1	GEN 1:1	Ma mwena handru badeh Kindrei mwesekei munyak ma kandrah.
2	GEN 1:2	Ya munyak kahis le badeh ma lakou aliy bwe, ndras badeh nohowan handru udu bolo lulik. Eme ya boto-on ta Malawi Ndrabun ta Kindrei badeh edek bwele-e gwa.
10	GEN 1:10	Eme Kindrei badeh tondrohani kon soboren badeh, “Munyak” ma iy tondrohani gwa udu se nane dah, “Ndras.” Eme Kindrei anyolom badeh ma iy sekesek handru.
28	GEN 1:28	Ano badeh iy atehei nyosowan i turu ma tiye i turu i buku doh, “Ah badeh kamwekes nah ya lundriye ah oro kaweleyani kon munyak mari ma kado katondrok. Ma jo atehei ah badeh katondrok iri ni katondrok iri sirih ma hawe iri katin haka ndriliu.
40	GEN 2:9	Iy badeh mwesekei saba kei mwasin badeh ateh udu aliy ma edeu salin. Eme udu alih ta bilin badeh kei lu-ei le, kei doh ta edeu koham winiyan bano bwe. Ma kei ale ta edeu tanan ndra-in ma tanan mwasin.
41	GEN 2:10	Ma gwa rawa badeh arorou, udu bolo Iden ta edeu gwa i ta bilin; ano udu doh badeh, apou i handra.
59	GEN 3:3	Arile kei udu alih ta bilin badeh Kindrei tiye anya, aru badeh saimon buwan. Ma aru sanyokar ale, bakameh aru amak.”
61	GEN 3:5	Kindrei tiye badeh, tasah iy tanan i buku ou aniy kameh ou kameh asahan i buku iri Kindrei. Ma ou kameh atanam lakou mwasin ma lakou ndra-in.”
62	GEN 3:6	Eme i badih dah anyolom kei dah ma buwan badeh mwasin labai ta aimon, eme iy lomondra, “Mwasin handru en i buku jo kasahan badih ta tanan.” Eme iy andrei rayah ma iy aimon ai. Ano badeh iy andrei rayah i mine udun ma udun aimon ale.
69	GEN 3:13	Eme badeh Laban Kindrei lelen i badih, “Ou anya amwekes tasah?” Eme iy anya eh, “Mwak wendreyani jo ma jo iniy.”
75	GEN 3:19	Ma i dah kameh ou amwekes lahou boto-on ma sa-ar asahan ta amwekes nyamon. Winiya len ou le barala hamon barala munyak ja mene amwekes ou na aliy, ma ou kameh a munyak leleyah.”
91	GEN 4:11	Eme ya i dah kameh munyak kameh andra-i na bales tasah na ou. Munyak badeh ndranyuwi ndraye nadu tinem i buku none ari lakou bohon asak le, na len ou adai iy.
98	GEN 4:18	Eme Inok atehei nadun ari tondrohani nyaran Irat, ya iy badeh tama Mahuja-el. Eme Mahuja-el atehei nadun mwan ari nyaran Matusa-el ya iy badeh tama Lemek.
118	GEN 5:12	Ano len Kenan jaha tan asahan ndro tonoh (70) badeh iy atehei nadun ari nyaran Mahalalel,
121	GEN 5:15	Ano len Mahalalel jaha tan asahan ndro hanoh limeh (65) badeh iy atehei nadun mwan ari nyaran Jaret.
122	GEN 5:16	Ano iy udu badeh winiya jaha ndru lunek tonoh (830). Ma iy badeh nadun rayah udu aliy ale.
125	GEN 5:19	Ano iy udu winiya jaha ma ndru lunek (800). Ma iy ale nadun rayah ale udu aliy.
127	GEN 5:21	Ano len Inok jaha tan asahan ndro hanoh limeh (65) badeh, iy atehei nadun mwan ari nyaran Matusala.
131	GEN 5:25	Ano len Matusala jaha tan asahan rinek ndru lunoh ndro taloh (187) badeh iy atehei nadun ari mwan badeh nyaran Lemek.
