24287	MRK 1:3	Homou lau iyuw imin lok sehir tam pwi, ihpa, ‘Adahnan salan Lapan ki‑in. Atatilen salan kile huyen.’”
24312	MRK 1:28	Ile pe Yesus rangan ihnding sowin kopwi odo lon Galili Distrik ndre mandra‑an.
24315	MRK 1:31	Iy illa ile hun osohon Saimon, indrotowe lumwen, pe isori iy imin eleng. Osohon Saimon ile huyen, pe itou song ile ta su pe su hoyo‑on.
24325	MRK 1:41	Yesus madan ile tadan pe ikarndrum iy lakopwi. Iy itlon lumwen ile pe itkuni orngon kuti, pe ipe ihpa, “Yu wasu‑u. Ou ala huyem.”
24341	MRK 2:12	Orngon ti itlang, ikuni lokowon, pe illa iyeu iyus mada’ sa lau ndre sulo‑on. Sa ndre sulo‑on hehretek pe hemesi‑iy, pe hesori rangan Lapan ile eleng. Pe sa hapa ihpa, “Odu hepe etsenendre‑et hangka‑an ihpa kuti pwi uu ndre mahkele.”
24351	MRK 2:22	Pe homou isentehen wain morowin ile lon keltun meme ndruken pwi. Pwi ti we wain kire‑e keltun meme kurti, pe wain ndrodan ndre keltun meme we herehmo‑on. Ile pe sa hentehen wain morowin ti illa ke lon kalatun meme wuhou.”
24352	MRK 2:23	Idu rang sei Sabat eri Yesus illa iyus lon katen wit. Su lau Tadan ti ho‑us Iy yi, pe hentakun sengin wit pe hana‑an.
24354	MRK 2:25	Yesus isomwi su ihpa, “Oduu ti hepe edempo rit pohtidi‑iy tan Devit iyin buk tam Profet Samuel ti ndre pwi? Idu mundrun ndre Abiatar ti hetpris, Devit pe su lewen hamat song pe hala lon omwen Lapan, pe hani bret odo ofa illa ta Lapan. Bret erti immin purmadan Lapan, pe sa lau ke porah we hendreyo‑on pwi. Sa pris kopwi we heyo‑on. Odoke Devit iyo‑on, pe itou se ile ana’ su lewen yi. Oduu edempo ridim nolou kuti ndre pwi?”
24367	MRK 3:10	Yesus indrahnan sik ta sa lau sulo‑on munen kah, ile pe sa sik ti hentandrusuwi hapa hala mukehe pe hetkuni Iy, kile pe sik ta sa ha‑au.
24376	MRK 3:19	pe Yudas Iskariot, iy ndramat ndre iduwe Yesus ile lumwe’ sa lau mo‑osa.
24379	MRK 3:22	Sa sape ndramat se odo Lo ho‑us Yerusalem hala pwoi, pe hapa ihpa, “Belsebul imin pule‑en. Iy ina‑as sa sinel ti ile puko‑on tam Belsebul, mandra‑an ta su sinel.”
24387	MRK 3:30	Yesus ipahran nolou kurti, odosa su sape ndramat odo Lo hapa sinel imin pule‑en.
24394	MRK 4:2	Pe Yesus isohou sulo‑on ile ke palan nolou odo tatuhne su ile sane sulo‑on. Iy ipe ile ta su ihpa,
24402	MRK 4:10	Sa lau sulo‑on kah handra‑au. Ile pe su lau ndre honto ndroda Yesus ti, pe su aposel Tadan ndre sungoh-pe-rumuu, hehndremte Iy ile mining tam palan nolou ndre Iy indripa kah ile ta sa lau tih.
24416	MRK 4:24	Iy ipe yi ihpa, “Atawene kehii kile nolou kutih. Punou sa ou opo kile pule‑e’ si ndramat kihpa kehe eri Lapan we kipu kihpa ke ndre eriy kile puli‑im. Pe Lapan we kitou hepe lakopwi, kihluwen iy ndre ou opo ile ta sa ndramat.
