| 23214 | MAT 1:1 | ये़सु ख्रिस्ते़न् अब्राहामरे़ कुस्साः हे़क्क्याङ् दाउद हाङ्ङिल्ले़ कुस्साः वये़रो॥ कङ्ग खुने़ॽ कुधाःक्हाॽरे़ खुनिॽ मिङ्स्रारो– |
| 23231 | MAT 1:18 | आल्ल ये़सु ख्रिस्तरे़ कुसावाःन्छिङ्मान् अक्खेलॽरिक् पोःक्खे़रो–कुम्मा मरियमरे़ कुमेःक्खिम् पोःङ्मा पाःन्निन् युसुफे़न्नु पुॽरे़आङ् वये़, कर खुन्छिॽ मेःक्खिम् पोःङ्मानुःल्ले़ तगिए खुने़ॽ सेसेमाङ्ङिल्ले़ कुमुक्साम्लाम् मे़न्छुक्मा पोःक्खे़रो॥ |
| 23233 | MAT 1:20 | कर हे़क्के इःत्तुर वये़ल्ले़ से़प्माङ्मो यहवे दाङ्बाल्ले़ कुमाङ्लाइङ्बान् ओसेःन्धाक्सिङ्ङाङ्अक्खे मे़त्तुरो, “दाउदरे़ कुमुॽइदाङ्सा युसुप्फे, खे़ने़ॽ मरियम्मिन् मेःक्खिम् चोःक्माआङ् हिम्मो ताःप्मा मे़गिसे़न्ने़ॽओ, थेआङ्भे़ल्ले़ खुने़ॽओबा अङे़ःक्वाःन् सेसेमाङ्ङिल्ले़ कुमुक्साम्लाम्बा हाङ्सिङ्बारो॥ |
| 23234 | MAT 1:21 | खुने़ॽ ये़म्बित्छाॽसाःधिक् कत्तुॽ, हे़क्क्याङ् खे़ल्ले़ कुमिङ्ङिन् ये़सु वाःत्ते़ॽओ, थेआङ्भे़ल्ले़ खे़ल्ले़ कुमनाहाॽ खुनिॽ लायोलाम् ताङ्से़ःप्तुसिॽरो॥” |
| 23235 | MAT 1:22 | माङ्निङ्वाॽपाःन् के़बाःप्पालाम् यहवे दाङ्बाल्ले़ उन्छेःन् अक्खेलॽरिक् पाःत्तुआङ् वये़बा पाःन्निन् के़त्ल फाॽआङ् कन् के़रे़क् पाःन्हाॽ पोःक्खे़बारो– |
| 23236 | MAT 1:23 | “सिसादिङ् मे़न्छियाॽइन् मे़न्छुक्मा पोःङ्ङाङ् ये़म्बित्छाॽसाःधिक् कत्तुॽ, हे़क्क्याङ् खे़न् इम्मानुएल मे़मे़त्तुॽरो॥ ‘इम्मानुएल’ फाॽइङ्ग ‘निङ्वाॽफुमाङ्ङिन् आनिॽनु वाॽ’ पोःङ्लो॥” |
| 23240 | MAT 2:2 | अक्खेलॽरिक् पाःन् सेःन्मे़दोसु, “यहुदिहाॽरे़ खुनिॽ हाङ् के़बोःङ्बाआङ् सागे़वाःन्छिङ्बान् आत्तो वाॽबे? आनिगे़ नाम्गे़न् पिसाङ् कुसावाःन्छिङ्माल्ले़न् मिक्सेःन् के़बिबा खेःम्सिक्किन् निःसुम्बे़आङ् खुने़ॽ कुसेवा चोःक्से़ त्ये़ॽइगे़बारो॥” |
| 23243 | MAT 2:5 | खे़ङ्हाॽरे़ नोगप् मे़बिरु, “यहुदिया थुम्मोबा बे़थलेहे़म्मो खुने़ॽ सावाःन्छिङ्मा के़बोःङ्बा वाॽरो॥ थेआङ्भे़ल्ले़ माङ्निङ्वाॽपाःन् के़बाःप्पाल्ले़ अक्खेलॽरिक् साप्तुआङ् पत्– |
| 23244 | MAT 2:6 | ‘यहुदिया थुम्मोबा बे़थलेहे़म्मे, खे़ने़ॽग यहुदियाबा पाङ्जुम्हाॽओ साॽरिक् के़ये़क्पा के़जोःक्लो, थेआङ्भे़ल्ले़ खे़ने़ॽ के़बाङ्जुम्लाम् हाङ्युक्पाधिक् ताःरो, खुने़ॽग मे़ल्लुक्कम्बा कुइसिःक् पोःङ्ङाङ् आमना इस्राइलिहाॽ कम्ब्राङ् के़मे़प्पा पोःङ्लो॥’” |
| 23246 | MAT 2:8 | हे़क्क्याङ् खे़ङ्हाॽ अक्खे मे़त्तुसिर बे़थलेहे़म्मो पाङ्घुदेःसुसि, “पेगे़म्मे़ॽआङ् अङे़ःक्वाःन् कोःत्ते़म्मे़ॽ॥ खे़न् अङे़ःक्वाःन् के़घोःसुम्ने़ फाॽग्र फे़रे़म्मे़ॽआङ् इङ्गाॽ आमे़त्ते़म्मे़ॽओ॥ इङ्गाॽआङ् खुने़ॽ सेवा मे़त्तुङ्लो॥” |
| 23251 | MAT 2:13 | खे़न् सिक्कुम्निबा खागे़इक्पाहाॽ मे़बे हे़क्क्याङ् यहवे दाङ्बाल्ले़ कुमाङ्लाइङ्बाधिक् युसुफरे़ कुसे़प्माङ्मो थाःन्छिङ्ङाङ् अक्खे मे़त्तु, “पोगे़ॽआङ् अङे़ःक्वाःन् नु कुम्माःन् तेॽरे़से़ॽआङ् मिस्र लाजेॽओ खे़त्छिङ् पेगे़ॽ, हे़क्क्याङ् इङ्गाॽ मे़म्मे़त्ते थारिक् खे़ने़ॽ खे़प्मोए वये़ॽओ, थेआङ्भे़ल्ले़ हे़रोद हाङ्ङिल्ले़ अङे़ःक्वाःन् से़प्मा फाॽआङ् कोःत्तुर वाॽरो॥” |
| 23255 | MAT 2:17 | खे़ङ्ग यर्मिया माङ्निङ्वाॽपाःन् के़बाःप्पाल्ले़ अक्खेलॽरिक् उन्छेःन् पाःत्तुबा माङ्निङ्वाॽपाःन्निन् के़रे़बारो– |
| 23256 | MAT 2:18 | “के़हाःप्मा के़भिःक्मा नु मेरिङ् के़धक्मा यम्बा इक्लाःन् रामा पाङ्जुम्मो खे़म्दे़त्लो, राहे़लरे़ कुस्साःहाॽ हाःप्तुसिॽरो॥ खे़ङ्ग हाङ्हाङ् मे़त्छिङ्मा मे़दे़न्ने़न्लो, थेआङ्भे़ल्ले़ कुस्साःहाॽ के़रे़क् मे़स्ये़रो॥” |
| 23258 | MAT 2:20 | मे़त्तु, “पोगे़ॽआङ् अङे़ःक्वाःन् नु कुम्माःन् इस्राइल लाजेॽओ तेॽरे़से़ॽओ, थेआङ्भे़ल्ले़ अङे़ःक्वाःन् से़प्मा के़गोःप्पे़न्स्ये़आङ् होःप्लो॥” |
| 23261 | MAT 2:23 | नासरत पाङ्जुम्मो वाॽमा हेःक्ते़रो॥ कङ्ग माङ्निङ्वाॽपाःन् के़बाःप्पाहाॽरे़ “निङ्वाॽफुमाङ्ङिल्ले़ थुक्तुबाङ्ग नासरि मे़मे़त्तु” लॽरिक् मे़बाःत्तुबा पाःन्निन् के़रे़बारो॥ |
| 23263 | MAT 3:2 | “खिनिॽ लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥” |
| 23264 | MAT 3:3 | खुने़ॽ कुयाःम्बेओ माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुआङ् वाॽरो, “खुने़ॽ एःक्सादे़न्नो अक्खेलॽरिक् के़अःक्पा इक्लारो, ‘दाङ्बाल्ले़ कुमाराम्मिन् यारिप् चोगे़म्मे़ॽआङ् कुलाम्हाॽ तोःन्दोःन्चोगे़म्मे़ॽ!’” |
| 23268 | MAT 3:7 | कर यरिक् फरिसिहाॽ नु सदुकिहाॽ बप्तिस्मा पोःङ्से़ खुने़ॽओ मे़द्ये़र मे़बत्छे़बा निःसुसिआङ् अक्खे मे़त्तुसिर फे़ःक्तुसि, “असेःक्सासे, खिनिॽ कन् के़दाःबार के़बप्पा निङ्वाॽफुमाङ्ङिल्ले़ कुघुम्दिङ्लाम् खे़त्छिङ्ङे़म्मे़ॽ फाॽआङ् हाःत्ले़ के़मे़त्तिबे? |
| 23273 | MAT 3:12 | कुभॽएःत्तिल्ले़ सिःन् आःम्मा फाॽआङ् खुने़ॽ यारिप् वाॽ, हे़क्क्याङ् खुने़ॽ तुगुर सुप्सुआङ्सिःन् चाधोःक्लाओ चिक्खुॽ हे़क्क्याङ् कुहक्हाॽ आप्फाल्ले़आङ् मे़न्छिःमनाबा मिओ हाःन्दुदेःसुॽरो॥” |
| 23275 | MAT 3:14 | कर युहुन्नारे़ अत्तुर खुने़ॽ अक्खे मे़त्तु, “इङ्गाॽने़ खे़ने़ॽनु बप्तिस्मा पोःङ्मा के़बोःङ्बा, आक्खेलॽरिक् खे़ने़ॽ इङ्गाॽओ के़द्ये़बाबे?” |
| 23276 | MAT 3:15 | ये़सुरे़ नोगप् पिरु, “आल्लोरे़ लागि अक्खेए पोःङ्लरो, अक्खेलॽरिक् निङ्वाॽफुमाङ्ङिल्ले़ के़रे़क् निङ्वाॽ चोगुबा पाःन्निन् के़त्लरो॥” हे़क्क्याङ् युहुन्नाःन् ते़न्दे़आङ् खुने़ॽ बप्तिस्मा पिरुरो॥ |
| 23278 | MAT 3:17 | हे़क्क्याङ् साङ्ग्राम्पेदाङ्लाम् अक्खेलॽरिक् इक्लाधिक् त्ये़, “कन् आमिःम् आस्साःरो, इङ्गाॽ खुने़ॽनु साॽरिक् सःत्ताङ्ङाङ् वाॽआरो॥” |
| 23281 | MAT 4:3 | हे़क्क्याङ् माफे़न्साम्मिन् खे़प्मो त्ये़आङ् खुने़ॽ अक्खे मे़त्तुर कुनिङ्वाॽ साॽरु, “खे़ने़ॽ निङ्वाॽफुसाःने़ फाॽग्र कन् लुङ्हाॽ खरे़ःङ् पोःक्खे़ॽ फाॽआङ् मे़त्ते़ॽ॥” |
