2	GEN 1:2	Ya munyak kahis le badeh ma lakou aliy bwe, ndras badeh nohowan handru udu bolo lulik. Eme ya boto-on ta Malawi Ndrabun ta Kindrei badeh edek bwele-e gwa.
6	GEN 1:6	Ano Kindrei anya eh, “Ya abo lakou i buku asi jor badeh keme kasahan ki la-uh kon, ari kudu ndrandrahun labai ya ari kudu ndrandrahun labai.” Eme badeh asahan i le buku aliy.
16	GEN 1:16	Ya eme Kindrei badeh mwesekei lakou la-uh tinan ta anya, iy mwesekei an baden eh ta atondrok len ai. Ya bun baden eh ta atondrok ben ai; ma hawe iy mwesekei iri ndrau ale.
20	GEN 1:20	Ano Kindrei anya ja eh, “Ya abo lakou mulin kasahan bolo gwa ma reu kaso na sirih.”
24	GEN 1:24	Ano Kindrei anya eh, “Abo iri saba lakou katin haka badeh kasahan bwele-e munyak. Iri katin haka ndriliu ma ndriliu bwe, nadu bwisik ma tinan badeh kasahan. Ya iri badeh ndrateheyan labai.” Eme asahan i le buku aliy.
25	GEN 1:25	Ya eme Kindrei badeh mwesekei iri mari doh ano iy anyolom eme badeh iy sekesek handru.
26	GEN 1:26	Ano Kindrei anya ja eh, “Ya abo i dah kameh to kamwekes ndramak awas ai; ya teheyan ma kone oro ki le buku to. Ya eme oro kameh katondrok iri ni, katondrok iri sirih ma katondrok iri katin haka ndriliu ma ndriliu bwe, bwisik ma tinan.”
29	GEN 1:29	Ya saba buwa kei badeh ah kaimon le ai.
43	GEN 2:12	Ya bek nyikilikin aloh gol badeh, udu aliy ma kei ta suluw badeh udu aliy ma hawe bek mwasin mwasin badeh udu aliy ale.
44	GEN 2:13	Ya andra gwa rawa ja aloh gwa Gihon; badeh arorou awudi kon munyak aloh Kus.
45	GEN 2:14	Ano andra gwa taloh badeh gwa Taigres; iy badeh arorou loboho an eme loken ta kon Aseriya. Ano andra gwa hahuw badeh nyaran gwa Yupretis.
54	GEN 2:23	Ano ndramak dah anya ja eh, “Kabwe ai; i dah i buku le jo amwenen. Ndruwin andrei badeh badu ndruwik ma odan badeh badu odak amwenen. Ya eme iy badeh badih, tasah iy badeh asahan ta ndramak mwan.”
56	GEN 2:25	Ya uru ma la-uh badeh kolau bwe, arile uru badeh buli uru bama uru bwe.
71	GEN 3:15	“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”
72	GEN 3:16	Ano iy tiye i ta i badih, “Jo kameh amwekes isi labai i buku nah ere ndrinem ma i dah kameh jo edeu sisi-in i buku ou anya adeu nah. Ya ta i doh kameh ou kameh anya udum sala len, arile i mwan le badeh atondrok ou.”
73	GEN 3:17	Eme iy tiye i ta i mwan, “Ou anuhun boho udum ma ou aniy buwa kei mene jo tiye anya ou saimon. Ya eme ta lakou ou ndramwesekei, i dah kameh munyak andra-i. Ya i dah kameh len ou ado kameh ou amwekes lahou boto-on boto-on ta amwekes munyak ta atah nam nyamon.
74	GEN 3:18	Ya i dah kameh iri bwidiu bobodon kameh ateh ma i dah kameh ou kameh aimon buwa kei badu lokei.
92	GEN 4:12	Ya i buku none ou anya atah baso kameh, munyak kameh winiyan bamwekes bateh bwe, ma ou kameh ta tekedek le.”
101	GEN 4:21	Ya nadu tinen Jubel badeh tubu iri lau ta oloh bala-eu ma ta adi ndran.
102	GEN 4:22	Silah badeh edeu Tubal Ken; iy badeh tubu iri lau ta amwekes lakou ta lahou i buku samen na hayen nyikilikin. Ya nadu tinen badeh nyaran Namah.
107	GEN 5:1	Ya i dah sare Adam oro ai. Len Kindrei mwesekei lau awas badeh, iy mwesekei konen i le buku iy.
147	GEN 6:9	Ya i dah badeh nyala Nowa ai. Nowa badeh nadun mwan badeh taloh; Sem eh, Ham eh, hawe Jepet. Nowa bamwekes se lakou bandra-i bwe ai, na len iy udu loken. Iy badeh anuhun sahou ma lakou mari mwasin ta Kindrei badeh iy in hamon ta aliy le ai.
