6	GEN 1:6	Inum pe Petngendrei ipe ihpa, “Kapetne-et odo wo kah kihir.”
9	GEN 1:9	Inum pe Petngendrei ipe ihpa, “Wo iyin pahndran eri kihtok kile ke sehir, pe lok puko-on kihir pe kipkos.” Pe ihir ihpa ndre eriy.
11	GEN 1:11	Inum pe Petngendrei ipe ihpa, “Kei pe sane handrai pe handrai ndre henerenge ti kah hehir odo poi pe hotou mbrwe’ su.” Pe ihir ihpa ndre eriy.
15	GEN 1:15	Pe su we hannai hosso parar pe heneraman lok poi.” Pe ihir ihpa ndre eriy.
20	GEN 1:20	Inum pe Petngendrei ipe ihpa, “Sane mente-en lon ndras ndre sulo-on hohu ngoho’ su, eri hehir pe hohor hala sulo-on. Pe nenka-an hono-oh eri hehir pe hohor yi.”
22	GEN 1:22	Pe Petngendrei ipatihi su pe ipe ihpa, “Oduu sane mente-en lon ndras oduhor kile lon ndras ndre mandra-an. Pe oduu nenka-an eri oduhor yi.”
24	GEN 1:24	Inum pe Petngendrei ipe ihpa, “Ka-an handrai pe handrai ndre henehti ngoho’ su eri hehir odo pule-en poi. Su odo hangahang pe su puyep, mandra-ane pe mone.” Pe ihir ihpa ndre eriy.
26	GEN 1:26	Pe Petngendrei ipe ihpa, “Mahkele eri tidu ka we tidahnan ndramat hahpa ndre tidu. Kile pe su we mada’ su kise pule-en ni, nenka-an pe ka-an odo hangahang pe puyep, mandra-ane pe mone.”
30	GEN 1:30	Odoke su ka-an pe nenka-an eri ana’ su song ti mundriu pe ndrokei orwon.”
48	GEN 2:17	odoke kei ndre intawe tawene odo sane huyen pe sane mo-on eri ou oyo-on mbrwen kolwii. Uh ou oyo-on eri we amat kidu ke ndre rang etih.”
49	GEN 2:18	Eri pe Lapan Petngendrei ipe ihpa, “Ndramat kamal iy ke homou imin eri mo-on. Yu we kuhnan homou kowson odo henuwii iy.”
59	GEN 3:3	tapake mbrwen kei idu ndrokoron lok, eri Petngendrei ipe we oru erndretukunii pe erndreyo-on pwi. Uh oru ortukunii ndre pwi oryo-on, eri oru we armat.”
66	GEN 3:10	Iy isomwi ihpa, “Yu uhrungi ngasam enelila pe yu unuh pe utong Tadam, odo yu ndrihi pwi tih.”
67	GEN 3:11	Ile pe Lapan Petngendrei ihndremte, “Ou tunom ihpa ndre ou ndrihim kopwi ti ihpa kehe? Si ipahran ile tadam? Ou ti kihne andrani mbrwen kei ndre Yu upwe ou oyo-on kolwii tih.”
71	GEN 3:15	Yu we kuhnan ou pe iy pedih, we erehmbore oruu oruu. Su nedun pe su nedum eri we hompo ke pahun kile pule-e’ su. Su nedun pedih ti we hantatawe palam pe ou we eneti kambrulke’ su.”
72	GEN 3:16	Lapan Petngendrei ipe ile tan iy pedih ihpah, “Yu we kuduwe pede-en kile mundrem kidu ou ndriyem, pe ngendre-en mandra-an we kile tadam, kidu ou otou nedum. We elnget ngendre-en, odoke reh tadam we kinto ke ndre tan mbrulum, pe ou we emmin ke ndre pahndran mbrulum.”
75	GEN 3:19	Ou we opo marai kile puko-on pe panohyum kihir, iyenon ndre ou ala yi ndre poi ndre ou ehir eriy. Ou ehir odo poi pe we ala yi ndre poi.”