206	GEN 8:22	“I dah mada an ta atah basoh Ma i dah kameh mada an ta a-eh Ma abwe-eh udu aliy, I buku munyak udu le. Ya i dah kameh kon anyala Ma kon i nyarahan, Kon an ma hawe kon ur Udu bolo len ma ben.”
211	GEN 9:5	I buku none are lau idi iri lau awas amak, i dah kameh iy kameh akohok sisi-in ta aliy. Ma jo kameh edeu isi i tare katin haka i buku none iy aimon lau amak.
237	GEN 10:2	Ya nadu Jepet oro badeh Goma, Megok, Madai, Jaban, Tubal, Misek ma hawe Tiras ya eme i dah badeh nyara tubu oro.
245	GEN 10:10	Ma mwena handru badeh iy badeh atondrok Babilon ma hawe kon Irek, kon Akat ya oro kon ma taloh doh badeh udu bolo kon tinan Babilon.
258	GEN 10:23	Badeh lau ala are kon Us, are Hul, are Geta, are Mesek, badeh tubu Aram oro.
265	GEN 10:30	Ya munyak oro are aliy badeh tinan tan badeh udu kon Mesa ili isos Separ udu loboho bolo mandrei loboho an eme loken.
268	GEN 11:1	Ma mwena handru badeh lau badu munyak badeh asehek boho kon randra le.
273	GEN 11:6	Ano ma iy anya, “Iri lau dah badeh iri rabuk le, ma iri asehek sahou randra le; I dah ma mwena ai, ta iri amwekes lakou dah. Mirihik kameh iri amwekes lakou leleyah na seken tiri ai.
296	GEN 11:29	Ano Abram sudi Sarai i tan ma Nahor sudi nadu Haran badih nyaran Milkah. Ya Haran badeh tama Iska.
305	GEN 12:6	Abram edek ili eme bolo munyak doh, eme iy asahan ta kei ndrabun badu Moreh, kon ndrabun udu Sekem (na len doh badeh iri Kenan are aliy).
337	GEN 13:18	Eme Abram ili tahi asiu udu mirihik ta kei ndrabun loboho Mamre udu Hibron, eme udu doh badeh iy tukumwi bek ta salom i ta Laban.
350	GEN 14:13	Eme ndramak ari ta atobwak eme badeh tiye nyala Abram ta lakou mari. Abram badeh Hiburu. Iy manyah udu mirihik ta kei ta aton ta Mamre badu Amora. Mamre hawe nadu tinen Eskol ma Aner badeh, oro lau ta seben Abram.
353	GEN 14:16	Eme iy kuhi lakou mari mene andrei eme hamon. Ma hawe lowan Lot hawe lakou tan mari ma hawe iri badih ma hawe lau rayah ta bolo kou.
355	GEN 14:18	Eme kabin Melsisedek, kabin badu Salem, lau ta ndrokowa lau hawe Kindrei ta Kindrei badu loken, eme atiye jabi hawe wa-in i na Abram.
357	GEN 14:20	Kindrei badu loken atehei boto-on i tam ta bahun, ya masiye badeh ki ta Kindrei!” Eme badeh Abram eme atehei lakou tan rayah, i buku ronoh, iy atehei ari i tan ya i buku rinek, ronoh i tan, lakou doh iy andrei ta bahun eme badeh atehei i ta Melsisedek.
361	GEN 14:24	Jo kameh winiyan basolo-ei ari lakou bwe. Jo aseken lakou le iri lau tek mene andrei ma ndraniy badeh keme ai. Arile Aner, Eskol hawe Mamre, oro lau ta aseben jo badeh kakohok ki toro ai.”
388	GEN 16:6	Eme Abram anya eh, “Mwasin labai iy badeh ta lahou tam iy udu baha tondrok tam; Saba lakou ou anya amwekes ki tan ou amwekes ai.” Eme badeh iy amwekes tibine i ta Haga andra-i labai, eme Haga atobwak.
394	GEN 16:12	Arile nadum kameh ta ramwes, iy kameh ta amwekes ramwes i la-u lau mari. Ma iri lau mari kameh budon tiri andra-i i tan, ma iy kameh udu ndrahun len labai ta lowan oro.”