| 23282 | MAT 4:4 | कर ये़सुरे़ नोगप् पिरु, “हे़क्के मे़जोःक्कान्, थेआङ्भे़ल्ले़ साम्योसाप्लाओ मोसारे़ अक्खेलॽरिक् साप्तुआङ् पत्, ‘मे़न्छाम् याप्मिःङ्ग कुजाःल्ले़रक् मे़हिङ्ने़न्, कर निङ्वाॽफुमाङ्ङिल्ले़ पाःत्तुबा के़रे़क् पाःन्निल्ले़ हिङ्॥’” |
| 23284 | MAT 4:6 | “खे़ने़ॽ से़क्खाए निङ्वाॽफुसाःने़ फाॽग्र पिन्दे़ थ्ये़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, ‘निङ्वाॽफुमाङ्ङिल्ले़ कुमाङ्लाइङ्बाहाॽ खे़ने़ॽ के़लागि इङ्जाःङ् पिरुसिआङ् खे़ने़ॽ थाःङ्धाःङ्ङे खुनिॽ हुक्को के़म्दाःक्काङ् के़लाङ्ङिन् लुङ्ङो मे़धाम्सिङ्ङिन्लो॥’” |
| 23285 | MAT 4:7 | ये़सुरे़ नोगप् पिरु, “कर साम्योसाप्लाओ याम्मो अक्खेलॽरिक्काङ् साप्ते़आङ् पत्, ‘दाङ्बा के़निङ्वाॽफुमाङ्ङिल्ले़ कुनिङ्वाॽ मे़साॽरे़न्ने़ॽ॥’” |
| 23287 | MAT 4:9 | मे़त्तु, “खे़ने़ॽ साम्बोःन् के़भन्छिङ्ङाङ् इङ्गाॽ सेवा के़मे़त्ताने़ फाॽग्र कङ्हाॽ के़रे़क् पिने़ॽ॥” |
| 23288 | MAT 4:10 | ये़सुरे़ खे़न् मे़त्तु, “सैताने, कप्मोलाम् पेगे़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, ‘खे़ने़ॽ दाङ्बा के़निङ्वाॽफुमाङ्ङिन्लक् सेवा मे़त्ते़ॽ हे़क्क्याङ् खुने़ॽइन्लक् कुसेवा चोगे़ॽओ॥’” |
| 23292 | MAT 4:14 | माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुबा पाःन्निन् के़रे़बारो– |
| 23293 | MAT 4:15 | “यर्दन यङ्घङ्ङिल्ले़ नाधाःम्बिबा गालिल वरक्किल्ले़ कुबेसाङ्बा नाप्तालि नु जबुलुन के़युङ्बा याप्मिसे, गालिल थुम्मो के़वाॽबा थिम्मे़न्दङ् सुवाङ्से, |
| 23294 | MAT 4:16 | खादाम्मो के़वाॽबा मनाहाॽरे़ पयम् यम्बा ओःत्तिःन् मे़निःसुरो॥ सिःमे़ल्ले़न् खामाक्माओ के़वाॽबाहाॽरे़ खुनिॽ लुम्मो ओःत्तिधिक् ओःत्लो॥” |
| 23295 | MAT 4:17 | खे़न् ये़म्माङ्धो ये़सुरे़ अक्खे पाःत्तुर इङ्भोःमा हेःक्तु, “लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥” |
| 23297 | MAT 4:19 | ये़सुरे़ खे़ङ्हाॽ मे़त्तुसि, “इङ्गाॽ आएगाङ् थाने़त्छे़ॽओ, खिन्छिॽ ङा के़दे़म्सु के़दाःत्छुबा कुइसिःक् इङ्गाॽओ मना के़दाःप्पा चोःक्ने़त्छिङ्लो॥” |
| 23305 | MAT 5:2 | हे़क्क्याङ् खुने़ॽ अक्खेलॽरिक् खे़ङ्हाॽ हुॽमा हेःक्तुसि– |
| 23306 | MAT 5:3 | “के़रे़क् पाःन्नो निङ्वाॽफुमाङ्ङिन् चाहाबा के़जोःक्पाहाॽ मुॽइसाबासिरो, थेआङ्भे़ल्ले़ साङ्ग्राम्पेदाङ्बा हाङ्जुम्मिन् खे़ङ्हाॽरे़न्नेरो॥ |
| 23323 | MAT 5:20 | कर खे़प्से़म्मे़ॽओ, फरिसिहाॽ हे़क्क्याङ्साम्योथिम्साम्बाहाॽनुःल्ले़आङ् निङ्वाॽफुमाङ्ङिल्ले़ कुइङ्जाःङ्हाॽ खिनिॽ नुःरिक्काङ् के़न्इःत्तुम्मिन् के़न्नाःत्तुम्मिन्ने़ फाॽग्र से़क्खासाङ् खिनिॽ साङ्ग्राम्पेदाङ्बा हाङ्जुम्मो के़न्लासिन्लो॥” |
| 23324 | MAT 5:21 | आल्ल, “उन्छेःन् मोसारे़ कुसाम्यो इङ्जाःङ्ङिल्ले़ अक्खे पाःत्तुबान् खिनिॽ के़घे़प्सुम्माङ् के़वयिॽ, ‘मना मे़से़रे़न्ने़ॽओ, थेआङ्भे़ल्ले़ मना के़से़प्पाल्ले़ खुम्दिङ् खोःसुॽरो,’ |
| 23325 | MAT 5:22 | कर इङ्गाॽ मे़त्निङ्, हाःत् कुन्साॽइन्नु कुयाःक् ले़ॽ, खे़ल्ले़ खुम्दिङ् खोःसुॽरो॥ याम्मो हाःत्ले़ कुन्साॽइन् ‘अदङ्’ मे़त्तुॽ, खे़ङ्ग के़रे़क्नुःल्ले़ यम्बा यहुदि खासे़न्लोःम्बाहाॽरे़ खुनिॽ तगि मे़ये़प्सुॽ, कर हाःत्ले़ कुन्साॽइन् साक्मुरा मे़त्तुॽ, खे़ङ्ग खे़मायङ्सङ्ङोबा मिओ पेःक्मा सुक्लो॥ |
| 23329 | MAT 5:26 | इङ्गाॽ से़क्खाए मे़त्ने़ॽ, खे़प्मो साम्बाःन्याङ् के़रे़क् मे़न्हुङ्ङे थारिक् खे़प्मोए के़याक्लो॥” |
| 23330 | MAT 5:27 | आल्ल, “खिनिॽ मोसारे़ कुसाम्यो इङ्जाःङ्ङिल्ले़ अक्खे पाःत्तुबा के़घे़प्सुम्माङ् के़वयि, ‘खे़ने़ॽ चाराम्मा याःम्बक् मे़जोगे़न्ने़ॽओ’ |
| 23333 | MAT 5:30 | हे़क्क्याङ् चुप्साङ् हुक्किल्ले़ लायो चोःक्मा के़बाङ्ने़ फाॽग्र खे़न्नाङ् खक्ते़ॽआङ् लाप्फुःसे़ॽओ॥ के़रे़क् नासिङ्गे़न् थक्किन् खे़मायङ्सङ्ङो लाप्फुमानुःल्ले़ हुक्थिक् मे़ःन्ने वाॽमाए नुःबारो॥” |
| 23334 | MAT 5:31 | “याम्मो मोसारे़ कुसाम्यो इङ्जाःङ्ङिल्ले़ अक्खे पाःत्तुआङ् वाॽ, ‘आत्तिल्ले़ मेलिङ्गे़न् कुमेःत्तिन् नाॽरु, खे़ल्ले़ नाॽने़बारो फाॽआङ् साप्ला साप्मा पिमा पोःङ्॥’ |
| 23335 | MAT 5:32 | कर इङ्गाॽ खिनिॽ मे़त्निङ्, हाःत्ले़ वेॽहाॽनु चाराम्मा याःम्बक् मे़न्जोःक्के के़वाॽमा मेलिङ्गे़न् कुमेःत्तिन् नाॽरुॽ खे़ल्ले़ खे़न् कुमेःत्तिन् चाराम्मा याःम्बक् के़जोःक्मा चोगुॽरो॥ हे़क्क्याङ् आत्तिल्ले़ खे़न् मे़न्छुमाॽइन्नु मेःक्खिम् चोगुॽ खे़ल्ले़आङ् चाराम्मा याःम्बक् चोगुॽरो॥” |
| 23336 | MAT 5:33 | “याम्मो खिनिॽ मोसारे़ कुसाम्यो इङ्जाःङ्ङिल्ले़ अक्खे पाःत्तुबा के़घे़प्सुम्माङ् के़वयिॽ, ‘खिनिॽ के़जोगुम्बा माङ्हे़क्किन्मे़भेःन्दे़म्मे़न्ने़ॽ, कर यहवे दाङ्बान्नु के़जोगुम्बा माङ्हे़क्किन्के़गे़त्तुम्लए पोःङ्लो॥’ |
| 23340 | MAT 5:37 | खिनिॽ पाःन्निङ्ग ‘ओ’ ने़ फाॽग्र ‘ओ’ पाःत्ते़म्मे़ॽ, ‘मे़ःन्’ ने़ फाॽग्र ‘मे़ःन्’ पाःत्ते़म्मे़ॽ॥ खे़न्नाङ्धोबाङ्ग माफे़न्साम्लाम् के़दाःबारो॥” |
| 23341 | MAT 5:38 | “मोसारे़ कुसाम्यो इङ्जाःङ्ङिल्ले़ ‘मिक्किल्ले़ कुले़क्वा मिक्, हे़क्क्याङ् हाबोॽबाल्ले़ कुले़क्वा हाबोॽबा’ लॽरिक् पाःत्तुबान् के़घे़प्सुम्माङ् के़वयिॽ, |
| 23345 | MAT 5:42 | के़नाःक्पाहाॽ खे़ने़ॽ पिरे़से़ॽ, आत्तिल्ले़ थे़त्ला के़नाःक् खे़न् पिरे़ॽओ॥” |
| 23346 | MAT 5:43 | “मोसारे़ कुसाम्यो इङ्जाःङ्ङिल्ले़ के़बाङ्भेॽसाबाहाॽ लुङ्माॽ तुक्ते़से़ॽआङ् के़निङ्मिहाॽ चिःत्ते़से़ॽ लॽरिक् पाःत्तुबा के़घे़प्सुम्माङ् के़वयिॽ, |
| 23351 | MAT 5:48 | खे़ल्ले़ चोगुल्ले़ खिनिॽ साङ्ग्राम्पेदाङ्ङोबा पानुदिङ् पाः निङ्वाॽफुमाङ्ङिन् के़रे़क् पाःन्नो कुलिङ्धो के़गे़प्पा चोःक्पा कुइसिःक् खिनिॽआङ् हे़क्तङ्बा पोःङ्माए पोःङ्लो॥” |
| 23352 | MAT 6:1 | ये़सुरे़ याम्मो मे़त्तुसि, “सिङ्सिङ् ये़क्ये़क् लॽरे़म्मे़ॽओ, खिनिॽ के़जोगुम्बा साम्योनिबा याःम्बक्हाॽ मनाहाॽरे़ मे़निःसुआङ् खिनिॽ नारा मे़भोःसुर फाॽआङ् मना तगि मे़जोगे़म्मिन्ने़ॽओ॥ हे़क्के के़जोगुम्ने़ फाॽग्र साङ्ग्राम्पेदाङ्ङोबा पानुदिङ् पाः निङ्वाॽफुमाङ्लाम् थेआङ् के़ङ्घोःसुम्मिन्लो॥ |
