49	GEN 2:18	Ano Laban Kindrei lomondra i buku doh, “Ei, bamwenen se bwe, i buku ndramak udu ya iy badeh le ari le. Jo kamwesekei ari seben mwasin ta aseben iy.”
95	GEN 4:15	Arile Laban anya eh, “Bwe, i buku none are idi ou, i dah kameh lau ndro taloh amak i saluwem.” Eme Laban atehei kalem i ta Ken ta tiye tanan i tare ndrondron iy badeh sadai iy.
362	GEN 15:1	Ano hamon ja badeh lele asahan ta Abram, eme iy anuhun Laban tiye i tan, “Abram, ou sanoh! Jo kameh i turuk tam ma jo kameh edeu nyosowan tinan labai i tam.”
390	GEN 16:8	Eme iy anya eh, “Haga, ou badeh badih ta lahou ta Sarai, ou ado heh ame, ma ou anya ahe.” Eme iy anya eh, “Jo badeh atobwak eme len, ta badih ta kati asiu.”
428	GEN 18:3	Ano iy anya eh, “Laban, ado sa-au ta kon tek, ado kado; jo dah ta atondrok ou.
460	GEN 19:2	Eme iy tiye, “Laban, ah ma la-uh kame asiu tek tasah jo ta lahou ta ah. Ah kasikine kati ah ma ah kamadin ben ari, ano ma ndraben ah bara-au.” Eme uru anya, “Bwe ai, aru kameh amadin na ben dah ado lohalak bolo kon.”
500	GEN 20:4	Eme badeh Abimelek bala mirihik tan bwe, eme iy tiye, “Laban, jo badeh mwasin labai, ou kameh adai jo ma iri lau tek ai?
540	GEN 21:26	Eme Abimelek anya, “Aliy, jo tanan are amwekes badeh bwe. Ou batiye tek bwe, nane le jo badeh baranuhun.”
556	GEN 22:8	Eme Abraham anya eh, “Naduk, Kindrei le baradeu sipsip kasen barame ta asun ta salom.” Eme uru ma la-uh adek ala.
578	GEN 23:6	“Laban, ou anuhun aso. Udu bolo ahi dah, ou badeh ou lau ta Kindrei. Ou ahi udum badeh ki munu bek na seken tam le. Ari ndramak badeh winiyan bala bwalen ta lek (munu bek) tan ta a-eh bada kei tam kede-eh bwe.”
587	GEN 23:15	“Laban, ou anuhun jo, munyak badeh sihinen badeh hanek (400) boroh amwekes na silba; arile lakou doh badeh talu barasehek ta aliy ndrokowa talu. Ou ahi udum.”
609	GEN 24:17	iy lau ta lahou dah edek ili suwi badeh tiye, “Ei, jo anya ka-un se gwa badu bolo sabok tam badeh?”
635	GEN 24:43	I buku none ari badih keme dah ta a-us gwa, ya jo katiye ki tan, “Ei, jo anya ka-un se gwa badu bolo sabok tam badeh,”
650	GEN 24:58	Eme oro luhi Rebeka eme, ano oro lelen iy, “Ou aseken ala hawe ndreh kede-eh de bwe?” Eme badeh iy anya eh, “Ehe, jo aseken ta ili.”
689	GEN 25:30	Eme iy tiye ta Jekop, “Suwi, se ndranoh saraman badeh keme jo kaimon. Jo ndrameson!” (eme badeh aloh iy Idom moson saraman).
709	GEN 26:16	Ano Abimelek anya, “Aisik, ou au ta mada aso; ou badeh tam lakou solo-an labai ma hawe ou ndra boto-on labai.”
741	GEN 27:13	Eme badeh tinen tiye i tan, “Naduk, ou anuhun le jo, ou ala andrei me keme, losen tam badeh kameh jo ato-ou.”
749	GEN 27:21	Ano Aisik tiye i tan, “Naduk, ou ame mirihik ya jo kanyokar badam, ou badeh naduk Iso handru de bwe.”
750	GEN 27:22	Eme Jekop i hawe taman Aisik, ano Aisik anyokar iy eme Aisik anya, “Ei, nyaro balen i buku none Jekop arile bohan badeh boha Iso.”
