23216	MAT 1:3	Judáne Fareswakas Zarawakas papihsh azi. Tamarne uspawa akkuhsh azi. Faresne Esrompa papihsh azi. Esromne Arampa papihsh azi.
23222	MAT 1:9	Uzíasne Jotampa papihsh azi. Jotamne Acazpa papihsh azi. Acazne Ezequíaspa papihsh azi.
23223	MAT 1:10	Ezequíasne Manaséspa papihsh azi. Manasésne Amónpa papihsh azi. Amónne Josíaspa papihsh azi.
23226	MAT 1:13	Zorobabelne Abiudpa papihsh azi. Abiudne Eliaquimpa papihsh azi. Eliaquimne Azorpa papihsh azi.
23227	MAT 1:14	Azorne Sodocpa papihsh azi. Sodocne Aquimpa papihsh azi. Aquimne Eliudpa papihsh azi.
23228	MAT 1:15	Eliudne Eleazarpa papihsh azi. Eleazarne Matánpa papihsh azi. Matánne Jacobpa papihsh azi.
23236	MAT 1:23	“Nimpihsh ashampane pɨja wanazi. Usne maza painkul mɨjanazi. Uspane ussa Emanuel munanazi.” (Sun mun kizkane, “au Diosne aukasa uztu” kizmuspas.)
23251	MAT 2:13	Kɨmu izmuruz kaiyarawane, Joséne kainkizpamtuazi. Anpatpa ángelne ussa izpan kit ka kaizta: “Kuhsakti. Nukas pashparakas paiña akkuhshtakas Egipto sura azain ɨrain. Sua nukkulti, na kaiznakima. Herodesne pashpara sainanpain, ussa piantana,” kizta.
23252	MAT 2:14	Joséne kuhs kit pashparakas paiña akkuhshtakas munat kit amtawara pɨpulukis puzat kit Egipto surakima ɨara.
23253	MAT 2:15	Suain nukkulara, Herodes inakima. Egipto sura nukkultɨt akwa, uspane Anpatpa kainammmika kaizta aizpa kiarɨt. Sunkana kaizta: “Nane ap painkulta Egipto suras akwarau.”
23257	MAT 2:19	Herodes irawane, Joséne kainkizpanmɨzta Egipto sura. Suasne Anpatpa ángelne ussa izpan kit ka kaizta:
23542	MAT 11:14	Na kaizta aizpa mɨshitne, Elíaspa mɨrain. An Juanne, Dios pit kainammmikane, Elías i. Diosne ussa ɨninna namta.
23755	MAT 16:14	Uspane sɨnkaara: —Mɨnpazha nune Juan munnammika i kizamtu. Mamaztuzne “nune Elías, ñamin Dios kainammmika i” kizamtu. Mamaztuzne nune Jeremías, ñamin Dios kainammmika, i kizamtu. Mɨnpazha “nune mamaz ñamin uztamika, Dios pit kainammmika i” kizamtu.
23772	MAT 17:3	Masain uspane Moiséstakas Elíastakas izara. Uspa paas Jesúskasa kwinta kiamtazi.
23773	MAT 17:4	Pedrone Jesústa kaizta: “Anpat, kwisha wat tumakpas akkine. Nu pashitne, nane kutña ainki yal sanash. Mazane up, mazane Moiséspa, mazane Elíaspa.”
23779	MAT 17:10	Katmizna paiña kammuruzne Jesústa mɨmaara: —Moisés parɨt aizpa kamtamtuzne “Elías Cristokin, Ampu namtɨtmikakin, an ñancha anazi” kizamtu. ¿Chikishma sun kizamti?
23780	MAT 17:11	Jesúsne sɨnkanara: —Watcha, Elíasne an ñancha atmika azi. Usne awaruza kurunnanazi, wan watsananapa.
23781	MAT 17:12	Nane kaiznamtus. Awa ussa piankamarachikas, Elíasne me arɨt. Uspane uspa kwail kishiarɨt aizpa ussa kiarɨt. Sunkanain awane Ampu namtɨtmikasha naizninat kit piantanazi.
24235	MAT 27:37	Uspane tɨ akkalta paat kit Jesúspa kɨzpu ɨsal pattara. Sun pitne ka kizta: ANNE JESÚS I. USNE JUDÍO AWAWA MIKWA I.
