23288	MAT 4:10	Tegin Jesús nia-saglaga chogal: —Nia-Satanás, pe we-akar pe nema. Pe melle ankin pal yolego. Imi Pab-kartagin nermakal maido: Pab Tummadbi pe Pab Tummadyob otummogenab, tegin pe Pab Tummadgabi pe pél immal imakenabbal. Dt. 6:13
23297	MAT 4:19	Tegin Jesús tule-walbogwadga chogal: —An-ai, pe anpak nemalma, ankin turdagal. Imi pe chakigin ua-kadiidyob pe anka tulemal-amigal, ankin turdagal.
23433	MAT 8:19	Tegidgin Moisés-igalgin-tulemal-oturdaked-walgwen Jesúszhe noni. Tegin we tule Jesúsga chogal: —Tule-oturdaked, pia pe naódin, an pebak nemogo.
23443	MAT 8:29	Tegin tule-nia-nikmalad kolomakal Jesúsga chogalmal: —Pab-Machiye, ¿ibiga pe anmalgin yoledani-wede? ¿Imi pe yo wilub omoeddu, pato pe sapejul anmal-imadaniyé?
23475	MAT 9:27	Tegin Jesús puna-nudajad-neg-akar nosgu, walbo tule-aku-ataged Jesús-cholbal kolmanatapmal chogalmal: —David-wagwaye, pe wilejakwa anmal-takelen, nabirinye.
23596	MAT 12:38	Tegidgin Pariseomal tegin Moisés-igalgin-tulemal-oturdamalad-wal-walgwen Jesúsga chogalmal: —Tule-oturdaked, pe anmalga immal-taktijulid imagweldo, oyogal pedin Pab-akar-tanikid-tule.
23764	MAT 16:23	Tegin Jesús Pedrozhik akpiridgu, Pedroga chogal: —Nia-Satanás, pe we-akar nema. Pedin igal-puledgin an-egwanbi-kual. Tenal pedin Pab-igalgin kwen pinzhejul, pe tule-igalgin pinzhenai.
23847	MAT 19:16	Imi teun takalgu, tule-walgwen Jesúszhe noni, tegin Jesúszhe ekichial: —Tule-oturdaked, ¿ibi immal-nuegan an imakenabdé, an ilagwen-nadgu tullegal?
23957	MAT 22:16	Tegin Pariseomal tule-Errey-Herodezhikmaladbak, aga e-chapingan-palmialmal Jesúszhe. Tegin Pariseo-e-chapingan Jesúsga chogalmal: —Tule-oturdaked, anmal wismaldo, pedin tule-napírra-chunmaked tegin Pab-igalgin napírra tule-oturdabal. Tenal anmal wismalbaldo tule-tummad o tule-pinchegad pega iwen-akalzhul, pedin ib-chunchunnadgin tobe-tobejul chunma.
23965	MAT 22:24	—Tule-oturdaked, imi Moisés anmalga igal-mezhisdo, tule-ome-nikad nuchu-nikchul purkwijal, e-urpadin keg-chulgu e-ia-omega-kujad-nikuenabmo we omebak aga e-ia-purkwijadga nuchu-nikunonigal.
23977	MAT 22:36	—Tule-oturdaked, ¿imi Moisés-igal-mamikid, piti pul-chunchoged?
24173	MAT 26:50	Tegin Jesús Judasga chogal: —An-ai, imi pe aga noni-choggu, imisgin pe imado. Tegin tulemal-Judasbak-nonimalad Jesús-abir kwisgunonimalgu, ilgwen Jesús-kasmalzhun.
24227	MAT 27:29	Tegin chulubmal tub-iko-nikad kwilomasmalgu, Jesús-nonogin iko-kurkin chismalzhun. Tegin chulubmal Jesús-chunkal-nuedzhik Jesúsga kabaston ukchamalbal. Tegin chulubmal yami Jesúsgin todoedgin Jesús-abir chimtinonimal chogalmal: —Judio-erreyye, imi pe ilagwen-nadgu tummadga mailen, nabirinye.
