23233	MAT 1:20	Sun mintuasmin, pitmɨzta. José kainkizpamtuasmin, Anpatpa ángelne Joséra ka kaizta: —Mɨza. Nune Davidpa kwal i. Nune Maríara mɨlna ishkumun, up ashampa namnapa. Maríane sun painkul mɨjanpai, Sɨnam Izpul akwa.
23416	MAT 8:2	Aya pɨttɨtmikane Jesústa kasha at kit Jesús iztakin wakpuj wain kit ka akwara: —Anpat. Ap ña ishtu nawa namtashitne, namtazha, kizta.
23418	MAT 8:4	Jesúsne ussa kaizta: —Mɨri. Nu wat parɨt aizpa mɨnainkas kainamman. Na kaiztu aizpa kitpa. Judío pariyara ɨt kit Moisés mɨlan ɨninta aizpa mɨlatpa. Sun kitpane, wan awane nu wat namtɨt piankamanazi.
23560	MAT 12:2	Fariseo awa sun izarawane, Jesústa kaizara: —Izti. Up kammuruzne kal kiamtu. Kwaizkultu payura kal kinchi.
23659	MAT 13:51	Jesúsne mɨmanara: —¿Une sun kamtam wan mɨamtukiwas? Uspane sɨnkaara: —Watcha. Mɨanash, kizara.
23681	MAT 14:15	Tɨl pamɨzkane, nashmɨzkane, Jesúspa kammuruzne us tukin aat kit kaizara: —Nashtɨmtui. Akkine mɨnminkas uzchi. Awaruza pɨpulura ɨrain kiznari, chiwazha painapa kwan.
23694	MAT 14:28	Suasne Pedrone sɨnkara: —Anpat. ¿Nu kish? Nu sua chamtuasmin, nawa chanpa ɨnincha, nu kuntakima, pi ɨsalpara ɨn.
23699	MAT 14:33	Suasne kanua waruzne Jesús iztukin wakpuj wainñat kit kaizara: —Watcha. Nune Dios Painkul i, kizara.
23724	MAT 15:22	Cananea suras ashampane sun sura uzta. Usne Judío awa chi. Usne Jesús tukin ɨt kit ka kwianta: —Anpat. Nawa mɨzha. Nune ñamin ɨnintamika Davidpa kwal i. Nawa kiwaincha. Kwail saliz ap pashura pizta akwa, ap pashune kwisha naizmɨztui, kizta.
23784	MAT 17:15	—Anpat. Ap painkulta kiwainti. Usne ul kit kwisha naizmɨztu. Kwisha akkwan pijikima ĩntakas pirakas taizta.
23794	MAT 17:25	Pedrone sɨnkanara: —Watcha. Usne pial sapmuruza pial tamtu. Kwiztane Pedrone Jesús tukin yalta napta. Pedro parachasmin, Jesúsne an ñancha ussa kaiz kit parat: —Pedro, nune ¿Chi mintus? Wan sukin katsa mikwaruzne gobiernowa pial sappamtu. ¿Mɨnmikama katsa mikwara pial tamtu? ¿Uspa sukin uztuzne pial taamtuki? ¿Mamaz suras anupparɨttuzne pial taamtuki? kizta.
23817	MAT 18:21	Suasne Pedrone Jesústa ɨt kit mɨmara: —Anpat. Ap aña nawa kwail kitne, ¿Yawa pijikima paiña kwail kimtu aizpa wat kultawaish? ¿Ussa siete pijikima wat kultawaki?
23891	MAT 20:30	Suane paas kasu izsachiruzne mikin uzpailta. Jesús pɨntu mɨmtazasmin, paasne kwianpailta: —Anpat. Nune Ɨninmika Davidpa kwal i. Aumɨza kiwaincha.
23892	MAT 20:31	Mamaz awaruzne usparuza chinkas kaizmun kiznara. Sun kaizarakas, uspane an tɨnta kwianpailta: —Anpat. Nune Ɨninmika Davidpa kwal i. Aumɨza kiwainchain.