| 23355 | MAT 6:4 | हे़क्केलॽरिक् के़बिरुसिबा पाःन्निन् स्वाःत्ताङ् पोःङ्लरो॥ हे़क्क्याङ्लक् स्वाःत्ताङ् के़जोगुबा पाःन् के़निःबा पानुदिङ् के़म्बारे़ हाङ्से़म् के़बिरो॥” |
| 23356 | MAT 6:5 | “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥ |
| 23360 | MAT 6:9 | खे़ल्ले़ चोगुल्ले़ अक्खेलॽरिक् तुवा चोगे़म्मे़ॽओ– ‘साङ्ग्राम्पेदाङ्ङो के़वाॽबा आनिगे़ पानुदिङ् पाए, मनाहाॽरे़ के़मिङ्ङिन् सेसे मे़इःत्तुर मिङ्सो इङ्धाःङ् के़म्बिररो॥ |
| 23364 | MAT 6:13 | हङ्साॽमो आन्धाःसे़न्ने़ॽओ, कर माफे़न्साम्लाम् आसे़ःप्ते़ॽओ॥ ((थेआङ्भे़ल्ले़ हाङ्जुम्, मुक्साम् नु मिमिदिङ्ङिन् सदादिङ् खे़ने़ॽइन्नेरो॥))’ |
| 23366 | MAT 6:15 | कर खिनिॽ तक्ले़ङ्वाओ लायो के़जोःक्पाहाॽ ले़प्मि के़म्बिरुम्सिम्मिन्ने़ फाॽग्र खिनिॽ पानुदिङ् पाः निङ्वाॽफुमाङ्ङिल्ले़आङ् खिनिॽ लायोःन् ले़प्मि के़म्बिरिन्लो॥” |
| 23367 | MAT 6:16 | “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥ |
| 23369 | MAT 6:18 | हे़क्केलॽरिक् खे़ने़ॽ चाःने़त् के़युङ्बान् वेॽ मनाहाॽरे़ निङ्वाॽ मे़ङ्घोःसुन्लरो, कर निःमे़न्दे़प्मनाबा पानुदिङ् के़म्बा निङ्वाॽफुमाङ्ङिल्ले़रक् निःसुररो॥ हे़क्के के़जोगुल्ले़ स्वाःत्ताङ् चोःक्मनाबा के़निःबा पानुदिङ् के़म्बारे़ हाङ्से़म् के़बिॽरो॥” |
| 23370 | MAT 6:19 | “इक्सादिङ् खाम्बेःक्मो याङ्साकुन्धे मे़लुप्से़न्ने़ॽओ॥ खे़प्मोग थक्पाहाॽरे़ मे़जःॽ, हिङ्धोःक्किल्ले़ यःन्दुॽ, हे़क्क्याङ् खुःन्द्रिक्पाहाॽरे़ मे़घुःत्तुॽरो॥ |
| 23375 | MAT 6:24 | आत्तिल्ले़आङ् ने़प्फु दाङ्बाहाॽ सेवा चोःक्मासि मे़सुक्तुन्सिन्लो॥ खे़ल्ले़ थिक्किन् नुःरिक् मे़त्तुॽआङ् वेॽस्मान् चिःत्तुॽरो, मे़ःङ्ग्र थिक्किन् इङ्धाःङ् पिरुआङ् वेॽस्मान् इङ्धाःङ् मे़बिरुन्लो॥ खे़ने़ॽ निङ्वाॽफुमाङ्ङिन् नु याङ्साकुन्धेःन् सोसोरिक् सेवा चोःक्मा के़न्छुक्तुन्लो॥” |
| 23376 | MAT 6:25 | “खे़ल्ले़ चोगुल्ले़ इङ्गाॽ खिनिॽ मे़त्निङ्, कन् ने़त्तिगे़न् हिङ्मन्नो थेःन् चामा थुङ्माबे फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ, हे़क्केलॽरिक्के कन् नासिङ्गे़न् थक्कोआङ् थेःन् चाङ्मा वाःप्माबे फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ॥ ने़त्तिगे़न् हिङ्मन्निन् चामा थुङ्मानुःल्ले़ हे़क्क्याङ् नासिङ्गे़न् थक्किन् चाङ्मा वाःप्मानुःल्ले़ नुःबा मे़जोःक्ने़न्बि? |
| 23385 | MAT 6:34 | खे़ल्ले़ चोगुल्ले़ ताःन्दिक् थे पोःङ् फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ, थेआङ्भे़ल्ले़ ताःन्दिक्पा तुक्खेःन् ताःन्दिक्के पोःङ्, हे़क्क्याङ् आइन्बा तुक्खेःन् आइन्छा यरिक् पोःक्खे़आङ् वाॽरो॥” |
| 23386 | MAT 7:1 | ये़सुरे़ याम्मो पाःत्तु, “मनाहाॽ पाःन् मे़धिक्ते़म्सिम्मे़न्ने़ॽ, हे़क्केलॽरिक् निङ्वाॽफुमाङ्ङिल्ले़ खिनिॽआङ् पाःन् के़न्धिक्तिन्लो॥ |
| 23391 | MAT 7:6 | सेसे चिगःक्वाःन् ख्याबाहाॽ मे़बिरे़म्सिम्मिन्ने़ॽ, मे़ःन्ने़ फाॽग्र खे़ङ्हाॽ हिल्लिक्मे़हिसिङ् हे़क्क्याङ् के़म्भत्तिॽआङ् के़म्हाॽरिरो॥ हे़क्क्याङ् फाक्हाॽरे़ खुनिॽ तगि ते़क्सेःक्किन् मे़से़से़म्मिन्ने़ॽओ, खे़ङ्हाॽरे़ मे़दोॽरु मे़लाःक्तुॽरो॥” |
| 23392 | MAT 7:7 | “नाःक्ते़म्मे़ॽ, हे़क्क्याङ् खिनिॽ के़म्बिरिॽ॥ कोःत्ते़म्मे़ॽ, हे़क्क्याङ् खिनिॽ के़घोःसुम्॥ लाम्धेःप्पो पेगे़म्मे़ॽआङ् खक्खक्मे़त्ते़म्मे़ॽ हे़क्क्याङ् खिनिॽ लागि हन्लो॥ |
| 23396 | MAT 7:11 | खिनिॽ निङ्वाॽ के़भे़ॽबा के़जोगिसाङ् खिनिॽ साःहाॽरे़ मे़नाःक्तुल्ले़ नुःबा पाःन्हाॽ पिमा के़ले़स्सुम्ने़ फाॽग्र, खे़न्नुःल्ले़आङ् यरिक् खिनिॽ साङ्ग्राम्पेदाङ्ङोबा पानुदिङ् पाःल्ले़ खुने़ॽ के़नाःक्पाहाॽ नुःबा पाःन्हाॽ पिरुसिॽरो॥” |
| 23397 | MAT 7:12 | “के़रे़क् पाःन्नो मनाहाॽरे़ आक्खेलॽरिक् खिनिॽ के़म्मे़त्ति के़म्इःत्तिबा निङ्वाॽ के़जोगुम्, हे़क्केलॽरिक्के खिनिॽआङ् खे़ङ्हाॽ इःत्ते़म्सिम्मे़ॽओ, थेआङ्भे़ल्ले़ कन् थिम्मो मोसारे़ साप्तुबा साम्योथिम् नु माङ्निङ्वाॽपाःन् के़बाःप्पाहाॽरे़ मे़बाःत्तुबा पाःन्निन् के़त्लो॥” |
| 23398 | MAT 7:13 | “चिभिःप्फिःप्पा लाःप्मादे़न्नोलाम् निङ्वाॽफुहाङ्जुम्मो लाःसे़म्मे़ॽओ, थेआङ्भे़ल्ले़ यम्बा लाःप्मादे़न् नु ताम्दाम्बा लाम्मिल्ले़ग मे़क्माओ के़देॽरिॽरो॥ खे़न्लाम्बा यरिक् मनाहाॽ मे़लाःत्लो॥ |
| 23399 | MAT 7:14 | कर चुक्सा लाःप्मादे़न् नु चिभिःप्फिःप्पा लाम्मिल्ले़ग मे़न्नुप्मनाबा हिङ्मन्नो के़देॽरिॽरो॥ खे़न् के़घोःबाहाॽग मिसाक्लक् मे़बोःङ्लो॥” |
| 23400 | MAT 7:15 | “इङ्ले़क्पा माङ्निङ्वाॽपाःन् के़बाःप्पाहाॽनु सिङ्सिङ् ये़क्ये़क् लॽरे़म्मे़ॽओ, खे़ङ्हाॽग लाःक्कात्लाम् मे़ल्लुक् कुइसिःक् मे़ले़ङ्सिङ्ङाङ् खिनिॽओ मे़दारो, कर सिगाङ्ग खे़ङ्हाॽ किप्मा के़घुःबा पराबासिरो॥ |
| 23405 | MAT 7:20 | खे़ल्ले़ चोगुल्ले़ खे़ङ्हाॽरे़ मे़जोगुबा खुनिॽ याःम्बक्कोलाम् इङ्ले़क्पा माङ्निङ्वाॽपाःन् के़बाःप्पाहाॽ कुसिङ् के़निःत्तुम्सिम्लो॥” |
| 23406 | MAT 7:21 | आल्ल “‘आदाङ्बे, आदाङ्बे’, लॽरिक् याप्मि के़मे़प्पाहाॽ के़रे़क् साङ्ग्राम्पेदाङ्बा हाङ्जुम्मो मे़न्लाःत्ने़न्लो, कर साङ्ग्राम्पेदाङ्ङो के़वाॽबा पानुदिङ् आम्बारे़ कुनिङ्वाॽ हे़क्के के़जोःक्पाहाॽरक् मे़लाःत्लो॥ |
| 23407 | MAT 7:22 | खासे़न् ये़न्नो यरिक् मनाहाॽ मे़दाआङ् अक्खे मे़मे़त्तारो, ‘आदाङ्बे, आदाङ्बे, खे़ने़ॽ के़मिङ्ङो माङ्निङ्वाॽपाःन् पारिगे़रो, हे़क्क्याङ् खे़ने़ॽ के़मिङ्ङो फे़न्साम्हाॽ नाःत्तुम् लःत्तुम्सिम्बे़आङ् निङ्वाॽ के़माबा याःम्बक्हाॽ चोगुम्बे़रो॥’ |
| 23408 | MAT 7:23 | कर खे़न् ये़म्मो खे़ङ्हाॽ इङ्गाॽ अक्खे मे़त्तुङ्सिङ्, ‘खिनिॽग आप्फाल्ले़आङ् कुसिङ् निःत्निङ्बा होःप्लो॥ खिनिॽ पानुदिङ् आम्बारे़ कुनिङ्वाॽ हे़क्के मे़न्जोःक्के फे़न् याःम्बक् के़जोःक्पासे, कप्मोलाम् पेगे़म्मे़ॽ!’” |
| 23409 | MAT 7:24 | आल्ल “खे़ल्ले़ चोगुल्ले़ पेलिगे़न् आबाःन्जाक् के़घे़म्बाआङ् हे़क्के के़जोःक्पे़ङ्ग पयम् यम्बा लुङ्सम्दाङ् हिम्पाङ्यक् के़ने़बाआङ् हिम् के़जोःक्पा सिक्कुम्बा मना कुइसिःक् चोःक्लो॥ |
