23439	MAT 8:25	Ana disaipelma pi ye pai moglmara uglo yoko dingwa, “Yaglkande, no akepledo, no nigl enaunga!”
23446	MAT 8:32	Digo, Yesus yegl ditongwa, “Ende piyo!” Spirit kinde yagl suwo i kindekondo ende menda wu ana bugla mina ende suna eingo, ana bugla sinuglundi dangine mukundi ende atne pi niglmong mina nigl ne gogl kondingwa.
23475	MAT 9:27	Yesus kamun igle kondo endongo, yagl suwo ongumutno kin yongwa mokomugl pindre ana agle binan bogl di yegl dimbrika, “Devit Wam, ene no mitno gogl noro!”
23692	MAT 14:26	Ana ye nigl bolamugl konbauna ongo disaipelma wagle ye kandre, kundugl pond gogl kaglkane ere ana ye dingwa, “I gigl ta!”
23695	MAT 14:29	Yesus ditongwa, “Ana wo!” Dungo Pita bot kondo ende atne wu nigl bolamugl Yesus umara ongwa.
23696	MAT 14:30	Ba ye pindre kangwa ir kande ungo kundugl gogl, ana ye mambuno bogl ende nigl atne pindre kaglkane orkwa, “Yaglkande, na akepledo!”
23704	MAT 15:2	“Sraglpre ene disaipelma wagle nono kowano awano ka kindine di norikwa i sendime? Ye komnaiye kana onguno nigl koglkre kaiya mokna neingwa!”
23763	MAT 16:22	Pita ka i pirtre Yesus auro i-bina pindre ana mambuno bogl ka giglendi yegl ditongwa, “Yaglkande, God ene pir tenan sragl yeglmere ene mina ta plaudi tekrambiwo!”
23774	MAT 17:5	Pita ka yegl di moglko ana kamun kua kruwo oglandi wu ye were kondungo, ana kamun kua mitna sunakra ka ta yegl dungwa, “Iwe na Wana, na ye wakai kandre gun yeiteinga. Ene ye kamo piryo!”
23880	MAT 20:19	Ana ye ipi Yomba Bina meglmara tembi, ye bakaglte, kumba wip si ipi endi-prak mina sinaglkwa. Ba ye ande enge suwota mina andigl ukor enambuka!”
23892	MAT 20:31	Yomba merkinde ka tendre kiendi mogltro dingwa, ba ye kaglkane binan bogl kaima imbrika, “Yaglkande, Devit Wam, ene no mitno goglo!”
23904	MAT 21:9	Yomba merkinde Yesus omara okuna eingwa ye ya te yomba tau mokomugl wingwa, ana ye mambuno ere mangre kaglkadi yegl dingwa, “Devit Wam dembiye siteiyo!” “God erewakai ere tenambuka, ye Yaglkande kangiye mina ungwa!” “God dembiyesi mitna imbo kaima endiyo!”
23914	MAT 21:19	Ye endi kogla endiye ta konbauna bina pango kandre ana magl ongwa, ba mongo ta kogl paikrukwa, yaundo keunde pangwa. Ana ye yegl di endimo i tongwa, “Ene mongo aglketa koglkratnga!” Ana oglandi kaima endimo kogla i gigle goglkwa.
24169	MAT 26:46	Andiglmbi nono ende omuno. Kaniyo, na yaglkumba ikine tenambuka yaglmo magl ungwa ya!”
24195	MAT 26:72	Ana Pita aglke ditorwa ere yegl dungwa, “Na ka kaima yene dinga, yagl i na ta pirkan erekrika!”
24197	MAT 26:74	Ana Pita dungwa, “Na ka kaima yene di giglekui dinga. Na kakimbi dimbo, God pra na erekinde ere narambuka. Na yaglmo i ta kankrika!” Dungo oglandi konduwagle kumugl wi sungwa.