24308	MRK 1:24	—Jesús-Nazaretkinedye, ¿ibiga pe anmalgin yoledanimo-wede? ¿Pe anmal-opelodaniyé? Imi antin pe-wisdo, pedin toa-tule: pedin tule-chwilidikid; pe Pab-Tummad-nuggin-tanikid-tuleye.
24334	MRK 2:5	Tegin Jesús takchagu tule-walbakegwad egin kwen penzhulmal, Jesús tule-abgan-purkwaledga chogal: —An-ai, pe-iskueddin pelgus.
24430	MRK 4:38	Tenal Jesús ul-cholbal, immal-tutugin chagla-aktocha kabmai. Tegin e-chapingan Jesús-otanonimal chogalmal: —Tule-oturdaked, anmal-ul togdani. ¿Pegadin iwen-akalzhul anmal ogangumalo?
24602	MRK 8:33	Tegin Jesús akpiridgu, e-chapingan-pimalad-wagin Pedroga chogal: —Nia-Satanás, pe we-akar pe nema. Pedin igal-puledgin an-egwanbi-kual. Tenal pedin Pab-igalgin kwen pinzhejul, pe tule-igalgin pinzhenai.
24612	MRK 9:5	Tegin Pedro Jesúsga chogal: —Tule-oturdaked, anmal wegin nued pukwamal. Al anmal pemalga wegin kwapá obuneg chobnemal, pega kwagwen, Moisésga kwagwen, tegin Elíasga kwagwenmo.
24624	MRK 9:17	Tegin tule-takpukmalad-walgwen Jesúsga chogal: —Tule-oturdaked, antin pega machi-cheinoni. Tenal an-machigin nia-maidbal an-machi keg chunma.
24645	MRK 9:38	Tegin Juan Jesúsga chogal: —Tule-oturdaked, anmal tule-walgwen-takcha, pe-nuggin tulemalgin niamal-onodii. Tenal we tule anmal-pakamaladzhulidbal anmal we tulegin igal-kasmal melle pe-nuggin nia-onogal.
24674	MRK 10:17	Tegin Jesús nejogalidgin, tule-walgwen Jesúszhe abarmanoni, tegin Jesús-abir chimtinoni, tegin Jesúszhe ekichial: —Tule-oturdaked, pedin tule-nued. ¿Imi an igi imakenab ilagwen-nadgu tullegal?
24677	MRK 10:20	Tegin tule-Jesús-abir-chimtinonikid Jesúsga chogal: —Tule-oturdaked, imi antin toto-akar pe-chogzhadyob nanedii.
24692	MRK 10:35	Tegin Zebedeo-machimal-walbo Jesúszhe nonimal, Jacobo tegin Juan. Tegin we machimal-walbogwad Jesúsga chogalmal: —Tule-oturdaked, anmal peido, pe anmalga immal wis imako.
24705	MRK 10:48	Tegin tulemal-Jesúsbak-natapmalad tule-aku-atagedga chogalmal: —¡Pe melle kolmama! ¡Pe yakir-kuma! Tenal tule-aku-ataged pul-kigma Jesúsga kolmakal chogal: —David-wagwaye, pe wilejakwa an-takelen, nabirinye.
24708	MRK 10:51	Tegin Jesús tule-aku-atagedzhe ekichial: —¿Igi pe pei, an pe-pentakegal? Tegin tule-aku-ataged Jesúsga chogal: —Tule-oturdakedye, antin pei, pe anka imia nudagalye.
24730	MRK 11:21	Tegin Pedro wisgud-nadgu Jesúsga chogal: —Tule-oturdaked, pe tak; sae-pe-wag-islub-chapi-ukapchajaddin pato tinna kwichi.
