11	GEN 1:11	Inum pe Petngendrei ipe ihpa, “Kei pe sane handrai pe handrai ndre henerenge ti kah hehir odo poi pe hotou mbrwe’ su.” Pe ihir ihpa ndre eriy.
29	GEN 1:29	Petngendrei ipe ihpah, “Sane mbrwen kei handrai pe handrai ndre Yu undretawei eri ana’ oruu odo yo-on.
34	GEN 2:3	Petngendrei ipatihi rang ndrodul pe itnembruwen, odosa marai ndre sulo-on ti Iy indritakokopwe indrinum, pe Iy imyau idu eriy.
39	GEN 2:8	Inum pe Lapan Petngendrei iduhon poi hombrul ise Iden, pe iduwe ndramat ndre Iy iyepisii eri imin eriy. Iden ti ile wuron rai ea.
40	GEN 2:9	Iy iduwe kei handrai pe handrai rahye’ su, pe mbrwe’ su ti huyen odo yo-on, eri hehir odo pule-en poi Iden. Idu ndrokoron lok eriy, eri kei ndre ru-iy. Kei he-ei odo hasamat pwi, pe kei he-ei yi eri intawe tawene odo sane huyen pe sane mo-on.
47	GEN 2:16	Lapan Petngendrei ipe ile tadan ihpa, “Ou oyo-on mbrwen kei ndre sulo-on odo poi ketih,
48	GEN 2:17	odoke kei ndre intawe tawene odo sane huyen pe sane mo-on eri ou oyo-on mbrwen kolwii. Uh ou oyo-on eri we amat kidu ke ndre rang etih.”
55	GEN 2:24	Iy eti uu pe kamal inna-au odo hun taman pe tinen pe inohtok ile ndrodan mbrulun, pe horu harla ke ndramat homou.
57	GEN 3:1	Lapan Petngendrei ihnan su ka-an ndre sulo-on, odoke mot eri tawene tadan elwe-en lakopwi, iyin pule-e’ su ndre sulo-on. Mot ihndramtan iy pedih ihpah, “Erih? Petngendrei ipe we oruu erndreyo-on mbrwen kei odo lok keti pwi?”
58	GEN 3:2	Pedih ipe ihpa, “Oru we oryo-on mbrwen kei ndre sulo-on,
59	GEN 3:3	tapake mbrwen kei idu ndrokoron lok, eri Petngendrei ipe we oru erndretukunii pe erndreyo-on pwi. Uh oru ortukunii ndre pwi oryo-on, eri oru we armat.”
62	GEN 3:6	Pedih indre-et ile kei kuti pe kei ti rahyen lakopwi, pe mbrwen ti mandran pe huyen odo yo-on. Iy ipe kihtunon sane posingat, ile pe iy iyehi mbrwen kei se pe iyo-on. Inum pe iy itou se ile tan mbrulun pe mbrulun iyo-on yi.
63	GEN 3:7	Horu harani mbrwen kei inum ti pe mada’ horu ipahar lakopwi, pe horu horohtuno horu ihpa ndre horu tih ndrihi’ horu kopwi. Ile pe horu hersokopet ndrokei ile ndrih pe hertese.
67	GEN 3:11	Ile pe Lapan Petngendrei ihndremte, “Ou tunom ihpa ndre ou ndrihim kopwi ti ihpa kehe? Si ipahran ile tadam? Ou ti kihne andrani mbrwen kei ndre Yu upwe ou oyo-on kolwii tih.”
70	GEN 3:14	Inum pe Lapan Petngendrei ipe ile tan mot ihpah, “Ou we okun pede-en odo homosa ou opo kitih. Ou kopwi odo lenga’ su ka-an pe nenka-an, idu mahkele pe ile, eri we enelila kile ke mburndrinem, pe ana-an wambruhen poi.
71	GEN 3:15	Yu we kuhnan ou pe iy pedih, we erehmbore oruu oruu. Su nedun pe su nedum eri we hompo ke pahun kile pule-e’ su. Su nedun pedih ti we hantatawe palam pe ou we eneti kambrulke’ su.”
72	GEN 3:16	Lapan Petngendrei ipe ile tan iy pedih ihpah, “Yu we kuduwe pede-en kile mundrem kidu ou ndriyem, pe ngendre-en mandra-an we kile tadam, kidu ou otou nedum. We elnget ngendre-en, odoke reh tadam we kinto ke ndre tan mbrulum, pe ou we emmin ke ndre pahndran mbrulum.”
