| 23264 | MAT 3:3 | खुने़ॽ कुयाःम्बेओ माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुआङ् वाॽरो, “खुने़ॽ एःक्सादे़न्नो अक्खेलॽरिक् के़अःक्पा इक्लारो, ‘दाङ्बाल्ले़ कुमाराम्मिन् यारिप् चोगे़म्मे़ॽआङ् कुलाम्हाॽ तोःन्दोःन्चोगे़म्मे़ॽ!’” |
| 23408 | MAT 7:23 | कर खे़न् ये़म्मो खे़ङ्हाॽ इङ्गाॽ अक्खे मे़त्तुङ्सिङ्, ‘खिनिॽग आप्फाल्ले़आङ् कुसिङ् निःत्निङ्बा होःप्लो॥ खिनिॽ पानुदिङ् आम्बारे़ कुनिङ्वाॽ हे़क्के मे़न्जोःक्के फे़न् याःम्बक् के़जोःक्पासे, कप्मोलाम् पेगे़म्मे़ॽ!’” |
| 23417 | MAT 8:3 | ये़सुरे़ कुहुक्किन् सन्छुर खे़न् मनाःन् सुःसुआङ् अक्खे मे़त्तु, “इङ्गाॽ निङ्वाॽ चोगुङ्लो॥ खे़ने़ॽ नुरे़ॽओ!” खिमो खे़न् मनाःन् लोगेॽ तुक्मालाम् नुःरे़रो॥ |
| 23424 | MAT 8:10 | ये़सुरे़ कन् खे़प्सुल्ले़ कुनिङ्वाॽ मये़र खुने़ॽ कुएगाङ् कुएगाङ् के़दिम्बाहाॽ अक्खे मे़त्तुसि, “इङ्गाॽ से़क्खाए मे़त्निङ्, अक्तङ्बा यम्बा नसाःन् के़गप्पा मनाःङ्ग इस्राइलोआङ् इङ्गाॽ मे़ङ्घोए वाॽआरो! |
| 23439 | MAT 8:25 | कुहुॽसाम्बाहाॽ मे़बेआङ् खुने़ॽ अक्खे मे़मे़त्तुर मे़भोःक्खु, “आदाङ्बे, याप्मि ताङ्से़ःप्ते़ॽओ! आनिगे़ग हुम्मा सिःमा इःत्तिगे़रो!” |
| 23441 | MAT 8:27 | हे़क्क्याङ् खे़ङ्हाॽरे़ खुनिॽ निङ्वाॽ मये़र सेःन्मे़दोःसिङ् “खुने़ॽग आक्तङ्बा मनाःन्बे? खुने़ॽ कुइङ्जाःङ्ङिन् वाभेल्ले़ङ्नु सुरित्केजङ्ङिल्ले़आङ् खे़प्सुङ्ग!” |
| 23446 | MAT 8:32 | ये़सुरे़ खे़ङ्हाॽ मे़त्तुसि, “पेगे़म्मे़ॽ!” खे़ल्ले़ चोगुल्ले़ खे़न् ने़प्फु मनाहाॽलाम् खे़ङ्हाॽ मे़लःन्दे़ मे़बेआङ् फाक्हाॽओ मे़लाःसे़॥ हे़क्क्याङ् खे़न् फाक्हाॽ सङ्माङ्ङे सङ्माङ् मे़लोःक्ते़र याक्पे़ओनु मक्मे़ध्ये़आङ् वरक्को मे़हुमे़ मे़स्ये़रो॥ |
| 23451 | MAT 9:3 | हे़क्केःल्ले़ खे़प्मो के़वाॽबा कुभा साम्योथिम्साम्बाहाॽ अक्खे मे़मे़त्छिङ्, “कन् मनाःल्ले़ग निङ्वाॽफुमाङ् कुइसिःक् लायो ले़प्मि के़बिबा ले़ङ्सिङ्ङाङ् माङ्चे़ॽया पाःन्निन्ने़ पाःत्तुर पत्लो!” |
| 23502 | MAT 10:16 | “खे़प्से़म्मे़ॽओ! मे़ल्लुक्हाॽ पराबाहाॽरे़ खुनिॽ लुम्मो पाङ्मनाबा कुइसिःक् पाङ्निङ्लो॥ हे़क्केःल्ले़ खिनिॽ असेःक्पा हे़क्के चाचाःप्पा नु पुत्तुःक्के हे़क्के कुदोःप्मा पोःक्खे़म्मे़ॽओ॥ |
| 23543 | MAT 11:15 | नुःरिक्काङ् खे़प्से़म्मे़ॽआङ् कुसिङ्निःत्ते़म्मे़ॽओ! |
| 23549 | MAT 11:21 | “खोराजिन नु बे़थसेदा पाङ्जुम्मोबा मनासे, चिःत्ते़आङ्लक् स्ये़रो! खिनिॽ पाङ्जुम्मो पोःक्खे़बा निङ्वाॽ के़माबा याःम्बक्हाॽ थिम्मे़न्दङ् सुवाङ्हाॽरे़ खुनिॽ ये़क्यक् तायर नु सिदोन्नो पोःक्खे़आङ् वये़ल्ले़ग उन्छोःन्छा खे़प्मोबा मनाहाॽ लायोलाम् मे़हिन्दे़बारो फाॽआङ् सगितेःत् मे़जाक्सिङ्ङाङ् खाप्पु मे़जुःत्छिङ्बामे़न्॥ |
| 23551 | MAT 11:23 | हे़क्क्याङ् खिनिॽ कपर्नहुम पाङ्जुम्मोबा मनासे, साङ्ग्राम्पेदाङ् थारिक् पेगिगे़ॽ के़लॽरिबि? मे़ःन्लो! खिनिॽग खे़मायङ्सङ्थारिक् के़ध्ये़ॽइरो॥ थेआङ्भे़ल्ले़ खिनिॽ पाङ्जुम्मो चोगे़बा हे़क्तङ्बा निङ्वाॽ के़माबा याःम्बक्हाॽ सदोम ये़क्यक्को चोगे़आङ् वये़ल्ले़ग खे़न् ये़क्यक्किङ्ग आइन् थारिक् ने़स्से़बामे़न्! |