752	GEN 27:24	Eme Aisik ndremenya, “Ou dah naduk Iso handru?” Eme iy anya, “Ehe, jo handru.”
759	GEN 27:31	Eme iy juhiy nyamon simidin ma bwese-ei i na taman. Ano badeh iy tiye i ta taman, “Tama, ou suri ou ma ou aimon katin haka, eme ya ou atehei nyosowan tam keme la-uk.”
801	GEN 29:5	Eme iy tiye, “Ado tanan Leban, iy ala nadu tubu Nahor en?” Eme oro anya, “Ehe, aso tanan iy.”
845	GEN 30:14	Na len bwidiu wit uni badeh Ruben ili lokei badeh ndruni kei ta nah aloh mandrake, eme iy kuhiy eme atehei i mine tinen Liya. Eme Rejel eme iy anya, “Liya, nek rayah mandrake ta nadum keme.”
859	GEN 30:28	Ano badeh iy tiye le, “Abo, sabe ou aseken jo kisih ou.”
909	GEN 31:35	Eme Rejel tiye i ta taman, “Tama, ou sabolosen, jo badeh winiyan bales bare loken bwe; mada bun tek ndrasahan.” Eme iy asilah sukumada kei ta asiu tan, arile iy batakahei bwe.
958	GEN 32:30	Eme Jekop anya, “Abo, ou tiye nyaram keme tek.” Arile iy anya, “Ou anya atanam nyarak ta sasah?” Ano badeh iy atehei nyosowan i la-un udu doh.
976	GEN 33:15	Eme Iso anya, “Abo, lau tek rayah kado hawem kado.” Eme Jekop anya, “Ou anya amwekes badeh ta sasah? I doh nane jo anya kanuhun le seken tam.”
989	GEN 34:8	Arile Hamor tiye i toro, “Naduk, Sekem badeh ndrinen eden ta nadu ado badih labai. Ado katehei iy keme ma iy ki udu naduk.
1290	GEN 42:37	Ano Ruben tiye i ta taman, “Tama, i buku none jo bandrei Benjamin bame hamon bwe, badeh ou adai naduk mwan ma la-uh ki saluwen. Ou atehei iy keme minek, jo kameh winiyan tondrokei iy ma jo kameh winiyan andrei iy eme hamon.”
1319	GEN 43:28	Eme oro tiye, “Laban, tama aso badeh bamak bwe le, iy badeh boto-on tan kahis le.” Ano oro aluh andri i tan.
1363	GEN 45:4	Ano Josep tiye i toro, “Abo, ado kameh mirihik.” Eme oro ame, ano iy tiye, “Jo dah, jo Josep ado mene atehei jo i ta sisih eme Ijip.
1457	GEN 48:5	Ano Jekop tiye le, “Josep, nadum uru ma la-uh, Ipra-im hawe Manase badeh adeu uru ado Ijip udu hamon ta jo asahan dah, arile uru badeh tek le, i buku none le Ruben uru Simiyon.
1477	GEN 49:3	“Ruben, ou badeh kadok tek, ma ou badeh boto-on tek Ma ou badeh kadok tek ou asahan mwena ma ou uni handru ta boto-on. Ou boto-on labai ja ta naduk mwan mari ma ou le ai.
1482	GEN 49:8	“Juda, ou kameh nadu tinem oro kameh atudun ou. Tasah ou ateu bale lau ta amwekes bahun ewek tam. Nadu tinem oro kameh kandru oro kameh aluh i andri tam.
1492	GEN 49:18	“Laban, jo badeh abe-en ou ta aseben tam.
1513	GEN 50:6	Eme kabin anya, “Mwasin, iy kili kihiy taman i buku none iy mene ndratandrakan ta amwekes.”
7139	RUT 1:10	Uru ame tiye i ta Nawomi, “Bwai, aru kameh an hamon tam ala hawe iri lau tam.”
7140	RUT 1:11	Nawomi anya, “Bwai, ah nadu nyanak ma la-uh, ah ka hamon ai. Buku sah ah anya kame hawek nane? Naduk ndraheh ja kameh ah katasou ka turu?
7144	RUT 1:15	Nawomi eme tiye tan, “Rut, kayom ndra-au ndrala hamon ndra hawe lowan oro ai, ma hawe kindrei tan. Ou ala hawen ale!”
