23416	MAT 8:2	Tegidgin tule-lepra-poni-nikad Jesúsgin-atagedbal Jesús-abir chimtinoni ka chogal: —Tummadye, imi antin kwen penzhuldo pedin unni an-nudagal. Al pe an-nudabiel, akalzhul pe an-nudakoye.
23420	MAT 8:6	Tegin chulub-tummad Jesúsga chogal: —Tummad, an-mos-walgwen yee-pakal mai. Imi we mos abgan-purkwaled nai tegin abgan pela-pela nunumamaibal.
23422	MAT 8:8	Tegin chulub-tummad Jesúsga chogal: —Tummad, imi an kwen unnijul an-neggin pe-abingegal. Al an peichul pe an-negzhe ne. Imi wegin pe chii pe chogzhal an-mos nuguo, an-mos keg-chulgu nuguenab.
23435	MAT 8:21	Tegin tule-Jesúsgin-turdaked-pid Jesúsga chogalmo: —Tummad, an pilal naga pab-taknegwelo. Tegin an-pab-purkwijad-cholbal, kep an pebak nemogo.
23448	MAT 8:34	Tegin tulemal-neg-kweburginmalad itosmalgu tule-nia-nika-nad nugus tegin chinmal ogangusmal, pel-kwapa Jesús-abin-almal. Tegin tulemal Jesús-abingusmalgu, Jesúszhe wilegalmal ka chogalmal: —Jesús, pe anmal-neg-akar pe kannan neenab. Tegin Jesús ulgin nakwisbalzhun.
23450	MAT 9:2	Tegin Jesús aga e-neg-kweburzhe nonigu, tulemal kachigin Jesúszhe tule-abgan-purkwaled-cheinonimal. Tegin Jesús takchagu tule-cheinonimalad egin kwen penzhulmal, Jesús tule-abgan-purkwaledga chogal: —Machi, pe welguma. Pe-iskued pato pelgus.
23454	MAT 9:6	Al pemal mag takegal an-Te-Tule-Chunna iti-napkinga igal-nika tule-iskued eligal, an imisgin tule-yeed-nudanejun. Tegin Jesús tule-yeedga chogalzhun: —Machi, imisgin pe kwisgudo, aga pe kachi olma. Imisgin pe naddo negzhe.
23470	MAT 9:22	Tegidgin Jesús omezhik akpiridgu, ome-takal kwichi. Tegin Jesús omega chogal: —Puna, pe welguma, pe ankin penzhul-kujadbal, pe ilgwen nugus. Tegidgin omega poni ilgwen akunonijun.
23476	MAT 9:28	Tegin Jesús negzhe togzhagu, we tule-walbogid-aku-ataged Jesúszhe nonimal. Tegin Jesús tule-walbogidzhe ekichialzhun: —¿Imi pemal penzhulmal antin unni mag-atagal pe-imagal? Tegin tule-walbogid Jesúsga chogalmal: —Tummad, pedin unnido, mag atagal anmal-imagal.
23681	MAT 14:15	Tegin tad-arkwandanigusgu, e-chapingan Jesúsga chognonimal: —Tummad, ¿Anmal igi we tulemal-imakenabmal-wede? Tenal neg pato chedodanibal. Imi itigin immal kwen nikchul-choggu, al pe we tulemalga chogenab: ‘Pe nemalo,’ we tulemal nabir akalzhul neg-kweburgan-purwiganaje mas-kunned paknemalgal.
23694	MAT 14:28	Tegin Pedro Jesúsga chogal: —Tummad, ¿pe Jesús-julyé? Pe anka igal-ukdo, ti-askin kannamakal peje negal.
23724	MAT 15:22	Tenal Jesús-natapidgin, Cananea-ome-walgwen aka-tégin-maid kolmakal-kolmakal Jesúszhe noni, chogal: —Tummadye, pe David-wagwaye, imi pe wilejakwa an-takelen, nabirinye. Imi an-chiskwadin nia-nikadbal peyedzhe wilemaiye.
23727	MAT 15:25	Tegin ome-Jesús-cholbal-kolmadanikid yabli Jesús-abir chimtinoni, Jesúsga chogal: —Tummadye, pe an-wis-pentakoye, anka puna-nudagalye.
