23218	MAT 1:5	Pa Salmon irie mamo ang Boas. Naga ang o Rap, magabun onim Ieriko. Pa Boas irie mamo ang Obet. Naga ang o Rut, magabun onim Moab. Pa Obet irie mamo ang Iesi.
23219	MAT 1:6	Pa Iesi irie mamo ang Orong Devit. Pa Devit irie mamo ang Solomon. Naga ang urie tinan la kuala ang Uria.
23240	MAT 2:2	“Kulot ila nei la betong meba orong ang me gar onim Israel, lagum la unama? Ogimapang marala ang toma na nap la ime bet muabari, ga mupo meba lotupang me ai.”
23248	MAT 2:10	Ogimameng marala la dusieng ga mitara temeba.
23264	MAT 3:3	Ioanes iriro migana la avuoong Morowa na nanam a unuli Aisaia. La tiesong gare ro, “Na pianam la karuk ma inamaniap ba, non migana la marikong maranit ga tiesong gare ro, ‘Orangaming alang ang Ila Kakani. Mavuvutmiling alangip am.’”
23315	MAT 5:12	Eva, tegoming ga temiba maset. Memani, Morowa eba alang uniap miun na panbinim. Omit, tinan la makalameng teip unulip ga makirarameng gare rie. Ga ualo Morowa uniap ula kakanu maun.”
23338	MAT 5:35	Baraba mivo bonim ‘kimanam’ meba ongangasming ties ba la miga tiesming. Memani, uriro kimanam la ume uabua Morowa kiban a nakap ubuo. Are gat to, baraba mivo bonim ‘Ierusalem’ meba ongangasming ties la miga tiesmeng. Memani, iriro Morowa natauan Orong migat, irie la okosarong uriro taun ga ang it.
23375	MAT 6:24	“Tie, tale kan puoieng ira migana ba leba aring ubi ba liong narain teipien lila like. Memani, eba kiram ba dalap a me noba pa eba naang me irie. O eba auluo irie pa eba alang ibunam a ira irie. Tale kan puoming meba miaring ubi ang Morowa ga ma kakepup gat.
23380	MAT 6:29	Pa mirulo, tinan Orong Solomon la unam burap am mila murum maset, pa mirier burap am la tale kan akurupin namurit sasa kabirana ma non ara non ara sasaip la maiot tapmat na uro kimanam. Karuk.
23382	MAT 6:31	“Are ratmat ga baraba agatming papot ga tiesming gare ro, ‘Teivuo, eba man paga le bung? O eba tapbu amani? O eba buarang buruma ba ga eba mabung lagum?’ Pa baraba agatming papot.
23423	MAT 8:9	Memani, turuo gat la tunama mapat teip la memaning kaguma ila kakani meba umaialeng tobuo ga matim teip o danunumiap topat gat. Pa leba aralava irie, ‘Nala’, tie ume ula. Pa leba aralava noba, ‘Munang’, tie ume muo. Pa na tara la arulo migana ruang o ubi, ‘Okosarnang urio ubi’, tie ume okosar.
23515	MAT 10:29	Omit ara, teip ga magaulap la lesaumeng narain tatak kobengipien o namurit kakep, a? Pa mamo ming la maset ume uale mabuo miriro kobengip. Are ratmat ga karuk a noba leba aving leba ka tale ties ang ga keala Mamo ming aime.
23531	MAT 11:3	“Atabo nunuo iriro migana Karisito, Morowa la asagaong ga muo? O eba auanpala meba asagaang Morowa noba kan migana?”
23557	MAT 11:29	Miaving uro giginanim la tualo miun ga miabung bo barap mi. Okosarming gare ro ga eba tomira. Memani, tume teteiliat ga tume terunie me lourup me inamaniap meba omaioping aganuliap.