24424	MRK 4:32	Sa ndre hendretohon kah ti pe iy inerenge, pe inehluwen kei ndre sulo‑on odo langah. Ndrandran ti halla mandra‑ane, pe lon ndrandran ti wo‑on. Ile pe nenka‑an halla henemandro pe hentumwe emwe’ su honto eriy.”
24433	MRK 4:41	Odoke su honoh ile mo‑on. Homou madan ile ta homou pe hapa ihpa, “Iy ndramat sa kurtih? Yor pe payau ti hentahrung nolou Tadan yi!”
24447	MRK 5:14	Su lau ndre mada’ su iso tam puu ti hohtot ha‑au pe helninen hala taon pe lok se yi ndre he‑en ertih. Pe sa lau hala helndre‑et.
24454	MRK 5:21	Yesus indreh ile yi ndre ndrol pe ile yi ndre hodoh. Iy ilihir hodoh ti pe sa lau sulo‑on hala ndrongon iy odo papi. Su hapa hohrung nolwo‑on.
24466	MRK 5:33	Pedih kuti ihkalmanan sa indrihir tadan eri pe iy inuh pe ihreretek. Iy ile pe pandrulku‑un ile poi idu kendrun ndriken Yesus, pe inen sane ndre sulo‑on.
24475	MRK 5:42	Pe enihin ti isupu‑ur imin eleng pe illa. Krismas tan enihin ti sungoh-pe-ruweh. Su heltuwei pe hehretek pe hemesi‑iy.
24476	MRK 5:43	Yesus ipe ile ta su ihpa, “Etninen kile ta homou kolwii.” Pe Iy ipe su hopo song pe enihin ti kiyo‑on.
24487	MRK 6:11	Uh oduu atla hokor lok pe sa lau hendreyuwen oduu atla um pwi, pe hendretahrung oduu pwi eri oduu atakorohon wahun poi odo ndrike’ oduu kidu mada’ su, kinum pe ada‑au. Kile pe su hohtuno su ihpa ndre su ti hendrupo mo‑on.”
24494	MRK 6:18	odoke Jon impa ile tadan ipe iy erti punou mo‑on.
24510	MRK 6:34	Yesus indreh ile pwoi odo ndrol, pe iltuwe sa lau sulo‑o’ sa lakopwi. Pe Iy ikarndrum su ile mandra‑an, odosa su hahpa ndre sipsip ndre homou madan indriso ta su pwi. Ile pe Iy itou punou pe tatuhne ile ta su odo sane sulo‑on.
24526	MRK 6:50	odosa su heltuwe Iy pe honoh ile mo‑on. Yesus iporitai inlou lakopwi ile ta su ihpah, “Otnoh kolwii. Iy keti Yu.”
24535	MRK 7:3	(Su Paraseo pe su Yuda ti hondrotowe punou ta su il ta su ti ile puko‑on lakopwi. Su we hendreyo‑on song pwi uu kenon ndre su hesingen lumwe’ su. Singi lumwei ti ndre kastam tadan. Song odo suhen ti we hesingen ndre oh, kinum pe su hoyo‑on. Lo ta su il ta su yi ti ipaninyan kastam odo singi kap, pe singi kur, pe singi palet, pe singi lok odo metir.)
24549	MRK 7:17	Yesus isohou ta sa lau oh, inum pe Iy iyeu ile lonu‑um. Pe su disaipel hehndremte Iy, “Mining odo nolou Ou ampa mahkele ti ihpa kehe?”
24551	MRK 7:19	odosa hangka‑an erti inna lon ndrinen ndramat ndre ndrokene pwi. Hangka‑an erti ile ke salan song, inum pe ile salan ndre, inum pe iyeu ise yi ndre moleu.” Yesus ipahran nolou kuti, odosa iy ipe song ndre sulo‑on ti huyen kopwi odo yo‑on.
24552	MRK 7:20	Pe Yesus ipe lakopwi yi ihpa, “Sane ndre honu‑us lon ndrinen ndramat hassa kiu ti hanahnan ndramat illa mo‑on odo madan Lapan. Lon ndrinen ndramat ti intawe tawene mo‑osa pe pahna. Lon ndrinei ti intawe tawene odo up ndramat kimet, ndramat impo kowos ile tam pedih pe kamal mbrulndrat, pe ndre‑em putmo‑oi. Lon ndrinei ti intawe taheweh, ndringis sane ta lau homou yi, mah‑ah pwi odo punou mo‑on, ndramat hassap sa, taninen ndramat homou yi pe sane sulo‑on mo‑osa yi. Iy sane kuti honu‑us lon ndrinen ndramat pe henahnan ndramat illa mo‑on odo madan Lapan.”
