23214	MAT 1:1	Jesucristowa kwal an ñamin kwal uztuza wian kit ka munara: Davidpa kwalkas Abrahampa kwalkas.
23219	MAT 1:6	Isaíne katsa ɨninmika Davidpa papihsh azi. Katsa ɨninmika Davidne Salomónpa papihsh azi. Usne Uríaspa ashampara mɨlta. Uríaspa ashampane Salomónpa akkuhsh azi.
23230	MAT 1:17	Sunkanain catorce kwaltuzne Abramtas Davidtakima uzat kit ka munara. Davidtas Babilonia awa Judío awaruza piznat kit mɨlnarakima, mamaz catorce kwaltuzne uzara. Sun payuras mamaz catorce kwaltuzne uzara, Dios nɨrɨtmika kawinakima.
23233	MAT 1:20	Sun mintuasmin, pitmɨzta. José kainkizpamtuasmin, Anpatpa ángelne Joséra ka kaizta: —Mɨza. Nune Davidpa kwal i. Nune Maríara mɨlna ishkumun, up ashampa namnapa. Maríane sun painkul mɨjanpai, Sɨnam Izpul akwa.
23475	MAT 9:27	Suas puztawane, paas kasu izsachiruzne ussa kanpail kit ussa tɨnta kwianpailta: —Aumɨza mɨzhain. Davidne up antikwa pampawa papihsh ara. Nu mikwa Davidpa kwal akwa, nu Diospa nɨrɨtmika akwa, aumɨza kiwainchain, kizpailta.
23561	MAT 12:3	Usne sɨnkanat kit mɨmanara: —Katsa mikwa Davidkas paiña izmuruzkas ñamin yak kiara. ¿Une uspa kiara aizpa pɨnkɨhta izamanas?
23581	MAT 12:23	Wan awane iztaspaat kit mɨmaara: “¿Usne Davidpa kwal ki? ¿Dios ɨnintamika ki?”
23599	MAT 12:41	Ilmu payu taizkane, Nínive pɨpulura uztuzne ma payu uztuza kwail kiarɨmti kiznanazi. Jonás Nínive pɨpulu uztuza Dios pit kaiznakane, Nínive awane Jonás kaizta aizpa nɨjkulat kit uspa kwail kiarɨt aizpa maizat kit Diosta kaiyara. Nane Jonáskin anza tɨnta ish. Une nawa nɨjkulamtuchi.
23724	MAT 15:22	Cananea suras ashampane sun sura uzta. Usne Judío awa chi. Usne Jesús tukin ɨt kit ka kwianta: —Anpat. Nawa mɨzha. Nune ñamin ɨnintamika Davidpa kwal i. Nawa kiwaincha. Kwail saliz ap pashura pizta akwa, ap pashune kwisha naizmɨztui, kizta.
23808	MAT 18:12	Sun kwinta mɨrain. Maza ampune cien pɨriku mɨj. Maza pɨriku karɨkane, pɨrikuwamikane noventa y nueve pɨrikuruza ɨzara kwaittarɨt kit maza pɨriku karɨtmikara saimɨztu.
23809	MAT 18:13	Karɨt pɨrikura wanmaltane, usne sun pɨriku akwa anza wat kultɨt uz. Usne noventa y nueve pɨriku kaarachiruzpa wemin mintu.
23864	MAT 20:3	Nueve urara pakane, usne awa wanmakchamkin ɨt kit awa kal kishimturuza sainara.
23891	MAT 20:30	Suane paas kasu izsachiruzne mikin uzpailta. Jesús pɨntu mɨmtazasmin, paasne kwianpailta: —Anpat. Nune Ɨninmika Davidpa kwal i. Aumɨza kiwaincha.
23892	MAT 20:31	Mamaz awaruzne usparuza chinkas kaizmun kiznara. Sun kaizarakas, uspane an tɨnta kwianpailta: —Anpat. Nune Ɨninmika Davidpa kwal i. Aumɨza kiwainchain.
