54	GEN 2:23	Pe iy kamal ipe ihpa, “Kah tapa kede! Iy kuti ihpa ke ndre yu. Ndruwin hokuni odo ndruwi pe sengin odo sengi. Petngendrei ihtungon iy odo ndruwi, ile pe iy rangan ‘pedih.’”
467	GEN 19:9	Odoke su Sodom hohrungi nolou kuti pe hapa ile ta Lot ihpa, “Ehpil odo sala’ odu. Ou ti yohang! Opunou odu kolwii. Owou! Pwi ti odu we otpo mo-on kile ta horu lau tadam, pe ou eri odu we adahyan ou kihmo-on lakopwi.” Pe su hotndrusuwen Lot ile yi, pe hala hapa hetpel pohngkiu.
480	GEN 19:22	Otportai! Odohtot! Yu we kundrupo handrai hangka-an mapwi uu kenon ndre oduu etndrehir taon etih.” Lot ipe taon erti netlehyen, ile pe sa hoyuwen rangan ile Soar.
500	GEN 20:4	Abimelek indremetir ndroda Sarah mapwi, ile pe iy ipe ihpa, “Lapan, yu ti ndramat huye! Ihpa kehe pe Ou apa we ahyan yu ndroda su lewi ndre sulo-on tih?
652	GEN 24:60	Pe su hapatihteh Rebekah ihpah: “Ou timso-o’ odu! Ou we ehir ala tine’ sa ndramat posungoh pe posungoh yi! Yayam su we horotawei lok kehe ndre su hopo pahun kile eriy, pe su we hohkohon sa lau pe hokuni lone’ su!”
756	GEN 27:28	O ya! Lapan kiduwe payiu odo parar kirur kise poi pe kihnan song kirnge odo elmwem! Lapan kihlingi ou kile song pe wain sulo-on!
757	GEN 27:29	O ya! Lok sulo-on hala hono-on po maryam pe ndramat hopo ruruim ou. Ya! Su ndre oduu ndrai hopwil ti ou kah madam kise pule-e' su pe su ndre hehir odo tan tinem ti we hopo ruru kile tadam. O ya! Iy si ndre kitneh anam ti kihrut pe iy si ndre kipu huyen kile tadam ti Lapan kipu huyen kile tadan.”
790	GEN 28:16	Yakop itlang pe ipe ihpa, “Lapan ti imin kerti! Iy ti imin lok kerti, odoke yu tuno hepe pwi!”
791	GEN 28:17	Iy mundren inuh ihmo-on pe ipe ihpa, “Lok kerti hono-on nuhnoh sih! Kerti we omwen Lapan! Pe iy kerti we pohngkiu ndre illa heven ti ndreh.”
832	GEN 30:1	Odoke Resel eri indripo homou nedun Yakop pwi, ile pe iy ipu pelwen tinton pe ipe ile ta Yakop, “Opo nedu! Pwi ti yu we kumwet.”
902	GEN 31:28	Ou ahnan pe yu undropwo-es pe undruhung purmadan papu pe nedu horu pwi. Ou opo punou kudu eri mo-on lakopwi!
938	GEN 32:10	Inum ti pe Yakop isurok ihpah, “Lapan tan papu Abraham pe tan tomo Aisak, ehrung yu! Lapan, Ou apa ile todo apa yu kule yi ndre lone pe ndrongo morlo-i su, pe apa we ahnan sane todo ndre sulo-on kile ke huyen.
1114	GEN 37:30	Iy ile ndrongon tinton su pe ipe ihpa, “Anah ti indrimin pwi! Yu kawe kupu kihpa kehe?”
1164	GEN 39:14	eri pe iy iyuw ile ta su lewen marai se yi ti ihpah, “Etndre-et oh! Lapan Hibru ndre mbrulu ikuni iy imin ndrongo tidu ti impo punou mo-on ile pule-e' tidu. Iy ise lon rum todo pe ipe kimbroserihi yu, odoke yu udehel.
1262	GEN 42:9	Iy iltahorungon ndre mihmih tadan ile tasu ndre iy imehyen munen odo Kenan pe ihpah, “Oduu ti lulo-ou tih! Oduu atsaturtur lok pe atpa etsahtuno oduu kehe ndre oduu we odu-us eriy pe atsapo pahun tih!”