24564	MRK 7:32	Pe sa lau hekuni orngon homou ile hu Yesus. Orngon kuti isentahrung lok pwi pe inolou idu ke lon kolon. Sa lau hosohou karundrum ile ta Yesus, hapa Yesus kiduwe lumwen kile pule‑en.
24565	MRK 7:33	Ile pe Yesus ikuni orngon kuti ile mahun odo ta sa lau ndre sulo‑on. Iy iduwe kopwen lumwen hala lon ndralngan orngon kutih. Inum pe Yesus imburnguh ile kopwen lumwen oh pe iduwe ile kalilmen orngon kutih.
24569	MRK 7:37	Sa lau ndre sulo‑on hehretek pe hemesi‑iy. Sa hapa ihpa, “Orkom, Iy impo sane ndre sulo‑on ti huyen kopwi. Sa lau ndre poho’ sa pwi ti Iy inahnan sa henosohou yi, pe sa ndre ndralnga’ sa pwi ti hentahrung yi.”
24581	MRK 8:12	Yesus ihkalmanan mundren ile pede‑en pe Iy ihti ngohon ile puko‑on. Iy ipe ihpa, “Ihpa kehe pe su lau odo mahkele ti waso‑o’ su hendre‑et handrai mirakulo tih? Odoke Yu kupwe kile ta oduu. Pwi, we etndrendre‑et pwi.”
24591	MRK 8:22	Yesus pe su disaipel hehir hala Betsaida. Pe sa lau se hokuni orngon homou ile hu Yesus. Orngon ti madan pwi, ile pe su lau ti hosohou karundrum ile ta Yesus, hapa Yesus kiduwe lumwen kile pule‑en.
24600	MRK 8:31	Inum pe Yesus kah idetuhne su disaipel Tadan. Yesus ipe ihpah, “Lapan iduwe Nedun Ndramat ise poi ti odo we kisikun ngendre‑en mandra‑an. Su lau ndre hene‑en munen odo lotu ti we hehmbore su Iy, pe mandra‑an ta su pris ile ndroda su tisa odo lo ti we mbore’ su Iy. Pe sa ndramat we hapwi Iy kimet. Odoke rang tul kinum ti pe Iy we kile yi ndre moren pe kitlang yi.”
24604	MRK 8:35	Odosa iy si lau ndre kihmboren sengin kikun pede‑en pe kimet, eri mulwen we kimin mo‑on. Odoke iy si lau ndre kimet, odosa iy ti lewi pe ininen gutnius Todo, eri mulwen we kimin huyen.
24607	MRK 8:38	Ndramat odo mahkele ti hendretawe ndruwe’ su ile ta Lapan, pe hompo ke punou mo‑on. Ile pe uh si lau ndre kimah‑ah Todo, pe kimah‑ah odo nolou Todo, eri Yu we kumah‑ah tadan. Yu we kumah‑ah tadan kidu mundrun ndre Yu we kukuni puko‑on tan Tomo, pe kuse yi ndroda su engel tih.”
24609	MRK 9:2	Rang on inum oh ti pe Yesus ikuni Pita, Jems pe Jon, pe su ho‑us Iy hala puliy sih elwe‑en. Sa homou lau indru‑us su pwi. Su hapa hendre‑et ti pe Yesus mundren inna handrai yi.
24613	MRK 9:6	Pita ipe kuti porah kopwi, odosa su ti honoh ile mo‑on.
24622	MRK 9:15	Sa ndre sulo‑on hendroni Yesus ti pe hehretek ile mo‑on. Sa hohtot hala pe hopwo-es Iy.
24625	MRK 9:18	Sinel ti inak ile pule‑en pe inahnan iy intaketi illa pwoi, pe lehen inehndrepit, pe mbruse‑en pohon ihir, pe mundren ndre homou ineselke‑e. Yu uhndremte su disaipel Tadam upwe su hahnan iy kile huyen, odoke su handranon pwi.”
