23217	MAT 1:4	pa e Ram e tamana e Aminadap, e Aminadap e tamana e Nason, pa e Nason e tamana e Salmon,
23233	MAT 1:20	Ning i nuknuk kol ot ana utna ne, a angelo ana Leklek i hanot teteki ana reresa pa i atongi mang, “Josep, a nat e Dewit, gong u urmatana nuknuk o e Maria, ur ben pasi ka sur anuma hane. Anasa a kaklik ning i tianan pasi, i hanot tagun a Talngan Tabu.
23237	MAT 1:24	Ning e Josep i mata, i muri lar otning a angelo ana Leklek i ka atai tari ono, pa i ben pas e Maria sur anuna hane.
23241	MAT 2:3	Ning e king Herot i longori, a nuknukna i talar pa nuknuk a tarai Jerusalem rop otleng.
23247	MAT 2:9	Ning la ka longor tar a king, la han. La oroi ulak pas a nangnang ning la ka oroi tari ting na pukna ning a kamis i pusa ot iai. I nigon amon la tuk ning i tur saot na pukna ning a kaklik kaningia.
23248	MAT 2:10	Ning la oroi a nangnang ning, la kilang a tnan gasgas.
23251	MAT 2:13	Ning la ka han tar, a angelo ana Leklek i hanot tetek e Josep ana reresa pa i atongi mang, “Ur kamtur, ur ben pas ditana, pa mutol ar liu kumna utumo e Ijip. Pa mutol ar kes tumo ia, tuk ning ar atai ulak u, anasa e Herot ir tai sur a kaklik sur ir umkoli.”
23254	MAT 2:16	Ning e Herot i oroi i mang a tena tastasmaila tagun a nangnangla la ka asongo tari, i balakut kol pa i arsune sur dir umkol arop sen a kakak barsanla tumo e Betlihem pa ting na hananuala otleng ning la kes milau. I saran a warkurai sur dir umkol la ning naur a rau anunla, pa la otleng ning belot naur a rau anunla, anasa a tena tastasmaila la ka atai tari ana rau anuna kaklik.
23261	MAT 2:23	Pa ditol han pa ditol kes ana hanua a risana e Nasaret. Ana anunditol a keskes tingia, di tolsot pas a warwara anuna propetla mang, “Dir atongi mang i a te Nasaret.”
23269	MAT 3:8	Ning mulo ka lingir momol a nuknukimulo, mulor tol a ututnala ning ir apuasa i mang mulo ka lingir a nuknukimulo.
23273	MAT 3:12	I tong pas anuna saol ana naur a kuna sur ir minggen a witla usaot sur a wuwu ir wus sen a palpalnala kusun a patnala. Ning ka timlan rop tari, ir suah taum anuna wit ting na rumai a wit, pa ir tun sen a palpalnala ting na iah ning bel i sira mat.”
23277	MAT 3:16	Ning ka baptais tari, ono otning e Iesu i saur miting la malum, pa a langit i sapang, pa i oroi a Inguna e God i han purum arlar ana tabun pa i kes saot ono.
23280	MAT 4:2	Ning ka tamai pas diat a bonot a pukakiar a morom pa diat a bonot a pukakiar a kabakiar, i murak.
23281	MAT 4:3	Pa a tena alam i hanot teteki, pa i atongi tana mang, “Ning u a Nat e God, ur atai a hatatla ne sur lar hanot a bret.”
23284	MAT 4:6	Pa i atongi tana mang, “Ning u a Nat e God, ur sirok purum, anasa di ka tumus tari ting na Buk Tabu mang, ‘Ir sune anuna angelola sur lar tai alar u. Lar tong pas u ana kunla, sur gong u buh a ham ana ta hat.’”
23287	MAT 4:9	Pa i atongi tana mang, “Ning ur kes ana bokona ham pa ur lotu tetek iau, a ututnala rop ne ar sarani tam.”
23291	MAT 4:13	Pa i han mitumo e Nasaret, i kes tingia e Kapernaum, a hanua ning i kes ting na hang napir a puka tasi Galili, ana piu anuna mangis a tarai Sebulon pa mangis a tarai Naptali,
23293	MAT 4:15	“A piu anuna mangis a tarai Sebulon pa a piu anuna mangis a tarai Naptali, milau a ngas ning i han utumo latasi, ana ris a malum Jodan utumo, dia kes ting na papar Galili, ning a tarai ning bel a tarai Juda la kes ia.
23296	MAT 4:18	Ning a pukakiar e Iesu i asal ana hang ana puka tasi Galili, pa i oroi tetek e Saimon, di atongi otleng o e Pita, pa e tasnalik e Endru. Dia minggen a uben tisa latasi, anasa diau naur a tena minggen uben.
