23229	MAT 1:16	e Jekop e tamana e Josep, i ning i taulai o e Maria. E Maria i agon e Iesu, ning di atongi a Karisito, i ning e God i sune seni.
23236	MAT 1:23	“Oroi i, a basbas a hane ir tianan pa ir agon pas a kaklik barsan pa dir atongi o e Emanuel,” a kamkamna mang, “E God i kes taum ondala.”
23242	MAT 2:4	Lamur i ben taum rop pas a leklek a tena artabarla tetek e God pa tena asaerla tagun a warkurai. Pa i deken la mang, “A Karisito ning e God ir sune i, dir agoni tahaia?”
23250	MAT 2:12	E God ka atumarang tar la ana reresa, sur gong la ulak tar sur e Herot. Pa la ulak sur anunla a hanua ana maskan a ngas kama.
23260	MAT 2:22	Ika i longori mang, e Akelaus i keles e tamana e Herot, sur i maleng ir hanot a king tumo na papar Judia, pa e Josep i matmataut sur ir han utumo e Judia. Pa e God i sairas tari ana reresa, sur gong ditol han utumo na papar Judia. Pa ditol han kama utumo na papar Galili.
23268	MAT 3:7	E Jon i oroi a galis a Parisaiola pa a Sadusila la han sur ir baptais la, pa i atongi tanla mang, “Ai, mulo na natnat a soila! Bel mulor tolsot pasi sur mulor liu kumna kusun a warkurai na arkeles ane God, ning ir hanot.
23270	MAT 3:9	Pa gong mulo nuki mang, e God bel ir warkurai mulo anasa mulo a mangis a tarai ane Abaram. A atai mulo mang, e God i tolsot pasi sur ir tol otnan a mangis a tarai ane Abaram tagun a hatatla ne.
23274	MAT 3:13	E Iesu i han mitumo na papar Galili uting na malum Jodan tetek e Jon sur ir baptaisi.
23276	MAT 3:15	Pa e Iesu i kelesi mang, “Ur baptais iau ka. I wakak ning ur toli, sur dar tolsot pas asa rop ning i tostos namatana e God.” Pa e Jon i longor tana.
23277	MAT 3:16	Ning ka baptais tari, ono otning e Iesu i saur miting la malum, pa a langit i sapang, pa i oroi a Inguna e God i han purum arlar ana tabun pa i kes saot ono.
23281	MAT 4:3	Pa a tena alam i hanot teteki, pa i atongi tana mang, “Ning u a Nat e God, ur atai a hatatla ne sur lar hanot a bret.”
23282	MAT 4:4	E Iesu i kelesi mange, “Di ka tumus tari ting na Buk Tabu mang, ‘A tarai bel la laun ka ana utna na hangan, la laun ana warwarala rop ning i purum kusun a pahana e God.’”
23283	MAT 4:5	Lamur e Satan i ben pasi usaot e Jerusalem, a hanua ane God, pa i atur tari sot ot na pukul a rumai a artabar.
23284	MAT 4:6	Pa i atongi tana mang, “Ning u a Nat e God, ur sirok purum, anasa di ka tumus tari ting na Buk Tabu mang, ‘Ir sune anuna angelola sur lar tai alar u. Lar tong pas u ana kunla, sur gong u buh a ham ana ta hat.’”
23285	MAT 4:7	E Iesu i kelesi mang, “Di ka tumus tari otleng ting na Buk Tabu mang, ‘Gong u lar a Leklek anuma God.’”
23288	MAT 4:10	E Iesu i atongi tana mang, “Satan, ur han masik, anasa di ka tumus tari ting na Buk Tabu mange, ‘Ur lotu tetek a Leklek anuma God, pa ur longor ka tana.’”
23290	MAT 4:12	E Iesu i longori mang, di ka akas tar e Jon uting na rumai a dodot, pa i ulak utumo na papar Galili.
23291	MAT 4:13	Pa i han mitumo e Nasaret, i kes tingia e Kapernaum, a hanua ning i kes ting na hang napir a puka tasi Galili, ana piu anuna mangis a tarai Sebulon pa mangis a tarai Naptali,
23292	MAT 4:14	sur ir tolsot pas a warwara ane God ning a propet Aisaia ka warwara nigo tar onoi mang,
23293	MAT 4:15	“A piu anuna mangis a tarai Sebulon pa a piu anuna mangis a tarai Naptali, milau a ngas ning i han utumo latasi, ana ris a malum Jodan utumo, dia kes ting na papar Galili, ning a tarai ning bel a tarai Juda la kes ia.
