23270	MAT 3:9	Une ‘aumin Abrahampa kwal makpas’ kizamtu. Sun minñamtu akwa, Diosne uruza sapnamanazi. Diosne sun katsa ukkasa Abrahampa kwal namninnashina.
23312	MAT 5:9	Awaruza kalpain uzanapa paninturuzne kalpain uzanazi. Diosne usparuza ‘u ap pashparuz mai’ kiznanazi.
23314	MAT 5:11	Une ap wat kanpamtuz mai. Mamaz awane na akwa ‘u kwail awa mai’ kizanazi. Awane na akwa uruza kwail kianazi. Uspane na akwa u kwail kiamtu pɨrail appanazi.
23325	MAT 5:22	Sunkana nain kaiznamtus: aimpihshkasa pilchapuztumikane mikwara ilninna ɨtpa. Mɨnpazha aimpihshta kwail pit parakane, katsa mikwara ilninna ɨtpa. Mɨnpazha aimpihshta nune ‘tɨmpa i’ kiztamikane ĩnta ɨrɨshina.
23340	MAT 5:37	Nune ‘watchain’ kaizti. ‘Watcha chine, watcha chi’ kizti. Mamaz tuntu pit kaiztane, nune Diablo pit kaiztɨnazi.”
23350	MAT 5:47	U izmuruzain ‘wat kɨntɨre’ kiznarane, une Diosta pianchiruzkana uzamtu. Diosta pianchiruzne usparuzpain kawarain kiamtu.
23406	MAT 7:21	“Wan nawa ‘ap anpat’ kizmuruzne Dios ɨnintukin nappamanazi. Chiyuras Papihsh kaizta aizpa kimturuzne nappanazi.
23518	MAT 10:32	“Mɨnpazha awaruza ‘Jesústa nɨjkultus’ kiztane, nakas ap chiyuras Taittara ‘usne ap izmumika i’ kiznash.
23519	MAT 10:33	Mɨnpazha ‘Jesústa nɨjkultuchish’ kiztane, nakas ap chiyuras Taittara ‘usne ap izmumika chi’ kiznash.”
23546	MAT 11:18	Kawarain une uspakanain mai. Juan akane, mamazkasa kumira kwatchi akwa, mamazkasa chappi kwatchi akwa, une ‘ussa kwail saliz piztɨt’ kizamtu.
23708	MAT 15:6	U sun kamtamtu akwa, une ‘au papihshtuzakas au akkuhshtuzakas kiwainsachimakpas’ minñamtu. U sunkana kamtaamtune, u kwalta kiwaintuchine, une Dios manta kimtu aizpa kiamtuchi. U ɨlaparuz kamtanamtu aizpa mɨashimtu akwa, une kwail kiamtu.
23744	MAT 16:3	Kɨnmɨzkane, ‘Une mane kwail payu anpai’ kizamtu, ‘wanish sɨptɨt akwa, chiyu kwanam iztɨt akwa.’ U chiyura kimtu aizpa wat piankas, une ma payu na kimtu aizpa wat piankamasachi.
23814	MAT 18:18	Watcha kaiznamtus. Une awaruza chiwazha wat aizpakas chiwazha kwail aizpakas kamtananazi. U wat kimtuza ‘u wat kiamtu’ kiznarane, Dioskas sunkana kiznazi. U kwail kimtuza ‘u kwail kiamtu’ kiznarane, Dioskas sunkana kiznazi.
23921	MAT 21:26	Aune ‘awa ussa ɨninta’ kizsachimakpas, awa aumɨza ishkwinninnamtu akwa, wan awa Dios Juanta ɨninta minñamtu akwa. Au sun kizarane, awane aumɨza chiwazha kiashina.”
23994	MAT 23:7	Pɨpulumal pɨntuasmin, awa usparuza ‘kamtam kakishapu’ kizakane, uspane ‘an wat awa mai’ minñamtu.
23996	MAT 23:9	Une an sukin mɨnainkas ‘ap taitta’ kizman. Une maza Taittain mɨj. Usne chiyura uz.
24050	MAT 24:24	Akkwan pɨrail kaizmuruzne chaat kit ‘nane Dios nɨrɨtmika ish’ kizanazi. ‘Nane Diospa kainammmika ish’ pɨrail kizanazi. Uspane iztasparɨt kal kianazi, Dios narɨttuzakas kain kianapa.
