191	GEN 8:7	Eme iy suni sirih ari ta aimon lakou abola nyara Raben badeh iu ili. Eme iy bame hamon bwe, iy atah atah le winiya gwa amar.
238	GEN 10:3	Nadu Goma oro badeh iri lau ala ado kon Askanas, iri ado kon Ripat ma ado kon Togama.
239	GEN 10:4	Ya nadu Jaban oro badeh ado kon Elisah, ado kon Spa-in, ado kon Saipres ma kon Rodes.
242	GEN 10:7	Tubu iri Kus doh badeh badu kon Seba, badu kon Habilah, badu kon Sabtah, badu kon Rama ma kon Sabteka. Tubu Rama badeh lau badu kon Seba hawe kon Dedan.
246	GEN 10:11	Udu munyak doh badeh iy iu ili Aseriya ma tahi kon tinan aloh Ninibeh, kon Rehobot Ir, kon Kalah,
247	GEN 10:12	ma Resen badeh udu ndrokowa Ninibeh ma ndrokowa kon tinan aloh Kalah.
285	GEN 11:18	Ano len Pelek jaha tan asahan tonoh (30) badeh iy atehei nadun ari nyaran Reu.
287	GEN 11:20	Ano len Reu jaha tan asahan tonoh la-uh (32) badeh iy atehei nadun ari nyaran Serak.
342	GEN 14:5	Na jaha ronoh hahuw badeh Sedola-oma hawe iri kabin ta seben tan badeh, ame ma lau ta bahun tiri, ame andrei iri Repa-im an Asterot Karna-im, ma Susim an Ham, iri Emim ado loboho munyak ta Kiriyata-im,
381	GEN 15:20	ma munyak Hita ma munyak tiri Perisa ma munyak tiri Repa-im,
396	GEN 16:14	Eme ma iri aloh li doh badeh li ta Ber Lahai Roi, moson “Gwa li ta Kindrei, ou anyolom jo,” udu ndrokowa Kades hawe Beret.
570	GEN 22:22	Keset, Haso, Pildas, Jidlap ma Betu-el, tama Rebeka.
572	GEN 22:24	Udu Nahor badih ta mada san nyaran Reumah badeh atehei Tebah, Gaham, Tahas hawe Ma-akah.
607	GEN 24:15	Iy ano salom le badeh, Rebeka edek ma sabok tan udu kasen eme. Iy badeh nadu Betu-el ya Betu-el i ndrine Milkah, udu nadu tine Abraham Nahor.
610	GEN 24:18	Eme iy anya, “Laban tek, Ou a-un.” Eme Rebeka suri sabok tan atehei i minen ma iy a-un.
621	GEN 24:29	Ya Rebeka badeh nadu tinen mwan ari nyaran Leban, eme iy edek suwi, suwi ili hawe iri lau ado mada gwa.
622	GEN 24:30	Iy anyolom bek nyikilikin ta no-o ndramak ano, ma anyolom bokomwak udu boha nadu tinen ma Rebeka asehek nyalan, ano badeh iy edek ili badeh anyolom i lau dah ales udu mirihik ta kamel mirihik ta gwa udu aliy kahis le,
637	GEN 24:45	“Salom tek udu ndra ndrinek le badeh, Rebeka asahan ma bwisi sabok tan udu kasen eme. Eme iy ili a-us gwa, ano jo tiye i tan, ‘Ei, jo anya ka-un se gwa tam.’
643	GEN 24:51	Rebeka badeh kada-ah; ou andrei iy kewek ki ta nadu Abraham i buku le Kindrei ndratiye.”
645	GEN 24:53	Ano badeh lau ta lahou dah badeh lihidiy gol hawe silba nyikilikin hawe ra-ei kolau ma atehei i ta Rebeka; ano iy ale edeu lakou rayah sowan tinan handru i ta nadu tine Rebeka hawe tinen.
647	GEN 24:55	Arile nadu tine Rebeka hawe tinen tiye anya, “Rebeka winiyan bawek bwe, iy kudu winiya len ma ronoh kano badeh, iy barawek.”
650	GEN 24:58	Eme oro luhi Rebeka eme, ano oro lelen iy, “Ou aseken ala hawe ndreh kede-eh de bwe?” Eme badeh iy anya eh, “Ehe, jo aseken ta ili.”