7153	RUT 2:2	Len ari badeh Rut tiye i ta Nawomi i buku doh: “Jo anya kili bolo bilin anya kanyidiu na talu bali, iri lau mwan nane mwetehei, erah in andri, buku ari ndramak aso-ok jo kanyidiu bali ki-in hamon tan.” Nawomi anya, “Mwasin, ou ala.”
7176	RUT 3:2	Nawomi anya, “Rut, ou anuhun, ndreh Bowas badeh, ou ale abo gok hawe oro badih tan badeh, iy badu mirihik tato handru en! Ou anuhun, ben kameh iy ili ndrahune gok, ta amekes bwisi bali iu.
7179	RUT 3:5	Rut anya, “Mwasin, jo ndranuhun bohom, i dah kameh jo in le ta budon tam baden ai.”
7185	RUT 3:11	Ano Bowas anya, “Mwasin, Rut ou sanoh. Lau marakon an bolo kon dah badeh tanan ou badih ari mwasin. Saba lakou ou aso-ok badeh, jo winiyan.” Boas anya, “Badeh handru, jo badeh badu hawem, ma jo badeh kameh atondrok ou.
7189	RUT 3:15	Bowas anya, “Rut, ou talahaniy ra-ei kolau tam ki-in andri.” Rut eme bwidiy i buku le bohon oh. Bowas eme solowei bali ili bwele-e kolau nane dah. Maha-an ta bali doh asahan kilo ma lunoh. Bowas eme aseben iy suriy ili konan. Ano Rut tuwiy ma iy iu ili hamon ili kon tinan.
7190	RUT 3:16	Rut ili isos kon hawe nyanan. Eme Nawomi ndremenya iy, “Naduk, ou amekes i buku sah handru?” Rut eme asehek i ta Nawomi ta iri lakou marakon Bowas amekes i tan.
7193	RUT 4:1	Bowas eme edek ili manyah udu mada san i kon tinan, ndrahune iri ta atukum. Iy manyah udu le badeh, iy anyolom i ndreh nane badu hawe Elimelek oro dah edek eme. Eme Bowas aloh iy, “Borak, ou ame, talu kamanyah sese o.” Iy eme edek ili manyah udu hawen.
7200	RUT 4:8	Ndreh nane dah asehek ili ta Bowas, “Mwasin, ou sihinei ai.” Iy eme tolowei ku-i katin iu, iy eme atehei i ta Bowas.
22607	JON 1:7	Eme oro lau ta ndron asehek sahou boto-on labai, anya, “Abo, kandrei nyara taha marakon ado bolo ndron dah, katukumwiy kise, kanyuhiy kili bolo ari ndrom, ano kasoroya, buku nyara are lau taku badeh, i doh iy le ai.” Eme oro soroya ili badeh, nyara Jona taku.
22608	JON 1:8	Ano le badeh oro lau ndremenyaniy Jona, “Abo, ou tiye taso, ou bwidiy saba lakou handru? Buku sah handru laba jor ndra-in atohou eme bwele-e to? Abo, ou tiye taso, saba gok tam handru? Ou badu heh handru? Saba kon tinan tam handru? Ou badu hawe lau heh handru?”
22614	JON 1:14	Oro ame aden ili ta Laban. “Laban, aso asolom ou; ou sadiy aso buku aso akahei Jona kili bolo ndras. Tasah iri budon dah, tam. Eme ma, bwidiy iri lakou mari asahan.”
22619	JON 2:3	Jona anya, “Laban, jo ndrandra-i ai. Jo aloh ewek tam, eme ma ou anuhun bohok. Jo ale udu kon ndra-in tiri lau ndramak. Jo eme eden ewek tam, ma ou ame anuhun ndrelen tek.
22639	JON 4:2	Jona eme asolom, “Laban, jo tanak, i dah kameh lakou asahan. Jo i tanak badeh udu ndra kon tek, i doh le badeh bwidiy jo mene atobwak ili Tasis. Jo tanak ou badeh, Kindrei. Ou ta leheya kandriyen ta tikisiy. Ou winiya babolosen suwi bwe. Tikisiy tam badeh tinan labai. Jo tanak, ou kameh maniy kandriyen ndra-in, ma ou winiya bamwekes maha-an bala toro bwe.”
22640	JON 4:3	“Laban, jo anya kandremenya ou, jo aso-ok ou andrei jo kimek ki-iu. Jo bwalek ta udu. Buku jo kimek, i dah kameh mwasin ai. Buku jo bamak bwe badeh, i dah kameh ndra-in.”