154	GEN 6:16	Ano ou mwesekei ndruwi bolobon ma ka-un i loboho loke reu kudu aliy, ki winiya hanoh hahuw sentimita ma ka-un ale ki buku aliy. Ya ou mwesekei sarasar ki taloh ma ou atehei mada san kudu kabede ndron.
164	GEN 7:4	Ya len ndro taloh ano kameh jo kameh edeu ur undruk winiya len ma ben hanoh (40) ta adi iri mulin mari jo mene mwesekei.”
173	GEN 7:13	Ya eme na len doh badeh Nowa hawe udun ma nadu uru mwan ma taloh hawe udu nadun oro badeh a ndron ai,
186	GEN 8:2	Eme gwa badu baha munyak badeh badek bwe ma mada san ta gwa badu kandrah ili. Ya ur amondrei.
202	GEN 8:18	Ya eme Nowa eme len ta ndron hawe udun, ma hawe nadun oro ma hawe udu nadun oro,
206	GEN 8:22	“I dah mada an ta atah basoh Ma i dah kameh mada an ta a-eh Ma abwe-eh udu aliy, I buku munyak udu le. Ya i dah kameh kon anyala Ma kon i nyarahan, Kon an ma hawe kon ur Udu bolo len ma ben.”
208	GEN 9:2	Ya i dah kameh iri katin haka, sirih ma hawe iri ni kameh anoh adoh, ma iri kameh are baha tondrok tado.
218	GEN 9:12	Ya na kalem dah udu le ta sahou randra le, jo badeh amwekes hawem ma hawe iri mulin mari hamon asahan.
220	GEN 9:14	Ya i buku none jo tubulu-i kandrah na asi kandrah ma betekenyabwiu asahan,
222	GEN 9:16	Ya buku none betekenyabwiu asahan bolo asi kandrah ya i buku jo anyolom kameh, jo kameh lomondrani sahou randra le tek hawe iri mulin mari badu munyak.
229	GEN 9:23	Ano Sem uru Jepet ame andrei kolau, ano uru talahani udu kona uru. Eme uru adek na kona uru ala badeh tubulu-i tama uru. Ya mada uru badeh batou tama uru bwe.
233	GEN 9:27	Ya Kindrei badeh mwesekei kane Jepet ki sola! Ya lundriyen badeh kamanyah kado hawe lau ta Sem oro. Ya Kenan badeh ki bonyo-ou ta Jepet.”
237	GEN 10:2	Ya nadu Jepet oro badeh Goma, Megok, Madai, Jaban, Tubal, Misek ma hawe Tiras ya eme i dah badeh nyara tubu oro.
239	GEN 10:4	Ya nadu Jaban oro badeh ado kon Elisah, ado kon Spa-in, ado kon Saipres ma kon Rodes.
240	GEN 10:5	Oro badeh tubu iri lau badu busu. Ya i dah baden eh tubu Jepet oro. Oro badeh manyah ado boho kamen ra-em ra-em ado kon rakon rakon. Ya boho kamen ra-em ra-em asehek bohon randrah labai udu kon nane doh.
248	GEN 10:13	Ya tubu Ijip badeh lau badu kon Lidiya, badu kon Anam, badu kon Lehap, badu kon Naptuh,
253	GEN 10:18	tubu iri badu Abada, tubu iri badu Samara ma hawe tubu iri badu Hamata. Ya oro boho kamen mari ta Kenan badeh aseker.
254	GEN 10:19	Ya kobek ta Kenan badeh ili taku kum ano ili isos Gerar mirihik ta kon Gasa. Ano ili loboho lan ili isos Sodom, Gomorah, isos Admah ma hawe isos Sebo-im mirihik ta Lasa.
256	GEN 10:21	Ya Sem bwele-en ta Jepet badeh tubu iri Hiburu mari.
257	GEN 10:22	Ya nadu Sem oro badeh Ilam eh, Asur eh, Apaset eh, Lut eh, ma hawe Aram. Ya tubu oro lau ala nyara oro doh.
261	GEN 10:26	Ya iri lau badu kon Almodat, badu Selep, badu Hasamabet, badu Jerah,
265	GEN 10:30	Ya munyak oro are aliy badeh tinan tan badeh udu kon Mesa ili isos Separ udu loboho bolo mandrei loboho an eme loken.