653	GEN 24:61	Ano badeh Rebeka hawe badih tan badeh alokou oro ano badeh sawei kamel i hamon hawe oro lau. Eme oro lau ta lahou andrei Rebeka ma oro au.
654	GEN 24:62	Aisik badeh udu Negeb ndrame ndra-en Ber Lahai Roi.
656	GEN 24:64	Rebeka anyolom eme loken iy atou Aisik. Eme iy udu bwele-e kamel eme andri,
657	GEN 24:65	ma ndremenya oro lau ta lahou ta Abraham, “Are lau edek udu lobwidiu len eme, nyaha le to dah?” Eme iy lau ta lahou dah anya eh, “I doh Aisik.” Eme badeh Rebeka kuhi kolau su-i badan ma batun.
659	GEN 24:67	Eme Aisik kuhi iy ili bolo asiu balei ta tinen Sara, ma iy andrei Rebeka i udun. Rebeka asahan udun ma iy aseken iy labai; ki buku none tinen imek badeh iy babudon bwe ai, badih ta seben iy udu aliy.
670	GEN 25:11	Ano hamon ta Abraham ndramak badeh, Kindrei atehei nyosowan i ta nadun Aisik. Iy manyah badeh udu mirihik ta Ber Lahai Roi.
679	GEN 25:20	ano Aisik jaha tan asahan hanoh (40) badeh iy sudi nadu Betu-el Rebeka. (iy badu Aram badu Mesopotamiya nadu tine Leban).
680	GEN 25:21	Rebeka badeh kis iy bato-ou nah bwe, eme Aisik badeh amwekes salom i nyaran i ta Laban. Eme Laban badeh anuhun salom tan, eme ndrine Rebeka i tinan.
685	GEN 25:26	Ano ja badeh nadu tinen in hamon eme len ja badeh, minen tawi bwisimwe-e kati Iso. Eme nyaran badeh i Jekop. Aisik badeh jaha tan asahan ndro tonoh (60) eh, Rebeka atehei uru ame len.
687	GEN 25:28	Aisik badeh aseken Iso, tasah Iso badeh atiye katin haka badu lokei eme, ya iy aimon, ya Rebeka badeh aseken Jekop.
700	GEN 26:7	Eme oro lau badu kon doh badeh ndremenya Aisik ta udun, eme iy badeh inoh, ma iy anya, “Iy badeh nadu tine.” Iy lomondra badeh i buku doh, Rebeka badeh konen labai eme koro-an iri lau badu kon doh kadai iy, tasah na Rebeka.
701	GEN 26:8	Aisik udu kon doh luluwen eme badeh, Abimelek kabin badu Pilistin anyolom udu mada kadam i andri badeh iy anyolom Aisik badeh awadei Rebeka.
702	GEN 26:9	Eme Abimelek luhi Aisik eme ano iy tiye, “Rebeka badeh udum handru! I buku sah ou anya, iy nadu tinem?” Eme badeh Aisik anya, “Jo lomondra koro-an na iy kameh iri kadai jo.”
715	GEN 26:22	Eme iy ili ja ihi ari ja, eme badeh oro bandra-i ta aliy bwe ai. Eme iy tondrohani nyaran badeh Rehobot, moson “Ndra winiyan ai.” Eme iy tiye, “Laban ndratehei seken ndra winiya to ai, ya to winiyan asahan amwe-es ai.”
728	GEN 26:35	Uru badeh mwesekei manyah ta Aisik hawe Rebeka bado mwasin bwe.
733	GEN 27:5	Ya Rebeka badeh ndranuhun sahou nane Aisik asehek i ta nadun Iso. Eme Iso iu ili lokei orou katin haka badeh,
734	GEN 27:6	Rebeka tiye i ta nadun Jekop, “Jo badeh anuhun tamam tiye i ta nadu tinem Iso anya,
739	GEN 27:11	Eme Jekop tiye i ta tinen Rebeka, “Arile nadu tine Iso badeh lamin solo-an ya jo badeh badak lamin bwe.
743	GEN 27:15	Ano badeh Rebeka andrei awin ta kadok tan udu bolo asiu eme, atehei i la-u bwaneh tan Jekop.
767	GEN 27:39	Eme badeh taman Aisik tiye i tan, “Manyah tam kameh udu len labai ta lakou mari badu munyak, Rahu badu kandrah kameh bawek tam bwe Ma munyak tam kameh mada lihin bwe.