73	GEN 3:17	Pe Lapan Petngendrei ipe ile tan Adam ihpa, “Ou ohrung mbrulum pe oyo-on mbrwen kei ndre Yu upwe ou we onyo-on pwi tih. Ile pe Yu we kuhnan poi kihmo-on, pe song we hendrerenge huyen pwi. Ou we ndre opo marai puko-on, pe anam song kenon ou.
76	GEN 3:20	Adam iyuwen rangan mbrulun eri Ewah odo iy we kile tinen ndramat ndre sulo-on.
77	GEN 3:21	Pe Lapan Petngendrei ihnan ndrihi’ horu odo kalatun ka-an, pe Adam horu mbrulun hertasan.
78	GEN 3:22	Inum pe Lapan Petngendrei ipe ihpa, “Ndramat ke indrahpa ndre homou ta tidu. Iy kah tunon sane huyen pe sane mo-on. Ile pe iy we ke-eu odo Iden. Kihne iy kimin ti pe kiyo-on mbrwen kei odo hasamat pwi, pe kindrimat pwi.”
81	GEN 4:1	Inum pe Adam imtir mbrulun, pe mbrulun ikuni kom ile mundren pe iduwe nedun kamal homou. Ewah ipe ihpah, “Lapan ipu huyen ile todo pe yu kah nedu homou kamal.” Ile pe iy iyuwen rangan Kein.
82	GEN 4:2	Ndruwen ti pe iy iduwe nedun kamal homou yi, rangan Abel. Horu harla ndre nusuwo’ horu ti pe Abel madan iso tan sipsip pe Kein ti impo marai odo tuhe sane.
84	GEN 4:4	Pe Abel iruhe sipsip homou ndrihou, itngwii, pe isurkon Lapan ile kahen se nama-an. Lapan irih tan Abel ndroda song pe surok tadan.
85	GEN 4:5	Odoke Lapan ihmboren Kein ndroda song tadan. Kein ihpusuw pe madan imo ile mo-on.
89	GEN 4:9	Lapan ihndremte Kein ihpah, “Abel inna kehe?” Kein ipe ihpah, “Yu tuno pwi. Ou apa we yu kulla ke kelye-en?”
90	GEN 4:10	Eri pe Lapan ipe ihpah, “Ou erehe tintom imet ti odosa? Ndrayen tintom iyin poi ti irrah ile Todo, ipe Yu kuhmbrus iy pe kupu nuhen.
97	GEN 4:17	Kein iyesou pe imtir ndrodan mbrulun, pe nedu’ horu kamal homou ihir, pe horu hartawe rangan Enok. Inum pe Kein ihtungon lok hokor pe iyuwen ile seren nedun.
100	GEN 4:20	Adah nedun homou rangan Jabal. Su yayan Jabal ti mada’ su iso tam makau pe hene-en um pelei.
101	GEN 4:21	Jabal ti tinton homou rangan Jubal. Pe su yayan Jubal eri hompo weriy ile kita pe horruh kuweh.
102	GEN 4:22	Silah iduwe nedun homou rangan Tubalkein, iy ndramat odo takun bras pe ain pe inahnan ndrake-en sane odo marai ile eriy. Timso-on Tubalkein eri Namah.
103	GEN 4:23	Lamek ipe ile ta mbrulun horu ndre rumuu ihpah, “Adah pe Silah, artahrung yu. Oruu mbrulun Lamek, artawe ndralnga’ oruu. Anah homou eleheu iruh yu, pe yu urehe iy imet.
105	GEN 4:25	Adam imtir Ewah yi pe Ewah ile ndriyen pe iduwe nedun kamal homou yi. Ewah ipe ihpah, “Petngendrei indretawe nedu homou yi ile muden Abel ndre Kein iruhei imet.” Ile pe iy iyuwen rangan ile Set.
106	GEN 4:26	Set iyesou pe nedun kamal homou. Iy irson rangan ile Enos. Idu mundrun eriy, eri sa ndramat kah hesurok pe hoyuw Lapan ile rangan nembruwen.