| 23560 | MAT 12:2 | कुभा फरिसिहाॽरे़ खे़न् मे़निःसुआङ् ये़सुःन् मे़मे़त्तु, “ओमे़त्ते़ॽ, नाःम्सिङ्ये़न्नो याःम्बक् चोःक्मा मे़नुॽने़न्, कर के़हुॽसाम्बाहाॽरे़ग मे़जोगुङ्ग!” |
| 23561 | MAT 12:3 | ये़सुरे़ खे़ङ्हाॽ नोगप् पिरुसि, “मे़ःम्बे़! दाउद हाङ्ङिन् नु कुमनाहाॽरे़ खुनिॽ से़त्लाःक्ते़ल्ले़ मे़जोगुबा पाःन्निन् साम्योसाप्लाओ मे़न्निःत्ते के़वयिॽबि? |
| 23617 | MAT 13:9 | खे़म्मा ने़क्खोॽ के़गप्पाहाॽरे़ कन् पाःन्निन् नुःरिक् खे़प्से़म्मे़ॽआङ् कुसिङ्निःत्ते़म्मे़ॽओ!” |
| 23659 | MAT 13:51 | ये़सुरे़ खे़ङ्हाॽ सेःन्दोसुसि, “कन् पाःन्हाॽ कुसिङ्के़निःत्तुम्बि?” खे़ङ्हाॽरे़ नोगप् मे़बिरु, “आनिगे़ कुसिङ् निःत्तुम्बे़रो!” |
| 23683 | MAT 14:17 | खे़ङ्हाॽरे़ नोगप् मे़बिरु, “आनिगे़ग ङासि खरे़ःङ्हाॽ नु ने़त्छि ङाहाॽरक् कत्तुम्बे़ङ्ग!” |
| 23692 | MAT 14:26 | खे़ङ्हाॽरे़ खुने़ॽ च्वाःत् सम्दाङ् लाङ्घेगे़र पत्छे़बा मे़निःसुआङ्“कङ्ग सिसाम्लो!” लॽरिक्साॽरिक् मे़गिसे़आङ्मे़भिःक्ते़रो॥ |
| 23693 | MAT 14:27 | कर ये़सुरे़ खे़ङ्हाॽ खिमो मे़त्तुसि, “मे़गिसे़म्मिन्ने़ॽ! इङ्गाॽ ये़सुआ॥ हाङ्हाङ् लॽरे़म्मे़ॽओ!” |
| 23699 | MAT 14:33 | कुहुॽसाम्बाहाॽरे़ खुने़ॽ सेवा मे़जोगु, “दाङ्बे, खे़ने़ॽग से़क्खाए निङ्वाॽफुसाःने़रो!” |
| 23724 | MAT 15:22 | खे़प्मोबा कनानि सुवाङ्स्मा मे़न्छुमाॽधिक् खुने़ॽओ त्ये़आङ् अक्खे मे़त्तुर पेलि फाक्तु, “दाउदरे़ कुस्साः आदाङ्बे, लुङ्माॽ तुक्ताङ्ङे़ॽओ! आस्साः चुक्मे़न् फे़न्साम्मिल्ले़ याङ्घुआङ् साॽरिक् तुक्खे चाःत्तुॽरो॥” |
| 23730 | MAT 15:28 | ये़सुरे़ खे़न् मे़न्छुमाॽइन् नोगप् पिरु, “खे़ने़ॽग से़क्खाए यम्बा नसाःन् के़गप्मा मे़न्छुमाॽने़न्ने़रो! खे़ने़ॽ के़नाःक्तुबे़न् के़घोःसुॽरो॥” हे़क्क्याङ् बा खे़न् ये़म्मो खे़न् मे़न्छुमाॽइल्ले़ कुस्साः चुक्मे़न् नुःरे़रो॥ |
| 23764 | MAT 16:23 | ये़सुःन् पत्रुस ले़प्माङ् हिसिङ्ङाङ् मे़त्तु, “माफे़न्साम्मे, खे़ने़ॽ इङ्गाॽलाम् माःङ्घा पेगे़ॽ! खे़ने़ॽ के़घःआरो॥ खे़ने़ॽग निङ्वाॽफुमाङ् कुइसिःक् मे़ःन्, कर मे़न्छाम् याप्मि कुइसिःक्लक् निङ्वाॽ के़इःत्तुॽरो॥” |
| 23803 | MAT 18:7 | कन् इक्सादिङ् खाम्बेःक्मान् चिःत्ते़आङ्लक् स्ये़रो, थेआङ्भे़ल्ले़ मे़न्छाम् याप्मिहाॽ लायो चोःक्मा के़बाङ्बा पाःन्हाॽ कप्मो यरिक् वाॽरो॥ अक्तङ्बा पाःन्हाॽग ताःएरो, कर वेॽहाॽ लायोओ के़धाःबा मनाःङ्ग चिःत्ते़आङ्लक् स्ये़रो! |
| 23822 | MAT 18:26 | कर खे़न् सेवारोबान् हाङ्ङिल्ले़ कुदगि थुङ्बोहजॽ युङ्सिङ्ङाङ् पेलि फाक्तु, ‘आदाङ्बे, इङ्गाॽ नासि थःत्ताङ्ङे़ॽआङ्कुभा ये़म् थारिक् हाङ्घाङ्ङे़ॽओ! इङ्गाॽ के़याङ्ङिन् के़रे़क् हुङुङ् पिने़रो॥’ |
| 23825 | MAT 18:29 | खे़ल्ले़ थुङ्बोहजॽ युङ्सिङ्ङाङ् पेलि फाक्तुर मे़त्तु, ‘चुम्मे, इङ्गाॽ नासि थःत्ताङ्ङे़ॽआङ्कुभा ये़म् थारिक् हाङ्घाङ्ङे़ॽओ! इङ्गाॽ के़याङ्ङिन् के़रे़क् हुङुङ्लो॥’ |