770	GEN 27:42	Eme len Rebeka, anuhun lau tiye boho nadun kadok Iso badeh, iy suni lau tiye Jekop eme ma iy tiye, “Nadu tinem Iso badeh ndrasehek ta anya kidi ou amak.
774	GEN 27:46	Ano badeh Rebeka tiye ta Aisik, “Jo ndrawoyah ta udu Iso badu Hita kede-eh. I buku none Jekop kasudi ari badih ki buku doh jo kameh imek.”
779	GEN 28:5	Ano Aisik badeh tiye Jekop ili Padan Aram i hawe Leban iu ndrine Betu-el. Leban badeh nadu tine Rebeka ya Rebeka badeh tine Jekop uru Iso.
802	GEN 29:6	Ano Jekop ndremenya, “Iy mwasin de bwe?” Eme oro anya, “Ehe iy udu mwasin, ya nadun Rejel asa ma sipsip tan eme ah.”
805	GEN 29:9	Eme iy asehek sahou i toro kahis le badeh, Rejel ma sipsip ta taman oro ame. Iy badih ta atondrok sipsip le.
806	GEN 29:10	Eme Jekop anyolom ili badeh atou Rejel ma sipsip ta kalin Leban eme. Eme iy ili badeh atuwi bek ta mada gwa iu ma a-us gwa i wa-i sipsip ta kalin oro.
807	GEN 29:11	Ano badeh Jekop tawi Rejel badeh ma iy tabani bohon i ta ndrelen.
808	GEN 29:12	Eme iy asehek nyala Rejel ta iy badeh nadu Rebeka lowa taman ari ai. Ano Rejel sakaliye ili kon badeh tiye ta taman.
812	GEN 29:16	Leban badeh nadun badih, badeh la-uh, iy aluh badeh nyaran Liya ya iy sah badeh nyaran Rejel.
813	GEN 29:17	Liya badeh madan mwasin, arile Rejel badeh konen labai, i buku tariye ka-ukon.
814	GEN 29:18	Ya Jekop badeh aseken Rejel labai, eme iy anya, “Jo kameh ibo gok tam jaha ndro taloh ta sah tam Rejel.”
815	GEN 29:19	Eme Leban anya, “Mwasin handru ta Rejel badeh ki tam, jo bwalek iy i ta ari lau buku liliy. Ou ado hawek ado.”
816	GEN 29:20	Eme Jekop badeh amwekes lahou ta Leban jaha ma ndro taloh ta akohok Rejel. Iy amwekes lahou boto-on ya eme jaha ndro taloh doh badeh i buku none len la-uh le, tasah iy aseken Rejel labai.
821	GEN 29:25	Kon anya kaleu badeh Rejel bwe, Liya. Eme Jekop tiye ta Leban, “Ou amwekes sasah eme tek dah? Jo amwekes lahou tam badeh ta Rejel labai? Ou wasai jo ta sasah?”
823	GEN 29:27	Ou abe-en len ta molak sandre ari kano op, ano Rejel barawek. Arile, ou amwekes lahou tek jaha ndro taloh ja.”
824	GEN 29:28	Eme Jekop mwesekei i buku le aliy. Eme iy udu hawe Liya badeh sandre ari ano badeh iy atehei Rejel i udun ja.
825	GEN 29:29	Ano Leban badeh atehei badih ta lahou ari i nyara badih ta lahou ta Rejel, nyaran badeh Bilhah.
826	GEN 29:30	Eme Jekop badeh amadin Rejel ale, ma iy aseken iy labai ja ta Liya. Eme iy amwekes lahou ta Leban jaha ma ndro taloh ta Rejel.
827	GEN 29:31	Na len Laban anyolom Jekop badeh baseken Liya handru bwe, iy mwesekei iy badeh ato-ou nah ja. Arile Rejel badeh iy kis.
828	GEN 29:32	Eme Liya ndrinen i tinan eme badeh iy atehei kadok tondrohani nyaran Ruben. Eme iy anya, “Laban badeh ndratou maha-an tek ma i dah kameh uduk aseken jo ai.”
832	GEN 30:1	Ano na len Rejel anyolom iy bato-ou nah nadu Jekop bwe badeh, eme madan alikis nadu tinen. Eme badeh iy tiye i ta Jekop, “Ou atehei nah ki ndrinek, bwe kameh jo imek ai!”