23729	MAT 15:27	Tegin ome Jesúsga chogal: —Tummad, nabir pe chogendo, tenal tule-mesagin-mas-kunpukwadgin chan egwachal, ¿achu nabir kunnojulzhí? Al pe akalzhul an-wis-pentamogoye.
23730	MAT 15:28	Tegin Jesús omega chogal: —Ome, imi pe ankin peyedzhe penzhul-choggu, al pe-anche-immal-ekichijadyob, an pega chiskwa-nudako. Tegidgin apka-pakal ome-e-chiskwa ilgwen nuguszhun.
23763	MAT 16:22	Tegin Pedro itosgu immal Jesúsga kune, pidzhi Jesús-ches. Tegin Pedro Jesúsga chogal: —Tummad, imi pe-chogzhadyob Pab pega melle immal imakelen, nabirin. Tenal pe-imi-chogzhadyob pe kwen wilegojul-kuo.
23773	MAT 17:4	Tegin Pedro Jesúsga chogal: —Tummad, anmal wegin núed pukwamal. Imi pe yer itogel, anmal pemalga kwapá obuneg chobnemal: pega kwagwen, Moisésga kwagwen, tegin Elíasga kwagwenmo.
23784	MAT 17:15	—Tummadye, imi pedin wilejakwa an-machi-takelen, nabirinye. Imi an-machi purkwed-nikadbal peyedzhe wiledii. Tenal we machi impa-impagin purkwialil, chogin agladda, o chulil, tigin arkwattabal.
23817	MAT 18:21	Tegin Pedro Jesúszhe ekisnoni chogal: —Tummad, ¿an-kwenad ankin walmajal, ilabigwa an kwenadga chogenab: ‘Pe-iskued pelgus?’ ¿Ilakugle o chul?
23894	MAT 20:33	Tegin tule-walbogid Jesúsga chogalzhun: —Tummadye, anmal mag atabimalye.
24027	MAT 24:1	Tegin Jesús Pabzhe-koled-neg-akar nodgu, pato nadedgin e-chapingan Jesúsga chogalmal: —Tummad, pe tak, Pabzhe-koled-neg yer-takle-á.
24187	MAT 26:64	Tegin Jesús Judio-tummadga chogal: —Antin, Pab-Machido. Tenal an pemalga chogmodo: pemal imis-akar pe an-takmalo, an-Te-Tule-Chunna Pab-pela-pela-kannaleged-nikad-nuedzhik tule-tummadga chii. Tegin pemal an-takmalbalo nikpa mogil-impabal aktedani.
24261	MAT 27:63	Tegin Judio-tummagan Pilatoga chogalmal: —Tummad, imi anmal ampa wismaldo, we tule-kakanchili-imis-purkwijad ampa tuladgin chogzhagusdo, ede ibapágin kannan tullebalo.
24273	MAT 28:9	Tenal Jesúsdin apka-pakal omeganga nononigu, omeganga chogal: —Anná, tegidde, ¿pemalde? Tegin omegan Jesús-abir chimtinonimal. Tegin omegan palge-palge malibal Jesús-imasmal. Tegin omegan Pab Tummadyob Jesús-otummosmalbal.
24353	MRK 2:24	Tegin Pariseomal Jesúsga chogalmal: —Jesús, pe tak. ¿Ibiga pe-chapingan ulukued-ibegin trigo-kwa kwane-natapmal-wede? Wedin arpaged. Al ulukued-ibegin weob immal-imakeddin izhe.
24360	MRK 3:3	Tenal Jesús tule-chunkal-tinkualedzhe kote chogal: —Kwisgu, tag neg-abaladzhe. Tegin tule-chunkal-tinkualed neg-abaladzhe kwisgunonigu,
24467	MRK 5:34	Tegin Jesús omega chogalzhun: —Puna, pe ulubgin ankin penzhul-kunonikidbal pe nugus. Imidin pe akalzhul negzhe nao; pe poni ilgwen pelgus.
24468	MRK 5:35	Tegin Jesús ampa ome-nugujadbak chunma-kwichidgin, tulemal Jairo-neg-akar nonimal. Tegin tule-nonimalad Jairoga chogalmal: —Jairo, pe-chiskwa pato purkwis. Pe melle Tule-oturdakedzhe pal wilego, pebak negzhe negal.