23296	MAT 4:18	Ning a pukakiar e Iesu i asal ana hang ana puka tasi Galili, pa i oroi tetek e Saimon, di atongi otleng o e Pita, pa e tasnalik e Endru. Dia minggen a uben tisa latasi, anasa diau naur a tena minggen uben.
23301	MAT 4:23	E Iesu i han taltal ting na papar Galili rop, pa i asaer a tarai ting na nunla na rumai a lotula. I warawai ana Wakak a Warwara ana matanitu misaot na langit. Pa i alangolango pas a taraila kusun a urmatana ngas a tinsamanla rop.
23303	MAT 4:25	Pa a tnan kunum a tarai mitisa na papar Galili pa miting na papar Dekapolis, pa misaot e Jerusalem, pa misaot na papar Judia pa mitumo na ris a malum Jodan la mur e Iesu.
23307	MAT 5:4	La ning la domos, la angis, anasa e God ir amoro la.
23310	MAT 5:7	La ning na tena marmaris, la angis, anasa e God ir maris la otleng.
23311	MAT 5:8	La ning a nuknukinla i totoh, la angis, anasa lar oroi e God.
23312	MAT 5:9	La ning la sira amolmol a tarai, la angis, anasa e God ir atong la na natnatna.
23320	MAT 5:17	“Gong mulo nuki mang a hanot sur ar kibas sen a warkuraila ane Moses pa asaerla anuna propetla. Bel a hanot sur ar kibas sen la, a hanot sur ar tolsot pas la.
23324	MAT 5:21	“Mulo ka longor tari ning lanigo di ka atong tari tana tarai mang, ‘Gong u umkol tik. Esi ning ir umkol tik dir warkurai i.’
23330	MAT 5:27	“Mulo ka longor tari ning di ka atong tari mang, ‘Gong u tol a toltol laulau ana ta hane anuna tik o ta barsan anuna tik.’
23336	MAT 5:33	“Mulo ka longor tari otleng ning lanigo di ka atong tari tana tarai mang, ‘Gong u lele asasongo. A utna ning u ka lele tar ono tetek a Leklek, ur tolsoti ot.’
23337	MAT 5:34	Ika iau, a atongi ta mulo mang, gong mulo arakrakai a lele ana ta ngas a warwara otleng. Gong mulo lele ana langit, anasa a langit a keskes a king ane God.
23338	MAT 5:35	Gong mulo lele ana rakrakan hanua, anasa a rakrakan hanua a pukna ning i suah naur a hana ono. Gong mulo lele o e Jerusalem, anasa e Jerusalem a hanua ana tnan King.
23339	MAT 5:36	Gong u lele ana pukulum, anasa bel ur lingir lar pas ta hih a pukulum sur ir kokok, o ir mutmut.
23353	MAT 6:2	Pa ur tabar a kapan a taraila, gong u warwara nigo sur a tarai lar oroi u. A tarai ning bel la artabar ana momol a balanla, la sira warwara nigo ana anunla a artabar ting na rumai lotula pa ting na ngasla otleng, sur a tarai lar atong aitna pas la ono. Gong mulo toli arlar onla. A atong momoli ta mulo, ning a tarai la aitna pas la, i ot ning anunla a kidol a arlou.
23358	MAT 6:7	“Ning mulor nunung, gong mulo abereng wara oros ka, arlar ana nunung ana taraila ning bel la tasman e God. La nuki mang dir longor la anasa la atong a galis a warwara.
23359	MAT 6:8	Gong mulo arlar onla, anasa a Tamamulo ka tasman tar asa rop ning mulo kapan suri, ning belot mulo nunung.
23364	MAT 6:13	Gong u ben mila uting na arlam. Ur alaun mila kusun a Tena Laulau.’
23370	MAT 6:19	“Gong mulo suah taum a gongonla te lapiu, ning a koropos pa ros diar alaulau sen la ka, pa na tena kinkinaula lar kas pa lar kinau i.