834	GEN 30:3	Ano badeh Rejel anya, “I doh badih ta lahou tek Bilhah doh. Ou amadin iy ya iy kato-ou nah keme tek. Eme na iy le badeh lundriyek oro kasola.”
837	GEN 30:6	Ano badeh Rejel tiye, “Kindrei badeh ndramwesekei sahou ma iy ndratehei seken tek; iy badeh anyolom tikisiy tek ma iy atehei tek nah mwan.” Eme nah doh badeh tondrohani nyaran badeh Dan.
838	GEN 30:7	Ano badih ta lahou ta Rejel ndrinen tinan ja ma iy tuwi nadu Jekop mwan ari ja.
839	GEN 30:8	Eme Rejel anya, “Jo badeh amwekes lahou boto-on labai hawe nadu tine eme ma jo ndrasakalawi iy.” Eme iy tondrohani nyaran badeh Nabtali.
845	GEN 30:14	Na len bwidiu wit uni badeh Ruben ili lokei badeh ndruni kei ta nah aloh mandrake, eme iy kuhiy eme atehei i mine tinen Liya. Eme Rejel eme iy anya, “Liya, nek rayah mandrake ta nadum keme.”
846	GEN 30:15	Arile i tan badeh iy anya, “Ou mene ndrandrei uduk ka-i ai. Ya i dah kameh mandrake kewek la-un ale?” Eme Rejel tiye i buku doh, “I buku none ou atehei mandrake ta nadum, ou kameh amadin hawe Jekop na ben kameh.”
847	GEN 30:16	Eme Jekop udu lokei eme na beyeh badeh, Liya ili aturuk iy, eme Liya tiye, “Jo badeh andrei mandrake ta naduk, atehei ndra na Rejel eme ya na ben kameh ou ame amadin jo.” Eme badeh iy ili badeh amadin iy na ben.
853	GEN 30:22	Ano badeh Kindrei lomondrani Rejel; iy anuhun iy, eme iy mwesekei ndrom ta ato-ou nah ja amwe-es.
856	GEN 30:25	Rejel atehei Josep eme len ano badeh Jekop tiye ta Leban, “Ou satawi jo, jo anya ki-iu ki kon tek.
878	GEN 31:4	Eme iy suni sahou i ta Rejel uru Liya ame hawen ame lobwidiu hawe katin haka udu hawen dah.
888	GEN 31:14	Ano Rejel uru Liya tiye, “Aru kameh winiyan bakohok munyak ta tama aru bwe ai.
893	GEN 31:19	Ya Leban badeh ndra-au, ndrasan lami iri sipsip, eme badeh Rejel ili badeh bene-ei ndramak, (asehek na sukumada kei) ta taman dah.
906	GEN 31:32	Arile i buku none ou silahei are andrei sukumada kei tam badeh iy kimek, ma udu mada lowa talu oro badeh, ou anyolom i buku none ari lakou tam udu bolon tek handru, badeh ou andrei kewek hamon.” Arile Jekop badeh tanan bwe, Rejel badeh andrei sukumada kei nane doh.
907	GEN 31:33	Eme badeh Leban asilah bolo asiu balei ta Jekop ano iy i bolon ta Liya ano badeh iy i bolon turu badih ta lahou dah, eme badeh iy batakalei ari lakou bwe. Iy udu asiu balei ta Liya eme len ano iy i bolon ta Rejel.
908	GEN 31:34	Rejel badeh andrei sukumada kei badu asiu ta taman badeh, tonei udu baha ndrahu manyah ta udu bwele-e kamel udu bada munyak ma iy manyah udu la-un. Leban badeh silahei bolo asiu balei mari arile iy batakalei ari lakou bwe.
909	GEN 31:35	Eme Rejel tiye i ta taman, “Tama, ou sabolosen, jo badeh winiyan bales bare loken bwe; mada bun tek ndrasahan.” Eme iy asilah sukumada kei ta asiu tan, arile iy batakahei bwe.
962	GEN 33:1	Jekop anyolom ili badeh iy atou Iso hawe lau tan ma hanek (400) badeh adek ame; eme iy eme andromwoi oro nah i le winiya Liya uru Rejel hawe uru badih turu ta lahou turu.