24560	MRK 7:28	Tegin ome Jesúsga chogal: —Tummad, pe nabir chogendo, ¿tenal nuskan mesagin-mas-kunpukwadgin chan egwachal, achumal nabir kunnojulzhí? Al pe unnimodo, an-chiskwa-wis-pentagalmoye.
24681	MRK 10:24	Tegin Jesús e-chapinganga chogzhadbal, e-chapingan weob pakal pesmal. Tegin Jesús kannan aga e-chapinganga chogalbal: —Masmal, peyedzheá, tule (pirkin manigin pinzheedbal) Pab-neg-takmaidzhe toggal.
24704	MRK 10:47	Tegin Bartimeo Jesús-Nazaretkined-tani itosgu, sapejul kolmakal chogal: —Jesúsye, pe David-wagwaye, imi pe wilejakwa an-takelen, nabirinye.
24845	MRK 14:22	Tegin Jesús aga e-chapinganbak ampa mas-kunpukwadgin madu chus. Tegin Jesús tog-nuedi Pab Tummadga chogzha. Tegin Jesús purwi-purwi madu pipichisgu aga e-chapinganga madu ukcha. Tegin Jesús aga e-chapinganga chogalbal: —Chu, pemal kunmal. Wedin, an-chan. Tegin Jesús-e-chapingan madu kuchamalzhun.
24860	MRK 14:37	Tegin Jesús Pabzhe kochagu, kannan e-chapinganzhe nonibal. Tegin Jesús taknoni e-chapingan pato kabmamimal. Tegin Jesús aga e-chapingan otasgu, Pedroga chogal: —Simón, ¿pemal pato kabbukmalyé? ¿Imi pemal wachilgwen pel atabijulmalyé Pabzhe kolgal?
24929	MRK 15:34	Tegin Jesús wachilapágin sapéjul kolmas, e-kakagin chogal: —Eloi, Eloi, ¿Lema sabactani? (Wedin choglege: An-Pab-Tummadye, An-Pab-Tummadye, ¿ibiga pe an-meteye?)
24992	LUK 1:30	Tegin angel Maríaga chogalzhun: —María, pe melle an-tobguma, Pab Tummad nugu pegin pinzhas.
25090	LUK 2:48	Tegin Jesús-e-pabgan takchagu Jesús tummagan-abalgin chii, weob pakal pesmal. Tegin Jesús-e-nan Jesúsga chogal: —Machi, ¿ibiga pe weob anmal-ima-wede? Imi ani tegin pe-pab pukib-itoged-abalgin pe-aminai, pede igi kus-dewa.
25181	LUK 5:5	Tegin Simón Jesúsga chogal: —Tummad, anmal óipos wegin ua-kananimal, tenal anmal yabli ua-kwen-kaszhul-kusmal. Tenal pe-anka-chogzhadbal an kannan chaki opatnebal.
25188	LUK 5:12	Imi te ibagwengin Jesús neg-kweburgin kudiidgin, tule-walgwen-noni. Tenal we tule lepra-poni nika. Tegin tule-lepra-poni-nikad Jesús-takchagu, askun Jesús-abin akmukutap. Tegin tule-lepra-poni-nikad Jesúszhe wilenaigual chogal: —Tummad, imi antin kwen penzhuldo pedin unni an-nudagal. Tenal pe an-nudabiel, akalzhul pe an-nudakoye.
25304	LUK 7:40	Tenal Jesús wisdo Pariseo igi aga ulubgin pinzhejii. Al Jesús Pariseoga chogal: —Simón, an kakabo pega immal wis chogbido. Tegin Pariseo-Simón Jesúsga chogal: —Tule-oturdaked, pe chogden an pe-itogo.
25306	LUK 7:42	Tenal tule-mani-ibed takchagu we tule-walbogwad keg ega mani-kalenaid penukkus, mani-ibed we tule-walbogidga chogal: ‘Pemal melle anka mani-kalenaid pal penukmalo.’ Tegin Jesús chogalbal: —Simón, imisgin anka pe chogdo: ¿piti tule-mani-kalenai-nad-walbogid pul mani-ibed-pilalguo?
25307	LUK 7:43	Tegin Pariseo-Simón Jesúsga chogal: —Antin, an chog, tule-pul-ichejul-mani-kalenai-nad pul tule-mani-ibed-pilalguo. Tegin Jesús Pariseo-Simónga chogal: —Pe nued chogzhado.
