| 23214 | MAT 1:1 | ये़सु ख्रिस्ते़न् अब्राहामरे़ कुस्साः हे़क्क्याङ् दाउद हाङ्ङिल्ले़ कुस्साः वये़रो॥ कङ्ग खुने़ॽ कुधाःक्हाॽरे़ खुनिॽ मिङ्स्रारो– |
| 23219 | MAT 1:6 | हे़क्क्याङ् यिसैरे़ कुस्साः दाउद हाङ्ङिन्वये़॥ दाउद हाङ्ङिल्ले़ कुस्साः सोलोमन वये़ (सोलोमनरे़ कुम्मा बेत्सेबाःन् उरियाहरे़ कुमेःत् वये़रो॥) |
| 23221 | MAT 1:8 | हे़क्क्याङ् आसारे़ कुस्साः यहोसापात वये़, यहोसापातरे़ कुस्साः यहोराम वये़, यहोरामरे़ कुस्साः उज्जियाह वये़रो॥ |
| 23222 | MAT 1:9 | हे़क्क्याङ् उज्जियाहरे़ कुस्साः योताम वये़, योतामरे़ कुस्साः आहाज वये़, आहाजरे़ कुस्साः हिजकिया वये़रो॥ |
| 23226 | MAT 1:13 | हे़क्क्याङ् यरुबाबे़लरे़ कुस्साः अबिउद वये़, अबिउदरे़ कुस्साः एलियाकिम वये़, एलियाकिमरे़ कुस्साः आजोर वये़रो॥ |
| 23227 | MAT 1:14 | हे़क्क्याङ् आजोररे़ कुस्साः सादोक वये़, सादोकरे़ कुस्साः आखिम वये़, आखिमरे़ कुस्साः एलिउद वये़रो॥ |
| 23228 | MAT 1:15 | हे़क्क्याङ् एलिउदरे़ कुस्साः एलाजार वये़, एलाजाररे़ कुस्साः मत्तान वये़, मत्तानरे़ कुस्साः याकुब वये़रो॥ |
| 23230 | MAT 1:17 | अक्खेलॽरिक् अब्राहामलाम् दाउद हाङ् थारिक् थिक्-लि (१४) थाःक् मे़वये़, हे़क्क्याङ् दाउद हाङ्लाम् बे़बिलोन लाजेॽओ मे़दे़म्सु मे़देॽरुसिआङ् मे़गत्तुसिबा ये़म् थारिक् थिक्-लि (१४) थाःक् मे़वये़, हे़क्क्याङ् बे़बिलोःन्नो पुङ्लाधाबा मे़जोगुसिआङ् मे़देॽरुसिबा ये़म्माङ्धो निङ्वाॽफुमाङ्ङिल्ले़ सेःन्दुबा ख्रिस्ते़न्सावाःन्छिङ्बा ये़म् थारिक् थिक्-लि (१४) थाःक् मे़वये़रो॥ |
| 23233 | MAT 1:20 | कर हे़क्के इःत्तुर वये़ल्ले़ से़प्माङ्मो यहवे दाङ्बाल्ले़ कुमाङ्लाइङ्बान् ओसेःन्धाक्सिङ्ङाङ्अक्खे मे़त्तुरो, “दाउदरे़ कुमुॽइदाङ्सा युसुप्फे, खे़ने़ॽ मरियम्मिन् मेःक्खिम् चोःक्माआङ् हिम्मो ताःप्मा मे़गिसे़न्ने़ॽओ, थेआङ्भे़ल्ले़ खुने़ॽओबा अङे़ःक्वाःन् सेसेमाङ्ङिल्ले़ कुमुक्साम्लाम्बा हाङ्सिङ्बारो॥ |
| 23235 | MAT 1:22 | माङ्निङ्वाॽपाःन् के़बाःप्पालाम् यहवे दाङ्बाल्ले़ उन्छेःन् अक्खेलॽरिक् पाःत्तुआङ् वये़बा पाःन्निन् के़त्ल फाॽआङ् कन् के़रे़क् पाःन्हाॽ पोःक्खे़बारो– |
| 23242 | MAT 2:4 | हे़रोद हाङ्ङिल्ले़ के़रे़क् तुम्निङ्वाॽफुसाम्बाहाॽ नु साम्योथिम्साम्बाहाॽ उःत्तुसिआङ् कन् निङ्वाॽफुमाङ्ङिल्ले़ सेःन्दुबा ख्रिस्त मे़प्मनाबान् आत्तो सावाःन्छिङ्मा के़बोःङ्बा वाॽबे लॽरिक् सेःन्दोसुसि॥ |
| 23245 | MAT 2:7 | हे़रोद हाङ्ङिल्ले़ खे़न् सिक्कुम्निबा खागे़इक्पाहाॽ स्वाःत्ताङ् उःत्तुसि हे़क्क्याङ् खे़ङ्हाॽलाम् खेःम्सिक्पान् थाःम्सिङ्बा कुजे़क् ये़म्मिन् निङ्वाॽ खोःसु॥ |