| 23412 | MAT 7:27 | पाङ्गे़न्दिङ् वाहित् थ्ये़आङ्, यङ्घङ्ङिन् कुक्खे़ ये़, हे़क्क्याङ् किप्मा के़घुःबा सुरित् केजङ् हुःरे़आङ् खे़न् हिम्मिन् हिप्तुल्ले़ यरे़बेरो॥” |
| 23416 | MAT 8:2 | हक्चघत् खे़प्मो लोगेॽ तुक्माल्ले़ तरुबा मनाधिक् कुदगि थुङ्बोहजॽ युङ्सिङ्ङाङ् खे़ल्ले़ अक्खे मे़त्तु, “आदाङ्बे, खे़ने़ॽ निङ्वाॽ के़जोगुने़ फाॽग्र इङ्गाॽ वेःम्मा के़सुक्कारो॥” |
| 23417 | MAT 8:3 | ये़सुरे़ कुहुक्किन् सन्छुर खे़न् मनाःन् सुःसुआङ् अक्खे मे़त्तु, “इङ्गाॽ निङ्वाॽ चोगुङ्लो॥ खे़ने़ॽ नुरे़ॽओ!” खिमो खे़न् मनाःन् लोगेॽ तुक्मालाम् नुःरे़रो॥ |
| 23418 | MAT 8:4 | हे़क्क्याङ् ये़सुरे़ खे़न् मे़त्तु, “आत्तिन् मनाःन्नाङ् कन् पाःन्निन् मे़मे़त्ते़न्ने़ॽओ, कर माङ्हिम्मो पेगे़ॽआङ् नुःराङ्लो फाॽआङ् निङ्वाॽफुसाम्बाल्लो ओसेःन्धाक्सिङ्ङे़ॽओ, हे़क्क्याङ् मोसारे़ कुसाम्योथिम्मो साप्ते़बा कुइसिःक् सिदुङ्जभा चोगे़ॽओ॥ हे़क्केलॽरिक् के़रे़क् मनाहाॽरे़ खे़ने़ॽ के़नुरे़बान् मे़निःसुररो॥” |
| 23420 | MAT 8:6 | “दाङ्बे, इङ्गाॽ आसेवारोबान् हिम्मो पोःक्मा युङ्मा मे़न्छुक्के थारिक् तुक्काङ् ने़रो॥” |
| 23421 | MAT 8:7 | ये़सुरे़ खे़न् मे़त्तु, “इङ्गाॽ पेःक्काआङ् नुसुङ्लो॥” |
| 23422 | MAT 8:8 | कर थक्तुम्बाल्ले़ नोगप् पिरु “दाङ्बे, खे़ने़ॽ आहिम्मो लाङ्दाःक्मा इङ्गाॽ मे़लाॽआन्लो॥ खे़ने़ॽ नुॽर फाॽआङ् के़बाःत्तुसाङ् आसेवारोबान् नुॽरो॥ |
| 23423 | MAT 8:9 | थेआङ्भे़ल्ले़ इङ्गाॽआङ् आधुङ्धोबा सुहाङ्युक्पाहाॽरे़ खुनिॽ युक्को के़वाॽबा मनाआरो, हे़क्क्याङ् इङ्गाॽआङ् आयुक्को थक्सुबाहाॽ मे़वाॽरो॥ इङ्गाॽ थक्सुबान् ‘पेगे़ॽ’ मे़त्तुङ्ङिल्ले़ पेःक्, वेॽस्मान् ‘फे़रे़ॽ’ मे़त्तुङ्ङिल्ले़ फे़न्, हे़क्क्याङ् आसेवारोबान् ‘खे़न् चोगे़ॽ’ मे़त्तुङ्ङिल्ले़ खे़ल्ले़ चोगुॽरो॥” |
| 23424 | MAT 8:10 | ये़सुरे़ कन् खे़प्सुल्ले़ कुनिङ्वाॽ मये़र खुने़ॽ कुएगाङ् कुएगाङ् के़दिम्बाहाॽ अक्खे मे़त्तुसि, “इङ्गाॽ से़क्खाए मे़त्निङ्, अक्तङ्बा यम्बा नसाःन् के़गप्पा मनाःङ्ग इस्राइलोआङ् इङ्गाॽ मे़ङ्घोए वाॽआरो! |
| 23426 | MAT 8:12 | कर साङ्ग्राम्पेदाङ्बा हाङ्जुम्मो वाॽमा फाॽआङ् मे़सेगे़बा इस्राइलिहाॽग खे़प्मोलाम् लाःक्कात् खामाक् लुम्बाःत्तो लाप्मे़भुॽरो॥ खे़प्मोग हाःप्मा नु हाबोॽ ये़ःङ्मान्लक् पोःङ्लो॥” |
| 23427 | MAT 8:13 | हे़क्क्याङ् ये़सुरे़ खे़न् थक्तुम्बे़न् मे़त्तु, “पेगे़ॽओ, नसाःन् के़जोगुबा हे़क्केए पोःङ्लो॥” हे़क्क्याङ् खे़न् कुसेवारोबान् बा खे़न् ये़म्मोए नुःरे़रो॥ |
| 23431 | MAT 8:17 | माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुबान् के़त्ल फाॽआङ् अक्खे पोःक्खे़बारो– “खुने़ॽ आबाङे आनिॽ तुक्खेहाॽ याङ्सिङ्लो, हे़क्क्याङ् आनिॽ तुक्मा यॽमाहाॽ कुयु तेॽरुरो॥” |
| 23433 | MAT 8:19 | खे़ङ्हाॽरे़ पेःक्मा यारिप् मे़जोगुर मे़यागे़ल्ले़ साम्योथिम्साम्बाधिक् फे़रे़आङ् मे़त्तु, “सिक्साम्बे, खे़ने़ॽ आत्ति के़बेःक्साङ् खे़ने़ॽनु पेःक्कारो॥” |
| 23434 | MAT 8:20 | ये़सुरे़ नोगप् पिरु, “किधिबाहाॽरे़ लुङ्घुरि मे़गत्तुॽ, पुसाहाॽरे़ हाप् मे़गत्तुॽ, कर इङ्गाॽ मे़न्छाम्साःल्ले़ग थे़गेःक् नाःम्मा ते़न्नाङ् मे़गत्तान्लो॥” |
| 23435 | MAT 8:21 | वेॽस्मा हुॽसाम्बाधिक्ले़ खुने़ॽ मे़त्तु, “आदाङ्बे, तगि इङ्गाॽ के़सिःबा आम्बाःन् इप्पुङ्ङो चिङ्से़ पेःक्मा पाङ्घाङ्ङे़ॽओ॥” |
| 23436 | MAT 8:22 | कर ये़सुरे़ खे़न् मे़त्तु, “इङ्गाॽ तिम्दाङ्ङे़ॽओ, हे़क्क्याङ् हाराॽ याम्साम्मो के़सिःबा मनाहाॽरे़ खुनिॽ आबाङे चेहाॽ इप्पुङ्ङो मे़जिक्खुसिररो॥” |
| 23439 | MAT 8:25 | कुहुॽसाम्बाहाॽ मे़बेआङ् खुने़ॽ अक्खे मे़मे़त्तुर मे़भोःक्खु, “आदाङ्बे, याप्मि ताङ्से़ःप्ते़ॽओ! आनिगे़ग हुम्मा सिःमा इःत्तिगे़रो!” |
| 23440 | MAT 8:26 | ये़सुरे़ खे़ङ्हाॽ मे़त्तुसि, “नसाःन् के़सुःम्बासे, थेआङ् अक्खेलॽरिक् के़गिःसिबाबे?” हे़क्क्याङ् खुने़ॽ पोगे़आङ् सुरित्केजङ्ङिन् नु वाभे़ल्ले़ङ्ङिन् फे़ःक्तु, हे़क्क्याङ् के़रे़क् चिजि ये़म्ये़म् पोःक्खे़रो॥ |
| 23441 | MAT 8:27 | हे़क्क्याङ् खे़ङ्हाॽरे़ खुनिॽ निङ्वाॽ मये़र सेःन्मे़दोःसिङ् “खुने़ॽग आक्तङ्बा मनाःन्बे? खुने़ॽ कुइङ्जाःङ्ङिन् वाभेल्ले़ङ्नु सुरित्केजङ्ङिल्ले़आङ् खे़प्सुङ्ग!” |
| 23443 | MAT 8:29 | खे़ङ्हाॽ अक्खेलॽरिक् अःक्ते़त्छि, “निङ्वाॽफुसाःए, खे़ने़ॽ आन्छिगे़नु थे के़गोःत्तुबाबे? खासे़न् ये़म्मिन्ने मे़न्दाए आन्छिगे़ तुक्खे चाःत्छे़ कप्मो के़द्ये़बाबि?” |
| 23446 | MAT 8:32 | ये़सुरे़ खे़ङ्हाॽ मे़त्तुसि, “पेगे़म्मे़ॽ!” खे़ल्ले़ चोगुल्ले़ खे़न् ने़प्फु मनाहाॽलाम् खे़ङ्हाॽ मे़लःन्दे़ मे़बेआङ् फाक्हाॽओ मे़लाःसे़॥ हे़क्क्याङ् खे़न् फाक्हाॽ सङ्माङ्ङे सङ्माङ् मे़लोःक्ते़र याक्पे़ओनु मक्मे़ध्ये़आङ् वरक्को मे़हुमे़ मे़स्ये़रो॥ |
| 23450 | MAT 9:2 | खे़प्मो कुभा मनाहाॽरे़ लङ्ले़ःङ्वा मनाधिक् कुने़त्नाःन्नुए खुने़ॽओ मे़दारुरो॥ हे़क्क्याङ् खे़ङ्हाॽरे़ खे़न् लङ्ले़ःङ्वाःन् वेःप्मा सुक् के़लॽबा नसाःन् मे़गत्तुबा ये़सुरे़ निःसुआङ् मे़त्तु, “आस्साःए, हाङ्हाङ् लॽरे़ॽओ, खे़ने़ॽ के़लायोहाॽ ले़प्मि पोःक्खे़रो॥” |
| 23451 | MAT 9:3 | हे़क्केःल्ले़ खे़प्मो के़वाॽबा कुभा साम्योथिम्साम्बाहाॽ अक्खे मे़मे़त्छिङ्, “कन् मनाःल्ले़ग निङ्वाॽफुमाङ् कुइसिःक् लायो ले़प्मि के़बिबा ले़ङ्सिङ्ङाङ् माङ्चे़ॽया पाःन्निन्ने़ पाःत्तुर पत्लो!” |
| 23452 | MAT 9:4 | ये़सुरे़ खे़ङ्हाॽरे़ खुनिॽ निङ्वाॽइन्निःसुआङ् अक्खे मे़त्तुसि, “थेआङ् हे़क्केलॽरिक् फे़न् निङ्वाॽ के़इःत्तुम्बाबे? |
| 23453 | MAT 9:5 | ‘के़लायोहाॽ ले़प्मि पोःक्खे़’, मे़प्मा उसुरु चोःक्पि, इ ‘पोगे़ॽआङ् थासिङ्ङे़ॽ’ मे़प्मा उसुरु चोःक्पि? |