24221	MAT 27:23	Ba Pailat krapoglkwa, “Ye sragl taragl ere aglau orme?” Ana ye mambuno bogl mangre kaglka digo, nunguno embriye ende mitna imbo kaima ongwa, “Ye endi-prak mina siyo!”
24222	MAT 27:24	Ana Pailat i kangwa yomba ye yene oglagldi kunda gua beglmbi, ye di akedu endinambuka mere mango ana ye nigl tau indre yomba merkinde meglmara gumanomugl ye ongo nigl kogl ana dungwa, “Yagl du-yene i gorambuka aglau i na mina paikrukwa. I ene konguno pangwa!”
24223	MAT 27:25	Ana yomba prapra di ikine endingwa, “Ye gorambuka yumbunmo i yange no mina sinan ana nangro ye mina akiye panambuka!”
24238	MAT 27:40	ana dingwa, “Ene God holi yungumo sigurndi atne ende pandigl ana ande enge suwota mina aglke kordagl kei ikine endinatngra. Ene God Wam motn kade, enene ere-indre endi-prak mina kondo ende atne wo!”
24252	MAT 27:54	Ana kimbirnem ende okuna ongwa yagle ta ya te kimbirnem tau ye bogl akiye Yesus suglmo meglkwa ana imem ungo, te taragl tau prapra orkwa i kandre ana ye kundugl gogl dingwa, “Kaima yene, ye God Wam moglkwa!”
24299	MRK 1:15	Ye dungwa, “Enge kaima plau dungo ana God kingdomo ene mina mangigl ungwa, ene nomano yakete kamambuno wakai pirngi diyo!”
24308	MRK 1:24	“Yesus Nasaret nem, ene sragl taragl ere noragledi une? Ene no erekinde ere nora pre un kana? Na ene pirpogl siga. Ene God Holi Yombamo!”
24309	MRK 1:25	Yesus ka giglendi di spirit kinde tongwa, “Ene dran simundo ana yagl i mina kindekondo ende menda wo!”
24321	MRK 1:37	Ye kan indre yegl diteingwa, “Yomba prapra ene pre dokingwa!”
24341	MRK 2:12	Ana ye andigl kunguglmo indre ana yomba prapra ongumutno-mugl konbo endongwa. Ye prapra i kan sipuglo kinde di ana ye God dembiye sindre dingwa, “Nono okuna taragl yeglmere ta kankunga!”
24401	MRK 4:9	Ana Yesus dungwa, “Yomba ta ka pirambuka pre kina panan, ye ka i pra pirondo!”
24431	MRK 4:39	Ana Yesus andigltre ir yuwanga ka tendre ana nigl pembigl ditongwa. “Ir ene wermane erekro.” Ana ye nigl pembigl ditongwa, “Kiendi moglo!” Ana ir bu yongo te nigl yange daudungwa.
24440	MRK 5:7	Ana kaglkane pond kaima yungwa, “Yesus, God mitna imbo kaima Wam! Ene na sragl ere naratne? God kangiye mina na yana diga, ene na giu ere narekro!”
24441	MRK 5:8	Ye ka dungwa i sraglpre, okuna Yesus yegl ditongwa, “Ene spirit kinde, yagl i mina ende menda wo!”
24442	MRK 5:9	Ana Yesus krapogl ye tongwa, “Ene kangin irane?” Ye di ikine endungwa, “Na kangina Ami, sraglpre no merkinde kaima mounga!”
24474	MRK 5:41	Yesus ambai gak ongo akindre ana ditongwa, “Talitha, koum!” (Ka i mambuno yegl, “Ambai kembra, na ene diteinga, andiglo!”)
24492	MRK 6:16	Ba Herot ka i pirtre yegl dungwa, “Jon Baptais na okuna nungo gare endigra. Ba ye erme andigl ukor ongwa pai dungwa!”
24602	MRK 8:33	Ba Yesus kan akete yene disaipelma wagle kandre ana ye Pita ka tendre, dungwa, “Satan, ende wu na mokona kra po, ene ka dinga i God nomano pamere ta dikitnga, ba yomba pirmere dinga!”
