23214	MAT 1:1	Ine a risan a mangis a tarai tagun nating ning e Iesu Karisito i hanot tagun la. E Iesu, a nat e Dewit, e Dewit a nat e Abaram.
23219	MAT 1:6	pa e Jesi e tamana e Dewit, i ning a king. E Dewit e tamana e Solomon pa e tana a hane ning i taulai pas o e Uria.
23230	MAT 1:17	A mangis a tarai turpasi o e Abaram tuk o e Dewit i arlar ana ning a bonot pa diat la, pa tagun e Dewit tuk ana tinan na dodot tumo e Babilon ning a bonot pa diat otleng la, pa tagun a tinan na dodot tumo e Babilon tuk ana Karisito ning a bonot pa diat a mangis a tarai otleng.
23231	MAT 1:18	Di agon pas e Iesu Karisito larne: E tana, e Maria, di ka suah alar tari sur ane Josep, ika lanigo ana nundiau a taulai, e Maria ka tasmani mang i tianan tana Talngan Tabu.
23233	MAT 1:20	Ning i nuknuk kol ot ana utna ne, a angelo ana Leklek i hanot teteki ana reresa pa i atongi mang, “Josep, a nat e Dewit, gong u urmatana nuknuk o e Maria, ur ben pasi ka sur anuma hane. Anasa a kaklik ning i tianan pasi, i hanot tagun a Talngan Tabu.
23239	MAT 2:1	Di agon e Iesu tumo na hanua Betlihem ting na papar Judia, ana rau ning e Herot i king. Lamur dingla na tena tastasmaila tagun a nangnangla, la han mitingia ana pukna ning a kamis i pusa ot ia, pa la hanot saot e Jerusalem.
23253	MAT 2:15	Ditol kes tingia tuk ning e Herot i mat. Ana nunditol a keskes tingia, di tolsot pas a warwara anuna Leklek, ning a propet ka warwara nigo tar ono larne, “A kabah pas a natuklik mitumo e Ijip.”
23261	MAT 2:23	Pa ditol han pa ditol kes ana hanua a risana e Nasaret. Ana anunditol a keskes tingia, di tolsot pas a warwara anuna propetla mang, “Dir atongi mang i a te Nasaret.”
23262	MAT 3:1	Dingla na rau lamur, e Jon a Tena Baptais i hanot, pa i warawai ana hanua bel ting na papar Judia,
23271	MAT 3:10	Di ka suah tar a hek ting na kama rakaila, pa rakaila rop ning bel la suah al wakak a wanala, dir ting sen la, pa dir minggen la uting na iah.
23282	MAT 4:4	E Iesu i kelesi mange, “Di ka tumus tari ting na Buk Tabu mang, ‘A tarai bel la laun ka ana utna na hangan, la laun ana warwarala rop ning i purum kusun a pahana e God.’”
23285	MAT 4:7	E Iesu i kelesi mang, “Di ka tumus tari otleng ting na Buk Tabu mang, ‘Gong u lar a Leklek anuma God.’”
23296	MAT 4:18	Ning a pukakiar e Iesu i asal ana hang ana puka tasi Galili, pa i oroi tetek e Saimon, di atongi otleng o e Pita, pa e tasnalik e Endru. Dia minggen a uben tisa latasi, anasa diau naur a tena minggen uben.
23303	MAT 4:25	Pa a tnan kunum a tarai mitisa na papar Galili pa miting na papar Dekapolis, pa misaot e Jerusalem, pa misaot na papar Judia pa mitumo na ris a malum Jodan la mur e Iesu.
23316	MAT 5:13	“Mulo a sol te na rakrakan hanua rop. Ika, ning a makmakana ka rop, dir amakmakan ulak mangmangasa pasi? Bel ta utna ma i topasi. Dir minggen apurum seni utumo lapiu, pa a tarai lar papas kama saot ono.
23318	MAT 5:15	Bel tik ir asot tar ta lam pa ir aroh alari ana paket. Dir suah i ot saot na turtur ngasna sur ir talapor tetek la rop ning la kes ting na rumai.
23334	MAT 5:31	“Di ka atong tari otleng mang, ‘Esi ning i kepsen anuna hane, ir saran tari otleng a paka buk na kutus tinaulai tana.’
23427	MAT 8:13	Pa e Iesu i atongi tana ningnigo anuna tena harumla mang, “Ur han ka. Dir tol a utna ot ning u tortorot suri.” Ana puka kamis ot ning anuna tena titol i langolango kakat.
