23324	MAT 5:21	“Mulo ka longor tari ning lanigo di ka atong tari tana tarai mang, ‘Gong u umkol tik. Esi ning ir umkol tik dir warkurai i.’
23330	MAT 5:27	“Mulo ka longor tari ning di ka atong tari mang, ‘Gong u tol a toltol laulau ana ta hane anuna tik o ta barsan anuna tik.’
23334	MAT 5:31	“Di ka atong tari otleng mang, ‘Esi ning i kepsen anuna hane, ir saran tari otleng a paka buk na kutus tinaulai tana.’
23336	MAT 5:33	“Mulo ka longor tari otleng ning lanigo di ka atong tari tana tarai mang, ‘Gong u lele asasongo. A utna ning u ka lele tar ono tetek a Leklek, ur tolsoti ot.’
23341	MAT 5:38	“Mulo ka longor tari ning di ka atong tari mang, ‘Ning tik ir liok sen ta matan tik, dir kelesi otleng teteki, dir liok seni otleng ta matana. Pa ning tik ir tubul kuben sen ta ngesen tik, dir kelesi otleng teteki, dir tubul kuben seni otleng ta engesena.’
23346	MAT 5:43	“Mulo ka longor tari ning di ka atong tari mang, ‘Ur mang sur a halim, pa ur nget anuma hirua.’
23364	MAT 6:13	Gong u ben mila uting na arlam. Ur alaun mila kusun a Tena Laulau.’
23407	MAT 7:22	Ana pukakiar a warkurai a galis lar atongi tak mang, ‘Leklek, Leklek, mila warwara na propet ana risam, pa mila kepsen a motla otleng ana risam, pa mila tol a galis a ututnala na kulkulan ana risam.’
23408	MAT 7:23	Ar keles la mang, ‘Bel a tasman mulo. Mulo na tena laulau, mulor han masik kusun iau.’
23461	MAT 9:13	Mulor han, pa mulor asaer sur mulor tastasim ana kamkama warwara ne miting na Buk Tabu, ‘A mang sur a marmaris, pa bel a mang sur a artabar ning di sira tuni.’ Anasa bel a hanot sur ar kabah pas na tena tostos. A hanot sur ar kabah pas a tena laulaula.”
23493	MAT 10:7	Ning mulo han, mulor warawai amon larne, ‘A matanitu misaot na langit ka milau.’
23499	MAT 10:13	Ning a tarai miting na rumai ning lar gas pas mulo, mulor atongi mang, ‘A bal molmol ir kes tetek mulo.’ Ika ning bel lar gas pas mulo, anumulo a bal molmol ir ulak tetek mulo.
23522	MAT 10:36	La ning la kes ting na rumai anuna ning a barsan, la ot ning anun na hiruala.’
23538	MAT 11:10	Di ka tumus tari ono ting na Buk Tabu mang, ‘Oroi, ar sune sen anuka tena los warwara sur ir nigo tam, pa ir nigo tam sur ir tol talapor anuma ngas.’
23545	MAT 11:17	‘Mila pasar kudu, ika bel mulo tortor ono, pa mila saken a saksak a bal maris, ika bel mulo domos ono.’
23546	MAT 11:18	E Jon i hanot, bel i ien ta wakak a utna pa bel i gang a wain, pa la atongi onoi mang, ‘A mot kaning onoi.’
23547	MAT 11:19	A Nat a Barsan i hanot, i hangan pa i gang, pa la atongi onoi mang, ‘Oroi, a barsan ne a tena hangan pa tena gang, a hal a tena los totokomla pa tena laulaula.’ Ika a titolla ane God i apuasa i mang, anuna tastasmai i a tastasmai momol.”
23602	MAT 12:44	Pa ir atongi mang, ‘Ar ulak sur anuka rumai, ning a purum tar kusuni.’ Ning ir hanot, ir oroi mang ka belbel, di ka surupu tar, pa di ka atostos tari.
23623	MAT 13:15	Anasa a tarai ne na balanla i rakrakai, na taltalnganla i kutkut, pa na matmatanla i kut. Ngandek ning lar ororoi lalan ana matmatanla, pa lar longlongor lalan ana taltalnganla, pa lar tastasmai ana nuknukinla, pa lar talingir, pa ar alaun pas la.’
23636	MAT 13:28	I keles la mang, ‘A hirua i tol a toltol ning.’ Pa la dekeni mang, ‘U mang sur milar han, pa milar gat arop sen la?’