| 23828 | MAT 18:32 | हाङ्ङिल्ले़आङ् खे़न् तगिस्मा सेवारोबान् उःत्तुआङ् मे़त्तु, ‘खे़ने़ॽग ताक्के़भे़ॽबा सेवारोबाने़रो! खे़ने़ॽ पेलि के़भाक्ताङ्बाल्ले़ के़रे़क् के़सिङ्नाःत्तिन् ले़प्मि पिने़आङ् वयाङ्लो॥ |
| 23835 | MAT 19:4 | ये़सुरे़ मे़त्तुसि, “मे़ःम्बे़! साम्योसाप्लाओ के़बप्पा पाःन्निन् खिनिॽ मे़न्निःत्ते के़वयिॽबि? चइःत्दाङ्बाल्ले़ कुहेःक्सिङ्मोए ‘खे़ङ्हाॽ ये़म्बित्छाॽ नु मे़न्छुमाॽ चोगुसिरो॥’ |
| 23891 | MAT 20:30 | खे़प्मो मे़बेर मे़बत्छे़बा लाम्मो ने़प्फु मिक्फःम्बाहाॽ युङे़त्छि॥ खे़ङ्हाॽरे़ ये़सुःन् खे़प्मोलाम् पेःक्ल पत् के़लॽबा निङ्वाॽ खोःसे़त्छुआङ् अःक्ते़त्छि, “दाङ्बे, दाउदरे़ कुस्साःए, आन्छिगे़ लुङ्माॽ आदुक्ते़ॽओ!” |
| 23892 | MAT 20:31 | खे़न् मनाहाॽरे़ खे़ङ्हाॽ मे़भे़ःक्तुसिर स्वाःत् युङ्मा मे़बाङ्घुसि, कर खे़ङ्हाॽ आल्लसाङ् साॽरिक् अःक्ते़त्छिरो, “दाङ्बे, दाउदरे़ कुस्साःए, आन्छिगे़ लुङ्माॽ आदुक्ते़ॽओ!” |
| 23904 | MAT 21:9 | खुने़ॽ कुदगि नु कुएगाङ् के़बप्पा यरिक् मनाहाॽरे़ मे़अःक्ते़र अक्खे मे़बाःत्तु, “दाउदरे़ कुस्साःल्ले़ कुनारा पोःररो! यहवे दाङ्बाल्ले़ कुमिङ्ङो के़दाःबान् मुॽइसाबा पोःङ्लरो! साङ्ग्राम्पेदाङ्ङो निङ्वाॽफुमाङ्ङिल्ले़ कुनारा पोःररो!” |
| 23908 | MAT 21:13 | ये़सुरे़ खे़ङ्हाॽ अक्खे मे़त्तुसि, “साम्योसाप्लाओ साप्ते़आङ् पत्, ‘इङ्गाॽ आहिम्मिङ्ग तुवा चोःक्मा हिम् पोःङ्,’ कर खिनिॽग फाःन्दाहाॽ चिङ्सिङ्मा ते़न् के़जोगुम्माङ् के़वयिॽरो!” |
| 23915 | MAT 21:20 | हुॽसाम्बाहाॽरे़ खे़न् मे़निःसुआङ् खुनिॽ निङ्वाॽ मये़र मे़बारे़, “आक्खे़न् हाराने़ कन् पःत्छेॽबुङ्मान् इले़मे़ स्ये़बाबे!” |
| 24000 | MAT 23:13 | खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥ |
| 24001 | MAT 23:14 | ((खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग मेमेदुमाहाॽ इङ्गे़ले़क्तुम्सिम्माङ्खुनिॽ हिम्धाःङ्हाॽ के़नाप्तुम्सिम्, कर नुःबा ओसेःन्धाक्सिङ्मारे़ लागि केःम्ब्केःम्बा तुवा के़जोगुम्॥ खे़ल्ले़ चोगुल्ले़ खिनिॽ खुम्दिङ्ङिङ्ग से़क्खासाङ् साॽरिक् किप्मा के़घुःबा पोःङ्लो॥)) |
| 24002 | MAT 23:15 | खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग थिक् मनाःन् यहुदि साम्योओ ताःप्मा फाॽआङ् लाजेॽ नु वाहङ् खाराक् लाम्दिःक् के़जोगिरो, हे़क्क्याङ् खे़न् मनाःन् यहुदि साम्योओ के़दाःरुम्माङ्ग खे़न् खिनिॽनुःल्ले़आङ् साॽरिक् खे़मायङ्सङ्ङो खुम्दिङ् के़घोःबा के़जोगुम्लो॥ |
| 24003 | MAT 23:16 | खिनिॽ मिक्फःम्बा लाम्लोःबासे, के़जिःत्ति के़स्ये़ॽइरो! आत्तिन्माङ्हिम्मिल्ले़ कुमिङ्ङो माङ्हे़क्सिङ् खे़ङ्ग थेआङ् मे़ःन्लो, कर आत्तिन्माङ्हिम्मोबा साम्म्याङ्ङिल्ले़ कुमिङ्ङो माङ्हे़क्सिङ् खे़न् कुबाःन्निल्ले़ खेःङ्सिङ्लो लॽरिक् खिनिॽ के़बाःत्तुम्॥ |
| 24004 | MAT 23:17 | खिनिॽ मिक्फःम्बा अदङ्से! साम्म्याङ्ङिन् यम्बाबि साम्म्याङ्ङिन् सेसे के़जोःक्पा माङ्हिम्मिन् यम्बाबि? |