24244	MAT 27:46	Sun kutña urain Jesúsne paiña Hebreo pitkasain tɨnta ka kwianta: “Eli, Eli, ¿lema sabactani?” (Au pitkasain ka kizta: “Ap Dios, Ap Dios. ¿Chishma nawa kwairɨt?”)
24245	MAT 27:47	Mɨnpazha sua puraruzne mɨat kit kaizara: —An ampune Elías kainammmikara akumtu.
24247	MAT 27:49	Mamaztuzne kaizara: —Sun kimun. Elías kiwaina amtuka, izanapas.
24491	MRK 6:15	Mamaztuzne kaizara: —Usne Elías i. Mamaztuzne kaizara: —Dios pit kainammmika i. Usne ñamin Dios pit kainammmikakana i, kizara.
24566	MRK 7:34	Chiyura izaktawane, ayukta tɨnta pshtat kit paiña pitkasa kaizta: “¡Efatá!” kizta. (Sunne ɨnkal awa pitkasa kiztu: “¡Pit ɨsakti!” kizta.)
24597	MRK 8:28	Uspane ussa sɨnkaara: —Mamaztuzne “nune Juan munnammika i” kizamtu. Mɨnpazha “Nune Elías, Dios pit kainammmika, i” kizamtu. Mamaztuzne “Mamaz Dios pit kainammmika i, kizamtu,” kizara.
24611	MRK 9:4	Suane paiña kammuruzne Elíastakas Moiséstakas izara. Ñamin apain uzpailta. Uspane chiyuras ail kit Jesúskasa kwinta kiilta.
24612	MRK 9:5	Suane Pedrone Jesústa kwinta kimɨzta. Us kaizta aizpa wat pianchi akwa, ishkwat akwa. Katmizna usne ka kaizta: —Kamtam, aune wat puramakpas. Kutña ɨranchu sazhain, ukas Moiséskas Elíaskas aukasa tuanpa, kizta.
24615	MRK 9:8	Sun urain kutñaruzne Elíastakas Moiséstakas izarachi. Dios kutñaruza kwinta kitpane, Jesústain izara.
24618	MRK 9:11	Uspane ussa kaizara: —Moisés kaizta aizpa kamtamtuzne ka kaizamtu: “Elíasne Cristokin ñancha anazi. Cristone an kwizta anazi. ¿Elías an ñancha atki?” kizara.
24619	MRK 9:12	Jesúsne usparuza sɨnkanara: —Watcha. Mazane Elíaskana Cristokin ñancha ara, wan nil sanapa, awa Diosta kaiyanapa. Ñamin Dios pit ka parɨt: “Kwail awane nawa, ampu namtɨtmikasha, ilninnanazi. Nawa izshiamanazi,” ka parɨt.
24620	MRK 9:13	Nane umɨza ka kaiznamtus: —Mazane Elíaskana watcha ara. Mamaz awane uspa kiashit aizpa kiat kit ussa piantaarɨt. Sunkana Dios pitta parɨt, kiznara.
24756	MRK 12:14	Uspane ussa aat kit kaizara: —Kamtam. Aune nu watcha paramtu pianmakpas. Nune pailta awara kawarain paranamtu. Nune izmuruzakas aliz awaruzakas kawarain paranamtu, ishkwatchin. Nune awa Dios ɨnintɨtkana uzanapa kamtanamtu. Roma pɨpulura Emperadorne katsa mikwa i. Usne apas awara ɨninnamtu. ¿Mizama kai? ¿Pial ussa tanapas? ¿Pial ussa tamanapas? kizara.
24758	MRK 12:16	Uspane ussa pial karaara. Usne usparuza mɨmanara: —¿Mɨn awa kɨzpuma izamtuas? ¿Mɨn munma pialta parɨt? kiznara. Uspane kaizara: —Au pɨpulu Emperador mikwa kɨzpura izamtuas, kizara.
24759	MRK 12:17	Jesúsne usparuza kaiznara: —Emperadorpa pial ussa tarain. Emperador ɨnintu aizpa kirain. Kawarain Diospa pial ussa tarain. Dios manta kit aizpa mɨrain, kiznara. Uspane paiña pitkasa iztaspaarɨt.
24929	MRK 15:34	Kutña urara Jesúsne Judío pitkasa ka tɨnta kwianta: “Eloi, Eloi, ¿lema sabactani?” kizta. (Awa pitkasa ka kiztu: “Ap Dios, Ap Dios, ¿Chikiztama nawa kwaias?” kizta.)