1267	GEN 42:14	Yosep ihpah, “Ihpa ke yu upwe tih! Oduu ti lulo-ou!
1281	GEN 42:28	Iy iyuw ile tan tinton su ihpah, “Moni todo ti heduwe ise yi oh! Idu ke ndre madan ndrop todo kutih!” Su hehtelim. Honoh pe homou madan ile mada' homou pe hahpa, “Lapan ke impo sa ile pule-e' tidu kede?”
1342	GEN 44:17	Yosep ihpa, “Pwi ndre pwi! We kindrahpa kiti pwi! Tapa iy ndramat kap imin hun iy eri we kile lewen marai todo. Oduu huren eri ada-au ndre huye' oduu atla ndrongon tama' oduu.”
1385	GEN 45:26	Su henen ndralngan tama' su ihpah, “Yosep ti mapwi imin! Iy ti madan ise pule-en lok Isip ndre mandra-an!” Yakop saman iyer, odoke ipe ye su hantaheweh.
1467	GEN 48:15	Inum oh ti pe iy ipatihteh Yosep ihpah: “Lapan, Ou ndre onu-us tomo horu, Abraham pe Aisak, eri opo blesim horu kom kutih! Lapan, Ou eduwe yu umwin uu pe isto mehkele, eri opo blesim horu!
1468	GEN 48:16	Engel kehe ndre enehnuwii yu odo horut todo ndre sulo-on, eri opo blesim horu! Rongo pe ranga' horu tomo, Abraham pe Aisak we kindrene-en, eri we kindreh hun horu kom kutih. Horu horpo kom kile sulo-on pe yaya' horu kihur.”
24308	MRK 1:24	“Yesus odo Nasaret, Ou apa ospo sa kile tadu? Ou apa asahyan odu tih? Yu tuno Ou! Ou ti Ndramat Kapin ta Lapan!”
24309	MRK 1:25	Yesus ihrurute anan ihpa, “Onlou kah! Asa mahun odo tadan!”
24348	MRK 2:19	Yesus ipe ihpa, “Ihpa kehe? Oduu waso‑o’ oduu atpa sa kowson ndramat ndre iyesou mahkele kopwi ti hoyo‑on song kolwii, idu iy mapwi imin ndroda su tih? Pwi tih! Idu iy mapwi imin, eri su kowson ti we hensinip ana’ su odo yo‑on song pwi.
24395	MRK 4:3	“Oduu atahrung! Orngon homou ile iltehe pedun wit ile langah.
24405	MRK 4:13	Inum pe Yesus ipe ile ta su ihpa, “Oduu ti tuno’ oduu mining odo palan nolou yu upwe ti pwi? Orkom! Oduu we edehtuno oduu mining odo palan nolou ndre sulo‑on ti kihpa kehe?
24413	MRK 4:21	Yesus ipe ile ta su yi ihpa, “Sa lau ti henehturmon lam pe hosorohe ile ndrop, erih? Ndre pwi hantawe ile pahndran sau, erih? Pwi! Sa hentawe into moleu.
24430	MRK 4:38	Yesus ti iduwe palan imin ndralulum pe inemetir imin ku‑in ndrol. Su disaipel hala hesohrungi Iy pe hapa ihpa, “Tisa, emin eleng! Ndrol ke iruh pe tidu kihne kah titmat. Ou karmadam kopwi ile sa?”
24440	MRK 5:7	Pe Yesus ipe ile tadan ihpa, “Sinel, asa mahun odo tan orngon kitih.” Pe iy idehel puko‑on ihpa “Yesus! Ou Nedun Lapan Mandra‑an imin Eleng! Ou apa opo sa kile todo? Adamumoi kile ta Lapan ihpa ndre ou we endretudou ngendre‑en kile todo pwi yi.”
24478	MRK 6:2	Idu Sabat eri Iy ile lon omwen surok pe ipehre Nolwo‑on Lapan ile ta sa lau. Sa lau sulo‑on hehrungi nolou ndre Iy ipehre ti pe hehretek Tadan pe hapa ihpa, “Iy lau kuti ihtunon sane kuti ihpa kehe? Iy impupu‑uh mirakulo yi! Pe puko‑on kuti Iy ikuni odo kehe?
24602	MRK 8:33	Odoke Yesus madan ile yi ndre ta su disaipel pe ihrurute ile tam Pita ihpah, “Satan, ala ndruwe! Ou kolum ti indrahpa ndre kolon Lapan ti pwi. Kolum ti kolon ndramat odo lokpoi.”