266	GEN 10:31	Ya i dah badeh tubu Sem oro ya oro manyah boho kamen ra-em ra-em ado loboho munyak toro, ya oro badeh boho kon toro bala le randra bwe. Iy ari asehek tan labai iy ari asehek tan labai.
270	GEN 11:3	Ano badeh iri lelen iri ari ari, “Ado kame! Ya to kapon ndren ma kamwekes kabadok.” Eme iri asun ndren i bek ano iri amwekes alis i ta bek ta kasabata-an ki se.
277	GEN 11:10	Ya i dah badeh lundriye Sem oro. Hamon ta kon atuh ya jaha la-uh ano badeh Sem badeh jaha tan asahan rawa (100), eme badeh nadun ari asahan nyaran Apaset.
279	GEN 11:12	Ya na len Apaset jaha tan asahan tonoh limeh (35) eme nadun ari asahan nyaran Silah.
295	GEN 11:28	Eme Haran badeh imek udu kon tan amwenen udu Ur udu Babilon. Ya taman badeh bamak bwe iy udu le.
296	GEN 11:29	Ano Abram sudi Sarai i tan ma Nahor sudi nadu Haran badih nyaran Milkah. Ya Haran badeh tama Iska.
301	GEN 12:2	Jo kameh edeu lundriyem oro asahan solo-an ma i dah kameh oro asahan kon rakon buruwen. Ya i dah kameh, jo nyosowani ou ma nyaram kameh lau mari i tanan ma nyosowan kameh i tiri lau.
331	GEN 13:12	Ya Abram badeh udu munyak Kenan udu ai, ya Lot baden eh ili manyah udu bolo kon tinan nyamak ma manyah mirihik ta Sodom.
340	GEN 14:3	Ya oro kabin ma limeh doh badeh atukum ase ma lau ta bahun badeh ado nyamak Sidim, na dah badeh aloh gwa ndras nyakadan.
349	GEN 14:12	Ya Lot nadu nadu tine Abram badeh oro ado Sodom, eme badeh iri andrei oro ma lakou toro mari.
356	GEN 14:19	Eme iy atehei nyosowan i tan, ano iy anya, “Ya abo, Kindrei badu loken, ou ta amwekes munyak ma kandrah, ou nyosowani Abram!
375	GEN 15:14	Ya jo badeh kameh edeu maha ma isi i ta kon heh iri are bonyo-ou tiri. Ano buku none iri ame len ta kon doh kameh, iri kameh kuhi lakou mari eme hawe iri.
379	GEN 15:18	Ano ma kabatana doh badeh, Laban amwekes sahou randra le hawe Abram, ano Kindrei tiye, “Jo badeh tandrakan ta edeu munyak i ta lundriyem oro badeh, kobek tan badeh udu Ijip ili taku gwa Yupretis,
415	GEN 17:17	Eme Abraham aluh ya bulin i andri bada munyak eme iy lomondra ili ma iy akodei iy ta ehe-en anya eh, “Winiyan ari ndramak jaha tan rinek (100) winiyan mwesekei nah? Ya Sara badeh jaha tan ndro ronoh (90), ya iy winiyan tuwi ale?”
417	GEN 17:19	Arile Kindrei anya eh, “Bwe ai. Udum Sara kameh atehei nah ari i nadum ya ou tondrohani nyaran badeh ki Aisik. Jo bamani sahou randra le hawen ma lundriyen oro bwe. I doh ta udu le buku doh. Ya winiyan ta bano bwe.
418	GEN 17:20	Ya ndrelen tam ta Isma-el baden eh, jo ndranuhun; jo kameh nyosowani iy handru; ma jo kameh mwesekei iy asahan sola ma kanen kameh i sola. Iy kameh asahan tama oro lau ta batun ma ronoh la-uh ma jo kameh edeu iy asahan kon rakon buruwen.
433	GEN 18:8	Ano iy andrei sur simidin ta katin haka ma hawe bulumakau kasen nane ndrajuhi dah, bwese-ei i hawe oro. Eme oro aimon ai. Ya Abraham badeh ales udu baha kei.
435	GEN 18:10	Ano Laban anya eh, “Jo kameh eme ja, na bolo jaha eme, ma udum Sara kameh nah udu ndrinen.” Ya Sara badeh udu mada san ta asiu balei udu konan.
449	GEN 18:24	I buku none lau mwasin ma lomonoh (50) i dah kameh ou sulumwi kon de bwe, ma ou sulumwi kon mari ano. Ya ou winiyan basebenei bwe ai, ta lau ma lomonoh (50) bado bwe ai.