23706	MAT 15:4	Anasa e God i atongi mang, ‘Ur hanrawai e tamam pa e tnam,’ pa i atongi otleng mang, ‘Esining ir warwara laulau o e tamana pa e tana, dir umkoli.’
23707	MAT 15:5	Ika mulo, mulo asaer a tarai mang, i wakak ka ning tik ir atongi ta e tamana pa e tana mang, ‘Asaning ar nangan mu ono, ia ka saran tari tetek e God.’
23743	MAT 16:2	Pa i keles la mang, “Ning ka rah, mulo sira atongi mang, ‘Latu bel ir kiar, anasa a bakut ka kubar rop.’
23744	MAT 16:3	Pa ana kobot mulo sira atongi otleng mang, ‘Onone ir kiar, anasa a bakut ka kubar, pa ka bagubagu rop.’ Mulo tastasman sur mulor pak a tatatai misaot na bakut, ika bel mulo tastasmai sur mulor pak a kamkama akinalangla, ning ia ka tol tari ana pukakiarla ne.
23812	MAT 18:16	Ning bel ir longor u, ur ben ulak pas tik o ir naur sur diar nangan u. Anasa a Buk Tabu i atongi larne, ‘Ning ir naur o ir natol anunditol a warwara i momol.’
23822	MAT 18:26	Pa a tena titol ning, i kes ana bokona hana na matan anuna leklek, pa i nunungi mang, ‘Ur noren sen iau kaba, lamur ar keles rop anum na mani.’
23823	MAT 18:27	Pa a leklek anuna tena titol ning i marisi, pa i atai i mang, ‘Ur han. Gong kama u kelesi.’
23824	MAT 18:28	“Ning a tena titol oros i purum utumo lapiu, i han barat a tena titol oros, ning nating i dinau pas ka ning a bonot a mani tana. I tong akes pasi, i bing a pogolna, pa i atai i mang, ‘Ur keles anuka mani ning u dinau pasi.’
23825	MAT 18:29	A halna ning i kes ana bokona hana namatana pa i nunungi mang, ‘Ur noren sen iau kaba, lamur ar keles anuma mani.’
23836	MAT 19:5	pa i atongi mang, ‘Ine a kamna ning a barsan ir han kusun e tamana pa e tana, pa ir kes taum o e anuna hane, sur diar hanot takai ka.’
23865	MAT 20:4	Pa i atai la mang, ‘Mulo otleng, mulor han, pa mulor titol ting na nuk a barim a wain, par tokom mulo ana sa ning i tostos.’
23868	MAT 20:7	La kelesi mang, ‘Bel tik i ben mila sur ta titol.’ I atai la mang, ‘Mulo otleng mulor han pa mulor titol ting na nuk a barim a wain.’
23869	MAT 20:8	“Ning ka rah morom, a tamana barim a wain, i atongi tana ningnigo tagun anuna tena titolla mang, ‘Kabah pas a tena titolla ute, pa ur tokom la. Ur turpasi sur tokom nigon la ning la hanot murmur pa ir han tuk onla ning la hanot nigo.’
23873	MAT 20:12	la atongi mang, ‘La ning la hanot murmur bel la titol bongnan la, ika mila, mila tol a rakrakai a titol pa a kamis i rang mila, pa u tokom la otleng arlar omila.’
23908	MAT 21:13	Pa i atai la mang, “Di ka tumus tari ting na Buk Tabu mang, ‘Dir atong anuka rumai ana rumai a nunung.’ Ika mulo ka keles pasi sur ir arlar ana ‘pukna na mumun ana tena kinkinaula.’”
23923	MAT 21:28	E Iesu i atai la mang, “Asa mulo nuki? Ning a barsan naur a natnalik, naur a kaklik barsan. I han tetek a ningnigona, pa i atai i mang, ‘Natuklik, anone ur han uting na barim a wain pa ur titol.’
23932	MAT 21:37	Lamur i sune sen e natnalik tetek la, anasa i atongi mang, ‘Lar hanrawai i.’
23933	MAT 21:38	Ika, ning a tarai a titol la oroi pas e natnalik la warwara artalai tanla mang, ‘Esaning ir keles e tamana, i ma ine ot. Mulo lamut, dalar umkoli, sur anundalai ma a barim a wain.’