24816	MRK 13:30	Yu kupwe ndre ndrokene kile ta oduu! Sa ndramat odo mahkele ti we se mapwi hodo, pe sane ndre sulo‑on kuti we hehir.
24829	MRK 14:6	Yesus ipe ile ta su ihpa, “Adahnan iy kolwii! Oduu edempa iy ile sa? Iy ti ipu huyen lakopwi ile Todo.
24864	MRK 14:41	Yesus ise petsih ti su henemetir, ise peruweh ti su henemetir, pe ise yi kah patoloh ti su henemetir yi. Ile pe Iy ipe ile ta su ndre tulmuu ihpah, “Oduu mapwi edenemetir pe edemiyau, erih? Kah kahrii! Sa ka we heduwe Nedun Ndramat kile lumwe’ sa lau mo‑osa.
24887	MRK 14:64	Oduu etndretahrungi Iy mahkele kopwi impa nolou mo‑on ile pule‑en Lapan tih! Oduu atawene ihpa kehe?” Su ndre sulo‑on hapa Iy indretaparan Lo mandra‑an, ile pe we hapwi Iy kimet.
24909	MRK 15:14	Pailat ipe ile ta su yi ihpah, “Odoke Iy ipu sa mo‑on?” Odoke su hedehel pe hasangar puko‑on lakopwi ihpah, “Opo nilim Iy kile kei tondrih! Opo nilim Iy kile kei tondrih! Opo nilim Iy kile kei tondrih!”
24924	MRK 15:29	Sa lau ndre henehrik sal ti madan sa ile ta Yesus ingakik ise kei tondrih ti pe henehngunguu Iy pe hampa ihpah, “Apa yi puko‑om ti ka asa pwoi! Ou apa we etparan omwen surok mandra‑an odo Yerusalem oh pe otmon yi kidu ke rang tul, eri pe ka asa pwoi pe amat kolwii.”
24948	MRK 16:6	Pe iy ipe ile ta su ihpah, “Oduu edehretek kolwii. Yu tuno, oduu ti edempondrih Yesus odo Nasaret ndre sa hopo nilim Iy ise kei tondrih pe Iy imet tih. Iy indrimin keti pwi! Iy indretalang yi! Etndre‑et oh, ndruhun ndre sa heduwe Iy iyin eriy ti kutih.
29132	GAL 1:8	Yu kupwe kile ta oduu. Kipe ye odu ndre pwi su homou engel odo heven kipehre sih gutnius ndre ile handrai yi odo iy ndre odu etpehre ile ta oduu eri, ea saleu, Lapan kiduwe iy kile hel ndreh!
29165	GAL 2:17	Uh tidu titpa titmin kile huyen odo madan Lapan pe titpo bilip ile ta Yesus, pe tideltuwei ihpa ndre tidu Yuda ti ndramat odo to-ir ihpa ke su ndramat matlok, iy erti kawe titpa kihpa kehe? Kristus ipe to-ir ti huyen ndreh? Pwi! Iy kuti indre-en hesel sal pwi ndre pwi.
29173	GAL 3:4	Ngendre-en ndre sulo-on ndre oduu atakun ti hala hangka-an ke porah ndreh? Yu undrupo bilip pwi!
29190	GAL 3:21	Iy kuti ihpa kehe? Lo ti intahepiyen poromis ta Lapan? Pwi! Lo isentahepiyen poromis ti pwi. Ipe ye taha tihtakun handrai Lo ndre we kiduwe taha tihto huyen odo madan Lapan, eri taha ndre sulo-on tihehtot eriy kehii. Odoke we kindrahpa erti pwi.
29777	1TI 1:14	Orkom! Reh ta Yesus, Mandra-an ta tidu, ile todo ti mandra-an lakopwi idepelwen to-ir todo. Bilip todo ile Tadan, pe reh todo ile ta sa Kristen ndramat, ti ihir odo reh mandra-an Tadan kuti.
29857	1TI 6:2	Uh bos ta homou lewen marai ke porah ti iy Kristen, eri lewen marai ti nombrun kidawene kihpa, “Bos todo ti yu tinto, ile pe huyen, yu we kundretahrung iy pwi.” Pwi! Lewen marai ti tawene tadan kihtot kihpah, “Bos todo ti iy Kristen pe yu wasu-u iy. Yu kupu maryan kile huyen kile pe mandro tadan ti kimin huyen.” Tawene kuti we kihnan lewen marai ti we kipu marai kile huyen. Timoti, opunowon su kile kuti.