24930	MRK 15:35	Mɨnpazha kasha panaruzne sun mɨat kit kaizara: —Mɨrain. Elíasta, Dios kainammmikasha, akwantu, kizara.
24931	MRK 15:36	Mazane chihtɨ punta pimpuh karat. Usne vino tain pimpuhta paranta. Usne pimpuhta aks tɨra tat kit ussa kwinta, vino tuk kwanpa. Ussa kwintawane, usne ussa tuij ɨt kit ka kaizta: —Ussa izwizsan. ¿Elíasne Jesústa kurishtas kihshninnasa? kizta.
24979	LUK 1:17	Diospa ɨnintamika amtuchasmin, an Juanne ussa an ñancha ɨnazi, wan watsanpa. Usne an ñancha Elías uzmikakanain uznazi. Dios Sɨnam Izpulne ussa kiwainazi, Diospa tɨnta paranpa. Usne papihshtuza ka kurunnanazi: “Up pashparuza paashirain. Usne kwail awaruza maizninnanazi, wat awakana uzanapa. Suasne awa sunkana kiat kit kamarane, awane Diospa ɨnintamikasha mɨat kit sappanazi.”
25118	LUK 3:24	Joséne Elíwa painkul azi. Usne Matatpa painkul azi. Usne Levíwa painkul azi. Usne Melquiwa painkul azi. Usne Janawa painkul azi. Usne Joséwa painkul azi.
25119	LUK 3:25	Usne Matatíaspa painkul azi. Usne Amóspa painkul azi. Usne Nahúmpa painkul azi. Usne Esliwa painkul azi. Usne Nagaiwa painkul azi.
25122	LUK 3:28	Usne Melquiwa painkul azi. Usne Adiwa painkul azi. Usne Cosampa painkul azi. Usne Elmadampa painkul azi. Usne Erpa painkul azi.
25123	LUK 3:29	Usne Jesúspa painkul azi. Usne Eliezerpa painkul azi. Usne Jorimpa painkul azi. Usne Matatpa painkul azi.
25124	LUK 3:30	Usne Levíwa painkul azi. Usne Simeónpa painkul azi. Usne Judáwa painkul azi. Usne Joséwa painkul azi. Usne Jonampa painkul azi. Usne Eliaquimpa painkul azi.
25127	LUK 3:33	Usne Aminadabpa painkul azi. Usne Adminpa painkul azi. Usne Arniwa painkul azi. Usne Esrompa painkul azi. Usne Farespa painkul azi. Usne Judáwa painkul azi.
25131	LUK 3:37	Usne Matusalénpa painkul azi. Usne Enocpa painkul azi. Usne Jaredpa painkul azi. Usne Mahalaleelpa painkul azi. Usne Cainánpa painkul azi. Usne Enóspa painkul azi. Usne Setpa painkul azi. Usne Adánpa painkul azi. Diosne Adánta sara.
25157	LUK 4:25	Nane umɨza watcha kaiznamtus: ‘An ñancha akkwan ampu irɨt ashamparuzne Israel sura uzara. Sun payu Elíasne tuazi. Kutña año kakwakasa alu kimakane, akkwan awane kwisha yak kiara.
25158	LUK 4:26	Dios Elíasta Israel awaruza kiwainnanapa ɨnintachikas, Diosne ussa Sarepta pɨpulura ɨninta, maza ampu irɨt ashampara kiwainapa. Sidón pɨpulune kasha uz.
25159	LUK 4:27	Nane umɨza an kwinta kiznanash. Eliseo, Dios pit kainammmika, uzasmin, akkwan aya pɨtta ishturuzne Israel sura uzara. Sua turakas, usne usparuza sun ishtu wat paninnarachi. Usne Naamánmin Siria suras awarain paiña ishtu wat paninta.’ ”
25378	LUK 9:8	Mɨnpazha Elías, Dios kainammmika, iztɨt kizara. Mɨnpazha mamaz ñamin ɨlapa irɨt Dios kainammmika mamasa uzninta kizara.
25389	LUK 9:19	Ka sɨnkaara: —Mɨnpazha nune Juan munnammika i, kizamtu. Mamaztuzne nune Elías i kizamtu. Mamaztuzne nune ñamin ɨlapa Dios kainammmika i, kaizamtu. Sunne mamasa irɨttas kuhsninta, kizamtu.