| 23454 | MAT 9:6 | इङ्गाॽ मे़न्छाम्साःल्ले़ इक्सादिङ् खाम्बेःक्मो लायोहाॽ ले़प्मि पिमा युक् कत्तुङ् लॽरिक् ओसेःन्धाक्निङ्लो॥” हे़क्केःल्ले़ ये़सुरे़ खे़न् लङ्ले़ःङ्वाःन् मे़त्तु, “पोगे़ॽ, के़ने़त्नाःन् याङ्सिङ्ङे़ॽआङ् के़हिम्मो थासिङ्ङे़ॽ॥” |
| 23457 | MAT 9:9 | ये़सुःन् खे़प्मोलाम् पेर पत्छे़ल्ले़ मत्ति मे़प्मनाबा मनाःन् एःङ्याङ् फोःङ्मा ते़न्नो युङे़बा निःसुआङ् मे़त्तु, “इङ्गाॽ तिम्दाङ्ङे़ॽओ॥” खे़न् मुत्थ्रिक् पोगे़आङ् खुने़ॽनु थासिङ्लो॥ |
| 23458 | MAT 9:10 | खे़न् युःन्छिक् ये़सुःन् नु कुहुॽसाम्बाहाॽ मत्तिरे़ कुहिम्मो चाजासे़ मे़युङ्सिङ्ङिल्ले़ एःङ्याङ् के़भोःङ्बा यरिक् मनाहाॽ नु वेॽ “लायोबाहाॽ” मे़द्ये़आङ् खे़ङ्हाॽनु सोरिक् चाजासे़ मे़युङ्सिङ्॥ |
| 23459 | MAT 9:11 | हे़क्केःल्ले़ कुभा फरिसिहाॽरे़ खे़न् मे़निःसुआङ् कुहुॽसाम्बाहाॽ मे़मे़त्तुसि, “थेआङ् खिनिॽ सिक्साम्बान् एःङ्याङ् के़भोःङ्बाहाॽ हे़क्क्याङ् वेॽ लायोबाहाॽनु सोरिक् चाजाबाबे?” |
| 23460 | MAT 9:12 | ये़सुरे़ कन् खे़प्सुआङ् मे़त्तुसि, “सिदाॽसाम्बे़ङ्ग मे़न्दुक्मनाहाॽरे़ लागि मे़ःन्, कर के़दुक्पाहाॽरे़ लागिरो॥ |
| 23461 | MAT 9:13 | साम्योसाप्लाओ यहवे दाङ्बाल्ले़ इङ्गाॽग सिदुङ्जभा चाहाबा मे़जोःक्कान्, कर वेॽहाॽ लुङ्माॽ तुक्ते़म्सिम्मे़ॽ के़लॽबा निङ्वाॽ कत्तुङ्लो, लॽरिक् पाःत्तुबा कन् पाःन्निल्ले़ कुबेःन् हुॽआसिम्मे़ॽओ॥ इङ्गाॽग साम्योनिबाहाॽरे़ लागि मे़ःन्, कर लायोबाहाॽ लायोलाम् मे़नुःङ्ङाङ्ताङ्मे़से़ःप्ल फाॽआङ् त्याङ्बारो॥” |
| 23462 | MAT 9:14 | हे़क्क्याङ् थिक्ले़ङ् बप्तिस्मा के़बिबा युहुन्नारे़ कुहुॽसाम्बाहाॽ मे़द्ये़आङ् ये़सुःन् सेःन्मे़दोसु, “आनिगे़ नु फरिसिहाॽ चाःने़त्तो ए़त्ले़ङ् युङिगे़ॽ कर थेआङ् के़हुॽसाम्बाहाॽ चाःने़त्तो मे़न्युङ्ने़न्बाबे?” |
| 23463 | MAT 9:15 | ये़सुरे़ खे़ङ्हाॽ नोगप् पिरुसि, “मेःक्खिम्साबे़न् कुन्जुम्हाॽनु वाॽर थारिक् खुने़ॽ कुन्जुम्हाॽ चाःने़त्तो मे़युङ्ङाङ् मेरिङ् मे़धक्पि? कर खे़ङ्हाॽलाम् मेःक्खिम्साबे़न् साक्के़ल्ले़क् मे़दे़म्सुआङ् मे़देॽरुल्ले़रक्खे़ङ्हाॽ चाःने़त्तो मे़युङ्लो॥ |
| 23465 | MAT 9:17 | आत्तिल्ले़आङ् कुसङ् चे़ल्ले़क्सेॽ थिःन् कुद्रे़क्से़होबा सुःक्वाओ मे़युक्खुन्, कर युक्खुने़ फाॽग्र कुसङ् चे़ल्ले़क्सेॽ थिःल्ले़ कुद्रे़क्से़होबा सुःक्वाःन्थे़ःक्खुदेःसुॽरो, हे़क्क्याङ् थिःन् वे़त् पेःक्काङ् चासोःक्लो॥ कर कुसङ् चे़ल्ले़क्सेॽ थिःन्कुसङ् से़होबा सुःक्वाओ याक्मा पोःङ्, हे़क्केःल्ले़ चे़ल्ले़क्सेॽ थिःन् नु से़होबा सुःक्वाःन्ने़प्माङ् ताङ्लो॥” |
| 23466 | MAT 9:18 | ये़सुरे़ हे़क्के पाःत्तुर पत्छे़ल्ले़ सुहाङ्युक्पाधिक् कुदगि थुङ्बोहजॽ युङ्सिङ्ल अक्खे पाःत्तु, “आदाङ्बे, आस्साः चुक्मे़न् खारक् स्ये़रो, कर खे़ने़ॽ फे़रे़ॽआङ् कुसम्दाङ् के़हुक्किन् ने़स्से़ पिरे़ॽ, हे़क्क्याङ् खे़न् हिङ्लो॥” |
| 23470 | MAT 9:22 | ये़सुःन् हिल्लिक्हिसिङ्ङिल्ले़ खे़न् मे़न्छुमाॽइन् निःसुआङ् मे़त्तु, “मामुए, हाङ्हाङ् लॽरे़ॽओ, नसाःन् के़जोगुबाल्ले़ चोगुल्ले़ खे़ने़ॽ के़वेःत्ते़रो॥” हे़क्क्याङ् खे़न् मे़न्छुमाॽइन् हाबा खे़न् ये़म्मो वेःत्ते़रो॥ |
| 23472 | MAT 9:24 | ये़सुरे़ खे़ङ्हाॽ मे़त्तुसि, “पेगे़म्मे़ॽओ, कन् चुक्मे़ङ्ग मे़न्छिःए वाॽ इप्से़आङ्लक् ने़रो”, कर खे़ङ्हाॽरे़ खुने़ॽ मे़एःत्तुरो॥ |
| 23475 | MAT 9:27 | ये़सुःन् खे़प्मोलाम् पेर पत्छे़ल्ले़ ने़प्फु मिक्फःम्बाहाॽरे़ खुने़ॽ कुएगाङ् कुएगाङ् तिम्दे़त्छुर अक्खेलॽरिक् अःक्ते़त्छि, “दाउदरे़ कुस्साःए, आन्छिगे़ लुङ्माॽ आदुक्ते़ॽओ॥” |
| 23476 | MAT 9:28 | हे़क्क्याङ् ये़सुःन् लाःसे़बा हिम्मो पेसिल्ले़ ये़सुरे़ खे़ङ्हाॽ सेःन्दोसुसि, “खिन्छिॽ मिक् निःमा के़सुक्सुर चोःक्मा सुक्तुङ् फाॽआङ् नसाःन् के़जोःक्सुबि?” चोःक्सुगे़ॽरो, आदाङ्बे फाॽआङ् नोगप् पिरे़त्छु॥ |
| 23477 | MAT 9:29 | हे़क्क्याङ् ये़सुरे़ खे़ङ्हाॽरे़ खुन्छिॽ मिक्हाॽ सुःसु पिरुसिर मे़त्तुसि, “खिन्छिॽ नसाःन् के़जोगे़त्छुबा कुइसिःक्के पोःङ्लरो॥” |
| 23478 | MAT 9:30 | खे़ङ्हाॽ मिक् निःमा के़सुक्पा पोःक्खे़त्छि॥ ये़सुरे़ खे़ङ्हाॽ “कन् पाःन्निल्ले़ कुयाःम्बेओ आत्तिल्ले़आङ् निङ्वाॽ मे़घोःसुन्लरो” मे़त्तुसि॥ |
| 23481 | MAT 9:33 | हे़क्क्याङ् खे़न् फे़न्साम्मिन् ये़सुरे़ नाःत्तु लःत्तु हे़क्क्याङ् खे़न् मनाःन् पाःप्मा हेःक्ते़रो॥ खे़न् मे़निःसुआङ् खे़न् मनाहाॽरे़ साॽरिक् खुनिॽ निङ्वाॽ मये़र अक्खे मे़बाःत्तु, “इस्राइल लाजेॽ खाराक् अक्तङ्बा निङ्वाॽ के़माबा पाःङ्ग आप्फाल्ले़आङ् मे़न्निए वयिगे़रो॥” |
| 23482 | MAT 9:34 | कर फरिसिहाॽरे़ मे़बाःत्तु, “कन् मनाःल्ले़ग फे़न्साम्हाॽरे़ खुनिॽ हाङ्ङिल्ले़ कुमुक्साम्लाम् फे़न्साम्हाॽ नाःत्तु लःत्तुसिॽरो॥” |
| 23485 | MAT 9:37 | हे़क्क्याङ् ये़सुरे़ कुहुॽसाम्बाहाॽ मे़त्तुसि, “सुम्मा के़बोःङ्बा चाःन् यरिक् ने़ःॽ, कर चा के़सुम्बा याःलिक्हाॽ मे़सुःन्लो॥ |
| 23486 | MAT 9:38 | हे़क्केःल्ले़ सुम्मा के़बोःङ्बा चाःल्ले़ कुन्दाङ्बान् यरिक् याःलिक्हाॽ चा सुम्से़ पाङ्घुसिर फाॽआङ् खिनिॽ तुवा चोगे़म्मे़ॽओ॥” |
| 23488 | MAT 10:2 | खे़न् थिक्-ने़त् सेःक्युक्मिबाहाॽरे़ खुनिॽ मिङ्ग अक्तङ्बा चोःक्– सिमोन (खुने़ॽ पत्रुसआङ् मे़मे़त्तु), आन्द्रियास (पत्रुसरे़ कुन्साॽ), याकुब (जब्दियारे़ कुस्साः), युहुन्ना (याकुबरे़ कुन्साॽ), |
| 23490 | MAT 10:4 | सिमोन (खुने़ॽ “हाङ्बिफ्युङ् के़जोःक्पा” मे़मे़त्तु॥ खे़न् फाॽइन् हाङ्बिफ्युङ् के़जोःक्पा वये़), हे़क्क्याङ् यहुदा इस्करियोत (खुने़ॽ ये़सुरे़ कुनसाःन् के़ले़ङ्बा पोःक्खे़रो)॥ |
| 23491 | MAT 10:5 | ये़सुरे़ कन् थिक्-ने़त् सेःक्युक्मिबाहाॽ अक्खे मे़त्तुसिर पाङ्घुसिरो– “थिम्मे़न्दङ् सुवाङ्हाॽरो मे़बेगे़म्मिन्ने़ॽओ, हे़क्क्याङ् सामरिहाॽरे़ खुनिॽ पाङ्जुम्हाॽओ मे़बेगे़म्मिन्ने़ॽओ, |
| 23493 | MAT 10:7 | खिनिॽ के़बेगिल्ले़ कन् सुनाइङ्ङिन् से़ःसे़म्मे़ॽओ–‘साङ्ग्राम्पेदाङ्बा हाङ्जुम्मिन् निःत्ताङ्ङे वाॽ॥’ |
| 23498 | MAT 10:12 | खे़न् हिम्मो के़लाःस्सिल्ले़ मनाहाॽनु ‘सनारुङ् के़घोःसुम्निरो’ लॽरिक् सेवा मये़म्मे़ॽओ॥ |