78	GEN 3:22	Inum pe Lapan Petngendrei ipe ihpa, “Ndramat ke indrahpa ndre homou ta tidu. Iy kah tunon sane huyen pe sane mo-on. Ile pe iy we ke-eu odo Iden. Kihne iy kimin ti pe kiyo-on mbrwen kei odo hasamat pwi, pe kindrimat pwi.”
81	GEN 4:1	Inum pe Adam imtir mbrulun, pe mbrulun ikuni kom ile mundren pe iduwe nedun kamal homou. Ewah ipe ihpah, “Lapan ipu huyen ile todo pe yu kah nedu homou kamal.” Ile pe iy iyuwen rangan Kein.
87	GEN 4:7	Lehpe ou opo huyen eri Yu kuhposon ou, pe ou we ondrupo loroh pwi. Pe uh ou endretahrung punou todo pwi, eri ampahar, to-ir we kihndrusi ou. To-ir ingkeli-iy kopwi ipe kikuni ou ala lewen, odoke ou epkwe pe ahtaran iy.”
88	GEN 4:8	Ndre omur ti pe Kein ipe ile tan tinton ihpah, “Toru torndrou kile kotile’ toru.” Horu harla ndre alau ti pe Kein iyepwi tinton imet.
92	GEN 4:12	Uh ou edehe song kile poi, eri we poi kindrehlingi song tadam pwi. Ile pe ou kah atlang pe owou. Ou ka we enerolila kopwi, sehir kile sehir, odo pule-en lokpoi.”
94	GEN 4:14	Ou ana-as yu odo lok ketih. Apa yu kumwin hun Ou kolwii. Pe yu ka we kunelila sehir kile sehir odo lokpoi. Pe homou kihrah todo eri we kepwi yu kumwet.”
95	GEN 4:15	Odoke Lapan ipe ihpah, “We kindrahpa kiti pwi. Uh homou lau kepwi ou amat, eri Yu we kuse nuhem pe kupu muden kile ta sa lau ndre ndrotulmuu.” Ile pe Lapan ide kalmene-en Kein, odo uh sa lau hahrah tadan, eri we handrapwi iy pwi.
104	GEN 4:24	Oruu tuno’ oruu ihpa ndre uh homou lau kepwi Kein eri Petngendrei we kipu muden pe kiruhe lau ndrotulmuu hamat. Odoke yu, eri uh homou kiruhe yu kumwet, eri we ndramat ndre ndrotulngeh-pe-ndrotulmuu (77) we hamat kile mudi.”
105	GEN 4:25	Adam imtir Ewah yi pe Ewah ile ndriyen pe iduwe nedun kamal homou yi. Ewah ipe ihpah, “Petngendrei indretawe nedu homou yi ile muden Abel ndre Kein iruhei imet.” Ile pe iy iyuwen rangan ile Set.
135	GEN 5:29	Pe iy ipe ihpah, “Tidu tidempo marai puko-on odo maryan song, odosa Lapan indrahyan poi ndre pihe tih. Odoke nedu kuti we kihnan pe maryan song we kile hukulon pe tidu we titmiyau hepe.” Ile pe Lamek iyuwen rangan nedun ile Noah.
141	GEN 6:3	Ile pe Lapan ipe ihpah, “Yu we kundretawe sa ndramat hondroto pe hondroto ndresale pwi. Su we hamat. Ile pe idu mahkele pe ile, eri su we hondroto kindritapelwen krismas puken sangat-pe-rungeh (120) pwi.”
145	GEN 6:7	Kile Yu kundretawe su pwi, eri lehpe huyen. Konan. Yu we kuhnan sa ndramat ndre sulo-on ndre Yu uduwei ti we hamat. Ka-an pe nenka-an ndre sulo-on ti we honum yi.”