24631	MRK 9:24	Ana gakmo nem oglandi kaima kaglkane pond orkwa, “Na pirngi dinga, ba kuno erekrukwa, ene na akeple dinatn kade pirngi dinga giglekui dinambuka!”
24685	MRK 10:28	Ana Pita di Yesus tongwa, “Kanno, no taragl prapra kindekondo ene unara umga!”
24704	MRK 10:47	Ana ye pruko i Yesus Nasaret nem umiwo dingo pirtre ana ye mambuno bogl kaglkane yungwa, “Yesus Devit Wam, na mitna goglo!”
24705	MRK 10:48	Ana yomba merkinde ye katendre ana kiendi moglo dingwa. Ba ye kaglkane binan bogl yungwa, “Devit Wam, ene na mitna goglo!”
24718	MRK 11:9	Ana yomba tau ende okuna eingo te yomba tau okuwo wingo ana mambuno bogl mangre kaglka dingwa, “God dembiye siyo!” “God ye erewakai ere tongwa, ye Yaglkande kangiye mina ungwa!”
24719	MRK 11:10	“God dembiyesi mitna imbo kaima endiyo! Nono neno King Devit yungumo ombuno mina suna, king kor ta ungwa i God erewakai ere tenambuka!”
24739	MRK 11:30	Jon eremogl yomba baptais ere tongwa i God mina umo mo, yomba mina ume? Dinariyo!”
24865	MRK 14:42	Ana andiglmbi ende omuno. Kaniyo, na ipi kunda ikine onguno mina yenambuka yagle magl ungwa!”
24868	MRK 14:45	Judas oglandi ende Yesus moglmara pindre ana dungwa, “Beke Notnga!” dindre kungro-bare orkwa.
24909	MRK 15:14	Ana Pailat krapoglkwa, “Sraglpre? Ye sragl tandaglme orum?” Ba ye prapra kaglkane binan bogl kaima indre dingwa, “Ye endi-prak mina siyo!”
24913	MRK 15:18	Ana ye mambuno bogl bakagl teingwa, “Etne wakai, Juda yomba kingno!”
24925	MRK 15:30	Yeglpre erme endi-prak mina ende atne undre ana enene ere yo!”
25173	LUK 4:41	Spirit kinde wagle ana yomba merkinde mina ende menda pindre, kaglkane ingwa, “Ene God Wam!” Ba spirit kinde wagle ka di dinaglmedi pre Yesus ka tendre mane dungwa. Sraglpre spirit kinde wagle pirkwa ye Krais moglkwa.
25184	LUK 5:8	Ana Saimon Pita i kandre ye yange Yesus kagle mina goglko bondugltre ana dungwa, “Yaglkande na mina ende eglke po, na tandaglme erika yagle!”
25338	LUK 8:24	Disaipelma wagle pi ana Yesus uglo yokondre dingwa, “Yaglkande, Yaglkande, nono goraunga!” Ana Yesus andigltre ir ya nigl pembigl ka tongo, ana ir ya nigl pembigl bu yembriko ana nigl wermane erekrukwa.
25342	LUK 8:28	Yaglmo i Yesus kangwa enge, ye kaglkane indre ana yange Yesus kagle mina sindre ana kaglkane binan bogl yungwa, “Yesus God mitna imbo kaima Wam, ene na sragl ere naraglendi pitne? Na ene yana diteinga, ene giu ere narekro!”
25429	LUK 9:59	Ye di tongwa, “Ene na mokonamugl wo!” Ba yaglmo di ikine endungwa, “Yaglkande, komnaiye kana na kanwinge etn pindre ana nina maugl sinaglka.”
25449	LUK 10:17	Yagl 72 ikra gun argan bogl ende ikine undre ana dingwa, “Yaglkande, no ene kangin mina ka giglendi dumgo ana spirit kinde wagle no kanno pinande erikwa!”