23299	MAT 4:21	Ning i han mitingia, i oroi pas maleng naur a tas, e Jems pa e Jon, naur a nat e Sebedi. Latamana kes tar ting na mon pa ditol suk anunditol a ubenla. Pa e Iesu i kabah diau.
23326	MAT 5:23	“Ning ur han sur ur saran anuma artabar ting na logo na tun artabar, pa ur nuk pas ta utna ning e tasimlik i tiu u ono,
23328	MAT 5:25	“Ning tik ir suah tar u ana warkurai, mur armoro nigo ning mu kaning ot mu han amon ting na numu a tinan, sakana ir saran tar u tetek a tena warkurai. Pa tena warkurai ir malmaling sen u tetek a tena tai alar pa ir akas tar u ting na rumai a dodot.
23332	MAT 5:29	Ning a sot a matam ir ben rongon u, ur liok seni, pa ur minggen masik seni. Ir wakak ning takai a puka palaom ka dir minggen seni, sakana dir minggen a palaom rop ting na tnan iah.
23333	MAT 5:30	Ning a sot a kum ir ben rongon u, ur kutus seni, pa ur minggen masik seni. Ir wakak ning takai a puka palaom ka dir minggen seni, sakana dir minggen a palaom rop ting na tnan iah.
23335	MAT 5:32	Ika iau, a atongi ta mulo mang, ning a hane bel i tol ta toltol laulau taum ta barsan, pa anuna barsan i kepsen orosi ka, pa a hane i taulai ulak, i tol a toltol laulau. Ika anuna barsan, i kamkamna ana laulau ning. Ning ta barsan ir taulai ana ta hane ning anuna barsan i kepsen seni, i otleng ka tol a toltol laulau, anasa a hane ning, i taulai ot.
23341	MAT 5:38	“Mulo ka longor tari ning di ka atong tari mang, ‘Ning tik ir liok sen ta matan tik, dir kelesi otleng teteki, dir liok seni otleng ta matana. Pa ning tik ir tubul kuben sen ta ngesen tik, dir kelesi otleng teteki, dir tubul kuben seni otleng ta engesena.’
23342	MAT 5:39	Ika iau, a atongi ta mulo mang, gong mulo keles a laulau anuna tik ning i toli tetek mulo. Ning tik i pasar tar a ris a sot a paham, ur saran otleng ning a ris tana.
23343	MAT 5:40	Ning tik i mang sur ir dat tar u ana warkurai pa dir saran a warkurai tam sur ur saran anuma siot tana, ur noren tari otleng anuma saket.
23344	MAT 5:41	Ning tik i angongos pas u sur mur han taum uting na ta hanua ning i milau ka, ur han taum ono uting na hanua ning i bakbak siklik.
23348	MAT 5:45	Ning mulor toli larning, ir asangani mang mulo na natnat e Tamamulo, ning i kes saot na langit. Anasa i saran tar a kamis sur ir talapor ana laulau a tarai pa wakak a taraila otleng, pa i saran tar a kiar tetek na tena tostos pa tetek la otleng ning bel la tostos.
23349	MAT 5:46	Ning mulo mang sur la ka ning la mang sur mulo, asa ma anumulo a arlou? Na tena los totokom, ning bel la lasan ana marmaris la toli otleng larne, gepi?
23350	MAT 5:47	Ning mulo gas pas ka sur na halalalimulo, mulor wakak kol tan a tarai masikla mangmangasa? A tarai otleng ning bel la tortorot la gasgas pas ka sur na halalalinla, gepi?
23352	MAT 6:1	“Mulor tumarang mulo sur gong mulo tol anumulo a wakak a titol na matan a tarai ka, sur lar oroi i pa lar atong aitna pas mulo. Ning mulo toli larne, bel ta arlou anumulo tana Tamamulo ning i kes saot na langit.
23354	MAT 6:3	Ning ur tabar a kapan a taraila, gong a kair a kum i tasman asaning a sot a kum i toli,
23356	MAT 6:5	“Ning mulor nunung, gong mulo arlar ana tena asasongola. La mang kol sur lar tur pa lar nunung ting na rumai lotu, pa ting na pukpuknala ning a tarai la hanan taum tingia, sur a tarai lar oroi la pa lar atong aitna pas la. A atong momoli ta mulo, ning a tarai la aitna pas la, i ot ning anunla a kidol a arlou.
23358	MAT 6:7	“Ning mulor nunung, gong mulo abereng wara oros ka, arlar ana nunung ana taraila ning bel la tasman e God. La nuki mang dir longor la anasa la atong a galis a warwara.