159	GEN 6:21	Pe okun song handrai pe handrai, ana’ oduu ndramat, pe ana’ su ka-an pe nenka-an yi.”
164	GEN 7:4	Rang ndre ndrodul kinum pe Yu we kuhnan lengin kindrut meseren hangoh pe lukumwen hangoh. Ile pe sane ndre sulo-on ndre Yu undrahnan, eri we hamat ndre kilnum.”
206	GEN 8:22	“Pe iy ndre lokpoi indrinum mapwi tih, eri we sane marai ti we ndre mundru’ su ea. Tehe song ti we ndre mundrun, pe takun sengin song odo langah ti we ndre mundrun. Lok ti we killa wo-on pe mburten. Lengin ndre mundrun pe mundroi ndre mundrun. Meseren pe lukumwen we herehir kopwi. Sane ndre sulo-on kuti we hehhir kopwi iyenon ndre lokpoi kinum.”
223	GEN 9:17	Ka-uh kayeh erti ile kalmene-en poromis ndre Yu ko umpo ile ta su sane ndre sulo-on ngoho’ su idu ta su.”
231	GEN 9:25	eri pe iy isamtan Kenan (nedun Ham kamal) ihpah, “O saleu, Kenan kile ke hono-on marai ke porah tan tinton su.”
233	GEN 9:27	Lapan we kihnan yayan Jafet kihur kile sulo-on. Pe hodo ndroda su yayan Siem. Pe yayan Kenan su ti we hala hono-on marya’ su yayan Jafet.”
244	GEN 10:9	Lapan iduwe puko-on ile tan Nimrot pe iy ihir ile ndramat puko-on odo pondrih sane yohou. Ile pe sa lau hampa ihpah, “Lapan kihnan ou ala ndramat puko-on odo pondrih yohou ihpa ndre Nimrot.”
270	GEN 11:3	Su hopunou ihpah, “Tidu titakun poi palat pe tidapisii. Kinum pe titulmwi poi erti kihir pidikis.” Pat sulo-on hondroto lok kurti pwi, ile pe su hopo pidikis ile tumwe um. Su hentawe kolta ile lengan pidikis pe indrotowei inehndrepit.
271	GEN 11:4	Inum pe su hapa ihpah, “Tidu kah tidahnan sih taon, pe tidehtong sih tawa elwe-en kile ndre parar eleng. Kile pe ranga’ tidu kihnding, pe titsarpat kile pule-en lokpoi ndresih kolwii.”
274	GEN 11:7	Atsa. Tidu titla pwoi pe titsopelwen nolwo-o’ su kidut, kile pe su homou kihrungi homou kolwii.”
302	GEN 12:3	Yu we kupu huyen kile ta si lau ndre kipu huyen kile tadam, pe Yu we kupu mo-on kile ta si lau ndre kipe nolou mo-on kile puli-im. Pe odo ou kopwi pe Yu we kumpo huyen kile ta sa lau odo hokor pe hokor odo lokpoi.”
306	GEN 12:7	Lapan ihir ile ngon Abram pe ipe ihpah, “Yu we kuduwe lok kurti kile tan papum pe tinembrum su.” Ile pe Abram ihtungon alta ta Lapan ile kalmene-en Lapan ihir ile ndrongon iy odo lok erti.
312	GEN 12:13	Apa kile ta su kihpa ndre yu ti timsu-u ou. Kile pe su handrapwi yu kundrimat pwi, pe hopo huyen kile todo.”
328	GEN 13:9	Enendroni lok ndre mandra-an iyin kiti. Toru tertalngan toru. Uh, ou wasu-um lok ile kamweu, eri yu we kule mudon. Pe uh, ou wasu-um apa ala mudon, eri yu we kule kamweu.”