23894	MAT 20:33	Uspane sɨnkailta: —Anpat. Au kasura izkulnincha.
23957	MAT 22:16	Sunkana uspane uspa kammuruzakas Herodespa kanpamtuzakas Jesústa ɨninnara, ka kaizanapa: —Anpat. Nu watcha kiztu akwa, nu wat awa i pianmakpas. Nune Dios ɨnintu aizpa kamtanamtu, awa nil uzanapa. Nune awa minñamtu aizpa mɨrachi. Nune wantuza nil kaiznamtu, ishkwatchin.
24145	MAT 26:22	Suasne uspane tayalmɨz kit mazanta mazanta ussa mɨmaamɨzta: —Anpat. ¿Na sun kinsa?
24148	MAT 26:25	Suasne Judasne, ussa kwailtuza chɨhkatmikane, Jesústa mɨmara: —Anpat. ¿Nane nua chɨhkansa? Jesúsne sɨnkara: —Watcha. Nu sun kaizta aizpa kinazi.
24149	MAT 26:26	Kuamtuasmin, Jesúsne pan piz kit Diosta aishtaish kizta. Pan kɨztawane, usne kammuruza kwinat kit kaiznara: —Kwarain. An panne ap ña i.
24172	MAT 26:49	Suasne Judasne Jesústa kasha at kit kaizta: —Anpat. Kakishapu. Usne Jesústa matsɨhkin putchunta.
24173	MAT 26:50	Jesúsne sɨnkara: —Izmuruz. Nune nakin kakishapu kizna atchi. Nu minta aizpa kiri. Suasne awaruzne Jesústa kasha aat kit pizaat kit mɨlaara.
24196	MAT 26:73	An kwizta puraruzne Pedrora kasha aat kit kaizara: —Watcha. Nukas usparuzkasa chatmika i. Nune usparuzkanain paramtu.
24252	MAT 27:54	Suasne suldaru ɨninmikakas Jesústa izmuruzkas ulmu mazara. Wan kiarɨt aizpa izara akwa, uspane kwisha ishkuat kit kaizara: —Watcha. An ampune Dios Painkul ara.
24269	MAT 28:5	Suasne ángelne ashamparuza kaiznara: —Ishkuman. Nane u Jesústa, piantarɨtmikasha, saimtuas pianish.
24274	MAT 28:10	Usne usparuza kaiznara: —Ishkuman. Ap kammuruza kainarain, Galilea sura ɨanapa. Tane uspane nawa izanazi, kizta.
24289	MRK 1:5	Akkwan awane Judea suras Jerusalén pɨpuluras Juanparakima taizara, ussa mɨana. Uspane Diosta kaizara: —Watcha. Aune kwail kianashɨ. Sun kizakane, Juanne Jordán Pira usparuza munnanara.
24353	MRK 2:24	Fariseo awaruzne ussa kaizara: —Izti. Up kammuruz chara pippa pakkamtu. Antikwa kamtamne ka kizta: “Kwaizkultu payura kal kiman”, kiztu, kizara.
24389	MRK 3:32	Akkwan awane ussa sulmin uzat kit kaizara: —Izti. Up akkwakas up añaruzkas pianamal uzamtu. Uspane nua sait kit akwantu, kizara.
24430	MRK 4:38	Jesúsne kanua pɨlmal tut kit kwakmura pitta. Uspane ussa izkulnin kit mɨmaara: —Anpat. Aune pi kwaanapain makpas, kizara. ¿Nune nɨjchimakish?
24469	MRK 5:36	Jesúsne uspa kaizara aizpa mɨrachi. Usne Judío kammu yal manta kimmikasha kaizta: —Ishkumun. Watsal nɨjkulti. Nane up pashura watsashinash, kizta.