24052	MAT 24:26	Katmizna usparuzakas kwiraruin. ‘Sua sak pul pilkin tui’ kizkane, sua ɨman. ‘Kalmain tui’ kizkane, ussa mɨman.
24074	MAT 24:48	Sunkana kwail kiwainmumikane ‘anpat azain kailmanazi’ minmɨznazi.
24198	MAT 26:75	Suasne Pedrone Jesús kaizta aizpa nɨjkulta. Ñamin Jesúsne ussa kaizta: “Aral kayu aztachasmin, nune kutña pijikima, ‘ussa pianchish’ kiznazi.” Pedrone tas puz kit kwisha tɨnta azta.
24538	MRK 7:6	Jesúsne usparuza sɨnkanara: —U akwa wat minñamtu akwa, une kwail kiamtu. Isaíasne, Dios pit kainammmikane, uwa paranara, u paas pit kwinta kiamtu akwa. Ñamin sunkana umɨza kaiznara: “Sun awane uspa pitkasain ‘Diosta wat i’ kaizamtukas, uspa kaijchura Diosta pashiamtuchi.
24741	MRK 11:32	Aune awa kaizsachimakpas, ussa munnanapa ɨninta.’ Sunkana kiztane, wan awane aumɨza kwail paraanazi. Akkwan awane Dios Juanta ɨninta minñamtu. Uspane ‘Juan Dios pit kainammmika azi’ minñamtu,” ka usparuzpain kaizara. Uspa awawa ishkwarɨt akwa,
24780	MRK 12:38	Jesúsne akkwan awa wanmaktɨttuza kamtanat kit kaiznara: “¡Kwiraruin! Moisés kaizta aizpa kamtamtuzkana uzman. Uspane aks kwaksham kwashiamtu. Uspane sun kwakshamkasa pɨpuluwara chashiamtu, awa usparuza ‘wat kɨntɨre’ kizanapa.
24795	MRK 13:9	Uruzpain iztain. Judío awane umɨza uspa mikwaruza chɨhkananazi. Uspane umɨza Judío kammu yalkin na akwa iyananazi. Uspane umɨza katsa mikwashakas ainki ɨninmikashakas na akwa chɨhkaanazi. Suane une uspa mɨrakin ‘Jesústa nɨjkulamtumakpas’ kizanazi.
24808	MRK 13:22	Awane aanazi, ‘nane Cristo ish’ kish kit. Mɨnpazha ‘nane Dios pit kainammika ish’ pɨrail kaizanazi. Uspane chiwazha wat kal kianazi. Uspa kal kiarɨt akwa, awane iztaspaanazi. Uspane Dios narɨttuza kut kuashianazi.
24895	MRK 14:72	Sun urain aral kayu mamasa azta. Aral kayu azkane, Pedrone Jesús ussa kwinta kit aizpa nɨjkulta. Jesúsne ñamin ka kaizta: “Aral kayu pakima aztuchasmin, nune ‘Jesústa pianchish’ kiznazi,” kizta. Suasne Pedrone tɨnta azmɨzta.
25252	LUK 6:37	“Mamazta ‘nune kwail kirɨt’ kizmun. Sunkana kimtune, Diosne u kwail kirɨt aizpa kainananazi. Mamazpa kwail sɨnam sarane, Dioskas u kwail kiarɨt aizpa sɨnam sanazi.
25261	LUK 6:46	“Nune ‘ap anpat i’ kiztumikane chiwazha na kaiztu aizpa mɨt kit kirain.
25437	LUK 10:5	Chiwazha yalta naptane, an ñancha usparuza ‘wat kɨntɨre, watmin tuanka’ kizanaka.
25493	LUK 11:19	Na saliztuza Beelzebú akwa puzninmɨztane, ¿Mɨnma u kanpamtuza kiwainamtui salizta puzninnapa? Beelzebú usparuza sun kinpa kiwainnarachi akwa, une mɨz kiamtu, Beelzebú nawa mizurainkas kiwaintachi akwa. U kanpamtuzne uruza ‘nilchi kiamtu’ kiznanazi.
25536	LUK 12:8	“Umɨza kaiznamtus. Mɨnpazha wan awara ‘nane Diosta pianish’ kiztane, Ampu namtɨtmikane ussa pianish Diospa ángel iztukin kaiznazi.
25537	LUK 12:9	Sunkana mɨnpazha wan awara ‘nane Diosta pianchish’ kiztane, nane ussa pianchish Diospa ángel iztukin kaiznash.