23432	MAT 8:18	Ning e Iesu i oroi a kunum a tarai ning la tur talilis pasi, i atongi tana anuna kakak a asaerla mang, “Dalar han utumo na ris a puka tasi.”
23439	MAT 8:25	pa la han teteki, la amata pasi, pa la atai i mang, “Leklek, ur alaun dala. Dala kar hirua.”
23442	MAT 8:28	Ning e Iesu i sot tumo na ning a ris a tasi, ting na papar anuna tarai Gadara, naur a barsan ning a motla kaning on diau, dia han miting na kulam a minatla, pa dia han barati. Dia ngalngalia kol, pa bel tik i sira han bolos tingia na ngas ning.
23443	MAT 8:29	Dia woiwoi mang, “Nat e God, asa u mang ur toli o miau? I mangasa, u han ute sur ur akadik mila ning belot a pukakiar a warkurai i sot?”
23451	MAT 9:3	Dingla na tena asaer tagun a warkurai la warwara artalai tetek la ot mang, “A barsan ne i atong saksakan e God anasa i warwara larning i e God.”
23453	MAT 9:5	Esi na ngas a warwara ning bel i ngangaten sur ar atongi? Ar atongi mang, ‘Di ka kepsen anum na toltol laulaula,’ o, ar atongi mang, ‘Ur kamtur, pa ur han’?
23465	MAT 9:17	Bel tik ir tere a tona wain uting na turai a kotola ning di toli ana palaona inagoi, sakana a kotola lar tapuros pa lar laulau, pa a wain ir tapek. Dir tere a tona wain ot uting na tona koto na wain, sur dia rop diar kes wakak.”
23475	MAT 9:27	Ning e Iesu i han mitingia, naur a barsan, naur a kut, dia muri, dia arkabah rakrakai mang, “Nat e Dewit, ur maris miau.”
23476	MAT 9:28	Ning i kas ting na rumai, naur a kut dia han teteki, pa i deken diau mang, “I mangasa, mu tortorot ot hok sur ar tolsot pas a utna ne?” Dia kelesi mang, “Ma Leklek.”
23477	MAT 9:29	Pa i tong naur a matan diau pa i atai diau mang, “Dir toli tetek mu arlar ana sa mu tortorot onoi.”
23494	MAT 10:8	Mulor alangolango pas a tinsamanla, pa mulor alaun pas a minatla, mulor alangolango pas a leprala, pa mulor kepsen a motla. Di tabar oros mulo ka, larka otleng ning, mulor artabar oros ka.
23515	MAT 10:29	Di sira lou naur a tek ana toia ka, gepi? Ika bel ta halindiau ir hirua, ning a Tamamulo bel i malmaling ono.
23538	MAT 11:10	Di ka tumus tari ono ting na Buk Tabu mang, ‘Oroi, ar sune sen anuka tena los warwara sur ir nigo tam, pa ir nigo tam sur ir tol talapor anuma ngas.’
23551	MAT 11:23	Pa mulo otleng a tarai Kapernaum, mangmangasa, mulo nuki mang dir aleklek pas mulo usaot? Bel! Dir minggen purum mulo uting na tnan iah. Ngandek ning di kar tol tar a ututnala na kulkulan tetek a tarai Sodom, arlar larning di ka tol tari tetek mulo, e Sodom kanet.
23561	MAT 12:3	E Iesu i keles la mang, “I mangasa, belot mulo was asaning e Dewit i toli, ning i taum ana taraila ning la armuri la murak?
23581	MAT 12:23	Pa tarai rop la kulkulan, pa la deke mang, “Ngandek a Nat e Dewit ot ne?”
23591	MAT 12:33	“Ning a rakai i wakak, i sira suah a wakak a wana, pa ning a rakai i laulau, i sira suah a laulau a wana. Dir oroi lalan a rakai ana wana.
23597	MAT 12:39	I keles la mang, “A tarai tagun anone, a laulau a tarai, anunla a lalaun i bakbak kusun e God. La nunung sur ta akinalang, ika bel dir tol tar tik tetek la. Dir tol ka a akinalang arlar larning di tol tari o e Jona a propet.
23613	MAT 13:5	Dingla otleng la punga ting na pukna ning i hatat, pa belal galis a piu ono, pa la gomo kapit, anasa a piu bel i but.
23615	MAT 13:7	Dingla na patna otleng la punga tar ting na tinine rosrosla, pa a rosrosla la gomo ot pa la rau alar pas la.