| 23253 | MAT 2:15 | हे़रोद हाङ्ङिन् मे़न्छिःए थारिक् खुने़ॽ खे़प्मोए याःक्ते़रो॥ हे़क्केलॽरिक् यहवे दाङ्बाल्ले़ माङ्निङ्वाॽपाःन् के़बाःप्पालाम् इङ्गाॽ आस्साःन् मिस्रलाम् लाःक्कात् उःत्तुङ्लो लॽरिक्उन्छेःन् पाःत्तुबान् के़रे़रो॥ |
| 23255 | MAT 2:17 | खे़ङ्ग यर्मिया माङ्निङ्वाॽपाःन् के़बाःप्पाल्ले़ अक्खेलॽरिक् उन्छेःन् पाःत्तुबा माङ्निङ्वाॽपाःन्निन् के़रे़बारो– |
| 23260 | MAT 2:22 | कर हे़रोद हाङ्ङिन् स्ये़आङ् खुने़ॽ कुले़क्वा कुस्साः अर्खिलाउसरे़ यहुदिया थुम्मो हाङ् चोगुर वाॽ के़लॽबान् युसुफरे़ निङ्वाॽ खोःसुआङ् खुने़ॽ खे़प्मो पेःक्मा किःसे़॥ हे़क्क्याङ् माङ्लाइङ्बाल्ले़ याम्मो से़प्माङ्मो साम्दिङ् पिरुबाल्ले़ चोगुल्ले़ खुने़ॽ गालिल थुम्मो पेआङ् |
| 23265 | MAT 3:4 | आल्ल युहुन्नाःल्ले़ उमेरे़ कुमुरिक्लाम् थाक्मनाबा तेःत्तिन् चाक्खुआङ् से़होबा फॽइ युप्सुरो॥ खुने़ॽ कुजामाङ्ग निःङ्घुःक्वा नु ताम्भुङ् सक्वाघु वये़रो॥ |
| 23299 | MAT 4:21 | खे़प्मोलाम् मिसाक् नानाक् पेःल्ले़ ये़सुरे़ जब्दियारे़ कुस्साः याकुब नु खे़ल्ले़ कुन्साॽ युहुन्नाःन् निःसुसि॥ खे़ङ्हाॽ खुन्छिॽ पाःन्नु खःङ्बेओ योःङ् ले़म्दे़त्छुर यागे़त्छि॥ ये़सुरे़ खे़ङ्हाॽ उःत्तुसिनुमे़ःन्ने |
| 23315 | MAT 5:12 | खे़न् ये़म्मो पसःत् सःत्ते़म्मे़ॽओ, थेआङ्भे़ल्ले़ साङ्ग्राम्पेदाङ्ङो खिनिॽ थुम्घोःन् यम्बा चोःक्लो॥ उन्छेःन्स्मा माङ्निङ्वाॽपाःन् के़बाःप्पाहाॽआङ् मनाहाॽरे़ बा हे़क्केए मे़मे़त्तुसिरो॥ |
| 23324 | MAT 5:21 | आल्ल, “उन्छेःन् मोसारे़ कुसाम्यो इङ्जाःङ्ङिल्ले़ अक्खे पाःत्तुबान् खिनिॽ के़घे़प्सुम्माङ् के़वयिॽ, ‘मना मे़से़रे़न्ने़ॽओ, थेआङ्भे़ल्ले़ मना के़से़प्पाल्ले़ खुम्दिङ् खोःसुॽरो,’ |
| 23453 | MAT 9:5 | ‘के़लायोहाॽ ले़प्मि पोःक्खे़’, मे़प्मा उसुरु चोःक्पि, इ ‘पोगे़ॽआङ् थासिङ्ङे़ॽ’ मे़प्मा उसुरु चोःक्पि? |
| 23475 | MAT 9:27 | ये़सुःन् खे़प्मोलाम् पेर पत्छे़ल्ले़ ने़प्फु मिक्फःम्बाहाॽरे़ खुने़ॽ कुएगाङ् कुएगाङ् तिम्दे़त्छुर अक्खेलॽरिक् अःक्ते़त्छि, “दाउदरे़ कुस्साःए, आन्छिगे़ लुङ्माॽ आदुक्ते़ॽओ॥” |
| 23487 | MAT 10:1 | हे़क्क्याङ् ये़सुरे़ थिक्-ने़त् (१२) कुहुॽसाम्बाहाॽ उःत्तुसिआङ् फे़न्साम्हाॽ नाःप्मा लःप्मा नु के़रे़क् परिक्ले़न् के़दुक्पा के़यॽबाहाॽ वेःम्मा युक् पिरुसिरो॥ |
| 23549 | MAT 11:21 | “खोराजिन नु बे़थसेदा पाङ्जुम्मोबा मनासे, चिःत्ते़आङ्लक् स्ये़रो! खिनिॽ पाङ्जुम्मो पोःक्खे़बा निङ्वाॽ के़माबा याःम्बक्हाॽ थिम्मे़न्दङ् सुवाङ्हाॽरे़ खुनिॽ ये़क्यक् तायर नु सिदोन्नो पोःक्खे़आङ् वये़ल्ले़ग उन्छोःन्छा खे़प्मोबा मनाहाॽ लायोलाम् मे़हिन्दे़बारो फाॽआङ् सगितेःत् मे़जाक्सिङ्ङाङ् खाप्पु मे़जुःत्छिङ्बामे़न्॥ |
| 23558 | MAT 11:30 | थेआङ्भे़ल्ले़ इङ्गाॽ आजिघे़ःप्पिन् उसुरुबा नु कुःमा पाङ्निङ्बा आगक्किन् याङ्याङ्बा चोःक्लो॥” |