23896	MAT 21:1	Jerusalén pɨpulura piannanpain. Betfagé pɨpulura piannachasmin, uspane Olivos ɨzara kunnara. Jesús paas kammuruza akwanat kit ɨninnat kit
23904	MAT 21:9	An ña ɨmtuzkas an kwizta ɨmtuzkas ka kwisha watsal kwianamɨzta: “An Diospa ɨninmikane, an Davidpa kwalmikane, kwisha wari. An ñamin Davidne mikwa azi. Au Anpatne kwisha wari. Chiyuras Diosne kwisha wari,” kizara.
23910	MAT 21:15	Katsa pariya ɨnintuzkas Moisés kaizta aizpa kamtamtuzkas Jesús iztasparɨt kal kit aizpa izara. Pashparuzkas katsa Dios yalkin ka kwianara: “David ɨninmikawa pampa pashpane kwisha wari.” Judío awa ɨnintuz sun mɨarawane, uspane Jesústa aliz kulat
23939	MAT 21:44	An ukta naintumikane pak pak kɨztɨnazi. Uk mɨnpazhara taiztane, ussa kɨrɨnazi. Nane an ukkana ish. Nawa aliztuzne naizarɨnazi, pak pakkanain namanakima. Nawa kiakpɨnturuzne wan kaat kit polvokana namarɨnazi.”
23983	MAT 22:42	Jesúsne mɨmanara: —Une ¿Chi Ampu namtɨtmikawa minñamtu? Usne ¿Mɨnma painkul i? Uspane sɨnkaara: —Usne Davidpa kwalpa painkul i. Usne ñamin mikwa Davidpa kwaltas kawira.
23984	MAT 22:43	Suasne Jesúsne kaiznara: —Dios Izpulne Davidta minninta, Cristo ap Anpat i kiznapa. ¿Chikishma sun kiztɨt?
23985	MAT 22:44	Davidne ka kizta: “Diosne ap Anpatta ka kaizta: Nune nakasa ap ɨnintukin uzti, Wan aliz awaruza ɨninnanakima.”
23986	MAT 22:45	Davidne “Cristo ap Anpat i” kizta. ¿Davidpa painkulkas ashinaki?
24029	MAT 24:3	Suasne Jesúskas paiña kammuruzkas Olivos tɨ kunkin ɨzara nuara. Jesús sua uzasmin, paiña kammuruzne paimpa kaizara: —Aumɨza kainazhain. ¿Miza urama sun kirɨnsa? ¿Nu mamasa kailtuchasmin, au sukin chima kirɨnasa? Wan minpa payura ¿chima kirɨnsa? kizara.
24150	MAT 26:27	Suasne usne maza vino waz piz kit Diosta aishtaish kizta. Waz annamtuasmin, kaiznara: —Une an waztain wan kwarain.
24151	MAT 26:28	An vinone ap aimpi i. Na imtu akwa, Diosne ukasa masas contrato kin namtɨnazi. Ap aimpi puztu akwa, nane akkwan awa kwail kiarɨttuza wat kulnanash.
24152	MAT 26:29	Nane an vino kumanash, ap Taittawa ɨnintukin napnakima. Suane aune mamasa kuiznawas.
24153	MAT 26:30	Kanta kizarawane, uspane Olivos tɨ kun ɨzara nuara.
24232	MAT 27:34	Suane uspane Jesústa tain vino kwanpa kwinñara, ishmanpa. Kwaiztawane, usne chinkas kwashitchi.
24246	MAT 27:48	Sun urain mazane usparuztas ãĩn ɨt kit pimpuh kana ɨt. Pimpuhta tain vinokasa parantawane, an ampune pimpuh tɨkin tat kit Jesústa kashara nuninta, tuknapa.
24343	MRK 2:14	Tas pimawarain pɨntawane, usne Levíra, Alfeowa painkulta, izta. Sun awane Roma gobierno pial sapmukin uz kit kal kira. Jesúsne ussa ka kaizta: —Kanpazha, ap kammumika namnapa, kizta. Usne kuhsak kit Jesústa kwizpa ɨra.
24344	MRK 2:15	Jesúsne Levíwa yalta ɨt kit uskasa kuantuazi. Akkwan Roma gobierno pial sapmuruzkas, kwail kimtuzkas misharɨra uzat kit kuara, Jesúskasa paiña kammuruzkasa. An akkwan sun awakanane ussa kanpaat kit kamashimtu.