25400	LUK 9:30	Suane Moiséskas Elíaskas, paas an ñancha uzattuzkas, uskasa kwinta kiilta.
25403	LUK 9:33	Paas ampu Jesústas ɨmtazasmin, Pedrone Jesústa ka kaizta: —Kamtam, watmin akki tumakpas. Kutña ɨranchu sanawas: mazane nu akwa, mazane Moisés akwa, mazane Elías akwa, kizta. Pedrone us kwinta kit aizpa pianchi.
26042	LUK 23:38	Paiña kɨzpu ɨsalkin ainki tapɨlakin ka paarɨt: ANNE JUDÍO AWAWA KATSA MIKWA I.
26073	LUK 24:13	Sun payuin paas kammuruzne Jerusalén pɨpuluras puzpailta. Once kilómetro ɨt kit Emaús pɨpulura piannanpain ara.
26134	JHN 1:21	Suasne mamasa kaizat kit mɨmaara: —¿Nune mɨnmas? ¿Elías, Dios pit kainammmikakish? Juanne kaiznara: —Nane chish. Kwizta ussa mɨmaara: —Suasne, ¿Nune mamaz wat kainammumikakish? Usne sɨnkanara: —Nane chish.
26138	JHN 1:25	—Nu Dios watsat mɨlmumika chine, Elías chine, kainammumika chine, ¿Chikishma munnanamtus?
26212	JHN 3:23	Juankas Enón pɨpulura, kasha Salím pɨpulura, munnamɨzta. Suane akkwan kwazi wa. Awa us tukin wanmakkakane, Juanne usparuza munnanara.
26646	JHN 11:54	Katmizna Jesúsne Judío awa ɨninturuz purakin izpanarachi. Usne Judea sukis puz kit Efraín pɨpulura ɨt. Sun pɨpulu pul su kashakin uz. Sua nukkulta paiña kammuruzkasa.
26913	JHN 19:19	Pilatone an pit panapa ɨninta, kurishta patnapa. An pitne ka parɨt: AN JESÚSNE NASARET PƗPULURAS AZI. USNE JUDÍO AWAWA ƗNINMIKA I.
27027	ACT 2:9	Apane awa purai: Partia suraskas Media suraskas Elam suraskas Mesopotamia suraskas Judea suraskas Capadocia suraskas Ponto suraskas Asia suraskas
27028	ACT 2:10	Frigia suraskas Panfilia suraskas Egipto suraskas Libia suraskas kashara Cirene pɨpulura Roma pɨpuluras awakas apain pura.
27175	ACT 6:5	Wanne sun nɨjkulat kit awara nanara. Estebanne wat nɨjkulta. Sɨnam Izpulne ussa pizta. Felipekas Prócorokas Nicanorkas Timónkas Parmenaskas naarɨt. Nicoláskas naarɨt. Usne an ñamin Antioquía suras at kit Judío awakana namtɨt.
27178	ACT 6:8	Estebanne irɨttuza kakulninnara. Ishturuza wat paninnara. Saliz piztɨttuza puzninnara. Iztasparɨt kal kimɨzta, awa Diosta piankamanapa. Diosne ussa nat kit tɨnta kiwainta, awa iztakin paiña iztasparɨt kal kinpa.
27179	ACT 6:9	Suasne mɨnpazha Judío kammu yaltas Estebanta tɨnta mɨmaamɨzta. An kammu yalne chɨhtmumikawa kammu yal muntɨt. Uspakas Cirene pɨpuluras awakas Alejandría pɨpuluras awakas Cilicia pɨpuluras awakas Asia suras awakas sua wanmakkara. Sun ampuruzne Estebanta tɨnta kwinta kiamɨzta.
27180	ACT 6:10	Sɨnam Izpulne Estebanta kiwainta, usparuza nil kwinta kinpa. Uspane ussa wat sɨnkaarachi.
27182	ACT 6:12	Sunkana awakas ɨlapa ɨnintuzkas Moisés kaizta aizpa kamtamtuzkas Estebanta pilchapuzamɨzta. Uspane ussa azain ɨat kit pizat kit ɨlapa ɨnintuzpa wanmaktɨtkin mɨlara.