25584	LUK 12:56	U ‘au piankamtumakpas’ kizamtukas, une wat piankamtuchi. Une suwakas chiyuwakas iznin kit wat pian. Sunkana mane une Dios ukin kimtu aizpa wat piankamamtuchi.”
25724	LUK 17:4	Mɨnpazha nua siete pijikima kwail kirɨtne, us puij kit nua ‘ap kwail kit aizpa min kit chɨhkamtus’ kiztane, nune paiña kwail kit aizpa wat kulnintawa.”
25773	LUK 18:16	Sunkana Jesúsne pashparuza akwanat kit kaiznara: “Une pashparuza nawa anintain. Une ‘Jesústa ɨman’ kizman. Pashparuz Jesústa aashimtu akwa, Diosne usparuza ɨninnashina. Pashpakana uztain, Dios uruza ɨninnanapa.
25894	LUK 20:46	“¡Kwiraruin! Moisés kaizta aizpa kamtamtuza iztain, uspakana uzmanpa. Uspane aks kwaksham kwashiamtu, awa usparuzpa wat minñanapa. Uspane pɨpuluwara chashiamtu, awa usparuza ‘wat kɨntɨre’ kizanapa. Uspane Judío kammu yalta nappat kit an ñancha wat uzmukin uzamtu, awa usparuzpa wat minñanapa. Uspane pishtara an ñancha chaamtu, an wat uzmura sayana, awa uspa an katsa namtɨt piankamanapa.
25903	LUK 21:8	Jesúsne kaiznara: “Kwiraruin. Uruzpain iztain, awaruza ñanta kain kiamanpa. Akkwan awane ‘nane Cristo ɨninmika ish’ kizanazi. Mamaztuzne ka kizanazi: ‘Nane Cristo ish.’ Mamaztuzne kain pit kizanazi: ‘Mane Cristo anpain i,’ kizanazi. Usparuza mɨman. Usparuza kanpaman.
25910	LUK 21:15	Nane uruza kiwainanash, usparuza watsal pit kwinta kianapa. An aliz awane u wat pit kwayamanazi. Uspane u kaiztu aizpa ‘kwail i’ kizamanazi.
25994	LUK 22:61	Suasmesa Jesúsne puij kit Pedrora izta. Pedrone Anpat kaizta aizpa nɨjkulta. Anpatne ussa ñamin ka kiztɨt: “Mane aral kayu aztachasmin, nune nawa kutña pijikima ‘ussa pianchish’ kiznazi.”
26746	JHN 14:9	Jesús ussa sɨnkara: “Felipe, na akkwan payukima nukasa uztakas, ¿Nawa mama pianchikish? Nawa iztamikane Taittarakas iztu. Katmizna ‘Taittara iznincha’ kizmun.
27011	ACT 1:19	Jerusalénkin uztuz sun piankamarawane, uspane sun su i Acéldama munara. Usparuzpa pitne ‘aimpi su’ mun.
27078	ACT 3:13	Sunkanachi. Diosne sun kirɨt, awa ‘paiña painkul Jesús tɨnta namtɨre’ kizanapa. Abrahamkas Isaackas Jacobkas an Diosta wakpuj wainñat kit paikuara. An Diosne au an ñancha irɨtpa kwalpa Dios i. Une ussa Judío ɨnintuza chɨhkaara. Pilato Jesústa chɨhtshimtuasmin, une Jesústa pashitchimakpas kizara.
27164	ACT 5:36	Teudaspa nɨjkultain. Akkwan payuchin usne at kit ‘nane wat awa ish’ kiznara. Suas ampara cien awane ussa kanpaara. Mɨnpazha ussa piantarawane, paiña kanpamtuzne wan kaarɨt.
27191	ACT 7:6	Anpane sun urain Diosne ‘up kwal mamazpa sura mamaz awakanain uzanazi’ kaizta. Kiwainmumikakana cuatro cientos añokima kal kianazi. Katsa mikwaruzne usparuza ilnanazi, kal kianapa.
27680	ACT 19:26	Une Pablo kaizta aizpa mɨara. An ampune au sarɨt diosne ‘Dios chi’ kiztu. Pablone sunkana kirɨt, au Éfeso pɨpulurakas wan Asia surakas au sarɨt diosta mɨamanpa.