23575	MAT 12:17	Okosarong uriro ubi meba oauluo non ties Morowa la ualo aun unuli Aisaia la betieng migat. La omirong ties gare ro,
23669	MAT 14:3	Eva, Herot la agatong gare tiro. Memani, tinan la magiong Herot iro Herodia, kuala ang Pilip, papa ang Herot ga aulo Ioanes Herot gare ro, “Olaginung ara uriro magabun, kuala ang papa nuang ga orupnuaba uriro maimai o magi ang Moses.” Ga ipto Herodia uriro ties ga mitara mukmukau. Are ratmat ga ailo Herot meba masagaang non teip o danunumiap meba umaiaring a. Ga avismeng a sen ga maiabua na luguan o arubu.
23725	MAT 15:23	Pa tale kan upulo Iesu ties ba ieng. Are ratmat ga mumaio lop am o usingnualap ai ga amelo, “Osaganang ga ila. Memani ga man paiuluan ga mitara okosarieng papot alaga.”
23794	MAT 17:25	Pa upulo Petro ties maiong, “Eva, ume uala.” Tie, ula uobu Petro tapma na luguan. Pa tara la tale ka aulo Iesu, amarikong Iesu gare ro, “Simon, agatnung gare mani? Orongup onim na uriro kimanam mime maiaro non ara unuarap ma takisip aun aga? Mime maiaram maun kan inamaniap maiam, o un non ara gar ma teip ga magaulap onim na non ara kantri?”
23875	MAT 20:14	Narang uniap nung it ga nala. O na rung kan, tualo uniap aun migana la muo malonim garet uniap la tualo miun.
23886	MAT 20:25	Pa mamarikong Iesu meba mumaiong ai, ga maulo gare ro, “Omit ara, orongip maiam garip mila tale onim Israel, orongmeng na garip maiam. Ga teip maiam mila kakanim mime mamaranim migat me teip ga magaulap meba omeuluan ties maiong.
23896	MAT 21:1	Urie, Iesu ga lop am o usingnualap la betmeng kagarat u Ierusalem. Ga betmeng u pianam Betfage la iot bo pugama Oliva. Ga lesagaong Iesu lopien angan o usingnualap ga leulo,
23897	MAT 21:2	“Mala na uriro pianam titot la ogimabuong. Ga eba kakalait agimamang non donki la avismeng ga dusong. Ga poi ang gat la unama ga irie. Ovikmang iagur ira lie ga lelagimang ga muliong toi.
23900	MAT 21:5	“Miaramang uriro ties mai teip ga magaulap onim Saion, ‘Agimaming, Orong ming la muo titot. La muo gare migana la tale amaning bonim, ga man unama nakap bo non donki. Unama bo donki ila kubama ga muo.’”
23910	MAT 21:15	Tie, miridaip mila kakanim ga teip o usingnualap o maimai la agimameng Iesu la mamumuriraong teip mila tafameng ga meptam lop la kukupmeng tapma na kur a luguan o lotu gare ro, “Buaving bonim a ea ang Orong Devit.” Ga mitara bukbukmeng kirat.
23945	MAT 22:4	Ga masagaong gat orong non ara teip o ubi agarit ga maulo, “Mila mai teip mila mamariktung ga mamilava gare ro, ‘Miptang. Orangarung ara parak me uriro nebola. Panamuam ara bulumakaup mila teip ga nganiep tuam mila papungmeng. Ga mirier pagap ganam la marangameng ga maiot. Mumiong ara na parak o magi titot.’
24004	MAT 23:17	Mimi ngongup mila sapsapang, man paga la natauanong na irap a Morowa? Atabo gol irie la natauanong, a? O atabo luguan ang Morowa la natauanong? Amit gol la ut na luguan ang Morowa, pa irirot i luguan ang Morowa la akosarong gol ga betong paga ang Morowa.
24006	MAT 23:19	Sapsapmeng irap mi! Man paga le uke? Atabo kamniap urie la ike? O luguan o lotu la okosarong kamniap ga babau, atabo irie ila uke?