23616	MAT 13:8	Pa dingla na patna otleng la punga ting na wakak a piu pa la wai. Dingla la wai takai a mar a wanala, dingla otleng diono na bonot, pa dingla natol a bonot.
23665	MAT 13:57	Pa bel la gas ono. Ika e Iesu i atai la mang, “Di sira hanrawai a propet ting na hanua masik, ika la ot ting na hanua ngasna pa ting na rumai ngasna bel la hanrawai i.”
23683	MAT 14:17	La atai i mang, “Dilima na bret ka, pa naur a sis kane mila losi.”
23703	MAT 15:1	Dingla na Parisaio pa tena asaerla tagun a warkurai la han misaot e Jerusalem tetek e Iesu, pa la dekeni mang,
23724	MAT 15:22	Ning a hane Kenan miting na papar ning, i hanot pa i kabah e Iesu mang, “Leklek, a Nat e Dewit ur maris iau. A natuk hane, a mot kaning ono, pa i sira alaulau i.”
23745	MAT 16:4	A tarai tagun anone, a laulau a tarai, anunla a lalaun i bakbak kusun e God. La mang sur lar oroi ta akinalang, ika bel dir tol tar tik tetek la. Dir tol ka a akinalang arlar larning di tol tari o e Jona.” Lamur e Iesu i han kusun la.
23755	MAT 16:14	La kelesi mang, “Dingla na tarai la atong u e Jon a Tena Baptais. Dingla la atong u, e Elaija, dingla la atong u, e Jeremaia, pa dingla otleng la atong u, ning a hal a propetla.”
23791	MAT 17:22	Ning e Iesu pa anuna kakak a asaerla la han taum tumo na papar Galili, i atai la mang, “Dir saran tar a Nat a Barsan uting na kuna tarai
23827	MAT 18:31	Dingla na tena titol oros la oroi a toltol ning, pa la kilang laulau i. La han tetek anunla a leklek, pa la atai i ana ututnala ning a tena titol oros ka tol tari.
23834	MAT 19:3	Dingla na Parisaio la han teteki sur lar tohi. La dekeni mang, “I tostos arlar ana nundala a Warkuraila sur a barsan ir kepsen anuna hane na palai ta utna oros ka, o bel?”
23843	MAT 19:12	Urmatana kamkamna ning a tarai bel lar taulai. Dingla na tarai di agon la lar otning. Dingla na tarai, a tarai alaulau la, pa dingla na tarai otleng, bel lar taulai anasa la molot ana titol ana matanitu misaot na langit. Esi ning i tol asoti, ir mur a warwara ning.”
23844	MAT 19:13	Di ben kakakla tetek e Iesu sur ir suah naur a kuna saot onla pa ir nunung onla. Ika anuna kakak a asaerla la kepsen la.
23879	MAT 20:18	“Oroi i, ine dala han amon usaot e Jerusalem. Dir saran a Nat a Barsan tetek a leklek a tena artabarla tetek e God pa a tena asaerla tagun a warkurai. Lar warkurai i sur ir mat,
23883	MAT 20:22	E Iesu i kelesi mang, “Bel mutol tasman asaning mutol nunung suri. I mangasa, mur tolsoti sur mur gang ana kap a mamahat ning ar gang ono?” Dia kelesi mang, “Miar tolsot pasi ka.”
23891	MAT 20:30	Naur a barsan naur a kut dia kes tar ting na ris a ngas. Ning dia longori mang e Iesu ka han milau, dia arkabah rakrakai mang, “Leklek, a Nat e Dewit, ur maris miau.”
23892	MAT 20:31	Pa a kunum a tarai la sairas diau sur diar kes wowowon. Ika dia arkabah rakrakai ot usaot, “Leklek, a Nat e Dewit, ur maris miau.”
23894	MAT 20:33	Dia kelesi mang, “Leklek, mia mang sur miar tai.”
23899	MAT 21:4	Di tol a utna ne sur dir tolsot pas a warwara ane God ning a propet ka atong tari nating mang,
23902	MAT 21:7	Dia ben pas a dongki taum ana natnalik, dia kepsen a nundiau naur a saket, pa dia suah tari saot na palai naur a dongki, pa e Iesu i kes on diau.
23904	MAT 21:9	A kunum a tarai ning la nigo tana, pa la otleng ning la mur, la kukukuk mange, “Hosana tetek a Nat e Dewit! Esaning i hanot ana risan a Leklek i angis.’” “Hosana usaot kol!”