| 24010 | MAT 23:23 | खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽ इक्ताप्पोलाम् नाम्सुना, सःप्फा नु हिम्चे़म्भे़न् हे़क्तङ्बा मारुक्हाॽरे़न्नाङ् थिबोःङ्लक् निङ्वाॽफुमाङ्ङिन् के़बिरुम्, कर नुःरिक्काङ् खासे़न् के़न्जोगुम्सिम्मिन्, वेॽ मनाहाॽ लुङ्माॽ के़न्दुक्तुम्सिम्मिन्, हे़क्क्याङ् नसाःन् के़न्जोगुम्मिन्लो॥ कन् नाःप्माए के़बोःङ्बा साम्योथिम्बा पाःन्हाॽ के़न्नाःत्तुम्मिन्लो॥ खिनिॽग थिबोःङ्लक् निङ्वाॽफुमाङ्ङिन् के़बिरुम्मिल्ले़ कन् नुःरिक्काङ् खासे़न् चोःक्मा, वेॽ मनाहाॽ लुङ्माॽ तुक्मासि नु नसाःन् चोःक्मा के़लॽबा साम्योथिम्मोबा नाःप्माए के़बोःङ्बा पाःन्हाॽआङ् चोगे़म्मे़ॽओ॥ |
| 24012 | MAT 23:25 | खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग खोर्याःन् नु चे़त्थ्याःन्लाःक्कात्लक् वागे़हप्तुम्, कर सिगाङ्ग इङ्गाॽरक् चाङ् थुङुङ् के़लॽबा निङ्वाॽ चोःक्मान्नु मनाहाॽ के़नाप्तुम् के़दाःरुम्सिबा पाःन्हाॽरे़ के़दिम्सिआङ्के़वयिॽरो॥ |
| 24014 | MAT 23:27 | खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग चुनि खाम्मिल्ले़ ले़ङ्मनाबा इःप्पुङ् कुइसिःक् के़जोगिॽरो, थेआङ्भे़ल्ले़ खे़न् ओमे़प्माल्ले़ लाःक्कात्लाम् नुःबा थाःप्साङ् सिगाङ्ग के़सिःबा मनाःल्ले़ कुये़प् नु के़जिःम्बा पाःन्निल्ले़ कुधिम् चोःक्लो॥ |
| 24016 | MAT 23:29 | खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽ सुधे़बा ताक्थे़बाहाॽरे़ मे़से़रुसिबा माङ्निङ्वाॽपाःन् के़बाःप्पाहाॽरे़ खुनिॽ इप्पुङ्ङिन् के़जोगुम्, हे़क्क्याङ् खे़ङ्हाॽरे़ मे़लुःन्दुसिबा साम्योनिबा मनाहाॽरे़ खुनिॽ इप्पुङ्ङिन् के़साःक्तुम् के़जोगुम्लो॥ |
| 24019 | MAT 23:32 | हे़क्केलॽरिक् खिनिॽ थाःक्थे़बाहाॽरे़ मे़हेःक्तुबा लायोःन् खिनिॽ के़त्ते़म्सुरे़म्मे़ॽओ! |
| 24041 | MAT 24:15 | माङ्निङ्वाॽपाःन् के़बाःप्पा दानिएलरे़ पाःत्तुबा सिक्के़ले़ःङ्बान् माङ्हिम्मोबा सेसे दे़न्नो ये़प्पा के़निःसुम्लो॥” (हाराॽ के़निःप्पाहाॽरे़ कन् पाःन्निन् कुसिङ् मे़निःत्तुररो!) |
| 24045 | MAT 24:19 | कन् ये़म्मिङ्ग मे़न्छुक्मा नु सावामाहाॽरे़ लागि आक्खे़न् किप्मा के़घुःबा पोःङ्ङि! |
| 24088 | MAT 25:11 | याङ्सि खे़न् कुनिसिःक् के़होःप्मा सिसागे़न् मे़न्छियाॽहाॽ मे़गे़रे़ मे़द्ये़आङ् अक्खेलॽरिक् मे़अःक्ते़, ‘दाङ्बे, दाङ्बे, आनिगे़ लागिआङ् लाम्धेःप्पे़न्हन्दे़ आबिरे़ॽना!’ |
| 24098 | MAT 25:21 | कुन्दाङ्बाल्ले़ खे़न् मे़त्तु, ‘नुःबा नु निङ्वाॽइरे़ खोःप्तुबा सेवारोबाए, नुःबा के़जोगुरो! खे़ने़ॽग मिसाक् याङ्ङो नसाःन्साबा के़बोःक्खे़, आल्ल यरिक् पाःन्नो युक् पिने़रो॥ आल्ल आनिॽ सोरिक् सःत्तिरो!’ |
| 24100 | MAT 25:23 | कुन्दाङ्बाल्ले़ खे़न् मे़त्तु, ‘नुःबा नु निङ्वाॽइरे़ खोःप्तुबा सेवारोबाए, नुःबा के़जोगुरो! खे़ने़ॽग मिसाक् याङ्ङो नसाःन्साबा के़बोःक्खे़, आल्ल यरिक् पाःन्नो युक् पिने़रो॥ आल्ल आनिॽ सोरिक् सःत्तिरो!’ |