24024	MAT 23:37	Urie, Iesu la tiesong ara, ga mitara kadikong ume taun Ierusalem ga tiesong gare ro, “O inamaniap onim Ierusalem, inamaniap onim Ierusalem, mime minamuam unulip to, ga mime umiat ma teip la masagaong Morowa ga mumaio mi, ga mavureming ma tadasip ga minamuam ga mevara. Papaluaip ma lap la tuga tapamum teip ga magaulap la maionama ira nuo, are puraibun la ime ipamuam lop iam mapat puvurup o. Pa mimi teip ga magaulap la kikisming.
24029	MAT 24:3	Urie, na tara Iesu la ula bo pugama Oliva ga man unama, lop am o usingnualap la mumaio ai tigit ga amarikmeng gare ro, “Panalava, man tara leba betmeng miriro pagap? Man kaguma la eba lake betang na tara namo ina munang na uriro kimanam ga eba no ba?”
24049	MAT 24:23	“Na iriro tara, non teip ga magaulap leba nomelava gare ro, ‘Agimaming, iriro migana Karisito, iro la unama to! O unama tobuma!’ Baraba onaganming ties maiong.
24053	MAT 24:27	Omit ara, tara la ililakieng, uriro lalabie la ime bet na nap la ime bet muabari ga ula lalabie na mirier napup la ime namila muabari. Aret tie, na tara la eba ina terigiang Migana migat ang Morowa me na uriro kimanam, eba betang (okosarang) gare tiro.
24092	MAT 25:15	Agatong tavuk ga ngangas maiong teip o ubi ut narit, ga mavuotong kakepup me ira ma. Non migana la uala 5,000 ma Kinap aun pa irie non uala 2,000 ma Kinap aun, pa irie non uala 1,000 ma Kinap aun. Okosarong gare riro ga ula.
24100	MAT 25:23	Pa migana ang ila kakani la aulo, ‘Nunuo migana o ubi ila muri. Okosarnung ubi ula muru maset. Nume unuale maset mabuo pagap mila kakapim, are ratmat ga narung me nulam leba unaleng mabuo papot pagap. Munang tevurusnang ga turuo.’
24125	MAT 26:2	“Omit ara, narain it lapien lisik la liot, ga eba betieng la ula aipieng. Are ratmat ga eba tomaiabung turuo, Migana migat ang Morowa, na kilalap ma karorap ga eba tosapmeng iro maiogun meba tomenamung ga taving.
24153	MAT 26:30	Tiesong ara, tie pumaiara o non sasang ga omaiolai Ierusalem ga mela bo pugama Oliva.
24154	MAT 26:31	Urie, maionama bo pugama Oliva ga maulo Iesu lop am o usingnualap gare ro, “Eba magimaming pagap leba betmeng ira ruo na uriro arubu ga eba ilaming nagan ming mimir ganam ga eba igoming tapmat. Memani, unuli Sekaria la omirong ties ang Morowa gare ro, ‘Menamua migana o unuleap ga igomeng sipsipup ga mela tapmat.’
24167	MAT 26:44	Are ratmat ga ina maulai gat ga ina ula okosarong marik lama naien tara. Okosarong marik garet tie la okosarong ara lake.
24202	MAT 27:4	Ga tiesong gare ro, “Okosartung ara kirinim. Me iriro migana la tuala na kilalap mi, tale kan okosarong kirinim ba.” Pa mepulo ties ang gare ro, “Tale gat kiribasiap pam. Kiribasiap kan nuam.”
24235	MAT 27:37	Nakap bo bugam a, ut non paga la omirmeng uriro ties la maiabua na ties ume. Omirmeng ties gare ro, ‘Iriro Iesu, orong maiang Iudaiap.’
24258	MAT 27:60	Ga uavia tongan ga ula uabua tapma na una a tadas kan ang ila nei. Ga arigiong non tadas ila kakani ga ualua nanam a lu. Okosarong ara gare riro ga ula.