| 23561 | MAT 12:3 | ये़सुरे़ खे़ङ्हाॽ नोगप् पिरुसि, “मे़ःम्बे़! दाउद हाङ्ङिन् नु कुमनाहाॽरे़ खुनिॽ से़त्लाःक्ते़ल्ले़ मे़जोगुबा पाःन्निन् साम्योसाप्लाओ मे़न्निःत्ते के़वयिॽबि? |
| 23562 | MAT 12:4 | दाउद हाङ्ङिन् निङ्वाॽफु साःङ्गाहिम्मो लाःसे़आङ् खुने़ॽ नु कुन्जुम्हाॽरे़ निङ्वाॽफुमाङ्ङिन् तोःम्मनाबा सेसे खरे़ःङ्ङिन् मे़जरो॥ खे़ङ्ग साम्योथिम् कुइसिःक् निङ्वाॽफुसाम्बाहाॽरे़रक् चामा के़नुॽबा वये़, कर वेॽहाॽरे़ चामा मे़न्नुॽमनाबा वये़रो॥ |
| 23569 | MAT 12:11 | ये़सुरे़ खे़ङ्हाॽ नोगप् पिरुसि, “खिनिॽ मे़ल्लुक्किन् नाःम्सिङ्ये़न्नो केःम्बा लुम्बाःत्तो मक्थाःल्ले़ के़न्उःक्खुम् के़न्लःत्तुम्मिन्बि? |
| 23581 | MAT 12:23 | के़रे़क् मनाहाॽरे़ खुनिॽ निङ्वाॽ मये़र मे़बाःत्तु, “कङ्ग के़दाःबार के़बप्पा दाउद हाङ्ङिल्ले़ कुस्साः से़न्लप् के़बिबा हाङ्ङिन् मे़ःम्बि?” |
| 23656 | MAT 13:48 | हे़क्क्याङ् खे़न् योःङ्ङो कुले़म् ङाहाॽ मे़धाआङ् योःङ् के़ले़प्पाहाॽरे़ लाःक्कात् मे़उःक्खु मे़लःत्तु, हे़क्क्याङ् मे़युङ्सिङ्ङाङ् नुःबा ङाहाॽ ङा याङ्माओ मे़याक्तुसि, कर ताप्फे़ःम्बा ङाहाॽ याम्मो च्वाःत्तो लाप्मे़भुसुसिरो॥ |
| 23669 | MAT 14:3 | आल्ल उन्छोःन्छा हे़रोदरे़ आबाङे कुन्साॽ फिलिपरे़ कुमेःत् हे़रोदियासे़न्मेःत्कत्तुआङ् वये़॥ हे़क्केःल्ले़ युहुन्नारे़ खुने़ॽ ए़त्ले़ङ् “खे़न् आबाङे के़न्साॽरे़ कुमेःत्तिन् खे़ने़ॽ मेःत् कप्मा मे़नुॽने़न्” मे़त्तुआङ् वये़रो॥ खे़ल्ले़ चोगुल्ले़ हे़रोदरे़ युहुन्नाःन् पुङ्लाहिम्मो साक्तुआङ्वये़॥ |
| 23712 | MAT 15:10 | ये़सुरे़ मनाहाॽ उःत्तुसिआङ् मे़त्तुसि, “आबाःन्निन् खे़प्से़म्मे़ॽआङ् कुसिङ्निःत्ते़म्मे़ॽओ॥ |
| 23724 | MAT 15:22 | खे़प्मोबा कनानि सुवाङ्स्मा मे़न्छुमाॽधिक् खुने़ॽओ त्ये़आङ् अक्खे मे़त्तुर पेलि फाक्तु, “दाउदरे़ कुस्साः आदाङ्बे, लुङ्माॽ तुक्ताङ्ङे़ॽओ! आस्साः चुक्मे़न् फे़न्साम्मिल्ले़ याङ्घुआङ् साॽरिक् तुक्खे चाःत्तुॽरो॥” |
| 23734 | MAT 15:32 | ये़सुरे़ कुहुॽसाम्बाहाॽ उःत्तुसिआङ् मे़त्तुसि, “इङ्गाॽ कन् मनाहाॽ आलुङ्माॽ मे़दुक्लो, थेआङ्भे़ल्ले़ खे़ङ्हाॽग सुम्ये़न्नाङ्धो इङ्गाॽनुए मे़वाॽ, हे़क्क्याङ् खे़ङ्हाॽरे़ चामा थुङ्मा थेआङ् मे़ङ्गत्तुन्लो॥ खे़ङ्हाॽ बा हे़क्के साक्मे़न्जा पाङ्मासि आनिङ्वाॽ होःप्लो, मे़ःन्ने़ फाॽग्र मे़बेःक्ल मे़बत्तिल्ले़सा साक्लाम्बत्तुसिरो॥” |
| 23798 | MAT 18:2 | ये़सुरे़ खे़प्मो हिन्जाॽधिक् उःत्तुआङ् खुनिॽ लुम्मो ये़प्सुर |
| 23828 | MAT 18:32 | हाङ्ङिल्ले़आङ् खे़न् तगिस्मा सेवारोबान् उःत्तुआङ् मे़त्तु, ‘खे़ने़ॽग ताक्के़भे़ॽबा सेवारोबाने़रो! खे़ने़ॽ पेलि के़भाक्ताङ्बाल्ले़ के़रे़क् के़सिङ्नाःत्तिन् ले़प्मि पिने़आङ् वयाङ्लो॥ |