| 23501 | MAT 10:15 | इङ्गाॽ से़क्खाए मे़त्निङ्लो, ताःन्दि खासे़न् ये़न्नोग खे़न् पाङ्जुम्मिल्ले़ कुदुक्खेःन्नुःल्ले़ सदोम नु गमोराबा पाङ्जुम्हाॽओ के़दाःबा तुक्खेःन् थम्मा सुक्के़दे़प्पा पोःङ्लो॥” |
| 23502 | MAT 10:16 | “खे़प्से़म्मे़ॽओ! मे़ल्लुक्हाॽ पराबाहाॽरे़ खुनिॽ लुम्मो पाङ्मनाबा कुइसिःक् पाङ्निङ्लो॥ हे़क्केःल्ले़ खिनिॽ असेःक्पा हे़क्के चाचाःप्पा नु पुत्तुःक्के हे़क्के कुदोःप्मा पोःक्खे़म्मे़ॽओ॥ |
| 23519 | MAT 10:33 | हाःत्ले़ इङ्गाॽ मना तगि नाॽआ, साङ्ग्राम्पेदाङ्ङो के़वाॽबा आम्बारे़ कुदगि इङ्गाॽआङ् खे़न् नाॽरुङ्लो॥” |
| 23520 | MAT 10:34 | “इङ्गाॽ इक्सादिङ् खाम्बेःक्मो सनारुङ् ताःत्छे़ त्याङ्बा फाॽआङ् मे़इःत्ते़म्मिन्ने़ॽ॥ इङ्गाॽ सनारुङ् ताःत्छे़ग मे़ःन्, कर तुक्खे ताःत्छे़ त्याङ्बारो॥ |
| 23525 | MAT 10:39 | आत्तिल्ले़ ने़त्तिगे़न् कुहिङ्मन्निन् आबाङे हिङ्मा कोःत्तुॽ खे़ल्ले़ खे़न् मासुॽरो, कर आत्तिल्ले़ ने़त्तिगे़न् कुहिङ्मन्निन् आलागि मासुॽ, खे़ल्ले़ मे़न्नुप्मनाबा हिङ्मन् खोःसुॽरो॥” |
| 23526 | MAT 10:40 | “आत्तिल्ले़ खिनिॽ लाङ्गे़दाःक्तिॽ, खे़ल्ले़ इङ्गाॽआङ् लाङ्दाःक्कारो, हे़क्क्याङ् आत्तिल्ले़ इङ्गाॽ लाङ्दाःक्का, खे़ल्ले़ इङ्गाॽ याप्मि के़बाङ्बे़न्नाङ् लाङ्दाःक्तुॽरो॥ |
| 23528 | MAT 10:42 | आत्तिल्ले़ इङ्गाॽओ नसाःन् के़जोःक्पाहाॽओ के़रे़क्नुःल्ले़ चुक्साधिक्किन् आहुॽसाम्बा फाॽआङ् फङ्नाधिक् च्वाःत् पिरुॽ, खे़ल्ले़ से़क्खाए थुम्घोःन् खोःसुॽरो॥” |
| 23531 | MAT 11:3 | खे़ङ्हाॽ मे़बेआङ् ये़सुःन् सेःन्मे़दोसु, “के़दाःबार के़बप्पा ख्रिस्ते़न्बा खे़ने़ॽएने़बि, इ वेॽस्मान् हाङ्घुम्बे़बाबि?” |
| 23532 | MAT 11:4 | ये़सुरे़ नोगप् पिरुसि, “नुःक्खे़म् पेगे़म्मे़ॽआङ् के़निःसुम्बा नु के़घे़प्सुम्बा पाःन्हाॽ युहुन्नाःन् मे़त्ते़म्मे़ॽओ– |
| 23534 | MAT 11:6 | इङ्गाॽ याप्मि चप्चि मे़न्जोःक्मना मनाःन् मुॽइसाबारो॥” |
| 23535 | MAT 11:7 | बप्तिस्मा के़बिबा युहुन्नाःल्ले़ कुहुॽसाम्बाहाॽ मे़बेर मे़बत्छे़ल्ले़ ये़सुरे़ खे़प्मो के़वाॽबा मनाहाॽ युहुन्नारे़ कुयाःम्बेओ अक्खे मे़त्तुसि, “ये़ःङ्घादे़न्नो थेःन् ओमत्छे़ के़बेगिबाबे? सुरित् केजङ्ङिल्ले़ वाःन्जो-वाःन्जो लॽरिक् वाःन्दुबा थिङ्ने़त् हे़क्तङ्बा मनाःन्बि? |
| 23538 | MAT 11:10 | साम्योसाप्लाओ युहुन्नारे़ कुयाःम्बेओ निङ्वाॽफुमाङ्ङिल्ले़ अक्खेलॽरिक् पाःत्तुआङ् पत्, ‘इङ्गाॽ आइङ्साबान् के़लाम्मिन् यारिप् चोःक्से़ खे़ने़ॽनुःल्ले़ तगि पाङ्घुङ्लो॥’ |
| 23545 | MAT 11:17 | ‘खिनिॽ लागि आनिगे़ के हिप्मना, कर खिनिॽ के़न्लाःक्खिन्, हे़क्क्याङ् आनिगे़ मेरिङ् थक्मना, कर खिनिॽ के़न्हाबिन्॥’ |
| 23547 | MAT 11:19 | इङ्गाॽ मे़न्छाम्साःङ्ग चाङ्ल थुङुङ्ल त्याङ्, हे़क्क्याङ् खे़ङ्हाॽरे़ अक्खे मे़बाःत्तु, ‘खे़ङ्ग तःक् थे़ःक्के नु थिःमसाङ्लो, एःङ्याङ् के़भोःङ्बाहाॽ नु लायोबाहाॽरे़ खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् खे़न् निस्से चोःक् फाॽआङ् निःदे़त्लो॥” |
| 23549 | MAT 11:21 | “खोराजिन नु बे़थसेदा पाङ्जुम्मोबा मनासे, चिःत्ते़आङ्लक् स्ये़रो! खिनिॽ पाङ्जुम्मो पोःक्खे़बा निङ्वाॽ के़माबा याःम्बक्हाॽ थिम्मे़न्दङ् सुवाङ्हाॽरे़ खुनिॽ ये़क्यक् तायर नु सिदोन्नो पोःक्खे़आङ् वये़ल्ले़ग उन्छोःन्छा खे़प्मोबा मनाहाॽ लायोलाम् मे़हिन्दे़बारो फाॽआङ् सगितेःत् मे़जाक्सिङ्ङाङ् खाप्पु मे़जुःत्छिङ्बामे़न्॥ |
| 23552 | MAT 11:24 | कर इङ्गाॽ मे़त्निङ्, खासे़न्निल्ले़ ये़न्नोग खे़ने़ॽनुःल्ले़ सादोमरे़ कुदुक्खेःन् थम्मा सुक्के़दे़प्पा पोःङ्लो॥” |
| 23553 | MAT 11:25 | खे़न् ये़म्मो ये़सुरे़ तुवा चोगु, “आम्बे, साङ्ग्राम्पेदाङ् नु इक्सादिङ् खाम्बेःक्माल्ले़ दाङ्बाए, इङ्गाॽ नोगे़न् पिने़, थेआङ्भे़ल्ले़ खे़ने़ॽग सिक्कुम्साबाहाॽ हे़क्क्याङ् चाःप्पाहाॽनु के़माॽरुबा पाःन्निन् हिन्जाॽ हे़क्तङ्बाहाॽ ओसेःन्गे़धाक्तुसिरो॥ |
| 23554 | MAT 11:26 | आम्बे, बा अक्खे चोःक्माए खे़ने़ॽ के़सिराॽ थाङे़रो॥” |
| 23555 | MAT 11:27 | हे़क्क्याङ् ये़सुरे़ मनाहाॽ मे़त्तुसि, “आम्बारे़ के़रे़क् पाःन्हाॽ पिराङ्ङाङ् वाॽरो॥ कुस्साःन् कुम्बारे़रक् कुसिङ् निःत्तुॽ, वेॽहाॽरे़ कुसिङ् मे़न्निःत्तुन्लो॥ हे़क्क्याङ् पानुदिङ् पाःन् कुसिङ् मे़निःत्तुर फाॽआङ् कुस्साःल्ले़ ओसेःन्धाक्तुसिबा मनाहाॽरे़रक् कुसिङ् मे़निःत्तुॽरो॥ |
| 23558 | MAT 11:30 | थेआङ्भे़ल्ले़ इङ्गाॽ आजिघे़ःप्पिन् उसुरुबा नु कुःमा पाङ्निङ्बा आगक्किन् याङ्याङ्बा चोःक्लो॥” |
| 23560 | MAT 12:2 | कुभा फरिसिहाॽरे़ खे़न् मे़निःसुआङ् ये़सुःन् मे़मे़त्तु, “ओमे़त्ते़ॽ, नाःम्सिङ्ये़न्नो याःम्बक् चोःक्मा मे़नुॽने़न्, कर के़हुॽसाम्बाहाॽरे़ग मे़जोगुङ्ग!” |
| 23561 | MAT 12:3 | ये़सुरे़ खे़ङ्हाॽ नोगप् पिरुसि, “मे़ःम्बे़! दाउद हाङ्ङिन् नु कुमनाहाॽरे़ खुनिॽ से़त्लाःक्ते़ल्ले़ मे़जोगुबा पाःन्निन् साम्योसाप्लाओ मे़न्निःत्ते के़वयिॽबि? |
| 23566 | MAT 12:8 | थेआङ्भे़ल्ले़ इङ्गाॽ मे़न्छाम्साःङ्ग नाःम्सिङ्ये़न्निल्ले़न्नाङ् कुन्दाङ्बाआरो॥” |
| 23568 | MAT 12:10 | खे़प्मो कुहुक् के़सम्बा मनाधिक् वये़॥ हे़क्क्याङ् खे़प्मो कुभा यहुदिहाॽरे़ ये़सुःन् आप्तिक्कुःप्मा फाॽआङ् मे़सुगुर मे़वये़आङ् सेःन्मे़दोसु, “नाःम्सिङ्ये़न्नो मनाहाॽ वेःम्मासि साम्योथिम्मिल्ले़ आबिॽबि मे़ःम्बि?” |
| 23569 | MAT 12:11 | ये़सुरे़ खे़ङ्हाॽ नोगप् पिरुसि, “खिनिॽ मे़ल्लुक्किन् नाःम्सिङ्ये़न्नो केःम्बा लुम्बाःत्तो मक्थाःल्ले़ के़न्उःक्खुम् के़न्लःत्तुम्मिन्बि? |
| 23570 | MAT 12:12 | मे़न्छाम् याप्मिःङ्ग मे़ल्लुक्किन्नुःल्ले़ इमे़ल्लुङ्बा मे़जोःक्ने़न्बि? नाःम्सिङ्ये़न्नो नुःबा याःम्बक् चोःक्मा साम्योथिम्मिल्ले़ आबिॽरो॥” |
| 23571 | MAT 12:13 | हे़क्क्याङ् ये़सुरे़ खे़न् मनाःन् मे़त्तु, “के़हुक्किन् सन्छे़ॽ॥” खे़ल्ले़ कुहुक्किन् सन्छुल्ले़ खिमो वेःत्ते़आङ् वेॽस्मा कुहुक्किन् हे़क्केए नुःबा पोःक्खे़रो॥ |