24650	MRK 9:43	Uh hakai lumwem kihnan ou opo to‑ir, eri emndrelei pe epiyen ke‑eu. Kile huyen ti ou lumwem ke hakai pe ala heven. Kihne ou lumwem ndre rukei pe sa hepiyen ou ala hel. Yih odo hel ti isemat pwi.
24652	MRK 9:45	Pe uh ndrikem hakai ti kihnan ou opo to‑ir, eri ou emndrelei pe epiyen ke‑eu. Ou ndrikem ke hakai pe ala heven ti huyen. Kihne ou ndrikem rukei pe sa hepiyen ou ala hel.
24654	MRK 9:47	Pe uh sih madam ti kirwi ou pe ou opo to‑ir, eri etluhtii pe epiyen ke‑eu. Kile huyen ti ou madam ke sih pe emin lon kapman to Lapan. Kihne ou madam ndre ruweh pe sa hepiyen ou ala hel.
24656	MRK 9:49	“Sa hentawe sol illa mundren song pe yohou odo ofa ndre sulo‑on, kile pe ofa ti kile huyen odo madan Lapan. Yih ti ihpa ke eriy. Yih ti we kihir ta sa lau ndre sulo‑on.
24679	MRK 10:22	Orngon ti ihrungi nolou ta Yesus kuti pe iy madan ihmo‑on. Iy ikarundrum iy lakopwi pe iyeu, odosa iy ti tadan sane sulo‑on sulo‑on.
24687	MRK 10:30	eri tadan sane ti we hehir kile sulo‑on sulo‑on. Iy mapwi ndre kimin lokpoi eri Lapan we kihngahang iy sane sulo‑on sulo‑on, we kihluwen sane ndre iy tadan munen tih. Lapan we kihlingi iy um sulo‑on, tinton sulo‑on, timso‑on sulo‑on, tinen sulo‑on, nedun sulo‑on pe poi sulo‑on. (Odoke sa ndramat we hampa ke iy pe henahnan mandro‑on killa mo‑on.) Pe ndre omur ti iy we kile lok huyen ndroda Lapan.
24700	MRK 10:43	Odoke oduu ti we etndrahpa erti pwi. Uh iy si ta oduu ipe kile mandra‑an, eri iy we kile lewen marai ta sa ndre sulo‑on.
24701	MRK 10:44	Pe uh iy si ta oduu ipe ki‑in mune’ oduu, eri iy we kile hono‑on marai ke porah ta sa lau ndre sulo‑on.
24716	MRK 11:7	Horu hartakuni donki ti ile hu Yesus, pe hartalahtan siot elwe‑en ta horu ile pule‑en. Inum pe Yesus inek ile ndritan pe imin pwoi pule‑en donki.
24720	MRK 11:11	Yesus ihir Yerusalem pe ile lon omwen surok mandra‑an. Iy iturtur sane ndre sulo‑on, odoke lok ti ke ipe kile lukumwen, ile pe Iy iyeu ile yi ndre Betani. Su disaipel Tadan ndre sungoh-pe-rumuu ti ho‑us Iy.
24722	MRK 11:13	Iy indroni fik he‑ei, pe illa ile kendrun. Iy ipe kihne fik ti sengin, kile pe Iy kiyo‑on. Iy ihir kendrun fik ti, odoke fik ti sengin hendre‑en pule‑en pwi. Fik ti ndrowuyen mapwi, ndron kopwi iyin pule‑en.
24725	MRK 11:16	Pe Iy isongodi sa odo takun sane odo suhen odo lon sariyen omwen surok mandra‑an.
24727	MRK 11:18	Su pris mandra‑ane pe su tisa odo Lo hehrungi nolou ta Yesus ti pe lon ndrine’ su inei. Su hapa hehreh sal odo we hapwi Iy kimet, odoke su honoh Tadan. Su honoh Tadan, odosa sa lau ndre sulo‑on hehrungi suhwon ti pe hehretek ile eriy pe hemesi‑iy.