24301	MRK 1:17	Ga lemarikong Iesu, ugama, “Omolaing uriro ubi o nabira ma abulap, ga mumang tomouluan. Meba mesingtala ga betmang teipien o ubi meba malagimang teip ga magaulap meba maiobung na gar ang Morowa.”
24309	MRK 1:25	Irio migana la marikong gare ro, ga inio Iesu ties ang ga ugama, “Opamunang nanam nuo ga anolaing iriro migana!”
24311	MRK 1:27	Pa mirier teip ga magaulap ganam la turupmaiaba kirat maset ga man tiesmeng papot gare ro, “Iro irie man tavuk la betong titot? Iriro migana la businguala a tavuk ila nei. Ties ang la ame ngangas. Kulakuoi! Okosarong ties ula mamaranu me muranap mila kiram, ga omeuluo nanam a!”
24348	MRK 2:19	Amarikmeng gare tiro, ga okosarong Iesu ties o uvuvuo ga maulo, ugama, “Lama okosarong migana ba parak ula kakanu, pa garip am la mumaio nebolameng ga na iriro tara atabo eba ka man obunakmeng parak? Karuk! Eba temeba maset ga tala kan puomeng meba obunakmeng parak. Okosarong Iesu ties o uvuvuo me usingnualap ula nou.
24352	MRK 2:23	Urie, o non la maiong Iudaiap o lotu, Iesu ga lop am o usingnualap la menum ga mela. Pa uriro alang la omeuluan, la ila kabirana ma non ubaip a wit. Man menum ga mela, pa akofmeng lop am o usingnualap ut namurit kutkut a wit ga maiaram ga maiom. Omeuluan non maimai ang Moses, la tiesieng gare ro, “Migana la ouluan alang ga ula na taralap o ubi, pa leba tafaang me parak, tie abung kilan a ga arang tatak paga ba a ga ong ga ala.” Maimai la tiesieng gare tiro.
24354	MRK 2:25	Tiesmeng gare tiro, pa maulo Iesu, ugama, “Miptang. Tinan kan, na tara ang migana o bais Abiata, Devit ga non migap am la kagesmeng o parak ga mitara tafameng me parak. Ga mani la akosarong? Atabo tale kan ovasming uriro ties na babam ula puaru? Devit la ula uobu na luguan o lotu ang Morowa ga tiesong namo tafameng me parak. Pa uriro purun inamaniap wit o bais la mime kamkamai o me ai Morowa, uriet la iot. Pa migana o bais la uaro ga ualo aun Devit. Uriro purun la maiong it inamaniap o bais leba maiong, pa obunakmeng me non migana. Pa uaro Devit ga u. Ga ualo maun migap am, ga mirie gat la maio. Tafameng me parak ga orupmaiaba uriro maimai ang Morowa pa tale kan memaning kirinim. Pa lop tuam o usingnualap la tale kan orupmaiaba maimai ang Morowa. Karuk. Orupmaiaba maimai ming it inamaniap.”
24356	MRK 2:27	Iesu la tiesong gare tiro ga maulo ga ugama, “Morowa la ovuoong la me lotu, pa tale kan ovuoong meba anoiling migana. Karuk. Ovuoong meba maagailie inamaniap.
24379	MRK 3:22	Pa non teip o usingnualap la mime masingmaiala teip ga magaulap o maimai ang Moses la mumaio Ierusalem ga maionama kabirana ma teip ga magaulap. Ga mepto ties a Iesu la makalaong muranap mila kiram, pa megama, “Belsebul la ualo kukunim aun iriro migana Iesu. Ot uriro kukunim la ume makala muranap mila kiram.”
24381	MRK 3:24	Obit ara, leba inamaniap ba ga magaulap onim na namurit inamon leba nevuotmeng ga non ara non ara gar, ga nekaromela ga mirie, tie eba papot ba ma teip ga magaulap leba meving, ga kukunim ieng uriro inamon eba noba.