| 23855 | MAT 19:24 | याम्मोआङ् खिनिॽ मे़त्निङ्, याङ्साकुन्धेसाबे़न् निङ्वाॽफुहाङ्जुम्मो लाःप्मानुःल्ले़ उमेःन् सम्मेःत्तिल्ले़ कुहङ्ङो लाःप्मा उसुरु पोःङ्लो॥” |
| 23869 | MAT 20:8 | हे़क्क्याङ् युःन्छिक् पोःक्खे़ल्ले़ खे़न् चे़ल्ले़क्सेॽ इक्दाङ्बाल्ले़ खे़न् याःलिक् के़भम्बान् उःत्तुआङ् मे़त्तु, ‘के़रे़क्याःलिक्हाॽ उःत्ते़से़ॽआङ् के़रे़क्नुःल्ले़ एगाङ् याःम्बक्को के़भन्छिङ्बाहाॽओलाम् के़रे़क्नुःल्ले़ तगि याःम्बक्को के़भन्छिङ्बाहाॽरे़ खुनिॽ नाम्याक्किन् हाःत्ते़से़ॽओ॥’ |
| 23870 | MAT 20:9 | हे़क्क्याङ् खे़न् याःलिक् के़भम्बाल्ले़ कुमुक् ङासि मुक्ते़ल्ले़ याःम्बक्को के़भन्छिङ्बा याःलिक्हाॽ उःत्तुसिआङ् युप्पायाङ् थिक् थिक् के़रे़क् नाम्याक् पिरुसिरो॥ |
| 23886 | MAT 20:25 | कर ये़सुरे़ खे़ङ्हाॽ उःत्तुसिआङ् मे़त्तुसि, “थिम्मे़न्दङ् सुवाङ्हाॽरे़ खुनिॽ हाङ्हाॽरे़ग मनाहाॽ खुनिॽ निङ्वाॽ पाःप्पाःत्मे़मे़त्तुसिॽ, हे़क्क्याङ् सुहाङ्युक्पाहाॽरे़आङ् खुनिॽ फोःसाङ्बाहाॽ साक्के़ले़क्काङ्युक् मे़जोगुसिबाग खिनिॽ के़निःसुम्माङ् के़वयिॽरो॥ |
| 23891 | MAT 20:30 | खे़प्मो मे़बेर मे़बत्छे़बा लाम्मो ने़प्फु मिक्फःम्बाहाॽ युङे़त्छि॥ खे़ङ्हाॽरे़ ये़सुःन् खे़प्मोलाम् पेःक्ल पत् के़लॽबा निङ्वाॽ खोःसे़त्छुआङ् अःक्ते़त्छि, “दाङ्बे, दाउदरे़ कुस्साःए, आन्छिगे़ लुङ्माॽ आदुक्ते़ॽओ!” |
| 23892 | MAT 20:31 | खे़न् मनाहाॽरे़ खे़ङ्हाॽ मे़भे़ःक्तुसिर स्वाःत् युङ्मा मे़बाङ्घुसि, कर खे़ङ्हाॽ आल्लसाङ् साॽरिक् अःक्ते़त्छिरो, “दाङ्बे, दाउदरे़ कुस्साःए, आन्छिगे़ लुङ्माॽ आदुक्ते़ॽओ!” |
| 23904 | MAT 21:9 | खुने़ॽ कुदगि नु कुएगाङ् के़बप्पा यरिक् मनाहाॽरे़ मे़अःक्ते़र अक्खे मे़बाःत्तु, “दाउदरे़ कुस्साःल्ले़ कुनारा पोःररो! यहवे दाङ्बाल्ले़ कुमिङ्ङो के़दाःबान् मुॽइसाबा पोःङ्लरो! साङ्ग्राम्पेदाङ्ङो निङ्वाॽफुमाङ्ङिल्ले़ कुनारा पोःररो!” |
| 23910 | MAT 21:15 | कर तुम्निङ्वाॽफुसाम्बाहाॽ नु साम्योथिम्साम्बाहाॽरे़ खुने़ॽ चोगुबा निङ्वाॽ के़माबा याःम्बक्हाॽ मे़निःसु हे़क्क्याङ् हिन्जाॽबित्छाहाॽरे़आङ् माङ्हिम्मो दाउदरे़ कुस्साःल्ले़ कुनारा पोःर लॽरिक् मे़अःक्ते़बा मे़घे़प्सुल्ले़ खे़ङ्हाॽरे़ खुनिॽ सिक् पोगे़रो॥ |
| 23944 | MAT 22:3 | मेःक्खिम् साभाङ्जारे़न् चामुक् थिमुक्किन् यारिप् पोःक्खे़आङ् खे़न् हाङ्ङिल्ले़ उःत्छिङ् के़घोःबाहाॽ साभाङ्जाओ ताःप्मासि कुसेवारोबाहाॽ पाङ्घुसि, कर खे़ङ्हाॽ ताःमा मे़न्दे़न्दे़न्लो॥ |