23375	MAT 6:24	“Bel tik ir titol lar pas tetek ir naur a ningnigo. Ir nget ning a halindiau, pa ir mang sur ning a halindiau, ir katnan ning, pa takai ir saran a kaba hina kusuni. Bel mulor titol lar pas tetek e God pa tetek a mani otleng.
23381	MAT 6:30	E God i amermer a ulai sakas na bual ana wakak a purpurinla, ning anone i tapalas, pa latu dir tun seni ting na iah. Ning i toli larning ana ulai, i momol kol mang ir amermer mulo otleng. Anumulo a tortorot i natarna kol.
23382	MAT 6:31	Gong mulo nuknuk kol pa mulo atongi mang, ‘Asa dalar ieni?’, o ‘Asa dalar gangi?’, o ‘Asa ning dalar mermer ono?’
23383	MAT 6:32	Anasa a taraila ning bel la tasman e God la rakrakai sur a ututnala rop ning, ika e Tamamulo ning i kes saot na langit i tasmani mang mulo kapan sur a ututnala rop ning.
23386	MAT 7:1	“Gong mulo warkurai a toltol ana tik, sakana e God ir warkurai a toltol anumulo.
23387	MAT 7:2	Anasa e God ir warkurai mulo arlar larning mulo warkurai tik. Pa a ngas a warkurai ning mulo warkurai tik ono, i ot ning e God ir warkurai ulak mulo ono.
23391	MAT 7:6	“Gong mulo tabar a papla ana utna ane God, sakana lar talingir, pa lar arat gingini mulo. Pa gong mulo minggen anumulo a sar tetek a boroila, sakana lar pas gingini i ka ana hanla.
23418	MAT 8:4	Lamur e Iesu i atongi tana mang, “Gong u atai tar tik ono. Ur han pa ur asangan u tetek a tena artabar tetek e God, pa ur saran a artabar tetek e God larning e Moses ka atong tari. Ning ur toli larne, ir talapor tetek a tarai mang u ka langolango.”
23426	MAT 8:12	Ika, a tarai Israel ning lanigo e God i aslang pas la sur lar kes ana nuna matanitu, ir lu purum sen a galis kusun la uting na mormorom. Pa lar tangtangis pa lar arngingit ngesenla tingia.”
23442	MAT 8:28	Ning e Iesu i sot tumo na ning a ris a tasi, ting na papar anuna tarai Gadara, naur a barsan ning a motla kaning on diau, dia han miting na kulam a minatla, pa dia han barati. Dia ngalngalia kol, pa bel tik i sira han bolos tingia na ngas ning.
23443	MAT 8:29	Dia woiwoi mang, “Nat e God, asa u mang ur toli o miau? I mangasa, u han ute sur ur akadik mila ning belot a pukakiar a warkurai i sot?”
23451	MAT 9:3	Dingla na tena asaer tagun a warkurai la warwara artalai tetek la ot mang, “A barsan ne i atong saksakan e God anasa i warwara larning i e God.”
23454	MAT 9:6	Ar atongi larne, sur mulor tasmani mang, e God ka saran tar a warkurai tetek a Nat a Barsan, sur ir kepsen a toltol laulaula te lapiu.” Pa i atongi tetek a barsan ning a palaona i mat mang, “Ur kamtur, ur kibas a logo ngasim, pa ur han uting na rumai ngasim.”
23456	MAT 9:8	Ning a kunum a tarai la oroi a utna ne, la kulkulan kol ono, pa la rakan aleklek pas e God, anasa i saran a rakrakai larne tetek a tarai.
23478	MAT 9:30	Pa dia tai kakat. Pa e Iesu i sairas rakrakai tar diau mang, “Gong mu atai tar tik ono.”
23483	MAT 9:35	E Iesu i han ting na tatatnan hanuala pa nanatar a hanuala rop. I sira asaer a taraila ting na nunla na rumai lotula, pa i sira warawai ana Wakak a Warwara ana matanitu ane God, pa i alangolango pas a tarai kusun a urmatana ngas a tinsamanla rop.
23491	MAT 10:5	E Iesu i sune sen ning a bonot pa pisir naur a kakak a asaerla, pa i atai la mang, “Gong mulo han tetek a tarai ning belsur a tarai Israel, pa gong mulo han uting na hananuala ana te Samariala.