23908	MAT 21:13	Pa i atai la mang, “Di ka tumus tari ting na Buk Tabu mang, ‘Dir atong anuka rumai ana rumai a nunung.’ Ika mulo ka keles pasi sur ir arlar ana ‘pukna na mumun ana tena kinkinaula.’”
23910	MAT 21:15	Ika, ning a leklek na tena artabarla tetek e God pa na tena asaer tagun a warkurai la oroi a wakak a utnala kol ning i toli, pa la longori otleng kakakla la kukukuk ting na woroh a rumai a artabar mang, “Hosana tetek a Nat e Dewit,” la balakut kol.
23949	MAT 22:8	“I atongi tana anuna na tena titol oros mang, ‘Di ka sang tar a ngasa na taulai, ika la ning ia ka atai nigon tar la, bel la tostos sur lar kes ana ngasa.
23954	MAT 22:13	Lamur a king i atai anuna na tena titol mang, ‘Mulor dot pas naur a hana pa naur a kuna pa mulor minggen purum seni utumo lapiu na mormorom. Di tangtangis pa di arngingit ngesendi tingia.’
23955	MAT 22:14	“Di ka kabah pas a galis, ika di aslang pas siklik tarai kama.”
23983	MAT 22:42	“Asa ning mulo nuki ana Karisito? I a nat esi?” La kelesi mang, “A nat e Dewit.”
23984	MAT 22:43	E Iesu i atai la mang, “Manglarning, i mangasa a Talngan Tabu i nigon e Dewit pa i atong e Karisito mang ‘anuka Leklek’? Anasa e Dewit i atongi mang,
23986	MAT 22:45	Ning e Dewit i atong a Karisito mang i anuna Leklek, ditamana mangmangasa?”
24022	MAT 23:35	Dir saran a warkurai a arkeles tetek mulo, miting na suluk a tena tostosla rop, ning di ka umkol tar la. Turpasi ning di umkol e Abel, a tena tostos, pa i han tuk o e Sekaria, a nat e Berekia, esaning mulo umkoli na arpotor a logo na tun artabar pa a pukna ning i Tabu, tingui na rumai a artabar.
24040	MAT 24:14	Dir warawai ana Wakak a Warwara ana matanitu ane God tetek a tarai mite na rakrakan hanua rop, sur a warwara talapor ir han tetek na tarai miting na matanitu rop, lamur bot a rakrakan hanua ir rop.
24041	MAT 24:15	“Mulor oroi ning a laulau a utna kol ir hanot, ir tur ting na rumai ane God pa ir adur a rumai ning. A utna ning, e Daniel a propet ka warwara nigo tar ono nating ot. Esi ning ir was a warwarala ne, i wakak sur ir tastasmai ono.
24079	MAT 25:2	Dilima onla, la tastasmai, pa dilima, bel la tastasmai.
24087	MAT 25:10	Ika ning la han sur lar lolou, a tona tinaulai i hanot. Dilima ning la ka sang tar, la han taum onoi sur a ngasa na ataulai, pa di tagar alar a taman.
24188	MAT 26:65	A ningnigo na tena artabar i balakut pa i silir anuna kaen pa i atongi mang, “Onone ka atong laulau e God. Dala mang ulak sur al warwara na artitiu sur asa? Mulo ka longor tar anuna warwara laulaula o e God.
24235	MAT 27:37	Saot na pukul e Iesu ting na rakai kutus, la suah tar a warwara na artitiu ono, di tumus tari mang, “INE E IESU, A KING ANUN A TARAI JUDA.”
24247	MAT 27:49	Dingla na tarai otleng onla, la atongi mang, “Te, dalar noreni kaba. Dalar oroi ning e Elaija ir han purum sur ir alaun pasi, o bel.”
24272	MAT 28:8	Dia han kapit kusun a kulam a minat. Dia matmataut, ika a tnan gasgas otleng i kibas diau. Dia dun sur diar atai anuna kakak a asaerla.
24273	MAT 28:9	Ono otning e Iesu i hanot kulkulan tetek diau. Pa i atai diau mang, “Wakak a kobot tamu.” Dia han teteki, dia tong naur a hana pa dia lotu teteki.
24322	MRK 1:38	Pa e Iesu i atai la mange, “Dalar han uting anal hanua milau, sur ar warawai otleng tetek la. Ine a kamkamna ning a hanot suri.”