336	GEN 13:17	Alla kile pule-en lok ndre mandra-an pe elturii, odosa, Yu kawe kuduwe kile lonem.”
357	GEN 14:20	Ou esori rangan Lapan kile eleng, pe ehposon rangan, odosa, Ou opo pahun pe Iy ihnuwii ou ala win.” Pe Abram itlangan sane ndre iy ipu winim odo pahun ti ile ndre ndruhu sungoh. Pe iy iduwe hondroh ile tan Melkisedek.
358	GEN 14:21	Inum pe king odo Sodom ipe ile tan Abram ihpa, “Ekuni tadam sane ndre sulo-on, tapake eduwe ndromto ti hasa yi.”
361	GEN 14:24	Sane ndre su lewen pahun todo handranii, eri todo erti koson. Pe kowos todo ndre tulmuu, Aner, Eskol pe Mamre, ti hehnuwii yu ile pahun, ile pe su we hokun yano’ su.”
362	GEN 15:1	Ndre omur ti pe Abram indroni hangka-an ihpa ndre ndre-et odo mihmih. Pe iy ihrungi pohon Lapan inlou ile tadan ihpa, “Abram, ou onoh kolwii. Yu modo we kisso tadam. Pe Yu we kunehnuwii ou kile sane sulo-on huyen ea.”
364	GEN 15:3	Ou andrangahang yu kom pwi tih. Ile pe uh yu kumwet eri ndramat lewen marai todo ke porah we kikuni tadan sane todo.”
365	GEN 15:4	Odoke Lapan ipe ile tan Abram ihpa, “Pwi, lewen marai tadam Elieser ti we kindretakuni sane tadam pwi. Nedum odo ndrayim we kisini ndruhum.”
366	GEN 15:5	Lapan ikuni Abram ile kiu pe ipe ihpa, “Madam kile lon parar pe endre-et pudiy. Ou etuhne ondrom su. Ndramat ndre we hehir odo mundrem ti we sulo-on kihpa ndre pudiy hoso lom parar.”
368	GEN 15:7	Inum pe Lapan ipe ile tan Abram ihpa, “Yu ti Lapan tadam. Yu uwin munen ou pe ou owou odo lonem Ur odo Babilonia. Yu ukuni ou asa lok ketih. Yu upwe we ou ala taman poi ketih.”
370	GEN 15:9	Ile pe Lapan ipe ihpa, “Ala ekuni sane kuti hasa. Ala ekuni homou makau ndrukwil krismas tadan toloh, pe homou meme ndrukwil krismas tadan toloh, pe homou sipsip kamal krismas tadan toloh, pe rumuu pal.”
377	GEN 15:16	Yayam su we hansa yi sowin pwi. Kilto ndre omur ti ombrum su we hasa ndre keti yi. Yu mapwi ungkeli-iy to-ir ta su lau odo Amor kile mo-on lakopwi oh. Inum pe Yu we kuhnan su kihmo-on, pe ku-es su odo lok ketih.”
382	GEN 15:21	pe su Amor pe Kenan pe Girgas pe Jebus.”
384	GEN 16:2	Ile pe Sarai ipe ile tan Abram ihpa, “Lapan ihndrepti yu, pe yu undrupo kom pwi. Ou ala emtir ndroda Hagar, kile pe iy kipu homou nedu.” Abram ihwaso-on nolou tan Sarai.
388	GEN 16:6	Abram isomwi Sarai ihpa, “Ou ohrung oh. Hagar ti lewen marai tadam, pe ou kopwi madam iso tadan. Ou apa opo kihpa kehe kile tadan, eri sane tadam.” Ile pe Sarai ke ipu mo-on ile ta Hagar, pe Hagar iyeu.
390	GEN 16:8	pe ipe ile tadan ihpa, “Hagar, lewen marai ta Sarai, ou owus kehe pe ka ala kehe?” Hagar ipe ile tan engel ihpa, “Yu una-au tam bos todo ke Sarai.”
392	GEN 16:10	Yu we kuduwe papum pe tinombrum pe ombrum su we hala sulo-on, pe we homou ndramat kindranon kindrendrumon su pwi.”