23937	MAT 21:42	E Iesu i atai la mang, “I mangasa, belot mulo was a warwara ne ting na Buk Tabu? I atongi mang, ‘A hat ning na tena tol rumai la kepseni, i ot ning, a wakak a hat kes, ning di tol a rumai saot ono. A utna ne, a Leklek ot ka tol tari, pa i wakak kol ana numila a tatatai.’
23950	MAT 22:9	Mulo han ana ngasla, pa esining mulor pasteki, mulor atai i mang ir han ute sur a ngasa.’
23953	MAT 22:12	Pa i dekeni mang, ‘Lak, u kas mangmangasa tar ute? Bel a num ta kaen na ngasa na taulai.’ A barsan ning bel i kelesi.
23954	MAT 22:13	Lamur a king i atai anuna na tena titol mang, ‘Mulor dot pas naur a hana pa naur a kuna pa mulor minggen purum seni utumo lapiu na mormorom. Di tangtangis pa di arngingit ngesendi tingia.’
23973	MAT 22:32	‘Iau a God ane Abaram, a God ane Aisak pa a God ane Jekop.’ E God belsur a God ana minatla, i a God anunla ning la laun.”
23978	MAT 22:37	Pa i kelesi mang, “‘Ur mang sur anuma God a Leklek ana balam rop, a ingum rop, pa a nuknukim rop.’
23980	MAT 22:39	Pa ine a munaur a warkurai, ning i arlar otleng larning, ‘Ur mang sur a halim larning u mang sur u ot.’
24003	MAT 23:16	“Ir laulau kol tetek mulo a ningnigola, mulo arlar ka ana kutla, anasa mulo atongi mang, ‘Esi ning i lele ana rumai a artabar, bel i mamahat, ika ning tik i lele ana gol ana rumai a artabar, esaning i momol.’
24005	MAT 23:18	Mulo atongi otleng mang, ‘Esi ning i lele ana logo na tun artabar, bel i mamahat, ika ning tik i lele ana artabar ning di suahi ono, esaning i momol.’
24017	MAT 23:30	Pa mulo atongi mang, ‘Ngandek ning milar laun taum na tumtubumila nating, bel milar nangan la ning la umkol a propetla.’
24055	MAT 24:29	“Ning ka rop a mamahatla ana pukakiarla ning, ono otning ‘a kamis ir mormorom, a kalang bel ir talapor, a nangnangla lar punga purum misaot na bakut, pa a ututnala saot na bakut lar maler.’
24083	MAT 25:6	“Ana tnan morom di arkabah mang, ‘Wo, a tona tinaulai ma! Mulo iap, mulor barati.’
24085	MAT 25:8	La ning bel la tastasmai, la nunung la ning la tastasmai mang, ‘Mulor tabar mila anal siklik wel, anasa anumila na lam la ka mang sur lar mat.’
24086	MAT 25:9	La keles la mang, ‘Bel, sakana bel ir arlar ondala rop. Mulor han tetek la ning la siuran wel pa mulor lolou pas anumulo.’
24088	MAT 25:11	“Lamur dilima otleng la hanot, pa la arkabah mang, ‘Leklek, leklek, ur sapang pas mila.’
24089	MAT 25:12	I keles la mang, ‘A atong momoli ta mulo, bel a tasman mulo.’
24097	MAT 25:20	Esaning di saran tar dilima na rip a mani tana i han teteki ana dilima na rip ulak, pa i atongi tana mang, ‘Leklek, u saran tar dilima na rip a mani tak. Oroi i, ia ka agomo otnan pas dilima na rip taguni.’
24098	MAT 25:21	Anun a leklek i kelesi mang, ‘Wakak kol, u a wakak a tena titol oros, u momol ana num a titol. Ar suah tar u sur ur warkurai on al galis a utna, anasa u momol ana natar a utna ne. Lamut pa dar gas taum.’
24099	MAT 25:22	“Esaning di saran tar naur a rip a mani tana i han teteki, pa i atongi mang, ‘Leklek u saran tar naur a rip a mani tak. Oroi i, ia ka agomo otnan pas naur a rip taguni.’
24100	MAT 25:23	Anun a leklek i kelesi mang, ‘Wakak kol, u a wakak a tena titol oros, u momol ana num a titol. Ar suah tar u sur ur warkurai on al galis a utna, anasa u momol ana natar a utna ne. Lamut pa dar gas taum.’
24102	MAT 25:25	A matatan u, pa a han a por kumnan tar anuma mani. Oroi i, anuma mani i ulak mane.’
24107	MAT 25:30	Pa a tena titol oros ne, ning bel i tolsot pas ta utna, mulor minggen purum seni uting na mormorom, a pukna ning di tangtangis pa di arngingit ngesendi ia.’
