91	GEN 4:11	Ou eri ka we elnget pede-en. Poi indrelumwi ndrayen tintom, ile pe ou andranon ondrupo langah kile pule-en pwi yi.
92	GEN 4:12	Uh ou edehe song kile poi, eri we poi kindrehlingi song tadam pwi. Ile pe ou kah atlang pe owou. Ou ka we enerolila kopwi, sehir kile sehir, odo pule-en lokpoi.”
93	GEN 4:13	Pe Kein ipe ile ta Lapan ihpah, “Pede-en Ou eduwe ile todo kiti mandra lakopwi.
94	GEN 4:14	Ou ana-as yu odo lok ketih. Apa yu kumwin hun Ou kolwii. Pe yu ka we kunelila sehir kile sehir odo lokpoi. Pe homou kihrah todo eri we kepwi yu kumwet.”
95	GEN 4:15	Odoke Lapan ipe ihpah, “We kindrahpa kiti pwi. Uh homou lau kepwi ou amat, eri Yu we kuse nuhem pe kupu muden kile ta sa lau ndre ndrotulmuu.” Ile pe Lapan ide kalmene-en Kein, odo uh sa lau hahrah tadan, eri we handrapwi iy pwi.
103	GEN 4:23	Lamek ipe ile ta mbrulun horu ndre rumuu ihpah, “Adah pe Silah, artahrung yu. Oruu mbrulun Lamek, artawe ndralnga’ oruu. Anah homou eleheu iruh yu, pe yu urehe iy imet.
104	GEN 4:24	Oruu tuno’ oruu ihpa ndre uh homou lau kepwi Kein eri Petngendrei we kipu muden pe kiruhe lau ndrotulmuu hamat. Odoke yu, eri uh homou kiruhe yu kumwet, eri we ndramat ndre ndrotulngeh-pe-ndrotulmuu (77) we hamat kile mudi.”
135	GEN 5:29	Pe iy ipe ihpah, “Tidu tidempo marai puko-on odo maryan song, odosa Lapan indrahyan poi ndre pihe tih. Odoke nedu kuti we kihnan pe maryan song we kile hukulon pe tidu we titmiyau hepe.” Ile pe Lamek iyuwen rangan nedun ile Noah.
146	GEN 6:8	Odoke Noah eri Lapan irih tadan.
149	GEN 6:11	Odoke sa ndramat ndre sulo-on ti punuwo’ sa indremimel ile madan Lapan pwi. Hompo ke loroh pe horroh ke ndramat odo lok ndre sulo-on.
152	GEN 6:14	Opondrih kei huyen pe ohtong sih ndrolim. Ahnan rum ki-in lon pe ewepisi kolta kile ndruwen pe lon.
154	GEN 6:16	Otmon mbrungyen ndrol. Kidu mbrungiy pe kise ngerin ndrol eri eduwe lengan ihpa ndre sentimita hangoh-pe-limweh (45) pe ahnan reu ki-in eriy. Ou ohtong eri ndruhun mandro o dek eri kihndre toloh, sih kise poi, sih kise ndrokoron, pe sih kise eleng. Pe eduwe pohngkiu kise padan.
156	GEN 6:18	Odoke Yu we kuhnan poromis handrai kile tadam yi. Ala lon ndrol ndrodan mbrulum, nedum su kamal pe mbrulu’ su.
157	GEN 6:19	Ka-an pe nenka-an handrai pe handrai, homou kamal pe homou ndrukwil we hasa hun ou. Ou okuni su hala lon ndrol, kile we hendrimat pwi.
161	GEN 7:1	Lapan ipe ile tan Noah, “Ou kopwi odo lenga’ sa ndramat ndre sulo-on odo lokpoi ti ompo sane huyen. Ile pe ou, mbrulum, nedum su kamal pe mbrulu’ su, atla lon ndrol.
162	GEN 7:2	Ou okun ndrotulmuu kamal pe ndrotulmuu ndrukwil odo ka-an handrai handrai ndre huye’ su odo modo. Odoke sane ka-an ndre mo-on odo modo, eri okun rumuu koson, homou kamal pe homou pedih odo handrai handrai.
189	GEN 8:5	Wo ti ma irras pe idu 1st odo Oktoba eri mburmpalan puliy hehir.
193	GEN 8:9	Odoke wo mapwi isorohe poi ndre mandra-an, pe pal indrepondriti hepe we iy kimandro eriy ti pwi. Ile pe iyuh ile ndre ndrol yi, pe Noah lumwen ile pe ikuni iy yi.
205	GEN 8:21	Menuhun yohou eri ihposan Lapan, pe Lapan ipe ile ke ndre Tadan yi ihpa, “Yu we kundreruson poh kinna ta lokpoi pwi yi, konan ipe ye sa lau hopo punou mo-on. Yu tuno ihpa ndre ndramat, idu iy ma ndre kom uu pe kile il nusuwon, eri we kimpo ke punou mo-on. Odoke Yu we kundrahyan sane ngoho’ su hodo ta su odo lokpoi ti pwi yi.