23365	MAT 6:14	“Ning mulor nuk duman sen na toltol laulaula ning a tarai la toli tetek mulo, e Tamamulo, ning i kes saot na langit, ir kepsen anumulo na toltol laulaula otleng.
23367	MAT 6:16	“Ning mulor tamai sur mulor nunung, gong mulo tai arlar ana tena asasongola, anasa la tai na bal maris sur a tarai lar oroi i mang la tamai. A atong momoli ta mulo, ning a tarai la aitna pas la, i ot ning anunla a kidol a arlou.
23368	MAT 6:17	Ning ur tamai, ur kom a pukulum, pa ur damus a patarim,
23373	MAT 6:22	“Naur a matandala dia arlar ana lam ana palaondala. Ning naur a matam dia wakak, a palaom rop ir bukus ana talapor.
23374	MAT 6:23	Ika, ning naur a matam dia laulau, a palaom rop ir bukus ana mormorom. Ning anuma talapor i mormorom ka, a mormorom ning ir itna kol!
23381	MAT 6:30	E God i amermer a ulai sakas na bual ana wakak a purpurinla, ning anone i tapalas, pa latu dir tun seni ting na iah. Ning i toli larning ana ulai, i momol kol mang ir amermer mulo otleng. Anumulo a tortorot i natarna kol.
23389	MAT 7:4	Ning a puka rakai kaning na matam, ur atong mangmangasa i tetek e tasimlik mang, ‘Ar kepsen a beren kusun a matam’?
23396	MAT 7:11	Mulo na laulau a tarai, ika mulo tasman ot a wakak a artabarla sur mulor tabar na natnatumulola ono. Ning mulo sira toli larne, i momol kol mang, e Tamamulo ning i kes saot na langit ir saran a wakak a ututnala tetek esining ir nunungi.
23413	MAT 7:28	Ning e Iesu ka atong rop tar a warwarala ne, a kunum a tarai la kulkulan ana nuna asasaer,
23415	MAT 8:1	Ning e Iesu i han purum misaot na mangir, a galis a kunum a tarai la muri.
23416	MAT 8:2	Ning a barsan, a lepra, i han teteki, i kes ana bokona hana ting napirna, pa i atongi mang, “Leklek, ning u mang, ur tolsot sur ur alangolango pas iau.”
23418	MAT 8:4	Lamur e Iesu i atongi tana mang, “Gong u atai tar tik ono. Ur han pa ur asangan u tetek a tena artabar tetek e God, pa ur saran a artabar tetek e God larning e Moses ka atong tari. Ning ur toli larne, ir talapor tetek a tarai mang u ka langolango.”
23419	MAT 8:5	Ning e Iesu ka hanot tumo e Kapernaum, ning a ningnigo anuna tena harumla mitumo e Rom i han teteki, pa i atai i sur ir nangani.
23423	MAT 8:9	Anasa iau a barsan ning a sira longor ana warkurai anunla ning la leklek tak, pa di saran tar a warkurai otleng tak sur ar nigon a tarai a harum. Ning ar atongi tana tik mang, ‘Ur han,’ ir han ka. Pa tetek tik otleng larne, ‘Ur han ute,’ ir han ka ute. Pa tetek anuka tena titol mang, ‘Ur tol a utna ne,’ ir toli ka.”
23424	MAT 8:10	Ning e Iesu i longor anuna warwara, i kulkulan kol onoi, pa i atongi tetek a tarai ning la muri mang, “A atong momoli tamulo, bel a oroi tar ta te Israel ning anuna tortorot i itna arlar ana barsan ning.
23430	MAT 8:16	Ning a kamis ka sup tar, di ben otnan a galis a tarai, ning a motla kaning onla, tetek e Iesu. I kepsen a motla ana warwara ka, pa i alangolango pas la rop, ning la sasam.
23432	MAT 8:18	Ning e Iesu i oroi a kunum a tarai ning la tur talilis pasi, i atongi tana anuna kakak a asaerla mang, “Dalar han utumo na ris a puka tasi.”
23434	MAT 8:20	Pa e Iesu i atongi tana mang, “A rokoio na papla anunla na tungla ot, pa a manila otleng anunla na pios ot, ika a Nat a Barsan bel anuna ta rumai sur ir borbor onoi.”
23442	MAT 8:28	Ning e Iesu i sot tumo na ning a ris a tasi, ting na papar anuna tarai Gadara, naur a barsan ning a motla kaning on diau, dia han miting na kulam a minatla, pa dia han barati. Dia ngalngalia kol, pa bel tik i sira han bolos tingia na ngas ning.