24113	MAT 25:36	Bel ta kaen anuki pa mulo saran a kaen tak, a sasam pa mulo tai alar iau, pa a kes ting na rumai a dodot pa mulo geren iau.’
24117	MAT 25:40	“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’
24120	MAT 25:43	A wasira pa bel mulo ben kas iau uting na rumai, bel ta kaen anuki pa bel mulo saran ta kaen tak, a sasam pa a kes ting na rumai a dodot pa bel mulo geren iau.’
24122	MAT 25:45	“Ir keles la mang, ‘A atong momoli ta mulo, asaning bel mulo tol tari tetek ta barsan oros ka, bel mulo toli hok.’
24154	MAT 26:31	E Iesu i atongi tanla mang, “Mese na morom, mulo rop mulor han kusun iau. Anasa di ka tumus tari ting na Buk Tabu mang, E God i atongi mang, ‘Ar um a tena tai alar ana sipsipla, pa na sipsip lar liu sarara.’
24271	MAT 28:7	Lamur mur han kapit, pa mur atai anuna kakak a asaerla mang, ‘I ka kamtur ulak kusun a minat. Onone ir nigo utumo e Galili. Mulor oroi i tumo.’ Oroi, ia ka atai mu onoi.”
24277	MAT 28:13	pa la atai la mang, “Mulor atongi ka larne, ‘Ana morom ning mila borbor duman, anuna kakak a asaerla la hanot, pa la kinau pas a minatna.’
24539	MRK 7:7	La lotu oros ka tetek iau, anasa la asaer a taraila ana warkuraila anuna taraila ka.’
24542	MRK 7:10	E Moses i atongi mange, ‘Ur hanrawai e tamam pa e tnam.’ Pa i atongi otleng mang, ‘Esining ir warwara laulau o e tamana pa e tana dir umkoli.’
24543	MRK 7:11	Ika mulo, mulo asaer a taraila mang, i wakak ka ning tik ir atai e tamana pa e tana mang, ‘Asaning ar nangan mu ono, ia ka saran tari tetek e God.’
24655	MRK 9:48	Tingia ‘a soisoila bel lar mat, pa a iah otleng bel ir mat.’
24663	MRK 10:6	Ika ana turpas a akakes, e God ‘i akes a taraila, sur la a barsan pa hane.’
24665	MRK 10:8	sur diau takai kama.’ Pa bel diau arenaur ma, diau takai kama.
24726	MRK 11:17	I asaer la mang, “Di ka tumus tari ting na Buk Tabu manglarne, ‘Dir atong anuka rumai mang a rumai a nunung sur a taraila miting na matanitu rop.’ Ika mulo ka tol lingir pasi sur ir arlar kama lar a ‘rumai anuna tena kinkinaula.’”
24749	MRK 12:7	Ika a tarai a titol la warwara taum pas mange, ‘I ma ning ir keles e tamana, imaine i han ute. Mulo lamut, dalar um amati, sur anundalai ma a barim a wain.’
24768	MRK 12:26	Ning mulo puai mang a minatla bel lar laun ulak kusun a minat, mangmangasa belot mulo was a Buk ane Moses ning i warwara ana rakai ning i sot? E God i atongi tetek e Moses mange, ‘Iau a God ane Abaram, a God ane Aisak pa a God ane Jekop.’
24772	MRK 12:30	Mulor mang sur a Leklek anumulo a God ana balamulo rop, a ingumulo rop, a nuknukimulo rop, pa a rakrakaimulo rop.’
24773	MRK 12:31	Ine a munaur a warkurai, ‘Ur mang sur a halim larning u mang sur u ot.’ Bel ta warkurai i itna ana naur a warkurai ne.”
24811	MRK 13:25	a nangnangla lar punga purum misaot na langit, pa a ututnala tisaot na langit lar gulgule.’
24850	MRK 14:27	E Iesu i atai la mange, “Mulo rop mulor han pas kusun iau, larning di ka tumus tari ting na Buk Tabu mang, E God i atongi mange, ‘Ar umkol a tena tai alar a sipsip, pa a sipsipla lar liu sarara.’
25291	LUK 7:27	Di ka tumtumus tar onoi ting na Buk Tabu mange, ‘Oroi, ar sune anuka tena los warwara sur ir nigon u. Ir nigon u pa ir atalapor anuma ngas.’