24599	MRK 8:30	Jesúsne usparuza kaiznara: —Watcha. Nane Cristo ish. Sun mɨnainkas kaizman, kiznara.
24619	MRK 9:12	Jesúsne usparuza sɨnkanara: —Watcha. Mazane Elíaskana Cristokin ñancha ara, wan nil sanapa, awa Diosta kaiyanapa. Ñamin Dios pit ka parɨt: “Kwail awane nawa, ampu namtɨtmikasha, ilninnanazi. Nawa izshiamanazi,” ka parɨt.
24624	MRK 9:17	Mazane sun akkwantas Jesústa sɨnkara: —Kamtam. Nane ap painkul apa kararau. Salizne ussa piztɨt. Ap painkulne sun saliz akwa kwinta kisachi.
24628	MRK 9:21	Jesúsne papihshta mɨmara: —¿Yawa payukima sunkana uztu? mɨmara. Usne kaizta: —Ainkiasmin.
24705	MRK 10:48	Akkwanne ussa kaizara: —Kwianmun. Puñain, kizara. Sun akwa an tɨnta kwian kit kaizta: —Davidpa pampa, nawa kiwaincha, kizta.
24706	MRK 10:49	Jesúsne kun kit kaiznara: —Ussa akwarain, kiznara. Uspane Bartimeora akwat kit kaizta: —Ishkumun. Kuhsakti. Usne nua akwantu, kizara.
24756	MRK 12:14	Uspane ussa aat kit kaizara: —Kamtam. Aune nu watcha paramtu pianmakpas. Nune pailta awara kawarain paranamtu. Nune izmuruzakas aliz awaruzakas kawarain paranamtu, ishkwatchin. Nune awa Dios ɨnintɨtkana uzanapa kamtanamtu. Roma pɨpulura Emperadorne katsa mikwa i. Usne apas awara ɨninnamtu. ¿Mizama kai? ¿Pial ussa tanapas? ¿Pial ussa tamanapas? kizara.
24774	MRK 12:32	Moisés kaizta aizpa kamtammikane ussa kaizta: —Kamtam. Nune nilkas watchakas sɨnkamtu. Diosne mazain i. Mamaz diosne uzchi.
24787	MRK 13:1	Jesús Dios katsa yaltas puztawane, maza kammumikane Jesústa kaizta: —Kamtam. ¡An kalpial izti! Awane sun katsa yal katsa ukkasa saara, kizta.
24893	MRK 14:70	Pedrone mamasa kaizta: —Jesústa pianchish, kizta. Ɨrattura mamazne Pedrora mamasa kaizta: —Watcha. Nune uspakasa cha. Nune Galilea awa i. Nune Galilea suras awakana paramtu, kizta.
24930	MRK 15:35	Mɨnpazha kasha panaruzne sun mɨat kit kaizara: —Mɨrain. Elíasta, Dios kainammmikasha, akwantu, kizara.
24934	MRK 15:39	Suldarune, Romano ɨninmikane, Jesústa izak kunta. Jesús irɨka iztawane, ka kaizta: —Watcha. An ampune Dios Painkul i, kizta.
24948	MRK 16:6	Usne usparuza kaiznara: —Ishkuman. Une Jesústa Nazaret pɨpuluras sayamtu. Une kurish patpian kit piantarɨtmikasha sayamtu. Usne kuhsat kit uztu. Apane tuchi. ¡Us tuatkin iztain!
24990	LUK 1:28	Ángelne María tukin nap kit kaizta: —Kakishapu. Diosne nua wat kit kit kiwainshimtu. Anpatne nua pashit kit nukasa ɨmtu, kizta.
24992	LUK 1:30	Suasne ángelne ussa kaizta: —María. Ishkumun. Diosne nua wat kit kit kiwainshimtu.
25181	LUK 5:5	Simónne ussa sɨnkara: —Kamtam. Aune kɨnsɨh pishkaru sultuanash, mazainkas piztachi. Pishkaru sulmarampailtakas, nu kaizta aizpa sulmukasa piznash.