| 24103 | MAT 25:26 | खे़ल्ले़ कुन्दाङ्बाल्ले़ खे़न् नोगप् पिरु, ‘खे़ने़ॽ ताक्के़भे़ॽबा नु कुले़म्गे़युबा सेवारोबाए! खे़ने़ॽग इङ्गाॽ आत्तो चा मे़देःआन् खे़प्मो चा सुप्सुङ्, आत्तो चा मे़से़ःसुङ्ङिन् खे़प्मो चा फुक्खुङ् फाॽआङ् के़निःसुआङ्ङे के़वये़रो॥ |
| 24147 | MAT 26:24 | मे़न्छाम्साःङ्ग साम्योसाप्लाओ साप्ते़बा कुइसिःक्के सिःमाए पोःङ्लो॥ कर मे़न्छाम्साःन् इङ्गे़ले़क्पे़ङ्ग चिःत्ते़ स्ये़रो! खे़ङ्ग सामे़वाःन्छिङ्ङिन्निल्ले़ नुरे़बारो॥” |
| 24169 | MAT 26:46 | पोगे़म्मे़ॽ, कप्मोलाम् पिगि! ओमे़त्ते़म्मे़ॽ, इङ्गाॽ याप्मि इङ्गे़ले़क्पे़न्खा फे़न्ल पत्लो!” |
| 24188 | MAT 26:65 | हे़क्क्याङ् मानिङ्वाॽफुसाम्बाल्ले़ कुसाक्के़न् ओसेःन्धाक्तुसिर आबाङे कुदेःत्तिन् थे़ःक्खुआङ्अक्खे पाःत्तु, “कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोगे़बे? कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुबान् खिनिॽ के़घे़प्सुम्लो॥ |
| 24191 | MAT 26:68 | अक्खे मे़बाःत्तु, “निङ्वाॽफुमाङ्ङिल्ले़ सेःन्दुबा ख्रिस्ते, ल आल्ल माङ्निङ्वाॽपाःन् पारे़ॽ! खे़ने़ॽ हाःत्ले़ के़हिप्ते़?” |
| 24193 | MAT 26:70 | कर पत्रुसरे़ के़रे़क्ले़ खुनिॽ तगि खे़न् पाःन्निन् नाॽरुर मे़त्तु, “खे़ने़ॽ के़बाःत्तुबान् कुसिङ् मे़न्निःप्पे़न्लो!” |
| 24195 | MAT 26:72 | पत्रुसरे़ माङ्हे़क्सिङ्ल याम्मो खे़न् पाःन्निन् अक्खेलॽरिक् नाॽरु, “से़क्खासाङ् इङ्गाॽग कन् मनाःन् कुसिङ् मे़निःत्तुङ्ङिन्लो!” |
| 24220 | MAT 27:22 | पिलातसरे़ सेःन्दोसुसि, “हे़क्केने़ फाॽग्र निङ्वाॽफुमाङ्ङिल्ले़ सेःन्दुबा ख्रिस्त मे़प्मनाबा ये़सुःन् थे मे़त्तुङ्बाबे?” खे़ङ्हाॽरे़ नोगप् मे़बिरु, “सिलाम्साक्मा सिङ्सम्दाङ् फोःन्दे़ॽओ!” |
| 24221 | MAT 27:23 | हे़क्केःल्ले़ पिलातसरे़ याम्मो सेःन्दोसुसि, “थेआङ्बे? खे़ल्ले़ थे याःम्बक् फेःन्दुआङ् वाॽबे?” कर खे़ङ्हाॽ आल्लसाङ् साॽरिक् मे़अःक्ते़, “खे़न् सिलाम्साक्मा सिङ्सम्दाङ् फोःन्दे़ॽओ!” |
| 24222 | MAT 27:24 | आल्ल पिलातसरे़ थेआङ् चोःक्मा सुक्मे़न्दे़प्मनाबा नु याम्मो हयङ्किल्लिङ् के़बोःङ्बा निःसुआङ् कन् पाःन्नो खुने़ॽ कुहुक् होःप्लॽरिक् ओसेःन्धाक्से़ कुहुक्हाॽ वाहप्तुर खे़ङ्हाॽ मे़त्तुसि, “कन् याःम्बक् मे़न्भेःन्ने के़वाॽबा मनाःल्ले़ कुसिःमे़न्नो इङ्गाॽ आलक् होःप्लो॥ अक्खे के़जोःक्पाहाॽग बा खिनिॽनिङ्लो!” |
| 24223 | MAT 27:25 | हे़क्केःल्ले़ के़रे़क् मनाहाॽरे़ मे़मे़त्तु, “कन् पाःन्निल्ले़न् तन्छ्रुङ्ङिन् आनिगे़ नु आनिगे़ मुॽइदाङ्सा सम्दाङ् थाःररो!” |
| 24227 | MAT 27:29 | हे़क्क्याङ् तिङ्ग्रेःक्किल्ले़न् तिचः मे़भयुआङ् कुधे़गेःक्पो मे़घुःक्तु॥ हे़क्क्याङ् खे़ङ्हाॽरे़ तक्काःत्तिन् कुजुप्साङ् हुक्को मे़भत्छुआङ् कुदगि थुङ्बोहजॽ मे़युङ्सिङ्ल अक्खेलॽरिक् किनाःन्दि मे़बिरु, “यहुदि हाङ्ङे, तियाहा!” |
| 24240 | MAT 27:42 | खे़ङ्हाॽरे़ मे़बाःत्तु, “खे़ल्ले़ग वेॽहाॽ ताङ्से़ःप्तुसि, कर आबाङे ताङ्से़ःप्सिङ्मा मे़सुक्ते़न्लो॥ खुने़ॽग इस्राइलस्मा हाङ्मु! हाराॽ खुने़ॽ सिलाम्साक्मा सिङ्ङोलाम् यो थाःर, हे़क्क्याङ् आनिगे़ खुने़ॽ नसाःन् चोगुम्बे़ॽरो॥ |
