23282	MAT 4:4	Tegin Jesús niaga chogal: —¡Chulá! Imi Pab-kartagin nermakal maido: Tule mas-kunnedginbi kwen tuladijul. Tenal tulemal Pab-kakapurwa-itogedbal tula-timal. Dt. 8:3
23346	MAT 5:43	Tegin Jesús chogalbal: “Imi pemal akpene itosmalbal anmal-tadganga choglesgus: Imi pedin aga ai-pilalguenab. Tenal tule-pebak-aichulid, pe istar takenab. Lv. 19:18
23643	MAT 13:35	Tenal Jesús tulemalga purpal chunmadi-kus akpene Pab-kaka-palchoged-chogzhad-yopí kunonigal. Tenal Pab-kaka-palchoged Jesúsgin chogzhado: Imi antin purpal immalmalgin chunmadi-kuo, tegin an nap-kepe-naigujad-akar-otukal-igal-maidgin chunmadi-kubalo. Sal. 78:2
23850	MAT 19:19	Tegin pedin aga pabgin aga nangin pe atagenab. Tegin pe aga tukin chan pilaledyob, pe tule-pimalad-pilalguenabmo. Ex. 20:12-16; Dt. 5:16-20; Lv. 19:18
23904	MAT 21:9	Tegin tulemal-Jesús-iktual-irmamamimalad tegin tulemal-Jesús-cholbal-tanimalad sapejul kolmanatapmal chogalmal: —¡Imi we David-wagwa otummoledi-kuelen, nabirinye! ¡Tenal we tule-Pab-nuggin-tanikidga ib-nued kuelen, nabirbalinye! ¡Tenal we tule nikpa-neggin nug okannoledi-kuelen, nabirbalinye! Sal. 118:26
23911	MAT 21:16	Tegin Judio-tummagan Jesúsga chogalmal: —¿Imi pe-itos purwigana pegin igi chog? Tegin Jesús tummaganga chogal: —An itosdo, purwigana igi chogmal. Tenal anka wedin iwen-akalzhul. ¿Imi pe Pab-kartagin apchodijulzhí we immal kunaid? Tenal Pab kartagin chogdo: Imi pedin pato kuakwa purwigana-tegin-mimmigan-nu-nunanimalad-urpis pe-nug otummogal. Sal. 8:2
23937	MAT 21:42	Tegin Jesús Judio-tummaganga chogalzhun: —Teobdo. ¿Tenal pemal Pab-kartagin apchodimalzhulzhí, Pabdin igi chog? Tenal Pab-kartagin chogdo: Imi tule-neg-chobmalad akwa-mete, Tenal akwa-meted akwa-pul-chunchogedga kunoni. Imi Pab Tummad weob akwa-imas, al Pab-weob-immal-imajadbal anmal weob pakal pesmal. Sal. 118:22-23
23980	MAT 22:39	Tenal igal-chogbogwad ampa yopíjalmo. We igal chogdo: Imi aga pe-chan pilaledyob, pe tule-pid-pilalguenabmalmo. Lv. 19:18
24026	MAT 23:39	Tenal an pemalga chogdo: imi pemal meke-igi an-pal-kwen-takojulmal, pemal chognonimaloedzhe: Imi pe-Pab-nuggin-tanikid-tule otummoledi-kuelen, nabirinye. Pitogua.” Sal. 118:26
24718	MRK 11:9	Tegin tulemal-Jesús-iktual-irmamamimalad, tegin tulemal-Jesús-cholbal-tanimalad sapejul kolmanatapmal chogalmal: “¡Jesúsye, pe otummoledi-kuelen, nabirinye! Imi tule-Pab-Tummad-nuggin-tanikid, ib-nuedga kuelen, nabirbalinye. Sal. 118:25-26
24753	MRK 12:11	Imi Pab Tummad weob akwa-imas. Al Pab-Tummad-immal-imajadbal anmal weob pakal pesmal. Sal. 118:22-23
24773	MRK 12:31	Tegin kaka-chogbogwad chogbal: Imi aga pe-chan pilaledyob, pe tule-pid-pilalguenabmalmo. Lv. 19:18 Tenal anmalga igal-pul-chunchoged ukin pal nikchul, imi an-chogzhadbi unnila maido.