| 23945 | MAT 22:4 | हे़क्केःल्ले़ खे़न् हाङ्ङिल्ले़ कुभा कुसेवारोबाहाॽ अक्खे मे़त्तुसिर पाङ्घुसि, ‘खे़न् उःत्छिङ् के़घोःबाहाॽ अक्खे मे़त्ते़म्सिम्मे़ॽ, इङ्गाॽ मेःक्खिम् साभाङ्जाःन्यारिप् चोगुङ्ङाङ् वाॽआ॥ लुप्मनाबा थक्साहाॽ से़रुङ्सिङ्ङाङ् के़रे़क् चामा थुङ्मान् यारिप् पोःक्खे़आङ् वाॽ, मेःक्खिम् साभाङ्जाओ त्ये़म्मे़ॽओ॥’ |
| 23949 | MAT 22:8 | हे़क्क्याङ् हाङ्ङिल्ले़ कुसेवारोबाहाॽ मे़त्तुसि, ‘मेःक्खिम् साभाङ्जाःन्यारिप् पोःक्खे़आङ् वाॽ, कर खे़प्मो उःत्छिङ् के़घोःबाहाॽ ताःमा सुम्बोधाबा मे़न्जोःक्ने़न्लो॥ |
| 23950 | MAT 22:9 | हे़क्केःल्ले़ ये़क्यक्कोबा लाम् लाम्मो पेगे़म्मे़ॽआङ् के़दुमुम्सिम्बा के़रे़क् मनाहाॽ उःत्ते़म्तारे़म्सिम्मे़ॽओ॥’ |
| 23951 | MAT 22:10 | खे़ल्ले़ चोगुल्ले़ सेवारोबाहाॽ ये़क्यक्को मे़बेआङ् लाम् लाम्मो मे़दुमुसिबा के़रे़क् नुःबा नु ताप्फे़ःम्बा मनाहाॽ मेःक्खिम् साभाङ्जाओ मे़उःत्तु मे़दारुसिआङ् खे़प्मोबा युक्नाहाॽ मे़धिम्सुरो॥ |
| 23955 | MAT 22:14 | थेआङ्भे़ल्ले़ उःत्छिङ्मा के़घोःबाहाॽ यरिक् मे़वाॽ, कर सेःक्सिङ्मा के़घोःबाहाॽ कुभारक् मे़वाॽरो॥” |
| 23983 | MAT 22:42 | “निङ्वाॽफुमाङ्ङिल्ले़ सेःन्दुबा ख्रिस्तरे़ कुयाःम्बेओ खिनिॽ थे के़इःत्तुम्बे? खुने़ॽ हाःत्ले़ कुस्साः फाॽआङ् खिनिॽ निङ्वाॽ के़इःत्तुम्बे?” खे़ङ्हाॽरे़ नोगप् मे़बिरु, “खुने़ॽग दाउद हाङ्ङिल्ले़ कुस्साःरो॥” |
| 23984 | MAT 22:43 | ये़सुरे़ खे़ङ्हाॽ याम्मो सेःन्दोसुसि, “हे़क्केने़ फाॽग्र सेसेमाङ्लाम् दाउदरे़ आक्खेलॽरिक् आदाङ्बे फाॽआङ्मे़त्तुबाबे? थेआङ्भे़ल्ले़ दाउद हाङ्ङिल्ले़ निङ्वाॽफुसाम्लो सुम्मो पाःत्तु, |
| 23986 | MAT 22:45 | दाउद हाङ्ङिल्ले़ए खुने़ॽ आदाङ्बे लॽरिक् मे़त्तुने़ फाॽग्र आक्खेलॽरिक् ख्रिस्ते़न्दाउदरे़ कुस्साः पोःङ्बाबे?” |
| 24011 | MAT 23:24 | खिनिॽ मिक्फःम्बा लाम्लोःबासे, खिनिॽ सिक्चाहाॽ के़साःक्तुम् के़लःत्तुम्सिम्, कर उमेःन् के़लरुम्लो॥ |
| 24091 | MAT 25:14 | ये़सुरे़ याम्मो मे़त्तुसि, “साङ्ग्राम्पेदाङ्बा हाङ्जुम्मिङ्ग अक्तङ्बा चोःक्–माःङ्घा लाम्दिःक्को के़बेःक्पार के़बप्पा मनाधिक् वये़॥ खे़ल्ले़ कुसेवारोबाहाॽ उःत्तुसिआङ् कुयाङ्ङिन् फोःमा फाॽआङ् पिरुसिरो॥ |
| 24198 | MAT 26:75 | हे़क्केःल्ले़ पत्रुसरे़ खिमो ये़सुरे़ इङ्वा काःमानुःल्ले़ तगि खे़ने़ॽ सुम्ले़ङ् के़नाॽआ लॽरिक् पाःत्तुबा पाःन्निन् कुनिङ्वाॽ सुम् लॽरे़॥ हे़क्क्याङ् पत्रुसे़न् लक्खुम्मोनु लःन्दे़ पेआङ् उःक्काङ्-उःक् हाबे़रो॥ |
| 24245 | MAT 27:47 | खे़प्मो के़ये़प्पा कुभारे़ खे़न् मे़घे़प्सुआङ् अक्खे मे़बाःत्तु, “खे़ल्ले़ माङ्निङ्वाॽपाःन् के़बाःप्पा एलियाःन् उःत्तुर पत्लो॥” |
| 24250 | MAT 27:52 | इप्पुङ्हाॽ मे़हरे़आङ् उन्छेःन् के़सिःबाआङ् के़वाॽबा यरिक् निङ्वाॽफुमाङ्ङिल्ले़ कुमनाहाॽ ने़त्तिगे़न् हिङ्मन्नो कुहिङ्वे़त् मे़बोःक्खे़आङ् मे़बोगे़रो॥ |