207	GEN 9:1	Lapan iduwe puko-on ile tan Noah pe nedun su pe ipe ihpah, “Otpo nedu’ oduu hala sulo-on, ile pe yaya’ oduu hasarpat hala lokpoi ndre mandra-an.
209	GEN 9:3	“Oduu kawe otyo-on yohou ndre sulo-on, kile ndre ndrodan mbrulei pe mbrwen kei. Yu uduwe ndre sulo-on ana’ oduu odo yo-on.
210	GEN 9:4	Tapake otyo-on sengin yohou ndrai mapwi idu eriy ti kolwii. Odosa ndrai ti ihpa ndre ndramat moren.
213	GEN 9:7	“Otpo nedu’ oduu kile sulo-on pe odohor kile pule-en lokpoi ndre mandra-an.”
231	GEN 9:25	eri pe iy isamtan Kenan (nedun Ham kamal) ihpah, “O saleu, Kenan kile ke hono-on marai ke porah tan tinton su.”
263	GEN 10:28	Obal, Abimael, Seba,
264	GEN 10:29	Ofir, Havilah, pe Jobap. Su ndre sulo-on kuti nedun Joktan.
272	GEN 11:5	Odoke Lapan ise pwoi pe isendre-et taon pe tawa ndre sa ndramat henehtong kurtih.
273	GEN 11:6	Lapan ipe ihpah, “Su ke hokor pe nolwo-o’ su ke handrai, ile pe su hompo sane kutih. Omur ti su we hanon hopo sane ndre sulo-on kile reh ta su.
310	GEN 12:11	Abram su hala ndre mukehe Isip ti pe iy ipe ile tan mbrulun ke Sarai ihpa, “Ou ti pedih rahyem lakopwi.
316	GEN 12:17	Odoke Lapan iduwe sik sulo-on mo-on hala tan king, odosa iy ikuni Sarai mapwi imin ndrongon iy. Su mbrulun king pe su nedun ndroda sa lau hompo marai tadan, su ndre solo-on helnget sik yi.
317	GEN 12:18	Ile pe king iyuwen Abram pe ipe ihpa, “Ou ti ondrupo sa ile todo? Pedih kurti mbrulum, pe ihpa kehe ou endripa ile todo pwi?
325	GEN 13:6	Odoke song ana’ su sipsip, makau pe donki ti isenonon pwi, odosa horu ta horu sane kurti ile hudut lakopwi.
327	GEN 13:8	Ile pe Abram isohou ile ta Lot ihpa, “Toru ti ndrai ke hepwil kopwi. Odoke su lewen marai ta toru ti hanta ke su. Pe kihne heduwe lenga’ toru kihmo-on.
333	GEN 13:14	Abram kah iy kopwi imin, pe Lapan ipe ile tadan ihpa, “Odo kirti pe endre-et kile tolau pe kup, rai pe ahai.
339	GEN 14:2	Su king ndre hamou kurti mada’ su iso pule-e’ su king limuu yi odo ahai. Su king odo ahai kurti: Bera king odo Sodom, Birsa odo Gomorah, Sinap odo Atmah, Semeber odo Seboim ndrodan king odo Bela (Soar). Su king ndre limuu odo ahai kurti idu munen eri hoso pahndran king Kedorlaomer odo rai iyenon ndre krismas sungoh-pe-ruweh. Odoke isito krismas sungoh-pe-toloh eri su hehmbore su hodo pahndran king Kedorlaomer. Ile pe idu krismas sungoh-pe-hahuu eri king Kedorlaomer ideparngan su kowos king tadan ndre tulmuu odo rai, pe su hopo pahun ise pwoi. Su horohe su lau odo Rafaim. Pahun kuti ihir odo taon Asterot Karnaim, pe su king ndre hamou kuti hala win. Inum pe su hopo pahun ile pule-e’ su Sus odo taon Ham pe hopo winim su. Su hopo winim pahun ile pule-e’ su Em odo koson taon Kiriataim. Su hala pe hapwi su Hor odo puliy Seir, pe ha-as su helihir ndre Elparan. Inum pe su hopo pahun ile wuron taon Kades (rangan Kades mune ti Enmispat). Pe su hala win pe hekuni lok ndre mandra-an ise lumwen su Amalek. Odo taon Hasason Tamar ti, su hopo pahun ile pule-e’ su lau odo Amor pe hala win.