| 23575 | MAT 12:17 | कङ्ग ये़सुरे़ कुयाःम्बेओ निङ्वाॽफुमाङ्ङिल्ले़ कुबाःन्निन् माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् साप्तुबान् के़रे़बारो– |
| 23576 | MAT 12:18 | “इङ्गाॽ सेगुङ्बा नु लुङ्माॽ तुक्तुङ्बा आसेवारोबान् कप्मो वाॽरो॥ खुने़ॽनु इङ्गाॽ सःत्ताङ्ङाङ् वाॽआरो॥ कुसम्दाङ् आसेसेमाङ्ङिन् ने़स्सुङ्पिरुङ् हे़क्क्याङ् थिम्मे़न्दङ्सुवाङ्हाॽ खासे़न्रे़न्इङ्भन् चोगुसिॽरो॥ |
| 23579 | MAT 12:21 | खुने़ॽ कुमिङ्ङो के़रे़क् थिम्मे़न्दङ्सुवाङ्हाॽरे़ निङ्साङ् मे़जोगुॽरो॥” |
| 23581 | MAT 12:23 | के़रे़क् मनाहाॽरे़ खुनिॽ निङ्वाॽ मये़र मे़बाःत्तु, “कङ्ग के़दाःबार के़बप्पा दाउद हाङ्ङिल्ले़ कुस्साः से़न्लप् के़बिबा हाङ्ङिन् मे़ःम्बि?” |
| 23582 | MAT 12:24 | कर फरिसिहाॽरे़ खे़न् मे़घे़प्सुल्ले़ अक्खे मे़बाःत्तु, “फे़न्साम्हाॽरे़ खुनिॽ हाङ् बालजिबुलरे़ कुमुक्साम्लाम्रक्कन् मनाःल्ले़ फे़न्साम्हाॽ नाःत्तु लःत्तुसिबारो॥” |
| 23583 | MAT 12:25 | ये़सुरे़ खे़ङ्हाॽरे़ खुनिॽ निङ्वाॽइन्निःसुआङ् अक्खे मे़त्तुसि, “आप्फेःक् लुम्मो के़घेबा के़धक्पाआङ् के़से़म्बा के़रे़क् हाङ्जुम्हाॽ मे़मे़क्लो॥ हे़क्क्याङ् आप्फेःक् लुम्मो के़घेबा के़धक्पाआङ् के़से़म्बा ये़क्यक् नु हिम्सयङ्हाॽरे़ मे़न्धःत्तुन्लो॥ |
| 23586 | MAT 12:28 | कर इङ्गाॽ निङ्वाॽफुमाङ्ङिल्ले़ कुसेसेमाङ्लाम् फे़न्साम्हाॽ नाःत्तुङ् लःत्तुङ्सिङ्लो, खे़ल्ले़ चोगुल्ले़ निङ्वाॽफुहाङ्जुम्मिन् खिनिॽ लुम्मो त्ये़ चुरे़आङ् वाॽ फाॽआङ् कुसिङ् निःत्ते़म्मे़ॽओ॥” |
| 23587 | MAT 12:29 | “याम्मो खे़प्से़म्मे़ॽओ, के़धुम्बा मनाःल्ले़ कुहिम्मो लाःप्माआङ् खे़ल्ले़ कुजिगःक्वाहाॽ नाप्मादेॽमानुःल्ले़ तगि खे़न् के़धुम्बा मनाःन् इघेःङ्माए पोःङ्लो॥ हे़क्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्ते़त्लो॥” |
| 23588 | MAT 12:30 | “आत्तिन् इङ्गाॽनु थिक्हुप्पो होःप्खे़न् आदक्ले़ङ्वाओ वाॽ, हाःत्ले़ इङ्गाॽनु मे़सुप्सुन् खे़ल्ले़ से़ःसुरो॥” |
| 23589 | MAT 12:31 | “खे़ल्ले़ चोगुल्ले़ इङ्गाॽ खिनिॽ मे़त्निङ्, मे़न्छाम् याप्मिरे़ चोःक्मनाबा के़रे़क् लायो नु निङ्वाॽफुमाङ्ङिल्ले़ कुदक्ले़ङ्वाओ पाःप्मनाबा माङ्चे़ॽया पाःन्निल्ले़न् ले़प्मि खोःमा सुक्ते़त्, कर सेसेमाङ्ङिल्ले़ कुदक्ले़ङ्वाओ पाःप्मनाबा माङ्चे़ॽया पाःन्निल्ले़न् ले़प्मि आप्फाल्ले़आङ् खोमे़दे़त्ने़न्लो॥ |
| 23590 | MAT 12:32 | आत्तिन् मनाःल्ले़ मे़न्छाम्साःल्ले़ कुदक्ले़ङ्वाओ पाःत्तुॽ, खे़ल्ले़ ले़प्मि खोःसुॽ, कर सेसेमाङ्ङिल्ले़ कुदक्ले़ङ्वाओ के़बाःप्पाल्ले़ कन् ये़म्मो हे़क्क्याङ् के़दाःबा ये़म्मोआङ् ले़प्मि मे़घोःसुन्लो॥” |
| 23596 | MAT 12:38 | हे़क्क्याङ् कुभा साम्योथिम्साम्बाहाॽ नु फरिसिहाॽ मे़दङ्सिङ् हे़क्क्याङ् ये़सुरो मे़द्ये़आङ् मे़मे़त्तु, “सिक्साम्बे, खे़ने़ॽ के़जोगुबा निङ्वाॽ के़माबा मिक्सेःन्धिक्आनिगे़ ओमे़प्मा निङ्वाॽ चोगुम्बे़आङ् वाॽरो॥” |
| 23597 | MAT 12:39 | ये़सुरे़ खे़ङ्हाॽ नोगप् पिरुसि, “कन्ये़म्मोबा कुॽइगे़भे़ॽबा नु लायोबा मनाहाॽरे़ निङ्वाॽ के़माबा मिक्सेःन्हाॽ ओमे़प्मा मे़गोःत्तुॽ, कर खे़ङ्हाॽरे़ग माङ्निङ्वाॽपाःन् के़बाःप्पा योनारे़ कुमिक्सेःन्नाङ्धो वेॽ मिक्सेःन् थेआङ् ओमे़प्मा मे़ङ्घोःसुन्लो॥ |
| 23600 | MAT 12:42 | लाङ्गे़त् पिसाङ्बा सिवा लाजेॽस्मा हाङ्मान् खासे़न् ये़न्नो ये़म्सिङ्ङाङ् कन् ये़म्बा मनाहाॽरे़ खुनिॽ तक्ले़ङ्वाओ पोःक्काङ् पाःन्धिक्तुसिॽरो॥ थेआङ्भे़ल्ले़ खुने़ॽ सोलोमन हाङ्ङिल्ले़न् सिक्कुम्दिङ् खाहुन् खे़म्से़ साॽरिक् माःङ्घाबा लाजेॽलाम् त्ये़आङ् वये़रो॥ कप्मो सोलोमन हाङ्ङिन्नुःल्ले़ यम्बान्वाॽसाङ् के़न्घे़प्सुम्मिन्लो॥” |
| 23601 | MAT 12:43 | “फे़न्साम्मिन् मनाओलाम् लःन् पेःक्किल्ले़ नाःम्सिङ्ते़न् कोःत्छे़ से़ङ्से़ङ्बा ते़न् हे़ङ्घाःत्ति पेःक्लो, कर खे़ल्ले़ आत्तान्नाङ् मे़घोःसुन्नाङ् |
| 23602 | MAT 12:44 | अक्खे मे़त्छिङ्लो, ‘इङ्गाॽ ले़रुङ्बा मनाःल्लोए नुःङ्ङा पेःक्कारो॥’ हे़क्क्याङ् खे़न् खे़प्मो नुःङ् ताःल्ले़ तगि यागे़बा ते़न्निन् कुघाले़म्, मे़दुगुबा नु नुःबा मे़जोगुबा निःसुॽ॥ |
| 23603 | MAT 12:45 | हे़क्क्याङ् खे़न् पेःक्काङ् आप्फेःक्नुःल्ले़आङ् साॽरिक् कुॽइ के़भे़ॽबा वेॽ नुसि फे़न्साम्हाॽ तारुसिआङ् खे़ङ्हाॽ सिगाङ् मे़लाःत्ताङ् मे़युङ्सिङ्लो॥ खे़न् मनाःल्ले़ कुयाक्नाम्मिन् तगिबानुःल्ले़आङ्ताप्फे़ःम्बा पोःङ्लो॥ कन् ये़म्मोबा कुॽइ के़भे़ॽबा मनाहाॽरे़ खुनिॽ याक्नाम्मिन्नाङ् बा हे़क्तङ्बाए पोःङ्लो॥” |
| 23605 | MAT 12:47 | मनाधिक् पेआङ् खुने़ॽ मे़त्तु, “आदाङ्बे, के़म्मा नु के़न्साॽसि खे़ने़ॽनु ताॽजे़ङ्मा फाॽआङ् लाःक्कात् के़म्हाङ्ल मे़ये़प्लो॥” |
| 23606 | MAT 12:48 | ये़सुरे़ खे़न् नोगप् पिरु, “आम्मा नु आन्साॽसि हाःत्छिबे?” |
| 23607 | MAT 12:49 | कुहुॽसाम्बाहाॽ सोःक्तुसिर खे़न् मनाःन् मे़त्तु, “ओमे़त्ते़से़ॽ, कप्मो आम्मा नु आन्साॽसि मे़युङ्लो॥ |
| 23608 | MAT 12:50 | थेआङ्भे़ल्ले़ आत्तिन्हाॽरे़ साङ्ग्राम्पेदाङ्बा आम्बारे़ कुनिङ्वाॽ हे़क्के मे़जोगुॽ, खे़ङ्हाॽए आम्मा नु आन्साॽसिरो॥” |
| 23611 | MAT 13:3 | हे़क्क्याङ् ये़सुरे़ अक्खेलॽरिक् यरिक् पाःन्हाॽ खे़दाॽओ मे़त्तुसि, “लत्छा याःन्के़मःबाधिक् याॽरिःम्बा ले़प्से़ पेरो॥ |
| 23617 | MAT 13:9 | खे़म्मा ने़क्खोॽ के़गप्पाहाॽरे़ कन् पाःन्निन् नुःरिक् खे़प्से़म्मे़ॽआङ् कुसिङ्निःत्ते़म्मे़ॽओ!” |
| 23618 | MAT 13:10 | हे़क्क्याङ् कुहुॽसाम्बाहाॽ मे़द्ये़आङ् ये़सुःन् सेःन्मे़दोसु, “आदाङ्बे, थेआङ् कन्हाॽनु खे़दाॽओरक् के़बाःप्पाबे?” |
| 23619 | MAT 13:11 | ये़सुरे़ खे़ङ्हाॽ नोगप् पिरुसि, “थेआङ्भे़ल्ले़ साङ्ग्राम्पेदाङ्बा हाङ्जुम्मिल्ले़न् सिगाङ्बा पाःन्हाॽ खिनिॽरक् कुसिङ्निःप्मा के़घोःसुम्माङ् के़वयिॽरो, कर खे़ङ्हाॽरे़ग मे़ङ्घोए मे़वाॽरो॥ |