154	GEN 6:16	Otmon mbrungyen ndrol. Kidu mbrungiy pe kise ngerin ndrol eri eduwe lengan ihpa ndre sentimita hangoh-pe-limweh (45) pe ahnan reu ki-in eriy. Ou ohtong eri ndruhun mandro o dek eri kihndre toloh, sih kise poi, sih kise ndrokoron, pe sih kise eleng. Pe eduwe pohngkiu kise padan.
156	GEN 6:18	Odoke Yu we kuhnan poromis handrai kile tadam yi. Ala lon ndrol ndrodan mbrulum, nedum su kamal pe mbrulu’ su.
161	GEN 7:1	Lapan ipe ile tan Noah, “Ou kopwi odo lenga’ sa ndramat ndre sulo-on odo lokpoi ti ompo sane huyen. Ile pe ou, mbrulum, nedum su kamal pe mbrulu’ su, atla lon ndrol.
167	GEN 7:7	Iy pe mbrulun, nedun su kamal pe su yinan, ha-au wawen nor pe hondroh ile ndrol,
171	GEN 7:11	Noah ke imin lokpoi ti iyenon ndre krismas puken anngat. Pe idu mundrun rang 17th odo ndrou Februari odo krismas eriy, eri kuwor odo wo iyin pahndran poi ti itpar pe wo ihmbruh ise eleng, pe parar iseket
173	GEN 7:13	Idu ke ndre rang eti pe Noah, mbrulun, nedun su kamal ndre tulmuu, Siem, Jafet pe Ham, ndrodan mbrulu’ su, ha-au hala lon ndrol.
180	GEN 7:20	Wo ideh pe ideh lakopwi ile eleng, ihluwen ndre mburmpalan puliy, iyenon ndre mita ondrotoloh yi.
183	GEN 7:23	Sane ndre sulo-on ndre more’ su hodo pule-en lokpoi ti honum ndresale. Ndramat, ka-an pe nenka-an ti handrai indrimin pwi. Tapake su ndre handrimat pwi ti Noah, mbrulun, nedun kamal ndre tulmuu pe mbrulu’ su, ndroda sane ka-an pe nenka-an ndre hodo lon ndrol.
189	GEN 8:5	Wo ti ma irras pe idu 1st odo Oktoba eri mburmpalan puliy hehir.
190	GEN 8:6	Ndruwen mburmpalan puliy hehir, eri rang hangoh ndre inum yi, pe Noah itpiri pindiwa odo ndrol.
197	GEN 8:13	Krismas tan Noah ti kah puken anngat-pe-sih (601). Idu 1st odo ndrou Januari, eri wo ti kah indrihak ndresale. Noah irkwe mbrungyen ndrol sehir iyeu, pe indre-et lok ile sehir pe sehir. Iy indroni poi eri ke impukos.
198	GEN 8:14	Pe isto 27th odo ndrou Februari, eri wo indrihak pe poi indrepukos ndresale.
200	GEN 8:16	“Ala poi odo ndrol ndrodan mbrulum, nedum su kamal pe mbrulu’ su.
202	GEN 8:18	Ile pe Noah ile pwoi odo ndrol ndrodan mbrulun, nedun su kamal pe mbrulu’ su.
206	GEN 8:22	“Pe iy ndre lokpoi indrinum mapwi tih, eri we sane marai ti we ndre mundru’ su ea. Tehe song ti we ndre mundrun, pe takun sengin song odo langah ti we ndre mundrun. Lok ti we killa wo-on pe mburten. Lengin ndre mundrun pe mundroi ndre mundrun. Meseren pe lukumwen we herehir kopwi. Sane ndre sulo-on kuti we hehhir kopwi iyenon ndre lokpoi kinum.”
209	GEN 9:3	“Oduu kawe otyo-on yohou ndre sulo-on, kile ndre ndrodan mbrulei pe mbrwen kei. Yu uduwe ndre sulo-on ana’ oduu odo yo-on.
226	GEN 9:20	Noah ti ndramat odo tehe sane pe iy ti iyin munen odo tehe padan wain ile langah. (Mbrwen wain ti henelisen ihhir ile wain.)
237	GEN 10:2	Su nedun Jafet kamal eri: Gomer, Magok, Madai, Javan, Tubal, Mesek, pe Tiras.
240	GEN 10:5	Sa lau odo ngerin ndras pe mbruso ti hehir odo ta su nedun Javan. Su ndre sulo-on ndre hendrepahran su kurti hehir tan Jafet. Su hemir pe hemir ti hemin ndre kantri tasu iyenon, pe ndre nolwo-o’ su ea.