24384	MRK 3:27	Obit ara, leba noba migana ila mamarani leba onang na luguan ang, pa noba migana la namo aram pagap am, tie tale kan puoong meba ala agarit ga ala obung na iriro luguan ga aram pagap. Karuk. Eba ka lake tegoang ira iriro migana ila mamarani ga avisang kilan a ga kiban a o iagur, ga urie puoong bat meba aram mirier pagap am. Aret tie, titot la makalarung inamaniap am karorama o ubi, ga miriro muranap mila kiram. Ga magimaming miriro ga mira, kukunim ang Morowa la okurupin kukunim ang karorama.
24413	MRK 4:21	Tie, okosarong Iesu non ties gare ro, “Atabo mime mialabie lalabie ga miara koi ga obakbakming lalabie a? O atabo mime miabua lalabie uvat labun? Karuk. Bume osap nakap.
24419	MRK 4:27	Ogoong ara ga inar ula na luguan. Ga na arubu la duriong, pa na ileng la teuara ga makosarong non ubiap. Okosarong gare tiro, pa tabarabo a wit la betieng ga sikieng ga ila nakap ga laklago. Pa betong wit gare mani, iriro migana la tale ait.
24423	MRK 4:31	Atabo are iriro paga la bume buabua na parak, ga ametatak baboinim una. Tiestung me kabo a mastet.” Obit ara kabo o mastet la tale are non parak la bume bulio na ubi. Karuk. Mitara kakapio.
24429	MRK 4:37	Mela, pa Iesu la unama laike o obinam ga pugulangeong bo ulungen ga duriong. Man duriong ka, pa ifif ula kakanu la betieng, ga temaiara baulup mila kakanim ga tegoieng burunam tapma na obinam, ga kagarat ara meba dakieng burunam una obinam. Pa Iesu la man duriong it, tie temaiara lop am o usingnualap ga meimua ga megama, “O migana o usingnualap, kagarat ara la eba iobuong! Atabo tale kan kadiknung me uriro?”
24450	MRK 5:17	Ga meptam ara ga marikmeng me ai Iesu ga megama, “Onolaing kimanam pang ga nala na noba nap.” Amelo gare tiro.
24467	MRK 5:34	Ga oulo Iesu, ugama, “O poi rung, nagan nung migat la puorung meba nomurirarang. Urie, nagan nung la orangaieng alang, ga no tafa nung. Dalap nuo le maiot teiliat ga nala.”
24468	MRK 5:35	Urie, man tiesong ka Iesu, pa mumaio non teip onim na luguan ang Iairas la betmeng ai ga megama, “O, kadik! Poi nung ula magabun la ivara ra. Baraba gat nualo giginanim aun migana o usingnualap. Tale puoong meba noagaralie titot.”
24474	MRK 5:41	Urie, uaria Iesu kilan o ga oulo, “Talita, kum.” O tiesbuong oulo Iesu uriro tatak kulamut, ugama, “Tatak kulamut, norulo, tenara!”
24489	MRK 6:13	Ga papot ma muranap mila kiram la maiot na teip ga magaulap. Mirie la man makalameng lop o usingnualap. Ga man merana ikin ira ma neip ma inamaniap mila tafameng o kuguom Oliva ga mamurirameng.
24494	MRK 6:18	Pa aulo Ioanes Herot gare ro, “Olaginung kuala ang papa nuang, tale kan mumuru.” Are ratmat ga tale naong ume ties ang Ioanes ga masagaong Herot teip ga mela umaiat a Ioanes ga avismeng a sen ga maiabua na luguan o arubu.
