23244	MAT 2:6	“‘Mimi teip ga magaulap onim Betilem na provins Iudaia, Betilem la tale pianam ula kapio agarit kabirana ma taunup mila kakanim la maionama Iudaia. Karuk kan. Memani, eba betang noba migana ila kakani kabirana mi gare migana o unuleap ma sipsipup ga eba ualeng bo gar ruang Israel.’”
23282	MAT 4:4	Pa upulo Iesu ties ang gare ro, “Babam ula puaru la igama, “‘Purun it la tale kan puoieng meba ialang ninimiap maun teip ga magaulap. Mime omela ninimiap mar mirier tiesiap ganam la mumaio na nanam a Morowa.’”
23284	MAT 4:6	Ga aulo, “Leba migat ba nunuo Poi ang Morowa, tie tegonang me lourup pa eba tale naving. Memani, Babam ula puaru la tiesieng gare ro, “‘Eba maalava angelop am nuo, ga eba nomela ma kilalap ma. Babun makiraranung kibap nuo ira tadas ba.’”
23285	MAT 4:7	Pa aulo Iesu Satan, “Naptang! Babam ula puaru la inagat tiesieng gare ro, “‘Baraba avuvuonung Ila Kakani, irie Morowa nuang.’”
23288	MAT 4:10	Pa ugama Iesu, “Satan, kusnang! Babam ula puaru la igama, “‘Lotunang it me ai Ila Kakani irie Morowa nuang ga aviennang iriet namurit.’”
23521	MAT 10:35	Eva, muruo meba akosartang tavuk o nekaronulap meba betang. “‘Migana leba nekaroala ga mamo ang, pa kulomut leba nekaroila ga naga ieng. Pa magabun ula magiieng la eba nekaroila ga naga ang lai iang.
23622	MAT 13:14	“Memani, non ties ang unuli Aisaia la betieng ara migat me mirio teip ga magaulap la igama, “‘Eba man miptang ties, pa tala kan amira muana o. Eba man uming pa tala kan arakiming paga ba.
23710	MAT 15:8	“‘Iriro gar ma teip ga magaulap la mime lotu me toi ga mime maiavio bonim tuo mat nanamup ma, pa dalap ma la maiot kakaliat migat touluo, ga tale tomeuluan migat. Karuk.
23937	MAT 21:42	Pa mamarikong Iesu gare ro, “Tie, atabo tale oagatming maset non ties la iot na Babam ula puaru, a?” Tiesieng gare ro, “‘Iriro tadas, etumarip la agomeng. Pa tubiat irirot tadas la betong natauan tadas meba angangasang luguan. Ila Kakani kan la akosarong iriro paga ga betong, ga agimapang la mitara mumuri maset.’
23973	MAT 22:32	“‘Turuo Morowa ang Abraham ga ang Aisak ga ang Iakop.’ “Mirie la meinim ga turuo. Are ratmat ga Morowa la tale kan Morowa maiang inamaniap mila mevara, pa Morowa maiang inamaniap mila maionama ga meinim.”
23978	MAT 22:37	Pa aulo Iesu, “‘Nanang aime Morowa, Ila Kakani nuang, na dalap nuo ga na muranama nuo ga na agat nung gano.’
24055	MAT 24:29	Urie, Iesu la inagat tiesong gare ro, “‘Tara la eba no ba uriro giginanim, tie, muabari la eba betieng ga arubu ba gano, ga ulang la tala kan ulabie, ga maralaip la eba melaming iro panbinim ga non gat pagap o kukunim la maiot na panbinim la eba omaiolaing pianam maiong.’
27052	ACT 2:34	Aime Devit, irie la tale kan ula ga neip a na panbinim gare Iesu la ula nakap. Pa tiesong gare ro, “‘Morowa la aulo Ila Kakani ruang Iesu gare ro,
27227	ACT 7:42	Are ratmat ga ualo Morowa ibunam a ira ma ga uairam ga lotumeng me mai pagap na panbinim gare efan ga ulang ga maralaip ga non gat pagap. Ira iruo tavuk maiang eap buam, umir maiong unulip na Babam ula puaru la tiesieng gare ro, “‘O mimi gar onim Israel, na tara la maionama ma 40 ma karaip na kimanam la karuk ma inamaniap, minamuam papot ma nganeip ga makosarming non ara non ara kamniapup. Pa tale kan okosarming urio kamniap me toun. Karuk kan migat.