426	GEN 18:1	Ano na len, kon i nyarahan badeh Abraham eme manyah udu mada san ta asiu balei tan, eme ya Kindrei asahan hawen. Madan eme loke badeh iy anyolom lau taloh badeh ales.
467	GEN 19:9	Eme oro anya, “Ou abelek!” Ma oro tiye, “Ou lau dah badeh badu leheleh ame dah, eme ya ou anya amwekes kandriyen ta sahou ai. Oro kameh, bwe ai, arile aso kameh adeu maha tinan labai i tam.” Oro andres Lot boto-on labai ano oro anya katokos asiu.
477	GEN 19:19	Ou badeh anuhun jo labai, ma mwesekei jo, ma ou sebenei kohak. Mandrei udu len labai, jo winiyan batobwak bala aliy bwe. Koro-an maha ma sisi-in tinan labai kabwidi jo kimek.
478	GEN 19:20	Ou ndranyolom kon bwisik udu mirihik ai kodo-oh. Ma kon doh nadu bwisik, eme jo katobwak ki aliy. Ma jo kameh winiyan bamak bwe.”
487	GEN 19:29	Len Kindrei sulumwi kon tinan ma nyamak mene Lot manyah udu aliy, eme iy badeh bamaniy Abraham bwe ya eme iy mwesekei Lot atobwak ma iy udu mwasin. Loboho Iri Mowaba Ma Amora
495	GEN 19:37	Iy bwele-en badeh atehei nadun eme len badeh tondrohani nyaran badeh Mowab, moson “Ta tama.” Eme iy badeh tama iri Mowaba na len dah.
511	GEN 20:15	Eme badeh Abimelek tiye i tan, “Munyak tek udu madam kede-eh, ou manyah ado aliy na seken tam.”
550	GEN 22:2	Ano Kindrei tiye, “Ou andrei Aisik, nadum ala adem handru in tan kede-eh badeh ou ala loboho Moreya. Jo kameh leheya mandrei kameh i tam ma ou asun iy ki nyara salom.”
562	GEN 22:14	Eme Abraham tondrohani nyara kon nane doh badeh, “Kindrei Kameh Atehei.” Eme ma taku len dah aloh, “Mandrei doh badeh Laban Kameh Atehei.”
568	GEN 22:20	Ano udu len hamon badeh Abraham anuhun nadu tinen Nahor udun Milkah badeh atehei nadun ma ndru la-uh:
571	GEN 22:23	Milkah badeh atehei nah ndru la-uh nane doh.
572	GEN 22:24	Udu Nahor badih ta mada san nyaran Reumah badeh atehei Tebah, Gaham, Tahas hawe Ma-akah.
581	GEN 23:9	eme kasihinei munu bek ta Makpelah, i doh tan amwenen udu ka-u munyak tan badeh. Ado kandremenyani iy ta sihinen handru badeh sabe, eme ma kudu mada ado, jo kasihinei ki ndrahu a-eh tek.”
589	GEN 23:17	Eme udu ndranye iri Hita mari nane ame ado mada san ta i bolo kon dah, munyak ta Epron ma munu bek hawe iri kei udu kobek udu Makpelah mirihik ta Mamre badeh atehei i ta Abraham.
591	GEN 23:19	Ano badeh Abraham atehei udun Sara i munu bek udu munyak Makpelah mirihik ta Mamre (aloh Hibron) udu munyak Kenan.
607	GEN 24:15	Iy ano salom le badeh, Rebeka edek ma sabok tan udu kasen eme. Iy badeh nadu Betu-el ya Betu-el i ndrine Milkah, udu nadu tine Abraham Nahor.