25308	LUK 7:44	Tegin Jesús omezhik akpiridgu, Pariseo-Simónga chogal: —Simón, pe tak we ome. Imi an pe-negzhe tognonigu, pe anka ti kwen ukchajul nag enukkal. Tenal we ome e-imialisgin an-nag wartichas, tegin e-chagla-kiagin an-nag elisbal.
25338	LUK 8:24	Tegidgin e-chapingan kueye-kueye Jesúszhe nonimal Jesús-otagal. Tegin e-chapingan Jesús-otasgu, Jesúsga chogalmal: —Tummad, pe tak anmalbi-ul-togdani. Anmal ogangudanimalbal. Tegin Jesús atasgu, kep purwaga tegin mata-arwedga chogal: —¡Pe wis pogiguma! Tegidgin purwa ilgwen poki nad, tegin mata ilgwen chiale-pesmo.
25359	LUK 8:45	Tegidgin Jesús chogal: —¿Toa an-ebusdé? Tegin tulemal-wal-walgwen Jesúsga chogalmal: —An wichíwa toa pe-ebus. Tegin Pedro Jesúsga chogal: —Tummad, ¿pe takchulzhí tulemal-ichejul pegin yolenanimal? ¿Igi pe wisguo: ‘We tule ankin walmas?’
25362	LUK 8:48	Tegin Jesús omega chogal: —Puna, pe ulubgin ankin penzhul-kunonikidbal, pe nugus. Imisgin pe akalzhul nejunno.
25363	LUK 8:49	Tegin Jesús ampa ome-nugujadbak chunma-kwichidgin, tule-walgwen Jairo-neg-akar noni. Tegin we tule Jairoga chogal: —Jairo, pe-chiskwa pato purkwis. Pe melle Tule-oturdakedzhe pal wilego, pebak negzhe negal.
25383	LUK 9:13	Tenal Jesús aga e-chapingan-walambe-kakabogwadga chogal: —Tagoed. Tenal pemal we tulemalga mas-uked-wilubmal. Tegin e-chapingan Jesúsga chogal: —Tummad, anmal we tulemalga mas-kunned kwen paknejulil, mas-kunned kwen nikchul tulemal-okunkal. Imi anmalga madu-walatal tegin ua-ukabo wis mai. ¿Tede anmal igi tulemal-okunmalo?
25403	LUK 9:33	Tegin Moisés, Elías Jesús-akar nejogalidgin, Pedro Jesúsga chogal: —Tummad, anmal wegin nued pukwamal. Imi anmal pemalga kwapá obuneg chobnemal: pega kwagwen, Moisésga kwagwen tegin Elíasga kwagwenmo. (Tenal Pedro immal-kwen-wichulidgin chunmas, ede ibi chognai.)
25414	LUK 9:44	Tegin tulemal Jesús-machi-nudajadgin ampa weob pakal pejadgin, Jesús aga e-chapinganga chogal: —Machimal, an pemalga-immal-chogoed pe nuekwa itomalo pe melle igemalgal. Imi an-Te-Tule-Chunna tulemalzhe uklenoniko.
25419	LUK 9:49	Tegin Juan Jesúsga chogal: —Tummad, anmal tule-walgwen-takcha pe-nuggin tulegin nia-onodii. Tenal tule-anmal-pakadzhulidbal anmal we tulegin igal-kasmal melle pe-nuggin nia-onogal.
25425	LUK 9:55	Tenal Jesús Jacobo-tegin-Juanzhik akpiridgu, Juanmalga chogal: —Machimal, ¿ibiga pe tule-mejedgin pe chunmanani-wede? Pe weob chunmaked-wilubzhulmal. (¿Pe wiszhulzhí pe ibi-purpa nikamal?
25427	LUK 9:57	Tegin Jesús aga e-chapinganbak ampa igalbal-natapidgin, tule-walgwen Jesúsga chogal: —Tummad, meke-pia pe naódin an pebak nemogo.
25429	LUK 9:59	Tegin Jesús tule-pidga chogal: —Anpak nemalma ankin turdagal. Tegin tule Jesúsga chogal: —Tummad, an pebak nabir naoendo, tenal an pilal naga pab-taknegwelo. Tenal an-pab-purkwijad-cholbal kep an pebak nemogo.