394	GEN 16:12	Odoke nedum kamal kiti we kihir kihpa ndre donki puyep. Iy we kimpo ke pahun kile pule-e’ sa hokor pe hokor, pe sa we hompo kihpa ke eriy kile pule-en yi. Iy we kindrimin ndroda su tinton pe timso-on pwi.”
395	GEN 16:13	Hagar idawene ihpa, “Orkom, mahkele eri yu ti undroni Petngendrei pe usohou Tadan.” Ile pe iy irson rangan Lapan ndre isohou ile tadan ti “Petngendrei Iltuwei Yu.”
396	GEN 16:14	Ile pe sa heneyuwen rangan wo ngat ise ndrokoron Kades pe Beret ti ile “Lapan Moren Ndre Ineltuwe Yu.” Wo ngat kurti ma ilsou.
406	GEN 17:8	Poi Kenan ou ka emin eriy kurti poye’ su lau se yi. Odoke Yu we kuduwe kile poyim, pe su papum we hemin eriy, kenon ndre lokpoi kinum. Pe Yu we Lapan ta su.”
412	GEN 17:14	Homou kamal ndre kindremendrele keltun merse-en pwi, eri iy ti lewi pwi, pe we hana-as iy ke-eu odosa iy indretawei indre-en indrahpa ndre Yu upwe ti pwi tih.”
414	GEN 17:16	Yu we kupu huyen kile tadan, pe iy we kiduwe nedum homou kamal. Yu we kupu blesim iy, pe iy we kile tine’ sa lau sulo-on sulo-on. Nedun su se we hala king.”
416	GEN 17:18	Iy ipe ile ta Lapan ihpa, “Kile huyen ti Ou eduwe Ismael kisini ndruhu, kidu yu kumwet tih.”
419	GEN 17:21	Odoke poromis ndre idu kolu, eri Yu we kuhnan ndrodan Aisak. Sarah we kiduwe Aisak ti kidu mundrun kati, odo krismas imin.”
430	GEN 18:5	Yu kupu ana’ oduu hepe song pe otyo-on oh, kile we kipuko-on oduu odo lila-a’ oduu. Wureh taduu lakopwi odo yu uhndremte oduu pe oduu odu-us yu atsa um todo ti, ile pe yu kupoyuyoh oduu oh.” Su hahpa, “Huyen, opo kihpa ndre ou apa tih.”
431	GEN 18:6	Ile pe Abraham iporitai ile lon um pelei pe ipe ile tan Sarah ihpa, “Oportai kopwi, okun sahat palawa tadam iy ndre huyen lakopwi eri pe ahnan kile bret.”
434	GEN 18:9	Ndre ilnum pe su hehndremte iy, “Ou mbrulum Sarah ti inna kehe?” Abraham ihpa, “Iy ilmin lon um pelei.”
435	GEN 18:10	Ile pe Lapan ipe ihpa, “Kidu mundrun kerti odo krismas omur eri Yu we kuse yi, pe mbrulum ke Sarah ti we kiduwe nedum homou kamal.” Sarah ti idu ndruwen Lapan ea odo pohngkuwen um pelei pe intahrung.
437	GEN 18:12	Ile pe Sarah irkei pe iparuhur ile ke ndre tadan ihpa, “Yu kah lopu pe mundre indrekulkol pe we kupu nedu kihpa kehe? Pe mbrulu yi eri ke ihpa ke eriy.”
439	GEN 18:14	Handrai sa mangsan puko-on odo ta Lapan tih? Ihpa ndre Yu undrupa tih: kidu krismas omur eri Yu we kuse yi, kidu mundrun ndre Sarah we kiduwe nedun homou kamal.”