27694	ACT 19:40	Ma u sun kiarɨt akwa, Romano ɨnintuzne aashina, u waya kiashimtu kizanapa. ‘Chikishma pilchapuzarɨt’ mɨmaakane, aune kain sɨnkasachimakpas,” kiznara. Sun kiztawane, wanne wanmaktukis ɨara.
27851	ACT 24:14	Nane nua watcha kaiztus. Nane Anpatpa masas miwara ɨmtus. Sun miwarain nakas au irɨt kwalkana sun Diostain wakpuj waintus. Uspane ‘sun mine kwail i’ kizamtu. Nane Moisés pɨnkɨh para aizpakas Dios pit kainammtuz kaizara aizpakas nɨjkultus.
27902	ACT 26:11	Nane akkwan piji usparuza ilnarau, ‘Jesústa pianchish’ kaizanapa. Kawarain wan Judío kammu yaltakima sun kirau. Na usparuza kwisha pilchapuznara akwa, nane mamaz surakima usparuza piznashirau.”
28063	ROM 3:4	Diosne mizurainkas wenammanazi. Wan awa pɨrail kaizamtukas, Diosne pailta payu watcha kaiztu. Dios pitta ka parɨt: “Awa Dios paramtu aizpa piankamarawane, awaruzne ‘Dios kirɨt aizpa wan nil i’ kizanazi”
28107	ROM 4:17	Dios pɨnkɨhta ka parɨt: “Akkwan suras awaruzne Abrahamta ‘nune au papihsh i’ kizanazi.” Abrahamne Dios kaizta aizpa nɨjkulta. An Diosne irɨttuza mamasa kakulninnashina. An Diosne chiwazha an ñamin tuchi aizpa sashina. Sunkana Abrahamne Diosta nɨjkulta.
28249	ROM 9:26	“Diosne Judío chi awaruza, sun sura uztaruza, ‘une ap kwal chi’ kizta. Kwiztane Diosne, chiyura tɨnta uztumikane, usparuza akwanat kit paiña kwal namninnanazi.”
28286	ROM 11:9	Davidkas Dios pɨnkɨhta ka kaiztu: “Nane Diosta paikumtus, Diosta aliztuza naizanapa, ussa mɨamtuchi akwa. Wan Judío awawa pishta izamtuasmin, uspane ‘aune kwisha wat makpas’ minñara. Uspa Diosta chɨhkarɨt akwa, Diosne usparuza ilnanazi.
28359	ROM 14:11	Sunkana Dios pɨnkɨhta ka parɨt i: “Anpatne ka kaiztu: Une na uztui pianmai. Kawarain na kaiztu aizpa watcha i. Pailta awane na iztukin wakpuj wainñanazi. Wan awane nawa ‘usne Dios i’ kizanazi.” Katmizna mamaz ukanain Diosta wakpuj wainñamtuchine, uspawa kwail paraman.
28380	ROM 15:9	Uskas akki ara, Judío awachiruza wat kiwainat kit watsat mɨlnana, uspa “Dios kwisha wari” kaizanapa. Davidne sunpa Dios pɨnkɨh parɨtkin ka kaizta: “Nane Judío awa chi uztukin ‘Dios wari’ kaiznash. Nakas nua ‘Dios kwisha wari’ kanta kaiznash.”
28382	ROM 15:11	Mamasa Dios pɨnkɨhta ka parɨt: “Judío chi awaruz ‘Dios kwisha wari’ kaiztain. Chiwal awa ‘Dios kwisha wari’ kiztain.”
28462	1CO 1:31	Sunkana Diosne paiña pɨnkɨhta ka panintɨt: “ ‘Nane mamazkin an warish’ mintumikane ka kiztawa: ‘nane warish, ap Anpat nawa kwisha wat kirɨt akwa.’ ”
30056	HEB 2:12	Jesúsne paiña Taitta Diosta Dios pɨnkɨhta parɨt aizpa ka kaiztu: “Nane ap kanpamtuza Diospa parananash. Nane awa wanmakmukin ‘Dios watcha i’ kanta kiznash”
30170	HEB 8:11	Wan awa Diosta piankamamtu akwa, mɨnminkas paiña izmuruza Diospa kamtanamanazi. Mɨnminkas paiña kwaltuza Diospa kamtanamanazi. Awane mamaztuza ‘Diosta piankamtain’ kaizamanazi, wan awa nawa me piankamamtu akwa. Katsa mikwaruzkas katsachiruzkas Diosta piankamanazi.