24729	MRK 11:20	Maping sei yi ti su hala yi ndre Yerusalem. Su hala sal ti pe heltuwe fik ti ndre he‑ei indremi‑is.
24746	MRK 12:4	Ile pe orngon ndre tadan wain kuti ihtakalan lewen marai tadan homou yi ile. Su hetpili palan ile kei, pe hahnan iy imah‑ah ile ke mo‑on.
24752	MRK 12:10	Oduu ti tuno’ oduu nolou iyin Buk ta Lapan ti ndre pwi? Nolou ndre ipe ihpah, “‘Pat kuti sa lau odo tumwe um ti hapa mo‑on pe heduwei ile mahun, eri kah inna ndruwen ndrokornu‑um.
24754	MRK 12:12	Sa lau mandra‑asa ta su Yuda heltuwe ihpa ndre Yesus ti impa palan nolou ile ta su. Ile pe su hehreh sal ile puko‑on lakopwi hapa hondrotowe Yesus, odoke su honoh ta sa lau. Ile pe su hendripo hangka‑an inna Tadan pwi, pe su ha‑au.
24759	MRK 12:17	Eri pe Yesus ipe ile ta su ihpah, “Sane ta Sisar ti atawei kile ndre ta Sisar, pe sane ta Lapan ti atawei kile ndre ta Lapan.” Su hehrungi nolou Iy ipe ti pe hehretek pe hemesi‑iy.
24782	MRK 12:40	Su hantawiwihi sa pedih nau pe hempahno‑o sane ta su. Su hantaheweh hapa su ti lau odo lotu pe hantaleklek odo mada’ sa lau pe heneruwi surok illa elwe‑en. Su lau kiti we hokun pede‑en mandra‑an omur.”
24792	MRK 13:6	Lau sulo‑on we hopo sane kile rongo pe hapa kihpah, ‘Yu ti Iy,’ pe we hoposahi sa lau sulo‑on.
24801	MRK 13:15	Ou si ndre enemiyau emin mbrungyen um, eri nombrun ala yi lon um pe altakun hangka‑an.
24812	MRK 13:26	“Pe kidu iy ndre sane odo lom parar hohmo‑on, eri sa ndramat we heltuwe Nedun Ndramat kise pwoi odo lon kohut, ndrodan ndre puko‑on pe raman mandra‑an.
24814	MRK 13:28	“Kei ndre fik ti oduu we etakun se tawene odo eriy. Uh kei kuti nombrun hehir, eri oduu tuno’ oduu ihpa ndre lok ka we kimndroi elwe‑en.
24823	MRK 13:37	Nolou Yu umpa kurti ile ta oduu, pe ile ta sa ndramat ndre sulo‑on. Oduu etmin pe mada’ oduu kiseu.”
24845	MRK 14:22	Su hana‑an ndre song ti pe Yesus ikuni bret ise lumwen, Iy ide ureh ile ta Lapan, Iy iptan, pe itou ile ta su disaipel pe ipe ihpah, “Atakunii pe otyo‑on. Iy kurti sengi.”
24846	MRK 14:23	Inum pe Yesus ikuni kap ndre wain idu lon tih. Iy ide ureh ile ta Lapan yi, Iy iduwe kap ti ile ta su pe su ndre sulo‑on he‑ing.
24847	MRK 14:24	Pe Yesus ipe ile ta su ihpah, “Iy kurti ndrayi. Ndrai kurti ndrai odo poromis, pe we kimuw kile sihnen sa lau sulo‑on.
24856	MRK 14:33	Iy ikuni ke Pita, Jems pe Jon ho‑us Iy. Iy mundren ile pede‑en, pe lom mundren ndre homou ti ngendre‑en ile puko‑on lakopwi. Pe Iy inuh ile mo‑on.
24858	MRK 14:35	Iy ile ndre alau hepe ti pe ideketi ile poi, pe isurok ipe uh Lapan waso‑on, eri kiduwe ngendre‑en ndre Iy kawe kikun ti ke‑eu.
24859	MRK 14:36	Iy isurok ihpah, “Aba, a Tomo, Ou owonon opo sane ndre sulo‑on. Ekuni kap kuti ke‑eu odo Todo. Odoke Ou owus reh Todo ti kolwii. Ou reh Tadam apa we kihpa kehe eri kihpa ke ndre eriy.”