24756	MRK 12:14	Tegin we tulemal Jesúszhe nonimalgu, Jesúsga chogalmal: —Tule-oturdaked, anmal nued wismaldo, pedin napírra chunma. Tegin anmal wismalbaldo tule-tummad o tule-pinchegad pega iwen-akalzhul, pe tule-kwen-tobzhul. Tenal pe ilgwen pakal-pud-pud Pab-igalgin tulemal-oturdabal. Imi pe inniki-immal-choged-tule-choggu, al anmal peido, pe anka chog. ¿Imi anmal nabir Romano-Tummad-Césarga mani-egwannanimalad penuko o chul?
24774	MRK 12:32	Tegin Moisés-igalgin-tulemal-oturdaked Jesúsga chogal: —Tule-oturdaked, pedin nued imasdo; pe chunchunnad chogzhado: ‘Pab Tummadbi walkwénna mai, Pab Tummad-pid ukin pal kwen nikchul.’
24913	MRK 15:18	Tegin chulubmal yami Jesúsgin todoalmal, Jesúsga chogalmal: —Judio-erreyye, imi pe ilgwen tule-tummadga maielen, nabirinye.
25166	LUK 4:34	Tegin nia sapejul tule-okormasgu, chogal: —Jesús-Nazaretkinedye, ¿ibiga pe anmalgin yoledanimo-wede? Pe melle ankin yolema. ¿Pe anmal-opelodaniyé? Imi antin pe-wisdo, pedin toa-tule: pedin tule-chwilidikid, pe Pab-Tummad-nuggin-tanikid-tuleye.
25196	LUK 5:20	Tegin Jesús takchagu tule-yee-e-ai-cheinonimalad egin kwen penzhulmal, Jesús tule-abgan-purkwaledga chogal: —An-ai, pe-iskueddin pato pelgus.
25304	LUK 7:40	Tenal Jesús wisdo Pariseo igi aga ulubgin pinzhejii. Al Jesús Pariseoga chogal: —Simón, an kakabo pega immal wis chogbido. Tegin Pariseo-Simón Jesúsga chogal: —Tule-oturdaked, pe chogden an pe-itogo.
25408	LUK 9:38	Tegidgin tulemal-pukwad-abalgin tule-walgwen sapejul kolal chogal: —Tule-oturdaked, an-machi-walkwénna-nikadbal an peje wileye, pe an-machi-wis-pentakoye.
25457	LUK 10:25	Tegin te ibagwengin tule-pirkin-Moisés-igal-wijiid arpak kwisgual Jesús-wilub-takegal. Tegin tule-pirkin-igal-wijiid Jesúsga chogal: —Tule-oturdaked, ¿an igi imakel nabir ilagwen Pab-neggin meggal, tegin an melle pal purkwegalbal?
25519	LUK 11:45	Tegidgin tule-Moisés-igal-wijiid-walgwen Jesúsga chogal: —Tule-oturdaked, imi pe-chogzhadyob, pe anmalgin istar chunmanaimo.
25541	LUK 12:13	Tegin tule-pukwad-walgwen Jesúsga chogal: —Tule-oturdaked, imi pe an-iaga chogo: an-pabgad-immalmal-pejad anka abalzhal wis ukmogo.
25621	LUK 13:34	Tegin Jesús chogalbal: —Jerusalén-tolgan, pemal Pab-kaka-palchogmalad-mechamal, tegin pe akwagin tule-peje-palmilegalmalad-mechamalbal. Tenal antin melugus peigujiin pemal-pel-kwapa anche tagmal nuekwa pe-akwegal, kallin-nan aga chakan-tarbal mimmigan-chabogedyob an pemal chabogal. Tenal pemal yabli yapa-kusmal. Al an peyedzhe pukib-itodo.
25775	LUK 18:18	Tegin tule-tummad-walgwen Jesúsga chogal: —Tule-oturdaked, pedin tule-nued. ¿Imi an igi imakenabzhun an ilagwen-nadgu tullegal?
25796	LUK 18:39	Tenal tule-Jesús-iktual-irmamamimalad tule-aku-atagedga chogalmal: —¡Pe melle kolmama! Pe yakir-kuma. Tenal tule-aku-ataged pul-kigma kolmakal chogal: —David-wagwaye, pe wilejakwa an-takelen, nabirinye.