440	GEN 18:15	Sarah inuh, ile pe idewehweh ihpa, “Yu undrerekei pwi.” Odoke Lapan ihpa, “Ndrendrokene, ou erkei tih.”
444	GEN 18:19	Yu urih tadan ti upwe kile we iy kipunuwon nedun pe papon su pe we hantahrung Yu pe hodo omur punou huyen ta Lapan. Ipe ye su hahnan kihpa ndre eriy, eri Yu we kuhnan sane ndre sulo-on tadan kihpa ndre Yu undrupa tih.”
446	GEN 18:21	Yu we kule pwoi pe kulndre-et. Ndrendrokene ihpa ndre Yu uhrung ti ndre pwi.”
450	GEN 18:25	Yu tuno, sane ndre sulo-on Ou ompo ti huyen kopwi. Odoke uh, ipe ye Ou ahyan taon eri su huye’ su ti we helnget yihin to-ir ta su mo-o’ su tih. Iy erti punou huyen pwi. Ou ti jas odo lokpoi ndre mandra-an pe homosa ndre Ou opo eri kihtot ke ndre sal huyen.”
451	GEN 18:26	Lapan ihpa, “Ipe ye su limngeh huye’ su he-en Sodom, eri we Yu kundrutandruwyan taon ti pwi.”
453	GEN 18:28	Odoke ipe ye su ke hangoh-pe-limuu huye’ su, Ou we atndruwyan taon ndre mandra-an ndre pwi?” Lapan ipe ihpa, “Yu we kundrahyan pwi ipe ye su hangoh-pe-limuu huye’ su he-en eriy tih.”
454	GEN 18:29	Abraham ihndremte yi, “Pe uh ipe ye su ke hangoh kopwi?” Iy ihpa, “Ipe ye su ke hangoh eri Yu we kundrahyan taon ti pwi.”
455	GEN 18:30	Abraham ihpa, “Mandra-an todo, lon ndrinem keweh kile todo, odosa yu upwe kusohou yi. We kihpa kehe ipe ye su ke tulngeh kopwi tih?” Iy ihpa, “Yu we kundrupo pwi ipe ye su ke tulngeh tih.”
456	GEN 18:31	Abraham ihpa, “Ndrinem keweh kile todo, Lau Mandra-an, yu we mapwi kunehndremte ke Ou. Ipe ye su lau huye’ su ti rungeh holto eriy, Ou we ahyan taon ndresih?” Iy ihpa, “Yu we kundrahyan taon pwi, ipe ye Yu kutureh ke ta su rungeh tih.”
457	GEN 18:32	Abraham ihpa, “Mandra-an todo, kihne we Ou lon ndrinem kinei kile todo ile pe yu upwe kusohou ke petsih koson yi. Ihpa kehe, ipe ye Ou ohtunom kihpa ndre su ke sungoh huye’ su holto eriy tih?” Iy ihpa, “Yu we kundrahyan taon odo ta su ndre sungoh ti pwi yi.”
460	GEN 19:2	pe ipe ihpa, “Oruu il, yu we kuhnuwii oruu. Arsa um todo. Ersingen ndrike’ oruu oh pe tidene-en. Ndromoh maping ndre lik pe ka erenelila kile yi.” Odoke horu harpa ile tadan ihpa, “Pwi, oru we ermetir ermin ndre malal kutih.”
463	GEN 19:5	Inum pe su hoyuw ile ngo Lot ihpa, “Horu lau harsametir mahkele lukumwen hermin ngon ou ti herndrela ‘he? Okuni horu harsa kiu, pe odu atta mbrutle’ horu.”
466	GEN 19:8	Yu nedu horu pihin ndre rumuu, harndrela mundren homou kamal mapwi. Horu we harsa kiu pe oduu otpo homosa kile reh taduu eri kile ta horu. Odoke horu ndramat iy ndre harsametir harsa um todo, eri we yu modo kise ta horu. Oduu otpo hangka-an kile ta horu kolwii.”