25066	LUK 2:24	Tenal María aga tukin Pabga-immal-ukegal nadmo, Pab igal-mezhijadyob. Tenal Pab-igal chogdo: Imi ome nuchu-nikujal, Pabga keg-chulgu kwabo nu-chapur-ukenab, o chulil, kwabo wag-nu-ukenab. Lv. 12:6-8
25136	LUK 4:4	Tegin Jesús niaga chogal: —¡Chulá! Imi Pab-kartagin nermakal maido: Imi tule mas-kunnedginbi kwen tuladijul, (tenal tule Pab-kaka-itogedbal tula-kudimal). Dt. 8:3
25459	LUK 10:27	Tenal tule-Moisés-igal-wijiid Jesúsga chogal: —Imi pe Pab-Pul-Tummad-pilalguenab, pél aga pe-ulubgin-itogedzhe, pél pe-purpaje, pél pe-kannaleged-nikadzhe, pél pe-pinzheedzhe, pel-kwapa. Dt. 6:5 Tegin pe aga tukin chan pilaledyob tule-pe-tikalbal-mamimalad pe pilalguenabmalbal. Lv. 19:18
25622	LUK 13:35	Imi pe-negdin mellegal-peio. Tenal an pemalga chogdo: imi pemal meke-igi an-pal-kwen-takojulmal, pemal chognonimaloedzhe: Imi pe-Pab-nuggin-tanikid-tule otummoledi-kuelen, nabirinye. Pitogua. Sal. 118:26
25838	LUK 19:38	¡Imi we errey-Pab-nuggin-tanikid, ib-nued erreyga kuelen, nabirinye! ¡Imi Pab-neggin akalzhul-pukmalalen, nabirbalinye! ¡Tegin we errey nikpa-neggin nug okannoledi-kuelen, nabirbalinye! Sal. 118:26
25865	LUK 20:17	Tenal Jesús nuu tulemal-taktegu, tulemalga chogal: —¿Tede ibiga Pab-kartagin-nermakal-maid chogzhun: Imi tule-neg-chobmalad akwa-mete? Tenal akwa-meted akwa-pul-chunchogedga kunoni. Sal. 118:22
26034	LUK 23:30	Tegin te ibe-nonikoedgin, tulemal peyedzhe-wilenaidbal yal-tummaganga chogdamalo: ‘Imi pe ankin pel-kwapa yaswelen, nabirin,’ Tegin tulemal yal-mulluganaga chogdamalbalo: ‘Imi pe an-chaktigelen, nabirbalin.’ Os. 10:8
26357	JHN 6:31	Tenal anmal-tadgan neg-nikchulidbal maná-mas kuchamal. Tenal Pab-kartagin nermakal maimodo: Teun ad Pab-neg-akar tadganga mas-kunned ukcha, kunkal. Ex. 16:4; Neh. 9:15; Sal. 78:24-25
26584	JHN 10:34	Tegin Jesús Judiomalga chogal: “Imi an chogzhal: ‘Antin Pab’, wedin iwen-akalzhul. ¿Imi Pab-kartagin nermakal maichulzhí: Antin chogzhado, pemal pab-tummagan? Sal. 82:6 Tenal akpene Pab Tummad purpal tule-wal-walgwenga weob chunmas.
26662	JHN 12:13	Al tulemal-Jesús-wisgusmalad uga-ka-annik Jesús-abin-nadmal. Tegin tulemal Jesús-abingusmalgu, kep pulal kolmanatapmal, chogalmal: —Jesúsye, pe-nug otummoledi-kuelen, nabirinye. Imi pedin Pab-nuggin-tanikid-tuleye. Tenal pe Israel-erreyga tanikidbal, Pab Tummad pega immal-nuegan imakelen, nabirbalinye. Sal. 118:25-26
26918	JHN 19:24	Al chulubmal chogalmal: —Anmal melle we mol echirmamalo, aka weob ebemalo. Anmal pul molgin todomalo, takegal toa pul chuo. Imi chulubmal we immalmal-imajad, akpene Pab-kartagin nermakal maid-yopí kunoni. Tenal Pab-kartagin nermakal maido: Tulemal an-molmal mimismal, tegin an-molgin todosmal, toa pul mol chumalo. Sal. 22:18 Al chulubmal teob imasmaldo.