23443	MAT 8:29	Dia woiwoi mang, “Nat e God, asa u mang ur toli o miau? I mangasa, u han ute sur ur akadik mila ning belot a pukakiar a warkurai i sot?”
23445	MAT 8:31	Pa a motla la nunung rakrakai e Iesu mang, “Ning ur kepsen mila, ur sune kas tar mila uting na liur a boroi.”
23447	MAT 8:33	A tarai ning la tai alar a boroila ning, la dun ulak sur anunla a hanua. Ning la hanot, la atatai ana ututnala rop ning i hanot, pa on diau otleng, ning a motla la kes tar on diau.
23448	MAT 8:34	A tarai rop miting na hanua ning, la han sur lar oroi e Iesu. Ning la oroi pasi, la nunungi sur ir han kusun anunla a papar.
23450	MAT 9:2	Pa dingla na tarai la los otnan ning a barsan teteki, a palaona i mat pa i borbor tar ka ana logo ngasna. Ning e Iesu i oroi anunla tortorot, i atai a barsan ning mang, “Natuklik, gong u matmataut, di ka kepsen tar anum na toltol laulau.”
23454	MAT 9:6	Ar atongi larne, sur mulor tasmani mang, e God ka saran tar a warkurai tetek a Nat a Barsan, sur ir kepsen a toltol laulaula te lapiu.” Pa i atongi tetek a barsan ning a palaona i mat mang, “Ur kamtur, ur kibas a logo ngasim, pa ur han uting na rumai ngasim.”
23456	MAT 9:8	Ning a kunum a tarai la oroi a utna ne, la kulkulan kol ono, pa la rakan aleklek pas e God, anasa i saran a rakrakai larne tetek a tarai.
23457	MAT 9:9	Ning e Iesu i han miting ia, i oroi pas ning a barsan, a risana e Matiu, i kes ting na rumai a los totokom. E Iesu i atai i mang, “Ur mur iau.” Pa e Matiu i kamtur pa i muri.
23459	MAT 9:11	Ning a Parisaiola la oroi i, la deken anuna kakak a asaerla mang, “Sur asaning anumulo a tena asaer i hangan taum ana tena los totokomla pa tena laulaula?”
23463	MAT 9:15	E Iesu i keles la mang, “Ning ta barsan ir taulai totoh, na halalna lar domos mangmangasa ning a barsan ning kaning ot i kes taum onla? Ika ta pukakiar ir hanot, ning dir ben maskan pas a barsan ning kusun la, pa lar bot tamai.
23466	MAT 9:18	Ning e Iesu kaning ot i warwara tetek la, ning a ningnigo i han teteki, pa i kes ana bokona hana sa lanigo tana, pa i atongi mang, “A natuk hane, onokane i mat. Lamut, dar han pa ur suah a kum saot ono, pa ir laun.”
23468	MAT 9:20	Ning a hane i sasam ana suluk arlar ana ning a bonot pa pisir naur a rau. I nuki mang, ning ir tong ka a mermer ane Iesu, ir langolango. Pa i han tumo lamur ta e Iesu, pa i tuk a ris a tuka saket anunai.
23470	MAT 9:22	E Iesu i talingir pa i oroi a hane ning, pa i atai mang, “Natuklik, gong u matmataut, anuma tortorot ka alangolango pas u.” Pa ono otning a hane ning i langolango.
23471	MAT 9:23	Ning e Iesu i kas ting na rumai ana ningnigo, i oroi a tarai ning la asangan anunla a bal maris ana minat. La wus a tulalla, pa kunum a tarai otleng la domos.
23473	MAT 9:25	Ning e Iesu ka sune purum sen a taraila, i kas pa i tong a kuna kaklik hane ning, pa i kamtur kakat.
23475	MAT 9:27	Ning e Iesu i han mitingia, naur a barsan, naur a kut, dia muri, dia arkabah rakrakai mang, “Nat e Dewit, ur maris miau.”
23476	MAT 9:28	Ning i kas ting na rumai, naur a kut dia han teteki, pa i deken diau mang, “I mangasa, mu tortorot ot hok sur ar tolsot pas a utna ne?” Dia kelesi mang, “Ma Leklek.”
23480	MAT 9:32	Ning naur a kut dia kaning ot dia han amon kusun e Iesu, di ben otnan tar ning a barsan teteki, i ngat, a mot kaning ono.
23484	MAT 9:36	Ning i oroi a kunum a tarai, i maris kol la, anasa i talara a nuknukinla, pa bel ta harnanai tetek la, arlar ana sipsipla ning bel ta tena tai alar anunlai.