24530	MRK 6:54	Omaiolai obinam, ga kakalait agimameng teip ga magaulap Iesu ga arakimeng.
24533	MRK 7:1	Urie, gar ma parasaiop ga non gat Iudaiap la mitara mamaranim meba mameuluo non ara non ara tavukup la maiaram maun non teip o usingnualap mila kakanim onim tinan. Non tavuk maiang la are ro: Mime magat tavuk maiang teip la tale ameit Morowa are tafa ula kiro. Ga kikismeng me palinim o uriro tafa le bun parepieng irama, ebun makalaong Morowa. Tie la namo parakmeng, lake ka magosmeng kilalap ma atiriro tavuk teip o usingnualap la masingmaiala a. Magosmeng ara ga parakmeng bat. Pa agatmeng palinim a tavuk maiang teip ga magaulap la tale ameit Morowa la tale uobu na dalap ma. Na nap o sune ame non teip la tale ameit Morowa la man menum. Pa leba mela Iudaiap na sune ga ina mumaio, lake ka mime meviet ga parakmeng bat. Pa non gat tavuk teip o usingnualap onim tinan la masingmaiala a, ga mime mameuluan. Irie tavuk o ugos ma falaup ga iouna ga koi ga labun. Tie, papot ma Parasaiop ga non teip o usingnualap o maimai la omaiolai pianam Ierusalem ga mumaio nebolameng ai Iesu. Man maionama pa non lop am Iesu o usingnualap la namo maiom tatak pagap. Pa tale omeuluan maimai maiong Parasaiop, lake ka magosmeng kilalap ma a iriro tavuk. Okosarmeng lop am Iesu o usingnualap la maiarot parak ga maio. Pa Parasaiop ga teip o usingnualap la magimameng ga magatmeng kilalap ma lop o usingnualap am Iesu la tale babaim ga parakmeng.
24538	MRK 7:6	Pa maulo Iesu gare ro, “Unuli Aisaia la mivuvuoong migat mimi inamaniap o kakarabunim. Omirong ties gare ro, ‘Iriro gar ma teip ga magaulap la mime maiavio bonim tuo mat nanamup ma, pa dalap ma ga agat maiong la iot kakaliat touluo.
24540	MRK 7:8	“Omiolai ra maimai ang Morowa, pa maiaria maranit tavuk maiang inamaniap.”
24584	MRK 8:15	Ga tiesong Iesu maranit me ira ma gare ro, “Umialeng maset. O mamalienming is maiong Parasaiop ga is ang Herot.”
24600	MRK 8:31	Urie, na iriro tara puaro Iesu la man masinguala lop am o usingnualap mar mirie giginanimup leba betmeng tubiat ira. Okosarong non ties gare ratmat: “Migana migat ang Morowa la amaning ubi meba avim papaluaip o ngitngit. Ga inamaniap mila uke a gar Iudaia ga inamaniap mila kakanim o bais ga teip o usingnualap o ties o maimai la eba mimerang ties ang ga tavuk ang. Ga eba menamung ga aving. Pa tubiat narain arubuapien leba aipliong pa lama naien la eba ina teara ga emung.”
24602	MRK 8:33	Pa terigiong Iesu ga magimaong lop am o usingnualap, ga abukula Petro gare ro, “Satan, nala malonim tuo. Tale kan onuluan agat ang Morowa. Karuk. Onuluan it agat maiong inamaniap uit.”
24624	MRK 9:17	Pa non migana kabirana ma teip ga magaulap la tiesong gare ratmat: “Migana o usingnualap, non muranama ila kire la muo ga unama ira poi ruang ila migana. Opamuong nanam a kulot ga tale kan puoong meba ties ang. Are ratmat ga muruo tuala noun.
24678	MRK 10:21	Iesu la agimaong ga mitara abouvara. Ga aulo Iesu gare ro, “Kagesnung ka a non paga. Nala masaganang mirier pagap nuam ganam, ga mirie kakepup la nuaram, eba nalam maun inamaniap mila baim. Okosarnang gare tiro, ga eba manim pagap mila murum na panbinim. Ga munang tonouluo.”