27012	ACT 1:20	“Tenal Judasgin pél immalmal kujad, Pab-namaked-kartagin pato nermakal maido: Imi we tule-e-neggin tule melle ampaguelen, nabirin; tegin we neg metmalalen, nabirbalin, we tule-e-nug ilgwen pelgugal. Sal. 69:25 “Tegin Pab-kartagin chogbal: Tule-pid we tule-anal tummadga togenab. Sal. 109:8
27039	ACT 2:21	Tenal meke-ibi-tule Pab-abingejogalidgin Pabzhe kolalil, we tule abonolenoniko.’ ” Jl. 2:28-32
27046	ACT 2:28	Tenal pedin igal-nued-wisgugal an-imas, an melle pulzhuli purkwegalye. Teginbal, an pe-assapin pela-pela yer weligwal-itogalbalye.” Sal. 16:8-11
27088	ACT 3:23	Tenal meke-ibi-tule we Pab-kaka-palchoged-itojulil, e-tulega pal kwen kuojul, ilgwen pelguodo. Dt. 18:15, 18-19 Imi Moisés-we-tulegin-chunmajad. Wedin Jesús.”
27090	ACT 3:25	Tenal Pab Tummad e-kaka-palchogmaladbal kaka-ukchaddin ampa pemalgadmo. Tegin Pab Tummad pe-tadganbak aga kaka-ukchamaladdin ampa pegadmo. Tenal Pab Tummad Abrahamga Jesúsgin chogzhado: Imi pe-wagwabal pel-kwapa-tulemal-ilbal ib-nuedga kunoniko. Gen. 22:18; 26:4
27102	ACT 4:11	“Imi pemal Jesús meted, tenal imidin Jesús pul-tule-tummadga kunoni. Imi Pab-kartagin chogdo: Imi tule-neg-chobmalad akwa-mete. Tenal akwa-meted pul-akwa-chunchogedga kunoni. Sal. 118:22
27219	ACT 7:34	Imi an takcha, tegin an itosbal, an-tulemal Egiptogin peyedzhe okormananimal, wilenanimal. Al an aktenoni, an-tulemal-onogal. Imi an Egiptoje pe-palmine, an-tulemal-onogal.” Ex. 3:5,7-8,10
27222	ACT 7:37	“Tegin ampa we Moisés anmal-Israel-tulemalga chogzhado: Pab Tummad ibagwengin anyob Pab-kaka-palchogedga anmal-tule-walgwen-palminoniko. Dt. 18:15
27278	ACT 8:33	Tegin tulemal we tulegin kakanzhasmalgu, peyedzhe tar-opinkechasmal. Tenal tule-tummagan we tulega igal-kwen-nudaszhulmal. Tenal tule-iti-napkinmalad we tule-mechamal. ¿Tede toa-tule e-wagwagangin pal chunmakojun? Saté. Is. 53:7-8
27807	ACT 23:5	Tegin Pablo tule-ega-chogzhadga chogal: —An-aimal, an ebinzhe, we tulede tule-irwal-Pabzhe-koled-pul-tummad-chul. Imi Pab-kartagin nermakal maido: Pe melle tule-tummagangin istar chunmako. Ex. 22:28
28076	ROM 3:17	Tenal we tule-iskanadin kusgu-weligwal-akalzhulidgin ampagued-igal-kwen-wichulmal. Is. 59:7-8
28232	ROM 9:9	Imi Pab Abrahamga kaka-ukchadbal Abrahamga chogzhado: Imi an wegiidzhe kannan peje nonibalil, an taknoniko pe-ome-Sara machi-nika. Gn. 18:10,14
28256	ROM 9:33	Imi Pab-kartagin ampa weob nermakal maimodo: Imi Pab Tummad chogdo: “Imi pe takto, antin neg-kwebur-Sióngin akwa-mul-tummad chis. Tenal tule we akwa-mul-tummadgin yolenonimalal, agladamal. Tenal tule we akwagin pengunonijulmalal, kwen pinkeguojulmal.” Is. 28:16
28261	ROM 10:5	Imi Moisés tule-iskued-nikchulidgin chunmasgu, Moisés-igal-mamikid-pallí-nanediidgin chunmadi-kus. Tenal Moisés chogzhado: Imi tule we igal-mamikid-pallí naneel, we tule tullego. Lv. 18:5
28267	ROM 10:11	Imi Pab-kartagin ampa chogmodo: Imi meke-ibi-tule we tulegin penzhulil, kwen pinkeguojul-kuo. Is. 28:16