30472	1PE 2:6	Ka akwaizna Dios pit pɨnkɨhta ka parɨt: “An uk yalta tarɨt iztain. Nane an muin ukkasa ap yal Jerusalén pɨpulura sammɨztus. Ussa mɨramikane ‘mɨtsalchin ussa nɨjkultus’ kiznazi.”
30537	1PE 5:5	Sunkanain, u musitturuzne ɨlapa kurunnamtu aizpa mɨat kit kirain. Wantuzne kiwainmukanain mamazta kiwainnarawa. Sunpa Dios pɨnkɨhta ka parɨt: “Diosne ‘mamazkin nane an katsamika ish’ kiztumikasha aliz kultu. Diosne ‘na katsa mikwa chi ish’ kiztumikasha kiwainnazi.”
30755	JUD 1:15	Wan awaruza ‘kwail kiari’ kiznanazi, wan kwail awaruz kwail kiarɨt aizpa piankamanapa. Uspa kwail kal kiashimtu aizpa minñamtuasmin, sun Diosta pianchiruzne Diosta aliz pararɨt.”
30847	REV 4:11	“Nune kwisha wari. Nune au Anpat Dios i. Wan chiwal sarɨtmika akwa, nune tɨnta i. Wan chiwal sashimtu akwa, nune wan sara. Ka akwaizna wan awane nua ‘kwisha wari’ kizarawa.”
30859	REV 5:12	Uspane ka tɨnta paranara: “An Pɨrɨkune au kwail akwa irɨt akwa, aune sunkana kaizarawamakpas: ‘Usne wantuza ɨninnashinai. Wan chiwal pian i. Wan chiwal mɨj. Tɨnta mika i. Awa us kaizta aizpa mɨarawa. Usne wari’ kizarawa.”
30860	REV 5:13	Nane wan chiyura uztuzakas, an pilkin uztuzakas, pil ayukta uztuzakas, wan pira uztuzakas mɨrau. Sunkana kanta kaizara: “Katsa ɨninmukin uztumikashakas Pɨrikurakas ‘uspa paas kwisha wari’ kiztawamakpas. Uspa kaizamta aizpa mɨarawamakpas. Uspa paas tɨnta wai i. Pailta payukima ‘kwisha wari’ kizarawamakpas.”
30958	REV 11:18	Wan sura uztuzne, up pit mɨrachiruzne, aliz kularɨt. Nune awaruza maizninna masamɨznazi. Irɨttuz kuhstawane, nune irɨttuza ‘kwail kiarɨt’ kizna mansamɨznazi. Nune up kiwaintuza, up pit kainammtuza chiwazha mɨlam mɨlananazi. Nune Diosta piantuza mɨlananazi. Nune Diosta wakpuj wainturuza mɨlananazi. Katsaruzakas, ainkiruzakas mɨlananazi. Nune an sukin kwail kiarɨttuza wan kawal kinarɨnazi.”
31002	REV 14:7	Uspa ka tɨnta kaiznara: “Dios mɨt kit wakpuj waintain. Ussa ‘nune kwisha wari’ kiztain. Diosne chiyuras anpain, awaruza mɨmanana, uspa kwail piankamanapa. Chiyu sarɨtmikashakas, an su sarɨtmikashakas, wan pi sarɨtmikashakas, wan pi kasu sarɨtmikashakas wakpuj waintain,” ka kizta.
31019	REV 15:4	Wan chiwal nua wakpuj wainñanazi. Wan chiwal nua ‘kwisha wari’ kizanazi. Nuin sɨnammika i. Wan suras awane nu uzkin aat kit wakpuj wainñanzi. Awaruzne nu watsal nil kirɨt aizpa piankamanazi.”
31091	REV 19:5	Mazane Dios uztukin ka kaizta: “Wan Dios kiwaintuzkas, ussa ishkumtuzkas, katsaruzkas, ainkiruzkas, ‘Dios kwisha wari’ kaizarain.”
31093	REV 19:7	Us akwa, watsal kulmɨzpai. ‘Diosne kwisha wari’ kiztuasmin, watsal kulmɨzpai, Pɨrikuwa kasarakim pishta taizta akwa. Pɨrikuwa ashampane usmin sɨnam parɨt uskasa ɨn.
31125	REV 21:3	Nane Dios uzmukin tɨnta kwiantumikasha mɨrau. Ka kaizta: “Diosne awa purakin tuanazi. Awakasa uznazi. ‘An awane ap kwal i’ kiznazi. Diosne uspa Dios namnazi.