| 24287 | MRK 1:3 | खुने़ॽ एःक्सादे़न्नो अक्खेलॽरिक् के़अःक्पा इक्लारो, ‘दाङ्बाल्ले़ कुमाराम्मिन् यारिप् चोगे़म्मे़ॽआङ् कुलाम्हाॽ तोःन्दोःन्चोगे़म्मे़ॽ!’” |
| 24309 | MRK 1:25 | ये़सुरे़ खे़न् फे़न्साम्मिन् फे़ःक्तु, “स्वाःत्! खे़न् मनाःन् ले़रे़ॽआङ् पेगे़ॽ!” |
| 24311 | MRK 1:27 | खे़ॽयो के़जुम्बाआङ् के़वाॽबा मनाहाॽरे़ खुनिॽ निङ्वाॽ मये़र अक्खे मे़लॽरे़, “कङ्ग आक्तङ्बा निसाम्बे? खुने़ॽग फे़न्साम्हाॽ इङ्जाःङ् पिरुसिआङ् खे़ङ्हाॽरे़आङ् मे़घे़प्सुरो॥ आक्तङ्बा युक्किन्ने कत्तुबे!” |
| 24336 | MRK 2:7 | “मे़ःन्, कन् मनाःल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्ने पाःत्तुॽरो! निङ्वाॽफुमाङ्ङिन्नुःल्ले़ वेॽ हाःत्ले़आङ् मे़न्छाम्गे़न् याप्मिरे़न् लायोःन् ले़प्मि पिमा मे़सुक्तुन्लो॥” |
| 24340 | MRK 2:11 | “आल्ल पोगे़ॽ! के़ने़त्नाःन् याङ्सिङ्ङे़ॽआङ् के़हिम्मो थासिङ्ङे़ॽ॥” |
| 24368 | MRK 3:11 | हे़क्क्याङ् फे़न्साम्हाॽरे़ याङ्घुसिबा मनाहाॽरे़ खुने़ॽ मे़निःसुल्ले़ खे़ङ्हाॽ मे़धाम्सिङ्ल मे़भिःक्ते़र अक्खेलॽरिक् मे़बारे़, “खे़ने़ॽग निङ्वाॽफुसाःने़रो!” |
| 24395 | MRK 4:3 | “खे़प्से़म्मे़ॽओ! लत्छा याःन्के़मःबाधिक् याॽरिःम्बा ले़प्से़ पेरो॥ |
| 24401 | MRK 4:9 | हे़क्क्याङ् ये़सुरे़ खे़ङ्हाॽ मे़त्तुसि, “खे़म्मा ने़क्खोॽ के़गप्पाहाॽरे़ कन् पाःन्निन् नुःरिक् खे़प्से़म्मे़ॽआङ् कुसिङ्निःत्ते़म्मे़ॽओ!” |
| 24416 | MRK 4:24 | खुने़ॽ याम्मो मे़त्तुसि, “सिङ्सिङ्ङाङ् खे़प्से़म्मे़ॽओ! आक्तङ्बा कुसिःक्माल्ले़ के़सिःक्तुम्सिम्, आम्भा खे़न् कुसिःक्माल्ले़ खिनिॽआङ् के़म्सिःक्तिॽ, खे़न्नुःल्ले़ यरिक्काङ् खिनिॽ के़म्सिःक्ति के़म्बिरिॽरो॥ |
| 24430 | MRK 4:38 | ये़सुःन् खःङ्बेल्ले़ कुएःक् ले़प्माङ् ताक्खोःङ्धिक्कोःक्सिङ्ङाङ् इप्से़आङ् ने़स्से़॥ कुहुॽसाम्बाहाॽरे़ मे़भोःक्खुर अक्खे मे़मे़त्तु, “सिक्साम्बे, आनिगे़ हुम्मा सिःमा इःत्तिगे़रो! थेआङ् स्वाःत् के़ने़बाबे?” |
| 24467 | MRK 5:34 | हे़क्क्याङ् ये़सुरे़ मे़त्तु, “मामुए, नसाःन् के़जोगुबाल्ले़ चोगुल्ले़ खे़ने़ॽ के़वेःत्ते़रो॥ खे़ने़ॽ के़वेःत्ते़आङ् के़वाॽरो, नुःरिक्काङ् पेगे़ॽओ!” |
| 24474 | MRK 5:41 | हे़क्क्याङ् खे़न् चुक्मे़ल्ले़ कुहुक्को ते़म्सुआङ् “तलिता कुमि” मे़त्तु, खे़ल्ले़ कुबेःङ्ग “चुक्मे, पोगे़ॽओ!” पोःङ्लो॥ |
| 24478 | MRK 6:2 | हे़क्क्याङ् नाःम्सिङ्ये़न्नो ये़सुःन् यहुदि चुम्लुङ्हिम्मो पेआङ् हुॽमा हेःक्तुसि॥ खे़प्मो यरिक् मनाहाॽरे़ खुने़ॽ कुनिसाम्मिन् मे़घे़प्सुआङ् खुनिॽ निङ्वाॽ मये़आङ् अक्खे मे़बाःत्तु, “कन् मनाःल्ले़ अक्तङ्बा पाःन्निन् आत्तो खोःसुबे? आक्खेलॽरिक् सिक्कुम् निङ्वाॽ नु निङ्वाॽ के़माबा याःम्बक्हाॽ चोगुबे! |
| 24492 | MRK 6:16 | कर हे़रोद हाङ्ङिल्ले़ कन् खे़प्सुआङ् अक्खे पाःत्तु, “कङ्ग बप्तिस्मा के़बिबा युहुन्नाःल्लो॥ इङ्गाॽ खुने़ॽ कुनिःङ्मान्खक् पाङ्घुङ्सिङ्ङाङ्वये़, कर याम्मो कुसिवे़त्लाम् कुहिङ्वे़त् पोःक्खे़रो!” |