25839	LUK 19:39	Tegin Pariseomal-wal-walgwen-itobukmalad Jesúsga chogalmal: —Tule-oturdaked, pe-chapinganga pe chogma: ‘Melle weob kolmamal.’
25869	LUK 20:21	Tegin tulemal-nonimalad Jesúszhe immal ekichialmalzhun chogalmal: —Tule-oturdaked, imi anmal nued wismaldo, pe tulemal-oturdanaidgin pe napírra inniki chunma. Tegin anmal wismalbaldo, pe tule-kwen-tobzhul, tenal pe ilgwen pakal-pud-pud Pab-igalgin tulemal-oturdabal.
25887	LUK 20:39	Tegidgin Moisés-igalgin-tulemal-oturdamalad-wal-walgwen Jesúsga chogalmal: —Tule-oturdaked, pe yer chogzhado.
26151	JHN 1:38	Tegin Jesús chorzhik akpiridgu walbo tule-takal, e-cholbal tanimal. Tegin Jesús tule-walbogwadzhe ekichial: —¿Ibi pe peimaldé? Tegin tulemal-Jesús-cholbal-tanimalad Jesúsga chogal: —Tule-oturdaked, ¿pia pe maidé?
26191	JHN 3:2	Tenal Nicodemo mutik Jesús-wis-taknoni Jesúsbak chunmagal. Tegin Nicodemo Jesúsga chogal: —Tule-oturdaked, anmal wismaldo, Pab Tummad pe-palmial Pab-igalgin anmal-oturdagal. ¿An igi nabir wiis? Imi Pab-tule-palmialidbi weob immal-taktijulmalad ima. Tenal Pab pebak kudijulilen, pe weob immal-taktijulid kwen imakojulin.
26215	JHN 3:26	Tegin e-chapingan Juanga chognonimal: —Tule-oturdaked, imi tule Jordán-tiwal-opakal pebak kudigujad, tegin pe akpene we tulegin chunmadi-kujad, tigin-tulemal-ognaimo. Tegin tulemal-pel-kwablejal we tuleje irmamaimo.
26256	JHN 4:31	Tegin ome-neg-kweburzhe-naded-impagin Jesús-e-chapingan Jesúsgin wilenaigualmal chogalmal: —Tule-oturdaked, pe mas wis kunkwelma.
26351	JHN 6:25	Tegin tulemal mata opasmalgu, we neg-kweburgin Jesús-onosmal Jesús mai. Tegin tulemal Jesúszhe ekichialmal: —Tule-oturdaked, ¿inkwa pe noni-wede, itije?
26454	JHN 8:4	Tegin Pariseomal Jesúsga chogalmal: —Tule-oturdaked, imi anmal we ome-kasmaldo, machered-pidbak yosgu-kunai.
26461	JHN 8:11	Tegin ome Jesúsga chogal: —Chulá, Tummad. Tegin Jesús omega chogalzhun: —An-pela, an pegin kwen chogojul-kuo, pe sapejul oturdalegenab. Imisgin pe akalzhul pe nejunno. Tenal pe melle iskuedgin pal nanao.)
26469	JHN 8:19	Tegin Pariseomal Jesúsga chogalmalzhun: —¿Teobí? ¿Imi pia pe-pabdéjun? Tegin Jesús Pariseomalga chogal: —An-pela, pe aku an-takmal, an igi pinzhe. ¿An-Pab pulzhun, pe igi wisguo? Imi pe an-nued-wisguelen, pe an-Pab-wisgumalmogan. Pitogua.
26511	JHN 9:2	Tegidgin e-chapingan Jesúszhe ekichialmal: —Tule-oturdaked, ¿we tulede, toa-iskuedbal mimmilejad-akar aku-ata-wede? ¿E-pabganbal o aga tukin?