616	GEN 24:24	Eme iy tiye, “Jo badeh nadu Betu-el, Betu-el i ndrine Milkah uru Nahor.”
639	GEN 24:47	“Eme badeh jo ndrmenya iy, ‘Ou nadu areh?’ “Iy anya eh, ‘Jo badeh nadu Betu-el i ndrine Nahor, ala Milkah atehei nadun.’ Ano badeh jo atehei bek nyikilikin i no-on ma hawe atehei bokomwak i bohan,
661	GEN 25:2	Eme badeh iy atehei nadun oro badeh Simran, Joksan, Medan, Midiyen, Isbak ma hawe Su-ah.
663	GEN 25:4	Ya nadu Midiyen oro badeh Epah, Eper, Hanok, Abida ma hawe Elda-ah. Oro doh bu-u oro badeh Katura.
668	GEN 25:9	Eme badeh nadun uru, Aisik hawe Isma-el badeh ahi iy udu munu bek Makpelah mirihik ta Mamre udu manan ta Epron nadu Sohar badu Hita,
672	GEN 25:13	Ya i dah badeh nyara nadu Isma-el oro, Kadok badeh Nebayot, Kedar, Adbe-el, Mibsam,
673	GEN 25:14	Misma, Dumah, Masa,
679	GEN 25:20	ano Aisik jaha tan asahan hanoh (40) badeh iy sudi nadu Betu-el Rebeka. (iy badu Aram badu Mesopotamiya nadu tine Leban).
682	GEN 25:23	Eme Laban tiye i tan, “Kon tinan munyak badeh udu ndrinem, Ma uru lau ma la-uh ado ndrinem kameh atalan; Iy ari kameh i boto-on labai ja ta iy ari, Ma iy bwele-en kameh i ta asore i bahan.”
755	GEN 27:27	Eme iy ili badeh atamas iy. Eme Aisik ihon mahu awin tan badeh, ma iy atehei nyosowan i tan ma tiye, “Mahu naduk badeh i buku none kanyeu badu bilin. Laban atehei nyosowan i ta aliy.
765	GEN 27:37	Eme Aisik tiye i ta Iso, “Jo badeh atehei Jekop atondrok ou ma mwesekei lowan oro badeh asahan lau ta lahou tan. Ma jo badeh ndratehei kalom hawe wa-in ndra tan. Saba lakou udu kede-eh ja kameh jo kedeu tam, naduk?”
767	GEN 27:39	Eme badeh taman Aisik tiye i tan, “Manyah tam kameh udu len labai ta lakou mari badu munyak, Rahu badu kandrah kameh bawek tam bwe Ma munyak tam kameh mada lihin bwe.
768	GEN 27:40	Ou kameh manyah na boto-on ta beteleu, Ma ou kameh asahan bonyo-ou ta nadu tinem. Arile i buku none ou a bolosen badeh kameh Ou kameh atobwak ta are baha tondrok tan.”
777	GEN 28:3	Ma Kindrei badeh kudu hawem ma katehei nyosowan ki la-um ma lundriyem ki sola ma kasahan lau rakon buruwen.
778	GEN 28:4	Hawe iy badeh katehei nyosowan ki ta lundriyem oro, i buku none iy atehei nyosowan i ta Abraham. Ma hawe ou andrei lakou mari badu munyak ou manyah ado aliy dah, lakou mene Kindrei atehei i ta Abraham.”
783	GEN 28:9	Eme Iso ili hawe Isma-el edek ndrine Abraham. Ya Isma-el badeh nadun badih la-uh udu aliy. Uru badeh nyara uru Mahalat hawe Nebayot. Eme badeh Iso sudi Mahalat i tan.
796	GEN 28:22	Ma bek jo tutuni udu loken kodo-oh badeh kameh asahan asiu ta Kindrei. Ma udu bolo lakou mari ou adeu eme tek badeh kameh jo edeu sese ja i hamon i tam, i buku none ronoh, badeh kameh jo edeu ari ewek tam.”
815	GEN 29:19	Eme Leban anya, “Mwasin handru ta Rejel badeh ki tam, jo bwalek iy i ta ari lau buku liliy. Ou ado hawek ado.”
820	GEN 29:24	Ma Leban atehei badih ari nyaran Silpah badeh i badih ta lahou ta Liya.
865	GEN 30:34	Eme Leban anya, “Mwasin. Ki buku none bohom baden.”
882	GEN 31:8	I buku none iy katiye, ‘Iri me busuwen badeh sihinem, badeh kameh ma iri katin haka ala bada iri busuwen kameh tam le.’ Ma buku none iy katiye, ‘Iri me torowanan badeh sihinem, badeh kameh ma iri katin haka ala ato-ou bada iri torowanan badeh kameh tam le.’ Oro kasen ala busuwen badeh tek ai.