| 24290 | MRK 1:6 | आल्ल युहुन्नाःङ्ग उमे़ःल्ले़ कुमुरिक्लाम् थाक्मनाबा तेःत् के़जाङ्बा नु से़होबा फॽइ के़युम्बा चोगे़॥ हे़क्क्याङ् खुने़ॽग निःङ्घुःक्वा नु ताम्भुङ् सक्वाघु के़जाबा वये़रो॥ |
| 24304 | MRK 1:20 | खुने़ॽ खे़ङ्हाॽआङ् उःत्तुसिआङ् खिमो खुन्छिॽ पाः जब्दि हे़क्क्याङ् मे़साङुसिबा याःलिक्हाॽ खःङ्बेओ पक्थे़त्छुआङ् ये़सुरे़ कुएगाङ् थाःने़त्छि॥ |
| 24338 | MRK 2:9 | कन् लङ्ले़ःङ्वाःन्‘के़लायोहाॽ ले़प्मि पोःक्खे़’ मे़प्मा उसुरु चोःक्पि? इ ‘पोगे़ॽआङ् के़ने़त्नाःन् खप्से़ॽआङ् थासिङ्ङे़ॽ’ मे़प्मा उसुरु चोःक्पि? |
| 24344 | MRK 2:15 | याङ्सि ले़बिःल्ले़ कुहिम्मो ये़सुःन्नु कुहुॽसाम्बाहाॽ चाजासे़ उःत्तुसि, यरिक् एःङ्याङ् के़भोःङ्बाहाॽ नु वेॽस्मा लायोबाहाॽ ये़सुःन्नु सोरिक् चामे़जर मे़युङे़ (थेआङ्भे़ल्ले़ खे़न् हे़क्तङ्बा यरिक् मनाहाॽरे़ ये़सुःन् मे़दिम्दुर मे़वये़)॥ |
| 24354 | MRK 2:25 | ये़सुरे़ खे़ङ्हाॽ नोगप् पिरुसि, “साम्योसाप्लाःन् खिनिॽ मे़न्निःत्ते के़वयिॽबि? दाउद हाङ्ङिन् नु कुमनाहाॽरे़ खुनिॽ से़त्लाःक्ते़ल्ले़ |
| 24355 | MRK 2:26 | दाउदे़न् निङ्वाॽफु साःङ्गाहिम्मो लाःसे़आङ् निङ्वाॽफुमाङ्ङो तोःम्मनाबा सेसे खरे़ःङ्ङिन् चआङ् याम्मो कुमनाहाॽआङ् पिरुसि (खे़न् ये़म्मो अबियाथारे़न् मानिङ्वाॽफुसाम्बा वये़)॥ खे़ङ्ग आनिॽ साम्योथिम् कुइसिःक् निङ्वाॽफुसाम्बाहाॽरे़रक् चामा के़नुॽबा वये़रो॥” |
| 24370 | MRK 3:13 | हे़क्क्याङ् ये़सुःन् कोःक्माओ पेर पत्छे़ल्ले़ कुनिङ्वाॽबाल्ले़ चसिबा कुहुॽसाम्बाहाॽ उःत्तुसिआङ् खे़ङ्हाॽआङ् खुने़ॽनुए मे़बेरो॥ |
| 24378 | MRK 3:21 | कुभा मनाहाॽ अक्खे मे़मे़त्छिङ्, “मे़ःम्बे़, आइन् खुने़ॽग नाक्खे़बे बि थेनिबे?” हे़क्केःल्ले़ कुहिम्सयङ्रे़ खे़न् मे़घे़प्सुआङ् खुने़ॽ खे़प्मोलाम् उःप्मा तेॽमा फाॽआङ् मे़द्ये़रो॥ |
| 24380 | MRK 3:23 | हे़क्केःल्ले़ ये़सुरे़ खे़ङ्हाॽ उःत्तुसिआङ् खे़दाॽओ मे़त्तुसि, “आक्खेलॽरिक् माफे़न्साम्मिन् आबाङे नाःत्छिङ्बे? |
| 24388 | MRK 3:31 | याङ्सि ये़सुरे़ कुम्मा नु कुन्साॽसि खुने़ॽ वये़बा हिम्मो मे़द्ये़आङ् लाःक्कात् कुउःत्छे़ मनाहाॽ मे़बाङ्घुसिरो॥ |
| 24483 | MRK 6:7 | थिक्-ने़त् (१२) कुहुॽसाम्बाहाॽ उःत्तुसिआङ् फे़न्साम्हाॽ नाःप्मा लःप्मा युक् पिरुसि॥ हे़क्क्याङ् सुनाइङ् इङ्भन् से़ःसे़ ने़त्ने़त्छि पाङ्घुसि॥ |
| 24491 | MRK 6:15 | कर वेॽहाॽरे़ मे़बाःत्तु, “कङ्ग माङ्निङ्वाॽपाःन् के़बाःप्पा एलियाःन्लो॥” वेॽहाॽरे़ मे़बाःत्तु, “उन्छोःन्बा माङ्निङ्वाॽपाःन् के़बाःप्पाहाॽओ खुने़ॽआङ् थिक्लो॥” |
| 24497 | MRK 6:21 | आल्ल यम्बा सुये़म् त्ये़॥ हे़रोद हाङ्ङिल्ले़ कुसावाःन्छिङ्मा ससःत्सराङ्ङो गालिल थुम्मोबा पयम्यम्बा सुहाङ्युक्पाहाॽ, तिलिङ्गाहाॽरे़ खुनिॽ थक्तुम्बाहाॽ नु मिङ्सोदाङ्बा तुम्म्याहाङ्हाॽ तरे उःत्तुसिआङ् वये़॥ |