23495	MAT 10:9	Gong mulo asubaran ta mani ting na numulo a kaenla.
23496	MAT 10:10	Gong mulo los ta rat ting na numulo a tinan, gong al kelkeles, gong ta su, pa gong ta bulse. Anasa i tostos sur dir tabar a tena titol ana utna anai.
23501	MAT 10:15	A atong momoli ta mulo, ana pukakiar a warkurai, a warkurai tetek a hanua ning ir rakrakai kol tana warkurai tetek e Sodom pa e Gomora.”
23505	MAT 10:19	Ning dir dat pas mulo, gong mulo matmataut sur asa mulor atongi, pa mulor warwara mangmangasa, anasa ana taem ot ning, e God ir saran tar a warwara ning mulor atongi.
23508	MAT 10:22	Pa taraila rop lar nget mulo anasa mulo anuki, ika esining ir tur rakrakai tuk anuna lalaun ir rop, e God ir alauni.
23512	MAT 10:26	“Gong mulo ngaran a taraila. A ututnala rop ning di bunur tari, lamur ir kes puasa, pa a ututnala rop ning i kes kumna, lamur dir tasmani.
23514	MAT 10:28	Gong mulo matatan la ning la umkol ka a palaondi, ika bel lar umkol lar pas a ingundi. Mulor matatan esaning ir tol asot pasi sur ir alaulau a palaondi pa ingundi otleng ting na tnan iah.
23516	MAT 10:30	I momol kol, e God ka tasman naisa rop a hih a pukulumulo.
23517	MAT 10:31	I maining gong mulo matmataut, anasa mulo itna kol namatana e God, mulo itna tana galis a tekla.
23520	MAT 10:34	“Gong mulo nuki mang a hanot sur ar saran a bal molmol te na rakrakan hanua. Bel a hanot sur ar saran a bal molmol, a hanot ana liwan na harum.
23529	MAT 11:1	Ning e Iesu ka warwara rop tar tetek anuna ning a bonot pa pisir naur a kakak a asaer, i han mitingia sur ir asaer a tarai pa ir warawai ting na hananuala, tumo na papar Galili.
23541	MAT 11:13	A propetla rop pa a Warkuraila ane Moses la apuasa a warwara ana matanitu ane God, tuk ana rau ning e Jon i turpas a titol ono.
23547	MAT 11:19	A Nat a Barsan i hanot, i hangan pa i gang, pa la atongi onoi mang, ‘Oroi, a barsan ne a tena hangan pa tena gang, a hal a tena los totokomla pa tena laulaula.’ Ika a titolla ane God i apuasa i mang, anuna tastasmai i a tastasmai momol.”
23562	MAT 12:4	I kas uting na rumai ane God, pa i ien a bret ning di ka tabar tar e God ono. Pa la otleng ning la han taum onoi la hangan ono. A bret ning, a warkurai ono i manglarne, na tena artabar tetek e God ka lar ieni, pa tarai oros gong.
23563	MAT 12:5	I mangasa, belot mulo was a warwara miting na Buk a warkurai? I atongi mang, na tena artabar tetek e God la sira titol ting na rumai a artabar ana Pukakiar Sabat, ika bel la rongo ono.
23575	MAT 12:17	I atongi larne sur ir tolsot pas a warwara ane God ning e Aisaia a propet ka warwara nigo tar ono mang,
23585	MAT 12:27	Ning iau a kepsen a motla ana rakrakai e Belsebul, anumulo na tarai la sira kepsen la ana rakrakai esi? Mulo tasmani mang la kepsen a motla ana rakrakai e God, pa ine i asangani mang anumulo a ararup hok i rongo.
23586	MAT 12:28	Ika, ning a kepsen a motla ana rakrakai a Inguna e God, mulor tasmani mang a matanitu ane God ka hanot tetek mulo.
23589	MAT 12:31	Pa a atongi ta mulo mang, e God ir kepsen na toltol laulau rop ana tarai, pa anunla na laulau a warwara otleng o e God, ika a warwara laulau ana Talngan Tabu bel e God ir kepsen lar pasi.