| 23622 | MAT 13:14 | माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुबान् कन् मनाहाॽओ के़रे़बारो– ‘खिनिॽ के़घे़प्सुम्साङ् कुसिङ् के़न्निःत्तुम्मिन्, ओगे़मे़त्तुम्साङ् के़न्निःसुम्मिन्लो॥ |
| 23623 | MAT 13:15 | थेआङ्भे़ल्ले़ कन् मनाहाॽरे़ खुनिॽ खासिङ्ङिन्के़धुङ्बा पोःक्खे़आङ् वाॽ॥ खे़ङ्हाॽरे़ खुनिॽ ने़क्खोॽबान् थाक्ते़आङ् वाॽ, हे़क्क्याङ् खुनिॽ मिक्किन् इम्मे़मे़त्तुआङ् वाॽ॥ मे़ःन्ने़ फाॽग्र खे़ङ्हाॽरे़ खुनिॽ ने़क्खोॽबाल्ले़ मे़घे़प्सुबा नु मिक्किल्ले़ मे़निःसुबामे़न्, हे़क्क्याङ् खुनिॽ सिक्लुङ्माओ कुसिङ् मे़निःत्तुआङ् इङ्गाॽ ले़प्माङ् मे़नुःक्खे़बामे़न्, हे़क्क्याङ् इङ्गाॽ खे़ङ्हाॽ वेःन्दुङ्सिङ्मे़न्फाॽआङ् निङ्वाॽफुमाङ्ङिल्ले़ पाःत्तुरो॥’ |
| 23625 | MAT 13:17 | इङ्गाॽ से़क्खाए मे़त्निङ्, यरिक् माङ्निङ्वाॽपाःन् के़बाःप्पाहाॽ नु साम्योनिबा मनाहाॽरे़ खिनिॽ के़निःसुम्बा के़घे़प्सुम्बा पाःन्हाॽ निःमा नु खे़म्मा साॽरिक् निङ्वाॽ मे़जोगुआङ् वये़, कर निःमा नु खे़म्मा मे़ङ्घोःसुन्लो॥” |
| 23626 | MAT 13:18 | “आल्ल याॽरिःम्बा के़ले़प्पाल्ले़न् खे़दाॽइल्ले़ कुबेःन् खे़प्से़म्मे़ॽओ |
| 23631 | MAT 13:23 | हे़क्क्याङ् नुःबा खाम्मो के़जुक्पा याॽरिःम्बे़ङ्ग पाःन्जाक्किन् के़घे़म्बाआङ् कुसिङ्के़निःप्पा मना कुइसिःक् चोःक्लो, हे़क्क्याङ् खे़ल्ले़ किप्थिक्, तुक्पोःङ्नु सुम्बोःङ् ले़ङ् थारिक् कुजाॽ फत्छुरो॥” |
| 23632 | MAT 13:24 | ये़सुरे़ वेॽस्मा खे़दाॽइन् खे़ङ्हाॽ मे़त्तुसि, “साङ्ग्राम्पेदाङ्बा हाङ्जुम्मिङ्ग अक्तङ्बा चोःक्लो–लत्छा मनाधिक्ले़ प्याङ्सिगे़न् इक्ताप्पो नुःबा याॽरिःम्बान् ले़प्तु, |
| 23635 | MAT 13:27 | हे़क्क्याङ् सेवारोबाहाॽ लाजेॽ दाङ्बाल्लो मे़द्ये़आङ् सेःन्मे़दोसु, ‘आदाङ्बे, खे़ने़ॽग प्याङ्सिगे़न् इक्ताप्पो मासि याॽरिःम्बारक् के़ले़प्तुआङ् ने़स्से़ मे़ःम्बि, कर आक्खेआङ् माले़ःन्दोःन्नाङ् लिङे़बे?’ |
| 23636 | MAT 13:28 | खुने़ॽ नोगप् पिरुसि, ‘खे़ङ्ग निङ्मिःल्ले़ हे़क्के चोगुबारो॥’ सेवारोबाहाॽरे़ खुने़ॽ याम्मो सेःन्मे़दोसु, ‘खे़न् माले़ःन्दोहाॽ आःक्खुम्देःसुम्बे़ लॽरिक् निङ्वाॽ के़इःत्तुबि?’ |
| 23637 | MAT 13:29 | लाजेॽ दाङ्बाल्ले़ मे़त्तुसि, ‘हे़क्के मे़जोगे़म्मिन्ने़ॽओ, माले़ःन्दोःन् के़आःक्खुम्मिल्ले़ मासिःन्नाङ् के़आःक्खुम् के़से़रुम्लो॥ |
| 23638 | MAT 13:30 | चासुम्मा ये़म् थारिक् ने़प्माङ् सोसोरिक् पोसिर॥ हे़क्क्याङ् खे़न् ये़म्मो चागे़सुम्बाहाॽ के़रे़क्नु तगि माले़ःन्दोहाॽ आःक्खे़म्मे़ॽआङ् इभुत्ते़म्मे़ॽ हे़क्क्याङ् मिओ लाप्फुःसे़म्मे़ॽ हे़क्क्याङ् मासिःन् सुप्से़म्मे़ॽआङ् चायाङ्माओ याःक्ते़म्मे़ॽ फाॽआङ् इङ्जाःङ् पिरुङ्सिङ्लो॥’” |
| 23639 | MAT 13:31 | हे़क्क्याङ् ये़सुरे़ याम्मो वेॽ खे़दाॽधिक् मे़त्तुसि, “साङ्ग्राम्पेदाङ्बा हाङ्जुम्मिङ्ग यःङ्गेॽ याॽरिःम्बान् कुइसिःक् चोःक्लो॥ मनाधिक्ले़ खे़न् यःङ्गेॽ याॽरिःम्बान् तेॽरुआङ् इक्ताप्पो ले़प्तु॥ |
| 23640 | MAT 13:32 | के़रे़क् याॽरिःम्बाओ के़रे़क्नुःल्ले़ चुक्सा चोःक्साङ् खे़न् पोःआङ् प्याङ्सिगे़न् इक्ताप्पोबा वेॽ नुधि-साक्चिॽनुःल्ले़ यम्बा कुबुङ् पोःङ्लो॥ हे़क्क्याङ् पुसाहाॽ मे़दाआङ् कुबोराःक्को हाप् मे़जोगुरो॥” |
| 23641 | MAT 13:33 | ये़सुरे़ आल्लसाङ् वेॽस्मा खे़दाॽइन् खे़ङ्हाॽ मे़त्तुसि, “साङ्ग्राम्पेदाङ्बा हाङ्जुम्मिङ्ग फे़ॽरुम्मो याक्मनाबा खरे़ःङ् के़भङ्बा सिदाॽइन् हे़क्तङ्बा चोःक्लो॥ थिक् मे़न्छुमाॽइल्ले़ खप्प्याओ यरिक् फे़ॽरुम्मो मिसाक् सिदाॽइन् याक्तु, हे़क्क्याङ् सॽरु युक्खुआङ् मे़न्युप्पे थारिक् सुःप्तु युक्खुरो॥” |
| 23643 | MAT 13:35 | हे़क्केःल्ले़ निङ्वाॽफुमाङ्ङिल्ले़ कुबाःन्निन् माङ्निङ्वाॽपाःन् के़बाःप्पाल्ले़ अक्खेलॽरिक् पाःत्तुबान् के़रे़बारो– “इङ्गाॽ खे़दाॽओरक् पाःत्तारो, हे़क्क्याङ् इक्सादिङ् खाम्बेःक्माल्ले़न् नावागे़न् चइःत् ने़स्से़आङ्धोबा सिबिॽ पाःन्हाॽ पाःत्तुङ्लो॥” |
| 23644 | MAT 13:36 | हे़क्क्याङ् खे़न् मनाहाॽ ले़रुधसिआङ् ये़सुःन् हिम्मो पे॥ कुहुॽसाम्बाहाॽ खुने़ॽओ मे़द्ये़आङ् “प्याङ्सिओबा माले़ःन्दोरे़न् खे़दाॽइल्ले़ कुबेःन् पोआधक्ते़ॽ” फाॽआङ् मे़मे़त्तु॥ |
| 23645 | MAT 13:37 | ये़सुरे़ नोगप् पिरुसि, “प्याङ्सिगे़न् इक्ताप्पो नुःबा याॽरिःम्बा के़ले़प्पाङ्ग इङ्गाॽ मे़न्छाम्साःआरो॥ |
| 23647 | MAT 13:39 | हे़क्क्याङ् माले़ःन्दो याॽरिःम्बा के़ले़प्पा निङ्मिःङ्ग माफे़न्साम्मिन्लो॥ चासुम्मा ये़म्मिङ्ग कन् इक्सादिङ् खाम्बेःक्माल्ले़ कुनुप्मान्लो, हे़क्क्याङ् चागे़सुम्बाहाॽग माङ्लाइङ्बासिरो॥” |
| 23648 | MAT 13:40 | “हे़क्क्याङ् खे़न् माले़ःन्दोहाॽ मे़सुप्सुआङ् मिओ लाप्मे़भुसुबा कुइसिःक्के इक्सादिङ् खाम्बेःक्माल्ले़ कुनुप्मान् पोःङ्लो॥ |
| 23651 | MAT 13:43 | हे़क्क्याङ् साम्योनिबाहाॽ खुनिॽ निङ्वाॽफुपाःल्ले़ कुहाङ्जुम्मो नाम् कुइसिःक् मे़ले़क्लो॥ नुःरिक्काङ् खे़प्से़म्मे़ॽआङ् कुसिङ्निःत्ते़म्मे़ॽओ॥” |
| 23652 | MAT 13:44 | याम्मो “साङ्ग्राम्पेदाङ्बा हाङ्जुम्मिङ्ग प्याङ्सिगे़न् इक्ताप्पो चिङ्मनाबा यरिक् याङ्भुःन् कुइसिःक् चोःक्लो॥ मनाधिक्ले़ खे़न् याङ्भुःन् खोःसुआङ् याम्मो चिक्खुरो, हे़क्क्याङ् खे़न् सःत्ल पेःक्काङ् खुने़ॽ कत्तुबा के़रे़क् चिगःक्वाहाॽ सङ्घुआङ् खे़न् प्याङ्सिगे़न् इक्ताप्पिन् इङुरो॥” |
| 23653 | MAT 13:45 | “याम्मो साङ्ग्राम्पेदाङ्बा हाङ्जुम्मिङ्ग अक्तङ्बा चोःक्–लत्छा नुःब्नुःबा ते़क्सेःक् के़गोःप्पा ले़ङ्हङ्बाल्ले़ |
| 23654 | MAT 13:46 | साॽरिक् इमे़ल्लुङ्बा ते़क्सेःक्किन् खोःसु, हे़क्क्याङ् पेआङ् खे़ल्ले़ कत्तुबा के़रे़क् कुजिगःक्वाहाॽ सङ्घुआङ् खे़न् ते़क्सेःक्किन् इङुरो॥” |
| 23655 | MAT 13:47 | “याम्मो, साङ्ग्राम्पेदाङ्बा हाङ्जुम्मिन् यम्बा योःङ् कुइसिःक् चोःक्लो॥ खे़न् योःङ्ङिन् वरक्को मे़ले़प्तुल्ले़ खे़प्मो के़रे़क् परिक्ले़न् ङाहाॽ मे़धाःरो॥ |
| 23658 | MAT 13:50 | खे़ङ्हाॽ यम्बा मिहाप्पो लाप्मे़भुसुसिॽरो॥ खे़प्मो आत्तात्तान्ने तुक्खेःल्ले़ हाःप्मान् नु हाबोॽ ये़ःङ्मान् पोःङ्लो॥” |