22646	JON 4:9	Kindrei eme tiye ta Jona i buku doh: “Badamalou badeh asara eme bwidiy ou abolosen neh? Ou abolosen badeh, katin sah?” Jona eme asehek sahou ja, “Ehe, losen tek badeh amwenen. Jo ibolosen badeh, winiyan bwidiy jo kimek ki-iu.”
23282	MAT 4:4	Eme ya Jises tiye i buku doh, “Ndratorowenei, ‘Lau winiyan balelei le jabi ramen ta samak bwe, arile na sahou mari eme len asahan boho Kindrei.’”
23353	MAT 6:2	“Ya, i buku ado kadeu lakou ili tiri lau ndra-in, ado soloh ndrah ta lau katanan ado, ndri-iy, sala buku iri lau ta wasai amekes udu bolo asiu ta atukum, ma udu bolo iri kon tinan ale, ta iri lau kamasiye ma katudun oro. Jo katiye handru, oro ndrakohok sihine oro ndrano kabwe.
23416	MAT 8:2	Ya ndramak ari sik lepra udu tan eme hawen, ma iy atehei bwili ndru-un i andri, ma iy tiye i buku doh, “Laban, i buku none ou aseken ou winiyan mesekei jo kamwenen ja udu mada Kindrei.”
23420	MAT 8:6	Ya iy ndramak batun tinan tiye i buku doh, “Laban, ndramak ta ndrahu so-ok tek ibo sik ndra-in labai udu kon, ma iy winiyan ta banyokolokon bwe. Iy akohok sisi-in tinan labai.”
23422	MAT 8:8	Ya ndramak batun tinan tiye i buku doh, “Laban, jo ndramak ndra-in, jo winiyan baseken ou ta ame bolo asiu tek bwe, arile jo aseken ou asehek le sahou, ya ndramak ta ndrahu so-ok tek doh kamwenen ja.
23435	MAT 8:21	Ano ndramak ari badu hamon tan eme tiye i ta Jises, “Laban, jo kili kihi tama op. Ano jo barawek bara-en hamon tam.”
23439	MAT 8:25	Ya oro lau tan ala mete-ei iy, ma oro tiye i buku doh, “Laban, ou aseben to! Bwe kameh to katuh ai!”
23476	MAT 9:28	Jises ili bolo asiu ra-em, ma uru lau ma la-uh nane ame hawen. Ma iy ndremenyani uru, “Ah atehei budon boto-on handru ta jo winiyan mesekei ah amwenen deh bwe?” Ma uru anya, “Ehe, Laban, aru atehei budon taru handru.”
23503	MAT 10:17	“Arile, mada ado kaleu! Ado kanyolom iri lau kamwenen. Iri kameh atehei ado ala mada iri kansol ta anuhun sahou, ya iri kameh a-um aha na bala oseu an bolo asiu tiri ta atukum, tasah ado an hamon ta sahou tek.
23544	MAT 11:16	“Arile, jo kasehek iri lau na len dah ki buku sah handru? Iri badeh, i buku none le iri nah nadu bwisik manyah areu mada ba-en. Ra-on arah i ta ra-on i buku doh,
23553	MAT 11:25	Kala doh Jises tiye buku doh, “Tama, ou Laban badu munyak ma kandrah. Jo masiye ou! Tasah, ou tone lakou dah, ta mada iri lau ta tanan, ma hawe iri lau anya iri tanan labai, ya ou leheyani i tiri nah, tana iri lakou bwe.
23560	MAT 12:2	Iri lau Parasi atou lakou nane doh, ma iri abolosen i ta Jises buku doh, “Hei, ou anuhun! Oro lau tam abwe-eh buwa wit na len ta amunyau. Kandriyen doh ndrabun handru ta amekes na len ta amunyau.”
23582	MAT 12:24	Arile, oro Parasi anuhun iri lau nane asehek sahou i buku doh, ma oro anya, “Bwe, iy ndramak nane Krais bwe, iy ndramak nane atikah malawin ndra-in ereu la-u ndramak nane iu badeh, na boto-on ta Belsabul, tinan tiri balik.”