24354	MRK 2:25	Jesúsne usparuza kaiznara: —Une Dios pɨnkɨh izara. Ñamin Davidne paiña izmuruzkasa yak kiarɨt.
24355	MRK 2:26	Usne Dios yalta napta. Abiatar katsa pariya uzkane, Abiatarne an pan Diosta tara aizpa ussa kwinta. Antikwa kamtam ka kizta: “Sun pan pariyaruzpain kuamtu. Mamazne kwasachi,” kizta. Davidne kwat kit izmuruza kwinnara. Usne kwail kitchi, kiznara.
24621	MRK 9:14	Ɨzaras kihsharawane, uspane sun nueve kammuruzkasa mamasa wanmakkaara. Akkwan awane sun nueve kammuruzkasa wanmakkaarɨt. Moisés kaizta aizpa kamtamtuzne usparuzkasa tɨnta kwinta kiarɨt.
24704	MRK 10:47	Mɨnpazha ussa ka kizara: —Jesúsne, Nazaret pɨpuluras, kasha amtui, kizara. An mɨkane, Bartimeone kwian kit ka kaizmɨzta: —¡Jesús, Davidpa pampa, nawa kiwaincha! kizta.
24705	MRK 10:48	Akkwanne ussa kaizara: —Kwianmun. Puñain, kizara. Sun akwa an tɨnta kwian kit kaizta: —Davidpa pampa, nawa kiwaincha, kizta.
24710	MRK 11:1	Jesúskas paiña kammuruzkas kasharakima Jerusalén pɨpulura pianaara. Betfagé pɨpulukas Betania pɨpulukas an kashain uz. Maza ainki ɨzane kaiwarain tu. Sua akkwan olivos tɨ warɨt. Jesúsne paas kammumikasha ɨnin kit kaiznara:
24719	MRK 11:10	Diosne nua ɨninta, awaruza kiwainnapa. Nune au pampa David mikwakana ɨninnazi. Diosne, chiyura uzmikane, kwisha wari,” kizara.
24777	MRK 12:35	Jesúsne Dios katsa yalkin awara kamtanat kit kaiznara: —Moisés kaizta aizpa kamtamtuzne “Cristone Davidpa kwal i” kizamtu. ¿Chikishma sun kaizamtu?
24778	MRK 12:36	Davidne, Dios Sɨnam Izpul akwa, ñamin kaiz kit “Cristone ap Anpat i”, parɨt: “Diosne Cristora ka kaizta: ‘Ap makin uzti, nakasa ɨninnapa, nua aliztuza anuppanakima,’ ” kiznara.
24779	MRK 12:37	Ñamin Diosne Cristora ka kaizta: Davidne “Cristo ap Anpat i” kiztui. Katmizna Cristone Davidpa kwalkas Davidpa Anpatkas i, kiznara. Sunkana Jesúspa usparuza kamtanara akwa, kwisha akkwan awane ussa wat mɨashira.
24789	MRK 13:3	Jesúskas paiña kammuruzkas ainki ɨzara, akkwan olivos tɨ warɨtkin piannaat kit uzara. Uspane ainki ɨzakis Dios katsa yalta izara. Pedrokas Santiagokas Juankas Andréskas paimpa ussa ka mɨmaara:
24846	MRK 14:23	Suasne usne maza waz vinokasa piz kit Diosta aishtaish kiztawane, usparuza kwinnara. Wan kuara.
24847	MRK 14:24	Usne usparuza kaiznara: —An vino sap kumtune, ap aimpi puztɨt mintain. Diosne ap aimpi akwa awaruza watsat mɨlnanara, uspa kwail sɨnam sananapa.
24848	MRK 14:25	Watcha kaiznamtus. Apane wankail vinone mamasa kumanash. Chiyura nurawane, nane Dios ɨnintukin mamasa kwanash, kiznara.
24849	MRK 14:26	Kanta kizarawane, uspane ainki ɨzara nuara. Sun ɨzane Olivos mun.
24918	MRK 15:23	Mamazne ussa vino pihkasa kwinta. Sun pihne mirra mun. Usne kwashitchi.
24920	MRK 15:25	Nueve urara ussa kurishta iru patpian kit piantara, inapa.
24931	MRK 15:36	Mazane chihtɨ punta pimpuh karat. Usne vino tain pimpuhta paranta. Usne pimpuhta aks tɨra tat kit ussa kwinta, vino tuk kwanpa. Ussa kwintawane, usne ussa tuij ɨt kit ka kaizta: —Ussa izwizsan. ¿Elíasne Jesústa kurishtas kihshninnasa? kizta.