| 24546 | MRK 7:14 | ये़सुरे़ मनाहाॽ याम्मो उःत्तुसिआङ् मे़त्तुसि, “खिनिॽ के़रे़क्ले़ इङ्गाॽ आबाःन्निन् खे़प्से़म्मे़ॽआङ् कुसिङ् निःत्ते़म्मे़ॽओ॥ |
| 24570 | MRK 8:1 | खे़न् ये़म्मो यरिक् मनाहाॽ याम्मो ये़सुःन् वये़बा ते़न्नो मे़जुप्से़॥ हे़क्क्याङ् खे़ङ्हाॽनु चामा थुङ्मा थेआङ् होःप्ते़॥ खुने़ॽ कुहुॽसाम्बाहाॽ उःत्तुसिआङ् मे़त्तुसि, |
| 24603 | MRK 8:34 | हे़क्क्याङ् ये़सुरे़ यरिक् मनाहाॽ नु कुहुॽसाम्बाहाॽ उःत्तुसिआङ् अक्खे मे़त्तुसि, “आत्तिल्ले़ इङ्गाॽ तिम्मा निङ्वाॽ चोगुॽ, हाराॽ खे़ल्ले़ इङ्गाॽरक् चाङ्थुङ्ङुङ् के़लॽबा कुनिङ्वाॽइन्से़रुआङ् सिलाम्साक्मा कुसिङ्ङिन् पक्खुआङ् इङ्गाॽ तिम्माररो॥ |
| 24642 | MRK 9:35 | ये़सुःन् युङ्सिङ्ङाङ् थिक्-ने़त् (१२) कुहुॽसाम्बाहाॽ उःत्तुसिआङ् मे़त्तुसि, “हाःत्ले़ तगि पोःङ्मा निङ्वाॽ चोगुॽ, खे़न् के़रे़क्नुःल्ले़ एगाङ् पोःङ्माआङ् के़रे़क्ले़ खुनिॽ सेवारोबा पोःङ्मा पोःङ्लो॥” |
| 24682 | MRK 10:25 | याङ्साकुन्धेसाबे़न् निङ्वाॽफुहाङ्जुम्मो लाःप्मानुःल्ले़ उमेःन् सम्मेःत्तिल्ले़ कुहङ्ङो लाःप्मा उसुरु पोःङ्लो॥” |
| 24699 | MRK 10:42 | हे़क्केःल्ले़ ये़सुरे़ काक् उःत्तुसिआङ् मे़त्तुसि, “थिम्मे़न्दङ् सुवाङ्हाॽरे़ खुनिॽ हाङ्हाॽरे़ग मनाहाॽ पाःप्पाःत्मे़मे़त्तुसिबा हे़क्क्याङ् खुनिॽ सुहाङ्युक्पाहाॽरे़आङ् खुनिॽ फोःसाङ्बाहाॽ मे़युक्तुसिबाग खिनिॽ के़निःसुम्माङ् के़वयिॽरो॥ |
| 24704 | MRK 10:47 | नासरतबा ये़सुःन् पेःक्ल पत् के़लॽबा खे़ल्ले़ खे़प्सुआङ् अःक्मा हेःक्ते़, “दाउदरे़ कुस्साः ये़सुए, इङ्गाॽ लुङ्माॽ तुक्ताङ्ङे़ॽओ!” |
| 24705 | MRK 10:48 | यरिक् मनाहाॽरे़ खे़न् स्वाःत् युङे़ॽ फाॽआङ् मे़भे़ःक्तु॥ कर खे़न् आल्लसाङ् साॽरिक् अःक्ते़, “दाउदरे़ कुस्साःए, इङ्गाॽ लुङ्माॽ तुक्ताङ्ङे़ॽओ!” |
| 24706 | MRK 10:49 | ये़सुरे़ खे़न् अःक्ते़बा खे़प्सुल्ले़ ये़म्सिङ्ङाङ् खे़ङ्हाॽ मे़त्तुसि, “खे़न् कत्ना फे़त्ते़म्मे़ॽ॥” हे़क्क्याङ् खे़ङ्हाॽ मे़बेआङ् खे़न् मिक्फःम्बे़न् मे़मे़त्तु, “हौ, सःत्ते़ॽओ! सिक्साम्बे़ल्ले़ के़उःत्ते़आङ् वाॽरो॥ खे़ने़ॽ पोगे़ॽ!” |
| 24719 | MRK 11:10 | आनिॽ थाःक्थे़बा दाउद हाङ्ङिल्ले़न् के़दाःबा हाङ्जुम्मिन् मुॽइसाम्मिल्ले़ कुधिम् पोःङ्लरो! साङ्ग्राम्पेदाङ्ङो निङ्वाॽफुमाङ्ङिल्ले़ कुनारा पोःररो!” |
| 24743 | MRK 12:1 | ये़सुःन् खे़ङ्हाॽनु खे़दाॽओ अक्खेलॽरिक् पारे़, “उन्छेःन् मनाधिक्ले़ लत्छा इक्को चे़ल्ले़क्सेॽ लेःत्तुआङ् कुघिरि लुङ्धाक् से़त्तुआङ् फाङु, हे़क्क्याङ् कुलुम्मो लुम्बाःत् तयुआङ् खे़प्मो चे़ल्ले़क्सेॽ एःम्मा ते़न्धिक्चोगु॥ इक् कोमा याक्साधिक्काङ् चोगु, हे़क्क्याङ् खे़न् चे़ल्ले़क्सेॽ इक्किन् कुभ्रे़ःङ् लक् खोःमारे़ लागि इक्मसाबाहाॽ पिरुसिआङ् खुने़ॽ लाम्दिःक् चोःक्से़ पेरो॥ |