25431	LUK 9:61	Tegin tule-pid Jesúsga chogalmo: —Tummad, an pebak nebimogando, tenal an pilal naga napi kwenamalad taknegwelo. Tenal an kwenamalad-takapid-cholbal kep an pebak nemogo.
25449	LUK 10:17	Tegin Jesús-e-chapingan-wala-tulapá-kakaambe-kakabogwad weligwaledgin kannan Jesúszhe akpirnonimalgu, Jesúsga chognonimal: —Tummad, imi niamalzhe-pakal anmal-pe-nuggin-immal-imajadbal anmalbal ibzhasmal.
25460	LUK 10:28	Tegin Jesús we tulega chogal: —Eye, pe nued chogzhado. Tenal pe chogzhadyob pe naneel, pe ilagwen-nadgu tullego, pe pal kwen purkojul-kuo.
25472	LUK 10:40	Tenal Marta echar-echar-immal-imanaidbal Maríagin Jesúsga chognoni: —Tummad, ¿pe akal kwen takchul, an-urpa an-kwen-pentajul? ¿Ibiga pe keg Maríaga chogde an-wis-penta?
25473	LUK 10:41	Tegin Jesús Martaga chogal: —Marta, imi pe ichejul immalmal-cheedgin pinzheedbal, pe sae-itonai.
25475	LUK 11:1	Imi te ibagwengin Jesús akne Pabzhe-kolnaid pelgusgu, e-chapingan-walgwen Jesúszhe wilenaigual chogal: —Tummad, pe anmal-wis-oturdama Pabzhe-kolgal, Juan aga e-chapingan-oturdajadyob.
25543	LUK 12:15	Tegin Jesús tulemalga chogalzhun: —Wijir, nue aga pe takermal. Pe melle twagdar pel-kwapa immal-peigujiidgin pinzhemalo. Imi tule keg chogel: ‘An ichejul immalmal-nikadbal pirkabal megne.’
25599	LUK 13:12	Tegin Jesús ome-takchagu, omeje kocha eje taggal. Tegin ome Jesúszhe nonigu, Jesús omega chogal: —Mu, pe imis-akar poni-pe-kanikid-akar pe ololgune.
25739	LUK 17:19	Tegin Jesús tule-eje-nonikidga chogal: —Kwisgu, pe akalzhul nejunno. Imi pe ankin-penzhul-kujadbal, pe nugunoni.
25795	LUK 18:38	Tegin tule-aku-ataged sapejul kotegu chogal: —Jesús, pe-David-wagwaye. Imi pe wilejakwa an-takelen, nabirinye.
25798	LUK 18:41	—¿Igi pe pei ante pe-penta? Tegin tule-aku-ataged Jesúsga chogalzhun: —Tummad, antin, an pei, pe anka imia nudaye.
25805	LUK 19:5	Tenal Jesús Zaqueo-chiid inniki-kusgu, nikpa atad. Tegin Jesús Zaqueoga chogal: —Zaqueo, pe ilgwen aktema. Imis an pe-neggin keg-chulgu togenab.
25808	LUK 19:8	Tenal Zaqueo Jesúsbak-pukwadgin kwisgusgu Tummad-Jesúsga chogal: —Tummad, an kakabo pega immal wis chogbido. Imi antin, an-immalmal-nikad an tule-wiledimaladga abal ukne. Tegin an-tulegin-immal-aturzhajad ilabakegwad-wilub an kannan nega uknebal.
25964	LUK 22:31	Tegin Jesús chogalbal: —Simónye, imi nia-Satanás Pab Tummadzhe pe-ekichis, tule aros-ominaidyob pe wilub takegal.
25966	LUK 22:33	Tegin Simón-Pedro Jesúsga chogal: —Tummad, pinche pe koltima. Imi antin kuakwa kudii pebak oturdaleged-neggin mes oturdalegal. Tegin an kuakwa kudibal pebak mes purkwegalbal.
25971	LUK 22:38	Tegin e-chapingan Jesúsga chogalmal: —Tummad, pe tak, wegin es-pilacheed-kabo mai. Tegin Jesús aga e-chapinganga chogalzhun: —Ogus pe chunmamalma, nemal.