24937	MRK 15:42	Jesúsne viernes nashka irɨt. Viernes payura sun Judío awane kumira ainamɨzmu, sábado payu ainamanpa.
24982	LUK 1:20	Mane mɨri. Nu na kaizta aizpa nɨjkultachi akwa, nune paramanazi, up painkul kawinakima. Nueve mish pailka, sun kirɨnazi.
24989	LUK 1:27	maza nimpihsh ashampara kwinta kinpa. Usne María munta. Mama ampukasa pittachi. Usne maza ampura kasara kin namtɨt azi. Sun ampune José munta. Paiña ira pampa Davidne mikwa arakwain.
24994	LUK 1:32	Usne tɨnta namnazi, chiyuras amtu akwa. Usne chiyuras Dios Painkul munnazi. Anpat Diosne ussa Davidkin anza katsa mikwakana namnazi, Davidkanain ɨninapa.
25031	LUK 1:69	Usne tɨnta watsat mɨltamikasha ɨninta. Sun kiwainmikane ñamin pampa Davidpa kwal i.
25046	LUK 2:4	Suasne Joséne Galilea suras Nazaret pɨpuluras ɨt kit Judea sura nura, Belén pɨpulurakima. Katsa mikwa Davidne ñamin sua kawira. Joséne Davidpa kwal azi.
25053	LUK 2:11	Mɨrain. Ma payu watsat mɨlmumikane Davidpa pɨpulura nishta. Sun Anpatne Dios nɨrɨtmika i.
25118	LUK 3:24	Joséne Elíwa painkul azi. Usne Matatpa painkul azi. Usne Levíwa painkul azi. Usne Melquiwa painkul azi. Usne Janawa painkul azi. Usne Joséwa painkul azi.
25124	LUK 3:30	Usne Levíwa painkul azi. Usne Simeónpa painkul azi. Usne Judáwa painkul azi. Usne Joséwa painkul azi. Usne Jonampa painkul azi. Usne Eliaquimpa painkul azi.
25126	LUK 3:32	Usne Davidpa painkul azi. Usne Isaíwa painkul azi. Usne Obedwa painkul azi. Usne Boozpa painkul azi. Usne Salawa painkul azi. Usne Nassónpa painkul azi.
25203	LUK 5:27	Pɨpuluras puztawane, Jesúsne Levíra, Roma gobierno pial sapmu yalkin izta. Levíne Roma gobierno pial sapmumika azi. Jesúsne ussa kaizta: —Nakasa at. Nawa kanpazha, kizta.
25204	LUK 5:28	Suasne Levíne tas kuhsak kit wansɨh chɨhkat kit ussa kanpara.
25205	LUK 5:29	Suasne Levíne Jesús akwa paiña yalta pishta sat kit akkwan kumira sat kit akkwan pial sapmuruzakas mamaz awarakas nailnara, pareju kuanapa.
25213	LUK 5:37	Mɨnminkas masas vino pɨtta kalpa ayara winsachi. Sunkana wintane, masas vinone aya pɨttara pihshat kit vino puztɨm. Ayakas karɨnazi.
25214	LUK 5:38	Masas vino sultane, masas ayara wintawa.
25215	LUK 5:39	Akkwan añokima vino sultɨt mɨjne, mɨnminkas masas vino kukain. Tainne an wat kizmu, kizta.
25218	LUK 6:3	Jesúsne usparuza sɨnkanara: —Au an ñamin mikawa Davidkas paiña izmuruzkas yak kiakane, uspane kuara. ¿Sun kwinta iztamakkiwas?
25297	LUK 7:33	Juan, pira munnammika akane, usne akkwan kumirakas vinokas kwatchi. Sun akwa, une ‘Salizne ussa piztɨt,’ kaizamtu.
25298	LUK 7:34	Ampu namtɨtmikane kumirakas vinokas kwarɨt. Sun akwa, une uspa kaizamtu: ‘Izti. Usne akkwan kumira kumtu. Pirɨt cha. Paiña izmuruzne Roma gobierno pial sapmuruzkas kwail kimtuzkas mai,’ kizamtu.