25657	LUK 14:35	Mundi i wakai ta yenan makan mina endinaglkwa mo bugla-kau de yenambara i suwarata endinaglkwa manga. I piyasi menda endingwa. “Yomba ta ka pirambuka pre kina panan kade, ka i pirondo!”
25725	LUK 17:5	Aposel wagle di Yaglkande teingwa, “No pirngi dumga etn wu kande enano!”
25795	LUK 18:38	Ana yagle i agle binan bogl dungwa, “Yesus, Devit Wam, ene na mitna goglo!”
25796	LUK 18:39	Ana yomba tau okuna kana wingwa ka-tendre, ana kiendi moglo diteingwa ba yagle agle binan bogl di paimoglkwa, “Devit Wam, ene na mitna goglo!”
25838	LUK 19:38	“God wakai ere king tongwa, Yaglkande kangiye mina ungwa!” “Heven suna bipokndi yenano, ana God dembiyesi mitna imbo kaima endiyo!”
25864	LUK 20:16	Ye undre wain togl sugl yomba i prapra sigogltre ana wain togl i yomba pere tenambuka.” Ana yomba ka i pirtre, ye dingwa, “Yeglmere ta paikrambuka!”
25887	LUK 20:39	Lo beke teingwa yomba tau di ikine endingwa, “Beke Notnga, ene ka wakai dinga!”
25984	LUK 22:51	Ba Yesus di ikine endungwa, “Yeglmere ta erekriyo!” Ana Yesus yaglmo kina ake indre, ana pandigl ikine ende tongo wakai pangwa.
25989	LUK 22:56	Ana nigl-kongun ambai suwarata kango donga ambuglange sumara iro Pita amedi moglkwa. Ambaimo pi mangigl kaima kandre ana dungwa, “Yagl i ama Yesus bogl akiye waningura!”
25991	LUK 22:58	Ana kurita meglko okuwo yagl ta Pita kandre ana dungwa, “Ene ama ye bogl akiye waningura!” Ana Pita di ikine endungwa, “Yagl ya, na ta mangra.”
25997	LUK 22:64	Ana ye eremogl ongumuglo tusi te pandigl ana krapogl teingwa, “Ira ene sume, dipoglo!”
26025	LUK 23:21	Ba yomba aimande kaglkane i paimogl di ikine ende dingwa, “Yesus endi-prak mina siyo! Endi-prak mina siyo!”
26034	LUK 23:30	Enge igle, “‘yomba yegl di, makan muglo tenaglkwa, “Ukandi no sindakaglo!” te Makan meglmbe pre yegl dinaglkwa, “Wu no simbi do!” ’
26180	JHN 2:16	Ana ye ka giglendi di kua yumugl maket erikwa yomba tongwa, “Ene taragl kanekane i prapra imenda piyo! Na Nina yungumo i ene maket yungu mereyegl endekriyo!”
26193	JHN 3:4	Nikodimas aglkekor Yesus diprukwa, “Yomba yake kondungwa sraglmere mam aglkekor kugl yenambe? Kaima yene ye ende ikine mam dane suna kra enan mam aglkekor ta kugl yeikrambuka!”
26624	JHN 11:32	Ana Maria ende pi Yesus moglmara kandre ana yange ye kagle mina sindre dungwa, “Yaglkande, ene eglya motna dagl na angra ta goglkruko!”
26628	JHN 11:36	Ana Juda yomba kandre dingwa, “Kaniyo! Ye Lasarus wakai kaima kangwa pamiwo!”
26631	JHN 11:39	Ana Yesus yegl dungwa, “Kombuglo i-eglke endiyo!” Ana yagl goglkwa ambauglo Marta yegl dungwa, “Yaglkande, erme kumbuno kinde orkwa. Sraglpre, ye pandiglkwa ande enge 4 igle pangwa.”