28281	ROM 11:4	¿Imi Pab Tummadde Elíasga igi chogzha pe ebinzhe? Nabir. Imi Pab Tummad Elíasga chogzhado: Imi antin milikugle pato tulemal-chus, melle Baal-chowal-mimmiganzhe Pab Tummadyob kolgal. 1 R. 19:18
28310	ROM 11:33	Imi Pab-kartagin chogdo: Imi Pab Tummad napírra tulemalga immal-nuegan imanoni. Tegin Pab napírra pinzheed nikabal, tegin Pab pirkin immal wisbal. Tegin tule mag kwen itojulbal Pab ibiga weob immal ima. Tenal tule Pab-pinzheed-kwen-palgaojul-kuo. Is. 55:8-9
28311	ROM 11:34	¿Imi toa wisguo-junna, Pab igi pinzhe? Keg kue. ¿Tegin toa Pab-Tummad-uanaibalo? Keg kubal. Job 15:8; Is. 40:13; Jer. 23:18
28380	ROM 15:9	Imi Pab Tummad kaka-ukchadbal wilejakwa Judiojulmalad-taknoni. Judiojulmalad e-otummononigal. Imi Pab-kartagin ampa nermakal-maimodo: Al antin Judiojulmalad-abalgin pe-otummogo, tegin an namakedbal pe-nug-okannobalo. 2 S. 22:50; Sal. 18:49
28767	1CO 14:21	Tenal Moisés-igalgin nermakal maido: Pab Tummad chog: “Tule kaka-pimaladgin chunmakedbal, tegin tule-pimalad chunmakedbal, an Israel-tulemalga chunmako, tenal Israel-tulemal yabli anpal kwen ibzhejul-kumalo.” Is. 28:11-12
28813	1CO 15:27	Tenal Pab-kartagin Cristogin chogzhado: Pab Tummad pel-kwapa we tule-ulpallí-nanegal immalmal urpis. Sal. 8:6 Tenal Pab Tummad pel-kwapa immal-imajadbal kwen choglejul, Pab Tummad Cristo-ulpallí nane-nemo.
28840	1CO 15:54	Tenal an-pemalga-chogzhiid immal-kujal, akpene Pab-kartagin kaka-choglejadyob kunoniko. Imi Pab-kartagin chogzhado: Pab-kannaleged tule-purkwedgin nakwis. Is. 25:8
28968	2CO 6:2	Tenal Pab Tummad chogzhado: Imi an yer pe-takedgin, an pe-itosdo. Tegin tule-abonoged-ibe nonikidgin, an pe-pentasbaldo. Is. 49:8 Al an pemalga chogzhundo: Pab imis yer pe-tak. Tegin Pab imis tule-abonobal.
29015	2CO 8:15	Imi Pab-kartagin nermakal maido: Imi tule ichejul immalmal wejad, ampa kwen okpitchul. Tegin tule iche immalmal wejad, ampa kwen akuszhulbal. Ex. 16:18
29177	GAL 3:8	Imi akpene-akar Pab-kartagin nermakal maido, Pab Tummad Judiojulmalad-egin-penzhulidgin ebak-igal-nudako. Al Pab Tummad akpene-akar Abrahamga Pab-kaka-nuegan chogzhado: Imi tule-chog-ilbal pel-kwapa pebal pentaklego. Gn. 12:3; 18:18; 22:18
29181	GAL 3:12	Tenal tule-Moisés-igalgin-naneed, tegin tule-Pabgin-penzhulid, igal-chogbo mai. Imi Pab-kartagin chogdo: Imi tule Moisés-igal-mamikidbal innikí tiil, Moisés-igalginbi tula-kudio. Lv. 18:5
29243	GAL 5:14	Imi Pab pel-kwapa Moisésbal anmalga igal-ebes. Al Pab-kartagin chogdo: Pemal aga chan pilaledyob, pe tule-pimalad-pilalguenabmo. Lv. 19:18
29347	EPH 4:8	Al Pab-kartagin chogdo: Imi we tule nikpa nakwisgu, tule-kalesbukmalad-ches, tegin tulemalga immal-nuegan ukchabal. Sal. 68:18
30052	HEB 2:8	Tegin pe pel-kwapa-immalmal-imasbal tulemal-ulpallí nanegal. Sal. 8:4-6 Tenal Pab Tummad igal-mezhisdo immalmal-pel-kwapa tulemal-ulpallí-nanegal, immalmal kwen nikchul tulemal-ulpallí-nanejulid. Tenal imidin ampa kwénna-kwénna an kwen takchuldo immalmal-pel-kwapa tulemal-ulpallí-naneed.