23645	MAT 13:37	Eme Jises anya, “Abo, ndramak nane ta atah wit in bolo bilin badeh, jo dah, jo Nadu Ndramak Awas.
23659	MAT 13:51	Ya Jises ndremenya oro i buku doh, “Sebwe ado tana ado kati sahou dah deh bwe?” Ya oro asumon i buku doh, “Ehe, aso tanan.”
23660	MAT 13:52	Eme ya Jises asehek i toro i buku doh, “Abo, jo asehek tado, are lau iy tanan ta batanau malen ta Moses, ma iy ndra-en baha tondrok ta Kindrei, iy kameh asahan buku none tama asiu ra-em tinan. Ma iy winiyan ili bolo asiu ya akohok iri lakou mwasin sowan tinan, ma tiyani iri lakou ha-un, ma hawe iri lakou malen eme lewan.”
23694	MAT 14:28	Eme Pita asumon bohon i buku doh, “Laban, buku none ou handru eh, mwasin ou tiye, ya jo kedek bwele-e gwa kewek hawem.”
23696	MAT 14:30	Arile iy atou jor boto-on labai ya iy inoh, ma iy atuh sese ili bolo gwa, eme iy aloh i buku doh, “Laban, ou sebenei jo!”
23724	MAT 15:22	Badih ari badu kon Kenan iy ereu mirihik ta kon tinan Tair hawe Saidon, iy eme ma iy aloh i buku doh, “Laban, ou nadu Debit, ou tikisi jo. Malawin ndra-in ndrabwidi naduk badih ndrandra-i labai.”
23727	MAT 15:25	Arile iy badih nane eme mirihik ta Jises ma iy atehei bwili ndru-un i andri, ma iy anya, “Laban, jo aso-ok ou sebenei jo handru.”
23729	MAT 15:27	Arile badih nane anya, “Laban, ou asehek sahou handru. Arile iri nadu mwi aimon kahu nyamon taku in bahandra sau ta nyamon ta tama iri ale.”
23730	MAT 15:28	Jises anuhun sahou doh ma iy asumon i buku doh, “Badih, budon tam boto-on labai. Saba lakou ou aso-ok kameh asahan tam, iy winiyan asahan.” Kala le don nadun badih asahan amwenen ja.
23758	MAT 16:17	Eme Jises asumon sahou tan i buku doh, “Saimon, ou nadu Jon, ou winiyan sekesek. Tasah, ari ndramak badu kon munyak baleheya ou ta sahou dah bwe. Idoh tama le udu kandrah, iy leheyani sahou dah ewek tam.
23763	MAT 16:22	Pita anuhun sahou doh, ya iy seheyani Jises i kabwak, ma iy ibolosen i tan i buku doh, “Laban, sebwe lakou doh kameh winiyan basahan tam bwe nadeh.”
23764	MAT 16:23	Arile Jises tubuni iy ma iy asehek ta Pita i buku doh, “Satan, ou a len a konak! Ou anya aturuk san tek. Ou ba-en hamon ta budon ta Kindrei bwe. Ou a-en hamon le ta budon tiri lau.”
23773	MAT 17:4	Pita atou lakou doh ya iy asehek ta Jises i buku doh, “Laban, mwasin handru ta aso are ndra kada-ah. Buku none ou aso-ok jo katahi mandron ki taloh kudu dah; ra-em tam, ra-em ta Moses, ma ra-em ta Alaija.”
23784	MAT 17:15	ma iy anya, “Laban, ou tikisi naduk mwan. Iy asahan lolo-ou, ya badan udu ndra-in labai. Len ra-on iy kataku i bolo jih, len ra-on kameh iy taku i bolo gwa.
23817	MAT 18:21	Kala doh Pita eme hawe Jises ma ndremenyani iy i buku doh, “Laban, san sabe buku nadu tine kamekes ndra-in keme tek, ya jo kamani kandriyen ndra-in tan doh? Sebwe san ndro taloh le nadeh?”
23824	MAT 18:28	“Arile, ndramak ta gok nane iu ili manan, ya iy atou ndramak ari ta gok badu hawen, iy mene andrei luk tan winiya rinek (K10) le. Eme ma iy tawi ndramak badu hawen nane ta gok, iy tawi balen ma iy asehek sahou boto-on i tan i buku doh, ‘Ou adeu iri luk mari mene ou akohok tek, keme hamon.’