450	GEN 18:25	Ou winiyan bamwesekei bwe. I buku none ou mwesekei kameh iri lau mwasin kameh ado bolo lau ndra-in ale. Ya iy kameh winiyan bwe. Iri lau ta anuhun sahou badu munyak badeh anuhun sahou badeh mwasin ja.”
453	GEN 18:28	Ya ki buku none lau limeh le ka-au udu baha lomonoh (50), ou winiyan sulumwi kon de bwe?” Eme Laban tiye, “I buku none jo anyolom lau hanoh limeh (45) ado aliy, badeh kameh jo winiyan basulumwi bwe ai.”
457	GEN 18:32	Ano iy tiye, “Laban ou sabolosen; jo anya kasehek sahou san rasan le ja. Ya ki buku none lau ronoh le mwasin de bwe?” Eme iy anya eh, “Buku none lau ronoh le badeh jo winiyan basulumwi bwe.”
466	GEN 19:8	Naduk badih ma la-uh kada-ah, uru bakohok se mwan bwe. Jo katiye uru kame manan ya ado badeh kamwekes sasah na seken tado ki turu. Ya ado samwekes ari lakou sala toro, oro badeh are baha tondrok tek.”
503	GEN 20:7	Ya eme na le dan, badeh ou atehei udun ki hamon. Tasah iy badeh ndramak ta boho Kindrei iy kameh amwekes salom i tam, i buku bwe, jo tiye tanan tam ou kameh amak ma hawe iri lau tam mari.”
512	GEN 20:16	Ya i ta Sara badeh iy tiye i buku doh, “Jo kameh edeu ta nadu tinem kameh wa-iralou hayen nyikilikin amwekes na silba. Ta leheya udu mada iri lau tam mari, ta ou badeh bamwekes ari kandriyen ndra-in bwe, eme iri lau mari katanan ou badeh bamwekes ari lakou bandra-i bwe.”
566	GEN 22:18	Ya nyosowan ta lundriye nadum oro kameh ili la-u kon munyak mari, tasah na ou anuhun sahou tek.”
597	GEN 24:5	Eme iy lau ta lahou tan tiye, “Ya ki buku none iy badih ki bwalen ta eme kameh ki buku sah bah?”
606	GEN 24:14	Kasahan i buku none jo katiye ki ta i badih, ‘Ei, bwisi gwa tam ki andri ya jo anya ka-un se gwa,’ Ya i buku none iy anya, ‘Abo ou a-un; ma jo kedeu gwa ki ta kamel tam.’ Eme badih doh baden adeh, ki ta nadu i lau tam Aisik. Eme ya jo kameh i tanan ou badeh leheya mwasin tam i ta Abraham.”
621	GEN 24:29	Ya Rebeka badeh nadu tinen mwan ari nyaran Leban, eme iy edek suwi, suwi ili hawe iri lau ado mada gwa.
631	GEN 24:39	“Ano jo ndremenya Abraham, ‘Ya i buku none i badih bwalen ta eme hawek kameh i buku sah bah?’
663	GEN 25:4	Ya nadu Midiyen oro badeh Epah, Eper, Hanok, Abida ma hawe Elda-ah. Oro doh bu-u oro badeh Katura.
672	GEN 25:13	Ya i dah badeh nyara nadu Isma-el oro, Kadok badeh Nebayot, Kedar, Adbe-el, Mibsam,
722	GEN 26:29	Aso aseken ou tandrakan, ta ou badeh samwekes bahun same taso, i buku none aso samwekes sawek tam. Aso amwekes mwasin i tam ma ou manyah mwasin le. Ya eme na dah aso ndratanan ndramwe-es ai, Laban badeh atehei nyosowan udu tam.”
733	GEN 27:5	Ya Rebeka badeh ndranuhun sahou nane Aisik asehek i ta nadun Iso. Eme Iso iu ili lokei orou katin haka badeh,
740	GEN 27:12	Ya i buku none tama kanyokar badak kameh, i dah kameh iy anya jo wasai, ma iy kameh madan andra-i tek ma jo kameh winiyan bakohok nyosowan bwe.”
756	GEN 27:28	Ya Kindrei atehei tam rahu badu kandrah, ma munyak ki mwasin. Iy badeh kedeu tam kalom ma wa-in solo-an.
757	GEN 27:29	Ya iri kon munyak tinan badeh katudun ou, ma iri lau kaluh ki tam, ma ou atondrok nadu tinem oro, ma nah badu ndrine tinem oro kaluh ki tam. Ya oro are amwekes maha i tam badeh kakohok isi ma oro are adeu nyosowan i tam kameh akohok nyosowan ale.”