| 24514 | MRK 6:38 | ये़सुरे़ खे़ङ्हाॽ मे़त्तुसि, “खिनिॽ आक्खे़म्म्याक् खरे़ःङ् के़गत्तुम्, पेगे़म्मे़ॽआङ् ओमे़त्ते़म्मे़ॽ!” हे़क्क्याङ् खे़ङ्हाॽरे़ ओमे़मे़त्तु, हे़क्क्याङ् मे़भे़रे़आङ् मे़मे़त्तु, “आदाङ्बे, आनिगे़ग ङासि (५) खरे़ःङ् नु ने़त्छि (२) ङारक् कत्तुम्बे़॥” |
| 24525 | MRK 6:49 | खे़ङ्हाॽरे़ खुने़ॽ लाङ्घेगे़बा मे़निःसुआङ् कङ्ग सिसाम्ने फाॽआङ् साॽरिक् मे़गिसे़र मे़अःक्ते़॥ खिमो ये़सुरे़ खे़ङ्हाॽ मे़त्तुसि, “मे़गिसे़म्मिन्ने़ॽ! इङ्गाॽ ये़सुआ॥ हाङ्हाङ् लॽरे़म्मे़ॽओ!” |
| 24550 | MRK 7:18 | ये़सुरे़ खे़ङ्हाॽ मे़त्तुसि, “आल्लसाङ् खिनिॽ निङ्वाॽ पाःक्लो! मना सिगाङ् के़लाःप्पा चाःमनाबा कुजाःल्ले़ खे़न् आसुत्थो मे़जोगुन् के़लॽबा के़न्निःसुम्मिन्बि? |
| 24569 | MRK 7:37 | खे़ङ्हाॽरे़ साॽरिक् खुनिॽ निङ्वाॽ मये़र अक्खे मे़बाःत्तुरो, “खुने़ॽग काक् पाःन्हाॽ साॽरिक् नुःबा चोगुआङ् वाॽरो! अक्खेलॽरिक् नाधाक्पाहाॽ नु पाःप्मा मे़न्छुक्मनाबाहाॽआङ् नुसुसिरो॥” |
| 24584 | MRK 8:15 | ये़सुरे़ खे़ङ्हाॽ साम्दिङ् पिरुसि, “हे़रोद हाङ्ङिन् नु फरिसिहाॽरे़ खुनिॽ खरे़ःङ् के़भङ्बा सिदाॽलाम् सिङ्सिङ् लॽरे़म्मे़ॽओ!” |
| 24612 | MRK 9:5 | पत्रुसरे़ ये़सुःन् मे़त्तु, “सिक्साम्बे, आनिॽग कप्मोए आवाॽइल्ले़ नुःबा पोःङ्लो॥ आनिगे़ कप्मो सुम्सि याक्साहाॽ चोगुम्बे़बि? थिक् खे़ने़ॽइन् हे़क्क्याङ् मोसाःन् नु एलियारे़ खुन्छिॽ लागिआङ् थिक् थिक् चोगुम्बे़रो!” |
| 24631 | MRK 9:24 | हे़क्केःल्ले़ खे़न् चुक्पे़ल्ले़ कुम्बारे़ खिमो यम्बा इक्लाओ मे़त्तु, “आदाङ्बे, इङ्गाॽ नसाःन् चोगुङ्, कर आल्लसाङ् यरिक् नसाःन् चोःक्मा फाॽराङ्ङे़ॽओ!” |
| 24632 | MRK 9:25 | हे़क्क्याङ् ये़सुरे़ यरिक् मनाहाॽ खे़प्मो मे़लोःक्ते़र मे़भे़रे़बा निःसुसिआङ् खे़न् फे़न्साम्मिन् फे़ःक्तु, “नाधाक्पा नु कुबाःन् मे़न्लःम्नाबा फे़न्साम्मे, खे़न् चुक्पे़ल्लोलाम्लःन्दे़ पेगे़ॽआङ् आप्फाल्ले़आङ् याम्मो मे़लाःसे़न्ने़ॽ!” |
| 24680 | MRK 10:23 | ये़सुरे़ खिरि ओमये़र कुहुॽसाम्बाहाॽ मे़त्तुसि, “याङ्साकुन्धेसाबाहाॽग निङ्वाॽफुहाङ्जुम्मो लाःप्मा साॽरिक् साक्लो!” |
| 24704 | MRK 10:47 | नासरतबा ये़सुःन् पेःक्ल पत् के़लॽबा खे़ल्ले़ खे़प्सुआङ् अःक्मा हेःक्ते़, “दाउदरे़ कुस्साः ये़सुए, इङ्गाॽ लुङ्माॽ तुक्ताङ्ङे़ॽओ!” |
| 24705 | MRK 10:48 | यरिक् मनाहाॽरे़ खे़न् स्वाःत् युङे़ॽ फाॽआङ् मे़भे़ःक्तु॥ कर खे़न् आल्लसाङ् साॽरिक् अःक्ते़, “दाउदरे़ कुस्साःए, इङ्गाॽ लुङ्माॽ तुक्ताङ्ङे़ॽओ!” |
| 24706 | MRK 10:49 | ये़सुरे़ खे़न् अःक्ते़बा खे़प्सुल्ले़ ये़म्सिङ्ङाङ् खे़ङ्हाॽ मे़त्तुसि, “खे़न् कत्ना फे़त्ते़म्मे़ॽ॥” हे़क्क्याङ् खे़ङ्हाॽ मे़बेआङ् खे़न् मिक्फःम्बे़न् मे़मे़त्तु, “हौ, सःत्ते़ॽओ! सिक्साम्बे़ल्ले़ के़उःत्ते़आङ् वाॽरो॥ खे़ने़ॽ पोगे़ॽ!” |