23866	MAT 20:5	Eme oro ala. “Ya, na mada an udu alih ma mada an taloh beyeh, ndramak nane ili amekes buku aliy ale.
23884	MAT 20:23	Jises tiye turu buku doh, “Handru, bwiniu kameh jo a-un na aliy, ah kameh a-un na aliy ale. Arile, are kameh manyah ereu minek salin ma are kameh manyah ereu minek kamweu, idoh jo winiyan batiye bwai. Tasah, kon doh tiri lau ale tama Kindrei ndralowosani iri kabwe.”
23891	MAT 20:30	Uru lau la-uh manyah areu kabede san. Uru mada uru bwe, uru anuhun le buku Jises edek eme. Eme ma, uru arah boto-on buku doh, “Laban, ou nadu tubu kabin Debit, ou tikisi aru!”
23892	MAT 20:31	Iri lau solo-an abolosen i turu ma iri tiye turu ta uru kandru-uk. Arile, bwai, uru aloh ma arah boto-on le gwek anya, “Laban, ou nadu tubu kabin Debit, ou tikisi aru!”
23894	MAT 20:33	Uru asumon sahou tan i hamon i buku doh, “Laban, aru aso-ok ou sihi mada aru kasak.”
23911	MAT 21:16	Ma oro ndremenya Jises i buku doh, “Sebwe ou ndranuhun sahou oro amekes doh?” Eme Jises asumon boho oro i buku doh, “Ehe, jo ndranuhun. Arile, sebwe ado banyolom sahou doh bwe, ‘Iri nadu nah atudun nyaran ili loken.’”
23923	MAT 21:28	Jises asehek sahou i toro pris ma hawe oro lau tinan ja i buku doh, “Ehe, ya ado abudon buku sah? Ndramak ari nadun la-uh. Iy ili hawe nadun kadok iy tiye tan buku doh, ‘Naduk, ou ala abo gok bolo bilin waen.’
23962	MAT 22:21	Oro anya “Ta Sisa.” Iy tiye toro, “Mwasin, saba lakou ta Sisa, ado kadeu ki ta Sisa. Ya saba lakou ta Kindrei, ado kadeu ki ta Kindrei.”
23966	MAT 22:25	“Ya, len ari bwena, oro lau ma ndro taloh nadu tine oro areu ndrokowa ahi dah. Eme kadok toro i tasou ta badih ari, ya iy nadun bwe ma iy imek. Ma iy ruwani udun i mine nadu tinen oro.
24024	MAT 23:37	Jises asehek sahou ja anya, “Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile ado bwale ado!
24035	MAT 24:9	“Ano, iri kameh ateu ado, ma a-um ado, ma adai ado amak. Iri lau badu kon munyak tinan mari kameh baseken ado bwe, tasah ado an hamon tek.
24052	MAT 24:26	“Ya, buku none lau asehek anya, ‘Laban ndrame, iy ereu bolo kon lomale an.’ Aha sala, ndri-iy. Ya buku none iri anya, ‘Iy asah aton kenah,’ aha satehei budon taha sala ta aliy, ndri-iy.
24162	MAT 26:39	Eme Jises edek ili bwena sese, ma iy taku i le batalan. Eme ma iy asolom i buku doh, “Tama, buku none winiyan eh, ou kuhi maha-an ta tikisiy udu bwele-ek dah ki-iu, arile idoh budon tek le, ou amekes saba lakou ou tanam mwasin.”
24165	MAT 26:42	San rasan ja Jises iu ili len ma iy asolom, “Tama, buku none maha-an dah winiyan ba-au bwe winiya le jo kanyuwiy, mwasin, tama jo in hamon ta budon tam.”
24172	MAT 26:49	Judas ales amwenen ili hawe Jises ma iy anya, “Ei, ou ndramak ta leheya!” Ma iy atehei bohon i boho Jises.
24244	MAT 27:46	Mada an ili taloh na beyeh, Jises arah boto-on labai anya, “Eli, Eli, lama sabaktani?” moson ta aliy i buku doh, “Kindrei tek, Kindrei tek, buku sah handru ya ou ruwani jo?”
24261	MAT 27:63	Oro tiye tan buku doh, “Tinan, aso bwetenei sahou ari ndramak ta wasai kede-eh mene asehek kala iy mene ereu loken kahis le, iy anya, ‘Hamon ta len taloh, jo kameh amak eme loken ja.’