25186	LUK 5:10	Santiagokas Juankas, Zebedeo painkul, Simónpa izmuruzne Simónkasa kal kimtuazi. Uspakas iztaspailta. Jesúsne Simónta kaizta: —Ishkumun. Ñamin pishkaru sulpailta. Kawarain makis nune awara akwananaka, Diosta piankamanapa, kizta.
25200	LUK 5:24	Une sun piankamtawa. Diosne nawa, Ampu namtɨtmikara, sun sura ɨninta, kwail kirɨttuza sɨnam saninnanapa. Katmizna chasachi ishtumikasha kaizta: —Mɨri. Kuhsak kit kun kit kama kuhsat kit yalta charash, kizta.
25338	LUK 8:24	Suasne uspane ussa ɨat kit izkulninnat kit kaizara: —Kamtam. Kamtam. Pi kwanapainmakpas. Jesúsne kuhsak kit kaizta: —Inkwane, kari. Pine, kialmun, kizta. Inkwane karɨt. Pine kalpain parɨt.
25364	LUK 8:50	Jesúsne sun mɨt kit Jairora kaizta: —Ishkumun. Nɨjkulcha. Up pashune wat parɨnazi, kizta.
25366	LUK 8:52	Wanne azat kit tayalara, irɨt akwa. Jesúsne usparuza kaiznara: —Azaman. Irachi. Pittɨt tui, kiznara.
25419	LUK 9:49	Suasne Juanne ussa kaizta: —Kamtam. Aune saliz puzninmikasha iztamakpas. Us nua paikukane, usne saliztuza puzninnamtu, us tɨnta ɨnim mɨj akwa. Us aukanain nua kanpamtuchi akwa, aune ussa “Jesústa paikumun, saliztuza puzninnanapa,” kiztamakpas.
25449	LUK 10:17	Setenta paas awaruzne kaiyara. Uspane wat kulat kit kaizara: —Anpat. Au nua paikukane, saliztuzne au kaizta aizpa mɨat kit kiara.
25472	LUK 10:40	Mane Martane kwisha patka akwa, Jesústa azain ɨt kit kaizta: —Anpat. Aune akkwan kal mɨjmakpas. Ap aizpihshne nawa chɨhkara, wan kal kinpa. ¿Wat ki? “Nawa kiwaincha,” kizti.
25473	LUK 10:41	Anpatne ussa sɨnkara: —Marta. Nu kwisha kal mɨj akwa, nune kwisha patka i. Chikas wantain kimtukas,
25475	LUK 11:1	Mamaz payu Jesúsne mamaz nankin Diosta paikumtuazi. Paikwatpane, maza kammumikane ussa kaizta: —Anpat. Juanne paiña kammuruza paikwan kamtanara. Kawarain aumɨza paikwan kamtazhain, kizta.
25519	LUK 11:45	Moisés kaizta aizpa kamtammikane ussa ka sɨnkara: —Kamtam. Sun kiztuasmin, nune aumɨzakas pilchanamtu.
25543	LUK 12:15	Usne usparuza kaiznara: —Iztain. Mamazpa pashiman. Kwazpamika akkwan chiwazha mɨjkas, usne us mɨj akwa an akkwan payukima uzsachi.
25610	LUK 13:23	Mɨnpazha ussa mɨmara: —Anpat. ¿Diosne akkwan awara watsat mɨlnanasa? Usne ussa kaizta:
25732	LUK 17:12	Pɨpulura naptuasmin, diez aya pɨttɨt ishturuzne kunat kit attishtas Jesústa izara. Ussa paikuara: —Jesús. Au Kamtam. Aumɨza iznat kit kiwainnaka.