25990	LUK 22:57	Tegin Pedro punaga chogal: —Puna, an we tule-kwen-wichul.
26038	LUK 23:34	Tegidgin Jesús chogal: —Pabye, we tulemal-sapejul-an-imananimaladga pe chogo: ‘Pe-iskueddin pelgusye.’ Imi we tulemal immal kwen wichulmal, ibi ankin imananimalye. Tegin chulubmal Jesús-molgin todoalmal, toa pul-melu aga mol chumalo.
26046	LUK 23:42	Tegin tule-immal-aturzheed-e-pakad-abin-imajad Jesúsga chogal: —Jesúsye, imi pe neg-takoed omojal, pe ankin wis pinzhemogoye.
26050	LUK 23:46	Tegin Jesús sapejul kotegu, chogal: —Pabye, an pega purpa ukye, pe an-takegalye. Tegin Jesús weob chogzhagu, ilgwen purkwis.
26133	JHN 1:20	Tegin tule-palmilenonimalad Juan Bautistaje ekichisgu, “¿Pe ibi-tule?” Juan yakir tulemal-kwen-itoszhul. Tenal Juan tule-nonimaladga pakal-pud chogzhado: —Antin, an Cristo-Pab-Tummad-akpene-chogzhad-palmidagoed-tulejul.
26167	JHN 2:3	Tegin machi-ome-nikunaidga vino akunonigu, Jesús-e-nan Jesúsga chognoni: —Machi, tulemalga vino akus. ¿Anmal igi imamalo?
26168	JHN 2:4	Tegin Jesús aga e-nanga chogal: —Ome, ¿ibiga pe anka weob chogdé? Imi anka ampa wilub kwen omojul immal-taktijulid imagal.
26236	JHN 4:11	Tegin Samaritano-ome Jesúsga chogalzhun: —Tummad, pe pormo nikchul ti weigal, tenal ti-ya-akial-chiid-orojulbali. Al pe unnijul ti weigal. ¿Tede pe pia ti-tule-otuloged onogo-adé?
26242	JHN 4:17	Tegin ome Jesúsga chogal: —Ani, an machered-kwen-nikchuli. ¿Tede an igi naga macheredzhe kolnao? Tegin Jesús omega chogal: —Nabir pe chogendo: ‘An machered-kwen-nikchul.’
26274	JHN 4:49	Tegin tule-errey-yalbal-arpaged Jesúsga chogal: —Tummad, nabir pe chogendo. Tenal antin, an peido an-machi ampayo purkweddu, pe an-negzhe wis nao an-machi-nudagal.
26277	JHN 4:52	Tegin machi-e-pab e-mosmalga chogal: —¡Tegil an weli! ¿Tede an-machide ibi-wachigin wis kadi-kunoni-ade? Tegin e-mosmal e-tummadga chogal: —Sae, ibgin-wachilgwengin, uged pe-machiga akinnoni.
26286	JHN 5:7	Tegin tule-yeed Jesúsga chogal: —Tummad, teobdo. Tenal an tule-kwen-nikchul an-chedgal, ti-mumurmanonikoedgin obgal. Tenal an alamanain obnegal, tenal tule-pid an-iktusda antu obgal. Al an keg nugu.
26360	JHN 6:34	Tegin tulemal Jesúsga chogalmal: —Tummad, tegil pe imis-akar anmalga we madu ukodo.
26394	JHN 6:68	Tegin Simón-Pedro Jesúsga chogal: —Tummad, ¿anmal toaje pal nemalo-ade? Imi pedin, pe chunmakedbal anmal-oturdanai, anmal igi nabir ilagwen-nadgu tullegal.
26460	JHN 8:10	Tegin Jesús tullu-chiid kannan inniki chigwisgu, omeje ekichialzhun: —Ome, ¿pia naddé, tulemal-pe-tuktinanimaladdé? ¿Pegin kwen chogzhajul-kus, pe sapejul oturdaleged-wilub?
26461	JHN 8:11	Tegin ome Jesúsga chogal: —Chulá, Tummad. Tegin Jesús omega chogalzhun: —An-pela, an pegin kwen chogojul-kuo, pe sapejul oturdalegenab. Imisgin pe akalzhul pe nejunno. Tenal pe melle iskuedgin pal nanao.)
26483	JHN 8:33	Tegin Judiomal Jesúsga chogalmal: —Anmal, Abraham-e-wagwagan. Tenal anmal tule-pimaladzhe kwen kalesgudijulmal tule-anmal-kasmalad-peiedyob immal imagal. Tenal pedin chogdo, anmal kalejad-akar kep nonemal. Pe kakanma.