26635	JHN 11:43	Yesus ka i di kondo ana agle binan bogl dungwa, “Lasarus, ene ende menda wo!”
26662	JHN 12:13	Ipre yomba endi palm yaundongo bukondi ake indre ana ye umara kanamnedi ende menda pindre ana ye mangre, oodi, dingwa, “God dembiye siyo!” “God ere wakai ere yomba i tenambuka, ye Yaglkande kangiye mina ungwa!” “God ere wakai ere Israel yomba kingno tongwa!”
26897	JHN 19:3	ana ye moglmara undre yegl dingwa, “Mangra, Juda yomba kingno!” Ana ye ende magl pindre gumadra mina atndang singwa.
26900	JHN 19:6	Ana pris kande wagle ya te God holi yungumo sugl meglkwa yomba Yesus kandre ye mangre kaglka dindre dingwa, “Endi-prak mina siyo! Endi-prak mina siyo!” Ba Pailat di ikine endungwa, “Ene ye indre endi-prak mina siyo te na ye aglau ta eran panan doko i-pene ende kot ere tenaglka manga.”
26909	JHN 19:15	Ana Juda yomba ka muglkumdi di ikine endingwa, “Ye sigolo! Sigolo! Ye endi-prak mina siyo!” Pailat krapogl ye tongwa, “Ene kingno i na endi-prak mina sinambedi pirmo?” Ana pris kande wagle di ikine endingwa, “No kingno ta-ta moglkrikwa, Sisa suwara kaima moglkwa.”
26938	JHN 20:2	Yegl kandre ana ye mukundi ende ikine pi Saimon Pita ya te disaipel ta Yesus wakai kangwa i miurara undre ana yegl dungwa, “Yomba eremogl Yaglkande kombuglo dra mina imenda endingwa pangwa, ba ipi aglokra yeingwa i no kankunga!”
26949	JHN 20:13	Ye krapogl Maria tembrika, “Ambu ya, ene sragl orko pre kai etne?” Maria di ikine endungwa, “Na Yaglkandena yend korugl eingwa, ana ye ipi aglokra pandiglkwa i na kankrika!”
26961	JHN 20:25	Ana disaipel tau ikra di Tomas teingwa, “No Yaglkande kamga!” Ba Tomas di ikine endungwa, “Na nana ye ongo koglkoglo buglo-nil boglmara i kandre ana ake pirtre te dangigle mina kuglange boglmara i onguna ende suna endimbo, ana na kaima pirngi dinaglka.”
26963	JHN 20:27	Te ye ama yegl di Tomas tongwa, “Ene ongun mongo magl ya yei ana na onguna kano, te ene ongun duglosi na dangra mina suna endo. Ene noman suwo yeikre ana pirngi kaima do!”
26964	JHN 20:28	Ana Tomas di ikine endungwa, “Na Yaglkandena te na Godna!”
26965	JHN 20:29	Yegl dungo, ana Yesus di Tomas tongwa, “Na kandre ene pirngi dinga. Ba na kankre pirngi dingwa yomba God eran ye gun yenaglkwa!”
26974	JHN 21:7	Yesus yene disaipelmo ta wakai kangwa ikra yegl di Pita tongwa, “I Yaglkande moglkwa!” Ana enge i Saimon Pita prukwa, Yaglkande we dungo, ye gaglmo suna olto gugl yongwa yendindre ana ye oglosi ende nigle ongwa.
27014	ACT 1:22	Yombamo i ye Jon eremogl baptais yomba eretongwa engemo i yei ende wu Yesus ende heven ongwa enge i ye suna akiye mogl pirkan orkwa yomba, i suwarata pinde yumun kade Yesus gogltre andigl ukor ongwa kamo i kawaiye ere boglo kurambuka!”
27054	ACT 2:36	“Yeglpre, ene Israel yomba prapra piryo, yaglmo Yesus ene ipi endi-prak mina sigeglkwa ikra, God erme ere endungo ye Yaglkande ya Mesaia akiye moglkwa!”