27185	ACT 6:15	Suasne ɨnintuzkas sua wan uztuzkas Estebanta izara. Ussa izamtuasmin, uspane paiña naztam matsɨhta izara. Ángel matsɨhkanain iztɨt izara.
27186	ACT 7:1	Suasne katsa pariyane Estebanta ka mɨmara: “¿Nawa uspa kaizara aizpa watcha ki?” mɨmara.
27194	ACT 7:9	Au Jacobpa painkultuzne au pampawa irɨt kwal mai. Uspa Joséra aliz kulat kit izashitchi akwa, uspane ussa mamaz awaruza paininñara, Egipto sura mɨlnapa.
27195	ACT 7:10	Diosne ussa kiwain kit wan kwailtas puzninta. Joséne piankam kit Faraónpa izmumika namta. An katsa mikwane Egipto sukin ɨninta. Usne Joséra nara, Egipto surakas paiñain yaltakas ɨninnapa.
27196	ACT 7:11	Suasne Egipto surakas Canaán surakas kumira wachi akwa, awane yak kiat kit naizara. Suane au ñamin papihshtuzne chi kumanamara.
27197	ACT 7:12	Jacob chara pippa Egipto sura wa mɨrawane, usne paiña painkultuza, au an ñancha kwal uzturuza, ɨninnara.
27198	ACT 7:13	Uspa paakima ɨarawane, Joséne paiña aimpihshtuza ussain piankamninta. Sunkanain Faraónne, Egiptokin katsa mikwane, Joséwa kwal piankamta.
27200	ACT 7:15	Sunkanain Jacobkas paiña kwalkas Egipto sura uzna ɨarɨt. Uskas au an ñancha kwalkas ta iarɨt.
27202	ACT 7:17	An ñamin Diosne Abrahamta sun su mɨlan namta, sun su sapnapa. Sun payu taiznapain pakane, Israel awane Egipto sukin an akkwan namara.
27203	ACT 7:18	Suasne mamaz mikwane, Joséra pianchimikane, Egipto sukin ɨninmɨzta.
27206	ACT 7:21	Kutña mish pailtawane, uspane Moisésta yal pianamal talaij ɨnpa ɨninta. Faraónpa, Egipto mikwawa pashune ussa chak kit paiña painkulkanain kawirara.
27207	ACT 7:22	Katmizna uspane Moisésta Egipto awa pian aizpa kamtaninta. Usne kwisha tɨnta awa namta. Paramtune, usne watsal kaizta. Chiwazha kal kitne, usne watsal kira.
27209	ACT 7:24	Suasne usne maza Egipto awa paiña kwalta kwail kimtu izta. Katmizna Moisésne paiña kwalta pakpana ɨra. Usne Egipto awara il kit piantara.
27213	ACT 7:28	Nune anchik Egipto awara piantara. ¿Nawakas piantashimtukish?’
27219	ACT 7:34	Nane ap awa Egipto sukin kwisha naizamtu pianish. Nane uspa azamtu aizpa mɨnat kit chiyuras kihshtau, usparuza chɨhtnana. Nawa mɨzha. Nane nua Egipto sura ɨninnash,’ kizta.
27221	ACT 7:36	Moisésmin au kwaltuza Egipto suras ukkat mɨlnara. Dios ussa kiwainta akwa, usne Egipto surakas kwanam pimarakas pul surakas cuarenta añokima iztasparɨt kal kiara, uspa Diosta piankamanapa.
27224	ACT 7:39	Au an ñancha kwalne Dios kaizta aizpa mɨashitchi. Ussa izashitchi akwa, uspane Egipto surain kaiyashira.
27225	ACT 7:40	Suasne uspane Aarónta paikwat kit kaizara: ‘Nune mamaz dios sari, au iztakin an ñancha ɨnpa. Moisés aumɨza Egipto suras mɨlnarakas, aune ussa chima kirɨt pianchimakpas.’
27239	ACT 7:54	Sun mɨarawane, uspane pilchapuzaat kit Estebanta aliz pit paraara.
27240	ACT 7:55	Sɨnam Izpul ussa piztuasmin, Estebanne chiyura izak kit Diosta naztamkana iztɨt izta. Usne Jesús pana Dios ɨninmakin izta.
27241	ACT 7:56	Suasne Estebanne ka kaizta: —Iztain. Nane chiyura kai iztus. Nane Dios Painkulta Diospa mamin ɨnintukin iztus, kizta.