963	GEN 33:2	Eme iy atehei nadun oro rayah ado hawe uru badih ta lahou tan ma la-uh ado bwena. Ano badeh Liya hawe oro nah rayah are hamon toro ano badeh udu hamon toro badeh iy atehei Rejel uru Josep ado hamon.
968	GEN 33:7	Ano ja Liya hawe nadun oro ame ja aluh a andri ale. Ano udu hamon handru badeh Rejel uru nadun Josep am ma uru ale aluh a andri.
1020	GEN 35:8	Ma badih ta tondrok ta Rebeka nyaran Debora badeh imek, eme ahi iy badeh udu loboho kum ta Betel baha kei o-uk. Ma tondrohani loboho doh badeh, Alon Bakut, “Kei o-uk ndrahu ndrelen.”
1028	GEN 35:16	Ano Jekop oro ruwani Betel ma oro au. Eme oro bala mirihik ta Eprat bwe le badeh, Rejel atona iy anya kedeu nadun ma iy akohok andra-i handru ta isi.
1029	GEN 35:17	Eme isi ta adeu nah amaha badeh iri badih ta lahou ta nah tiye i tan, “I dah nah mwan ja, Rejel; ou sanoh.”
1034	GEN 35:22	Isra-el oro manyah ado doh le, eme badeh nadun Ruben ili amadin hawe Bilhah, badih ta taman Isra-el ta nyeu. Eme Isra-el eme anuhun nyala aliy. Jekop badeh nadun ma ronoh la-uh.
1035	GEN 35:23	Nadu Liya oro mwan kadok badeh Ruben, ano Simiyon, ano Lebi, ano Juda, ano Isakar hawe Sebulun.
1036	GEN 35:24	Ya Nadu Rejel oro badeh Josep uru le Benjamin.
1037	GEN 35:25	Ya nadu bonyo-ou ta Rejel Bilhah badeh Dan hawe Naptali.
1045	GEN 36:4	Eme Adah badeh atehei Elipas; ano Basemat atehei Reu-el;
1051	GEN 36:10	Udu Iso Adah badeh atehei nah mwan ari badeh nyaran Elipas. Ano udu Elipas eme atehei nadun mwan malimeh: Oro badeh Teman, Omar, Sepo, Gatam ma hawe Kenas. Ya ta udu Elipas ari ja badeh Timna atehei nadun ari nyaran Amalek. Ya udu Iso ari ja nyaran Basemat badeh atehei nadun ari le mwan nyaran Reu-el. Ano Reu-el eme badeh tuwi nadun oro ma hahuw: Oro badeh Nahat, Serah, Samah hawe Misah.
1058	GEN 36:17	Nadu Iso Reu-el, badeh tama iri lau ta atondrok: Oro badeh Nahat, Serah, Samah hawe Misah. Oro doh badeh lau ta atondrok, oro badeh lundriye Reu-el badu Idom. Ya oro badeh tubu Basemat, ya Basemat badeh udu Iso.
1078	GEN 36:37	Ano na len Samlah imek badeh Sa-ul badu Rehobot badu gwa lakon akohok kon tan asahan kabin.
1105	GEN 37:21	Arile Ruben eme anuhun badeh iy anya kaseben ta akohok iy udu mine oro. Eme ma iy anya, “Ndri-i to sadai iy.
1106	GEN 37:22	Kakahei iy le, ki bolo lek kudu lomale an dah, ya to sadai iy ndrayen samou.” Ruben asehek sahou doh badeh, ta iy anya kaseben iy ma iy katiyani iy ki hamon hawe taman.
1113	GEN 37:29	Ano badeh Ruben eme mada lek anya katou nadu tinen, arile nadu tinen aliy bwe. Eme badeh iy sadiy awin tan ma iy tikisiy andra-i labai.
1275	GEN 42:22	Eme Ruben tiye, “Jo mene tiye anya, ado sadai iy samak, arile ado banuhun bohok bwe. Na i dah to akohok maha ta imek tan ai.”
1290	GEN 42:37	Ano Ruben tiye i ta taman, “Tama, i buku none jo bandrei Benjamin bame hamon bwe, badeh ou adai naduk mwan ma la-uh ki saluwen. Ou atehei iy keme minek, jo kameh winiyan tondrokei iy ma jo kameh winiyan andrei iy eme hamon.”