| 24777 | MRK 12:35 | ये़सुरे़ माङ्हिम् लक्खुम्मो हुॽरुसिर वये़ल्ले़ खे़ङ्हाॽ सेःन्दोसुसि, “आक्खेलॽरिक् साम्योथिम्साम्बाहाॽरे़ निङ्वाॽफुमाङ्ङिल्ले़ सेःन्दुबा ख्रिस्ते़न्दाउद हाङ्ङिल्ले़ कुस्साःरो फाॽआङ् मे़बाःत्तुबाबे? |
| 24778 | MRK 12:36 | दाउद हाङ्ङिल्ले़ सेसेमाङ्लाम् अक्खे पाःत्तुआङ् वाॽ, ‘यहवे दाङ्बाल्ले़ इङ्गाॽ आन्दाङ्बान् अक्खे मे़त्तु, के़निङ्मिहाॽ के़युक्को इङ्गाॽ मे़न्दाःत्छिङ्ङे थारिक् आजुप्साङ् ले़प्माङ् खे़ने़ॽ युङे़ॽओ॥’ |
| 24779 | MRK 12:37 | दाउद हाङ्ङिल्ले़ए खुने़ॽ आदाङ्बे मे़त्तुल्ले़ आक्खेलॽरिक् ख्रिस्ते़न्दाउदरे़ कुस्साः पोःङ्बाबे?” यरिक् मनाहाॽरे़ खुने़ॽ कुनिसाम्मिन् खुनिॽ सिराॽ थाङे़र मे़घे़प्सुरो॥ |
| 24785 | MRK 12:43 | ये़सुरे़ कुहुॽसाम्बाहाॽ उःत्तुसिआङ् मे़त्तुसि, “इङ्गाॽ से़क्खाए मे़त्निङ्, आइन् कन् याङ्गे़साॽमा मेमेदुमाल्ले़ वेॽहाॽनुःल्ले़ यरिक् हुक्सोयाङ् याक्तुआङ् वाॽरो॥ |
| 24930 | MRK 15:35 | खे़प्मो के़ये़प्पा कुभारे़ खे़न् मे़घे़प्सुआङ् अक्खे मे़बाःत्तु, “खे़ल्ले़ माङ्निङ्वाॽपाःन् के़बाःप्पा एलियाःन् उःत्तुर पत्लो॥” |
| 24939 | MRK 15:44 | पिलातसरे़ ये़सुःन् आन्दे़ःन्छा स्ये़बा खे़प्सुआङ् कुनिङ्वाॽ मये़॥ हे़क्क्याङ् खे़ल्ले़ खे़न् थक्तुम्बान् उःत्तुआङ् ये़सुःन् आन्दे़ःन्छा स्ये़बाबि मे़ःम्बि फाॽआङ् सेःन्दोसु॥ |
| 24988 | LUK 1:26 | हे़क्क्याङ् इलिसिबाःन् मे़न्छुक्मा पोःक्खे़बा ला तुक्सि के़रे़ल्ले़ निङ्वाॽफुमाङ्ङिल्ले़ कुमाङ्लाइङ्बा गाब्रिएले़न् गालिल थुम्मोबा नासरत पाङ्जुम्मो पाङ्घुरो॥ खे़न् मरियम मे़प्मनामा सिसादिङ् मे़न्छुमाओ पे॥ खे़न् सिसादिङ् मे़न्छुमाॽइल्ले़ कुमेःक्खिम् पाःन्निन् दाउदरे़ कुधाःक् युसुफ मे़प्मनाबा मनाःन्नु पुॽरे़आङ् वये़रो॥ |
| 24994 | LUK 1:32 | खुने़ॽ पयम् यम्बा पोःङ्ङाङ् के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुस्साः फाॽआङ् मे़मे़त्तुॽरो॥ दाङ्बा निङ्वाॽफुमाङ्ङिल्ले़ खुने़ॽ कुधाःक्थे़बा दाउदरे़ हाङ् चोगुबा हे़क्के हाङ् चोगुॽरो॥ |
| 25031 | LUK 1:69 | खुने़ॽ कुसेवारोबा दाउदरे़ कुहिम्सयङ्लाम् याप्मि से़न्लप् के़बिबा मुक्के़गुबा से़न्लप्दाङ्बाधिक् फोःक्खुरो॥ |
| 25046 | LUK 2:4 | हे़क्केःल्ले़ युसुफे़न्नाङ् गालिल थुम्मोबा नासरत पाङ्भेॽओलाम् यहुदियास्मा दाउदरे़ कुबाङ्जुम् बे़थलेहे़म्मो मिङ् साप्से़ थासिङ्, थेआङ्भे़ल्ले़ खुने़ॽ दाउद हाङ्ङिल्ले़ कुमुॽइदाङ्सा वये़॥ खुने़ॽ कुमेःक्खिम् पाःन् के़बुॽमाआङ् के़वाॽमा मरियम्मिन्नु पे॥ खे़न् ये़म्मो खुने़ॽ मे़न्छुक्मा वये़रो॥ |