350	GEN 14:13	Orngon homou ihtot iyeu odo pahun pe ilninen ile tan Abram, ihpa ndre su king odo rai hendretakuni Lot. Abram ti imin koson kei mandra-a’ su odo Mamre. Kei kurti keyen orngon homou rangan Mamre yi. Mamre ti iy odo Amor, pe iy tinton rumuu, Eskol pe Aner. Su madan tinton ndre tulmuu kuti kowos tan Abram, iy Hibru.
357	GEN 14:20	Ou esori rangan Lapan kile eleng, pe ehposon rangan, odosa, Ou opo pahun pe Iy ihnuwii ou ala win.” Pe Abram itlangan sane ndre iy ipu winim odo pahun ti ile ndre ndruhu sungoh. Pe iy iduwe hondroh ile tan Melkisedek.
359	GEN 14:22	Odoke Abram ipe ile tan king odo Sodom ihpa, “Pwi, yu undretamumoi ile rangan Lapan Mandra-an Imin Eleng, Iy kopwi ihhnan lok eleng pe lokpoi.
363	GEN 15:2	Abram ipe ihpa, “O Lapan Mandra-an todo. Ou kopwi owonon opo sane ndre sulo-on. Odoke sane ndre Ou ka we ahngahang yu ti we kinna hangka-an pwi, odosa yu nedu pwi tih. Iy ndramat ndre yu kumwet pe iy kikuni sane kirti eri iy lewen marai todo, Elieser odo Damaskus.
364	GEN 15:3	Ou andrangahang yu kom pwi tih. Ile pe uh yu kumwet eri ndramat lewen marai todo ke porah we kikuni tadan sane todo.”
365	GEN 15:4	Odoke Lapan ipe ile tan Abram ihpa, “Pwi, lewen marai tadam Elieser ti we kindretakuni sane tadam pwi. Nedum odo ndrayim we kisini ndruhum.”
366	GEN 15:5	Lapan ikuni Abram ile kiu pe ipe ihpa, “Madam kile lon parar pe endre-et pudiy. Ou etuhne ondrom su. Ndramat ndre we hehir odo mundrem ti we sulo-on kihpa ndre pudiy hoso lom parar.”
369	GEN 15:8	Odoke Abram ihndremte, “O Lapan Mandra-an, yu we kuhtuno ihpa ndre yu we kule taman lok ketih ihpa kehe?”
374	GEN 15:13	Pe Lapan ipe ile tadan ihpa, “Ou ohtunom ihpa ndre yayan nedum su we hala yohang odo lok hokor yi. Su we hala lewen marai ke porah ta sa hokor yi. Sa we hopo mo-on kile ta yayam su kenon ndre krismas puken hangat (400).
375	GEN 15:14	Odoke Yu we kuduwe mo-on mandra-an kile ta su lau ndre hopo mo-on ile ta yayam su ti. Pe yayam su we hekuni sane huyen ndre sulo-on ndroda su, kidu mundrun au ta su odo kantri ndre ihnan su ile hangka-an ke porah.
376	GEN 15:15	Ou eri we emin huyen uu kenon ndre ou ala lopum. Pe ou we amat huyen kopwi pe we hedoni ou.
384	GEN 16:2	Ile pe Sarai ipe ile tan Abram ihpa, “Lapan ihndrepti yu, pe yu undrupo kom pwi. Ou ala emtir ndroda Hagar, kile pe iy kipu homou nedu.” Abram ihwaso-on nolou tan Sarai.
387	GEN 16:5	Ile pe Sarai ipe ile tan Abram, “Ou kopwi ahnan pe Hagar isentahrung yu pwi. Yu ndre yu uduwe iy ile tadam, odoke idu ndre iy ile ndriyen, eri iy kah mboren tahrung yu. Huyen, Lapan kopwi tunon toru si ipu huyen pe si ipu mo-on.”
388	GEN 16:6	Abram isomwi Sarai ihpa, “Ou ohrung oh. Hagar ti lewen marai tadam, pe ou kopwi madam iso tadan. Ou apa opo kihpa kehe kile tadan, eri sane tadam.” Ile pe Sarai ke ipu mo-on ile ta Hagar, pe Hagar iyeu.
393	GEN 16:11	Inum pe engel ipe yi ihpa, “Ou we eduwe kom ise ndrinem ti kamal, pe we eyuwen rangan kile Ismael, odosa ou emin mo-on pe Lapan ihnuwii ou.
394	GEN 16:12	Odoke nedum kamal kiti we kihir kihpa ndre donki puyep. Iy we kimpo ke pahun kile pule-e’ sa hokor pe hokor, pe sa we hompo kihpa ke eriy kile pule-en yi. Iy we kindrimin ndroda su tinton pe timso-on pwi.”
395	GEN 16:13	Hagar idawene ihpa, “Orkom, mahkele eri yu ti undroni Petngendrei pe usohou Tadan.” Ile pe iy irson rangan Lapan ndre isohou ile tadan ti “Petngendrei Iltuwei Yu.”