783	GEN 28:9	Eme Iso ili hawe Isma-el edek ndrine Abraham. Ya Isma-el badeh nadun badih la-uh udu aliy. Uru badeh nyara uru Mahalat hawe Nebayot. Eme badeh Iso sudi Mahalat i tan.
814	GEN 29:18	Ya Jekop badeh aseken Rejel labai, eme iy anya, “Jo kameh ibo gok tam jaha ndro taloh ta sah tam Rejel.”
846	GEN 30:15	Arile i tan badeh iy anya, “Ou mene ndrandrei uduk ka-i ai. Ya i dah kameh mandrake kewek la-un ale?” Eme Rejel tiye i buku doh, “I buku none ou atehei mandrake ta nadum, ou kameh amadin hawe Jekop na ben kameh.”
867	GEN 30:36	Ano badeh Leban atehei len taloh udu ndrokowan hawe Jekop ta adek. Ya Jekop badeh atondrok kati haka rayah ta Leban ai.
870	GEN 30:39	Ya i buku none iri me amwekes mada bun tiri are bwena ta kei dah, i dah kameh iri adeu nah bokodon hawe nah busuwen.
893	GEN 31:19	Ya Leban badeh ndra-au, ndrasan lami iri sipsip, eme badeh Rejel ili badeh bene-ei ndramak, (asehek na sukumada kei) ta taman dah.
917	GEN 31:43	Eme Leban anya, “Uru badih kede-eh naduk, oro nah kede-eh badeh naduk ma hawe oro katin haka kede-eh tek. Lakou mari udu mada kede-eh tek le ai. Ya sasah na dah jo kamwekes ki bada naduk uru hawe nadu naduk oro?”
946	GEN 32:18	Eme iy tiye ta ndramak badu bwena: “Ya i buku none nadu tine Iso kandruni ado, ya i buku none iy kandremenya ado, ‘Ado lau tare ame dah ya ado ado heh ame dah? ma katin haka mari ado bwena kede-eh tare?’
947	GEN 32:19	Eme ado katiye ki buku doh, ‘Oro badeh ta ndramak ta lahou tam Jekop. Oro doh tam ai. Ya Jekop badeh in hamon taso eme.’”
950	GEN 32:22	Eme iri lakou ta anyohan Iso na aliy badeh in mwena ili. Ya Jekop udu amadin ben ari.
974	GEN 33:13	Eme Jekop tiye, “Ou tanam oro nah badeh babadok bwe le, eme ya jo badeh katondrok iri sipsip hawe iri bulumakau ma nadu iri bwisik. Ya ki buku none iri adek na len ari buruwen kameh ma iri kamak.
1014	GEN 35:2	Ano Jekop eme badeh tiye nadun hawe udun ma hawe iri lau are hawen dah anya, “Ado kakahei iri kindrei badu leheleh tado ki-iu; Ya ado katubuni lomondra tado ma ado kasin iri kolau ha-un:
1036	GEN 35:24	Ya Nadu Rejel oro badeh Josep uru le Benjamin.
1037	GEN 35:25	Ya nadu bonyo-ou ta Rejel Bilhah badeh Dan hawe Naptali.
1044	GEN 36:3	Ya Iso ale badeh sudi Basemat ya Basemat badeh nadu tine Nebayot. Uru mala-uh badeh nadu Isma-el.
1051	GEN 36:10	Udu Iso Adah badeh atehei nah mwan ari badeh nyaran Elipas. Ano udu Elipas eme atehei nadun mwan malimeh: Oro badeh Teman, Omar, Sepo, Gatam ma hawe Kenas. Ya ta udu Elipas ari ja badeh Timna atehei nadun ari nyaran Amalek. Ya udu Iso ari ja nyaran Basemat badeh atehei nadun ari le mwan nyaran Reu-el. Ano Reu-el eme badeh tuwi nadun oro ma hahuw: Oro badeh Nahat, Serah, Samah hawe Misah.
1058	GEN 36:17	Nadu Iso Reu-el, badeh tama iri lau ta atondrok: Oro badeh Nahat, Serah, Samah hawe Misah. Oro doh badeh lau ta atondrok, oro badeh lundriye Reu-el badu Idom. Ya oro badeh tubu Basemat, ya Basemat badeh udu Iso.
1059	GEN 36:18	Ya i dah badeh lundriye udu Iso nyaran Oholibamah: Oro lau ta tondrok ya nyara Oro badeh Je-us, Jalam hawe Korah.
1060	GEN 36:19	Ya udu Iso badeh Oholibamah nadu Anah. Oro lau doh badeh nadu Iso ale, aloh Idom. Iri doh badeh lau ta atondrok.