25464	LUK 10:32	Kawarain maza ampune, Levíwa kwaltas, us tukin at kit ussa iztawane, us tumakin pɨntɨt.
25466	LUK 10:34	Usne ampu tura ɨt kit us aim kirɨtkin pihshpikas vinokas nɨra, wat panapa. Us aim kirɨtkin pĩn iptawane, usne ussa paiña caballora uzninta. Pitmu yalta karatpane, usne ishtura kiwainta.
25504	LUK 11:30	Jonásne Nínive pɨpulura uztuza Dios pit kainanara. Kawarain Ampu namtɨtmikane ma uztuza Dios pit kainanamtu.
25506	LUK 11:32	Ilnamtu payu taizkane, Nínive pɨpulura uztuzne ma uztuza kwail kiamtu kiznanazi. Jonás usparuza Dios pit kaiznarawane, uspane mɨat kit maizat kit kwail kiashitchi. Mane nane Jonáskin anza tɨnta ish.”
25653	LUK 14:31	An mɨrain. Katsa mikwane mamaz katsa mikwara waya kishitne, an ñancha usne ka min kit mɨmamtu: ‘Mamaz katsa mikwa veinte mil awa mɨjne, ¿nane diez mil awakasa waya kitne, kana kishinasa?’
25661	LUK 15:4	“Mɨnpazha cien pɨriku mɨjazi. Maza pɨrikune ɨnkalpara karɨt. Noventa y nueve pɨriku chɨhkarawane, pɨrikuwamikane ɨmtu, pɨriku karɨtta sainakima.
25737	LUK 17:17	Suasne Jesúsne mɨmara: —Diez aya pɨttɨt ishturuza kakulninnarau. ¿Mamaz nueve ampu mɨntama purai?
25795	LUK 18:38	Suasne usne ka tɨnta akwara: —Jesús, nune au ñamin Davidpa pampa pashpa i. Nawa iz kit kiwaincha.
25796	LUK 18:39	An ñancha ɨmturuzne ussa kurunaara, kalpain uznapa. Usne an tɨnta akwat kit kaizta: —Jesús, nune au ñancha Davidpa pampa pashpa i. Nawa iz kit kiwaincha.
25829	LUK 19:29	Betfagé pɨpulurakas Betania pɨpulurakas kasha akane, Olivos ɨzara piannaara. Jesúsne paas kammuruza ɨninnat kit usparuza kaiznara:
25837	LUK 19:37	Olivos ɨzara pɨnarawane, Jerusalén pɨpulura piannamtuasmin, kwisha akkwan kammuruzne wat kulamɨzta. Jesús iztasparɨt kal kit aizpa izara akwa, uspane ka tɨnta kaizara: “Diosne kwisha wari.”
25889	LUK 20:41	Jesúsne mɨmanara: —¿Chikishma awane “Cristo Davidpa painkul i,” kizamtu?
25890	LUK 20:42	Davidne sunkana kanta pɨnkɨhta pat kit “Cristo Anpat i,” kizta. Ka parɨt: “Diosne ap Anpatta kaizta: ‘Nune ap makin uztui.
25892	LUK 20:44	Davidne ussa “ap Anpat i” kizta. ¿Uskas pampa Davidpa painkul ki?
25932	LUK 21:37	Jesúsne pailta payuwara Dios katsa yalta kamtanara. Amtawara usne pɨpuluras puz kit Olivos ɨzara uzta.
25950	LUK 22:17	Taza piztawane, Diosta aishtaish kiztawane, Jesúsne kaiznara: —An taza sap kit vino pi uruza nailtain.
25951	LUK 22:18	Uruza kaiznamtus. Makis an sukin an vino pi kumanash, Dios ankima, Dios ɨnintukin, paiña kwaltuza ɨninnana. Suasne sua mamasa sun kwanash.
25953	LUK 22:20	Kapal kuarawane, usne taza piz kit kaiznara: —An vino pi ap aimpi i. Ap aimpi puzkane, nane u akwa irɨnazi, u kwail kiarɨt aizpa wat kulnana. Sunkana ñamin Diosne kin namta, u kwail kiarɨt aizpa wat kulnana.