24330	MRK 2:1	Dingla na pukakiar i rop, e Iesu i han ulak utumo e Kapernaum. A tarai la longori mang ika hanot tar ting na rumai,
24332	MRK 2:3	Dingla na tarai la hanot taum ana ning a barsan a palaona i mat. Diat a barsan la losi tetek e Iesu.
24335	MRK 2:6	Dingla na tena asaer tagun a warkurai la kes tingia. La nuknuk mange,
24338	MRK 2:9	Esi na ngas a warwara ning bel i ngangaten sur ar atongi tana barsan ne? Ar atongi mange, ‘Di ka kepsen tar anum na toltol laulaula,’ o ar atongi mange, ‘Ur kamtur, los pas a logo ngasim pa ur han’?
24345	MRK 2:16	Dingla na tena asaer tagun a warkurai, ning a Parisaiola, la oroi e Iesu ning i hangan pa a tarai laulaula pa a tena kibas totokomla. La deken anuna kakak a asaerla mang, “Sur asa ning i hangan taum ana tena los totokomla pa a tena laulaula?”
24347	MRK 2:18	A kakak a asaerla ane Jon taum ana Parisaiola la tamai. Dingla na tarai la han tetek e Iesu, pa la dekeni mang, “I mangasa ning a kakak a asaerla ane Jon taum ana kakak a asaer anuna Parisaiola, la tamai, ika anum na kakak a asaerla bel?”
24351	MRK 2:22	Pa bel tik ir tere a tona wain uting na turai a koto na wain ning di toli ana palaona inagoi. Ning ir toli larning a turai a koto na wain ir pusa, pa a wain ir tapek, pa a koto na wain otleng ir laulau. Dir pek ot a tona wain uting na tona koto na wain.”
24354	MRK 2:25	E Iesu i keles la mange, “I mangasa belot mulo was asaning e King Dewit i toli ning i taum ana taraila ning la armuri la murak, pa belal utna anlai?
24355	MRK 2:26	Ning e Abiatar i ningnigo na tena artabar tetek e God, e Dewit i kas uting na rumai ane God pa i ien a bret ning di ka tabar tar e God ono. Pa i tabar la otleng ning la armuri. A bret ning di sairasi kusun a tarai oros. I arlar ana Warkuraila sur a tena artabarla ka tetek e God lar ieni.”
24356	MRK 2:27	Pa e Iesu i atai la mange, “Di tol tar a Pukakiar Sabat sur ir nangan a taraila, bel sur a tarai lar nangan a Pukakiar Sabat.
24361	MRK 3:4	Pa e Iesu i deken la mange, “Asa ning a Warkuraila i atongi sur dir toli ana Pukakiar Sabat? Dir tol a wakakna o dir tol a laulauna, dir alangolango tik o dir saikol tik?” Ika bel la kelesi.
24397	MRK 4:5	Dingla otleng la punga ting na pukna ning i hatat, pa belal galis a piu ono, pa la gomo kapit, anasa a piu bel i but.
24399	MRK 4:7	Dingla na patna otleng la punga tar ting na tinine rosrosla, pa a rosrosla la gomo ot pa la rau alar pas la, pa bel la wai.
24408	MRK 4:16	Dingla na tarai otleng la arlar ana pat a witla ning la punga ting na pukna ning i hatat. Ning la longor a warwara la tong akesi ana gasgas.
24410	MRK 4:18	Dingla na tarai la arlar ona pat a witla ning la punga tar ting na tinine rosrosla. La longor a warwara,
24412	MRK 4:20	Dingla na tarai la arlar ana pat a witla ning la punga ting na wakak a piu. La longor a warwara pa la muri, pa la wai, dingla na tarai natol a bonot, dingla na tarai diono na bonot, pa dingla na tarai otleng takai a mar.”
24427	MRK 4:35	Ning a rah ma ana pukakiar ning, e Iesu i atai anuna kakak a asaerla mang, “Dalar han lakai utumo na ris a puka tasi.”
24437	MRK 5:4	Di sira dot naur a kuna pa naur a hana ana senla, ika i sira dat kutus ka a sen kusun naur a kuna, pa i sira sai siksiklik a sen miting na naur a hana. Pa bel tik ir amolmol pasi.
24453	MRK 5:20	Pa i han, pa i warwara amon utumo na papar Dekapolis ana tnan utna ning e Iesu ka tol tari onoi. Pa a tarai rop la kulkulan.
24480	MRK 6:4	E Iesu i atai la mang, “Di sira hanrawai a propet ting na hanua masik, ika la ot ting na hanua ngasna, na mainala pa la ot ting na rumai ngasna bel la hanrawai i.”