241	GEN 10:6	Su nedun Ham kamal ti: Kus, Isip, Libia, pe Kenan.
242	GEN 10:7	Su nedun Kus kamal eri: Seba, Havilah, Saptah, Ramah, pe Sapteka. Ramah ti nedun rumuu kamal: Seba pe Dedan.
245	GEN 10:10	Ndre mamunen eri iy ihtungon taon ndre toloh: Babel, Erek, pe Akat. Taon kuti hoso lon kantri Babilonia.
246	GEN 10:11	Nimrot itlang odo Babilonia ti pe ile Asiria, pe itmon taon mandra-ane ndre hahuu: Niniveh, Rehobotir, Kalah,
250	GEN 10:15	Nedun Ham ndre Kenan ti iduwe Saidon. Saidon ti ndrihou tan Kenan. Kenan ti yayan imbruw ile su Hit,
251	GEN 10:16	pe su Jebus, pe su Amor, pe su Girgar,
254	GEN 10:19	pe ngerin su ile-en ndre Sidon pe ile kup ea, ile ndre Gerar pe ilmendrih ndre Gasa. Ngerin lone’ su ti ile ndre rai ea yi, ile ndre Sodom, Gomorah, Atmah, pe Seboim, mukehe odo Lasa.
256	GEN 10:21	Tolun kom tan Noah ti Siem. Siem ti papon su lau odo Eber.
259	GEN 10:24	Arpaksat ti nedun Selah, pe Selah ti nedun Eber.
260	GEN 10:25	Eber ti nedun kamal rumuu: Homou ti rangan Pelek, odosa idu mundrun erti, sa lau odo lokpoi ti hatpar pe hasarpat. Su hemir ti hala sehir, pe su hemir ti hala sehir, pe su hemir ti hala sehir. Ile pe Pelek ti ihpa ndre ‘hatpar.’ Nedun Eber homou yi ti Joktan.
263	GEN 10:28	Obal, Abimael, Seba,
264	GEN 10:29	Ofir, Havilah, pe Jobap. Su ndre sulo-on kuti nedun Joktan.
269	GEN 11:2	Su hala wuron rai ea pe hamandro hodo lok sehir mandra-an pe malahan ise Babilonia.
276	GEN 11:9	Lok kuti rangan ile Babel, odosa Lapan isopelwen nolwo-on taha ndramat ndre sulo-on, pe ihnan ndramat hasarpat hala pule-en lokpoi ndresih.
281	GEN 11:14	Selah krismas tadan ile ndre tulngeh pe iy nedun kamal homou rangan Eber.
283	GEN 11:16	Eber krismas tadan ile ndre tulngeh-pe-hahuu, (34) pe iy nedun kamal homou rangan Peleg.
284	GEN 11:17	Inum pe Eber imin yi, iyenon ndre krismas hangat-pe-tulngeh (430) pe iy nedun kamal pe pedih se yi. Inum pe iy imet.
293	GEN 11:26	Terah imin krismas ihndre ndrotulngeh oh, pe iy ipu nedun. Iy nedun ndre tulmuu kamal. Homou rangan Abram, homou Nahor, pe homou Haran.
294	GEN 11:27	Tatili-iy tan Terah ti ihpah: Terah ti nedun tulmuu kamal: Abram, Nahor, pe Haran. Haran ti nedun Lot.
295	GEN 11:28	Haran imet odo lonen ndre Ur ilso Babilonia idu taman ti mapwi imin.
296	GEN 11:29	Abram horu Nahor harasou. Mbrulun Abram ti rangan Sarai, pe mbrulun Nahor ti Milkah. Milkah horu Iskah ti tama’ horu Haran.
298	GEN 11:31	Terah ikuni su lewen pe hatlang odo Ur odo Babilonia (Kaldia), pe su halla hala wuron Kenan. Su ndre ho-us Terah ti Abram pe mbrulun Sarai, pe nedun Haran ndre Lot. Abram ti taman Terah, pe Lot eri papon ti Terah. Su hendrihir Kenan mapwi, pe hamandro hodo taon sih rangan Harran.
300	GEN 12:1	Lapan ipe ile tan Abram ihpah, “Atlang owou odo lonem, owou ta sa lewim, owou ta su murwom, owou tan tamam pe tintom su, pe atlang ala lok sehir Yu we kupaninyan kile tadam.