26897	JHN 19:3	Tegin chulubmal Jesús-abir nonimalgu, Jesúsgin todoalmal chogalmal: —Judio-erreyye, imi pe ilgwen tule-tummadga-mailen, nabirinye. Tegidgin chulubmal twássa Jesús-wagal-ebiosmal.
26951	JHN 20:15	Tegin Jesús Maríaga chogal: —¿Puna, ibiga pe po-wede? ¿Pe toa ami-ade? Tenal María ebinzhe, we tulede, nagnu-taked. Al María Jesúsga chogal: —An-ai, pe we tule-mui-chejal, anka pe chogoma, pia pe ches, an akne tignegal.
27003	ACT 1:11	Tenal we angelmal Jesús-e-chapinganga chogalmal: —Galilea-tolgan, ¿ibi pe nuu nikpa takmal wedega? Imi Jesús-pemal-abalgin-kudigujaddin, imis Pab-negzhe nad. Imis pe igi nikpa-nad Jesús-takchámaldin, Jesús kujal ampa weopí kannan iti-napche nonibalo.
27302	ACT 9:17	Tegin Ananías Saulo-maidzhe nadzhun. Tegin Ananías neg-yabal togzhagu, chunkalgin Saulo-ebus. Tegin Ananías Sauloga chogal: —Kwenad-Saulo, pe igalbal-tanikidgin Pab-Jesús pega nononi. Imi we Jesús peje an-palminoni pe kannan imia mag atagal, tegin pe pela-pela Pab-Purpa-Nued-nikugalbal.
27760	ACT 21:28	Tegin Judiomal-Asia-akar-nonimalad sapejul kolmakal chogalmal: —Israel-tulemal, pe anmal-pentamalo. Imi we tule pel-kwapa-nap-naid-ugakche, anmal-tulegin istar chunmadii, tegin anmal-igal-mamikidgin istar chunmadibal. Tegin we tule istar iti-Pab-Tummadzhe-koled-neggin chunmadi-kusbal. Tegin we tule, iti-Pabzhe-koled-negzhe Griego-tolgan-odosbal. Wedin izhe. Imi we tule iti-neg iwizhas.
27803	ACT 23:1	Tegin Pablo Judio-tummagan-wala-tulapá-kakaambe-abalgin kwisgunonigu, nuu Judio-tummagan-pukwad-takal. Tegin Pablo Judio-tummaganga chogal: —An-aimal, antin imijiidzhe, Pab-wagin immal kwen akaloszhul, tegin an pél nueganbi nanedibal.
27807	ACT 23:5	Tegin Pablo tule-ega-chogzhadga chogal: —An-aimal, an ebinzhe, we tulede tule-irwal-Pabzhe-koled-pul-tummad-chul. Imi Pab-kartagin nermakal maido: Pe melle tule-tummagangin istar chunmako. Ex. 22:28
27808	ACT 23:6	Tegin Pablo takchagu we tulemal-pukmaladde, kwen Saduceo, kwen Pariseo, al Pablo ormakedgin pinnajul chunmakalzhun: —An-aimal, an Pariseo-chunnad, tegin an-pabgan ampamo. Imi an-tule-purkwaled-kannan-tullegoedgin-ibzheedbal pemal anka igal-itonanimal.
27875	ACT 25:11	Imi an immal akalojalen, an akalzhul purkoen. Tegin Pablo chogalbal: —Gobernador-Festo, imi an immal-kwen-akaloszhul-choggu, al meke peed, meke tule-pimalad keg kannan Judiomalzhe an-palmiel. Tegil an peichundo, Romano-Pul-Tummad-César, anka pul igal-itogo.
27916	ACT 26:25	Tegin Pablo Festoga chogal: —Tummad-Festo, an koeleszhul. Imi an-immal-choggwichid, immal napírra, ib-chunchunnad.
27918	ACT 26:27	Tegin Pablo Agripaga chogalbal: —Errey-Agripa, ¿pe Pab-kaka-palchogmalad-chogzhamaladgin, pe ibzhe? An wisdo, pedin Pab-kaka-palchogmaladgin ibzhe.