24864	MRK 14:41	Yesus ise petsih ti su henemetir, ise peruweh ti su henemetir, pe ise yi kah patoloh ti su henemetir yi. Ile pe Iy ipe ile ta su ndre tulmuu ihpah, “Oduu mapwi edenemetir pe edemiyau, erih? Kah kahrii! Sa ka we heduwe Nedun Ndramat kile lumwe’ sa lau mo‑osa.
24865	MRK 14:42	Atalang pe tidu tida‑au. Etndre‑et oh, iy lau ndre we kiduwe Yu kule lumwe’ sa lau mo‑osa ti insa mukehe!”
24866	MRK 14:43	Yesus ma impa ise pohon ti pe Yudas ihir. Yudas ti iy homou ta sa lau ndre sungoh-pe-rumuu ta Yesus. Iy ihir ndroda sa lau sulo‑on. Sa lau kuti eri su mandra‑ane odo Lo pe lotu hahtakalan su ho‑us Yudas. Su hokuni semel pe kapwiy pe helpondrih Yesus.
24873	MRK 14:50	Pe su disaipel ndre sulo‑on hohtot ha‑au. Yesus Iy ke homou indriso ndre lumwe’ sa lau mo‑osa.
24895	MRK 14:72	Idu ke ndre erti pe pawol ideng petsih yi, pe Pita idehorungon nolou ta Yesus. Pingi kopwi ti Yesus ipe ile tam Pita ihpah, “Pawol we kindritang peruweh mapwi, pe ou we andripa patoloh apa tunom Yu pwi.” Pita idehorungon nolou kuti pe iy ideng ile mo‑on.
24903	MRK 15:8	Ile pe sa sulo‑on ka hala hun Pailat pe hehndremte, hapa iy kah kiruwyon homou kadapus ke‑eu.
24918	MRK 15:23	Su hehir Golgota ti pe hotou wain ile ta Yesus hapa Iy ki‑ing. Wain kuti marsin idu lon, pe sa heni‑ing odo we kihnan mundrei ngendre‑en kinum. Odoke Yesus indri‑ing pwi.
24928	MRK 15:33	Idu 12 kilok ti pe lik ihir lok ndre mandra‑an. Lik ti idu aua ihndre toloh.
24931	MRK 15:36	Ile pe orngon homou iporitai itlaman palan kolau ile lon wain tudo‑on, inum pe ihndrusi ile palan kei sehir, pe itou ile pohon Yesus, ipe Yesus ki‑ing. Orngon eti ipe ihpa, “Otto oh. Kihne Elaijah kise pe kikuni Iy kile pwoi.”
24935	MRK 15:40	Su pedih se hodo ke ndre mahun pe henendre‑et. Su se odo lo’ su pedih kuti eri Maria odo taon Makdala, pe Maria homou yi. Iy Maria kuti tinen Josep pe Jems lehyen tih. Salome ti idu lenga’ su pedih kuti yi.
24941	MRK 15:46	Yosep isihnen kolau hapal mandra‑an. Inum pe iy ile pe ikuni Yesus ise pwoi pe ipulngi Iy ile kolau kutih. Ndre ilnum pe iy iltawe Iy ile ngat sih, sa hali ise padan pat. Inum pe Yosep ikotitye‑en pat hene malahan pe mandra‑an isorohe madan ngat.
24950	MRK 16:8	Su pedih ti honoh ile mo‑on. Su henehreretek pe hohtot ha‑au. Su hendreninen inna ta homou lau pwi odosa su honoh ile mo‑on.
24957	MRK 16:15	Pe Yesus ipe ile ta su ihpah, “Oduu atla lokpoi ndre mandra‑an pe etninen gutnius kile ta sa ndramat ndre sulo‑on.
24962	MRK 16:20	Inum pe su disaipel hala lok ndre sulo‑on. Pe hepehre Nolwo‑on Lapan ile ta sa lau. Lapan immin ndroda su disaipel, pe inahnan mirakulo hehir, ile pe sa lau henehtuno sa ihpa ndre Nolwo‑on Lapan su hentudou ti ndre ndrokene lakopwi.