23590	MAT 12:32	Esi otleng ning ir atong tar ta laulau a warwara ana Nat a Barsan, e God ir kepsen anuna toltol laulau ning, ika esining ir atong laulau a Talngan Tabu, e God bel ir kepsen lar pas anuna toltol laulau ning, ana lalaun anone pa ana lalaun lamur otleng.
23594	MAT 12:36	A atongi ta mulo mang, a warwara laulaula rop ning a tarai la ka atong tari, lamur bot, ana pukakiar a warkurai, e God ir deken la ono.
23596	MAT 12:38	Lamur dingla na tarai tagun na tena asaer tagun a warkurai pa a Parisaiola la atongi tana mang, “Tena Asaer, ur tol ta akinalang sur milar tasmani mang, u a tena titol ane God.”
23597	MAT 12:39	I keles la mang, “A tarai tagun anone, a laulau a tarai, anunla a lalaun i bakbak kusun e God. La nunung sur ta akinalang, ika bel dir tol tar tik tetek la. Dir tol ka a akinalang arlar larning di tol tari o e Jona a propet.
23609	MAT 13:1	Ana pukakiar ning, e Iesu i purum kusun a rumai pa i kes ting napir a puka tasi Galili.
23619	MAT 13:11	Pa i keles la mang, “E God ka saran tar a tastasim ta mulo, sur mulor talapor ana ututnala ana matanitu misaot na langit, ning nating i kes kumna. Ika, bel i sarani tetek a tarai rop.
23629	MAT 13:21	Ika a warwara bel i kes rakrakai ting na balana, pa barsan ning bel ir tur bongnani arlar ana wit ning belal wakirna. Ning a mamahatla ir hanot, pa dir alaulau i, anasa i tortorot ana warwara ane God, ir punga kapit.
23630	MAT 13:22	A patnala ning la punga tar ting na tinine rosrosla, la arlar ana barsan ning i longor a warwara, ika a nuknukna sur a wakak a keskes te lapiu, pa nuknuk otleng sur anuna gongon ning i asongo a nuknukna, la rau alar a warwara ane God, pa bel i wai.
23637	MAT 13:29	I sairas la mang, ‘Gong kaba, sakana mulor gat taum seni ana witla.
23643	MAT 13:35	I atongi larning sur dir tolsot pas a warwara anuna propet mang, “Ar warwara ana warwara larlarla, ar atong a ututnala ning i kes kumna, turpasi nating ot, ning e God i akes a rakrakan hanua.”
23685	MAT 14:19	Pa i arsune sur a kunum a tarai lar kes ting na ulai. I kibas pas dilima na bret pa naur a sis, i tadai usaot na langit, i atong wakak tetek e God onoi, i kibik dilima na bret, pa i sarani tana nuna kakak a asaerla. Pa la asalar a kunum a tarai ono.
23693	MAT 14:27	Ono otning e Iesu i atai la mang, “Mulor kosom, iau ka ne. Gong mulo matmataut.”
23699	MAT 14:33	La ning la kes ting na mon la lotu tetek e Iesu, pa la atongi mang, “I momol ot, u a Nat e God.”
23700	MAT 14:34	Ning la ka han lakai tumo na ning a ris a puka tasi, la sot tumo na papar Genesaret.
23705	MAT 15:3	Pa i keles la mang, “Sur asa ning bel mulo mur a warkurai ane God? Mulo mur ka a asaerla ana numulo a tarai tagun nating.
23706	MAT 15:4	Anasa e God i atongi mang, ‘Ur hanrawai e tamam pa e tnam,’ pa i atongi otleng mang, ‘Esining ir warwara laulau o e tamana pa e tana, dir umkoli.’
23707	MAT 15:5	Ika mulo, mulo asaer a tarai mang, i wakak ka ning tik ir atongi ta e tamana pa e tana mang, ‘Asaning ar nangan mu ono, ia ka saran tari tetek e God.’
23708	MAT 15:6	Ika ning bel i nangan e tamana, bel i hanrawai i. Ning mulo toli larning, mulo anatarna pas a warwara ane God sur mulor mur ka a asaerla ana numulo na tarai tagun nating.
23713	MAT 15:11	Asaning ir kas uting na pahana barsan, bel ir aduri namatana e God. Ika, asaning i atongi ana pahana, i ning ir aduri namatana e God.”