27234	ACT 7:49	“‘Ila kani la ugama, “Panbinim ga kimanam ga mirier pagap ganam, turuo kan la makosartung. Panbinim, urie nunamap tung la tunama una. Pa kimanam, urie pianam tung la tuabuam kibap tuo nakap ubuo. Tie, miga akosarming man luguan meba tonang ana? Uriro pianam la puoieng ira ruo meba tonang, karuk kan a migana ba la puoong meba akosarang nap ba tuang me aganuliap.’”
27464	ACT 13:33	Ga imua Iesu na una meba opuoang urio ties o mida la ovaikong ara me buun gar ma eap maiam onim tinan. Uro ties la tiesong Morowa aime Iesu, umirmeng na lama narain Sam na Babam ula puaru gare ro, “‘Nunuo Poi ruang. Titot la bettung gare Ira nuang.’
27465	ACT 13:34	“Tie, Morowa la ina imua Iesu na una meba tale isam ba neip a. Karuk kan! Met iriro, umirmeng na Babam Ula Puaru gare ro, “‘Eba akosartang tavuk ila mumuri ira mi ga eva, eba talang ugiginara miun, gare tinan la okosartung ties o mida me aun Devit.’ Leba tale are ba rie, tie tala kan midaong Morowa meba tale aving migana ba.
27466	ACT 13:35	“Are ratmat ga iro non ties maime neip a Iesu la tala kan isam, umirmeng na non Sam gare ro, “‘Neip a migana ila babai o ubi la tala kan nuairam agarit na una meba isam ba.’
27471	ACT 13:40	Umirong non unuli na Babam ula puaru gare ro, “‘Mimi inamaniap la mime oguek ties, miptang! Titot la eba akosartang non ara paga ga eba betang kabirana mi. Ga leba agimaang migana ba iruo paga la akosartung ga mialava a irio paga, tie agatming ka irio paga la are ties o kakarabunim. Are ratmat ga eba agimaming tubiat ga turupmiaba ga mila na iou.’ “Are ratmat ga temamalienming maset meba tale betang iriro paga ira mi.”
27478	ACT 13:47	Memani, tiesong Ila Kani aime migana ang o ubi gare ro, “‘Eba nokosartang ga eba betnang gare ba lalabie maiang mirier kantrip, ga eba maganalie teip ga magaulap onim na mirier napup ganam o kimanam, ga eba ina malagirang.’”
27527	ACT 15:16	“‘Ila Kakani la tiesong gare ro, “Tubiat, eba ina oidangtang urio inamon ang Devit la kiro ra. Eba mavuvuttaling napup maiam pagap ganam la kiribasmeng ara, ga eba teraling uriro inamon ga eba ina dusieng maset.
27993	ACT 28:26	“‘Nala ai iruo gar ma teip ga magaulap ga manalava gare ro, “Agat maiong miruo teip ga magaulap la libonieng ara, ga kigip ma la palalameng ara o numirap o ties, ga madurimeng ara irap ma. Are ratmat ga menavam kigip ma ganam ga meptang ties, pa eba tale mamira muap ma tiesiap. Eba man uming, pa tale puoming meba arakiming paga ba. Tie, leba tale are ba rie, arakimeng paga ba ma irap ma ga meptang ties ma kigip ma ga ameira muana o urie ties, ga eba marigimeng dalap ma ga ina terigimeng me toi, ga ina maset mamumurirarang.’”
30811	REV 2:26	Tie, migana la makurupin tavukup mila kiram ga man ouluan ties tung, puoieng na tara la eba ina terigirang, eba talang kaguma aun garet tie la uala Mamo ruang toun tinan. “‘Ga eba ake me mirier garip ma teip ga magaulap na uro kimanam ga ualeng mabuo. Ga eba ualeng maranit mabuo ga eba makiraraang o pas a ain ga maparangenang, gare migana la aparangenong sospen o kimanam.’