467	GEN 19:9	Odoke su Sodom hohrungi nolou kuti pe hapa ile ta Lot ihpa, “Ehpil odo sala’ odu. Ou ti yohang! Opunou odu kolwii. Owou! Pwi ti odu we otpo mo-on kile ta horu lau tadam, pe ou eri odu we adahyan ou kihmo-on lakopwi.” Pe su hotndrusuwen Lot ile yi, pe hala hapa hetpel pohngkiu.
472	GEN 19:14	Ile pe Lot ile ngo horu lau ndre we harasuwon nedun horu pihin ndre rumuu ti pe ipe ile ta horu ihpa, “Orportai! Artalang ara-au odo ketih. Lapan ipe we kihyan taon.” Odoke horu harpa ye iy impa ile ke ndruwot.
473	GEN 19:15	Idu lirang ti pe horu engel harpa ile ta Lot ihpa, “Oportai! Okuni mbrulum pe nedum horu pihin pe atalang odo taon ketih. Kihne we atmat ndroda sa kamal pe pedih se yi.”
475	GEN 19:17	Inum pe iy homou ti ipe ihpa, “Ada-au otportai, kihne atmat. Etndre-et kise omur kolwii. Atmayau pe odohndro odo ndrolon ti kolwii yi. Ada-au atla ndre pule-en puliy eleng, pwi ti we atmat.”
478	GEN 19:20	Ou onoltuwe taon lehyen ilso tih? Iy eti mukehe hepe. Eduwe yu kule ke lok ertih. Lok eti lehyen kopwi oh. Yu we kule eriy eri we kundrohrut pwi.”
480	GEN 19:22	Otportai! Odohtot! Yu we kundrupo handrai hangka-an mapwi uu kenon ndre oduu etndrehir taon etih.” Lot ipe taon erti netlehyen, ile pe sa hoyuwen rangan ile Soar.
490	GEN 19:32	Tortudou wain kile tadan pe iy ki-ing pe kipu sipak, eri pe toru termetir ndrodan iy kile we torpo nedu’ toru. Tarahnan kihpa kurti we yayan tama’ toru ti we kindrunum pwi.”
499	GEN 20:3	Lukumwen sei eri pe Abimelek imih ipe Lapan ihir ile ngon iy pe ipe ihpa, “Ou ka we amat, odosa pedih ou okuni iy kudu, eri iy mbrulndrat.”
501	GEN 20:5	Abraham iy ndre iy ipe horu ti timso-o’ horu horu. Pe pedih ti ipe horu ti madan timso-oi yi. Yu upu kurti ile tawene huyen pe undrehrut indrito hangka-an pwi. Upwei ye upu ke ndre punou huyen kopwi.”
511	GEN 20:15	Pe ipe ile tan Abraham ihpa, “Endre-et, poi ndre mandra-an kuti todo. Ou apa amandro emin kehe, eri emin eriy.”
512	GEN 20:16	Pe iy ipe ile ta Sarah ihpa, “Yu kawe kuduwe silwa ndre ndralahan posungoh kile tan timsu-um, kile pe sa lau ndre sulo-on hodo ndrodan ou, eri we hohtuno sa, ou ti andrahnan hangka-an mo-on pwi.”
520	GEN 21:6	Sarah ipe ihpa, “Lapan ke indrehlingii yu kom homou pe yu upwo-es ile eriy. Sa ndramat iy ndre hehrung eri we hopwo-es pe herkei ndroda yu.”
521	GEN 21:7	Inum oh ti pe iy ipe ye sehir yi, “Pihe ti sa lau hampa hapa yu we kundranon kundrisus homou kom pwi. Sa hapa Abraham ti mo-on lopun. Odoke yu ka undretawe nedun Abraham homou kamal.”
524	GEN 21:10	Sarah indroni horu pe ipe ile tan Abraham, “Adapipan lewen marai todo Hagar pe nedun hara-au. Yu mbori horu hermin. Nedun pedih lewen marai ti we kinna taman sane tadam ti pwi. Sane tadam ndre sulo-on ti we tan nedu kopwi.”