399	GEN 17:1	Krismas tan Abram kah onsungoh-pe-ndrosih pe Lapan ihir ngon iy pe ipe ihpa, “Yu ti Lapan Petngendrei, petngendriyen sane ndre sulo-on. Ohrung nolou Todo. Opo sane kihrut kolwii.
402	GEN 17:4	“Ohrung poromis Todo ile tadam ti ihpa ndre kurti: Ou ti we ala taman kantri sulo-on.
406	GEN 17:8	Poi Kenan ou ka emin eriy kurti poye’ su lau se yi. Odoke Yu we kuduwe kile poyim, pe su papum we hemin eriy, kenon ndre lokpoi kinum. Pe Yu we Lapan ta su.”
407	GEN 17:9	Inum ti pe Lapan ipe ile tan Abraham yi ihpah, “Ou we eduwe poromis kuti ki-in kihpa ndre Yu undrupa inna tadam tih. Nedum pe papum su hemir pe hemir ndre we hehir omur ti ha-amelyen kolwii yi.
408	GEN 17:10	Ou pe yayam su we adahnan kihpa ndre Yu upwe tih: oduu kamal ndre sulo-on eri we henemendrele keltun marta’ oduu ke-eu.
413	GEN 17:15	Inum pe Lapan ipe ile tan Abraham yi ihpa, “Ou ka oyuu mbrulum ti kile Sarai kahriy. Kidu mahkele pe kile, eri ou kah oyuu iy Sarah.
415	GEN 17:17	Abraham ihrungi Lapan ipe nolou kuti pe iy pandrulku-un ile poi, pe iduwe mbrulin iltu-uw ndre poi. Odoke iy ideherunge pe irkei. Iy idawene ihpa, “Sa kamal krismas ta sa kah sangat ti hanon hopo kom yi? Krismas ta Sarah ti kah onsungoh, pe iy kenon kipu kom yi?”
416	GEN 17:18	Iy ipe ile ta Lapan ihpa, “Kile huyen ti Ou eduwe Ismael kisini ndruhu, kidu yu kumwet tih.”
417	GEN 17:19	Odoke Lapan ipe ile tadan ihpa, “Pwi. Mbrulum Sarah ti we kiduwe nedum homou kamal, pe ou we eyuwen rangan Aisak. Yu we kupu poromis ndrodan iy, pe poromis kuti we ta su yayan, pe we kindre-en.
419	GEN 17:21	Odoke poromis ndre idu kolu, eri Yu we kuhnan ndrodan Aisak. Sarah we kiduwe Aisak ti kidu mundrun kati, odo krismas imin.”
428	GEN 18:3	ipe ihpa, “Oduu ke ndre il ea, pe odohndro odo kerti oh. Yu ti ummin kerti pe upwe kuhnuwii oduu.
429	GEN 18:4	Yu we kuhtekel homou ndramat pe iy we kipu wo kise pe oduu etsingen ndrike’ oduu kile eriy. Otto pahndran kei muru-un kurti pe etmiyau oh.
431	GEN 18:6	Ile pe Abraham iporitai ile lon um pelei pe ipe ile tan Sarah ihpa, “Oportai kopwi, okun sahat palawa tadam iy ndre huyen lakopwi eri pe ahnan kile bret.”
434	GEN 18:9	Ndre ilnum pe su hehndremte iy, “Ou mbrulum Sarah ti inna kehe?” Abraham ihpa, “Iy ilmin lon um pelei.”
440	GEN 18:15	Sarah inuh, ile pe idewehweh ihpa, “Yu undrerekei pwi.” Odoke Lapan ihpa, “Ndrendrokene, ou erkei tih.”
448	GEN 18:23	Abraham inuruwe ile hu Lapan pe ihndremte ihpa, “Ou ka we ahyan su ndramat huye’ su ti kile ke ndroda su ndramat mo-o’ su tih?
449	GEN 18:24	Ipe ye su limngeh (50) huye’ su, Ou we atndruwyan taon ti ndre pwi? Iyenon Ou atndruwyan taon kolwii odo ta su ndre limngeh kurti?
450	GEN 18:25	Yu tuno, sane ndre sulo-on Ou ompo ti huyen kopwi. Odoke uh, ipe ye Ou ahyan taon eri su huye’ su ti we helnget yihin to-ir ta su mo-o’ su tih. Iy erti punou huyen pwi. Ou ti jas odo lokpoi ndre mandra-an pe homosa ndre Ou opo eri kihtot ke ndre sal huyen.”
452	GEN 18:27	Abraham ihndremte yi, “Yu we mapwi kunehndremte Ou ilelih lakopwi pe Ou kihne we tawene tadam kihrut kile todo. Lapan, Mandra-an todo. Yu ti ndramat pe unosohou ke porah.