25296	LUK 7:32	La arlar ana kakakla ning la kes ting na tinine hanua pa la arkabah tetek na halalinla mange, ‘Mila pasar kudu, ika bel mulo tortor ono, pa mila saken a saksak a bal maris, ika bel mulo tangis ono.’
25297	LUK 7:33	E Jon a Tena Baptais i hanot, bel i ien ta wakak a utna pa bel i gang a wain, pa mulo atongi onoi mang, ‘A mot kaning onoi.’
25298	LUK 7:34	A Nat a Barsan i hanot, i hangan pa i gang, pa mulo atongi onoi mang, ‘Oroi, a barsan ne a tena hangan pa tena gang, a hal a tena los totokomla pa tena laulaula.’
25306	LUK 7:42	Naur a barsan ning bel dia tolsot sur diar keles a dinau. Pa barsan ning i atai diau mang, ‘Gong kama mu keles anumu na dinau.’ Esi na halin diau anuna marmaris ir itna kol?”
25324	LUK 8:10	Pa i atai la mange, “E God ka saran tar a tastasim ta mulo sur mulor talapor ana ututnala ana nuna matanitu, ning nating i kes kumna. Ika tetek a tarai masik a asaer la ana warwara larlarla, sur ‘lar oroi i pa bel lar oroi lalani, lar longori pa bel lar talapor onoi.’
25437	LUK 10:5	“Ning mulor kas ting na ta rumai, mulor atong nigoni mange, ‘A bal molmol tetek mulo.’
25443	LUK 10:11	‘A kubus miting na numulo a hanua kane na hamila, milar sah seni sur a tumarang tetek mulo. Ika mulor tasmani mang a matanitu ane God ka milau.’
25459	LUK 10:27	A barsan ning i kelesi mang, “‘Ur mang sur a Leklek anuma God ana balam rop, a ingum rop, a rakrakaim rop, pa a nuknukim rop.’ Pa ‘Ur mang sur a halim larning u mang sur u ot.’”
25467	LUK 10:35	Ana pukakiar lamur tana, i los pas naur a denaria, pa i saran tari tetek a tamana rumai, pa i atai i mang, ‘Ur tai alari. Pa ning ur tabari otleng anal utna, ning ar ulak, ar keles ulaki tetek u.’
25480	LUK 11:6	Anasa a halik i hanot tetek iau ana nuna tinan, pa belal utna sur ar tabari ono.’
25481	LUK 11:7	Pa a halna ning ui ir atai i mang, ‘Gong u amolot iau! Mila ka tagar, pa mila taum ana natnatuk mila ka borbor. Bel ma ar purum sur ar los tar ta utna tetek u.’
25498	LUK 11:24	“Ning ta mot ir purum kusun ta barsan, ir han uting na puknala ning belal malum ia, sur ir manah, ika bel ir pastek ta pukna ning ir manah ia. Pa ir atongi mange, ‘Ar ulak sur anuka rumai, ning a purum tar kusuni.’
25523	LUK 11:49	I ma ining, e God, esaning i tastasman kol, i atongi mang, ‘Ar sune a propetla pa a aposella tetek a tarai, pa a tarai lar umkol halala tagun la, pa al tarai otleng lar akadik la.’
25545	LUK 12:17	Pa i nuki mang, ‘Asa ar toli? Anasa bel ta rumai ning ar suah a utna na hangan ting ia.’
25594	LUK 13:7	Lamur i atai a tena tai alar ana barim, ‘Ana natol a rau ne a tol panai sur ta wan a rakai a fig ne. Ting seni! Anasa i tur alalar.’
25612	LUK 13:25	A tamana rumai ir tur pa ir tagar alar a taman, pa mulor tur tumolapiu, mulor pinpidir ana taman pa mulor atongi mang, ‘Leklek, ur sapang pas mila.’ Ir atai mulo mang, ‘Bel a tasmani mang mulo mitaha.’
25613	LUK 13:26	Lamur mulor atai i mang, ‘Mila hangan pa mila gang taum hom, pa u sira asasaer ting na numila na hananuala.’
25614	LUK 13:27	Ika ir keles mulo mang, ‘Bel a tasmani mang mulo mitaha. Mulo na tena laulau, mulor han masik kusun iau.’
25631	LUK 14:9	Pa esaning i arbebe ana ngasa ir hanot pa ir atai u mang, ‘Ur kes pisir kusun a barsan ne.’ Pa ur han ana meme sur a keskes tumo lamur.