24681	MRK 10:24	Lop o usingnualap la mepto uriro ties ga turupmaiaba kirat. Are ratmat ga okosarong Iesu ties o uvuvuo ga maulo, ugama, “O mimi, lop tuam, migana la namo ala obung na inamon ang Morowa, eba tale kakabalo ba ira iriro migana.
24699	MRK 10:42	Pa mamarikong Iesu me ai, ga maulo, “Omit, teip la dusmeng gare teip la uke me inamaniap la memaning kukunim me unananulap. Ga teip maiam mila kakanim la mime umiale maranit mabuo. Mirio mi tavukup maiam teip ga magaulap la tale agatmeng ira Morowa.
24705	MRK 10:48	Papaluaip ma inamaniap la abukmela ga amelo gare ro. “Ovamunang nanam nuo.” Pa marikong maranit gare ro, “Poi ang Devit, tobonaving.”
24710	MRK 11:1	Urie, tubiat Iesu ga lop am o usingnualap la omaiolai pianam ula kakanu Ieriko ga mela betmeng kagarat u pianam ula kakanu Ierusalem. Ga na taralap a pugama Oliva narain pialapien lila kakapin, Belfasi ga Betani. Dusmeng kagarat li litiro pialapien, ga namo lesagaang Iesu kulen o usingnualap meba like.
24711	MRK 11:2	Ga leulo gare ro, “Mala na urobu pianam la ogimamang ara. Ga eba agimamang non kubama donki la avismeng pa tale ka unama migana ba abuo tinan. Ovikmang iagur ira ga alagimang me ro
24718	MRK 11:9	Pa teip ga magaulap la meke aime Iesu, ga teip ga magaulap la man ameuluan, miriro ganam la man kukupmeng maranit gare ro, “O Morowa paaganalie! Eva, iriro migana la uaro urier kukunim ula muru ang Ila Kakani ga muo. Nunuo Morowa le agiginaranang iriro migana.”
24719	MRK 11:10	“Tinan ea buang, Orong Devit, la maset uale bubuo. Ga iriro orong la muo titot, nunuo Morowa le angangasnang, meba inagat betang tavuk ila mumuri. O Morowa nakap migat, paaganalie! Ga kukupmeng gare ro ga menum ga mela.”
24722	MRK 11:13	Ogimaong non kuguom o fik la dusieng kakaliat tarot ga papaluaip ma babap o. Tie ula kagarat u kuguom meba ooping parak ba ubuo, pa tale ogimaong parak ba la iot ubuo. Karuk. Babap it la maiot, memani, tale ka tara iang meba lopiaring.
24727	MRK 11:18	Inamaniap o bais ga teip o usingnualap o maimai la mepto uriro ties, ga pumaiaro ga man oisinmeng alang ba meba menamung Iesu ga aving. Okosarmeng gare tiro, memani, merau aime. Ga mirier teip ga magaulap ganam la mime turupmaiaba maset me tiesiap la ume uaramam.
24739	MRK 11:30	Tie, tuga mimariktang gare ratmat: Ioanes la uavariam papot ma teip ga magaulap, atabo Morowa la aulo ga okosarong Ioanes uriro ubi? O atabo ualo migana ba uriro ubi aun Ioanes? Tomilava.”
24756	MRK 12:14	Tie mumaio ga amelo gare ro, “Migana o usingnualap, nopet, nunuo migana o ties migat. Ga tale kan nume nurau aime migana ba. Numet okosar uriet namurit ties mai mirier inamaniap, mirie la memanim bop ga mirie la tale mimanim bop. Ot ties migat la nume masingnuala teip ga magaulap a tavuk ang Morowa. Tie, agatnung gare mani? Mumuru le bualang takis aun Kaisar? Migat o karuk?”