25785	LUK 18:28	Pedrone Jesústa kaizta: —Izti. Aune au mɨj aizpa tɨwij ɨt kit nua kanparamakpas.
25798	LUK 18:41	—¿Chima nua kinpai? ¿Chima pashimtus? Usne ka sɨnkara: —Anpat. Kasu izkulnincha.
25805	LUK 19:5	Jesúsne us tukin pianat kit ussa izak kit kaizta: —Zaqueo. Azain kihshti. Mane nane nukasa up yalta nukkulnash, kizta.
25839	LUK 19:39	Akkwan awane purara. Mɨnpazha Fariseo awaruzne kaizara: —Kamtam. Up kanpamtuza sun pit Diosta paramtu aizpa paraninman, kizara.
25869	LUK 20:21	Uspane ussa ka kaizara: —Kamtam. Aune nu kaiztu aizpakas nu kamtamtu aizpakas nil i pianmakpas. Wan awara kawarain kinamtu. Nune Dios kaizta aizpa watcha kamtanamtu.
25873	LUK 20:25	Usne kaiznara: —Watcha. Roma gobierno katsa mikwara pial tana kizamtune, sun pial Cesarta tarain. Kawarain Dios uruza kaiztu aizpa kirain.
25876	LUK 20:28	—Kamtam. Moisésne aimpihshpa para. Aimpihsh irɨtne, pashpa mɨjkine, paiña aimpihshne aimpihsh irɨtpa ashampara mɨltawa, us akwa pashpa mɨlna.
25902	LUK 21:7	Kammuruzne ussa mɨmaara: —Kamtam. ¿Chi payurama awane katsa yalta azpianninnazi? ¿An payura chima kirɨnsa, au an ñancha piankamanapa?
25943	LUK 22:10	Usne usparuza sɨnkanara: —Mɨrain. Pɨpulura naptazasmin, une maza ampu kwazi kalpu kwamikasha wanmalpailnazi. Ussa kwizpa kanparain, paiña yalta napnakima.
25966	LUK 22:33	Simónne ussa kaizta: —Anpat. Nane nu akwa kajchira ɨnpain, inakima.
25971	LUK 22:38	Uspane kaizara: —Anpat. Izti. Apane paas mashti tu. Usne kaiznara: —Min kwinta kirain.
25981	LUK 22:48	Jesús ussa kaizta: —Judas. ¿Nawa putchuntuasmin, nune nawa kwail kimtukish? ¿Nawa kwail awaruza chɨhkamtukish?
25982	LUK 22:49	Wan kit aizpa izamtuasmin, Jesúskasa uztuzne ussa mɨmaara: —Anpat. ¿Mashtikasa waya kimuskiwas?
25990	LUK 22:57	Pedrone ussa kaizta: —Ashampa. Nane ussa pianchish, kizta.
25991	LUK 22:58	An kwizta mamazne ussa iz kit kaizta: —Nukas Jesúspa kanpammika i, kizta. Pedrone sɨnkara: —Ampu. Nane ussa kanpammika chish, kizta.
25993	LUK 22:60	Suasmesa Pedrone kaizta: —Ampu. Nu kaiztu aizpa pianchish, kizta. Sun urain Pedro paramtuasmin, aral kayu azta.
26046	LUK 23:42	Usne ma pitchin Jesústa kaizta: —Jesús. Nu amtu payura, wanta tɨnta ɨninnakane, nawa nɨjkulcha, kizta.
26050	LUK 23:46	Suasmesa Jesúsne tɨnta kwian kit kaizta: —Taitta. Nane ap izpul nua chɨhkamtus, kizta. Sunkana kiztawane, irɨt.
26094	LUK 24:34	—Watcha. Anpatne irɨttas kuhsta. Pedrokas ussa izta.
26149	JHN 1:36	Jesús pɨntura iztuasmin, Juanne kaizta: —Iztain. Anne Dios ɨnintamika i. Usne ussa ɨninta, awa kwail kiarɨttuza wat kultananapa.