27069	ACT 3:4	Ba Pita ya Jon toro mendigl pandigl kan ye moglmara endimbriko ana Pita yegl ditongwa, “Ene no kano!”
27071	ACT 3:6	Ba Pita yegl ditongwa, “Na moni kaima ta paikrukwa, ba taragl ta i-waninga i ene tenaglka; i Yesus Krais Nasaret nem kangiye mina na ka dinga, ene andigl ana konbo endpo!”
27132	ACT 5:4	Okuna ene makan topo bogl ikitnga enge makan i enene makanen yongwa. Te okuwo topo ere moni inga i ene moninen orkwa. Sragl orko pre ene noman mina pir epigl ere taragl yegl etne? Ene yomba ta kakimbi ditekitnga, ba God kakimbi ditenga!”
27181	ACT 6:11	Yegl orko ye yomba tau atnekra moni tendre ana Stiven pre yegl diyo dingwa, “Yaglmo i eremogl Moses ya God di kinde tawa yeitongo no punga!”
27241	ACT 7:56	Ye dungwa, “Kaniyo. Na heven audungo kaninga ana Yomba Wam God ongo wokra andigl moglkwa!”
27244	ACT 7:59	Ye kombuglo indre eresi meglko ana Stiven kamange yegl ere Yaglkande tongwa, “Yaglkande Yesus, ene spiritna yo!”
27323	ACT 9:38	Lida i Jopa kamun mangigl yongwa. Ana disaipel Jopa kamun meglkwa ye pirkwa Pita Lida kamun igle moglme dingo, ana ye yagl suwo diendingo Pita moglmara pi yegl ditembrika, “Yagl wakai kra, oglandi kaima ende no mounara wo!”
27325	ACT 9:40	Ba Pita diendungo yomba prapra ende menda pi kendingo ana ye goglko bondugl kamange orkwa. Kamange erekondo kan akete ambu goglkwa nangiye briye kandre yegl dungwa, “Tabita, ene anduglo!” Dungo ye ongumuglo pinedi Pita kandre ana bondugl moglkwa.
27413	ACT 12:7	Ana Yaglkande angelomo ta unongugl pi moglko, kane yungu yungugl kra ambuglange sungwa. Angelomo eremogl Pita dangigle mina tagla sindre ana dungwa, “Oglandi andiglo!” Dungo tambre kana Pita ongo mina sen pangwa ikra worsi yangungwa.
27414	ACT 12:8	Ana angelo ka di Pita tongwa, “Kumatn dendre, te katn towo endo!” Ana ye yegl orko, angelo aglke ditongwa, “Ene gatn suna olto ende ana na mokonamugl wo!”
27420	ACT 12:14	Ana ye Pita ka dungo nungo embriye pirtre gun pond kaima yongwa, ba ye yungu dra yaurokre oglandi mukundi ende ikine pindre ana ka kande dungwa, “Pita ungwa dua mina moglkwa!”
27421	ACT 12:15	Ditongo ye pirtre dingwa, “Ene kinan tom kana!” Ana ambaimo eremogl Pita kaima wu moglmedi yombuglo ere dungwa. Ba ye dingwa, “Pita angelomo ta wu moglum kana?”
27428	ACT 12:22	Ana yomba mangre oodite yegl dingwa, “I yomba ta ka dikrukwa, ba god ta dungwa!”
27493	ACT 14:10	ana ye ka kande di yagl i tongwa, “Enene katn mina du yene andigl moglo!” Ana enge igle keunde yaglmo puglondi andigl konbo wu ikine ikine ongwa.
27580	ACT 16:28	Ba Pol ka kande dungwa, “Enene sigoglkro. No prapra mounga yawe!”
27623	ACT 17:31	Sraglpre, God eremogl makan koglkoglo yomba kot eretenambuka enge i dipandigl kondungwa. Ana mambuno du-wakai mina yomba prapra yumbu sinambuka pre yagl ta pinde i-pere endungwa. Taragl i kaima pamedi ombuno dindre ana yagle i goglmara ye ere-ikor endungwa, i yomba prapra pirkan erikwa!”