30057	HEB 2:13	Tegin Pab-karta Jesúsgin chogbaldo: Antin Pabgin kwen penguojul. Is. 8:17 Tegin Pab-karta Jesúsgin chogbaldo: Imi Pab-Tummad-anka-e-nuskan-ukchad-abalgin antin kudido. Is. 8:18
30077	HEB 3:15	Imi Pab-karta chogzhadyob an kannan chogbaldo: Imis pe Pab-kakapurwa itogel, pedin, pe melle chogo: “Chul.” Pedin Pab-kakapurwa abingeenabmal. Imi akpene pe-tadgan Pab Tummadgin abin-kwisgunonikidyob, pe melle kumalo. Sal. 95:7-8
30088	HEB 4:7	Al Pab Tummad te-cholbal untaradgin kep ibe-nazhisbal, tenal Pab Tummad te ibegin chogzhado: “Imis.” Tenal teun Pab Davidbal chogzhabaldo: Imis, pe Pab-kakapurwa itogel, pedin, pe melle chogo: “Chul.” Pedin Pab-kakapurwa abingeenabmal. Sal. 95:7-8
30192	HEB 9:20	Tenal teun Moisés chogalzhun: Imi we immal-abebal Pab-igal-mezhijad pemalga kep unniguo. Ex. 24:8
30207	HEB 10:7	al antin chogalzhun: “Imi antin pato kuakwa kudiye, pe-kartagin ankin nermales-maidyob pe-itolegedbal nanegalye. Pab Tummadye, al an noniye.” Sal. 40:6-8
30314	HEB 13:6	Al anmal Pab-penzhulidgin chogenabmal: Pab an-pentadii-choggu, al an kwen tobzhul. ¿Tede an igi tule-tobguo? Imi Pab anpak kudii. Sal. 118:6-7
30368	JAS 2:8	Imi pemal igal-pul-chunchogedgin napírra naneel, wedin ib-nued; Pab-kartagin nermakal maidyob: Imi pe aga chan pilaledyob, pe tule-pimalad-pilalguenabmalmo. Lv. 19:18
30371	JAS 2:11	Imi Pab Tummad chogzhado: Pe melle ome-pidgin yolego. Ex. 20:14; Dt. 5:18 Tegin Pab chogzhabaldo: Pe melle tule-mejo. Ex. 20:13; Dt. 5:17 Tenal pemal ome-pidgin yolejulil, tenal pe tule-mechal, pedin Pab-igal-mamikidgin yabli walmas.
30409	JAS 4:5	¿Imi an-chunmajad ampa pe pendé? Pede ebinzhe Pab-karta-nermakal-maidde pinche chog. Chulá. Imi Pab-kartagin chogdo: Imi Pab-Tummad-anmalgin-purpa-mezhijad anmal-nob, egadgabi kugal anmal-pei. Ex. 20:5; Dt. 4:24; Zac. 8:2 Al pemal Pab-Tummadbi-pilalgued-wilubmal.
30466	1PE 1:25	Tenal Pab-kakapurwadin pal kwen pelguojul-kuo ilagwen pesgu-peio. Is. 40:6-8 Imi we Pab-kakapurwa-keg-pelgued pemalga choglenonido Pab tule-abono.
30472	1PE 2:6	¿Ibiga an teob chog? Imi Pab Tummad ampa e-kartagin chogmodo: Pe takto, antin pul-akwa-nued chus, tegin an Sióngin we akwa chis, neg abingegal. Tegin meke-ibi-tule we tulegin ibzhenonikil, kwen pinkeguojul-kuo. Is. 28:16
30473	1PE 2:7	Tenal pemal-Pab-Jesúsgin-ibzhemaladga, Pab-Jesús pul ib-nuedga kunoni. Tenal tulemal-Pab-Jesúsgin-ibzhejulmaladgadin, Pab-Jesús poni-tummadga kunonijun, Pab e-kartagin chogzhadyob. Imi tule-neg-chobmalad akwa-mete. Tenal we akwa-meted akwa-pul-chunchogedga kunoni. Sal. 118:22
30474	1PE 2:8	Tegin Pab-kartagin chogbaldo: Tenal tule we akwagin nag-kolmal, tegin we akwa tule-olebal. Is. 8:14 Wedin chogle, tule Pabgin ibzhejulil, we tulega poni-tummad kunoniko. Tenal tule Pab-Jesúsgin-chogzhad ibzhejulmalal, tule-akwagin-aglasmaladyob kunonimalo. Tenal Pab Tummad iktualeba weob we tulegin chogzhado.
30505	1PE 3:14	Tenal pemal immal-nuegan-imajadbal pe yabli wilegel, wedin iwen-kwen-akalzhul, tenal Pabdin yer pe-tako. Imi Pab-kartagin chogdo: Tule-chabzhul-pe-imaked pe melle tobguo, tegin pe ulubgin melle akal-itobalo. Is. 8:12