| 24709 | MRK 10:52 | हे़क्क्याङ् ये़सुरे़ खे़न् मे़त्तु, “पेगे़ॽ! खे़ने़ॽ के़नसाःन्निल्ले़ निःमा के़सुक्पा के़जोगे़आङ् के़वाॽरो॥” खिमो खे़न् निःमा के़सुक्पा पोःक्खे़आङ् सःत्ते़र ये़सुरे़ कुएगाङ् कुएगाङ् थासिङ्लो॥ |
| 24718 | MRK 11:9 | खुने़ॽ कुदगि नु कुएगाङ् के़बप्पा यरिक् मनाहाॽरे़ मे़अःक्ते़र अक्खे मे़बाःत्तु, “निङ्वाॽफुमाङ्ङिल्ले़ कुनारा पोःररो! यहवे दाङ्बाल्ले़ कुमिङ्ङो के़दाःबान् मुॽइसाबा पोःङ्लरो॥ |
| 24719 | MRK 11:10 | आनिॽ थाःक्थे़बा दाउद हाङ्ङिल्ले़न् के़दाःबा हाङ्जुम्मिन् मुॽइसाम्मिल्ले़ कुधिम् पोःङ्लरो! साङ्ग्राम्पेदाङ्ङो निङ्वाॽफुमाङ्ङिल्ले़ कुनारा पोःररो!” |
| 24730 | MRK 11:21 | ये़सुरे़ पाःत्तुबान् पत्रुसरे़ निङ्वाॽ इःत्तुर खुने़ॽ मे़त्तु, “सिक्साम्बे, ओमे़त्ते़ॽ! खे़न् साङ्ग्रा के़मे़त्तुबा पःत्छेॽबुङ्माङ्ग इले़मे़आङ् स्ये़रो॥” |
| 24731 | MRK 11:22 | ये़सुरे़ मे़त्तुसि, “निङ्वाॽफुमाङ्ङिन्नसाःन् चोगे़म्मे़ॽ! इङ्गाॽ से़क्खाए मे़त्निङ्, हाःत्ले़ निङ्वाॽओ चप्चि मे़न्जोःक्के, कन् कोःक्मान् हाॽयाक्आगे़ॽआङ् वाहङ्ङो लाप्फुसिङ्ङे़ॽ फाॽआङ् निङ्वाॽओ नसाःन् चोगुआङ् पाःत्तुॽ, खे़ङ्ग कुलागि पोःङ्ङेरो॥ |
| 24739 | MRK 11:30 | युहुन्नारे़ बप्तिस्मा पिमा कुयुक्किन् आत्तोलाम् त्ये़बाबे? निङ्वाॽफुमाङ्लाम् त्ये़बाबि, इ मनालाम्बि? याप्मि आमे़त्ते़म्मे़ॽ!” |
| 24771 | MRK 12:29 | ये़सुरे़ नोगप् पिरु, “के़रे़क्नुःल्ले़ यम्बा नाःप्माए के़बोःङ्बा इङ्जाःङ्ङिन् कन्लो–‘इस्राइलिसे, खे़प्से़म्मे़ॽओ! आनिॽ दाङ्बा निङ्वाॽफुमाङ्ङिन्, थिक्लक् वाॽरो॥ |
| 24780 | MRK 12:38 | अक्खेलॽरिक् ये़सुरे़ मे़त्तुसि, “साम्योथिम्साम्बाहाॽनु सिङ्सिङ् लॽरे़म्मे़ॽओ! खे़ङ्हाॽ केःम्बा केःम्बा लगेप् मे़जाक्खुआङ् नानुगत्ना लाङ्मे़घेःक्लो, हे़क्क्याङ् पाङ्जुम् लुम्मो सेवा मे़मे़त्तिगे़र के़लॽबा निङ्वाॽ मे़जोगुआङ् |
| 24787 | MRK 13:1 | ये़सुःन् माङ्हिम्मोलाम् लःन्दे़र पत्छे़ल्ले़ कुहुॽसाम्बाधिक्ले़ मे़त्तु, “आदाङ्बा सिक्साम्बे, आक्खे़न् यम्यम्बा लुङ्हाॽ नु निङ्वाॽ के़माबा हिम्हाॽने़बे, ओमे़त्ते़ॽना!” |
| 24800 | MRK 13:14 | हे़क्क्याङ् सिक्के़ले़ःङ्बान् वाॽमा मे़न्नुॽमनाबा ते़न्नो ये़प्पा के़निःसुम्मिल्ले़ यहुदियाबा मनाहाॽ कोःक्मा फाङ्जङ् हे़ङ्घाःत्ति मे़घे़त्छिङ् मे़बेःक्लरो॥ कन् पाःन्निन् साप्ला के़निःप्पाहाॽरे़ कुसिङ् निःत्ते़म्मे़ॽओ! |
| 24803 | MRK 13:17 | खे़न् ये़न्हाॽग मे़न्छुक्मा के़वाॽमा नु सावामाहाॽरे़ लागि साॽरिक् किप्मा के़घुःबा पोःङ्लो! चुङ्वाःम्मा ये़म्मो खिनिॽ खे़त्छिङ्मा मे़बोःङ्ने़न्ल फाॽआङ् तुवा चोगे़म्मे़ॽओ॥ |
| 24829 | MRK 14:6 | कर ये़सुरे़ खे़ङ्हाॽ मे़त्तुसि, “थेआङ् खे़न् के़भे़ःक्तुम्बाबे? खे़न् तुक्खे मे़जाःत्ते़म्मिन्ने़ॽओ! खे़ल्ले़ग आलागि नुःबा चोगुआङ् वाॽरो॥ |
| 24844 | MRK 14:21 | मे़न्छाम्साःङ्ग साम्योसाप्लाओ साप्ते़बा कुइसिःक्के सिःमाए पोःङ्लो॥ कर मे़न्छाम्साःन् इङ्गे़ले़क्पे़ङ्ग चिःत्ते़ स्ये़रो! खे़ङ्ग सामे़वाःन्छिङ्ङिन्निल्ले़ए नुरे़बारो॥” |