23493	MAT 10:7	Ning mulo han, mulor warawai amon larne, ‘A matanitu misaot na langit ka milau.’
23497	MAT 10:11	“Ning mulor han uting na tatatnan hanuala, pa nanatar a hanuala, mulor tai sur tik ning i wakak, pa mulor kes napirna tuk ana pukakiar ning mulor han kusun a hanua ning.
23498	MAT 10:12	Ning mulor kas ting na ta rumai, mulor warwara agasgas pas la.
23499	MAT 10:13	Ning a tarai miting na rumai ning lar gas pas mulo, mulor atongi mang, ‘A bal molmol ir kes tetek mulo.’ Ika ning bel lar gas pas mulo, anumulo a bal molmol ir ulak tetek mulo.
23500	MAT 10:14	Ning tik bel i gasgas pas mulo, pa bel i longor anumulo a warwara, ning mulor han kusun anuna rumai, o a hanua ning, mulor tang sen a kubus kusun a hamulo.
23505	MAT 10:19	Ning dir dat pas mulo, gong mulo matmataut sur asa mulor atongi, pa mulor warwara mangmangasa, anasa ana taem ot ning, e God ir saran tar a warwara ning mulor atongi.
23509	MAT 10:23	Ning lar alaulau mulo ting na ta hanua, mulor liu uting on ta hanua masik. A atong momoli ta mulo, ning bel mulor han rop ot uting na hananuala te e Israel, a Nat a Barsan ir hanot.
23511	MAT 10:25	I tostos sur a kaklik a asaer ir arlar ana nuna tena asaer pa a tena titol ir arlar ana nun a leklek. Ning di ka atong iau e Belsebul, mulo otleng ning mulo kes taum hok, dir atong mulo ana rising ning i laulau kol tana.
23529	MAT 11:1	Ning e Iesu ka warwara rop tar tetek anuna ning a bonot pa pisir naur a kakak a asaer, i han mitingia sur ir asaer a tarai pa ir warawai ting na hananuala, tumo na papar Galili.
23535	MAT 11:7	Ning a kakak a asaerla ane Jon la han, e Iesu i atai a kunum a tarai o e Jon mang, “Lanigo ning mulo han uting na hanua bel tetek e Jon, asaning mulo tai suri? Ngandek a kunai ning i dou ana wuwu? Bel.
23542	MAT 11:14	La warwara ana propet Elaija ning ir hanot. Ning mulo mang sur mulor tortorot ana warwara ning, anone, a tinan ot ane Jon ka tolsot pasi, anasa i a propet Elaija ning ir hanot.
23547	MAT 11:19	A Nat a Barsan i hanot, i hangan pa i gang, pa la atongi onoi mang, ‘Oroi, a barsan ne a tena hangan pa tena gang, a hal a tena los totokomla pa tena laulaula.’ Ika a titolla ane God i apuasa i mang, anuna tastasmai i a tastasmai momol.”
23549	MAT 11:21	I atongi mang, “Ir laulau tetek mulo a tarai Korasin, pa ir laulau otleng tetek mulo a tarai Betsaida. Ngandek ning di kar tol tar a ututnala na kulkulan ne tetek a tarai Tair pa tarai Saidon, arlar larning di ka tol tari tetek mulo, la kar lingir kapit a nuknukinla pa lar tobo, lar mermer ana kaenla na bal maris pa lar sabar a palaonla ana kubus a iah. Ika mulo, bel mulo lingir a nuknukim mulo.
23551	MAT 11:23	Pa mulo otleng a tarai Kapernaum, mangmangasa, mulo nuki mang dir aleklek pas mulo usaot? Bel! Dir minggen purum mulo uting na tnan iah. Ngandek ning di kar tol tar a ututnala na kulkulan tetek a tarai Sodom, arlar larning di ka tol tari tetek mulo, e Sodom kanet.
23555	MAT 11:27	“E Tata ka saran tar a ututnala rop tak. Bel tik i tasman e Natnalik, e Tamana ka, pa bel tik otleng i tasman e Tamana, e Natnalik ka, pa la otleng ning e Natnalik i mang sur ir apuasa e Tamana tetek la.
23560	MAT 12:2	Ning a Parisaiola la oroi i, la atai i mang, “Oroi, anum na kakak asaer la tol a utna ning, pa bel la mur a warkurai tagun a Pukakiar Sabat.”
23565	MAT 12:7	Ning ngandek mulo ka tasman a kamkam a warwara ne, ‘A mang sur a marmaris, pa bel a mang sur a artabar ning di sira tuni,’ bel mulor tiu la ning bel la rongo.