26518	JHN 9:9	Tegin tule-wal-walgwen chogalmal: —A-tuledo. Tegin tule-pimalad chogmalmo: —Chulá. We-tule ajuli, pinche ayob-taklege. Tegin tule-nabir-atanonikid aga tukin chogal: —Antin, an mani-ekichii-taed-tuledo.
26547	JHN 9:38	Tegin tule-nabir-atanonikid Jesúsga chogal: —Tummad, an pegin ibzhedo. Tegin tule Jesús-abir chimtisgu, Pab Tummadyob Jesús-otummoal.
26604	JHN 11:12	Tegin e-chapingan Jesúsga chogalmal: —Tummad, ¿imi Lázaro kabidedde, pato nugudanijulzhí? ¿Tede ibiga pe nebidé?
26613	JHN 11:21	Tegin Marta Jesús-abingusgu, Jesúsga chogal: —Tummad, imi pe wegin mailen, an-yai kwen purkwiszhulin.
26619	JHN 11:27	Tegin Marta Jesúsga chogal: —Tummad, an pegin ibzhedo. Tenal an pe-kwen-penzhul, pedin Cristo, Pab-Tummad-Machi. Peed, pe-choglesgujad-iti-napche-tanikoed-tule.
26624	JHN 11:32	Tegin María Jesús-kwichidzhe omosgu, Jesús-taknoni ampa kwichi. Tegin María Jesús-abir-chimtinoni. Tegin María Jesúsga chogal: —Tummad, imi pe wegin mailen, an-yaidin kwen purkwiszhulin.
26626	JHN 11:34	Tegin Jesús tulemalzhe ekichial: —¿Pia pe Lázaro-tigzhamaldé? Tegin tulemal Jesúsga chogalmal: —Tummad, tegil nemaldo taknegal, pia anmal Lázaro-tigzhamal.
26631	JHN 11:39	—Akwa-tummad-chiid, pe onirmaldo. Tegin tule-purkwijad-e-pun-Marta-nugad Jesúsga chogal: —Tummad, ¿ibiga pe akwa onirbidé? An-yai-nugan pato ibabakegus tigles. ¿Pato nun-yapanzhulzhí?
26633	JHN 11:41	Tegin tulemal akwa-tummad-uan-ya-edujiid onirismal. Tegin Jesús nikpa atadgu, chogal: —Pabye, tog-nuedi an pega chogye, Lázarogin pe anka immal imanaidbalye.
26662	JHN 12:13	Al tulemal-Jesús-wisgusmalad uga-ka-annik Jesús-abin-nadmal. Tegin tulemal Jesús-abingusmalgu, kep pulal kolmanatapmal, chogalmal: —Jesúsye, pe-nug otummoledi-kuelen, nabirinye. Imi pedin Pab-nuggin-tanikid-tuleye. Tenal pe Israel-erreyga tanikidbal, Pab Tummad pega immal-nuegan imakelen, nabirbalinye. Sal. 118:25-26
26670	JHN 12:21	Tegin Griegomal Felipeje nonimal. Tenal Felipedin Provincia-Galileagin, Betsaida-neg-kweburgined. Tegin Griegomal Felipeje nonimalgu, Felipeje wilegal chogalmal: —Tummad, imi anmal Jesúsbak chunmabimal.
26678	JHN 12:29	Tenal tulemal-aka-pukmalad teob itosgu, wal-walgwen chogalmal: —Wedin, mar-koledi. Tegin tule-pimalad chogalmalmo: —¿Tegil angel Jesúsga chunmasdé?
26707	JHN 13:8	Tegin Pedro Jesúsga chogalbal: —Tummad, an meke-igi pega igal-kwen-uknejul, pe anka nag enukkal. Tegin Jesús Pedroga chogal: —Imi pe anka igal-kwen-ukchulil an pega nag enukkal, pe anpal-naid-tulejul.
26708	JHN 13:9	Tegin Simón-Pedro Jesúsga chogalbal: —Tummad, imi pe teob chogel, tegil pe melle an-nagbi enukodo. Tenal an-chunkalzhe tegin an-nonoje-pakal pe anka enuko an pega oyogal, an chunchunnad pebal nai.