26191	JHN 3:2	Usne maza amta Jesús tukin ɨt kit kaizta: —Kamtam. Aune Dios nua ɨninta pianmakpas, aumɨza kamtanana. Dios nua kiwaintu akwa, nune akkwan iztasparɨt kal kimtu, awara kamtanana.
26236	JHN 4:11	Ashampane ussa kaizta: —Anpat. Nune chinkas mɨjki, kwazi ukkana. An kwazi kulne kwisha ainkih i. ¿Nune mɨntas kwazima kwinnash, na uzna?
26244	JHN 4:19	Sun mɨrawane, ashampane ussa kaizta: —Anpat. Nu sun nawa pian akwa, nane nu Dios pit kainammmika i piankamtus.
26246	JHN 4:21	Jesúsne sɨnkara: —Ashampa. Na kaiztu aizpa nɨjkulti. Mamaz payura awane an ɨzara nuamanazi, Diosta wakpuj wainna. Kawarain uspane Jerusalén pɨpulura ɨamanazi, Diosta wakpuj wainna.
26256	JHN 4:31	Aamtuasmin, paiña kammuruzne Jesústa paikwat kit kaizara: —Kamtam. Chiwazha kwari.
26274	JHN 4:49	Ɨninmikane kaizta: —Anpat. Ap painkul irachasmin, azain ussa izna anka.
26287	JHN 5:8	Jesúsne ussa kaizta: —Kuhsakti. Up kama kuhsak kit chat.
26293	JHN 5:14	Kwiztane, Jesúsne ussa Dios katsa yalta wanmal kit kaizta: —Mɨri. Mane nu kakultɨt akwa, mamasa kwail kimun, an kwail nua pizmanpa.
26340	JHN 6:14	Suasne Jesús iztasparɨt kal kirɨt aizpa izarawane, awane kaizara: —Watcha. Usne Dios pit kainammmika i. Diosne ussa kin nam kit au sukin ɨninta.
26360	JHN 6:34	Suasne uspane paikuara: —Anpat. Aumɨza an kumira kwinchain, pailta payukima uznapa.
26394	JHN 6:68	Simón Pedrone sɨnkara: —Anpat. ¿Mɨnama kanpana ɨpai? Up pitne aumɨza uznintu.
26454	JHN 8:4	kit Jesústa kaizara: —Kamtam. Aune an ashampara, mamazpa ampukasa pittɨtmikasha, wanmaltamakpas.
26511	JHN 9:2	Paiña kammuruzne mɨnpazha kwail kirɨt minñat kit mɨmaara: —Kamtam. ¿Chikishma an ampu izsachi? ¿Papihshkas akkuhshkas kwail kirɨtwailki? ¿Usmin kwail kirɨtki?
26518	JHN 9:9	Mɨnpazha kaizara: —Watcha. Us i. Mamaztuzne kaizara: —Us chi. Uskanain iztɨt i. An ampune kaizta: —Watcha. Nane an pial paikumtuatmika ish.
26521	JHN 9:12	Suasne ussa mɨmaara: —¿Sun ampune mɨntama tui? Usne kaiznara: —Pianchish.
26545	JHN 9:36	Ampune sɨnkat kit kaizta: —Anpat. ¿Mɨnmas? Mɨnma i kaizcha, na ussa nɨjkulnapa.
26547	JHN 9:38	Suasne ampu Jesústa wakpuj waintuasmin, kaizta: —Anpat. Nane nu Dios narɨtmika i nɨjkultus.
26595	JHN 11:3	Lázarowa kwampihshne paiña pit ɨnin kit Jesústa ka kaizpailta: —Anpat. Up wat izmuruz imtu tui.
26600	JHN 11:8	Uspane sɨnkaara: —Kamtam. Akkwan payu chin Judío awa ɨninturuzne nua uk kishiara. Nune imasara. ¿Mamasa ta ɨshimtukish?
26604	JHN 11:12	Suasne paiña kammuruzne kaizara: —Anpat. Pittane, usne suas kakultanazi.