24765	MRK 12:23	Tie tubiat, tara la mevara ra inamaniap ga ina temaiara, uriro magabun la eba auong ba magabun migat? Onit ara, 7 ma teip la magimeng u.”
24789	MRK 13:3	Urie, unama Iesu bo pugama Oliva ga agimaong luguan o lotu la ut toma. Ga Petro ga Iemes ga Ioanes ga Andru la mumaio ai. Man nemusmusinmeng ga amarikmeng Iesu.
24838	MRK 14:15	Ga eba mesingala a non kabin la ut nakap, la ame luaga ga luaga o nunamap ga pagap la marangameng ara. Orangamang parak buong na irie kabin.”
24859	MRK 14:36	Ga marikong gare ro, “Aba, Mamo, puonung meba makosarnang mirie pagap ganam. Narung le ovugatnara uro falo ira ruo. Pa baraba onuluan agat tung. Karuk. Onouluo kan agat nung.”
24860	MRK 14:37	Okosarong ara Iesu uriro marik ga inagat ula mai naien ma lop am o usingnualap ga magimaong la man durimeng. Are ratmat ga imuam ga aulo Petro gare ro, “Simon, durinungit, a? Atabo tale kan puonung meba unaleng, ga muiong puoieng ira namurit nap o la, a?
24868	MRK 14:45	Ga ula betong puvut ai Iesu. Ga ugama, “O migana ruang o usingnualap.” Tiesong gare tiro ga ademong.
24888	MRK 14:65	Pa non teip la man akasupmeng ga makugumela irap a a buruma ga agomeng kilan ira a ga megama, “Okosarnang ties o unuli. Aga la agoong kilan ira nuo?” Ga alagimeng teip o ubi mila mime aagamelie miridai ila uke ga man umiale abuo. Mirie gat la man ameuluot iriro tavuk ga man apadunmeng.
24909	MRK 15:14	Urie, inagat mamarikong Pilato, “Me man paga? Okosarong man kiribas?” Pa kukupmeng maranit, “Tesapang iro maiogun.”
24913	MRK 15:18	Ga man tiesmeng gare ro aime ‘la ula muru’: “Orong maiang Iudaiap, la ula muru.”
24920	MRK 15:25	O gamiala o muabari parabira namur, asapmeng Iesu iro maiogun.
24921	MRK 15:26	Na nap la mime omir ties, urie la mime merilia migana na ties ume. Omirmeng ties gare ro, “Orong maiang Iudaiap.”
24925	MRK 15:30	Titot le teaganalie kan. Onolaing maiogun ga munang lourup.”
24964	LUK 1:2	Omirmeng ties ga mameuluan tiesiap maiam miriro garip ma inamaniap mirie mila maionama tinan lake ga Iesu ga magimameng mirio pagap ma irap ma. Mirio inamaniap o ubi la baismeng ga magimameng mirio pagap ma irap ma. Mirio inamaniap o ubi o bais ula mumuru la man ovaikmeng uro gas pai.
25098	LUK 3:4	Okosarong gare ties la iot na babam ang unuli Aisaia la omirong. La tiesieng gare ro, “Na pianam la karuk ma inamaniap una, nivunama a non migana la man kukupong gare ro, ‘Orangaming alang ang Ila Kani, mavuvutmiling alangip am.
25108	LUK 3:14	Non teip o danunumiap la mumaio gat ai Ioanes ga amarikmeng. Ga megama, “Are mani me palam? Eba mani le akosarpang?” Pa maulo Ioanes ga ugama, “Buat maisikming teip ga magaulap agarit tapmat. Buat okosarming ties na irap ma o kakarabunim. Omila kan kakep ming puvutira la misaumeng o ga mionang teteiliat.”
25126	LUK 3:32	Pa Devit la irie poi ang Iesi. Pa Iesi la irie poi ang Obet. Pa Obet la irie poi ang Boas. Pa Boas la irie poi ang Salmon. Pa Salmon la irie poi ang Nason.