894	GEN 31:20	Ma ale Jekop badeh batiye tanan ta Leban badu Aram ta oro nane atobwak doh bwe.
923	GEN 31:49	I doh badeh aloh ale Mispah, moson, “Bokok,” tasah iy anya, “Laban Kindrei badeh madan kudu tam ma kudu tek len talu banyolom talu bwe.
931	GEN 32:3	Jekop anyolom oro badeh iy tiye, “I dah badeh ndrahu Kindrei!” Eme ma iy tondrohaniy badeh Mahana-em, moson, “Oro lumuk.”
949	GEN 32:21	“Ma ado samaniy ta tiye, ‘Jekop in hamon eme.’” Jekop badeh abudon, “Jo kameh tamarei iy na lakou ki tan ma iy kameh mani kandriyen jo mene amwekes, i buku none jo ndruni iy.”
959	GEN 32:31	Eme badeh Jekop tondrohani nyara kon Peniyel, moson “Mada Kindrei.” Eme iy anya, “Jo badeh anyolom Kindrei udu madak amwenen arile jo bamak bwe.”
978	GEN 33:17	Arile Jekop badeh ili Sukot ma iy tahi asiu tan hawe tahi mandron rayah tiri katin haka tan. Eme nyara kon Sukot badeh, moson, “Mandron,” badeh asahan kabatana doh.
997	GEN 34:16	Ano badeh aso baradeu nadu aso badih barawek ma tado barame taso. Ma aso kameh ado manyah hawe ado ma to asahan ari buruwen.
1020	GEN 35:8	Ma badih ta tondrok ta Rebeka nyaran Debora badeh imek, eme ahi iy badeh udu loboho kum ta Betel baha kei o-uk. Ma tondrohani loboho doh badeh, Alon Bakut, “Kei o-uk ndrahu ndrelen.”
1039	GEN 35:27	Ano Jekop ili hawe Taman Aisik ili Mamre mirihik ta Kiriyat Arba, loboho mene Abraham uru Aisik manyah are aliy.
1051	GEN 36:10	Udu Iso Adah badeh atehei nah mwan ari badeh nyaran Elipas. Ano udu Elipas eme atehei nadun mwan malimeh: Oro badeh Teman, Omar, Sepo, Gatam ma hawe Kenas. Ya ta udu Elipas ari ja badeh Timna atehei nadun ari nyaran Amalek. Ya udu Iso ari ja nyaran Basemat badeh atehei nadun ari le mwan nyaran Reu-el. Ano Reu-el eme badeh tuwi nadun oro ma hahuw: Oro badeh Nahat, Serah, Samah hawe Misah.
1058	GEN 36:17	Nadu Iso Reu-el, badeh tama iri lau ta atondrok: Oro badeh Nahat, Serah, Samah hawe Misah. Oro doh badeh lau ta atondrok, oro badeh lundriye Reu-el badu Idom. Ya oro badeh tubu Basemat, ya Basemat badeh udu Iso.
1064	GEN 36:23	Ya lundriye nadu Sobal oro badeh: Alban, Manahat, Ebal, Sepo hawe Onam.
1076	GEN 36:35	Ano len Husam imek badeh nadu Bedat nyaran Hadat badeh akohok kon tan asahan kabin. Iy bwena mene amwekes bahun i tiri Midiyen ano ma iy asahan kabin ta kon munyak Idom. Kon tinan tan badeh nyaran Abit.
1077	GEN 36:36	Ano na len Hadat imek badeh Samlah badu kon Masrekah akohok kon tan asahan kabin.
1080	GEN 36:39	Ano na len nadu Akbor nyaran Ba-al Hanan imek badeh Hadat akohok kon tan asahan kabin ma udun badeh nyaran Mehetabel badih i ndrine Matret, ma Matret i ndrine Mesahap. Ya kon tinan Hadat badeh nyaran Pau. Eme Iso badeh tama iri Idom mari.